|
|
 Re: لكن ما بالغت يا الحبيب الإمام !!! (Re: Raja)
|
..
.
الاخ المعز
| Quote: أولا ألف مبروك للشاب الهادئ المهذب "محمد أحمد" وعروسته.. وربي يديم عليهم اليمن والهنا |
شكر على التهنئة والمرور ..
العزيزة رجاء؛
| Quote: وقفت وزملائي نشاهد أكبر إستقبال رأيته في حياتي |
معقولة يكون اكبر من استقبال جون قرنق !!
| Quote: يا عادل في ناس جوهو من أماكن خارج نيالا وقعدو ينتظروه بالأيام |
ناس فاضية لا شغل لا مشغلة
| Quote: وبالنسبة ليهم الصادق المهدي ليس بشرا من الطين.. بل جبلا من الماس |
مش جبل ماس دا فى نظرهم آله عديل وابن الله
رجاء يا اختى
دا السواد الاعظم من البسطاء من اهلنا الغرابه ..
ما زلو يحلفون بالمهدى وخليفته ..
ناس يعيشون فى جهل ولا زالون يقبلون يد الامام ويتمسحون بعربيته
ويحملون تراب اثار اقدامهم ..
قوم لم يجنوا من الامام ولا فترة حكمه مدرسة ابتدائية او مركز صحي
يعيشون بمعتقدات باليه واوهام زايله ..
وهذا ليس بمقياس لعظمة الرجل ..
منذ فترة اعلن المكت السياسي للحزب عن مظاهره ضد ..الاسعار
هل رايت عدد الذين واللائب ن خرجوا ودعموا المظاهرة !!
لا يعدون فى الاصابع ليس خوفا من الامن او السجن صدقينى
ولكن لنسبة ارتفاع درجة الوعى للمواطن فى الخرطوم
اها الجو راكبين ومنتظرين بالايام بتفتكرىدا زول عندو شغل ولا موضوع
امام شنو بنتظرو بالايام
تحياتى؛
| |
 
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
!!!!!!!!!
| Quote: الكبير كبير حتى لو صغروا صورتو |
ما قلنا حاجة يا عبد المنعم ..
بس الصورة كبيرة زيادة عن اللزوم وانا نوهت محمد عادل في كم بوست للموضوع دا ..
| Quote: الكبير كبير حتى لو صغروا صورتو |
هسي البيهمنا هنا تصغير صورتو عشان خاطر منظر البوست ..
ولا شنو ؟!!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
يا شباب -وشياب-
ما قولكم فيمن حضر الحفل وعاد منه بمقال يمدح فيه خطبة الإمام
-شكلا وموضوعا- مدللا عليها من التأريخ الإسلامـي، ثم يتطرق فيه
-المقال- بإعجاب لما ارتداه العروسان وللمظهر الفلكلوري لما
جلسا عليه تأكيدا على أن [السيد الصادق المهدي و أسرته يمثلون
الأسرة السودانية الأصيلة]؟
هل كانت [العجاجة] بتقوم؟!
إجابة هذا السؤال التي لا أراها إلا ب[ لا ] تدحض -لحد كبير- نظرية
[خصوصية المحفل]، هذا فضلا عن أن السيد الصادق المهدي رجل يقتدي
الكثيرين به، وعندما يقدم على أمر فهو -أغلب الظن- يقصد به إيصال
رسالة بعينها لعلمه المسبق بشيوع فعله هذا!
امتعض تبلدينا من [فكرة] الخطبة ولو عرضت هنا لاعترض البعض على
[مضمونها] وفي الحالتين لا خلاف على حق السيد الصادق المهدي في فعل
ما يراه متسقا مع منهجه طالما كان هو صاحب المحفل.
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Ahmed Alrayah)
|
Quote: امتعض تبلدينا من [فكرة] الخطبة ولو عرضت هنا لاعترض البعض على
[مضمونها] وفي الحالتين لا خلاف على حق السيد الصادق المهدي في فعل
ما يراه متسقا مع منهجه طالما كان هو صاحب المحفل.
|
اها ده انت يا ود الريح البيقولوا عليك كوز وظللت تقف مع الكيزان فى الكبيرة والصفيرة
هنا فى المنبر ,وشهدت بان للرجل الحق فى ان يفعل ما يريد طيب البقنع للبيخلق من الحبة قبة
ده منو وانو البقلة ما فى الابريق
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
ياخي الامام متواضع جدا طلع جوالو ذي حقي
الذي شنف شنافا شديدا من زوج صاحبتي
وقال بالله دا جوال دكتورة مغتربة؟
دي حاجة
| Quote: اها ده انت يا ود الريح البيقولوا عليك كوز |
يا منعم لو احمد دا كوز انا ابقى في الكونقرس الامريكي
الناس هنا بتوزع الديباجات ساكت..
خلى بالك من الحاجة دي
لانه ممكن تكتشف انه البقولينا كيزان
دا يعثتوا الحكومة دي,,
ياما فيك يا المنبر عجايب
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
عادل ....
Quote: يا زول والله ا اجمل ما في مساهمات عبد المنعم خير الله دا
هي صورتو .. |
بس ما ظاهر إتجاهو الشايتو منها ..
عندنا في دلالة العربات هنا عربات بيسموها (عربات مضهبة) ودي نوعية العربات البيكون ما معروف سعرها كم نسبة لأنها بتكون مرات جاية من برة نوع ما معروف أو بتكون قدييييييمة ومركونة فترة طويل وإسبيراتا غالية أو معدومة ، أها دي بيسموها عربات مضهبة يعني ما بتعرف تسعرا كيف !! ودا حسب رغبة الزبون .. يا يدفع فيها تلاتة مليون يا يدفع عشرة وما بتعرف الكسبان منو والخسران منو ..
أها انا هسي بعتبر صورة عبد المنعم دي صورة (مضهبة) ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
والله ده كلام يا ناذر اول مرة اعرف انو ناس دارفور قاعدين يتميزوا بالشكل
معلومة جديد لنج ,كان افضل ليك تقول حاجة تانية ,وعلى الرغم من كده انا ما
من دارفور وناس دارفور انا من كردفان منطقة كازقيل وده المنطة الى كانت فيها
موقعة شيكان يا ناذر , ولى معلوميتك ناس دارفور فى الانتخابات الاخيرة كانت
38 دائرة من الدائر الانتخابية لى حزب الامة عشان كده ما غريبة انهم يكونوا انصار
وخليك من التصنيف العنصرى الغريب ده ,حاول تعتمد على المنطق والموضوعية وليست على الشكل
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
اها الواحد يرد ليكم يا ناذر ويا عادل من وين ولا من
اولا يا عادل عبدالعاطى
شكرا يا معجب بالصورة (وعقبال الجكس)
يا ناذر
بتمنى انك توصف لى شكل الانصارى وكيف هو بفرق من بتاع حركات دارفور
وكويس جدا انت ضهبت معناها انا خترى زى ما قالت اختنا بيان
لانك ما ضهبت من كلام ملاسى القاعدين يعترفوا ناس كتار ان كلامو بضهب
المرة الجاية تقيف مع الحبيب الانصارى عبدالمنعم عشان يرفع ليك اسعار بوستاتك
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
عبد المنعم ..
| Quote: والله ده كلام يا ناذر اول مرة اعرف انو ناس دارفور قاعدين يتميزوا بالشكل |
ما في زول جاب سيرة ناس دارفور هنا ..
لأنو في أكترية من ناس دارفور هم أنصار وأقرا مداخلة رجا العباسي فوق ليك ..
الحاجة التانية ..
انا بعرف كتير جدا من غير الدارفوريين في الجبهات الأنا ذكرتها دي ..
ويا بخت كردفان بيك ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
انت عارف يا ناذر
ناس الحركات المسلحة ديل دارفوريون بيور يا حبيب
يعنى مافى فرق بين ناس دارفور الفى الحركات من ناس دارفور الفى حزب الامة
وما تتحسس ولو كان فى تصريفة تانية لكلامك ما كان اتاخرت,لكن تصويرك كان واضح
ومالوا دارفور بلدنا وماقلنا حاجة تب لانوا عندى اهلى فى نيالا والجنينة وغيرها من المناطق
لكن يا ناذر بالغت فى دى
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
وانا ما شفت محمد عادل تتخيل , لكن برضوا بقبل انو
انصارى (واستاندرد) وما بقول فيها حاجة تب والله اكبر ولله الحمد,لكن بس داير اقول ليك
انو اختزالك للانصارى فى (وانا ما عارف انت قست قياساتك على شنو)وبس خلينى افترض افتراضات
وصححنى لو غلطان (عشان ما تبقى زى حكاية الدارفوريين)على اللبس او التقاطيع بتاعت الوجة واظنة
ده الشى الظاهر فى الصورة,ده مسالة مجافية للموضوعية وشتره كبيرة منك يا ناذر وانت كاتب وناقد
واالكتابة مسؤلية حاول تبقى دقيق وما تبقى زى ناس قريعتى راحت ,لانو الانصارية مبادئ وقيم ومثل
ومرتكزات فكرية يعنى مسالة كبيرة خلاص لايمكن اختزالها فى تصاوير (وماتزعل)فارغة من المحتوى والمضمون
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: اها ده انت يا ود الريح البيقولوا عليك كوز وظللت تقف مع
الكيزان فى الكبيرة والصغيرة هنا فى المنبر |
وإنت يا منعم ليه تسمع كلام الناس؟ لم لا تقرأ وحدك
فتقيم وحدك؟ ثم أين هو دفاعي عن الكيزان [فى الكبيرة
والصغيرة هنا فى المنبر] ولا برضو [بيقولو كده]؟! أخشى
أن تكون ممن يظنون أن مخالفة فلان وفلانة تعني الكوزنة
وخيانة الوطن!
نعم للصادق المهدي الحق فيما يريد طالما كان هذا محفله
لكن هذا لا يمنع تبلدينا وغيره من إبداء الدهشة من هذا
المنحى [غير المألوف]! لم تهتم يا سيدي مما كتبت إلا بما
يعجبك وتركت الباقي الذي ربما أضعف حجتك!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
مثلا عضو المنبر تاج شلف :
أها زي دا لو جامش الصادق المهدي .. لو جا الإمام المهدي الكبير زاتو وقال لي الزول دا تبعنا حا اقول ليهو كذاب !!
سمعت بي هندسة الجينات الوراثية بالنسبة لي أنساب وأصول التنظيمات الطائفية ولا ما سمعت بيها ؟!
لو قريت عنها أو قريتا كلامي حا يتضح ليك بي صورة أحسن من كدة ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
حقيقة يا ناذر انا مستمتع جدا بالجدل الناعم ده
لكن زى ما قلت يا ناذر
Quote: ما بالغت علا كان إنت فسرت كلامي غلط ..
اها نجى ل جنس الكلام المتل ده نعتبر كلام ناس الحركات المسلحة ده براه
وزى الماسمعناه
لكن ماسلة اختزالك للانصارية فى الشكل وترك المضمون والجوهر ده شترة
كبيرة ومبالغة لانو انا بهيا نفسى لقراءة عمودك كل يوم جمعة (الكاتب والناقد....وهلمجرا)
وزى ما قلت انا فوق الكتابة مسؤلية(والمسؤولية هنا ما زى مسؤلية العفش داخل البص على صاحبة)
وخليك دقيقة ونحن فى الفية جديدة نستشرف فها عصر العولمة(ثورة المعلومات والتكنلوجيا)يعنى الكتاب
والنقاد لازم يكون عندهم الاهلية الكافية التى تؤهلهم للمرحلة والاهلية ده فى العلمية والدقة فى ايراد
المعلومة وبعدين المعلومة ده حجر الزاوية فى العصر ده عشان كده ما دايريين يكون فى كتاب ونقاد فى الثريا
وانت يا خوى ناذر تحت الثرى
(عدل بواسطة عبدالمنعم خيرالله on 11-04-2007, 06:53 م)
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
..
.
Quote: شاييف صاحبنا تبلدينا فاق من الصدمات التى ادت الى غيبوبة
فى اللحظات الفاتت كدى النرجع ليهو نكربو شوية |
انت فاكرنا المنبر دا انحنا فاضيين ليهو كدا !!؟
ورانا مصالح الواحد بخلص وبجى يشوف درجة تتطور عقليتكم فى الفترة المضت !!
بعدين شنو النكربو دى!!
انت قايل نفسك فى زريبة بقر
ياخى انا ما تجيب لنفسك الكلام
انا والله ما برضى فى الكازقليووون ..
____________________
وتمضى الايام والنصائح وهم فى سبات عميق
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
| Quote: كنت حتى تلك اللحظة أظن مع السواد الأعظم أن وجود الصادق في دارفور قد إنتهى، وانها لم تعد (مقفولة) كما كانت.. ولكن ما رأيته، جعلني أعيد النظر.. |
شهادة غالية من إعلامية محترفة إذن الشهادة وزنها كبير جداً
شكراً رجاء
حسة يا تبلدينا البوست الحلو دة خلى ناذر و عبدالمنعم يمرقو منو على وشك الصحبة
ونمرة إتنين بيان اكتشفت إنو ما براها موبايلها شايلين حالو
نمرة تلاتة إنو ،،، بجيها بعدين دي..أما نمرة 4 إنو محمد عادل شكلو ستاندرد أنصار..إستاندرد أنصار كيفن يعني دي دايرة ليها شرح ضافي خاصة مع الصورة النزلها ناذر
محبة و تقدير و خفف شوية الإنفعال يا حبيب ...
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
فعلا ياناذر اتقابلنا فى الخرطوم
وسجلت ليك زيارة فى منزلكم العامر بنمرة 2
لكن ياحبيب انا فهمت قصدك من انصارى استاندر دا
وخاصة مع صورة طة سليمان
اقول ليك كلمة ياناذر
انصارى على السكين وحافظ راتب سيدى مهدى الله الكبير والصغير
بلبس العلى الله والجلابية ام جكو وبلف االعمة العزبة
وغير كدة بحب الجنسسه بلبس بنطالين وبلبس تشيرتات بودى
وبلبس جزمة تيمبرلاند
انصارية الحديثة يانزار
وبحب اسمع طة سليمان
وبهجج فى حفلاتو
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
Quote: كيكى ..
ليه كل ما اكتب اسمك بتذكر ( ام كيكي )
الالة التراثية البتصدر نغمات زى البعوض بالليل ..
لانى عارفك قادى ماس .. نبهتك
اها احسب من جديد انا قلت |
حبابك يا تبلدينا ومرحب بيك في حضرة قريب قريبك (الانتيكة) كيكي_وجابت ليها دور انتكة كمان يا تبلدينا
ومبروك عليك يا زول قرابة شبوكس وهو بالمناسبة حيعرس قريبات دي وسمعت تحت تحت انو حيعمل في
العرس ندوة عن الديالكتيك وعن الصراع الطبقي والانشقاقات في الاحزاب اليسارية في اروبا الشرقية
وجدل عن الهوية وصراع الهامش ضد المركز..(وبالله لاننا في الدوحة البعيدة دي وقاعدين فاضين شغلة بنساهر للصباح ) فبالله يا تبلدينا غطي لينا الشمار الماركسي ده بالصورة والصوت ولو في ازيار مطرفة
برضو اديها شبال بتاع صورة..
بعدين شايفك مركز علي الماسمتك شديد(يازول ناس سيتا وبيتا والفا وسيغما ديل) اخير ليك اختا دربهم
الماس ده شعر رقبتو قااااااسية يا تبلدينا..
عموما وفي اطار الاصوات الباعوضية الكيكية الواحد حيكون معاك في سياحة وريفة علي هامش
داحس والغبراء الظريفة المدورة بجاي دي.واتمني ان تعجبك الالحان وصوت الباعوض يا تبلدينا ولو ما لفقت معاك ممكن ندور ليك (تم تم) وبرضو بقيثارة باعوضية..
وتسلم بعد الماسمتك الفوق ده كلو..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
Quote: وغير كدة بحب الجنسسه بلبس بنطالين وبلبس تشيرتات بودى
وبلبس جزمة تيمبرلاند
انصارية الحديثة يانزار
وبحب اسمع طة سليمان
وبهجج فى حفلاتو |
نرجع البوست للموضوع العرس...
يا وليد بدرولك عروسة؟
عندي واحدة عاملة مواصفات ذي دي..
لكن من اسع النكلمك ممكن تكون في خطب... لكن كوشة تراثية ما بندورها
ويا تبلدينا ما بنعزمك لعرسنا دا..مع انك من خيلان العروسة المعتمدين
والعرس ذاتو سببو بوستك دا.
لو جيت جنب النادي قلت انا خال العروس وسيد البوست
برضو ما بندخلك..
طبعا دا بعد اتلأكد التام انه محمد عادل منالفرع الغني
ودي مكلف بيها اخو العروس ناذر,,
عشان ما تجي سعاد الدوش تشنف العرس..كان فقران وشعريتو ملبكة
تنشيبة
لسبب ما عاجباني صورة منعم ويبدو فيها شاب مرح لطيف
اوعى يعقدوك من صورتك.ز عديل كدا صورة حلوة..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
هذا ما قد كنت كتبته في زمن مضي
ما زال - في نظري - صحيحا الى اليوم ..
--------------------------------------------------------------
لغبرائيل غارسيا ماركيز ؛ رواية بعنوان "الجنرال في متاهته" ؛ اتخذ من شخص سيمون بوليفار بطلا لها ؛ وسيمون بوليفار ؛ كان رجلا طموحا ؛ مشي علي منضدة ؛ من اولها الي اخرها ؛ وقال انه سيحرر امريكا الجنوبية ؛ ويسير فيها ؛ من اقصاها الي اقصاها ؛ كما يمشي علي المنضدة تلك
حلم سيمون بوليفار ؛ تحقق جزئيا ؛ حيث حرر اغلب امريكا الجنوبية ؛ ولكنه لم يستطع ان يبني في بلدانها المختلفة حكومة عادلة وديمقراطية ؛ الامر الذي ادي الي تشظي الاقاليم التي حررها ؛ الي دول مستقلة ؛ وانهار حلمه بتوحيد امريكا الجنوبية بسبب من سياساته هو ؛ وانتهي الامر بالرجل ان يموت جنرالا عجوزا حاكما علي رقعة من الارض قريبة من منضدته الاولي
امامنا في متاهته ؛ لم يحقق شيئا ؛ وهو في حوالي السبعين ؛ يحاول ما كان يحاوله سيمون بوليفار في متاهته الاخيرة ؛ وكما ان ذاك قد فشل ؛رغم الانجازات القديمة ؛ فهذا ؛ بين القداسة والسياسة سيفشل ؛ تثبيتا لاخفاقاته القديمة
الامام في متاهته .. او الصادق المهدي بين القداسة والسياسة
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
قال الصادق المهدي ؛ في مذكراته لمجلة الوسط ؛ بتاريخ 27-4-1994 ؛ العدد 126 ؛ ما يلي
==========================
انني فتحت عيني علي الحياة ؛ علي صدي بعض الاحاديث العارضة ؛ وكانت تصدر من ثلاثة اشخاص
اولها : حديث قاله عمي السيد يحي عبدالرحمن المهدي ؛ زان يكبرني باربع سنوات. وهو كطفل في الرابعة من عمره ؛ كان يردد " مهاجر سياتي من كبكابية" . والمعني الذي كان يقصده؛ ان شخصا ما ذا دور سياتي من كبكابية ؛وكان بعض نساء الاسرة من اللواتي كن علي وشك وضع حملهن يسأل يحي المهدي: "هل هذا مهاجر" ؛ فيجيب بالنفي. وذات يوم حكت لي والدتي ان يحي قال لها" مهاجر جاي الخميس " . وبالفعل ولدت يوم الخميس ؛ وكانت هذه اشارة غيبية غامضة.
ثانيها: ان جدي الامام عبدالرحمن روي انه عندمت جاء خبر ولادتي ؛ كان يقرا سورة ابراهيم . زكان والدي يريد ان يسميني ابراهيم . ولكن كان لدي جدي ضيف ؛ وبيتما هما جالسان ؛ جاء طائر القمرية واستقر علي عمامة جدي ؛ الذي اقر بان هذا نبا . وخلال حديثه مع الضيف الزائر ؛ اخبره بمولدي ؛ ورد عليه الضيف: "لماذا لاتسميه باحد اسميك؟" ؛ وكان اسم جدي الامام عبدالرحمن الصادق ؛ ولهذا ربط ما بين الراي والنبا وسماني الصادق
لهذه الحقيقة كنت المس منذ يداية صلتي به انه يعاملني معاملة خاصة ؛ حتي ذات يوم وانا معه ؛ وكنت في سن صغيرة ؛ قال لوالدي: " ابنك هذا ما شي يسد فرقتي" ؛ اي سيملا الفراغ بعدي . وعندما قال ذلك بكت امي ؛ فقال لها: "الموت امر لابد منه " .
ثالثهما : ان جدتي السيدة ام سلمة بنت المهدي؛ رات رؤيا وحكت لبنتها في حضوري ؛ وقالت انها رات في رؤياها انني اقف علي مئذنة ؛ واقول" اذن في الناس بالحج ؛ ياتوك رجالا وعلي كل ضامر ؛ ياتين من كل فج عميق" وقالت لوالدتي: " ابنك هذا سيكون له شان"
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
يعلق الكاتب جمال خليل علي المقاطع اعلاه ؛ فيقول :
----------------
بشري للسودان والسودانيين !!؛ فقد ظهر مهديهم الجديد الذي سيملا الارض عدلا بعد ان ملئت جورا ؛ بفعل حلفاء الامس ؛ اعداء اليوم ؛ الاصهار دائما. الصادق ابن الصديق ابن عبدالرحمن الصادق بن الصديق بن محمد بن عبدالله المشهور بالمهدي. اخر تقليعات السيد الصادق فهو الذي لا تخلو جعبته من تقليعات ؛ ويلبس لكل حال لبوسها
ففي زمن الدعوة الي الحاكمية الالهية ؛ عملة حكام السودان اليوم النادرة بحق ؛ ابي السيد الصادق الا ان يركب الموجة ؛ التي اوصلت نسيبه النجيب الي سدة الحكم ؛ فلماذا لايكون هو الاحق باحراج الضمير الديني في السودان؛ وهو الذي انحدر من صلب رجل امتطي صهوة فرس الغيب ؛ قبل اكثر من مائة عام ؛ فاحرز نجاحا عم القري والحضر ؟
حينها عاد محمد احمد عبدالله المعروف ب"محمد احمد المهدي" ؛ بعد بناء ضريح الشيخ القرشي الي الجزيرة ابا؛ مع صديقه وتلميذه عبدالله ود تورشين ؛ المشهور بالتعايشي ؛ واسر له انه اصبح يري النبي وهو يقظان؛ وان النبي اخبره بانه المهدي المنتظر ؛ الذي سيملا الارض عدلا بعد ان ملئت جورا وظلما !
كان ذلك في ربيع الثاني سنة 1298 للهجرة ؛ والسير تقول انه في راس كل قرن سيجي مصلح يعيد للاسلام حسن سيرته !! فمن هو يا تري مصلح قرننا بنظامه الجديد ؛ الترابي ام الصادق ؟؟ لا فرق فقد اصلحوا واي اصلاح !!
------------------------
جمال خليل - الصادق المهدي المنتظر - مجلة الطريق - المانيا - العدد الثاني - مارس ابريل
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
ويتابع الصادق المهدي مذكراته ؛ منتقلا من القداسة الي السياسة ؛ فيقول في نفس العدد من مجلة الوسط التالي "
=======================
انني من اكثر الذين تصدوا للعمل العام ؛ وتعرضوا للسجن فترة تبلغ 8 سنوات ؛ ومن اكثر الذين تعرضوا لعقوبات مالية علي قترات مختلفة ؛ ولدي مساهمات فكرية غير مسبوقة من معاصري !!
وكذلك ؛ ايا كانت حقوقي وامتيازاتي الوراثية ح فانني اعتقد انني من اكثر الناس معرفة بالسودان . فقد طفته اربع مرات ؛ ولا اظن ان هذا تاتي لاحد من قبلي ؛ وكذلك من اكثرهم معرفة بالعالم ؛ فقد طفته كله تقريبا ؛ في سياحة ليست للهو ؛ زانما من باب العمل الدبلوماسي والسياسي والفكري ؛ وهذا نادر بين معاصري.
وساهمت في الفكر السياسي بافكار هي من اكثؤ ما ساهم به عاملون في الحياة العامة في الفكر السياسي . واعتقد ان الذين يريدون صرف النظر عن البلاء والتركيز علي الموروث ؛ سيفاجاؤن بالحقيقة ؛ واقول " "هاكم اقراؤا كتابيا "..!!!
--------------
انتهي الاقتباس
يعلق الكاتب جمال خليل ؛ في المقال المذكور اعلاه ؛ فيقول :
-----------------
انها بكل حق مفاجاة ؛ ان تجتمع كل هذه الصفات في رجل واحد ؛ هو افشل سياسي عرفه السودان قديما وحديثا ؛ فما رايكم دام فضلكم ؟؟
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
ويواصل جمال خليل
------------------
هذا الصادق الذي جاء الي العالم بكرامة ومعجزة ؛ والذي لا ياتيه العيب من بين يديه ولا من خلفه ؛ يكتب عن نفسه كما تكتب الباحثات عن الزواج في مجلات اوروبا الرخيصة ؛ تتحالف قوي المعارضة معه لاسقاط النظام ؛ وتثديم السودان قربانا له
فهل نملك الا ان نرثي لحاله وحال من ياملون ان الايام ستغير الذي يعتقد انه ولد ليحكم ؛ لان قمرية حطت علي عمامة جده ؛ او ىن جدته نامت يوما فحلمت !!!؛
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
حسنا ؛ فليفكر الصادق عن نفسه بما يريد ؛
لماذا يجد اذن الكثير من التاييد وسط الانصار ؛ وبعض التاييد في قطاعات اخري ؛ ومن بينها قطاعات المثقفين
رغم فشله البائن ؛
ورغم انه لم ينجز انجازا سياسيااجتناعيا او اقتصاديا قوميا طول تاريخه
الاجابة نجدها عند عالم الاجتماع الفرنسي ؛غوستاف لوبون ؛ الذي عاش في القرن التاسع عشر ؛ ومؤلف واحد من افضل الكتب عن علم نفس الجماعات ؛ بعنوان : يكلوجية التجمع ؛ او علم نفس التجمع ؛ والذي نشر بالعربية عن دار الساقي بلندن ؛ بعنوان سيكلوجية الجماهير
يتحدث لوبون عما يسميه بالهيبة المكتسبة ؛ او الهيبة الشخصية ؛ او ما يطلق عليه اليوم الكاريزما ؛ ويقول :
يكفي ان يحتل فرد ما منصبا معينا ؛ او يمتلك ثروة ؛ او يتزيأ ببعض الالقاب ح حتي يصبح مكللا بهالة الهيبة - الكاريزما- ؛ مهما كانت مؤهلاته الشخصية
ولماذا اذن تنحسر هذه الكاريزما وتسقط الي الحضيض ؛ عندما ياتي الصادق الي الحكم ؛ الامر الذي يضرب النظام الديمقراطي في الصميم ؛ ويفتح الباب اامام المغامرين العسكريين ؟
يقول لوبون :
الهيبة الشخصية - الكاريزما - تنتهي مع الفشل ؛ والبطل الذي صفقت له الجماهير بالامس ؛ قد تحتقره علنا في الغد
غوستاف لوبون ؛ سيكلوجية الجماهير ؛ الطبعة العربية - دار الساقي - الصفحات 137-143
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
عشان كده خلي صاحب القمرية دا .. يركب فوق رأس الاميين المنقادين
وخليهم يستغنوا عن نعمة العقل التي وهب الله اليهم ؛ فيطبلوا لصنم بشري
حتى يسيقتظوا ذات يوم فيجدوا ان الجماهير قد تركت هذا الصنم وهذا العجل الذهبي ؛
وقابلته بما يليق به؛ من الرفض والسخرية والاحتقار ... او كما قال لوبون ..
وما طار طير وارتفع الا كما طار وقع
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
دكتورة بيان سلام
كتر خيرك على الاعجاب بالصورة ,اها ما عندك لينا عروس
والعينة (الصورة عندكم )الندخل قبال ولنا الصغير محمد عادل
وانا لامن الفرع المريش ولا الفقر ان وآل المهدى ديل بيناتنا
الخوة والمحمبة فى الله ,اها يا دكتورة بننفع ولا لا, واذا كان بنفع
العروس اخت ناذر لانو قال لو دايير تعرف فاطنة جميلة ولا لا شوف امحمد ففى السوق
عشان الواحد يضرب خماسيو فى سداسيو
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
Quote: وغير كدة بحب الجنسسه بلبس بنطالين وبلبس تشيرتات بودى
وبلبس جزمة تيمبرلاند
انصارية الحديثة يانزار
وبحب اسمع طة سليمان
وبهجج فى حفلاتو |
دي المواصفات يا منعم..اهم حاجة طه سليمان دا
والاغنية المفضلة حمادة دا جننا...
اها رايك شنو بتعمل الحاجات دي؟
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
والله ده اخير تقولى ما بنديك عديل كده
بعدين المواصفات ديك مواصفات جكيس ساكت
ما بتعمر ليها بيت ,ونحن كانصار بنحب الغنا والفن
وبنعرض وبنبشر وبناعب مردوم(واى دوكش)لكن ناس حمادة
بابو جمب بابنا وحمادة بوظ اعصابناده حاجات كانت زمان بالنسبة لينا
من زمن حنان بلوبلو كانت بتكشف ,المهم المواصفات ده ما معانا لكن قدرتنا بنديها ليك
رومنسيات تقيلة جد.
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
محمد عادل .!
Quote: فعلا ياناذر اتقابلنا فى الخرطوم
وسجلت ليك زيارة فى منزلكم العامر بنمرة 2
|
إنت بتوصف في بيتنا للأنصار عشان يجو يطعنوني ولا شنو ؟!!
بالمناسبة يا داقس القابلتك فيهو داك ما بيتنا ، داك بيت واحد صحبي ما يجو ناسك يطعنوهو بالغلط .
أنا ساكن في أب عشر !!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
..
.
Quote: لغبرائيل غارسيا ماركيز ؛ رواية بعنوان "الجنرال في متاهته" ؛
اتخذ من شخص سيمون بوليفار بطلا لها ؛ وسيمون بوليفار ؛ كان رجلا طموحا ؛
مشي علي منضدة ؛ من اولها الي اخرها ؛ وقال انه سيحرر امريكا الجنوبية ؛
ويسير فيها ؛ من اقصاها الي اقصاها ؛ كما يمشي علي المنضدة تلك.
حلم سيمون بوليفار ؛ تحقق جزئيا ؛ حيث حرر اغلب امريكا الجنوبية ؛
ولكنه لم يستطع ان يبني في بلدانها المختلفة حكومة عادلة وديمقراطية ؛
الامر الذي ادي الي تشظي الاقاليم التي حررها ؛ الي دول مستقلة ؛
وانهار حلمه بتوحيد امريكا الجنوبية بسبب من سياساته هو ؛
وانتهي الامر بالرجل ان يموت جنرالا عجوزا حاكما علي رقعة من الارض قريبة من منضدته الاولي
امامنا في متاهته ؛ لم يحقق شيئا ؛ وهو في حوالي السبعين ؛
يحاول ما كان يحاوله سيمون بوليفار في متاهته الاخيرة ؛ وكما ان ذاك قد فشل ؛
رغم الانجازات القديمة ؛ فهذا ؛ بين القداسة والسياسة سيفشل ؛ تثبيتا لاخفاقاته القديمة |
متعتنى بالوصف البليغ للجنرال من ماركيز
متعك الله بالصحة وحفظك من مكائد الانصار والشيوعيين 
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: خالد)
|
..
.
احصائيات الامام
ظروف البلاد جعلت الزواج يسيراً والطلاق كثيراً
وانهارت الاسر والاخلاق وبلغنت نسبة الطلاق 33% وعدد المتأهلين من الشباب
25% فقط ونسبة الأسر التى تعولها الامهات 33% زاد عدد المطرودين من الخدمة
اكثر من ثلاثمائة الف نسبة العطالة زادت 20% العمالةالاجنبية زادت عن الثمانية الاف وفى زيادة
الامام – من خطبة الجمعة
صحيفة الانتباهة - صباح اليوم
_________________________
ايوه يا ناذر جاوب خالد دا .. العشر مالها
الواحد الا يسكن الملازمين يعنى ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Hussein Mallasi)
|
Quote: يا تبلدينا كيكي دا احسن تخليهو .. اسه يجيك اخوهو داك
ينقل ليك مسألتين من كتاب رياضيات الصف الرابع أساس ليدلل
على سعة اطلاعهم و إجادتهم للحساب!! |
مرحب يا وريف..
ياخ قلنا ليكم الرياضيات دي (احسن ليكم انت وتبلدينا) اختو سكتها ياملاسي..
والبعجبني فيك يا(عمر اومو).(سمعت بعمر اومو ياملاسي)..
البعجبني فيك هو اني (متخيل) ومهما كان ال(low profile)بتاع عمودك(الكابيلي)
بتاعك يعجبني انه ثبت وبمداخلاتك المرصودة في هذا البوست انك لا يمكن ان تتناول
مثل هذه (الحسين خوجلية) الصالحية التبلدية ذات الشمار الاسفيري في عمودك الجائع ذلك.!!
..............
دعمك اللوجستي لود (تيارك) (ود تيارك دي) علي وزن ود (كاسك)..يجعل من (الضرب جوز)
امر مثير للدهشة..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
Quote: عشان كده خلي صاحب القمرية دا .. يركب فوق رأس الاميين المنقادين
وخليهم يستغنوا عن نعمة العقل التي وهب الله اليهم ؛ فيطبلوا لصنم بشري
حتى يسيقتظوا ذات يوم فيجدوا ان الجماهير قد تركت هذا الصنم وهذا العجل الذهبي ؛
وقابلته بما يليق به؛ من الرفض والسخرية والاحتقار ... او كما قال لوبون ..
وما طار طير وارتفع الا كما طار وقع |
على العموم هو لسة طاير يا عادل ما وقع ...رغم إنه في ال71..ولم ولن تقابله الجماهير بغير الحب و الوفاء..لأن كاريزماه ليست كاريزما مناصب أو جاه ...راجع مداخلة الحبيبة رجاء العباسي..
محبتي
لنا
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
..
.
| Quote: على سعة اطلاعهم و إجادتهم للحساب!! |
غايتو يا ملاسي كيكي طلع قادى ماس ..
Quote: دعمك اللوجستي لود (تيارك) (ود تيارك دي) علي وزن ود (كاسك)..يجعل من (الضرب جوز)
امر مثير للدهشة.. |
ركز فى الماسمتيك ما تدخل نفسك فى الدعم اللوجستي
والتيارات المناوئة وقعدات البهجة ..
دا شهر ما عندكـ فيهو نفقة
______________________
انت اشتغلت فى الرصد الجوى ولا المواصفات والمقايس
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
بعدين تعال هنا يا خالد ..ّّ!!
| Quote: قلنا الامام الحبيب القائد العظيم ما سبب |
هسي الكلام الإتقال في البوست عن إمامك العظيم دا كلو ما دخلك البوست وما تدخلك إلا دي :
بتهمك أبو عشر اكتر من حبيبك الصادق ولا النظرية شنو ؟!!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
Quote: لا والله لم يحرروا السودان من الاتراك؛
بل حرره المهدي العظيم والغبش من الانصار
وحينها لم يكن حزب الامة موجودا ..
اما قصة مساهمتهم في تحرير السودان من الاستعمار الانجليزي الثاني
فاحسن تخليها مستورة وما نرجع تاني لقصة حصان طروادة وذلك التاريخ القديم
من اهداء عبد الرحمن المهدي الملك جورج الخامس لسيف الامام المهدي مروا بمحاربة ثورة 1924
وكذلك افساد اضراب طلبة كلية غردون في 1931 وتخريب مؤتمر الخريجين
الخ الخ الخ |
انا عندما علقت يا اخي عادل انما علقت علي
نقطة حزب الصادق المليوني
و حزب الصادق المليوني... مكونه من الانصار الغبش و غيرهم
اي الذين حرروا السودان مع المهدي العظيم
فاذا كانت لديك ماخذ علي شخصية الصادق المهدي ( وربما تكون شخصية ذات ابعاد نفسية)
ارجو ان لا يسوقك الحديث الي نكران دور الانصار التاريخي
فالدفاع عن الانصار و حزبهم الذي بنوه لاحقا اعتقد انه واجب
كل سوداني ووطني و محاولة انكار دورهم التاريخي و الاني لهو حرث
في الماء...
انا هنا لا ادافع عن شخصية الصادق المهدي و لا اظن انه بحاجة الي ذلك
و لكني ادافع عن حقائق تاريخية
و لك ودي
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Waly Eldin Elfakey)
|
| Quote: على ما يبدو ان كيكى إمتعض |
اها شفت تاني مصر تستعمل الامتعاضو متر بتاعك العجيب ده
واقول ليك بصراحة جهازك (ده) شوف ليهو حل لاني بالجد (مبسسسسوط)
من البوست ده شديد ومافي اي (جنجال) .القصة متناولها في اطار بعيد جدا عن التشنج
والامتعاض...
..........
يازول اخير ليك غير (البطارية) بتاعة جهاز الامتعاضو بتاعك ده..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: صدقنى اخوك مبسوط للطيش - وبدون تشنج - وادينا بندردش
انت ما عايز تغير بدلتك الكاروهات دى |
كل الود يا تبلدينا..
كنت عاوز اقول ليك البدلة دي عرفتها(كاروهات كيف).لكن تاني خايفك تقول لي (مقاييس وماسمتك تاني)..
لكن باذن الله قريب بنغيرها بواحدة (كرت) وشاحد ربي يكون عندنا عرس عشان اجاوزها مع لون (المايك)
لمن اجي اعمل ورشة عن (الماسمتك )
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
..
.
قسماً بالله وبالجد عكليت ولايوق..
شنو خاشي فى توب باحث انصارى .. أوووبس قصدى باحث علمى ..
يا اخو عمى
ياخى انت اله موسيقية تراثية
وغير ملم بالرياضيات.. وسببت امتعاض للقراء
كما فعل - الامام -
___________________
حاوصى ملاسي ما يسألك تانى بس انت
اطلع من وراء الباب دا .. كله مره جاى ناطى
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
Quote: بعدين تعال هنا يا خالد ..ّّ!!
Quote: قلنا الامام الحبيب القائد العظيم ما سبب
هسي الكلام الإتقال في البوست عن إمامك العظيم دا كلو ما دخلك البوست وما تدخلك إلا دي :
Quote: ابو عشر مالها ؟
بتهمك أبو عشر اكتر من حبيبك الصادق ولا النظرية شنو ؟!! |
والله يا ناذر مرة قريت لي بوست عن القائد الحبيب العظيم الامام (طلع مبارك لكن) لمن قريت مبارك لو ما الحبيب دي انا كنت قايلوا حسني مباك!!!
عارف يا تبلدينا انا عندي للإمام ده مبالغة لو قلتهاوالله طعن ربك !!!
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Waly Eldin Elfakey)
|
الاخ ولي الدين
لا يمكن ان اقلل ولم اقلل من نضالات الانصار
وكتاباتي مطروحة في هذا الامر وليس هناك طريق للتزييف او المزايدة ..
حزب الامة لا اعتقد انه يمثل الانصار
بل يمثل بيت اسرة المهدي
وانت تعرف ان الامام المهدي قد تبرأ من بعض اهله
حينما ارادوا ان يكونوا آلهة على الناس .
حزب الامة الذي انشاه ووقف وراءه عبد الرحمن المهدي
ويقوده الان الصادق لمهدي
لا علاقة له بنضالات الانصار كما لا علاقة لقيادة الحزب الشيوعي بالطبقة العاملة ..
وان كان هذا لا ينفي وجود نضالات للانصار او مطامح للطبقة العاملة
لك ودي ..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Mohamed Abdelmotalib Hassan)
|
إحصائيات الإمام { ظروف البلاد جعلت الزواج يسيراً والطلاق كثيراً وانهارت الاسر والاخلاق وبلغت نسبة الطلاق 33٪، وعدد المتأهلين من الشباب 25٪ فقط ونسبة الاسر التي تعولها الامهات 33٪ زاد عدد المطرودين من الخدمة اكثر من ثلاثمائة الف، نسبة العطالة 20٪، العمالة الاجنبية زادت عن الثمانية الاف وفي زيادة%
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: Mohamed Abdelmotalib Hassan)
|
إحصائيات الإمام { ظروف البلاد جعلت الزواج يسيراً والطلاق كثيراً وانهارت الاسر والاخلاق وبلغت نسبة الطلاق 33٪، وعدد المتأهلين من الشباب 25٪ فقط ونسبة الاسر التي تعولها الامهات 33٪ زاد عدد المطرودين من الخدمة اكثر من ثلاثمائة الف، نسبة العطالة 20٪، العمالة الاجنبية زادت عن الثمانية الاف وفي زيادة.. الصادق المهدي من خطبة الجمعة المركوب الفاشري أفضل { بانما سبتي فعلت خيراً لاهل دارفور ولكن ما فعلته تفقد بصورة اكبر مما تصورت وتوقعت فقد جمعت بعض الاحذية من المتبرعين لارسالها الى متضرري الحرب الاهلية في اقليم دارفور في افريقيا ولكن العقوبات الامريكية على السودان وعداء حكومة السودان ومعوقات النقل لدولة في حالة حرب جعلت كل الاحذية التي جُمعت تتحول من دارفور الى كينيا وكالة اسشيتدبرس في تلفزيوننا تماسيح { ما جرى في كواليس برنامج طبيعة الاشياء قبل ايقافه مازال يتفاعل داخل الجهاز الاعلامي الكبير حول كيفية التصرف في المال العام حيث ان سياسة شيلني واشيلك هي القاعدة الطاردة للمبدعين وماتم فضحه على صفحات الجرائد بالاسماء هو النشاز في قاعدة المسكوت عنه/ تماسيح البر يمدون لسانهم لتماسيح البحر الذين يظهرون بين فترة واخرى امام مبني الاذاعة والتلفزيون. صحيفة أخبار اليوم حتى قريشات التصحيح { وافق ديوان الضرائب على إعفاء حوافز امتحانات الشهادة السودانية من ضريبة الدخل الشخصي، وخاطب اتحاد العمال الديوان من اجل فئة المعلمين ووافق الديوان مشكورا لا سيما وان الضريبة تفرض على المكافأة الشهرية وحوافز الامتحانات سنوية. بروفيسور أحمد إبراهيم غندور رئىس اتحاد العمال الأمريكان جروا طيارة الرئىس { كان الرئىس نميري في امريكا وحين علم بوجود تحرك ضد مايو في الخرطوم طلب العودة وكان ذلك يوم الاربعاء لكن الامريكان قاموا بجر الطيارة الى هانقر بحجة وجود عطب فيها ولم يسمحوا لها بالمغادرة الا يوم السبت بعد الانتفاضة، وكل هذا يؤكد التآمر الامريكي على مايو منذ زيارة بوش الأب.. والاجتماعات التي كانت تتم في الخرطوم. محمد أحمد أبوكلابيش وزير الدولة للتعليم يا فرحة ما تمت { توحد حزب الامة في 11 ابريل 1969م وصدر بيان التوحد في حشد جماهيري ضخم زلزل هدوء العاصمة المثلثة واصبح الامام الهادي ليس راعياً للحزب فقط بل رئىساً له ومرشحاً وحيداً لرئاسة الجمهورية التي حمي وطيسها آنذاك على ان يكون الصادق المهدي اميناً عاماً للحزب والرجل الثاني بعد الإمام في قيادة الحزب وان يكلفه الامام برئاسة الوزارة اذا تم انتخابه رئيساً للجمهورية. عبدالرسول النور سياسي وكاتب الفتنة نائمة الفساد استشرى في كل ولايات السودان والولاة أوقعوا انفسهم في الشبهات وان أموال الولايات اصبحت تستغل للمحاسيب والمقربين بالمركز والحكومة اصبحت تتدخل حتى فى شؤون النظارة والادارة الاهلية، وأدعو مواطني القضارف لمحاربة الايدز الذي استشرى في الولاية وارفض تدخل المواطنين الاثيوبيين في اراضي الفشقة، وتدخل دول الجوار بسبب ضعف الدولة. الدكتور حسن الترابي في مؤتمر الشعبي بالقضارف اقرأ واضحك { حارس الهلال: نظافة الشباك مسؤوليتي مدرب المريخ: اعرف الشلف واعرف كيف اكسبه رئيس الهلال يؤكد الجاهزية والروح القتالية رئىس بعثة المريخ يفجرها مدوية ويؤكد الفوز شداد ومجدي يتصلان ويطمئنان على الهلال والمريخ العجب: سنضع نهاية للعقدة الجزائرية المحترف النيجيري: حديثنا داخل الملعب من الصحف الرياضية قبل المباراتين(ملطوش من قالو ولم نقل)
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
اها يا دكتورة بيان وناذر
انتو عارفين اننا نحن كانصار اصلنا للحاجات ده
وكان السيد الصادق المهدى قدم ورقة كممثل للمسلمين فى احد مؤتمرات الاديان
على مستوى العالم ككل وفى الورقة ديك ابدع سيدى وقال ان الاسلام يشبع عشرة
حاجات للانسان من التوحيد.......الى الحاجة الى الجمال واشباعهاوده قمة الرومانسية
زالشئ التانى برضو انو زكر فى احد كتاباتة(ان حياة الانسان مزيج من الايمان بالحنان)
وده مقولة لفيلسوف اوربى .
شفتو مسالة الرومانسية ده نحن كانصار اصحابها ومش زى ناس قريعتى راحت ديل ساكت
(ناس حمادة بوظ اعصابنا) ديل بنديكم من التقيل من نالت على يدها وانت ماشى
وغلطانين يا بيان وناذر ما تجردونا من الحاجات السمحة ده,نحن بتاعين كلو ما عدا ما حرم الله
وشرعو (اها فهمتو القصد)
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
Quote: بري يا يابا بتي براها ضعيفة تجي تبراها لي بالكلام
الكبار كبار..
تتلاشى وتتلاشي
انت تقوليها في الامام قال والامام قال
الا كان تفضل الدبلة بس..
لازم تثبت انك زول حنان و طه سليمان.. |
وفيك الفضل (زى ما بقول اخونا صلاح البندر)
كدى قصة ناس طة سليمان وحنان بلوبلو خليها
ونحن بدورنا مسالة الامام قال ما بنجيبا فى البيت
حاخليها مع ام النسب ناس دكتورة بيان وفى المنبر وبرضو
اتعلمنا من الامام المهدى علية السلام القاعدة الذهبية الاتية:-
(لكل وقت ومقام حال ولكل زمان واوان رجال) وما تخافى بتك ما ببراها
ليك بالسياسة والفكر وبوازن بين الحاجات وزى ما قلت ليك نحن بتاعين كلو
بس رجائى الخاص مسالة ناس طه سليمان, وحامد كترينا ,هو نحنا كمال ترباس عندنا
راى فى بعض اغانية,واظن بتك بتحب صلاح مصطفى لانى شفتك مرة كتبت بيت من اغنية
صلاح مصطفى هنا فى البورت (اساسك بالدريب الجاى بحداكى... وقول يمكن يصادف مرة القاكى)
يعنى بديها من القديم المواكب, ولا الحديث من القدامى المواكبين زى سلاف الغنا لوردى
كدى فيك الفضل اضربى الخماسى فى السداسى ويحصل خير ,وقلت بتك ضعيفة يعنى استايل خواجات
سكنى وده استايلنا زاتو جانا فى محلنا
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
غايتو طه سليمان دا اصلو شرط اساسي
قبل الكراسي..لا يمكن التنازل عنه..
الشتاء الفات جات السودان
اها مشت ميل كامل لمحل اتصالات عشان تضرب هنا
وتتبوبر على اخواتها انها حضرت حفلة بطه سليمان
شوفتا كيف في كتاحة وشتاء عاصف زول يمشي ميل
عشان يحندك ناس في النصف االاخر من الكرة الارضية..
بمنو بطه سليمان..
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
ياود الخليفة امشى وين قاعد
لكن شايف الدكتورة طة سليمان مكسرة
وكمان فى الاغانى تسمعو
لكن يادكتورة طة شايفو بغنى حمادة دا جننى اوعى اكون انا الجننتك
اه ممكن ياتبلدينا يكون محمد احمد جننك شديد صاح
| |
|
|
|
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
ناذر مله الصلاة فى ودنوباوى
عليك الله ماخير يمشى ودنوباوى يسمع ليهو خطبة فيها فائدة ودوحة روحانية ايمانية
يرى وجوة نيرة وجميلة
انصار لايخفون فى الحق لومة لائم
مستعدون ان يدافعو عن ارثهم التاريخى بكل قوة
| |
|
|
|
|
|
|
| |
ناذر محمد الخليفة
عبدالمنعم خيرالله
Abdel Aati
bayan
lana mahdi
محمد عادل
عبدالكريم الامين احمد
خالد
Hussein Mallasi
Waly Eldin Elfakey
waleed500
Mohamed Abdelmotalib Hassan
تبارك شيخ الدين جبريل
salma subhi
فيس بوك
تويتر
انستقرام
يوتيوب
بنتيريست