|
Re: لكن ما بالغت يا الحبيب الإمام !!! (Re: Hussein Mallasi)
|
تبلدينا مرحب بيك هلا..هلا بالحيل انا تابع وعندى مؤسسة بتلمنى لكن الكلام والباقى عليك ..علا وبالصح كده انت بتتبع منو وبعدين انت الامام ده حارق فشفاشك فهو مالك . الشئ التانى اى بوست تفتحو يا تبلدينا لاوم يكونفيهو غلطة وانا لمن صححت ليك ماهية الزى الانصارى مش لانو الحبيب محمد كان لابس على الله ,لكن صححتها ليك لانك استبعدت ان تكون جناح امجكو زى انصارى ,وقبل كده برضو فى بوست تانى حاولت تتشتح فيما ليس لك به من علم وقام خالد عويس اداك طقة فى راسك ووضح ليك الصاح شنو لمن اتكلمت عن النمتى وقمت عرفتو بى تعريف الهيموقال ليك ده اسمو الهيم النمتى ده حاجة تانيةوياود المدينة ,شفت يا تبلدينا انت قاعد تتعلم من الانصار ديل حتى فى حياتك العامة, And for sure u hve learned alot from Mr Almahdi speech وانا بصر انك اتعلمت من خطبة ودالمهدى الكثير بدليل انك قلت الكلام القالوا كلووكقر من كده عرفت المصطلحات والتعابير الجدبدة بالنسبة ليك,والدايير اقولو ليك انك تلميذ نبيه بتحفظ كويس احييك على نضافةالمخ لكنك اشتر ما بتعرف توصل ما فهمتو بصورة مرتبة ومنظمة والشئ التالت يا تبلدينا انت كلامك الكقير عن سيدى ده ريده ساكت,وزى ما قال سيدنا عمر بن الخطاب رضى الله عنه (ان المرء اذا احب رجلا اكثر من ذكره)وانت لعمرى لمعجب بالحبيب الامام لكن ما عراف توصل ده كيف الله يكون فى عونك
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
يا ناذر وتبارك خلو الفرغلية شوية وما عندكم شغلة بشكل الانسان وباقى لى شوفكم طشاش وعدل النضارة يا ناذر عشان تشوف كويس,ولمن تعاين لى راجل زييك ما دنقر تحت خلى عينك فى عينو يعنى شوف ليهو فى وجهو, وبعدين الكبير كبير حتى لو صغروا صورتو اظن الكلام واضح , وجاييكم صادى
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
.. . ود خيرالله كيفت امسيت عساكم بخير وراء البحار والله يا حبيب انا دا ما ود مدينة .. يمين اغبش ود اب كنترى انت عارف موضوع الهيم والنمتى دا للان ما واقع لي !! فلاهما نفس المعنى بس ما حبيت اتجرجر مع الحبيب عويس الهيم اسمى لغوى والنمتى دارجي وكلاهما يلتصق بالجداد واعتقد انك تقصد المرقود !! على العموم ما علينا بصراحة من الساعات المضت رتيبة للامام انا طلعت بالشيفونية والسميته الباقلى مكرر وحياة رب المهدى عليك الله اشرح للاحباب ماذا تقصدون ..
وحقيقة اثار المهدية باينه وعجبتنى جملة لناذر وتبارك
Quote: يا ناذر وتبارك خلو الفرغلية شوية |
الفرغلية دى من الفراغ !! هيع اولاد البيت .. حفاظين حفظ وشاطرين ومبدعين ومبدعين
_____________________
بالمناسبة اخوك ضليع فى لغة الضاد احذر الاخطاء من الان وصاعداً عشان ارد ليك موضوع الهيم والنمتى
فى العافية
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالمنعم خيرالله)
|
.. .
Quote: المليت عينك بالكوشة ,لكن كان تكتمها فى حنانك وتسكت الناس احرار يجيبوا كوشة يوقفوهم شماعة ما يخصك لانو الفرح فرحهم وهم سيادوا ونرجع |
والله انت طلعت زول اشتر واروش ودرويش ولابس جبه انصارية تدل على ذلك شنو الفرح فرحهم وهم سيادوا .. انت ما بتفهم انو الزواج دا مشترك بين اسرتين ولا دى الديكتاتورية الحزبية المارستوها كثيراً بعدين الفرح فرحهم وهم سيادوا دى ذكرتنى مظاهراتكم ومقولاتكم البلد بلدنا ونحن سيادها الغطستو فيها بهبالتكم وامامكم دا حال البلد لمدة 17 عام وشردتو وخليتو محمد احمد يعانى المر ومن قرصات النمتى _ كما تقول _ بعدين كلامك الفارغ والاشتر دا تانى ما تكتبوا شنو مشاط ومشاطات .. انت اهبل ..
________________________
يلا قوم اقطع وشك الشين دا بلا اوقات بلا مصطلحات بترموها بدون تهذيب
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
.. . منعم يا حبيب انا شايفك والله من رديت فوق ونزلت الرد تحت .. ما مطنشك بس قلت الصباح رباح بعدين فى زول ضافرنى فى الماسنجر بذكرنى بكلام الامام ومقولة بريدو وما بحمل بلاهو ..
الصبر ونرجع لام جكو وعلى الله
__________________________
ملاسي دى غايتو ما سبق عليها الا انا يا زول الساعة 4 صباحاً .. انت طردوك ولا عندك امتحانات قرايت الكبر
| |
|
|
|
|
|
|
Re: لكن ما بالغت يا الحبيب الإمام !!! (Re: doma)
|
.. .
Quote: لوووووووووول وانا اقول مالو الود دا بغتس وين ؟؟ ا اتاريك انت بتكتب بي جاي |
ووين يا يمه ؛ اعمل شنو انت والحبايبي ما بتدوا الزول فرقة !! جيت قلت اغطس فى آل البيت عليك الله الامام دا عندو حق يعمل كدا !! والله ما ليهو حق .. والله
________________________
ممكن ترسلو لينا شوية اسنو والله السخانه 47 درجة نار الله الموقدة .. البركة فى الايستر هوليدى
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
يا صالح حبيت اسلم عليك مشتاقين يا حبيب.
و الله انت الانصار ديل يوم يختو ليك كمين ما بتطلع منه. بالله قلت لي الامام قداكم كلام. انت عارف اذا كنت في مكانك و شفت "السيد و الامام" كنت باركت لاهل العروس و كسحت. الزول ده تقول رايح ليه مايك.
محمد عادل قلت
Quote: مالو بنات الانصار ياتبلدينا لحدى هنا فلستوب اوكى بنات الانصار اشرف بنات فى السودان |
الشرف خشم بيوت يا محمد عادل ............... غايتو ما اشرف من بناتنا
تبلدينا اسمح لي ادي درس لود العمدة ...و دالعمدة, لما تبلدينا يعتبر من الرواد الختوا الساس لهذا المنبر و معه العمدة قرشو و الحبيبو رمانة و عيون الحرية و مهدي و اهل العوض. يعني لما تبلدينا اخد عضوية المنبر ده انت لسع ما عرفت الفرق بين الكيبورد و الماوس
| |
|
|
|
|
|
|
Re: لكن ما بالغت يا الحبيب الإمام !!! (Re: تبارك شيخ الدين جبريل)
|
Quote: (فى المدة دى بيان ودينق جكسوا؛ حقو الواحد يكلم ليهم سجيمان!) |
خمسة خميسة من ناس تبارك العزال ديل.. الجكيسة دي حدها ينسى قداس الريزريكشان وريمة تعود لقديمها..وارجع انا الخالة الظلامية..والكوزة الظلامية وبتدخل سجيمان الجن بركب ماي جكس اصلو باقية عليه قصة مفزوعة ورافعين ليها فروة..
والله يا ربي دا عشان الاغراء بتاع لوري البلح البركاوي "في بوست مجاور" وعرف نحنا ناس تمور وداخل على طمع..
| |
|
|
|
|
|
|
Re: لكن ما بالغت يا الحبيب الإمام !!! (Re: يازولyazoalيازول)
|
تبلدينا
والله اشتقنا ليك عديل كدا
لكن والله مبالغة عديل الامام الحبيب
الله لا حضرني ليهو ندوة ولا خطبة ما دام هو في الاعراس بيعمل كدا!!!
انا المستغرب ليهو محمد حسن العمدة ولنا مهدي..
ليه بقيتو تدوني احساس بتأليهكم لي آل بيت المهدي وانهم فوق النقد و دايما ما تلقو ليهم المبررات
حتي لو كانا لنقد ما علي قدر كدا ... بس زي هم بقوا عندكم من المحظورات او الخطوط الحمراء
الله يخليك يا اسماعيل وراق زول دغري وعديل
| |
|
|
|
|
|
|
Re: لكن ما بالغت يا الحبيب الإمام !!! (Re: يازولyazoalيازول)
|
.. .
Quote: ليك يوم يا تبلدينا ، خلينى ألاقيك فى (فتح خشم) |
انت بس قول خير .. بس عليك الله كن جينا للبنية ما تفتح خشمك .. انحنا اهلنا انصار لو قعدت تقول ليهم مجنون الجبلين .. وشنو داك اما قالو الخال دا اروش او قالو لتبارك ربطو ..
__________________________
اها الامام بالغ ولا عادى !!؟
| |
|
|
|
|
|
|
Re: لكن ما بالغت يا الحبيب الإمام !!! (Re: Alfarwq)
|
.. . Quote: صالح حبيت اسلم عليك مشتاقين يا حبيب.
و الله انت الانصار ديل يوم يختو ليك كمين ما بتطلع منه. بالله قلت لي الامام قداكم كلام. انت عارف اذا كنت في مكانك و شفت "السيد و الامام" كنت باركت لاهل العروس و كسحت. الزول ده تقول رايح ليه مايك. |
الفاروق ازيك يا عزيز - طبعا ما عايز اقول حبيب - والله انا كل ما واحد يجيب اسمى فى البوست قلبي يعمل ( شـَح ) اقول خلاص زى قيف زم اهينت ) ( انجليزى دنقلا) بالجد الواحد بقي يلاوز غايتو كن عصرونى بقول ليهم معليش انا ما نسيبك اعذرونى ..كنت بهزر ساااى مش اختى العروس اتحملت امامكم اها اتحملونى اعتبرنى بتكلم بره راسي طبعا ما كان فى طريقة اشتت مجبورة خادم الفكى على الصلاة وكويس لانى عرفت تقليد الجرتق عند آل المهدى .. بالمناسبة جنى هدى ليهو مايك وقال ليهو قد اضانهم ..
________________________
ود العمدة دا يا فاروق بتكلم بره من راسو زى الامام و الود قايل نفسو خلاص جاب نظرية فيثاغورث واثبت انى ببالغ طلع هو الما قادر يظبط الساوند سيستم للامام قصدى للمنبر
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: انا المستغرب ليهو محمد حسن العمدة ولنا مهدي..
ليه بقيتو تدوني احساس بتأليهكم لي آل بيت المهدي وانهم فوق النقد و دايما ما تلقو ليهم المبررات
حتي لو كانا لنقد ما علي قدر كدا ... بس زي هم بقوا عندكم من المحظورات او الخطوط الحمراء |
وانا المستغربة ليهو الزي كلامك دة يا أساسي النقد الإنطباعي البيؤكد إنك فعلاً بعيد كنت عن المنبر مؤخراً...حمد الله على السلامة..راجع بوستات أيامك المافي... بخصوص البوست دة عشرمية زول قالوا القلناه ليه ركزت علينا؟؟!!!! لنا
| |
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
.. . اساسي الفاراقو كان علينا قاسي والله بالاكتر لنا دى خليها فاهمانى وفاهمه المحيرنى ود العمدة الناطى من طرف دا .. زى امامو المسك المايك وما ادانا نفس .. تتصور فاكر انو المنبر ظهر للوجود عام 2004 .. قلت ليهو اسال اساسي لو قلت ليهو رومانسي كان طلعنى دجال
بس انت يا أميرة متين حصلتو عشرمية ..!!؟
على العموم لولا الكوشة بتاعت العرسان .. لما اقتنعت بأن آل البيت يحاول المحافظة على بعض التقاليد كما قال الوالى واكدها ملاسي
الكوشة وهى خالية على عروشها بعد خطبة الامام .. فقد ارهق العروس النضمى فذهبت لتستريح استعداداً للجرتق
| |
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
.. . @ دي كوشة ولا مزيرة؟
لا كمان يا دكتورة .. ما تبالغى زى الامام .. دا فلكلور وتراث .. الازيار الشايفاها دى كانت اجمل من كدا بس عذاب المصور .. كان بعيد وما صدق الكوشة فضت .. ولا تكون العروس شلتتها من الزهج وشتت ..
بالجد كانت روعة .. كمان ما نظلم المبدعين ..
_____________________
انتو بالمناسبة الكوشة مش بعملوها اهل العروس انا ما عارف آل البيت دى حشرييين مالهم حتى الكوشة دايرنها بمزاجهم !!
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Post لطيف يا ابن التبلدي
دايما في الأعراس بيجي واحد -نيابة عن نفسه- لتهنئة العريس والعروس ثم في الغالب يلقي قصيدة لا يسمعها أحد! هذا الشخص ينال -في الغالب- سخط المعازيم رغم أنه لا يتحدث في العادة أكثر من 3 دقايق!
أقول قولي هذا داعيا نفسي والآخرين للمحافظة على الخيط الرفيع الذي يفصل بين "خصوصية" التناول و"عموميته" في هذا الموضوع.
| |
|
|
|
|
|
|
Re: لكن ما بالغت يا الحبيب الإمام !!! (Re: Ahmed Alrayah)
|
.. .عزيزنا ود الريح
صراحة الامام بخطبته حصل على سخط المعازيم لانها فاقت الساعات .. وادخل الملل فى النفوس ..
وصراحة بشكرك على تعبير خصوصية التناول وعمومية الموضوع بالجد زى ما انت شايف نحن نقصد طريقة الامام فى فرض احدايثة فى المنابر بمناسبة وبدون مناسبة وان يتخذ من زواج ابنه وفرح بتنا منبرا لحديث ممل لا ينقطع
_____________________
شكرا على المرور؛
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
.. .
Quote: أها يا وليد جاك ابزرد
من أراد أن تثكله أمه فليتبعنى وراء هذا الجرتق
لووووووووووووووووووووووووول عليك ياخى
|
اها يا ابزرد يا خال عروس النيل دا كلامك الاشتر البخلى تماضر تقول ليك قدم تبارك من الله خلقك شفت جرتق بجو وراهو ..كيفن عاد قول وراء هذه الكوشة عشان تكسر ليهو الازيار فى راسو
بالله اربط لسانك .. مشوارنا طويل بالمناسبة محتاجين نقطة التقاء .. مثلث امريكا السعودية السودان دا صعب
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: أها يا وليد جاك ابزرد
من أراد أن تثكله أمه فليتبعنى وراء هذا الجرتق |
لالا يا زول انا ما بقدر عليك، الايام دي انت ماسكاك ام هلهلة
لكن يا اولاد استاذ شيخ الدين
مليتوا البورد التقول كشحوكم فيه
قول هو الله احد
عيني بارد وربنا يحفظكم
| |
|
|
|
|
|
|
Re: لكن ما بالغت يا الحبيب الإمام !!! (Re: وليد محمد المبارك)
|
Quote: لا كمان يا دكتورة .. ما تبالغى زى الامام .. دا فلكلور وتراث .. الازيار الشايفاها دى كانت اجمل من كدا بس عذاب المصور .. كان بعيد وما صدق الكوشة فضت .. ولا تكون العروس شلتتها من الزهج وشتت .. |
هو الإمام بوظ بلد بحالا ما يبوظ كوشتا
أهو ماش يصاقرا طوالى
تلقاه مشى ليها بى نوتو فى الصباحية
| |
|
|
|
|
|
|
Re: لكن ما بالغت يا الحبيب الإمام !!! (Re: bayan)
|
(الحبيب) تبلدينا معروف عن السيد/ الصادق قدرته الخرافيه على الـ(بري) ....إستمعت له في كم مناسبه وفي كل المناسبات كانت تأتيني ماتسمي بـ(كاروشة الفصل) وهي الململه التي تاتي للطالب الذي مل تماماً من الحصه وعندها يتوقف عقله كلياً عن إستيعاب أي كلمه يقولها الأستاذ . وهي حاله علميه .. ختاماً (بارك الله فيك)
| |
|
|
|
|
|
|
Re: لكن ما بالغت يا الحبيب الإمام !!! (Re: محمد فرح)
|
.. . محمد فرح
قدرته على البري دى ما بتغالطو فيها اتنين لكن بس اتخيل نسب جديد واسرتين (اهل ام وابو العروس ) لهم علاقاتهم ومعارفهم وخيمة رائعة من كزام وشباب زى الورد وثياب حرير من دبي وعرسان وهروسات فى السوق .. يجى الامام يخليهم مكرفسين فى كراسيهم وناس تتخارج دا مش عمل كاروشة دا عمل ازقدى عديل ..
_______________________
والله شوف عينى ام العروس دميعاتها زرفن ما عرفت دى فرحه من نسب ال المهدى ولا من الاحراج من خطبة نسيبها الامام الخلى الضيوف يمشوا ..وما عرفت تتصرف معاهو كيف دا كلام دا يا خلايق !!؟
| |
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
.. .
Quote: هو فعلاً زواج ميسر يا تبلدينا لو عملوهو زواج بي (إمكانياتهم) الإنتا عارفها ولا ما عارفها بوستيك دة ما يشيل الموضوع |
اها بقينا على البوبار .. والمفخرة .. اكتر من كدا يا أميرة دايرين تعملو شنو !! دا الجزيرة ابا للحنة براها جوا ب 4 بصات .. اها ديل كمان كانوا علينا انحنا ما انتو الاستضفتوهم ما قلت لى قالو ليك شنو على القيدومه والحنة .. برضو كانت ميسرة .. ولا ناس الختمية ديل كدابين !!
___________________________
بالمناسبة امكانياتهم دى .. بتشمل اراضى ام ضوابان !!؟
| |
|
|
|
|
|
|
Re: لكن ما بالغت يا الحبيب الإمام !!! (Re: رأفت ميلاد)
|
.. .
Quote: تلقاه مشى ليها بى نوتو فى الصباحية |
وين يا زول يا ظريف .. نوته شنو !! دفتر يوميات عديل كدا .. صدقنى ان اشوف فى الصفحات تتقلب .. هميت ..
____________________
انا تانى توبه ما بصاغرو فى مناسبة الا لو جابنى الدرب زى جيبتى دى
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: يبقى المشكلة في (عقله) ما في الأستاذ!!!!!!! |
أصلاً الأستاذ لو ماكان براااااااااي زياده عن اللزوم كان الطالب قدر يستوعب كلامو وكان مخو إشتغل لكن في أساتذه كده بس التقول لمن يجو الحصه برشو الفصل بي غاز منوم ... الناس كلها بعد ربع ساعه تلقيها شخرت
| |
|
|
|
|
|
|
Re: لكن ما بالغت يا الحبيب الإمام !!! (Re: محمد فرح)
|
Quote: Quote: Quote: يبقى المشكلة في (عقله) ما في الأستاذ!!!!!!! |
أصلاً الأستاذ لو ماكان براااااااااي زياده عن اللزوم كان الطالب قدر يستوعب كلامو وكان مخو إشتغل لكن في أساتذه كده بس التقول لمن يجو الحصه برشو الفصل بي غاز منوم ... الناس كلها بعد ربع ساعه تلقيها شخرت |
وما رفدوهم؟؟؟
| |
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
كتبت :
Quote: الشعب فقط من يمنح الشرعية |
فاجابني تبارك
Quote: ود العمدة اتخيل لى أولى سياسة دى كبيرة عليك!أوزن كلامك عشان نلقى فرصة نرد عليك. الحياة دى مافيها متسع للرومانسية السياسية البتتكلم بيها دى! |
كلام صاح يا تبارك ما اصلو ده زمن العجائب
!!!!!!!
كمال عباس
سلام
طبعا مافي وجه مقارنة بين جيبوتي ونيفاشا ممكن نقارن بين جيبوتي ومبادي الايقاد بين جيبوتي ومبادرة الميرغني
على ان اسوا مافي اتفاقية نيفاشا هو منحهاالشرعية - على نحو ما يردد تبارك - الشرعية لنظام استبدادي لا يزال يقتل ويشرد ويعتقل - المؤتمر السوداني - ومؤتمر الطلاب المستقلين - ولا يزال ابو ذر في الذاكرة - فنيفاشا لم تكتفي بانها ثنائية بل تاطر لانتهاكات حقوق الانسان وتقنينها فهل هذا ما يريده كمال عباس ؟؟؟
اكرر جيبوتي لم تكن اتفاقا بل مبادي ومبادرة لا تتجاوز بنودها الصفحة الواحدة وتشمل بين بنودها اهم بند المسائلة والمحاسبة والديمقراطية وحقوق الانسان كاملتا الدسم
| |
|
|
|
|
|
|
Re: لكن ما بالغت يا الحبيب الإمام !!! (Re: محمد عبدالرحمن)
|
محمد عبد الرحمن سلامات
يا اخي الموضوع في المبالغة العملا الصادق المهدي وطبعا الطبع يغلب التطبع والسيد ابو كلام لن يمل من الكلام ..
اما قصة الاحزاب الاسفيرية دي كنت قايلا حكرا على الشيوعيين؛ طلع انو الافلاس يشبه بعضو ..
اها حزب الصادق المليوني الواقعي الما اسفيري عمل شنو في كل تاريخو للسودان ؟؟
يا اخي عيب عليكم كان البوست دا ما تخشوهو احسن ..
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
Quote: يا اخي عيب عليكم كان البوست دا ما تخشوهو احسن .. |
ليه ما نخش يا عادل؟دة أحلى بوست نخش فيهو ..إتخيل البوست حق مناسبة زواج ،،و المنتقدين الإمام عملوا زي النقد الوجهوهو ليهو..في أحسن من كدة مكان نخش فيهو؟؟ قلت لي دولتكم دولة مواطنين..دولتنا ذاتها كدة..مش كلمتك قبل كدة إنو الإختلافات (قشرية)؟؟
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
Quote: تبلدينا سلام :
----------------------------------- هو الإمام بوظ بلد بحالا ما يبوظ كوشتا -----------------------------------
وقدا البلد كلها ما يقد حفلتكم ؟؟ |
عادل نحنا (الفينا اتعرفت) انشوف (دولتكم) ح تكون كيف؟ أمانة التنظير دة ما ساهل
| |
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
سلام يا لنا وتحيات وتقدير
---------------- عادل نحنا (الفينا اتعرفت) انشوف (دولتكم) ح تكون كيف؟ أمانة التنظير دة ما ساهل ------------------
افهم من كلامك دا اتفاق ضمني مع ما قلت ؟؟
دولتنا لن تشوفيها لانه لن يكون لنا دولة بل ستكون هناك دولة المواطنين فالدولة ليست للحزب وانما للمواطن؛ والحزب فيها مجرد مؤسسة من مؤسساتها ..
بعدين الدولة السودانية البائسة والما ايفا شغلا دي ؛ حنفككا وحنخليها ابسط من البسيط .. وحتتوزع السلطات فيها وتنزل اقليميا راسيا وافقيا .
يعني ما حيكون فيها زول الحاكم بامرو ينظر في كل شي وفي لا شي بل ستكون السلطة فيها في يد المواطن وفي متناوله وسيكون هو صاحب الراى والحل والعقد ولا عزاء لدولة الاحزاب .
| |
|
|
|
|
|
|
Re: لكن ما بالغت يا الحبيب الإمام !!! (Re: jini)
|
Quote: Quote: Quote: لو عملوهو زواج بي (إمكانياتهم) الإنتا عارفها ولا ما عارفها بوستيك دة ما يشيل الموضوع |
فى الشريعة امكانياتهم وفى الحقيقة امكانياتنا! دعوها ترعى فانها ابل امير المؤمنين! جنى |
إبل أمير المؤمنين شنو؟عاد كلامك دة يا جني (أعدائهم) ما قدرو يقولوهو لأنهم واثقين إنو ما سليم..
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
كتب الاخ ملاسي
Quote: اسه - عليكم الله – ناس كمال عباس ديل ما أخير منهم السيد الصادق!!
____ جيبوتي شنو و ميثاق الإخاء شنو؛ الدنيا عرس يا جماعة!! |
طيب ما تكلم صاحبك ود العمدة بالاول? يا أخي أنت عاوزنا نكون ملكيين أكثر من الملك ?الامام ذاتو قالوا حول صيوان العرس لقاعة برلمان !!!! 000000 مبروك الزواج الانصاري وجعله الله زواجا ميمونا وعامرا كمال
| |
|
|
|
|
|
|
Re: لكن ما بالغت يا الحبيب الإمام !!! (Re: kamalabas)
|
Quote: Quote: هو الإمام بوظ بلد بحالا ما يبوظ كوشتا |
كلام مكروووووووووووووور |
لنا سلام مكرور دى يعنى مكرر ؟ ولا عندها معنى تانى ؟ أنا طولت من السودان .
كان معناها كعب ما تكلمينى
لكن كان كانت (مكرر) ده موضوع البوست زاتو . كلام الإمام الماسخ والذى لا يغنى عن جوع ولا يأتى إلا بالسأم .
تحياتى
| |
|
|
|
|
|
|
جابت ليها كمان (Re: رأفت ميلاد)
|
:
Quote: Quote: Quote: هو الإمام بوظ بلد بحالا ما يبوظ كوشتا |
كلام مكروووووووووووووور
لنا سلام مكرور دى يعنى مكرر ؟ ولا عندها معنى تانى ؟ أنا طولت من السودان .
كان معناها كعب ما تكلمينى |
وشايفني شبه البيكتبو (كلام كعب) يا رأفت؟؟!!!!!!!!!!!!!!!!!! الكلمة(أمانة) و لو تذكرت دة لما كتبت لي زي كلامك دة!!!!!!!!!!!!!!!!! شوف كتبت ليك كلام تناقشني فيه و حوله لكن أي محاولة لكتابة كلام زي الكتبته لي خاااااااصة مع عدم وجود سوابق (كلام كعب) لي في المنبر دة لن تجد مني سوى الإدانة و الشجب و عدم التقدير! OFF POINT
| |
|
|
|
|
|
|
Re: جابت ليها كمان (Re: lana mahdi)
|
Quote: وشايفني شبه البيكتبو (كلام كعب) يا رأفت؟؟!!!!!!!!!!!!!!!!!! الكلمة(أمانة) و لو تذكرت دة لما كتبت لي زي كلامك دة!!!!!!!!!!!!!!!!! شوف كتبت ليك كلام تناقشني فيه و حوله لكن أي محاولة لكتابة كلام زي الكتبته لي خاااااااصة مع عدم وجود سوابق (كلام كعب) لي في المنبر دة لن تجد مني سوى الإدانة و الشجب و عدم التقدير! OFF POINT |
لنا حاشاك من الكلام الكعب
أنا بس الكلمة جاتنى كاااارة كدة
معليش بس موضوع الإمام ده فطينى
ما بنتفق وإحترامى ليك عالى والسيد الصادق زى ما شرحت ليك ما حالة خاصة
والسياسة بدائل وأدلة
مودتى Es tut mir lite
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: تانى قمت تهاجم الاصلاح والتجديد
|
عشان تعرف انك انسان كضاب بتين دا غير كدة انا زول انصارى حتى حزب امة اصلاح وتجديد كيفاهاجم حزب غباء سياسى فعلا
Quote: تضع صورة الامام فى البروفايل وتطبل ليهو بالله الكيسو فاضى منو !!.
|
والله دا الامام ونحنا اصغر من مانتحدث عنو بكلمة فارقه
Quote: غايتو الفطاحلة الدخلو فى البوست دا زى كمال عباس وود الريح وعادل وملاسي وتبارك البعرفوهو عن حزب الامه انت لو ضاعفنا ليك عمرك دا وبقيت 40 سنة ما بتكون اتعلمتو ارعى بقيدك سااااى يا بُنى |
مع احترامى الى هذة الاسماء لكن ماظن يفقهو شى فى حزب الامة مثلى انت ذاتك لو سالناك قلنا ليك حزب الامة اتسس سنة كم ماعارفو عليك الله فكنا اسمعنى اهم حاجة لسه شايل كنار
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: أعصابكــ
__________________
الود اعصابو باظت .. بالجدما تشيل فى خاطرك انحنا اكبر من كدا البوست دا نقد لشخصية عامة فى تصرف غير منطقي ما تنفعل وتخش اللمه ..
بهدوء .. |
أيووووووووووة جبتنا للب الشخصية العامة مؤكد مقبول بل مطلوب نقدها في الأداء العام..لكن يا أخي هو حر في يوم عرس ولده...أنا لو كنتا في كنتا قلت ليهو يا سيد بالله نصف ساعة إضافية عشان دم تبلدينا دة يتحرق تماماً..هو الكلام السيد بيتأبي؟بالله شوف المنكر دة
| |
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
.. . وانا كمان مصـَر عرس ولدو ما مناسبة خاصة شوفى اى حاجة يدقو ليها صيوان بره البيت طلعت للعامة تانى شئ لو هى خاصة السفراء الانجليز والمصريين دى اولاد خالاتكم ولا بقية الضيوف الكرام كلهم اعمامكم انتو للان ما عارفين الخاص من العام بعدين هو مش عام يبقي المناسبة للعموم ضيوف بره الاسرة ومن اسر تانية يبقي عام بعدين سيبو النرجسية شنو .. قدتونا عرس ولدو عرس ولدو .. ولدو دا معرس نفسو ولا كيف .. بتنا بالدنيا والعرس حقنا انتو عندكم الحنة وبس
والله يا أميرة انا كنت متـاكد لو استمر تانى نص ساعة كان يطلع لعنقريب الجرتق الا هو والعروس والحبيب - محمداحمد -
________________
قال منكر قال والله كلام امامكم دا الا يودينا التوج بعد ما غطس حجرنا 17 سنة
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
أنا متمتع بالبوست ده.
الجلابة هنا حاتينوا قرض.
لنا مهدي, تبلدينا,ود العمدة,بيان,عادل عبد العاطي.
كل قوى السودان القديم الرجعية.
أنا رأي مازال قائم بهذا البوست: هذه مناسبة خاصة ولا دخل لنا بها, أما إذا كان تبلدينا ولي أمر العروس فعليه أن يذهب للصادق المهدي مباشرة.
دينق.
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
Quote: أنا متمتع بالبوست ده.
الجلابة هنا حاتينوا قرض.
لنا مهدي, تبلدينا,ود العمدة,بيان,عادل عبد العاطي.
كل قوى السودان القديم الرجعية. |
شي عجيب القال ليك منو أنا من الجلابة؟؟؟؟!! هي جلابة دي ذاتها يا دينق يعني شنو؟ودة بدل ما تصلح ذات البين؟
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
سلام لنا
والله كان احسن ما تخشوا اشان ما في زول يقول عليكم درق سيدو ..
يا اختي عليك الله الموقف البايخ الختا الصادق نفسوا فيهودا - حسب رواية تبلدينا والتي لم ينفها احد - يمكن الدفاع عنه او يستحق الدفاع عنه ؟؟
بعدين دولة الصادق ما كانت دولة المواطنين؛ دي كانت دولة النسباء والحسباء .. ولسبب ما قال قائلكم : البلد بلدنا ونحن اسيادا !!
اها قصة قشرية دي ما فهمتها وما متذكرها ممكن تذكريني ليها ؟؟
ودي الاكيد ..
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
Quote: وقدا البلد كلها ما يقد حفلتكم ؟؟ |
يا عادل ومن غير زعل والله شينة منك ياخ انت زول ليبرل ياخ ودي حاجة خاصة ياخ ده عرسهم انشاء الله يقلبوا بيت بكاء دي خصوصيات لاسرة سودانية انت دخلك شنو بعدين منو القال الحفلة حقت ناس تبلدي ده ده زول معزوم يعني يجامل وكان ما عجبو الحال يشتت يمشي
انت بتتحدث عن حرية وبالذات الحرية الشخصية يجرتق ولا يقلب هوبا ده عرسهم زي ما قلت ليك وهم حريين فيهو انشاء الله يجيبو محمد موسى وينكتو مع بعض
افتح ليك بوست عن قد الامام للبلد وبهناك نحتو قرض مع بعض لكن في عرس ولد الزول كمان عاوزين تحشرو نفسكم شفت ده نظام المثل البكجنك في عرسك يكتحك لووووووول قالو خذو الحكمة من افواه ::::
Quote: أنا رأي مازال قائم بهذا البوست: هذه مناسبة خاصة ولا دخل لنا بها, أما إذا كان تبلدينا ولي أمر العروس فعليه أن يذهب للصادق المهدي مباشرة. |
او كما قال دينق
| |
|
|
|
|
|
|
Re: لكن ما بالغت يا الحبيب الإمام !!! (Re: محمد حسن العمدة)
|
ياخى ناس عجيبةعجب عجب شديد ياخى اعمل ل ولدو خطبة فى عرسو ولا اعمل ليهو حولية انت ياتبلدينا انت جاى دبيب كمان اية رايك انت كنت وكيل العروس انت كنت شاهد فى العقد ياخى انت ودعمت العروس ودخالتى ودعمها ود خالها اخوها ابوها انت ياتبلدينا جاى دبيب ليس الا اية رايك
| |
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
سلام يا تبلدينا وبما انك وعلي قولتك متهمني باني عامل ليك (كمين) مسلح ودرويش يضرب النوبة ضرب السنين فهذا البوست كان فرصة سانحة لي لمارسسة (الكمننة) والتجوال معاك في سياحة عصرية وريفة عن الخاص والعام للرجل العام وعن الشمشمة في العروسات(لها وما عليها) وعن الملكية الطقوسية للاسر وحقها في ممارسسة ما تريد من مراسم حسب مزاجها هي وهي فقط ولكن شايف صحبي محمد عبدالرحمن ولينا مهدي وجموع الاخوة (ما مقصرين) وزانقنك زنقة ترزي يوم الوقفة لذا ساجد نفسي قارئا (مداوم ) علي هذه الزنقة الاسفيرية حتي اقراء (الرروب)..... واشحد ربي ان يهديني (كمين) اخر يكون لي(وحدي) راس (كيكي_ وتبلدينا)... ..
| |
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
سلام يا تبلدينا وبما انك وعلي قولتك متهمني باني عامل ليك (كمين) مسلح ودرويش يضرب النوبة ضرب السنين فهذا البوست كان فرصة سانحة لي لمارسسة (الكمننة) والتجوال معاك في سياحة عصرية وريفة عن الخاص والعام للرجل العام وعن الشمشمة في العروسات(لها وما عليها) وعن الملكية الطقوسية للاسر وحقها في ممارسسة ما تريد من مراسم حسب مزاجها هي وهي فقط ولكن شايف صحبي محمد عبدالرحمن ولينا مهدي وجموع الاخوة (ما مقصرين) وزانقنك زنقة ترزي يوم الوقفة لذا ساجد نفسي قارئا (مداوم ) علي هذه الزنقة الاسفيرية حتي اقراء (الرروب)..... واشحد ربي ان يهديني (كمين) اخر يكون لي(وحدي) راس (كيكي_ وتبلدينا)... ..
| |
|
|
|
|
|
|
Re: لكن ما بالغت يا الحبيب الإمام !!! (Re: عبدالكريم الامين احمد)
|
.. . طبعا يا كيكى الخلا عادتو قلت سعادتو وطبلتك دى حتظل شايلها تدق فيها لكل من هب ودب الى ان يرث الله الارض ما عليها ما طبع عادى .. شغل التطبيل دا .. والله ذكائك دا بغطس حجرك وملاسي ما غلطان عليك .. بس اركز لمن يختك كورنه .. بالله عليك منو الزانق ومنو الزنديق !!؟ الروب دى منى ما بتسمعها .. معاكم - معاهم - للحد
_______________________
عارف فى دفوف للبيع ارسل ليك واحد !!؟ وتعال احذف التكرار دا واعتذر لو سمحت
| |
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
.. . والله يا محمد لو كانت حوليه ما كان قلنا حاجة ولو اكتفوبالرقصة الشعبية برضو خير بس رأيك شنو فى الحنة ام فنانك اها دي كانت عندكم فى الرئاسة اشمعنى الخطبة تقع على رأسنا !!
Quote: انت ياتبلدينا جاى دبيب ليس الا اية رايك |
ما هو الدبيب دا ياهو بلدغ فيكم من يومين شوفى ليكم مضاد !!
___________________
عالم عجيبة ياخى !!
| |
|
|
|
|
|
|
Re: لكن ما بالغت يا الحبيب الإمام !!! (Re: محمد حسن العمدة)
|
الحبيب محمد الحسن العمدة
يا اخي والله انتو لو ما دخلتو للخ تبلدينا في حلقو - وخصوصا الابن محمد عادل - كان البوست دا وقع الصفحة التانية ولا التالته طوالي ..
يا اخي لو العرس بتاع ولدو بس معليش؛ لكن واضح انو العروس وبعض الضيوف إتضرروا ويا اخي اول مرة نشوف ابو العريس بيبوظ الحفلة !!
زمان الحفلات كانوا بيبوظوها العالم الشالعة وبتاعين المشاكل
المسألة ليست تدخلا في الاشياء الشخصية يا ود العمدة؛ المسألة ان الرجل يفتقد اللياقة والحس السليم وما هذا المثال البسيط؛ الا شاهد على نرجسية الرجل وحب التسلط فيه ..
ولو هو بيطبز في عرس ولدو نقوم نسلمو البلد يطبزا تاني ؟؟
فيا اخي خلي يتفرغ للحنة والجرتق ويترجل من العمل العام بعد ان بلغ السبعين ونيف وفشل مرتين او اكثر ..
وشوف لو بنهببوا ليهو حينذاك ..
لك المحبة ..
| |
|
|
|
|
|
|
Re: لكن ما بالغت يا الحبيب الإمام !!! (Re: محمد عادل)
|
Quote: الجلابة هنا حاتينوا قرض.
لنا مهدي, تبلدينا,ود العمدة,بيان,عادل عبد العاطي |
. خوووووووود دا شنو يا جورج بن بوك آل الدينق نحنا موش بقينا عسل على سمن واسع انا بتعلم في عربي جوبا ولغة الدينكا بعد 21 سنة من لوية اللسان بكلام الدناقلة وقلت خلاص غيرنا باب الخباء تجي انت تقلب لي ظهر المجن جيت تقول على جلابة واسع خطبة الرزيركشن تفك ارجع ظلامية.. وكوزة وشينة.. هاااااااااك الشاكوش دا
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
الاخ / تبلدينا
عرس الحبيب محمداحمد نجل الامام وكما رويت انت ما فيه شيئ شاذ ! الامام خطب والخطبة الطويلة لها مرجعيتها في العرس الاسلامي بالتحديد " خطبة ابوطالب في عرس النبي صلى الله عليه وسلم " ، والامام رجل عقائدي وقائد ومفكر اسلامي فمن الطبيعي ان يخلوا مراسيم الفرح في بيته من الهرج والمرج والطرب و" السكسكة " التي ينتظرونها انت وامثالك . كان من الشاذ والغريب فعلا ان رقص الامام او تغنى باغاني الحسان او " اغاني البنات " وعنئذ كان يحق لك ان تشهر سيفك ورمحك وتسلط قلمك للكتابة بكل النعوت السيئة والغريبة . كل ما قام به الامام خطبة خطبة عصماء ان دلت على شيئ فانها تدل على وطنيتة وحبه لوطنه فهو في هذه المناسبة الجميلة لم ينسى هموم الوطن ومشاكل السودان بدلا من ان يطرب " ويعرض " باغنية ردد شاديهافي هذا المهرجان الكبير " سيد الناس وصل ".اما عن تكلفة العرس فان اصغر تاجر في سوق السجانة او سوق ليبيا يستطيع استاجار صيوان ككذام ويعمل بداخله العجب العجاب من الاشياء البتحبها انت !، كيف والامام كشخصية عالمية اتخزت موقعها العالمي بمؤهلاته الفكرية والعقائدية والثقافية وبموروثه الاسري العريق ان يتميز حفل زفاف ابنه بعض الشيئ عن زفاف عامة الشعب السودان !
الاخ / عبدالعاطي (المسألة ان الرجل يفتقد اللياقة والحس السليم وما هذا المثال البسيط؛ الا شاهد على نرجسية الرجل وحب التسلط فيه ..)
بالله رجل حكم السودان في اصعب الحقب التاريخية تقول عليه زي الكلام ده انت مالك زول اشتر كده ؟! ولا تكون قاصد امام تاني ؟!
عموما الف مبروك للعريس محمداحمد و شكرا للامام بان سنه سنة حسنة بان جعل مراسيم الفرح يتخللها ندوات فكرية وثقافية ... وان شاء الله يا امام يوم شكرك ما يجي !
ويا تبلدينا جهز نفسك لسماع خطبة عرس " بشرى " اصغر ابناء الامام .
والله اكبر ولله الحمد
"
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
عادل يا خوي نحنا مابندافع عن الرجل بندافع عن حقو في الخصوصية..عن حقو يعمل الدايرو في عرس ولدو و طبعاً تبلدينا نقلت كاميرا (عين السخط) حقتو ما لم يحدث أو على الأقل لم يحدث بالصورة التي نقلت عن ضيق العروس..مثال للمبالغة تبلدينا نقل عن صديق له أن خطبة الجمعة التي قالها سيد الصادق كانت 10 صفحات و الحمد لله الخطبة موجودة في صفحة الأخبار مستحيل تكون 10 صفحات مطبوعة أو بخط اليد..مسألة قشرية قصدت بها أننا متفقون أن ما يجمع القوى الوطنية أكثر مما يفرقها و في كثير من الأحيان خلافاتنا قشرية..المهم في الأمر السيد فعلاً بالغ ما طول كلامه خاصة مع معازيم زي أخوي تبلدينا دة كان يستفيد أكتر
| |
|
|
|
|
|
|
Re: لكن ما بالغت يا الحبيب الإمام !!! (Re: lana mahdi)
|
.. .
Quote: عادل يا خوي نحنا مابندافع عن الرجل بندافع عن حقو في الخصوصية..عن حقو يعمل الدايرو في عرس ولدو |
والله انتو زى قرود الطلح .. تتشعلقو فى الحاجة لمن تمسخوها حسي من يومين ماسكين فى الخصوصية !! ولا فكرت فى جملة سااى تعبر عن اعتذار للضيوف واهل العروس ولا فى مسالة جرتق الامام اها وبعد دا ..دا حقو ووين حقنا نحن ليه يفرض علينا الخطبة غصباً عن ارادة اهل العروس والعروس والضيوف دى نرجسية متأصله فيكم .. وديكتاتورية ستظل باقية ببقاء الامام - امد الله فى عمره -
اها عين السخط بتاعتى دى هى الابدت المساويا !! عشان تتعظو وتستفيدو لكن انتم تظنون انكم - وامامكم - معصومون عن الخطا _ استغفر الله العظيم -
انت طبعا اكيد اتصلت وعرفت الحاصل عشان كدا بحس انو دفاعك ما مستميت .. اها ابقي ليك زى بعض الضلالين فى تفسير القرآن واخذ من حديثك هذه الجزئية فقط
Quote: المهم في الأمر السيد فعلاً بالغ |
بالغ ساى .. والله بالغ وكترها
____________________
10 صفحات خطبة الجمعة - ولقد قلت على ذمه الراوى يمكن صفحات نوت بوك ما فلسكاب لو بقت فلسكاب او اى 4 العقد كان اتفرتق
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
.. .
Quote: يا اختي عليك الله الموقف البايخ الختا الصادق نفسوا فيهودا - حسب رواية تبلدينا والتي لم ينفها احد - يمكن الدفاع عنه او يستحق الدفاع عنه ؟؟ |
والله يا عادل يااخوى هذا ما حصل بس منو البقول الغله فى الابريق ..
الموضوع دا بالنسبه ليهم عاادى وما غريب ولا عجيب
______________________
ديل مش درق سيدو .. دا زاميهم وقايد الرسن
| |
|
|
|
|
|
|
Re: لكن ما بالغت يا الحبيب الإمام !!! (Re: Abdel Aati)
|
.. .
Quote: يا اختي عليك الله الموقف البايخ الختا الصادق نفسوا فيهودا - حسب رواية تبلدينا والتي لم ينفها احد - يمكن الدفاع عنه او يستحق الدفاع عنه ؟؟ |
والله يا عادل يااخوى هذا ما حصل بس منو البقول الغله فى الابريق ..
الموضوع دا بالنسبه ليهم عاادى وما غريب ولا عجيب
______________________
ديل مش درق سيدو .. دا زاميهم وقايد الرسن
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: ديل مش درق سيدو .. دا زاميهم وقايد الرسن |
وانتا منعتق يا صالح؟أبداً..نهائي..الكراهية الزائدة مثل الحب الزائد..كلاهما قيد..ربنا يجعلنا نحب الإمام و نرى عيوبه...ونكره أعداءنا و نرى حسناتهم..ويبقى الود .. لنا
| |
|
|
|
|
|
|
Re: لكن ما بالغت يا الحبيب الإمام !!! (Re: ناذر محمد الخليفة)
|
.. . ناذر
Quote: هسي أنا كنت ناوي أجيب الترابي يجرتقني في عرسي !! |
غايتو الخال ما سمعت بيهو يوم جرتق ولو حصل تكون عوجتين ..
___________________
ابقي عشرة على خالات وعمات العروس والله يملوك ضريرة لمن تعطس بس جيبو يقرا ليك يسن .. تهديك وتخت ليك الرحمن فى قلبك
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: المشكلة يا جورج هى لو فعلاً مناسبة خاصة الامام قام عملها عامة - رغم قناعتى بعموميتها - وخطب خطبة عصماء فى كل مناحى الحياة شوف مقال صحيفة الحياة وتحدث عمن السودان القديم والجديد والشأن العام ودا الحرق دمنا زاتو يا اميرة |
تبلدينا.
ياخي كل زول بعرف يعبر عن فرحته بطريقته الخاصة. الصادق المهدي عبر عن فرحته بالثرثرة في الحديث وهذا حقه. وشخص أخر يمكن أن يعبر عن فرحته برقص وكشف... والى الاخر.
طيب هاك القصة دي يا نبلدينا.
مرة كنا في حفلة زواج بأحد الاحياء الراقية في الخرطوم, أبو العروس كان إمام مسجد الحي. عندما وصلنا لموقع الحفل كان الرقص والهجيج مدور للطيش. قام واحد صاحبنا قال لينا يا جماعة خليكم جاهزين لأنوا الحفلة دي حتفرتق بعد شوية, لأنوا فلاني الفلاني ده بكون نايم. وبعد شوية حيقوم يفرتق الحفلة دي. مشينا باركنا للعريس والعروس ورقصنا معاهم. وبعد ساعة بالضبط. ظهر والد العروس(إمام المسجد) يراقب سير الحفل من بكلونة الطابق الخامس. ثم نزل وأخذ المكرفون وأعطى الحضور محاضرة دينية عن أضرار الرقص والاختلاط. فرتقت الحفلة وذهب أهل العريس ساخطين على تصرف أبو العروس.
وهناك قصة أخرى عن ضابط الجيش الذي نزل المعاش وأدانا إدارة دخلية في حفل زواج أبنته وأنا كنت بشتغل أبنه وأقول له أبوك طلع زيتنا شيلو منوا المايك. يا تبلدينا. ده السودان كده وبجميع متناقضاته الكثيرة. مبروك للعروسين ونتمنى لهم حياة زوجية سعيدة.
دينق.
| |
|
|
|
|
|
|
Re: لكن ما بالغت يا الحبيب الإمام !!! (Re: Deng)
|
.. .
Quote: تبلدينا.
ياخي كل زول بعرف يعبر عن فرحته بطريقته الخاصة. الصادق المهدي عبر عن فرحته بالثرثرة في الحديث وهذا حقه |
والله لم تقل الا الحق وهذا ما حصل .. ولنعتبرها فرحه ثرثارة
Quote: وهناك قصة أخرى عن ضابط الجيش الذي نزل المعاش وأدانا إدارة دخلية في حفل زواج أبنته وأنا كنت بشتغل أبنه وأقول له أبوك طلع زيتنا شيلو منوا المايك. يا تبلدينا. ده السودان كده وبجميع متناقضاته الكثيرة. مبروك للعروسين ونتمنى لهم حياة زوجية سعيدة. |
بالله ما احساس يغيظ يا دينق والله الموقف الحصل ليك دا بالضبط انا كنت فيهو قربت اقول يا اهل المروة شيلو المايك دا بالعدم افصلو الامبلافيلرم
_____________________
ما تتلوم مع الدكتورة .. ركز لى مع الهتافات الهنا دى عاش عاش الصادق
| |
|
|
|
|
|
|
Re: لكن ما بالغت يا الحبيب الإمام !!! (Re: طارق جبريل)
|
Quote: دايما في الأعراس بيجي واحد -نيابة عن نفسه- لتهنئة العريس والعروس ثم في الغالب يلقي قصيدة لا يسمعها أحد! هذا الشخص ينال -في الغالب- سخط المعازيم رغم أنه لا يتحدث في العادة أكثر من 3 دقايق! |
نحنا هنا في دشليون بروف من مختلف الجنسيات اها اي عرس بيجو يترصو وينظرو وينصحو العريس والعروس نهائي بناتي لا يذهبن الى اي عرس هنا واذا اصريت يمشو بيكونن يبكن طول الطريق... ويحلفن :انهن ويل مسبهيف" عشان اوقف سواقتهم.. في بروفات دمهم شربات وفي واحدين دمهم تقيل نستحمل ونمشي ومرة واحد قرأ اية الطلاق كمان.. النضم في الاعراس بقى سمة عادية.. خاصة من ابو العريس البيكون شايف زمانو فات وغنايو مات وعازي عليه فراق ولدو.. تبلدينا دا شناف ساكت ياخي..
| |
|
|
|
|
|
|
Re: لكن ما بالغت يا الحبيب الإمام !!! (Re: Tabaldina)
|
Quote: حتى دخل الملل الى النفوس .. وصفحات النوته كأنها لا تنتهى .. والحضور بين مستغرب .. ومستاء .. ومتضايق عداالحبايب طبعاً |
Quote: عليكم الله البشير كن عرض ولا رقص عديل انتو بتعابوهو ليه !!؟ احسن ياتو الجرتقه ولا الرقيص ؟؟ مجرد سؤال .. ولكنه اعتقد سؤال ليس للإجابة |
Quote: وعقب : والله بالجد العجيب والغريب _ يا ملاسي - انو دعو السفير المصري والبريطانى - طبعا بحكم التابعية والربوية ( دى من عندى ) ولم يسلموا من اساءات وتلميحات مباشرة وغير مباشرة .. |
Quote: والله يا والى دا مش انتهزها دا استثمرها على اكمل وجه .. مالو بقي غياظ كدا زى الترابي .. ينضموا زى الفاطين سطر فى مناسبة وبدون مناسبة .. |
Quote: ذكرتنى تاريخ هبوط الامام فى مطار كنيدى ابان الديمقراطية - الضيعها علينا - وصعد الامام ليقوم بعملية الجرتق .. وانا فاغر فاهى دهشة واستعجاباً
_____________________________
يا تبارك بطل الفنقلة وشعر ربيع وتعال هنا مش قلت ليك الانصار بتاعين بدع وابداع
والله انت طلعت زول اشتر واروش ودرويش ولابس جبه انصارية تدل على ذلك شنو الفرح فرحهم وهم سيادوا .. انت ما بتفهم انو الزواج دا مشترك بين اسرتين ولا دى الديكتاتورية الحزبية المارستوها كثيراً بعدين الفرح فرحهم وهم سيادوا دى ذكرتنى مظاهراتكم ومقولاتكم البلد بلدنا ونحن سيادها الغطستو فيها بهبالتكم وامامكم دا حال البلد لمدة 17 عام وشردتو وخليتو محمد احمد يعانى المر ومن قرصات النمتى _ كما تقول _ بعدين كلامك الفارغ والاشتر دا تانى ما تكتبوا شنو مشاط ومشاطات .. انت اهبل .. |
Quote: ترسلها ولا نجى .. بس ما فى داع هنا ستر للفضايح نحن داخلين عرس وعايز اناسب الانصار ديل .. يقول فصيح وكمان شين ودشن |
الاخوة الأحباب بالمنبر أرجو السماح والمعذرة ، ما أوردته أعلاه جزء بسيط من كلام التبلدينا وأراكم تجادلون من لا يستحق ولا يحترم الكبير أو أسر العريس و لا العروس ........................ الخ فهذا التبلدينا وبكل ما أورد فى هذا البوست فهو ليس بفصيح كما ذكر ولكنه لا يتعدى الوصف بأنه إنسان لا يراعى قيم الشعب السودانى ولا مشاعرهم .
و السؤال للمهندس بكرى أبوبكر المحترم : هل تجيز لوائح المنبر للأعضاء تناول المناسبات الخاصة للقيادات الوطنية أو غيرها بطريقة مشوهة و مسيئة ؟؟ هذا فى رائ ما فعله العضو تبلدينا وأمل أن يحاسبه المنبر و إلا فالنيل من عرض الإمام سيدفع عنه بشكل لايق .
ســــــــــــــــــــــــــلام ،،،،،،،،،،،،،،،،،،،،،،،
| |
|
|
|
|
|
|
Re: لكن ما بالغت يا الحبيب الإمام !!! (Re: عبد المنعم عمر عثمان)
|
.. . كالعادة آل البيت قايدين الرسن والتبع يهرولون خلف القافلة ..
وانت يا عبدالمنعم عمر بلاشك لم ولن تقود الضعينة يوما ولن تمسك الرسن وستظل تتبع الامام اخطاء او اصاب .. وستظلون فى غيكم تعمهون .. وما هو تقيمك لمراعاة فيم الشعب السودانى ومشاعرهم هل آل البيت هم الشعب !!؟ اظنك تقصد ذلك .. هل فى الموضوع علاقة بالمشاعر .. اظنك لا تعلم المعنى ولا تعلم انك لا تعلم فأنت جاهل .. وانى لمعلمك .. الامام لم يراع التواجد ولا الحضور ولا مشاعر الضيوف ولا الاصهار ولاالنسابه فاستغل السانحه ليتحدث فى مقام ليس هو وقت لمقاله لو اكتفى بتهنئة ونصيحة ارشادية لم تتجاوز الدقائق لم عتبنا عليه تصرفه ولكنه اكثر .. واطال .. وادخل الملل فى النفوس وهذا طبع جبل عليه والطبع يغلب التطبع ..
Quote: السؤال للمهندس بكرى أبوبكر المحترم : هل تجيز لوائح المنبر للأعضاء تناول المناسبات الخاصة للقيادات الوطنية أو غيرها بطريقة مشوهة و مسيئة ؟؟ هذا فى رائ ما فعله العضو تبلدينا وأمل أن يحاسبه المنبر و إلا فالنيل من عرض الإمام سيدفع عنه بشكل لايق . |
لا توجد لائحه تحجر على ما اقول ولا يوجد قانون يمنع نقدى مالم اتعرض لشخص بأساءة شخصية واعتقد ان من غيظكم لطرح هذا الموضوع للعامه توهمتم انه اساءه لامامكم -الاكبر -.. اين النيل من عرض الامام عرضه واسرته التى لها كل الاحترام ولكننى انتقد اسلوب تناوله لخطبة فى مناسبة كهذه خطبه بالساعات .. لحضور كريم جاء للاحتفال بنسب جديد وقبيلة وقوم اخرون انتقد عادة لم اسمع بها تمارس من قبل الرجال وهى الجرتق اعتقد ان احد اسباب تدهور حزب الامه وكيان الانصار هو البطانه الجبانه امثالكم الذين يرون الخطأ ومهما كان صغيراً ولا يستطيعون ان يقوموه او ان ينطقون ببنت شفه للامام وصفوته فتدهور الكيان ووصل للقاع تفكك وتهشم وتقسم مره ومرات .. المسلم مرآه اخية .. ان كان الامام يريد ثواب الدنيا والاخرة لما لم يتعرض للاختلاط وتقدم بنصحنا بعدمه ؟ لما لم يعتذر عن عدم تمكنه من تقديم زواج ميسر لظروف مانته واهله ؟؟ لما وافق على الغناء والطرب فى حنه الحبيب المذكور ؟؟ لما لم يتحدث عن الزى والحجاب فى المناسبة لما ؟؟ ولما ؟؟ ولما ؟؟ يا تابع .. من راء منكم منكرا فليغيره بيده فان لم يستطع فبلسانه وان لم يستطع فبقلبه وذلك اضعف الايمان .. اعتبر ما اكتبه اضعف الايمان ونسال الله ان يجد القبول من امامكم اما امثالكم فنسال الله لهم الهدى والهداية..
_____________________
وارنى كيف ستدفع عنه بشكل لائق ؟؟ عربي جوبا وهذا عيب
| |
|
|
|
|
|
|
|