|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
والله يا فرانكلي بالغت
Quote: هل تشطيب البيت بالجالوص من برّة ممكن؟
|
جبنا ليك بيت لحدي عندك قللنا فيهو إستهلاك الإسمنت لأقل حد ممكن وإقتصر على البياض بس .. وإنت بتسأل من الجالوص
غايتو سؤالك دا ما مقدور نجاوب عليو لانو صراحة ما جربنا حاجة زي دي ..
إنت داير البيت يقيف تلاتة طوابق بدون أي إسمنت مالك ؟
باقي الأسئلة برجع ليك بعدين ..
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: Frankly)
|
فرانكلي ..
أول حاجة متشكرين على الصورة دي :
دي بالضبط الطريقة البنبني بيها المنازل هنا ..
Quote: لو عايز ممكن أجيب ليك نماذج لبيوت بتشطيب جالوص |
ذكرتني حاجة مهمة جدا ..
طبعا في بيوت بتشطيب الجالوص ، وكل الناس الحصل ليها خلط إنو البيت الفوق كلغ عشرة مليون ..
البيت الكلف عشرة مليون هو بيت من الجالوص المحسن ..
ودا بتلقوهو وتلقو الصور بتاعتو لو دخلتو من الرابط بتاع البوست التاني الوضعو بكري أبو بكر فوق ..
صراحة فرانكلي ..
حاليا ما أقدر أفتي ليك في موضوع الجالوص لحدي ما أعمل بحث وتضريبات في الحكاية دي ..
وبالمناسبة سؤالك دا برضو هام ومفيد ..
وأنا ما هضمت حقك في السؤال .. بس السؤال فاجأني
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: Frankly)
|
يا ناذر معليش ردمناك بالإسئلة لكن بجد في ناس معانا هنا ما جمعوا القروش دي بالساهل فما ممكن يخشو في موضوع بناء ويقصرّر معاهم لا يقدرو يتموه لا يرجعو قروشهم ويستثمروها في مشروع عشان تزيد حبّة وبما إنّك بتمثّل الشركة المنفّذة فاصبر على اسئلتنا شوية دا ما كلامك أنت؟
بما إنو كل الناس متجمعين بي هنا :
حا أكون إستغلالي شوية وأخت الدعاية دي :
فيها عناوين الإتصال والإستفسار وكدة ..
|
تحياتي كمال
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
.. .
Quote: وبما إنّك بتمثّل الشركة المنفّذة فاصبر على اسئلتنا شوية دا ما كلامك أنت؟ |
سلام يا كمال ناذر هنا حسب ما فهمت ما بمثل الشركة المنفذة الشركة المنفذة دى شركة الثرى دى بانل اشراف د. شطة ناذر اشرف على التشطيب ..
يعنىى الحسابات قسمين قسم البناء من حفر وتركيب الشبك ووملء الفراغات وبناء الفواصل والطابق التانى
الف صنف نا س ناذر مسكو الجزء التانى وهو التشطيب والتركيب ..الخ
حسي انحنا لا عرفنا البناء كم ؟ ولا التشطيب كم ؟؟ ولا التكلفة كم ؟؟
____________
دا كلام دا ؟؟
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
فرانكلي ..
Quote: يا ناذر معليش ردمناك بالإسئلة لكن بجد في ناس معانا هنا ما جمعوا القروش دي بالساهل فما ممكن يخشو في موضوع بناء ويقصرّر معاهم
|
ظروف البناء تختلف من شخص لاخر .. وأنا رديت على كل الإيميلات الجاتني ووريت الناس تبدا كيف ومن وين !! وحتى التلفونات الجات للشركة من كل أنحاء الدنيا وريتم التفاصيل ..
كل المطلوب خريطة واضحة أو حتى كروكي ..
لكن ششنة كدة في ظروف عدم إستقرار المواد صعبة شوية ..
ويا تبلدينا ويا فرانكلي ..
بيت بكري دا كلف كم أنسوهو .. أفترض مثلا بيت بكري كلف 60 مليون .. فهل دا يعني إنو كل المنازل مفترض تكلف المبلغ دا ؟!!
أنا داير زول يجي يجيب معاهو خرطة دقيقة ويقول لي عندي بيت مساحتو كذا وفيهو من عدد الغرف كذا غرفة والغرف مساحتا كذا متر وداير فيهو كذا طابق .. فدا يا إبن العم بيكلفني كم ؟!!
أنا طوالي حا أمسك الألة الحاسبة وأضرب الشغلانية وبقول ليهو بيكلفك كذا مليون مثلا ..!
لكن الناس بتقيس بي منزل بكري ودا ما منطقي لأنهم ما عارفين مساحة الغرف بتاعت البيت ولا كم غرفة ولا إرتفاعو كم ... ومعلومات كتييييرة غايبة عنهم ..
إذا المطلوب شنو ؟!
أي زول يحضر معلومات عن بيتو الداير يبنيهو وخرط دقيقة ويقول لي يا ود الخالة شوف لي الشغلانية دي حا تدفعني كم من الملايين ..!
صعبة الحكاية دي يا شباب .!!
الإيميل موجود
[email protected]
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: ناذر محمد الخليفة)
|
.. .
Quote: ويا تبلدينا ويا فرانكلي .. بيت بكري دا كلف كم أنسوهو .. أفترض مثلا بيت بكري كلف 60 مليون .. فهل دا يعني إنو كل المنازل مفترض تكلف المبلغ دا ؟!! |
ليه ننساهو هو بكرى سارق مال عام ولا مطلوب ديون ما دا مثال حلى قدامنا والناس على ضوئه داير تقيس \بحكم انه شافو البيت من بره ومن بداية الشغل ومن جوه .. الافتراضات دى لو انحنا محتاجينها ما كان سألنا ..
Quote: أنا داير زول يجي يجيب معاهو خرطة دقيقة ويقول لي عندي بيت مساحتو كذا وفيهو من عدد الغرف كذا غرفة والغرف مساحتا كذا متر وداير فيهو كذا طابق .. فدا يا إبن العم بيكلفني كم ؟!! |
حسي الكلام دا اقولو ليك انت ؟؟ ولا امشى بيهو لمهندس شطة صاحب التقنية زاتها انت ياناذر جااادى ؟؟
Quote: لكن الناس بتقيس بي منزل بكري ودا ما منطقي لأنهم ما عارفين مساحة الغرف بتاعت البيت ولا كم غرفة ولا إرتفاعو كم ... ومعلومات كتييييرة غايبة عنهم .. |
ياخى ما لك بتعقدها ياخى عايزين زى بتاع بكرى دا لاننا شفناهو صورة وصوت فيديو وواقع ومراحل ؟؟ شنو الما منطقي ؟؟ والتنظير
_____________
انا يبدو انت زاتك ما عارف بكرى صرف كم ؟؟ ولا قيمة المواد الشالها منك كم.؟؟
وانا بصراحة اتشنجت خلاص ..
احسن امشى لشطة بنفسي .. لو اديتنى المواد بالاقساط خير وبركة كن زعلت نشوف غيرك
| |
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
Quote: أفترض مثلا بيت بكري كلف 60 مليون .. فهل دا يعني إنو كل المنازل مفترض تكلف المبلغ دا ؟!!
|
ابدا ياودالخليفه الناس ماحاتفتكر كده الناس عاوذه تعرف البيت كلف كم ماأكثر من ذلك .
Quote: ياخى ما لك بتعقدها ياخى عايزين زى بتاع بكرى دا لاننا شفناهو صورة وصوت فيديو وواقع ومراحل ؟؟
|
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
فرانكلي ..
جيتك وجيت لي سؤالك في موضوع الجالوص ..
إتضح أن هنالك تجارب أجريت على إستخدام الجالوص بديلا للأسمنت في هذه المباني وكانت ناجحة مائة بالمائة ..!
ولكن لا أحد تقدم رغم نجاح التجارب بطلب لبناء منزله بهذه الطريقة ..
صنفرة :
أها رايك شنو تفتتح لينا فلل الجالوص وتدخل التاريخ وفلتك تبقى مزار سياحي وقبلة المصورين وحديث المدينة بالنظر لأنك صاحب السؤال ؟
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: ناذر محمد الخليفة)
|
.. .
Quote: ولكن لا أحد تقدم رغم نجاح التجارب بطلب لبناء منزله بهذه الطريقة .. |
الاخ كمال .. قدلا اتفق مع الاخ ناذر منذ ان بدأنا هذا الحوار .. وتلك التساؤلات التى على ما يبدو يتهرب من الاجابة عليها .. لسبب لا اعرفه وكأننا نطلب اسرار البيت الابيض !!! حيث اننى حتى هذه اللحظة لم اطلع منه ( بعقاد نافع ) وحسب ما يقول انه مسؤول عن التشطيب .. لا ادرى سر عدم وضعه اجوبة للتساؤلات هنا حتى التى كان مسؤولا منها واقصد تكلفة مواد البناء .. وعلى يبدو ان هناك حلقة مفقودة حتى تكون من اسرار البنتاغون او عدم علم ناذر بالمبلغ الكلى للتشطيب .. ولكن افيدك ان هناك تجارب ناجحة تمت للبناء بهذه الطريقة حسب افادة المهندس/ عادل مدير شركة تهاديل للمبانى الجاهزة ..
Quote: الصورتين اعلاه .. هو الشكل الخارجى والتشطيب الخارجي لنفس المنزل بمدينة الصالحة واستخدم المواد الاسمنتية وتشكيلها حتى تعطى منظراً جمالياً وهذه مرحلة ما قبل الطلاء الخارجي .. للمنزل .. وتتضح فى الصور انواع الشبابيك والابواب المستخدمة .. |
Quote: الصورة اعلاه منزل المهندس الذى تم بنائه بمدينة صالحة من بلوك الطين الاخضر .. ويوضح التشطيب الداخلى .. بوماستيك مخلوط بالمواد الصمغية .. وهو المنزل الذى كلف مبلغ 10 مليون ويسكنه الان احدى مهندسي الشركة ( شركة تهاديل للمبانى الجاهزة ) |
واعتبر هذا النموذج الذى وضعته بدائى لما رأيته لاحقا حيث كان التجربة الاولى لهذه النوعية وكانت من طابق ارضى فقط ولكن بقية التجارب فى بعض المواقع والمزارع والاحياء كالطائف مثلا كانت قمة الجودة والروعة وساحاول لاحقا ارسال صور جديدة بعد استعارتها من م. عادل
مكتب المهندس عادل الذى قام بتنفيذ عدد من ماشاريع الطين الاخضر ومنها منزلين بالطائف .. احدهم على الطراز النوبي .. (حسب افادته ) الرابط هنا حــول ما أُثير عن المباني قليلة التكلفــة ...
Quote: قول لي إنت داير تعرف شنوأسألني وأنا أوريك ..! |
Quote: بس ما تسألني تقول لي بيت بكري كلف كم؟ |
هو دا الداير يعرفو يا ناذر .. ما هى المساحة التى شملت البناء لمنزل بكرى ؟؟ وكم عدد الغرف والهولات ؟ وكم استخدم من الحديد والاسمنت ؟؟ والبوهية والتوصيلات والتمديدات .؟؟ الخ
__________
طبعاً انا متاكد انت ما حتوريهو ولاغيرو وحتمشى وتجينا ترفع البوست بدون معلومة مفيدة ..
فى أمان الله عشان اريحك http://www.sudaneseonline.com/db/attention/020_Frown.gif
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
بلدينا، ناذر،
أولا مشكورين كثيرا على التحقيق الذى أجريتموهو فى شأن المنازل قليلة التكلفة، و معليش جات متأخرة،
الحقيقة الخيارين ممتازين، و لو إنو قلبى مايل أكتر للطين الأخضر لأسباب إستراتيجية.... أولها، الإحساس بالأمان، ولو إنو تقنية الـ3DP تنفع برضو، لو تمكنتو من الحصول على إجابات المهندس محمد السيد فى البوست: http://حــول ما أُثير عن المباني قليلة التكلفــة ...
ألا و هى:
Quote: تجول الأسئلة بخاطرى ,منها:ـ مقاومة الحوائط للحريق وذلك فى مبنى استخدم فيه نسبة عالية من مادة الفلين؟. وماهى مدى خطورة التمديدات الكهربائية خلالها؟سخانة الأسلاك الكهربائية وتأثيرها . هل تم إجازة استخدام المادة للمبانى السكنية بهذه النسبة العالية هل تمت إجازتها من هيئة المواصفات والمقاييس؟ هل تم حساب الأحمال الواقعة على (الحوائط الحاملة)علميا. أم المبنى أهو دا وقف والسلام؟ آخذين فى الإعتبار الحمولة الزائدة من التركيبات الديكورية بالسقف(مادة الجبص مثالا) معروف أن نقطة الضعف فى المبانى عند الفتحات(الأبواب والشبابيك) كيف تم تلافى هذا الضعف؟ آخذيت فى الإعتبار حركة الأبواب المستمرة(فتح -قفل) وكيف تم تثبيت الأبواب بحوائط معظم مقطعها يتكون من مادة الفلين؟ هل تم التدعيم بأكتاف من مادة بنائية أخرى؟(الخرسانة المسلحة مثالاً) هل تم إجازة إستخدامها للحوائط الداخلية والخارجية,أم هى حوائط فصل داخلى فقط؟ كيف تم التثبيت عند الأرضية؟وهل أخذ فى الإعتبار حركة الأرض,فوران الأرضيات)وماينتج عنها من تشققات تؤدى إلى فصل تثبيت الألواح بالأرضيات؟ كيف تم تثبيت السقف عليها؟وهل أخذ فى الإعتبار حركة السقف مع الرياح وماتؤدى إلى تشققات عند نقطة إلتقاء السقف بالحوائط؟ هذه التشققات قد تؤدى إلى فصل كامل للسقف عن الحوائط,لأن كامل السماكة تكون 3سم للداخل و3 سم للخارج بالإضافة للفلين,والذى هو فى الأصل مفصول عن اللياسة خارجة ,اللهم إلا تخلخل الأسلاك له, و مادة الفلين,وهى لاتقبل التماسك مع مادة إنشائية أخرى,إلا بالغراء كمادة لاصقة,علما بأن الفلين ليست مادة إنشائية للتحميل ماهى مادة السقف المستخدمة؟ هل تم استخدام عوارض تدعيم مابين كل لوح فلينى ؟ أم تم تحميل كامل السقف على اللياسة الأسمنتية بسماكة أقصاها 3 سم بينها مادة الفلين(وهى مادة غير حاملة)؟ هل ذلك يعنى أن كامل السقف حمل على اللياسة الأسمنتية؟ يذوب الفلين الأبيض عندما يتعرض لمادة البنزين,ماهى التقنية المستخدمة لعدم تعرض الحوائط لهذه المواد عند إلتقائها بالأرضيات؟وهل اللياسة كافية؟3 سم كحد أقصى! ماهى التقنية المستخدمة لتثبيت المكيفات -فى الحوائط الخارجية-وهى(المكيفات) ذات إهتزاز دائم,هل يتطاير معها البياض (اللياسة الأسمنتية)3 سم من بعدها يأتى سطح الفلين؟هل تم استخدام بلكات أسمنتية لتقوية الحوائط الخارجية التى تركب عليها المكيفات؟ |
و السؤال هو: هل يمكن تجانس البناء بإستخدام البناء بالطوب الأخضر (للحوائط الخارجية مثلا) و الـ3DP للبناء الداخلى؟
(عدل بواسطة Hala Hassan on 07-29-2008, 09:22 AM)
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سلام هالة حسن ..
Quote: هل يمكن تجانس البناء بإستخدام البناء بالطوب الأخضر (للحوائط الخارجية مثلا) و الـ3DP للبناء الداخلى؟ |
نعم يمكن وعملنا عدة منازل بهذه الطريقة ..
هنالك منزل لأحد أل المهدي بأمدرمان لديه صالون قديم ضخم مبني من الطوب الاخضر ، كان يريد إزالتهكي يبني منزل من طابقين في مكانه ، بعد معاينة المنزل دخلنا في تحدي بعدم إزالة المنزل الاثري كي يحتفظ بشكله المعماري القديم ، فكان أن ازلنا السقف المعروش من الأخشاب ومواد محلية أخرى وبعد ذلك أضفنا عدة دعامات من الداخل بإستخدام الثري دي بانيل نفسها ووضعنا سقفا من ذات المادة وبعد ذلك إنتقلنا للطابق الأول ..
وفي الاعلى كانت المساحة كبيرة وواسعة لدرجة ان بنينا بها غرفتين وصالون وحمام ومطبخ .!
كل هذا فوق الصالون القديم فقط .!!
وهنالك تحديات أخرى كثيرة تم إجتيازها بنجاح من ضمنها أننا أزلنا أسقف منازل مبنية بالطبن (والزبالة) وعالجناها من الداخل بالثري دي بانيل وأضفنا إليها طابقا أخر .!!
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سلام يا عواطف ..
Quote: ناذر يا فنان !!
تغيب وتظهر بالمواضيع الجميلة ..
غايتو مشروعك دة لو روجتو في دول الخليج تكون أغنى من الوليد بن طلال ...
في انتظارك ... |
والله لو سمحوا بي أكتر من تلاتة طوابق ما عندنا مانع .. عندنا المصنع البينتج المواد دي هنا ومافي مشكلة ..
ما تشوفي لينا الموضوع دا هناك ؟!!
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
نطمئن كل من أرسل إلينا خرائطه ومواصفاته بان المهندسين يعملون بجد من اجل إخراج العمل بالصورة النهائية بما يرضي طموحاتكم وتطلعاتكم ..
وستجدون الردود إنشاء الله على بريدكم الإلكترورني او أرقام فاكساتكم . ولمن إتصل بنا تلفونيا سنعاود الاتصال به عقب الفراغ من وضع الخرط في صورتها النهائية ..
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
السلام عليكم بدون تعليق على موضوع البوست .........
التعليق هو على سبب رفع البوست بدون تعليق والسبب أن أخينا وهو من يهمه أمر البوست ... بحث عنه ولم يجده ووجدت أن رفعه قد يكون أسهل من محاولة وصف مكانه أو محاولة كتابة لينكات بكري الطويلة دي ....... وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: معتز تروتسكى)
|
اولا شكرا للرجل الخلوق المضياف نازد الخليفة لما قمت به من جهد معنا من استقبال/شرح واخيرا زيارة منزل بكري التحفة الذي لا تعكس الصورة الا القليل من روعتة....والشكر موصول للمهندس شطة لما وافانا به من شرح و تحليل..و من رائ ليس كمن سمع ..روعة ال3D-PANEL تكمن في سرعة انجاز البنيان ..متانتة..صغر المساحة المستخدمة في البنيان مقارنة مع الخرصانة مثلا..حفظة للبرودة في الصيف والحرارة في الشتاء "على اساس انو في شتاء في السودان"..جدران المبنى مانعة للصوت تماما..غير قابل للتشقق باعتبار ان كل المبنى عبارة عن شبكة واحدة..و ميزات اخرى و لكن ما ذكرت كان هو المهم بانسبة لي...
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
يا هندسة البيت مبروك
Quote: تخريمه : ياربي الطلبه الاسمه ود جبريل بتاع العمارات داك بعرف الشغل المتطور ده |
يا فيصل كيفنك شكلنا كدة ما حا نحب تاني مع ناس ناذر وبكري ديل ياخي زمان تشيل قدحك وتحب هسي وين مع البينتهي في 3 شهور دة ما تكون زاتو كحلت الجكس كويس
يا ناذر بالله الغزالة دي خليها بعيد من بناك دة
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
.. .
Quote: نعم يمكن وعملنا عدة منازل بهذه الطريقة ..
هنالك منزل لأحد أل المهدي بأمدرمان لديه صالون قديم ضخم مبني من الطوب الاخضر ، كان يريد إزالتهكي يبني منزل من طابقين في مكانه ، بعد معاينة المنزل دخلنا في تحدي بعدم إزالة المنزل الاثري كي يحتفظ بشكله المعماري القديم ، فكان أن ازلنا السقف المعروش من الأخشاب ومواد محلية أخرى وبعد ذلك أضفنا عدة دعامات من الداخل بإستخدام الثري دي بانيل نفسها ووضعنا سقفا من ذات المادة وبعد ذلك إنتقلنا للطابق الأول ..
وفي الاعلى كانت المساحة كبيرة وواسعة لدرجة ان بنينا بها غرفتين وصالون وحمام ومطبخ .!
كل هذا فوق الصالون القديم فقط .!!
وهنالك تحديات أخرى كثيرة تم إجتيازها بنجاح من ضمنها أننا أزلنا أسقف منازل مبنية بالطبن (والزبالة) وعالجناها من الداخل بالثري دي بانيل وأضفنا إليها طابقا أخر .!! |
اسمعنى انت الكلام دا وقفت عليهو ولا بتنجر لينا من طرف ؟؟ لانو شايفك بتتكلم عن حالت حصلت
فعشان كدا خلينا فى الجد لانو اخوك مع الدرد حيعمل ضربت البداية فما يجو ناس الشركة ينظروا واقعد اقول ناذر قال ومنو قال وما يقول لى ناذر دا منو ؟؟
____________
اها دعوتى بتاعت الفطور متين اخوك السنة دى عذابي _ ككل السنوات _ بس الحاجة ما جات
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
يا باشمهندس ناذر,
طبعا نحنا من الزبائن القادمين بعد تطميناتكم دي,
Quote: والله لو سمحوا بي أكتر من تلاتة طوابق ما عندنا مانع .. عندنا المصنع البينتج المواد دي هنا ومافي مشكلة ..
|
ياخي ضمان استمرار المواد وثبات سعرها اهم حاجة,
المصنع دا بيصنع المواد العازلة ولا بيجهزها بالشبكات ويلحمها مع بعض ؟
يعني المواد الخام دي الواحد يشتريها ليكم من المصنع ولا بشتروها مفرقة وتلحموها ؟
تحياتي
أحمـد الشايقي
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
كيفك يا الشايقي ...
Quote: المصنع دا بيصنع المواد العازلة ولا بيجهزها بالشبكات ويلحمها مع بعض ؟
يعني المواد الخام دي الواحد يشتريها ليكم من المصنع ولا بشتروها مفرقة وتلحموها ؟
|
المصنع تبعنا يا الشايقي ..
يعني ملكنا وبينتج لينا كل المواد مخصوص وحسب الطلبية وحسب مقاسات الشغل ..
مشربكة وجاهزة ..
يعني إطمن خالص من الناحية دي
| |
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سلام أبو الريش .
.Quote: سلام يا ناذر
ال PVC جبتوه من وين؟ |
غايتو البي في سي بتاعك الظهر في التجربة ديك عامل لي نفسيات لحدي هسع ..!!
لكن بكري ريح نفسو وإشتغل الموية والتصريف كلو P P R ..
وال P P R دا صعب شديد والحمد لله السودانيين ما بيقدرو عليهو في الصناعة عشان ما يغطسوا حجرو زي ما غطسو حجر ال P V C !!
| |
|
|
|
|
|
|