|
|
|
 Re: أول الشهادة الثانوية الاسترالية سوداني (Re: بكرى ابوبكر)
|
Quote:
النبوغ السوداني يلون الشهادة الثانوية الاسترالية
أول الشهادة الثانوية الاسترالية سوداني
يارانايل ملبورن : بعد حصول السودانية أمل عباس مختار بسيدني على مجموع بلغ 92.75 % في إمتحانات الشهادة الثانوية الاسترالية بولاية نيو ثاوزويلز وتكريمها من قبل الجهات الرسمية في مدينة سيدني،جاءت البشرى للجالية السودانية في أستراليا حين حصل ابنها ذكي طاهر مالك على مجموع بلغ 99.98 % في إمتحانات الشهادة الثانوية بولاية جنوب أستراليا وبموجبه حصل على منحة لدراسة الطب بجامعة مدينة أدلايد، وحصل على جائزة اللورد فلوري المقدمة من وزارة التربية والتدريب وحصل على الجائزة المقدمة من معهد الفيزياء بادلايد، الف مبروك لطلابنا النوابغ وشكرا لهذه الاشراقات والتي تحتاجتها جالياتنا المهاجرة بشدة |
| |
 
|
|
|
|
|
|
|
|
Re: أول الشهادة الثانوية الاسترالية سوداني (Re: Abdelmuhsin Said)
|
| Quote: دا لو في السودان زولنا دا كان طلعوا الطيش !!! |
الاخوة عبد المحسن و Albino
لكما التحية
ربما هنالك مرارات سابقة ..
فانا شخصيا تجرعت من تلك المرارات
حيث حصلت ابنتي قبل " 3 سنوات " في الشهادة العربية على نسبة 99.48% ولم تجد حظها في القبول في جامعة الخرطوم رغم نبوغها ودرجتها الكاملة " 100% " في المواد الموهلة للكليات العلمية ..
وعندما لفظتها الوطن (السودان) تكرمت عدة جهات خارجية بتقديم المنح الدراسية والقبول في جامعاتها ..
لم تكن مشكلتي وقتها.. والى يومنا هذا ... هو التحصيل الدراسي و مواصلة الدراسة
بل كان ومازال مشكلتي كيف انمي فيها وفي اخوتها الانتماء الى الوطن؟؟
.......
انظر الفرق هنا.. السلطات الاسترالية تكرم ... والسلطات السودانية تلفظ !!!
ربما الجنسية المكتسبة استرالية والجهات والسلطات لم تكترث الى ان الاصول غير استرالية
والفرق هنا ان التي نالت تلك الدرجات رغم جنسيتها السودانية. والدها اقترف ذنب الاغتراب
| |
|
|
|
|
|
|
|
|
 Re: أول الشهادة الثانوية الاسترالية سوداني (Re: الواثق الصادق)
|
اخونا الحبيب بكري
تحيتي
هذا خبر جميل يسعد الخاطر فهلا هذه الدول تقدر المتفوقين مش زي بلدنا حيث يستوي الذين يعملون
والذين لا يعملون إبني كان يدرس بجامعة أدليد ولما خلص علوم مناطق حارة إمتحن لوزارة الصحة ومعاه
أكثر من مية شخص نجح والحمدلله واتعين وأدوه إقامة دايمة بدون واسطة ولا يحزنون طبعا ديل دول لم
تسمع بحاجة إسمها وساطة يتساوى هنا إبن الغفير والوزير .. وآآآآآآه يابلد !!!!
| |
|
|
|
|
|
|
|
|
|
اول الشهادة الثانوية الاسترالية سودانى (Re: بكرى ابوبكر)
|
منذ متى كانت استراليا تمنح الطلبة السودانيين منحا للدراسة فى جامعاتها
ده حاجة جديدة والله شنو حسب علمى فان استراليا لا تمنح حتى منحا للدراسة فوق الجامعية للسودان
يبدو انكم قد اخطاتم فى العنوان والذى يجب ان يكون كالاتى
اول الشهادة الثانوية فى استراليا استرالى وبس
تخريمة:
من اقوال بعض الحكماء
الكلاب الحمراء لا تكف ابدا عن النباح
| |
|
|
|
|
|
|
|
|
|
Re: أول الشهادة الثانوية الاسترالية سوداني (Re: Elmoiz Abunura)
|
خبر يبعث على السرور والقبطة ,
مبروك لأولادنا النجباء فى أستراليا ,
رفعتم رأسنا ... وأقلتم عنا بعض
عناءآت الهجرة , لأننا ما مرقنا إلا
عشانكم ... ربنا يحفظكم ويغطيكم من
كل مكروه , مبروك لكل الأسر والأباء
والأمهات الذين كانوا وراء هذه النجاحات ,
وقدما على طريق التفوق والإستحصاد الأكاديمي
المشرف ... مبروك مبروك مبروك
| |
|
|
|
|
|
|
|
|
|
Re: أول الشهادة الثانوية الاسترالية سوداني (Re: بكرى ابوبكر)
|
الصديق بكري
سلام
شكراً علي الاخبار المفرحة و التحية لابنائنا و بناتناو للامهات و الاباء الذين هزموا المنافي...فبذلك يعطون كثيراً من الامل المشروع في اعادة استثمار هذه النجاحات في اصلاح الوطن الام كما فعل مهاجرو البلدان الاخرى.
والتحية مكررة،
صديق عبد الهادي.
| |
|
|
|
|
|
|
|
|
|
Re: أول الشهادة الثانوية الاسترالية سوداني (Re: بكرى ابوبكر)
|
ده الكلام
الغريبة كنت قبل يومين بتناقش مع صديق لي أسترالي وذكرنا مسألة النبوغ السوداني، وقلت له نحن وليداتنا ديل لو لعبو معاكم طرة وكتابة بفوتوكم، ووصفني بالشوفيينية، لكن يا جماعة أنا بعترف هسي لمان قريت الخبر ده قعدت انطط في البيت، يا ربي دي شوفينية؟
يا زول شوفينية ما شوفينية آآآي دة الشغل
يا أولاد السودان أسحقوهم خليهم يعرفو حاجة
وروهم جيناتنا الوراثية قاعدة تحمل شنو؟
خلو فريزر ووزير الهجرة وكل العنصريين يبلعوا كلامهم
قال أبيض قال
وتصور كيف يكون الحال لو ما كنت سوداني وزي ناس ذكي ديل ما أهلي
مبروك يا ذكي
وأرمي قدام
| |
|
|
|
|
|
|
|
|
|
Re: أول الشهادة الثانوية الاسترالية سوداني (Re: بكرى ابوبكر)
|
سأل الأخ عادل طه
Quote: منذ متى كانت استراليا تمنح الطلبة السودانيين منحا للدراسة فى جامعاتها
|
أقول للعزيز عادل طه، استراليا بدأت تمنح الطلاب السودانيين منحا دراسية منذ بدايه سبعنيات القرن
الماضي، وانا شخصيا بعثت الي استراليا في منحة لدراسه هندسه المياه في جامعة نيوثاوث ويلز وقد كان
معي في نفس الفترة الاخ الدكتور حامد عمر علي (من هيئة توفير المياه) و الأخ الدكتور عبدالوهاب محمد(
من وزارة الصحة) و الاخ الدكتور جون لادو( من هيئة المساحة الجيولوجيه) ولازمنا في نفس الفتره ايضا الآخ
الاعلامي المشهور الآخ محمد سليمان ومعه بعض الاخوة السودانيين في منح لدراسة الأعلام.
| |
|
|
|
|
|
|
| |
بكرى ابوبكر
Albino Akoon Ibrahim Akoon
محمد عثمان محمد طه
Abdelmuhsin Said
wesamm
welyab
ALazhary2
عواطف ادريس اسماعيل
خالد العبيد
محمد مكى محمد
ALGARADABI
Elmoiz Abunura
HAYDER GASIM
Hani Arabi Mohamed
Amin Mahmoud Zorba
bashir adam abdalla
بشرى محمد حامد الفكي
عمار يس النور
الجندرية
محمد سنى دفع الله
بدر الدين الأمير
فيس بوك
تويتر
انستقرام
يوتيوب
بنتيريست