Re: نظرية ود هبــــــــــاني في هوية اهل الســـودان؟؟ (Re: هشام هباني)
فالقصة وما فيها نحن شعب السودان زي ما بقولوا اهلنا بتاعين الكوشتينة (ورقنا ابيض ومحتاجين لينا لمساكة ورق ) والا حنتسنفك عديل .... فعشان تجاري اللعب وتتفادى السنفكة لازم اكون عندك مساكة ولا ( مراقة).... والمساكة دي هي الهويةبتاعتك في الملعب العالمي للحضارات الانسانية الحاسمة قصة هويتها وحاجاتها من زمان واستقرت خلاص امورها....يعني بوضوح شديد قطر الانفصال هسع مدور والركاب راكبين والعطشجية كل زول اخد مكانه في القطر بس منتظرين صفارة ناظر المحطة وخط الجنوب فاتح والمحطة الاولى جوبا وغالبا تكون المحطة التانية الفاشر والتالتة كسلا ظاااااطها والرابعة الدمازين والخامسة كادوقلي..... يعني الشغلانية خطيرة شديد علي مستقبل البلد.....عشان كده الحقوا وشوفوا ليكم شغلة توقفوا بيها الركاب ديل وتقنعوهم بالقعاد وبفهم يستوعبنا كلنابالتراضي..... يعني انا بدوركم يا الترزية المثقفاتية من الشغلانيات القلتها ليكم قبيل من قصة( تمر ابونا والجنة وطير الجنة وحواء وادم وادومة وقابيل وجده وتفاح جبل مرة وانسان سنجة وانسان بحيرة تشاد والاكتشافات الاخيرة في غرب اثيوبيا) فصلوا لينا اسطورة مقاسنا تلبسنا كلنا وتقول نحن اعظم من شعب الله المختار ظااااااتو وكمان مأصلين اكتر من الجنس الاري ظااااااااااااطو بتاع هتلر... ومافي اشراف اكتر مننا... اذا كانت الدعوة النازية بقيادة الفوهرر ادولف هتلر في خلال عقد واحد من الزمان اقنعت الامة الالمانية وحركت فيها اعصارا قوميا شوفينيا كاسحااي ( هوشة) لحد ما صدق الالمان انهم اسياد العالم و قربوا احكموا العالم كلو لو لا لطف الله انو الاوروبيون صحوا من النوم بعد خراب اوروبا كلها تحت الجزمة النازية الالمانية واتوحدوا ومعاهم الامريكان والروس حتين قدروا اوقفوا المارد الالماني صاحب اسطورة الدم الازرق الاري عند حدو.. واما الاسطورة بتاعة شعب الله المختار وارض الميعاد اها اليهود الصهاينة الشواطين استطاعوا في خمسين سنة احالة الاسطورة الي واقع يعني بالضبط من التخطيط ليهافي المؤتمر الصهيوني العالمي في بازل في سويسرا 1898 لحد سنة 1947 وهو تاريخ قيام اسرائيل يعني في خمسين سنة بس الاسطورة اليهودية تحققت والتف حولها كل يهود العالم وتكون لديهم حس قومي واحد انهم كلهم من نسل واحد ودين واحد والكل الان يدافع قوميا عن اسطورة شعب الله المختار وارض الميعاد من الفلاشا اولاد قرف الزرق لحد فصائل الاشكنازي السامية النقية ذوي الدم الازرق اليهودي الطاهر؟؟ عشان كده نحن الافضل بين شعوب الدنيا و( اولاد ادم وحواء ) عديل ومن غير لخابيت وعندنا ادلة واثباتات لفرضيتنا لتاسيس اسطورتنا وهي اقرب للحقيقة من الخيال واكثر منطقية من الدعاوي الصهيونية او النازية اذا كانوا ديلك الجنس الاري وشعب الله المختار نحن شعب الله الجبار ظاااطو وانا خايف نحن السودانيين ناس هواشين وفشارين نقوم كمان نتمسك لينا بشغلانية لافقة زي دي نتنفخ و نقوم نجهجه الدنيا كلها لحد ما تقوم القيامة وفي القيامة خايف ابونا ادم ظاااطو اتنكر لينا اقول لا بعرفنا ولا حاجة ولا نحن اولادو ولا شبهو يعني شعب لبــط؟؟ المهم يا اعزائي عايزين افكاركم في الشغلانية دي عشان نلحق قبل ما القطر ما يصفر فالهوية حاجة اساسية وبالله سيبونا من كلام المتفلفسين ديل وشوفا لينا بالله ( تمر ابونا) ده حكايتو شنو ؟ و( كمان تفاحة جبل مرة) دي اصلها من وين وعمرها كم سنة وهل تطابق مواصفات تفاحة ادم ؟ وكمان شوفوا لينا قصة طير الجنة ده في السودان وهل فعلا جاء مع ادم من الجنة وشنو سر تسمي السودانيين والاحباش باسم الجنة و( جانيت) وكمان شوفوا لينا الحاجة الاهم شديد وشديد حكاية شيوع اسم ادم وحواء بتركيز عالي في السودان بشكل يدعو للاندهاش وبتركيز يدلل علي وجود اسباب جوهريةتؤكد فرضية ود هباني في هوية اهل السودان... وهي هوية ادمية قحة... يعني لو ثبتنا الشغلانية دي نحن محتاجين ليها في تثبيت حاجات وقناعات كتيرة عشان نرفع من روحنا المعنوية وما نبقي زي ود الحرام ما عارف منو ابوهو وكمان محتاجين ليها تبقى لينا دافع معنوي للصمود والشموخ عشان ننتج وعشان نتطور ونتقدم والبلد تمشي لقدام وتاني ما في واحد اتلبط فينا انا جدي النبي ولا جدي العباس ولا جدي طرزان ظااااااطو كلنا سوا ســــــــــــوا اولاد ادم ظاااااطو وادم ظاااااطو من التراب . سندة: ابليس ظااااااطو ســـوداني ؟؟ ان شاء الله عرفتوه؟؟ محبتي واحترامي محبتي واحترامي (عدل بواسطة هشام هباني on 11-21-2005, 00:50 AM) (عدل بواسطة هشام هباني on 11-21-2005, 00:54 AM) (عدل بواسطة هشام هباني on 11-21-2005, 01:01 AM)

العنوان	الكاتب	Date
نظرية ود هبــــــــــاني في هوية اهل الســـودان؟؟	هشام هباني	11-16-05, 02:48 PM
Re: نظرية ود هبــــــــــاني في هوية اهل الســـودان؟؟	هشام هباني	11-16-05, 08:33 PM
Re: نظرية ود هبــــــــــاني في هوية اهل الســـودان؟؟	هشام هباني	11-17-05, 07:40 AM
Re: نظرية ود هبــــــــــاني في هوية اهل الســـودان؟؟	هشام هباني	11-17-05, 12:45 PM
Re: نظرية ود هبــــــــــاني في هوية اهل الســـودان؟؟	هشام هباني	11-18-05, 00:41 AM
Re: نظرية ود هبــــــــــاني في هوية اهل الســـودان؟؟	هشام هباني	11-21-05, 01:20 AM
Re: نظرية ود هبــــــــــاني في هوية اهل الســـودان؟؟	هشام هباني	11-23-05, 02:05 PM
Re: نظرية ود هبــــــــــاني في هوية اهل الســـودان؟؟	هشام هباني	11-27-05, 00:28 AM
Re: نظرية ود هبــــــــــاني في هوية اهل الســـودان؟؟	محمد الأمين موسى	11-27-05, 04:43 AM
Re: نظرية ود هبــــــــــاني في هوية اهل الســـودان؟؟	هشام هباني	11-27-05, 08:21 AM
Re: نظرية ود هبــــــــــاني في هوية اهل الســـودان؟؟	محمد الأمين موسى	11-27-05, 10:30 AM
Re: نظرية ود هبــــــــــاني في هوية اهل الســـودان؟؟	Hani Abuelgasim	11-27-05, 07:33 AM
Re: نظرية ود هبــــــــــاني في هوية اهل الســـودان؟؟	هشام هباني	11-27-05, 08:58 AM
Re: نظرية ود هبــــــــــاني في هوية اهل الســـودان؟؟	هشام هباني	12-04-05, 06:01 PM
Re: نظرية ود هبــــــــــاني في هوية اهل الســـودان؟؟	عبدالرحمن الحلاوي	12-06-05, 00:05 AM
Re: نظرية ود هبــــــــــاني في هوية اهل الســـودان؟؟	هشام هباني	12-07-05, 10:01 AM
Re: نظرية ود هبــــــــــاني في هوية اهل الســـودان؟؟	هشام هباني	12-08-05, 06:42 AM
Re: نظرية ود هبــــــــــاني في هوية اهل الســـودان؟؟	عبدالرحمن الحلاوي	12-10-05, 02:17 AM

[رد على الموضوع]

صفحة 1 „‰ 1: << 1 >>

��

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]