بسبب (منصور خالد) فقط كذب قرنق على الجميع في كوكادام!!؟

Quote: الجلابي هباني، اهو ده اسبوع علي عبداللطيف؟ هسي ده موضوع اساسا يستحق يفتحو ليهو بوست؟ يعني شنو قبل قرن من الزمان، الشهيد وعد بعدم حضور فلتكان لي اجتماع، ولم يفي بالوعد؟ so what ماهذا؟ او كمان تملي خشمك تتهم رمز في قامة قرنق بالكذب، يابتاع اللجان، العروبي؟ اما كلامك عن ما اسميتو انتفاضة، او رفض قرنق لمايو تو، يثبت فقط للاخرين مالينا، الية عمل حاسوب دماغ العقل الجلابي! بالعكس عبقرية قرنق كلها او رؤيتو النبوية، تمثلت اكثر في رفضو القاطع للتوقيع مع مايو تو، او كاره ذاتو حفيد مقبولة، الصادق المهدي! ياعزيزي، الانتفاضة في مارس ولا اكتوبر، تظل انتفاضة جلابة علي سلطة جلابية، ولامزيد. لادخل للاغلبية المهمشمة، بكل هذه الادبيات والمسميات للصراع السياسي، الجلابي، مابين الجلابة يا هباني! كلامك عن تنكر الحركة لحلفاها، ايضا، حقيقة، مضحك! تحالف الجلابة امثالك مع الحركة، من يومو كان مرحلي تكتيكي ذرائعي، ميكافيلي للطيش! كل غرض "حمبرات" التجمع، كان ركوب ظهر الحركة للوصول لقصر غردون، لاعادة انتاج المحرقة من جديد! ده مافات علي عبقري زي ديمابور، العصر التجمع ليمونة، او رماهو قشرة! بدل ماناس جمل الطين يركبو ضهر "المكوجي" جون او يصلو القصر، الحركة شدت اللجام لي دحشة الخدوية، او بعد ما غزت قصر الجلابة، ادت دحشة الجلابة، عصا، وهذه الدحشة الجلابيي بي لغوة الشوايقة الي اليوم عاييري! قال عهود قال! يوم متين كان للجلابي عهد، عشان كمان بقوة عين يتكلم عن العهود، من حتة، high moral ground؟ دقيقة ياخي!