|
|
|
 Re: مربع كاي (Re: الرشيد بابكر)
|
| Quote: نفتتح ليكم الصفحة دي بي بت هندسة... |
كده يا رشا فتحت علينا جبهة ما بتنسد ...
باكر دودى يجيينا طاير بى بت زراعة ....
واتذكر كلامى ده ...!!
| |
 
|
|
|
|
|
|
|
|
Re: مربع كاي (Re: محمد عيد)
|
هوووووي يا ود زراعة ..
بطل البكا والحركات بتاعتك دي ..
أنا عارفك تكون بتسمع فيها
وفي جواك بتقلب في القافية
من ........سة
لي ........عة
هسة الواحد يخت ليك صرصور أمريكي في الصفحة دي ؟؟؟؟؟؟؟؟
بكا آخر الليل ...!!!
| |
|
|
|
|
|
|
|
|
|
Re: مربع كاي (Re: عبد القادر بابكر)
|
سلامات يا ناس
Quote: محمد صديق القهوة دي طولت كده ماله يا أخوي...عليك الله لما تجي راجع تعال لينا في الصفحة عشرة...
حأنزل ليك القصة الما علقت عليها تاني .... |
سلام يا حبيب...
تعرف الكمبيوتر عصلج معاى آخر الليل
واى مداخلة ارسلها ما بتمشى ...
| |
|
|
|
|
|
|
|
|
|
Re: مربع كاي (Re: محمد صديق)
|
Quote: كده يا رشا فتحت علينا جبهة ما بتنسد ...
باكر دودى يجيينا طاير بى بت زراعة ....
واتذكر كلامى ده ...!!
|
يا حمادة صبحك الله بالخير....
خليهو يجب العايزو...و أنا يهمني...
Quote: بطل البكا والحركات بتاعتك دي ..
أنا عارفك تكون بتسمع فيها
وفي جواك بتقلب في القافية
من ........سة
لي ........عة
|
قدورة أقلبها زي ما عايز....
مالكم ومالي يا الشايلين حالي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
الليلة قالوا ليكم صرف المعاشات ولا شنو؟ شايف العجايز متخمخمين من صباح الرحمن فى شنو يا ناس الهبشكم ما ضرَّاكم .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
| Quote: الليلة قالوا ليكم صرف المعاشات ولا شنو؟ شايف العجايز متخمخمين من صباح الرحمن فى شنو يا ناس الهبشكم ما ضرَّاكم . |
عندنا عشرة طاولة من أمبارح بالليل قلنا نجي نتمها و كان جابو لينا عصيدة بملاح شرموط أبيض و بصل غلاد و شطه قبانيت كمان ما بناباها.....
| |
|
|
|
|
|
|
|
|
|
Re: مربع كاي (Re: الرشيد بابكر)
|
ماخلاص...
نسيتنا و خليتنا و خليناك كمان
هجرنا أحلى أمل رويناه دمعاتنا الحنان
ده المنبه بالموبايل...صباح اليوم...
ترررن...تررررن
ده المنبه التاني...برضو صباح اليوم
بقيت مستلقيا على سريري لخمس دقائق حتى أعرف أين أنا...
هل أنا في أبو ظبي أم غياثي...
ما زال المنبه يواصل تنبيهه...
كبريائك علمتنا في الهوى معنى العناد
أحسن نفارقك يا حبيبنا نكتم أنفاس الوداد
و المنبه الآخر
ترررررن...ترررررن
عدت الى شقتنا بالشبان المسلمين...
منصور يحاول جاهدا ايقاظي...
رش قوم عشان تلحق محاضرة الأمراض...
أوكي...اوكي...حأقوم...
قوم حسة عشان نمشي الكلية سواء..
أقوم لأجد منصور قد استحم و شرب الشاي ولابس كمان..
اتمحرك شوية و أدخل الحمام...
بعد الزقازيق تولت نجاة المهمة..
ترن منباتي الكثيرة و أنا لا أحرك ساكنا...
تصحو نجاة و تسكتها جميعها...
ثم تسألني...انت المنبهات دي ظابطة لي منو؟؟؟
أتلفت حولي فأتيقن أني في غياثي من غير منصور ليجبرني على القيام...
و لا نجاة لتوقظني..
لا ربكة مثل ربكة اليوم...
ما خلاص...أسكت كل المنبهات.....
| |
|
|
|
|
|
|
|
|
|
Re: مربع كاي (Re: الرشيد بابكر)
|
روش يا حبيب معليش على الإنقطاع ، إنشغلت بى الكورة وبعض الرد على المداخلات فى بوست السمؤال أبو سن ، تعال بى هناك شوف فنونة ، شوف البسمة فى بسمها وبريق عيونا ، وده الخلاّنى أصير مجنونا ، سأحكى لك عن أفنان وأحمد فى وقتٍ لاحق ، فقط شعرتُ ببعض التقصير تجاه المربع فألتمس لديك العذر.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكوري تابعتك كلمة بكلمة و صورة بصورة...سعدت لسعادتك و انت تلتقي بالسمؤال...تركتك لتتمتع بكل الرحيق...و بعض الرحيق أنا و البرتقالة انت...
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش...
يا غربتك و شوقك المصحيك معانا لحدي حسة...
ان شاء الله تكون استمتعت بالكورة بتاعت الجزائر زي كده...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
| Quote: ان شاء الله تكون استمتعت بالكورة بتاعت الجزائر زي كده... |
يا حبيب....صباحاتك طاعمة
امس عملت لى جكة عصرية ..زى 5كيلو كده...
واتعشيت بره السكن...وشفت الكورة ..بل عشت
الكورة ..ولما تكون الفنيات ممزوجة بالرجالة
لازم تغلب...واستمتعنا ايما استمتاع...وفرحنا من
جوووووووووووة.
رجعت السكن بعد الواحدة...عملت مداخلة عندك ..
وواحدة فى البوست الكبير...ومسحت واحدة كانت عندى
بهناك...اضافة لقراية سريعة لمعظم البوستات...
| |
|
|
|
|
|
|
|
|
|
Re: مربع كاي (Re: محمد صديق)
|
مساكم الله بالخير
يا كوتش ما أظنك مستمتع بالكورة دي زي ما أنا ما مستمتع...يعني لو جاء قون هنا و لا هنا ما فارقه معاي...بل بالعكس بكون ارتحت منها...
| |
|
|
|
|
|
|
|
|
|
Re: مربع كاي (Re: الرشيد بابكر)
|
وتحقق ما يخشاه البعض ، مصر والجزائر فى نصف النهائى ، ترى هل أنغولا قادرة على ضبط إنفلاتات الجمهورين المصرى والجزائرى ؟ ، عن نفسى أتمنى فوز الجزائر وخصوصاً بعد الأداء البطولى البارحة .
يا نجاة حوفى أول أمس وقفت خلفى زوجتى منى وانا أتصفح مشاركتك فى البوست وأعجبت بصورة أمنية ومهند ، سألتنى: ديل عايشين بره؟ ، أجبتها ديل أولاد الرشيد صاحبى البيتصل بى من أبوظبى وأمهم نجاة حوفى من ناس فريق الجامع جمب ناس حبّوبة وهم مقيمين فى أبوظبى ، فقالت لى : أنا زاااتى قلتا ده ما هوا دُباغه ، ماشاء الله وعينى باردة.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكري أتمنى فوز الجزائر مثلك و أخشى عليهم من الارهاق...
بكري قول لمنى ديل عايشين و لكن ابوهم و أمهم عايشين بره...ديل اماراتيين يا أخوي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: ...ديل اماراتيين يا أخوي... |
يعنى يا رشيد مواطنين!!! ، طبعاً علامات التعجب هذى نتيجة إندهاش وبحلقة ينقلها لك مغتربو الإمارات حين يتحدثون عن إماراتى فينطقونها بمزيد من الإنبهار والرهبة (ده مواطن) ، الوضع جد مختلف لدينا هنا فى البحرين وربما مرد ذلك لذوب الأثنيات العربية والفارسية والهندية منذ قديم الزمان فلا تجد مثل هذا الإنبهار بالمواطن ، بل يعبر البعض عن قلّة حظه فيتمنى لو كان هندياً ، يضاف لذلك التجنيس القانونى الذى يستحقه كل وافد عربى أمضى خمسة عشر عاماً بمملكة البحرين وخمسٌ وعشرون عاماً لغير العرب.
الليلة غيّرت بعضاً من روتين حياتى ، فطالعت الجريدة فى الصباح بالمكتب وصليت العشاء بين شوطى مباراة مصر والكاميرون ، ولارغبة لى فى متابعة نيجيريا وزامبيا التى انتهى شوطها الأول بالتعادل السلبى ورتابة فى الأداء يحمد لها أنها أتاحت لى الوقت لمطالعة مربع كاى لأسرى عن نفسى ، هذا فى حال لم تفطن منى لإنتصاف الليل فتكرر عبارتها الأسيرة : إنتَ يا راجل ماعندك شغل الصباح؟
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
one .. two .. three
viva algeri
مثل الكثيرين .. اتمنى فوز الجزائر ..رغم اننى اليوم شجعت مصر من ( كـ قـ لبى )
ولكن لى بعض الملاحظات على أداء حسن شحاتة اليوم ...
1- اعتقد انه غامر باللعب بهذه الخطة التى اعطت فرصة كبيره للاعبى الكاميرون
للضغط على لاعبى مصر معظم اوقات المباراة .
2- عصام الحضرى وثالوث الدفاع كانوا بالفعل العمود الفقرى للمنتخب المصرى ولولاهم لحدثت مصيبة .
3- فى اعتقادى أخطأ شحاتة بتغيير زيدان وكان الاولى اخراج متعب الذى أثبت فشله تماما ..!
4- لمعلومية الجميع وبالذات فلاسفة الكورة .. حسن شحاتة حقق كل نجاحاته مع منتخب بلده وهو يصر
ويتمسك على اللعب بطريقة 3-5-2 التى يعتبرها الكثيرون طريقة متخلفة وعفا عليها الزمن .. وهو درس
لكيفية التعامل مع خطط اللعب حسب امكانيات اللاعبين واستيعاب وتطبيق طريقة اللعب بل وطبيعة التنافس نفسها ..
********
آآآآآآآآآآى شـــداد فاقــد تربــوى ..!!!
| |
|
|
|
|
|
|
|
|
|
Re: مربع كاي (Re: محمد عيد)
|
بكري أتفق معك حول الاعلاء من شأن المواطن هنا في الامارات و في كافة دول الخليج...و هذه ترجع لأمور كثيرة بدأت في الانحاسر الآن...لكني أقول ان المواطن الاماراتي الأكثر أدبا و أخلاقا مقارنة بآخرين....و لم أشعر بغربة و لم أتعرض لسوء معاملة منذ قدومي الى الامارات....بل العكس تماما فلقد وجدنا كل الاحترام و التقدير من قبل المواطن الاماراتي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: لكني أقول ان المواطن الاماراتي الأكثر أدبا و أخلاقا مقارنة بآخرين....و لم أشعر بغربة و لم أتعرض لسوء معاملة منذ قدومي الى الامارات....بل العكس تماما فلقد وجدنا كل الاحترام و التقدير من قبل المواطن الاماراتي... |
كلام مظبوط .. وللاسف ينطبق فقط على المواطن الاماراتى دون غيره فى دول الخليج ...
اذكر قبل سنوات وفى اول زيارة لى للامارات عندما وصلت الى مطار دبى ..
وقدمت جواز السفر الى موظفة الجوازات وكانت مواطنة .. اذكر انها قلبت الجواز بحثا
عن تأشيرات سابقة فقلت لها انها اول زيارة للامارات ..
سألتنى .. كم سنة لك بالسعودية ..
قلت لها حوالى 12 سنة ..
فنظرت لى باستنكار وقالت لى .. حرام عليك 12 سنة فى السعودية .. ويادوب تجى دبى ؟
فذهلت حقا من حديثها .. وودت حينها لو املك طوافة او غواصة او اى شىء يأتينى
بكافة ثلج القطب الشمالى لأكســرّه لتلك الموظفة المهذبة ..
ولكنى اكتفيت من الغنيمة بالاياب وقلت لها ..
صدقينى ان كلماتك هذه لوحدها دعوة مفتوحة لى بزيارة بلدكم كل عام مرة على الاقل
وهو ما حدث بالفعل ..!!
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: 1- اعتقد انه غامر باللعب بهذه الخطة التى اعطت فرصة كبيره للاعبى الكاميرون
للضغط على لاعبى مصر معظم اوقات المباراة .
2- عصام الحضرى وثالوث الدفاع كانوا بالفعل العمود الفقرى للمنتخب المصرى ولولاهم لحدثت مصيبة .
3- فى اعتقادى أخطأ شحاتة بتغيير زيدان وكان الاولى اخراج متعب الذى أثبت فشله تماما ..!
4- لمعلومية الجميع وبالذات فلاسفة الكورة .. حسن شحاتة حقق كل نجاحاته مع منتخب بلده وهو يصر
|
حمادة...أتفق معك في بعض النقاط و أختلف في أخرى..
لم يتغير شئ في الخطة انما الذي تغير اداء بعض اللاعبين و مستوى الفريق المنافس...فخطة شحاته تعتمد على تحصين الدفاع و احتلال منطقة الوسط و السيطرة عليهاو من ثم الانطلاق الى الهجوم عند الاستحواذ على الكرة...هذه الطريقة يعتمد الشق الهجومي منها على سرعة زيدان في المقام الأول و لكنها لا تناسب عماد متعب الذي نزداد خطورته داخل التمنتاشر..
مصر أثبتت أنها من كبار أفريقيا و أنها قادرة على هزيمة أي فريق مهما كان عدد اللاعبين المحترفين به..
أتفق معك حول الحضري و الدفاع ...فعلا عصام الحضري حارس كبير و ثالوث الدفاع ايضا.
لم يخطئ شحاته بتغيير زيدان الذي كان يلعب لنفسه و ليس للفريق و الدليل ان بديله المرزق جدو أحرز هدف الفوز...
أنا أعتقد ان خطة اللعب وحدها لا تحقق الفوز بل ان الاختيار الموفق لللاعبين و وضع الخطة التي تتناسب و مقدراتهم هي التي تصنع الفارق...ثم اتباع التكتيك المناسب داخل الملعب...
تعال ندخل كورس تدريب و نمشي ندرب لينا فريق فيهو رقشه كده و نخلي وجع القلب ده...أن غايتو بدرب برشلونة
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: وودت حينها لو املك طوافة او غواصة او اى شىء يأتينى
بكافة ثلج القطب الشمالى لأكســرّه لتلك الموظفة المهذبة .. |
كان تغني ليها لون المنقة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: كلام مظبوط .. وللاسف ينطبق فقط على المواطن الاماراتى دون غيره فى دول الخليج ... |
بحكم إقامتى فى البحرين فقد وجدتُ والشهادة لله شعب مضياف وبادٍ عليه أثر التعليم والتحضُّر ، أيضاً تعاملتُ مع بعض العمانيين وهم أهل نخوة ومروءة ، كما زرتُ قطر ووجدت كل التقدير والإحترام ، أما عن الإمارات فخير شاهد على رقى إنسانها رئيسها المغفور له بإذن ربه الشيخ زايد بن سلطان آل نهيان أو زايد الخير ، فأصالة هذا الرجل وطيب معدنه تمثل القدوة الحسنة للشعب الأماراتى وللشعوب العربية الأخرى ، رحمه الله بقدر ما قدَّم لوطنه وأمته ، زرت أبوظبى قبل نحو عامين وكان ضابط الجوازات إماراتى
مددتُ له الجواز ففاجئنى بقوله: أوَّل مرّة أشوف لى سودانى مرطِّب ، دهشنى قوله وطلاقة لهجته السودانية ، أمعنت النظر فى ديباجة الإسم على بدلته فتأكّد لى أنه إماراتى مائة بالمائة .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
مساكم الله بالخير
بحثت عن فكة لدبرسة يوم الثلاثاء دي...فقررت النوم بعد عودتي من العمل بدون ما أظبط المنبه...قلت وقت ما أصحى أصحى...و لكني لم أقفل الموبايل كعادتي و حتى لم أضعة على الصامت و ذلك لأن ظروف عملي تفرض علي أن أستجيب للتلفونات و في أي وقت...و ذلك لأني ممثل لشركتي الاستشارية على مشروعين في دائرة قطرهها 100 كيلومتر....تحدث أحيانا طوارئ تستوجب التدخل السريع و لا بد للاستشاري أن يكون أول الحاضرين...
أثناء نومي سمعت تلفوني يرن أكثر من مرة و لكني تجاهلته ثم رسالتين فتجاهلتهم أيضا...صحيت على طرقات على باب سكني...قمت متثاقلا و فتحت الباب... وجدته صبي المطعم يسألني ان كنت أريد أن أتعشى...فسألته عن نوع الأكل فرد بعربية مكسرة...كبدة خروف صغير صغير...شو بعد...مع بتاتا(بطاطس)...أمكي جيب نا داخل بيت أنا ما يريد يروح مطعم...ثم دخلت الى الحمام لتغيير وش النوم...لم تستغرق عملية تغيير وش النوم كثيرا....الجميل جميل و لو صاحي من النوم....و الحلاوة الطحينية...برضو لوزة....ثم جلست على الكنبة في الصالة و رجعت الى موبايلي لأعرف من كان المتصل و من الذي أرسل الرسائل....وجدت الاتصالات كلها من عبدالله...عرفت منه أنه جاء لزيارتي و لكني لم أستجب لدقاته المتكرر على بابي....مندس يريد شئ...لا يا عبدالله شكرا ما يريد شئ...الله يطول عمرك الله يعطي عافية...أما الذي أرسل الرسائل فلقد كان محمد المرتضى عبد العزيز...
قلت بس مافي زول يفك الدبرسة بتاعت يوم التلاتاء دي غير محمد المرتضى...
ألو مرتضى كيف حالك...محمد المرتضى يضحك من القلب و يضحكك رغم الظروف المحيطة به...
تكلمنا في أمور كثيرة و حكى لي كعادته عدد من النكات..و هذه المرة ضحكت له من القلب...عكس ايام الزقازيق فلقد كنت أتعمد عدم الضحك ليحكي لي المزيد من النكات...أما الآن فالوضع غير...أحتاج لأن أضحك لفك دبرسة يوم التلاتاء...نجح مرتضى في تغيير حالتي من دبرسة الى سعادة غامرة و ابتسامة من القلب...
احتج محمد المرتضى لعدم تمليكهه باسورد...و قال لي الناس ديل خايفين مني و لا شنو...قلت ليهو لا بد من ابداء حسن النية حتى يمكنك الحصول على باسورد...لقتو متابع البوست...و حافظ كمان...قال لي انت ما سمعت فافي قالت ان هاني سلامة...قلت ليو انت أي كلام تسمعه تصدقه...الله يجازيك يا فافي الخليتي صاحبي يبقى مغرور....هاني سلامة شنو كمان الزي محمد المرتضى...قولي قرني محمد عبدالله معليش...على فكرة زمان مرتضى د كنا مسمينو دنجل..بتعرفي دنجل بتاع مجلات ميكي البيجي مع باباي...
محمد المرتضى يديك العافية...و باقي الدعوة المعروفة دي انت ما محتاج ليها...و السبب انك ما حتعرف تعيش في محل زي الصافية...يعني بكون دعيت عليك...خليك في الديم أحسن ليك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا سلام عليك ياروش الليلة جيتنا بى صحبة زول جميل بس ما بيلحق هانى سلامة ولا حتى هانى برعى ، محمد المرتضى زول انبساط وضحك ، ومن أثر الضحك تهدَّلت تلاليشه وانبعجت بطنه ، كنت ألتقيه بالخرطوم شرق مع احمد عمر الباقر بحكم سكن أبناء خالته بالخرطوم شرق ، محمد المرتضى يرسم الضحكة على محيّاك ويضحك قبل أن يكمل الحكو ، يسخر من كل شئ ولايقيم وزناً للحياة ، ترتبط صورة محمد المرتضى فى مخيلتى بثنائيته مع منصور فلا يكتمل جمال اللوحة لدى إلا بإستحضار شطرها الآخر ، لك التحية يامحمد المرتضى أينما كنت .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكوري...مساءاتك ندية...و دي أنا شافيها من فافي...
محمد المرتضى صديقي و أخي الصغير...كلما أزعل منو ألاقي نفسي بناقض في نفسي...اهمامي به نابع من سببين...الأول أن يسكن في الحنايا و رغم البعد و الغربة الا أنه ما زال يستوطنها...و السبب الثاني أن والدت رحمة الله عليها ماما سميرة كما كنا نناديا كانت توصيني عليه دائما و تطلب مني أن أنصحه و أن لا أتركه....
المسكلة يا بكوري زمان كان براهو حسة عمل ليهو أولاد كمان و أنا أمه موصياني عليهو براهو ما مع أولاده...رأيك شنو أفتح لي أولاده ديل...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: المسكلة يا بكوري زمان كان براهو حسة عمل ليهو أولاد كمان و أنا أمه موصياني عليهو براهو ما مع أولاده...رأيك شنو أفتح لي أولاده ديل... |
كان خليت اللجنة المسكتك دى بتلقا ليك حل .
أها أنا عندى حل كويس ، وصّى أولادو عليهو وإنتَ إتوصّى بى أولادو .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
و الله يا بكوري اللجنة دي من الكيبورد...ما عايز أجيب سيرة الضبان تاني لكن تسببت ضبانة ثقيلة في أن أطيح بعدد من مفاتيح الكيبورد في اللاب توب بتاعي...ضبانة جننتني ليك أهشها من هنا تجيني من هنا...لمن زهجت ليك منها شديد شلت ليك الشبشب بتاعي و لبدت ليها...ركت في الكيبورد بتاع الكمبيوتر...ضربتا ليك فاذا بمفاتيح الكيبورد تتطاير في كل مكان...لكن قضيت على الضبانة...
لكن عليك الله اللجنة مش أحسن من صمة الخشم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رشيد الحبيب ...
شاهدت هذا المساء فى قناة زول .. لقاء فنى مع صديقك حمزة سليمان بصحبة اسرته ...
وبقدر ما استمتعت بالاستماع لألحانه الجميلة والتعرف على عدد من الحانه التى غنتها فرقة عقد الجلاد ...
الا اننى صـدمت من سطحية لغته الحوارية وهشاشة مفرداته التى استخدمها فى الحوار ...
ايضا لم تعجبنى لغته المتعاليــة بشكل واضح خاصة عند حديثه عن الاغانى القديمة وخلوها من
العناصر العلمية التى أخلت - حسب رأيه - بنواحى الجمال والشجن فيها ...!!!
وتمادى فى غروره عندما اكد عدم قبوله للحن من ملحن آخر الا ان يكون دارسا وفى مقام
انس العاقب والماحى سليمان والموصلى ..!!!
نقطة أخرى غير منطقية تناولها ايضا بشكل غير جميل ..
وهو تبريره لخلود الغناء القديم حتى الآن بأن ذلك مرده الى ان فنانين زمان اتيحت لهم الفرص الاعلامية
أكثر مما هو متوفر الآن له ولغيره ..!!!!!!
لو كان الحوار على الهواء لكنت تداخلت معه وذكرت له فقط بأن فنانين زمان كانوا يتنافسون على محطة
اذاعية وحيد كانت تبث ارسالها لساعات محدودة فى اليوم .. ويصل صوتها لعدد محدود من الجمهور .. اغلبيته
ينتشر فى القهاوى او امام الدكاكين للاستماع للراديو ...
اعتقد ان هذا واحد من اسباب عدم خروج ابداعاتنا من محليتها .. وهو افتقاد غالبية المبدعين لثقافة
التحدث والتحاور مع اجهزة الاعلام ... مما ينقص كثيرا من مكانتهم ومكانة فننا وثقافتنا على وجه العموم
| |
|
|
|
|
|
|
|
|
|
Re: مربع كاي (Re: محمد عيد)
|
صباح تالخير يا ناس مربع كاى
الليلة ذكرتونى يوم الأحد زمان ايام الكلية
يوم الحد ده كل الناس جدولها كان مليان لمن مدفق
سكاشم ومحاضرات ما تديك الدرب
تلقى الناس تتجارى فى حوش الكلية جارية من قسم لى قسم
مخلصة ليها سكشن ولاحقة ليها سكشن تانى
طبعا ده كان اكثر يوم ببيكرهه اسعد المصوراتى لأنو مافيهو زبائن ولا خناشير
الليلة شايفكم مافيشين حتى سيد البوست شايفو يتجارى
مع انو ما كان عندو كبير غرض زمان بالمحاضرات البتبدأ بدرى ديك الا اصحيهو انا واسوقو معاى
امبارح انا كنت غياب
عشان كده غيابكم الليلة قلل على الجرى ولحقتكم واقفين
ومع انكم واقفين
برضو لقيت ليكم مفاتيح كيبورداتكم طائرة , وضبابينكم ما تدى الدرب , والشباشب تتطاير
نحن غايتو يحمينا الله
وكمان محمد المرتضى الشهير بى دنجل واقف متلش بى شلاليفه الكبيرة ديك وكمان يحكى فى النكات
منى واقفة ورا بكرى وقالت ليهو ناس مهند وامنية ديل اكيد عايشين برة
عايشين برة ساى يا منى , ديل متعوب عليهم وكمان قربوا يبقوا مواطنين
قصة مواطنين دى يا محمد عيد , اكتر ما نحس بيها نحن العايشين فى السعودية
دخولك لى اى من مطارات الأمارات يحسسك بالفرق
وصدقت يا بكرى لأن دخولك للبحرين يحسسك بحاجة زى الفراغ كده
جيت مرورا للبحرين كتير
لكن دخولا وتوهطا ومع الأسرة كان ذلك لمرة واحدة وفى العيد وبالعربية عبر جسر الملك فهد
اى حتة ما بتعرف فيها زول , احساس الفراغ يتمكن منك ويجعل احساسك تجاه المدينة سلبى
دخلنا بغرض قضاء العيد ونيتنا الجلوس فيها اربعة ايام على ما اذكر
عدم العرفة خلانا قضينا تلاتة ايام كلها فى ساحة مركز السيف التجارى (الأسم يا ربى صاح ولا اختلط على الأمر )
سينما واكل , لمن كملنا الأفلام والأكل
اليوم الرابع , قررنا وبألأجماع قضاؤه فى شاطىء الهاف مون فى الدمام فى السعودية
لأننا لم نجد حيوية فى شواطء البحرين
ام انها عدم العرفة يا بكور ؟؟!!!
ولكنى عاقد العزم على تغيير الطعم السالب للبحرين فى زيارة اخرى
طالما اننا ضمنا فيها رفقتك صحبة احمد واخوانه
ارجى الراجيك يا زول
البحرين دى , عندنا معاها تار بايت
| |
|
|
|
|
|
|
|
|
|
Re: مربع كاي (Re: منصور عبد الرازق)
|
سلامات يا ناس
غريبة الليلة لا فى تلج لا محلبية...
الحاصل شنو ؟؟؟اللهم اجعلو خير
Quote: ولكنى عاقد العزم على تغيير الطعم السالب للبحرين فى زيارة اخرى
طالما اننا ضمنا فيها رفقتك صحبة احمد واخوانه
ارجى الراجيك يا زول
البحرين دى , عندنا معاها تار بايت |
منص يا نحل...بختك حتكون راكب فى المقعد اليمين جوار السائق
بس اوعك من الشاى المقنن.
| |
|
|
|
|
|
|
|
|
|
Re: مربع كاي (Re: محمد صديق)
|
والله يا جورج انت بتاع اشاعات بشكل
شبكتنا شاى ابتهاج المقنن شاى ابتهاج المقنن
لمن آمنا وصدقنا
لو تشوف شحتفتى ليهو
وتجهيزات زهير
والتلفونات
جيبو اللبن من حتة , الباسطة والحلويات من حتة
ودخلنا ليك الشقة
انت عارف الشاى المقنن , بيشموهو , ما بيضوقوهو
قدر ما قعدت ما شميت ليك غير غير ارامس بتاعتى المتريح بيها
فى النهاية طلع الجماعة ولا بيحبو الشاى المقنن زاتو
حنا قالوا لو شم ريحتو , يومين ما بياكل
اشاعاتكم قاتلة يا ناس الحكومة
الزول طلعتوهو مجنون
والشاى المقنن , بقى خارج عن (القانون)
انت لسه فى الدمازين ؟؟؟
ما سقت معاك ود المرتضى ,
ولا دى كمان شاى مقنن ؟؟
سلامى لخالدة
وقول ليها
عصيدتك تشبه شاى ابتهاج
| |
|
|
|
|
|
|
|
|
|
Re: مربع كاي (Re: منصور عبد الرازق)
|
سلامات يا ناس
يا منص ازيّك
الغريبة عملت تلاتة مداخلات عن الشاى المقنن
فى البوست الكبير بهناك والتلاتة حرنوا وفى
النهاية مشوا وين ما عارف...
انا اول زول نبه لانو الشاى المقنن ده اكذوبة
كبيرة اطلقها زهير وذهب بها المرجفون فى المدينة
والاعلان الاول كان هناك فى البيت القصاد الحلوانى
السورى...وبعد داك جيت قلتها فى البوست...
.....
لم ازل بالدمازين
حصل تعديل لموعد السفر ...واضافة اشخاص آخرين
وبقى العدد كبير...وما كان فى طريقة لتلتلة محمد
المرتضى.
| |
|
|
|
|
|
|
|
|
|
Re: مربع كاي (Re: محمد صديق)
|
| Quote: لو كان الحوار على الهواء لكنت تداخلت معه |
انت غايتو...بري منك....
Quote: تلقى الناس تتجارى فى حوش الكلية جارية من قسم لى قسم
مخلصة ليها سكشن ولاحقة ليها سكشن تانى
|
ديل منو ديل العوره ديل...
Quote: برضو لقيت ليكم مفاتيح كيبورداتكم طائرة , وضبابينكم ما تدى الدرب , والشباشب تتطاير
نحن غايتو يحمينا الله
وكمان محمد المرتضى الشهير بى دنجل واقف متلش بى شلاليفه الكبيرة ديك وكمان يحكى فى النكات
|
أمشي شيل حسنا بي هناك كمان بكره...
Quote: حصل تعديل لموعد السفر ...واضافة اشخاص آخرين
وبقى العدد كبير...وما كان فى طريقة لتلتلة محمد
المرتضى.
|
يا كوتش انت الدمازين و لا في النادي...خليك شفاف...
| |
|
|
|
|
|
|
|
|
|
Re: مربع كاي (Re: الرشيد بابكر)
|
الليلة البرد جانا راجع تاني...و الشتاء رغم أنه فصل جميل هنا في الامارات و رحمة من الحر و الغيظ في الصيف...الا أن برد الليلة ده برد التابا...دخل جو العضام و لانفعت معاهو الدفايتين المشغلهم عندي في البيت نا و لا البطانية التقيييييلة...ده جاي من وين ده...و العجب العجيب الموية البتنزل من الماسورة...التقول نازلة من التلاجة...و رغم انو السخان بتاع الحمام شغال لكن مرات كدههه المويه السخنة بتختفي كده و بتمشي وين ما تعرف و تفاجأك الموية البارده...و تقول كده تنزل ليك في راسك...لا حوله و لا قوة الا بالله...تصبر و تحاول تكمل الحمام تعمل شنو غايتو..الاتبلبل يعوم...و الصوت يجيب الطاشي...أوووووووووووو.....اهههههههها...يكمل الحمام و تمشي تشوف وشك في المرايا تلقاهو اتعوج من الموية الباردة...
أحسن حاجة تاني الواحد يستحمى بالليل و ينوم و مافي داعي لمجازفات الصباح دي...
ملحوظة....مكتوب بتحفظ...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا جماعة والله ونستكم طاعمة بشكل ، بس نظام شغالين مذاكرة مع العيال وحصص إنجليزى لمان خشمى اتعوج ، غايتو كان لقيت فرقة برجع ليكم تانى .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
| Quote: يا جماعة والله ونستكم طاعمة بشكل ، بس نظام شغالين مذاكرة مع العيال وحصص إنجليزى لمان خشمى اتعوج ، غايتو كان لقيت فرقة برجع ليكم تانى . |
بكوري...أولاد الزمن ديل أعمل حسابك منهم..أوع تقوم تغلط...ديل قدر ما تعوج لسانك تلقاهم لابدين ليك...
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
| Quote: الليلة البرد جانا راجع تاني |
يا رشيد الجانا هنا فى البحرين ما برد عادى ، دى شعفوفا عديل دايرة ليها عصيدة دخن حااااااااارة واللبن إكون مقنن يا منص تضوقو وتشموا كمان
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
| Quote: بكوري...أولاد الزمن ديل أعمل حسابك منهم..أوع تقوم تغلط...ديل قدر ما تعوج لسانك تلقاهم لابدين ليك... |
لسه ح تقولى يا رشيد ، يا خى أفنان وكت تقول ليك كده ماصاح تبحلق عيونا وتتمطق ليك مع كل حرف تقول جدّها مدفون فى مانشستر الأراضى ( عشان ما نتلخبط مع مانشستر يونايتد ومانشستر سيتى )
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكوري...أمنية و مهند لما الخدامة تسألني Tea or coffee sir يقعدوا يترجموا لي...قالت ليك تشرب شاي و لا قههوة يا بابا...يعني نظام أنا ما بعرف انجليزي و هم مولودين في برايتون بالنص...
| |
|
|
|
|
|
|
|
|
|
Re: مربع كاي (Re: الرشيد بابكر)
|
شاى وقهوة ساهلة ، مرّات بيسألوننى أنا وامهم : زمان كان عندكم مدارس ، أقوم أحنبك أقول ليهم : أبوى الله إرحمو كان ناظر مدرستنا الإبتدائة ، درّس من محمد عمى طبيب الأسنان الفى الطائف لغاية على اخوى آخر العنقود .
شكلنا يا رشيد بعد شوية بقولوا علينا : الجُلُك ده خرَّف
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا جماعة قدورة ما وقع في عيونكم...الزول دهه اختفى تب...و من يوم الضبانه الجاب صورتها تاني ما قامت ليو قومه...تكون أصابت لعنة الضبان و لا شنو...
| |
|
|
|
|
|
|
|
|
|
Re: مربع كاي (Re: الرشيد بابكر)
|
قدورة ده صحابى فعلاً ، فلا توسط لديه فإمّا الحضور الكثيف أو الغياب المخيف ، يا قدورة بنشتاق ليك وانت معانا ..... باقى المقطع الذاكرة عاملة خيانة
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكوري...قدورة لا متابع و لا مستمتع... مشغول لشوشته...و قاعد يكتب في ورقة الفلوسكاب برنامج اجازته في السودان (الله يجازيك يا منصور)...الفلوسكاب هينة...الكلام الحكاوي البعد ما يرجع من السودان...
| |
|
|
|
|
|
|
|
|
|
Re: مربع كاي (Re: الرشيد بابكر)
|
اها
الليلة الخميس تانى
انتو الخميس ده بقى مرتين فى الأسبوع ولا شنو
هسى طبعا الرشيد بيكون غالبا مسك الشارع , بيحاور فى الترلات فى طريق ابوظبى تقول ميسى
محاورة المشية لى ابوظبى , خلوها و حلوة ولذيذة على قلبو , طالما سخان الحمام شغال والخدامة بتقول ليهو تى اور كوفى
يعنى شاى ولا قهوة يا رش , نحن كل يوم نفهم فيك ولا شنو ؟؟؟
لكن التأمل والبشتنة فى محاورة العودة , العامل فيها ميسى وهو ماشى داك , تلقاهو بقى امير دامر عدييييييل
معسم بيمشى فى اتجاه واحد بس
هذا هو الفرق الأساسى بين الميتين كيلو بتاعين الخميس , ونفس الميتين كيلو البى طعم مختلف يوم السبت الحزين
احسن طريقة انو السبت ما يجى يا نجاة
انو ما يكون فى خميس
موافقة ؟؟
(اسمع نجاة بعين الدهشة والأستغراب والتكجين وهى ترد فى حسرة ولكن فى تأكيد )
برى
الباء مفتوحة , الراء مكسورة كسر خفيف , والياء ولا سايلنت ولا حاجة
نصيحتى ليكم كلكم
مذاكرة العيال دى خلوها لى امهاتهم
بتخربوهم يا جلاكيم وبتلخبطوا عليهم معلوماتهم
انا غايتو خلقت قناعة راسخة عند وليداتى
انى امى عدييييييييل
| |
|
|
|
|
|
|
|
|
|
Re: مربع كاي (Re: محمد عيد)
|
سلامات يا ناس
Quote: من يومك .. رااااجل ...
زيى انا ..!! |
انتو ما شفتوا الرجالة فى البوست الكبير والقال عليها
النضيف ...طايرة .
الرجالة بهناك ..تقول لعلوب بدل لالوب.
| |
|
|
|
|
|
|
|
|
|
Re: مربع كاي (Re: محمد صديق)
|
مساكم الله الخير
الخميس كان عائليا جدا...أسرتي الصغيرة و أخواني اجتمعنا بمناسبة عيد ميلاد مهند و امتد السهر لنشاهد سقوط الجزائر...ثم لملمنا و نظمنا و رتبنا باجساد مرهقة الفوضى العارمة التي أحدثها الأطفال...رغم الارهاق في هذا الخميس و رغم هزيمة الجزائر الا انه كان خميسا جميلا...
الجمعة فرصة للراحة و من ثم ننطلق غدا ان شاء الله الى منفاي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: الخميس كان عائليا جدا...أسرتي الصغيرة و أخواني اجتمعنا بمناسبة عيد ميلاد مهند |
كل سنة وإنت طيِّب يا مهند .............
عيد ميلاد سعيد
إنشاء الله عمرِ مديد
تملاهو بى التقوى والتوحيد
وإحفظك مولاى لى بت حوفى والرشيد
تكبر تشجّع البرشا أوعاك من ريال مدريد
تكبر تشيل الحمل وتسند أبوكَ يا الصنديد
إرتاح من غياثى وعبد الله المريد
إتلم على وليداتو وداخل سربو دوم غرّيد
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
ارتاح من غياثى وعبد الله المريد
اتلم على وليداتو وداخل سربو دوام غريد
يوم الخميس ماشى , ويوم السبت راجع
التقول ساعى بريد
شانق بنطلونه , ملمع جزمته
جادع كرفتته فوق لى كرشته
الما قاعد تنقص , وكمان بتزيد
عاد دا ما ابو امنية الطاعمة ولذيذة
الخلقوها زى (ما تريد)
| |
|
|
|
|
|
|
|
|
|
Re: مربع كاي (Re: منصور عبد الرازق)
|
زحمة الخميس و الجمعة جعلت من يوم السبت ده الأكثر صمتا و بردا و سخافة...يوم بعد انتهاء الدوام لا ينفع معه الا النوم...و قد كان....
ثم جلست أتفرج في مباراة الجزائر و نيجريا...مباراة الجريحين كما اعتادت وسائل الاعلام تسميتهم...النسبة لي هذه المباراة ليست بذات أهمية مصر و الجزائر و لا يهم من يفوز...
و مواصلة لما كتبه بكري و منصور
ارتاح من غياثى وعبد الله المريد
اتلم على وليداتو وداخل سربو دوام غريد
يسمع منكم العلي المجيد
و يجيب لي دعاكم بالفرج السعيد
| |
|
|
|
|
|
|
|
|
|
Re: مربع كاي (Re: الرشيد بابكر)
|
تداخل عصام حسين معنا في البوست العام و حديثة عن عمنا حسن سنهوري رجعني سنين الى الوراء...وقتها كنا بمدينة بابنوسة...كان والدي المدير الفني للمصنع...و كان عمنا حسن سنهوري جد عصام المساعد الطبي للمركز الطبي الخاص المصنع...بيت عم حسن كان يفتح في ميدان لكرة القدم خاص بالمجمع السكني لموظفي و عمال المصنع...كنت وقتها نجما كبيرا...كنت ألعب في أشبال فريق الترس...كل اللاعين يكبرونني على الأقل بخمس سنوات...كنت ألبس قميصا يصل الى ركبتي لأنني كنت صغيرا و لكنني كنت هداف الفريق...كنت أسجل كل الأداف تقريبا و حتى ضربات الجزاء يوكلونها الي لتنفيذها...
عم حسن كان من أشد المعجبين و المشجعين لي...كان يخرج كرسيه أمام منزله عصرا و يتفرج في التمرين و المباريات...كان أحيانا يذهب ليحضر أي ليتفرج في المباريات...كان يقول لأي تعال اتفرج في الولد ده...ده ولد ليهو مستقبل كبير...كان أبي لا يعجبه ذلك...فأبي كان حريصا على ان نتفوق أكاديميا...أما رياضيا فلم يكن يهمه ذلك كثيرا...بل كان يتدخل أحيانا ليوقف الافراط في اللعب و المطالعة غير الأكاديمية...كان أبي مثله مثل أي أب..يريد أن يرانا دكاترة و مهندسين...فكانت عنده المدرسة أولا و ثانيا....
ذكرت حادثة اصطدامي ببعض الصبية و التي ناصرني فيها عم حسن...لم أكن أعرف أن عم حسن كان يتاع لعبنا...كنا مجموعة نلعب في يوم عيد...كنت ألس قميص بيج به نقشات خفيفة...كان يعجني جدا قميصي هذا...جاء مجموعة من الصبية يحملون المطارق...دخلوا الملعب و كنا نلعب...طلبت منهم الخروج فأبوا...أخذوا يلعون بالكرة فيما بينهم ثم يشوتونها بعيدا...كررت لهم طلي فرفضوا...أخذت أجري لأخذ الكرة...فحاصرت أحدهم و معه الكره و مسكته و ألقيته أرضا...فاجتمع حولي اخوته لضربي بما يحملون من سياط...أخذت مجموعة من الحجار في يدي و أخذت أضربهم بها...فجرحت (فلقت)الأول و تطاير دمه في قميصي البيج ذو النقوش البيجية...و ركضت الثاني و فلقته و عندما ركضت خلف الثالث جروا جميعهم الى بيوتهم...كانت الأحداث كافية لنفض التمرين الصاحي و ليذهب كل الى بيته...ذبت الى البيت و لكني لم أدخل..جلست تحت شجرة النيم أمام المنزل و قيت جالسا...بعد فترة ليست الطويلة شاهدت رجل يحمل عصاة كبيرة في يدة يتقدم نحو منزلنا و معه الصبية الذين تشاجرت معهم منذ فترة...بقيت في مكاني متحديا و لم أحرك ساكنا...ضر الرجل على با المنزل ضربا عنيفا...فخرج أي غاضباو زجر الرجل على ضربه للباب بهذه الطريقة...قال الرجل لأبي شوف ولدك عمل شنو..كان اثنين من الصبية يلفون رؤوسهم بشاش طبي...و لكن فجأة ظهر عم حسن و حكى لأبي كل القصة...و عندما سمع الرجل حكاية عم حسن هم بضرب أبنائه...و لكن أبي و عم حسن منعوه..رجع الرجل و عياله و أدخلني أبي الى المنزل و هو مبسوط مني...و طلب مني خلع قميصي البيج لغسل الدم منه...
| |
|
|
|
|
|
|
|
|
|
Re: مربع كاي (Re: الرشيد بابكر)
|
ازيكم 00
ودي لمهند 00 وكل سنة وهو وامنية طيبين
ينفع التورتة بعد يومين زحمة وامتحانات يا مرابطين كاي00
| Quote: أخذت مجموعة من الحجار في يدي و أخذت أضربهم بها...فجرحت (فلقت)الأول و تطاير دمه في قميصي البيج ذو النقوش البيجية...و ركضت الثاني و فلقته |
شنو يا رشيد القوم اغيب يومين 00 اجي القى الشكلة قامت000
تعرف يارشا 00 لما اكتمل عقد الجيفارات الناصع عندنا واحدة قريبتنا
قالت ( من الليلة فافي تجهز توبا جنب اقرب مكان للباب ) وتقصد طبعا
شكل وخنا قات الاولاد في الشارع 000
الجميل انهم الثلاثة هادئيين ووديعين 000ولكن ياويله اللي يبدا عليهم
بينهم تكتيك غريب 00 انا امهم ما بنجو منه مرات00
| |
|
|
|
|
|
|
|
|
|
Re: مربع كاي (Re: محمد صديق)
|
فافي مشتاقين عديل كده...الله يعينك على الامتحانات و المذاكرة مع العيال...
شكرا يا فافي على تهنئتك الرقيقة لمهند...
الله يعينك على الجيفارات...الأولاد صعبين بس ان شاء الله ما تكون شقاوتهم زي شقاوتنا زمان...
لك كل الود و لصاحبي العجوز المختفي و للجيفارات...
محمد صديق حمد الله على السلامة...
ما دام رجعت بالسلامة خلينا نشوفك...
أنا مشغول شوية الأيام دي...عشان كده تجدني أتداخل مرة أو مرتين في اليوم...بالاضافة الى أن المخ معصلج حبتين بسبب المشغوليات...
| |
|
|
|
|
|
|
|
|
|
Re: مربع كاي (Re: الرشيد بابكر)
|
فوز مستحق لمصر ببطولة الأمم الأفريقية...
المصريون اجتهدوا و عملوا بجد و اجتهاد للبطولة و حققوا مرادهم...
لو عملنا ربع ما يعمله المصريين لكان لنا مكان في البطولة حتى و ان خسرنا من كل الفرق...
مبرووووووووووووووك لمصر من قلوبنا...
| |
|
|
|
|
|
|
|
|
|
Re: مربع كاي (Re: محمد صديق)
|
الزول البغني في الأغنية ده الأخ الصديق حمزة سليمان....و له هنا أجر المحاولة...سمعت هذه الأغنية يغنيها عدد من المغنيين ولكن لأنها راسخة في وجداننا بصوت البلابل فلا نستحسنها من أي مغني آخر...و لكن هذا لا ينقص من مقدرات الأخ الفنان حمزة الذي أبدع في تلحين عدد من القصائد التي يصعب حتى قراءتها...له من هنا التحية و التقدير..
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
يا رشيد لا تؤاخذنى على الكلام الفات
انا والله قايلو الاسمو محمود عبد العزيز
لكن انت ما معاى انو بغنيها زى الزول
القاعد يسلخ فى خروف؟
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش لا مؤاخذة...النقد شيئ مهم جدا للفنان خاصة اذا كان فنان بقامة حمزة سليمان...و أنا مثلك لا أحبذ دخول الفنان في مغامرات مثل هذه...فأغنية ليل الشجن من الأغنيات الجميلة و التي من الصعب الاستماع لها من غير البلابل...فلقد أدوها بشكل رائع و رسخت في الوجدان لذلك أي فنان يخوض تجربة غناء هذه الأغنية فعليه أن يأتي بأجمل أداء له و الا فليقبل بالمقارنة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
لم ألحظ انني قد أمضيت ما يزيد عن العام قليلا منذ تسجيلي بالمنبر...حيث انني قد تسجلت بتاريخ 24/1/2009...عام مضى الآن...هل يحتاج الأمر الى جرد لاسهاماتي في المنبر منذ تسجيلي...ربما...و لكن ليس الآن..فلم قرون الشطة الخضراء الحارة في تغيير حالي...منذ أسبوع و أنا أعاني من عدم مقدرتي على الكتابة و الاتيان بالجديد...فحاولت أن أخرج من هذه الحالة جاهدا ولم أفلح...أصبحت أشغل نفسي بكثير من الأشياء للخروج من حالة الرتابة...خرجت من عزلتي الاختيارية و تواصلت مرة أخرى مع أصدقائي هنا بالعمل...و ان كان الحديث عن العمل لا ينقطع ليلا و نهارا الا أنها مجرد محاولة...أمس الأول أحضرت كمية من الفواكه و أخذت وقتا طويلا أصنع سلطة فواكه...و عندما فرغت منها زارني اثنين من أصدقائي و أشادوا بزوجتي لأنها أجادت صنع هذه السلطة...ففرحت لذلك و قلت في نفسي لا بأس أن يشكر حماد هذه المرة...
اليوم فتحت كمبيوتري منذ الساعة الخامسة عصرا و تعطلت لغة الكلام و لم تخاطب عيناي الكمبيوتر بأي لغة فقفلته و ألقيت بجسدي المرهق في السرير و استسلمت للنوم...أفقت على نفس الحالة...دق بابي فتحته لأجد صبي المطعم أمامي يلبس لبسا ثقيلا حماية من البرد ويضع على رأسة طاقية صوفية...سألني ان كنت أريد أن أتعشى قلت نعم و لكن كتر من الفلفل الحار و هذا هو اسم الشطة الخضراء...أكلت الشطة حتى أشرأبت كل شعرة من شعرات رأسي في أتجاه مغاير للأخرى...و لكن و لا حتى جملة واحدة مفيدة أو فكرة طرأت على خاطري...قلت أشوف منصور...رن ههاتف منصور حتى انقطع و لم يرد علي...جربت محمد صديق رن هاتفه حتى كاد ينقطع فاذا به يرد علي...شكيت له حالي و تجاذبنا أطراف الحديث و تحدثت الى بكري و عمر فاتلق ليلي و نور...و لكني خشيت أن أتبع وصية الكوتش بأن أشرب فنجان قهوة فلا يغمض لي جفن حتى صباح اليوم التالي.....
عام مضى...هل قلنا فيه كل شيئ...هل نضب معيني و لا أجد ما أكتبه و هذا هو سبب عدم قدرتي على الكتابة...لا أظن ذلك...فأنا لم أكتب كل ذكرياتي و ما زالت الحياة متواصلة بفضل الله و كل يوم بهها الجديد المثير...
هي حالة ناتجة عن ضغط العمل لا شك في ذلك...
عام مضى... و كم هي الأيام تمضي سريعا دون أن نشعر بذلك...في عام واحد و من خلال هذا المنبر عرفنا أناس لم تجمعنا بهم أي ذكريات فأصبحوا اخوة لنا بحق و حقيقة....
عام مضي و أعوام ستمضي...و ستتسع رقعة المعرفة و الصداقة...أي مكسب هذا..لعمري انه من أكبر المكاسب لي في هذا العام...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
| Quote: أي فنان يخوض تجربة غناء هذه الأغنية فعليه أن يأتي بأجمل أداء له و الا فليقبل بالمقارنة... |
من منّا لا يعرف الاستاذ حمزة سليمان ؟ومن الذى لم يستحسن صوته واداءه؟ صوت لا يشبه صوتآ آخر
سمعته ايامه مع عقد الجلاد...لازلت اذكر كيف يخطو الى مقدمة المسرح لاداء مقطع فردى...وينطلق ذلك الصوت المميز
ما سمعته بعد مفارقة عقد الجلاد...وتعلم اننى كلاسيكى متزمت ...استمع الى كل المراحيم اضافة الى الطيب مدثر
واحمد شاويش وعقد الجلاد وسبت فنان الدمازين البغنى اغنية حليمة...
الرشيد انا اضانى نضيفة ...لو اتصلت باستاذ حمزة عليك الله اسألوا : ليه صوتو بقى لى زى صوت محمود عبدالعزيز
والذى لا اطيق انا سماعه...وزى ما قال الحلفاوى الداير يأجر البيت السمح ولقى الايجار رخيص:
لازم فى حاجة غلط.
لك الود وللاستاذ حمزة خالص اعتذاراتى ونطمع فى سماع الصوت الزمان حتى ان لم يخط الى مقدمة المسرح.
| |
|
|
|
|
|
|
|
|
|
Re: مربع كاي (Re: الرشيد بابكر)
|
يعمل محمد المرتضى جاهدا هذه الأيام للحصول على عضوية هذا المنبر و أظنه قد فهم من زهير الزناتي أن مشوار الألف ميل يبدأ بايميل...و رغم أن محمد المرتضى يمتلك لابتوب الا أنه ليس ضليعا بأمور الايميلات...فاحتار في كيفية انشاء ايميل جديد سواء ان كان بالهوت ميل أو الياهو أو الجي ميل أو غيرها...فاستعان بابن خالته صديق...كلما اتصل به يقول لي...الليلة اتفقت مع صديق أمشي معاهو عشان يعمل لي ايميل...أصبح موضوع الايميل الشغل الشاغل لمحمد المرتضى عبدالعزيز...و عندما ضاق صديق ذرعا بابن خالته محمد قرر أن يخلص نفسه من هذه الورطة و أخذ محمد الى المنزل و أنشأ له ايميل في زمن قياسي...تعجب محمد المرتضى كثيرا لذلك و هو الذي كان يظن ان انشاء ايميل جديد ربما يأخذ اليوم كله..و لكن صديق بمهارة اذهلت محمد استطاع أن يقوم بذلك في دقائق معدودة...أصبح صديق بطلا في عيون محمد المرتضى...
بعد انشاء اللايميل أراد محمد أن يرسل ايميلا لأعز أصدقائة ليبهرهم بامتلاكه لايميل جديد...كنت أنا هذا الصديق...و لأن محمد يتعامل مع الكيبورد كما يتعامل عجلة القيادة في الطائرة...كتب لي سطر واحد و حسب نفسه قد كتب لي مقالة طويلة...لأن السطرين قد استغرقا من قرابة النصف ساعة...كتب لي محمد...
يا حاج يا كبيرنا كيف حالك سلامات يا زول يا رائع...
قلت في نفسي...
يا حاج دي ما أنا لأني لم أحج بعد...عمرت نعم..لكن حج دي لسة...
يا كبيرنا...صحيح ان محمد المرتضى جاء بعدي للكلية...ولكن امتحن الشهادة السودانية كان تلاتة و لا أربعة مرات...يعني امكن نكون قدر بعض...
سلامات ..و عليكم السلام و رحمة الله و بركاته..السلام و رديناهو ليك..
يا زول يا رائع...الزول ده أكيد فرحان بالايميل...رائع رائع أنا خسران شنو...
رديت عليهو و قلت ليهو..مبروك الايميل و بركة البقيت راجل وبقى عندك ايميل...
نتوق الى مشاهدة محمد المرتضى عضوا بالمنبر عشان نشوف شوته الضفاري...
| |
|
|
|
|
|
|
|
|
|
Re: مربع كاي (Re: الرشيد بابكر)
|
قمت بعمل احصائية للذين يقرأون هذا البوست بما فيهم شخصي...و كان الدف من الاحصائية معرفة ان كان ما يكتب في هذا البوست يجتذب عدد من القراء أم أنه بوست منفر حتى نلحق نصحح مسار البوست و حتى لا أكون الكاتب و القارئ الوحيد للبوست...
وجدت أن عدد قراء البوست منذ يوم الأربعاء و الى مساء اليوم قد تجاوز ال 400 قارئ...بما فيهم شخصي...ففرحت كثيرا لذلك و قدرت أن البوست ليس بمنفرا رغم أن حركة البوست في منذ يوم الأربعاء كانت بيطيئة نوعا ما و الكتابات فيه ليست بمستوى الصفحة السابقة و التي سبقتها أيضا..و وجدت في ذلك محفذا لي لأكتب أحسن ما عندي بالرغم من ظروف العمل الضاغطة هذه الأيام و التي شلت تفكيري و جعلت من الكتابة هذه الأيام أمرا صعبا جدا..
أشكر كل من مر من هنا متداخلا كان أو قارئا..و أقول لكم جميعا أنكم وقود هذا البوست و كل البوستات حتى و ان لم تتداخلوا فمجرد متابعتكم لنا تعطينا الدافع لمزيد من الكتابة و اجتذاب عدد من المبدعين الى هذا البوست و غيره من البوستات الجميلة التي تزين صدر هذا المنبر...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا رشدي كل سنة وإنت طيب .... عام مضي أعتقد أن به كثير من الإضافة في مناحي شتي ... فالكتابة مثل كرة القدم تحتاج لكثير من التدريب والإستمرارية وكتابتنا هنا هي التي تطور أدواتنا وإذا ما نظرت لأسلوبك وعبارتك ستجد بها كثير من التطور منذ أن بدأت الكتابة الراتبة هنا إضافة لما ترفدنا به القراءة للآخرين من أفكار جديدة وعبارات تضاف لقاموسنا اللغوي ... وهذه محمدة أخري تضاف لما إستفدناه من إنضمامنا لهذه الكوكبة من الناس الجميلين ... أي أن الكتابة هي مكسب علي المستوي الفكري والإنساني ...
اما الحالة التي تمر بها فهي شئ طبيعي يمر به كل إنسان في وقت ما لأسباب شتي سرعان ما يعود لسيرته الأولي بزوال السبب ... وقد تمتد فترة البيات الشتوي أو تقصر إلا إنها فترة مؤقتة فلا تبتئس يا صديقي ... كما أن الجو العام أعتقد بأنه غير مساعد علي الإبداع نسبة لإختفاء كثير من الأقلام وهي التي تعودنا أن نتداخل معها مستلهمين فكرة من كتاباتهم ... أو نرد علي عبارة أعجبتنا ... أعتقد أن الأمر يصبح دورة حياة الكاتب يمر بفترات إزدهار وتارة أخري ينحسر عنه الإلهام ... لا تستلم وحاول مرة أخري ...
| |
|
|
|
|
|
|
|
|
|
Re: مربع كاي (Re: زهير الزناتي)
|
يا كوتش سعدت بالتحدث اليك هذا المساء... و صدقني ان التحدث اليك أعاد الي الروح و أخرجني من مستنقع البؤس الذي كنت به...
حق لي أن أحتفل لي بمرور عام علي في هذا المنبر...فلقد قربني اليك وقربك الي..
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: يا رشدي كل سنة وإنت طيب .... عام مضي أعتقد أن به كثير من الإضافة في مناحي شتي ... فالكتابة مثل كرة القدم تحتاج لكثير من التدريب والإستمرارية وكتابتنا هنا هي التي تطور أدواتنا وإذا ما نظرت لأسلوبك وعبارتك ستجد بها كثير من التطور منذ أن بدأت الكتابة الراتبة هنا إضافة لما ترفدنا به القراءة للآخرين من أفكار جديدة وعبارات تضاف لقاموسنا اللغوي ... وهذه محمدة أخري تضاف لما إستفدناه من إنضمامنا لهذه الكوكبة من الناس الجميلين ... أي أن الكتابة هي مكسب علي المستوي الفكري والإنساني ...
|
أبو الزوز...و انت بألف خير...يكفيني فخرا أن هذا المنبر عرفني بكم و قربني اليكم...و هذا بالنسبة لي من أكبر المكاسب في هذا العام...أما تطور الأدوات و تحسن الأسلوب و الأفكار فلا شك في أني وقبل أن أكتب أول حرف لي في هذا المنبر أحسست بأني قد اكتسبت الكثير من خلال قراءاتي لما يكتب داخل المنبر و خشيت في البداية أن أكتب فيه ثم تجرأت وكتبت و استعدت لياقتي و تطورت مهاراتي فيه حتى أصبحت لا أخشى أن أكتب في أي موضوع كان...
ان ضغط العمل الشديد يسبب لي نوعا من الاكتئاب ولكن بمجرد أن ألتقيكم تزول هذه الحالة و أنسى حالة الاكتئاب هذه و أعود الى عملي في اليوم التالي بمعنويات عالية...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سنة حلوة يا روش وللبوست ولمهند وأمنية ، وأمنيات لاتحد بموفور الصحة والإبداع .
حالة الزهج الفاشية هذه الأيام هى فى تقديرى بسبب موجات البرد التى تجفف حتى وريقات الأشجار ناهيك عن بنات الأفكار التى نحت للدفء ، لدينا موجة برد وفترة إمتحانات حالت دون ممارسة رياضة المشى والنزهة التى تساهم فى تغيير منعكر المزاج .
من البشريات الجميلة قرب مشاركة محمد المرتضى الذى امتلك أخيراً إيميل ، بالله محمد المرتضى ده عايش فى ياتو قرن ، واللابتوب ده بعمل بيهو شنو؟
سأعود إليك مجدداً ، فقد جلست أفنان بقربى وأعلم أنها تود الخروج لتعديل المزاج ، فلا بأس إذاً من الخروج والعودة مجدداً.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
Quote: من البشريات الجميلة قرب مشاركة محمد المرتضى الذى امتلك أخيراً إيميل ، بالله محمد المرتضى ده عايش فى ياتو قرن ، واللابتوب ده بعمل بيهو شنو؟
|
بكوري سعيد بطلتك المسائية...قبلة في جبين أفنان نيابة عني...لو وقفت معها في البلكونة لعدلت من مزاجك المنعكر...و لكن مشية في الكورنيش لا شك أنها بتعمل charging حتى نهاية الأسبوع..
القرن الأنسب لمحمد المرتضى هو القرن الأفريقي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
Quote: عام مضي و أعوام ستمضي...و ستتسع رقعة المعرفة و الصداقة...أي مكسب هذا..لعمري انه من أكبر المكاسب لي في هذا العام...
|
عين الحقيقة ....والمكسب جماعى ...او اقول ليك نحن الخميناها
تلفونك جا فى وقتو وانت سبقتنى بتنفيذ الرغبة...واسعدنى وتعلم
انه يسعد بكرى وعمر ايما سعادة...
اظرف حاجة لما جانا منص فى البيت قالوا ليه انت منو ما
وايه الدنيا غير
لمّة ناس فى خير
او ساعة حزن
اتلمينا فى الخير وشاركنا بعض الافراح والاتراح
وكان الصدق وانتفاء الغرض اثمن حاجة
سنة حلوة يا جميل
كلامى لى استاذ حمزة سليمان ما تنساهو
وهو على الرغم من جلافتو الا انو صادق
لك وله اكوامآ من الاعتذارات
| |
|
|
|
|
|
|
|
|
|
Re: مربع كاي (Re: محمد صديق)
|
Quote: كلامى لى استاذ حمزة سليمان ما تنساهو
وهو على الرغم من جلافتو الا انو صادق
لك وله اكوامآ من الاعتذارات |
يا كوتش كلامك سيصل لي حمزة ان شاء الله...و حمزة لو عرفته عن قرب لوجدت فيه شخصا جميلا نقيا متدينا و متواضعا...سعدت جدا بالتعرف اليه وأسرته الصغيرة و الكبيرة...و أسمعني معظم ألحانه في غرفة الساونه عندما كنا نحرص أنا و هو على أداء التمارين الرياضية في أحدى الأندية...
كنا ما نزوره في البيت يحضر العود و يبدأ في عزف أجمل الألحان و كنت عندما أغني يقول يا سلام يا سلام...كنت أعرف أنه يجاملني و لكنه كان صادقا...يقبل مني كل الانتقادات و يستمع لي و كأني أخوه دكتور الماحي سليمان...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
| Quote: ...و حمزة لو عرفته عن قرب لوجدت فيه شخصا جميلا نقيا متدينا و متواضعا...سعدت جدا بالتعرف اليه وأسرته الصغيرة و الكبيرة...و أسمعني معظم ألحانه في غرفة الساونه عندما كنا نحرص أنا و هو على أداء التمارين الرياضية في أحدى الأندية |
الرشيد...صياغتى للكلام فيها خطأ كبير فات على وربما يحدث لبس ...فكلامى هو الذى كان جلفآ وليس الاستاذ
الضمير هو راجع لى كلامى ...
| |
|
|
|
|
|
|
|
|
|
Re: مربع كاي (Re: محمد صديق)
|
تحايا جميلة بطعم الشــهد للناس الاحلى من العسل
رشيد وصديق .. تحية وشوق اليكم ..
حالة الغياب القســرى التى تعترى الجميع كما قال ابو الزوز ...
يبدو ان لها علاقة بحركة النجوم والكواكب ...
او ربما اقتراب بعضا من الشــهب المعروفة ببث الضيق فى النفس ...
عذرا .. هذا كلام بعض الفلكيين والمخرفين من عشاق الابراج ...
رشيد ...
مبروك عليك المناسبات الكثيره ...
ويبدو ان يناير هو شهر الاحداث السعيده لديك ..
ففسه كان اقترانكم بالرائعة البراية بت حوفى
وفيه كان ميلاد امنيه الجميلة ..
وايضا كان فيه ميلاد الفارس مهند ( هنأته فى بوست امنية ) ..
وفيه ايضا كان ميلادك انت فى هذا البوست واول خطوات مشيك الجميل فيه
واذا كنا نحن ما زلنا فى مرحلة .. تاتا تاتا .. فانت ماشاء الله لبست الشورت
وبقيت تتجارى فى الشارع ...
تهانينا لك بكل تلك المناسبات السعيده ..
وأكيد .. أكيد .. حنجى برواقة ...
بس ربنا يختينا جلا ..
| |
|
|
|
|
|
|
|
|
|
Re: مربع كاي (Re: محمد عيد)
|
محمد عيد افتقدتك كثيرا هذه الأيام و عزيت غيابك الى مشغولياتك الكثيرة و التي تتكاثر يوما بعد يوم...في الغربة نسعد عندما نجد أن أحدنا مشغول..لأن مشغول هنا تعني أنك على رأس عملك كما يسمونها هناو طالما أنك على رأس عملك فهذا شيئ يسعد...
أنا لم ألبس الشورت بعد...و ان كنت قد لبستهه فأنتم الذين ألبستونيه...فلم و لن يهمني سواء تداخلكم معي و تشجيعي و حثكم لي الذي جعلني أخرج من ركودي و أسترجع ايام خلت و أداعب الكيبورد و أخرج من جعبتي ما أجدههه حتى أنا عاديا و لكنكم استحسنتوه الأمر دفعني الى كتابة المزيد..و أنا انتجه لكم فقط و يكفيني أن يقرأ ذا البوست العدد الذي ذكرته سابقا...و ان دخل المزيد من قبيلتنا و قرأوا ما نكتب نفرح و نسعد بهم أكثر...
لك مني كل الود و التقدير و أعانك الله على عملك...
و ما تغيب
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: الرشيد...صياغتى للكلام فيها خطأ كبير فات على وربما يحدث لبس ...فكلامى هو الذى كان جلفآ وليس الاستاذ
الضمير هو راجع لى كلامى ... |
فهمت ما تعني يا كوتش...و لكني اقول لك انت حاشاك الجلافة...فهي شيئ لا يشبهك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
اول دخول للرشيد لقلب منبر الاجدع ناس
Quote: بعد غياب عدة أيام من المنبر، عدت لأجد المفاجأة الساره، وكانت سعادتي لا توصف، وقد جاءت البشاره عبر أخونا زهير الزناتي و الذي أجدني عاجزا عن شكره وشكر المهندس بكري أبوبكر الذي استجاب بدوره لطلبه فلهما مني كل الشكر و التقدير.
وبدأت أبحث في البوم الصور عن صوره للبروفايل على أن تكون الكرش فيها ما ظاهره فلم أجد، وقلت امكن ألقى واحده في الصور بتاعت شهر رمضان أكيد حتكون في واحده معقوله كده بسبب تأثير الشهر الفضيل، فوجدت أن الشهر الفضيل لم يؤثر ذلك التأثير، فقررت أن أبدأ معكم بصور أبنائي أمنية و مهند على أن تأتي فيما بعد صورتي و أم مهند بعد أن يؤدي الريجيم القاسي الذي نتبعه مفعوله.
أنا سعيد جدا بوجودي بينكم الآن وان شاء الله نكون اضافه الى المنبر ومن ثم الى البوست الذى قدمنا الى المنبر وبعد كده نقوم ننفض الغبار عن الصور القديمة ، وعلى فكره ننفض الغبار دي فعلا بتتناسب مع الصور لأنها أشبه بالآثار و الناس الفيها من العصر الديناصوري و بعضها صور حديثه ، ان شاء الله نجيكم كده برواقه.
و يا زهير نجاة ليها 100% من الباسورد وكان سمحت لي زي ما حاصل الآن بكتب ليكم و كان ما سمحت كمان بشوف لي مكان تاني.
تحياتي للجميع وتعازي للأخوه و الأخوات الذين فقدوا أعزاء لهم، والشكر مجددا لزهير و عصام دهب ولكل الاخوه الأعزاء جدا الذين رحبوا بقدومنا و الى لقاء قريب.
و دمتم دايما سالمين
الرشيد بابكر |
ودي على سبيل التحية ليك ولاحباب كاي
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
فاتنى اتصالك يا رش
كنت وين ومتين و والله ما عارف
البيت عندنا طعمه وشكله امتحانات ساااااكت
وهذا لا يسرنى ولا يعجبنى
ما انتوا عارفين انا امى عديل , شغلة القراية ومذاكرة الأولاد دى لا عندى فيها ناقة ولا جمل
هذه مهمة امانى التى تؤديها باستمتاع تحسد عليه
انا فقط اوصلهم الصباح للمدرسة , واثناء التوصيل اطمئن الى موقفهم النفسى والمعنوى دون ان اجازف بالتطرق الى اى تفاصيل اكاديمية عملية
فانا امى زى ما انتو عارفين
لكن المحير فى الموضوع , انو لقيت ليك انوناس احمد وايثار ومجتبى وحجازى
واصلهم ليك احساس عكس نيتى تماما
عارف الغلاط البيقوم دايما بين الأستاذ والتلاميذ خاصة عندما يحاول احد الطرفين اثبات نظرية ما
هذا يحدث احيانا بين امانى واحد الأبناء
عندها يتخذون منى حكما
حكم شنو يا اخوانا ما قلنا ليكم يا دوب بنفك الخط
يحدث هذا عادة فى اللغة الأنجليزية وتفريعاتها بتاعت دروس القرامر ومعانى بعض الكلمات
كان لى مجتبى ده , احلف بدينى وايمانى بيألف ليهو كلمات منراسو ده
جنو افلام بتاعت خيال علمى , زى ناس هارى بوتر وانت طالع
مرة لقيتوا ليك مصر يشترى كتاب بتاع هارى بوتر فيهو زى الف صفحة كده
لمن لقيتوا خلصوا فى يومين , حيرنى عديييييل
لكن الضحية كنت انا , الكلمة دى معناها شنو , والمرادف بتاعها شنو
اما ايثار ومدرار الصغيرة
فقد كرهونا (الهاى ميوزيكال اسكول زاتو )
ما عارفيننا نحن من زمن (البونى ام وكان كترنا البى جيس وبوب مارلى والأبا قروب )
قناعتى الأكيدة
امى ولا ما امى
الناس ديل ما سايبننا فى حالنا
| |
|
|
|
|
|
|
|
|
|
Re: مربع كاي (Re: منصور عبد الرازق)
|
| Quote: ودي على سبيل التحية ليك ولاحباب كاي |
فافي لك التحيات النديات الطيبات و لنصفك الحلو العجوز حاج الركز و لجيفاراتك ...
أشكرك على هذه اللفته الرائعة منك...قراءتي لأول مداخلة لي في هذا المنبر جعلتني أتوقف عندها كثيرا و أرجع الى الوراء عاما كاملا و مراجعة الحسابات..ولك الفضل في ذلك...فلك مني كل الشكر و التقدير...
لك كل الود و لعائلتك الجميلة..حفظكم الله...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: فاتنى اتصالك يا رش
كنت وين ومتين و والله ما عارف
البيت عندنا طعمه وشكله امتحانات ساااااكت
وهذا لا يسرنى ولا يعجبنى
ما انتوا عارفين انا امى عديل , شغلة القراية ومذاكرة الأولاد دى لا عندى فيها ناقة ولا جمل
هذه مهمة امانى التى تؤديها باستمتاع تحسد عليه
|
منص كنت وين ما عارف دي خلتني أقلق عليك..يا راجل د كان أمبارح مش الشهر الفات...خلي بالك يا صديقي...أماني دي ممكن تستمتع بالقراية مع الأولاد...تدبير أمور البيت....عمل الحلويات مثلا...الشوبينغ...لكن الحاجة الوحيدة البكجنوها ناس أماني ديل...الراجل النساي...
خليها تكتر ليك من الكركم الأيام دي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
اعتدت كل خميس ان أذهب الى أبوظبي مصطحبا معي صديقي عادل الذي يعمل هنا ببلدية غياثي...عادل أفضل رفيق لأطول طريق و هو يساعدني كثيرا في أن أظل متيقظا طوال الطريق المزدحم بالشاحنات..أعتدت أن أستمع الى سي دي أهداني له صديقي الفنان حمزة سليمان...هذا السي دي به 26 أغنية من عيون الشعر السوداني..
قررت يوما ما بأن أرجع الى أبوظبي في يوم الأربعاء حتى أتمكن يوم الخميس من الذهاب الى السفارة لانجاز بعض الأعمال هناك..فقلت لا بد لي أن أتصل بعادل لأخبره بذلك حتى يدبر أمره يوم الخميس..فوجئت بعادل يجهز نفسه للذهاب الى أبوظبي و لنفس السبب..ترافقنا أنا و عادل حتى أبوظبي و كان حمزة سليمان رفيقنا طول الرحلة و عندما وصلنا أوصلت عادل حتى منزله و اتفقنا على أن نلتقي صبيحة الغد في مبنى السفارة...
صبيحة الخميس جهزت نفسي و توجهت نحو السفارة...و أنا في الطريق اتصل بي عادل ليخبرني أنه بالسفارة و قال لي....يا رشيد صاحبك بالليل ملتخ بالكوابيس و السهر موجود بالسفارة..ضحكت و عرفت أن عادل يقصد حمزة سليمان فهذه افتتاحية أغنية أم درمان التي يغنيها الأستاذ بالسي دي...قلت لعادل الحمد لله لقد ضمنت لي شاهدين..فلقد كنت أنوي استخراج توكيل خاص...
وصلت مبنى السفارة و دخلت فوجدت عادل و وجدت حمزة سليمان الذي استقبلني استقبالا حارا جعل كل الجالسين في الصالة المتوسطة في مبنى السفارة يعتقدون انني شروق أبو الناس....
| |
|
|
|
|
|
|
|
|
|
Re: مربع كاي (Re: الرشيد بابكر)
|
قدمت أوراقي و جلست بجوار حمزة نتبادل الحديث و في انتظار رجوع الأوراق...بعد ما يقارب الساعة أرجعت لي الأوراق مطبوعة لمراجعتها و حتى أتأكد ان كل البيانات صحيحة...راجعتها و أرجعتها ثم طلب مني دفع قيمة التوكيل فدفعت...و سألت متى سترجع فقيل لي بعد الصلاة...جلست مرة أخرى بجوار صديقي حمزة...دخل علينا أحد موظفي السفارة في الصالة ليسألنا ان كنا نرغب في الصلاة داخل الأماكن المغلقة داخل السفارة قلت و من لا يرغب في الصلاة لا سيما و ان كانت داخل الأماكن المغلقة...كنت متوضيا كعادتي فدخلت و صلينا صلاة الظهر...و عندما فرغنا من الصلاة و جلست للتسبيح تلفت يمينا و يسارا وتساءلت عن سبب اغلاق المكان..و لكني عزيت الاغلاق الى ازعاج السودانيين المراجعين للسفارة و ليس لأي سبب آخر...ثم خرجنا لنواصل الانتظار...و لكن بعد الصلاة و لقرب موعد نهاية العمل تسارعت الأمور قليلا و نودي علي و طلب مني أن أذهب لمقابلة القنصل لتوقيع التوكيل أمامه...فتح لي الباب و دخلت حيث كنا نصلي قبل قليل ثم طلبوا مني الصعود الى الطابق الأعلى حيث مكتب القنصل...رافقني أحد المراجعين و الذي عجز عن أقناع موظفة الكاونتر بالخارج في أن شهادتة الجامعية بكالريوس و طلب مقابلة القنصل فجاء معي...دخلنا الى غرفة صغيرة بها مكتب صغير تجلس خلفة شابة نحيفة في حجم حنان القطينة الأمر الذي جعل المكتب الصغير يبدو كبيرا... بجوار المكتب كان هنالك كرسيان...في بادئ الأمر ظننت بأن الفتاة هي سكرتيرة القنصل فتبين لي أنها القنصل نفسه فلم استغرب لذلك كثيرا...دخل صاحب البكالريوس الضائع في الموضوع مباشرة وجلست أنا على الكرسي أتابع الموضوع باهتمام...شرح لها الأمر فعالجته بسرعة أدهشتني...يبدو أنها رغم صغر سنها و قلة حجمها تملك خبرة لا يستهان بها...فمدحها صاحبنا مدحا كثيرا و أفاض في ذلك و قال لها...ده الفرق بين الزول الفاهم و الما فاهم..ياخي أنا لي تلات ساعات بحاول أفهم في الأخت البره دي ما عايزة تفهم...ذهب صاحبنا و أخذت تقلب هي في أوراقي ثم سألتني...انت خريج زراعة قلت ليها نعم بالحيل...قريت وين..قريت في الزقازيق...شعرت بالدهشة في عيوني من أسئلتها الكثيرة...فقالت لي أنا خريجة زراعة و متخصصة في الوراثة...قلت ليها و الجابك هنا شنو...فأخبرتني بأنها سمعت عن فتح الباب للتقديم لوزارة الخارجية فقدمت و تم قبولها...قلت ليها تصوري أنا عندي نفس تجربتك ...قدمت سنة 1990 لوزارة الخارجية و لكني لم أوفق...تبادلنا الحديث طويلا ثم وقعت و ختمت على أوراقي و خرجت ....
في الحلقة القادمة أحكي لكم عن تقديمي لوزارة الخارجية و كيف كنت أحلم بأن أكون دبلوماسيا أعمل في احدى سفارات بلادي بالخارج و يا حبذا لو كان الخارج الباااااااااااارد..
| |
|
|
|
|
|
|
|
|
|
Re: مربع كاي (Re: الرشيد بابكر)
|
قبل مباراة مصر و غانا في نهائي أمم أفريقيا بيوم جلست و مجموعة من المصريين فيالمطعم نتناول وجبة الغداء...وضعت سيناريو للمباراة تطابق معها تماما...حيث توقعت ادخال حسن شحاتة لجدو في الدقيقة 70 و من ثم احرازه لهدف الفوز الوحيد في الدقيقة 85...مع اطلاق الحكم لصافرة النهاية انهالت علي المكالمات من هؤلاء المصريين...يا باشمهندس انت مخاوي و لا ايه...و الله انت يخوف...لقد كنت أنا شخصيا مندهشا لهذا التوقع و الذي تطابق بكل تفاصيله...
في اليوم التالي للمباراة تجمع كل المصريين في مكتبي يسألونني كيف أمكنني أن أتوقع سيناريو بتلك الدقة...و كان مصدقين تماما لمسألة المخاواة تلك...ثم ارادوا الاحتفال..فقرروا جمع مبلغ من المال ليشتروا كيك و حلويات ويقوموا بتوزيعها على الموظفين و العمال...قلت لهم عيب عليكم يا جماعة دي مصر فازت للمرة التالتة على التوالي..كيك ايه و حلاوة ايه..دي عايزالها خرفان...ثم بدأت أحدد مشاركات كل واحد منهم...انت يا جمال تدفع 250 درم و محمد 150 و أحمد 250 و عاصم 150 ....الخ وأنا نستعد أساهم معاكم كمان احتفاءا بالانجاز العظيم...قالوا لي معليش يا باشمهندش...الاسبوع الجاي نوعدك نجيب خرفان بس النهار ده خليها حلويات و بس...قلت لم أو كي براحتكم...
خرجوا جميعا و تشاوروا فيما بينهم ثم رجعوا بعد نصف ساعة ليدعوني الى الغداء..حيث تحول الأمر من حلويات الى ذبح ثلاثة خرفان...
و قال أحدهم..لا انت يا باشمندس أنا ابتديت أخاف منك بجد..حتى في الخرفان صدق توقعك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رشيد القوم وينك بقيت ذى النجمة تظهر وتختفى
احب انوهك انو قصيدة بت هندسة واغنية ليل الشجن
موضوعتان بفورمة واحدة داخل الصفحة مما يعطى تضارب
فى الصوتين ، اعمل تعديل واحذف احداهما
ولو جبت ليل الشجن بصوت البلابل يكفى ،،،
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
| Quote: رشيد القوم وينك بقيت ذى النجمة تظهر وتختفى |
ديدو يا حبيب...قصدك زي الهلال...
الشغل منعني من التداخل نهارا و الدبرسة ليلا...فبقيت أتفرج على التلفزيون و أقرأ الجرايد...أمبارح جيت مسكت ليك الجريدة و قرايتها ليك بمزاج...فلفلتها فلفلة شديدة و عندما أمسكت بالملحق الرياضي للجريدة لقيت المانشيت الرئيسي عن مباراة الانتر و الميلان فعرفت اني ركبت غلط...لقيت نفسي قريت جريدة الأسبوع السابق تاني...
أها جنس الحالة دي في علم النفس عندكم اسمها شنو يا صديقي...و كان المحاضرة دي كنت داكيها خلينا نحولها للكوتش محمد صديق....
| |
|
|
|
|
|
|
|
|
|
Re: مربع كاي (Re: الرشيد بابكر)
|
على طريقة أخونا أحمد اسماعيل أبو عمر حاولت حصر أشياء حدثت لي و لأول مرة...و يرجع السبب في الحقيقة الى انني كنت أترنم بأغنية أسبوع تمام للراحل هاشم ميرغني...ثم انتقلت الى الترنم بأغنية أنا و الأشواق للأستاذ محمد ميرغني...هاتين الأغنيتين أخذنني الى العام 81 عندما حضرت الى مصر و قبل أن أذهب أو حتى أعرف انني ذاهب الى الزقازيق..كنت أسكن حي لاظوغلي بالقاهرة بالقرب من وزارة الداخلية مع مجموعة من الأقرباء و الأصدقاء...و كنت أتشارك الغرفة مع الأخ و الصديق السر حلو الذي هاجر الى أمريكا بعد أن تخرج كلية العلوم السياسية بجامعة القاهرة...كان للسر شريط قرمالة به أغنيات متنوعة و كان ميالا الى سماع أغنية أنا و الأشواق كثيرا ثم أسبوع تمام..ثم أغنية يا ملاك و الدنيا ليل نتناجى في الشاطي الجميل...لم يبخل علي السر بوقته و باهتمامه بي في السنة الأولى في مصر...و لأنني كنت عاطلا و كان كل الشباب يخرجون صباحا الى كلياتهم و أبقى وحيدا...طلب مني السر مرة أن أقطع البصل وأحمره...فكانت أول بصله أقطعها وأحرقها في حياتي...
أما أول ساعة لبستها فلقد كانت بمناسبة احرازي المركز الأول في امتحانات الشهادة من الابتدائي الى المتوسطة...فاشترى لي والدي ساعة كان با علامة السمكة فكنت أسميها أبوسمكة...ساعة أبوسمكة...أخذت أقارن بيني و بين أمنية و مهند الآن...فعدد الساعات التي يملكونها الآن تفتح محل ساعات رغم أن مند ما زال لا يحسن التعامل مع الوقت...
ساعتي أبوسمكة كانت ساعة مدللة جدا..فلقد أوليتها كل عنايتي و اهتمامي فلقد كانت و كأنها هي التي تلبسني و لست أنا الذي ألبسها..اذكر أنني في الأيام الأولى كنت أثبت يدي الى جانبي و لا أحركها عندما أمشي بينما أحرك يدي الثانية...و كنت ألمعها بين الفينة و الأخرى و أضعها الى جانبي عندما أخلد الى فراشي...تلك كانت أول و آخر ساعة أبو سمكة أشوفها في حياتي...
أول مرة أسافر بالطيارة و خارج السودان كان الى روما العاصمة الايطالية...كانت الصورة التي أصعها في خيالي لأوروبا أنها قطعة من الجنة...كان خيالي يجمح كثيرا في وضع صورة لأوروبا...تم استخراج جواز سفري و عمل تأشيرات السفر الى ايطاليا و بريطانيا في وقت قياسي...كان البرنامج أن نسافر الى لندن ثم الى ايطاليا من بعدها...و عندما هبطت الطائرة الأليتاليا في روما بقينا في المطار فترة طويلة لنستبدل الطائرة بأخرى متوجهة الى لندن...تم تأخيرنا لفترة طويلة و من ثم تم ابلاغنا أن مطار هيثرو مغلق أمام الطائرات بمناسبة زواج الأمير شارلز من الأميرة ديانا...ثم خيرونا بين البقاء بالمطار أو الدخول الى المدينة و على حساب شركة الطيران..فقررنا الدخول الى المدينة و لكن أصرت سلطات الجوازات بالمطار أن ندخل بالتأشيرة طالما أننا بحوزتنا تاشيرة دخول...حاولنا أن نشرح لهم أن برنامجنا أن نعود الى ايطاليا مرة أخرى و تأشيرنا تسمح لنا بالدخول لمرة واحدة الا أنهم أصروا على وضع ختم الدخول بصفحة التأشيرة...و كان ذلك و دخلنا الى روما و نزلنا بفندق سبعة نجوم على حساب شركة أليتاليا اسمه ميداس بلاس هوتيل...حدثت لي مواقف طريفة كثيرة بروما كان سببها عدم معرفتي باللغة الايطالية و عدم معرفة الايطالين بالغة الانجليزية..
روما مدينة جميلة تحيطها سلسلة من الجبال تعرف بجبال روما السبعة و ي بالايطالية (ستي كولين دي روما)..الا أنها لم تكن كالصورة التي رسمتها في خيالي لأوروبا...كانت أقل بكثير من صورتي...الا أن الايطاليين كانوا شعبا جميلا و مضيافا و مرحبا بنا في أي مكان ذهبت اليه....
هذه بعض الأشياء التي حدثت لي لأول مرة في حياتي و لا شك أن هنالك الكثير غيرها و سوف أتحدث عنه لاحقا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سعيد جدا بمرور مائة من القراء على هذا البوست أمس و اليوم...و عدد قليل من المتداخلين لا يتناسبون و عدد القراء...و أنا أود أن أشكر المتابعين و المتداخلين على مرورهم من هناو أقول لهم أن مروركم و متابعتكم لنا تحفذنا على الاتيان بالمزيد من الهضربة...
شكرا لكم..
| |
|
|
|
|
|
|
|
|
|
Re: مربع كاي (Re: ياسر نجيلة)
|
نجيلة الحبيب ...
ياخوى مربع كاى ده ليس للتحية والسلام فقط
هو متكأ لحلو الحديث والكلام الطاعم على قول الكوتش ...
والونسة اللذيذه ...
تعال يا حبيب سواء بالليل او بالنهار .. ما مشكلة
دايما بتلقى باب الحوش مفتوح والعناقريب مفروشة والبنابر موزعة
بس انت جــر عليك بنبر ولا برش واقعد دوبــى ســـاى ..
| |
|
|
|
|
|
|
|
|
|
Re: مربع كاي (Re: محمد عيد)
|
أجمل خمسين بيت (( رومانسي )) قيل في الحب و الغزل
رشـــيد .. كوتش ... بكرى .. زهير .. نجيلة .. ميسرة .. الشادى .. منصور ...
والكانو برايات ... دون فرز
وكل زوار وأحباب مربع كاى ... وكل من ينتمى الى فصيــلة ( o + اجدع ناس )
تعالوا نتحاور فى هذه الابيات الجميلة ونتسابق فى اختيار اجملها ...
وللتاريخ هى مقدمة من اخونا المبدع / محمد حسان سعد الدين
&&&&&&&&&&&&&&
1) وما كنت ممن يدخل العشق قلبه........... و لكن من يبصر جفونك يعشق .
2) أغرك مني أن حبك قاتلي........... و أنك مهما تأمري القلب يفعل .
3) يهواك ما عشت القلب فإن أمت ........... يتبع صداي صداك في الأقبر .
4) أنت النعيم لقلبي و العذاب له ........... فما أمرّك في قلبي و أحلاك .
5) و ما عجبي موت المحبين في الهوى ........... و لكن بقاء العاشقين عجيب .
6) لقد دب الهوى لك في فؤادي........... دبيب دم الحياة إلى عروقي .
7) خَليلَيَ فيما عشتما هل رأيتما ........... قتيلا بكى من حب قاتله قبلي .
8) لو كان قلبي معي ما اخترت غيركم ......... و لا رضيت سواكم في الهوى بدلا ً .
9) فياليت هذا الحب يعشق مرة........... فيعلم ما يلقى المحب من الهجر .
10) عيناكِ نازلتا القلوب فكلهـــــا........... إمـا جـريـح أو مـصـاب الـمـقـتــــلِ.
11)و إني لأهوى النوم في غير حينـه........... لـــعـل لـقـاء فـي الـمـنـام يـكون.
12) و لولا الهوى ما ذلّ في الأرض عاشـق......... ولـكن عـزيـز الـعاشـقـيـن ذلـيل.
13) نقل فؤادك حيث شئت من الهــــوى........... ما الــحـب إلا لـلـحـبـيــــب الأول.
14) إذا شئت أن تلقى المحاسن كلها ففـي.......وجـه مـن تـهوى جـمـيع المحاسن.
15) لا تحـارب بنـاظريك فــــؤادي........... فــضــعـيــفــان يــغـلــبــان قـويــــا.
16) إذا مـارأت عـيـني جـمالـك مـقـبلاً......... وحـقـك يـا روحي سـكرت بـلا شرب.
17) كـتـب الـدمع بخـدي عـهــــــده........... لـلــهــوى و الـشـوق يمـلي ماكـتـب.
18) أحـبك حُـبـين حـب الـهـــــــــــوى........... وحــبــاً لأنــك أهـل لـذاكـــــا
19) رأيـت بهـا بدراً على الأرض ماشـياً.......ولـم أر بـدراً قـط يـمشي عـلى الأرض.
20) قـالوا الفراق غـداً لا شك قـلت لهـم.....بـل مـوت نـفـسي مـن قبل الفراق غـداً.
21) قفي و دعيـنا قبل وشك التفـرق ........فمـا أنا مـن يـحـيا إلى حـيـن نـلـتقي.
22) قبلتها و رشـفـت خمرة ريـقـهــا........... فـوجـدت نــارَ صــبـابةٍ فـي كـوثــر.
23) ضممـتـك حتى قلت نـاري قد انطفت.........فلـم تـطـفَ نـيـراني وزيـد وقودها.
24) لأخرجن من الدنيا وحبكــــم........... بـيـن الـجـوانـح لـم يـشـعر بـه أحـــــد.
25) تتبع الهوى روحي في مسالكه حـتى......جـرى الحب مجرى الروح في الجسد.
26) أحبك حباً لو يفض يسيره علـى........... الـخـلق مـات الـخـلـق من شـدة الـحب.
27) فقلت :كما شاءت و شاء لها الهوى.........قـتـيلـك قـالـت : أيــهـم فـهم كـثر.
28) أنـت مـاض و في يديك فــؤادي...........ردقـلـبـي و حـيـث مـا شـئــت فامـضِ.
29) ولي فؤاد إذا طال العذاب بــه........... هـام اشــتـيـاقـاً إلـى لـقـيا مـعـذبــه.
30) ما عالج الناس مثل الحب من سقم ........... و لا بـرى مـثـلـه عـظـما ًو لا جسـداً.
31) قامت تـظـلـلـنـي و من عجــــــب........... شـمـس تــظــلـلـنـي متن الـشـمـــس.
32) هجرتك حتى قيل لا يعرف الهــوى........و زرتـك حـتى قـيـل لـيـس لـه صـبـرا.
33) قـالت جنـنت بمن تهوى فقلت لهـا ........الـعـشـق أعـظــم مـمـا بالـمـجـانـين.
34) ولو خلط الـسـم المذاب بريقهـــا ........... وأسـقـيـت مـنـه نـهـلـة لـبـريــــت.
35) و قلت شهودي في هواك كـثيــرة .....وأَصـدَقـهَـا قـلـبي و دمـعي مـسـفـوح.
36) أرد إليه نظرتي و هو غافــــل ..........لـتسرق مـنـه عـيـنـي مـالـيـس داريــا.
37) لها القمر الساري شـقيـق و إنهــا........... لـتـطـلـع أحـيـانـاً لـه فـيـغــيـــب.
38) و إن حكمت جـارت علي بحكمهــا ......و لـكـن ذلـك الـجور أشـهى من العـدل.
39) ملكت قـلبي و أنـت فـيــــــه........... كـيـف حـويـت الـذي حـواكــــــــا.
40) قـل لـلأحبة كيف أنـعم بعدكـــم ........... و أنـا الـمـســافر و الـقـلـب مــقـيم.
41) عـذبـيـنـي بـكـل شـيء ســوى........... الـصـدّ فمـا ذقـت كالـصـدود عـذابــا.
42) و قد قـادت فؤادي في هـواهــا ........... و طـاع لـهـا الفؤاد و مـاعـصـاهــا.
43) خـضـعت لـهـا في الحب من بعد عزتي ........... و كـل محب لـلأحـبـة خـاضـــع.
44) ولقد عـهدت الـنار شـيـمـتها الـهــدى ........و بـنار خـديـك كـل قـلـب حائـــر.
45) عـذبـي ما شئـت قـلـبـي عـذبـــي ........... فـعـذاب الحب أسـمـى مـطـلـبــي.
46) بعضي بـنار الـهـجر مـات حـريـقـا ......... و الـبعض أضـحى بالـدموع غـريقـا.
47) قـتل الـورد نـفسه حـسداً مـنــــــك ........... و ألـقى دمـاه في وجـنــتــيــك.
48) اعـتـيادي على غـيـابـك صـعــب ........... و اعـتـيـادي على حـضورك أصعـب.
49) قد تـسربـت في مـسامـات جـلــدي ........... مـثـلـمـا قـطرة الـنـدى تـتـسـرب.
50) لـك عندي و إن تـنـاسـيـت عـهـد ........... في صمـيـم القـلـب غـيـر نـكـيـــث.
| |
|
|
|
|
|
|
|
|
|
Re: مربع كاي (Re: محمد عيد)
|
محمد عيد , هذه مداخلة فتاكة فى هذا الخميس الأول من هذا الشهر الناقص
وهذا الشهر ناقص ليس لأن ايامه ثمان وعشرون فقط
هو عندى ناقص نقصا فاضحا حتى لو بلغت ايامة احدى وثلاثون يوما
فكمال الشهر من نقصه , عندى بعدد خمائسه , اربع خمائس فقط فى هذا الشهر تجعل منه ناقصا وان تم
محمد حسان سعد الدين ده من زمان زول محن
عشان كده قاصد يبهدلنا فى الشهر الخلاقة ده
من اجمل كتب الشعر التى قرأتها , بتاع فاروق جويدة داك الذى يحوى بين دفتيه احلى مائة قصيدة غزلية عربية
ولكن اختيار خمسين بيت جمالية حلوة , قد يخضع لمعايير نفسية كبيرة وكثيرة
ولكنى اشاركك مع محمد حسان سعد الدين احساس الجمال المنثور هنا
لن ازيد على بيوت (محد سعد الدين ) الأنيقة هذه (مدماقا) واحدا
ولكنى احتفظ لنفسى بان (اضع ) فيما بين مداميقها خلطة تزيدها تمماسكا
ومكونات خلطتى المضافة ليست من فصيلة الرمل والأسمنت , هذا بالضرورة وبطبيعة الحال
ان (ملطمى ) مكون وممزوج من (اكاسير السعادة والبهجة والحياة )
و(كوريكى ) الذى اقلب به ليس من فصيلة (الكواريك والملاعق الأكس لارج كما قالت حنكوشة من حناكيش اب صلعة حاتم جبارة الشهير ببورتو سابقا)
انى اقلبها بسيد الأسم نفسه الذى ما سمى (قلبا ) الا لأنه يقلب الأحاسيس والمشاعر كيف يشاء
ساختار منها خمس لامست شغافى وتمنيت لو انى (القائل )
الرشيد يوم الخميس ده زول سواقة ساكت
لكن لمن يصل البيت , انا متأكد ان الأمر سيروقه ونجده اول (المقلبين)
نقلب ؟؟؟؟؟؟
شد اللام واكسرها لو سمحت , ثم جاوب
ولا اقول ليك , جاوب وكت ما عايز
انا شخصيا حا اقلب
تانى شد اللام واسكرها لو سمحت
| |
|
|
|
|
|
|
|
|
|
Re: مربع كاي (Re: جلال عثمان)
|
| Quote: المهم نزل الاغنية تاني خلينا نسمع الزول الغناي ده وان كان رأينا زي محمد صديق "بعد نسمع" فلذلك لن ينقص من قدر حمزة شيئاً |
يا اخوانا .. انتو شنو الايام دى بررررررررريش الحايم مع الصـــفراب
قبل يومين زهير وهســه جلال ... شششششنو يا سسسسادومبا ..؟
الاغنية ما ياها الشغالة ذاتها دى ...
الرشيد حذف بس قصيدة بت هندسة ...
كدى يا جلال اسمع وادينا رأيك ...
واعود الى الموضوع نفسه
واقول اننى الاسبوع الماضى كنت اول من وجه نقدا لحمزة فى هذا المربع
وذلك على ضوء لقاء تلفزيونى معه ...
وحقا انا لم اتناول اداءه الغنائى او امكاناته اللحنية ..
ولكنى تطرقت لشكل واسلوب تناوله للمواضيع فى جهاز اعلامى ..
وافتراضى انه كشخصية عامة يجب ان يكون ظهوره الاعلامى بصورة طيبة
حتى لا ينسحب ذلك على تقييم ابداعاته ...
اما بخصوص امكاناته الفنية .. فانا أتفق مع الكوتش على تميز الاستاذ حمزة فى وضع الالحان
المميزة وحتى الأداء الجميل من خلال بداياته مع فرقة عقد الجلاد ..
واتفق مع رشيد والكوتش ايضا فى ان اغنية ليل الشجن رسخت فى الاذهان بصوت البلابل الجميل
وبالتالى أداءه لها أدخل الناس فى حتة مقارنة ظالمة له وللاغنية ...
ارجو من الحبيب رشيد ان يتحفنا ببعض من اغنيات حمزة الخاصة .. وهنا ستظهر للعيان
الامكانات الفنية الحقيقية له ...
| |
|
|
|
|
|
|
|
|
|
Re: مربع كاي (Re: محمد عيد)
|
Quote: يا اخوانا .. انتو شنو الايام دى بررررررررريش الحايم مع الصـــفراب
قبل يومين زهير وهســه جلال ... شششششنو يا سسسسادومبا ..؟
الاغنية ما ياها الشغالة ذاتها دى ...
|
محمد عيد ...
ان شاء الله الحس المكوة حاااااارة كان سامع ولا شايف لي غنية
يازول تكون باللحن السري ولا شنو ...
انعل ابو التكنولجيا ذاتو ... عارف قاعد اتصفح عبر المتصفح "سفاري"
ودا طبعاً بعد النوت بك الجديد "ماك" ....
ما بنرجع اهلنا تاني 
| |
|
|
|
|
|
|
|
|
|
Re: مربع كاي (Re: محمد عيد)
|
سابدا (تقليبى )دون ان انسى وانا (اقلب )
ان احتفى بمداخلة تزامنت مع مداخلتى من الجميل المتعزز علينا جلال
عجبتنى والله جدا مداخلتك الفوق يا ابو الجل , لأن فيها تقليبا ايضا ونحن شعارنا الليلة
كنت عايز اكتبو هنا والله (اللى هو شعارنا )
لكن بصراحة خفت من الرقابة
افهموه براكم , تانى بقصد شعارنا الخاص بالتقليب
يا جلال عايزين لمة زقازيقية رياضية موعدها المناسب الخميس دور الليلة
استراحة , وكمال الشادى , وعشاء خفيف , وعود تقيل , وشوية رسائل للأحباب وانتهى الموضوع
ساوند زاتو ما دايرين , غناء بالعود فى جلسة اسرية مختصرة من (الشكليات ) ومليانة بالتفاصيل الحلوة والمبهجة
اها , انت عليك شنو يا جلال
كمال عليهو العود
عيسى موسى العشاء
انت طبعا خبير استراحات
وانا على الرسائل للزقازيقاب المسجلين
قلبنا
قصدى اتفقنا ؟؟؟!!
| |
|
|
|
|
|
|
|
|
|
Re: مربع كاي (Re: جلال عثمان)
|
الحبييب محمد عيد
هو الايام دي عيد الحب
شايف الحب مقطع بعضة
) أحبك حباً لو يفض يسيره علـى........... الـخـلق مـات الـخـلـق من شـدة الـحب
ارشح هذا البيت لانة فية حياة
وفيه خيال مرئي
دمت جالبا للحبوالمودة
| |
|
|
|
|
|
|
|
|
|
Re: مربع كاي (Re: عمر المهدى)
|
Quote: اها , انت عليك شنو يا جلال
كمال عليهو العود
عيسى موسى العشاء
انت طبعا خبير استراحات
وانا على الرسائل للزقازيقاب المسجلين
قلبنا
قصدى اتفقنا ؟؟؟!! |
ياخ والله توارد خواطر غريب جدا يامنصور
عليك الله امشي الحوش بي غادي شوف انا كتبتا شنو عن كاروشتك الطلقتها فينا
المهم ياحبيب زي ما قلت الخميس الجاي ان شاء الله
وانا علي القلب (اقروها صاح) عشان منصور ما يقوم يقلبكم
| |
|
|
|
|
|
|
|
|
|
Re: مربع كاي (Re: عمر المهدى)
|
يا تقليب جاك بلا
اول ملاحظة لى وانا (اقلب )
(الرشيد يا بايخ بطل ضحك )
انو التقليب هنا , قصدى فى بيوت محمد حسان سعد الدين الفارهات
نتيجتو فتاكة اذا كان تقليبا بقصد (الترتيب )
دى بيوت لا بتترتب ولا شى
كل بيت تلقاهو عافص اخوهو عفصة حبيبك
ولكنى زى ما قلت ليكم , نقيت لى خمسة بيوت , تتناسب مع حالتى النفسية الليلة
نقيت بس دون ان ارتب , الكلام ده واضح ولا اعيده يا محمد (عيد)
انا من ابلد الحفاظ , وحتى لو لقيت نفسى حافظ , فانى لا احتفى او اهتم كثيرا بسيد الشى والقائل
واكيد كلكم طبعا بتقولوا الحمد لله منصور ده ما عنده علاقة بمنظمة حقوق الملكية الفردية بتاعت ناس كامل ادريس المرشح نفسه لرئاسة الجمهورية ده
ولكنى رغم ذلك , اعرف ان رائعة (معللتى بالوصل والموت دونه اذا مت ظمآنا فلا نزل القطر ) هى لأبو فراس الحمدانى
هسى عليك الله ابو فراس الحمدانى الجنو حرب وقاضى حياتو كلها فى شكل مع ناس من شاكلة (كافور الأخشيدى )
يقول كلام سره باتع زى الختاهو لينا ود سعد الدين فى (تفضيلاته الخمسينية ) الفوق دى
مبالغة عدييييييا
فقلت كما شاءت وشاء لها الهوى
قتيلك قالت ايهم فهم كثر
يقطع حريشكم انتو التلاتة
كان ابو فراس كان ود سعد الدين كان محمد عيد زاتوووووووو
قال شاعر (لا اعرفه ) وان كنت اظنه المغنى نفسه (الطيب عبد الله )
احساسى بيك لو عارفه يا ست العيون ما بتسرحى
ما تزيدى نيرانى العلى قلبى الرهيف ما بتجرجى
اذن العيون السارحة بتجرح وبتعوق واحتمال تفلق كمان
القصة جابت ليها كتل عن ناس ابو فراس الحمدانى
ومش كتل ساكت , كتل مقنن , وكتييييير , لدرجة تقول (مكتول هواك )
يقولوا ليك , مكتول هواك ياتو فيهم
هم عاد ما كتااااااااااااااار
ده ياهو مدماقى الأول فى بيوتكم القاعدين تبنوا فيها , قولوا واحد
| |
|
|
|
|
|
|
|
|
|
Re: مربع كاي (Re: منصور عبد الرازق)
|
Quote: وهذا الشهر ناقص ليس لأن ايامه ثمان وعشرون فقط
|
يا منصور هذا الشهر ناقص عشان كملوه بيوم للحب والمحبين!!!!!
الله على الابيات الحلوة دي يا عيد0000
قيل لاحدهم ان ابنك عشق000
اجاب :اي باس به؟؟؟
انه اذا عشق 00 نظف وظرف ولطف 00
ولي وقفة000
ويكفي انه لو احب الشيطان لتلاشى الشر نفسه
| |
|
|
|
|
|
|
|
|
|
Re: مربع كاي (Re: منصور عبد الرازق)
|
اما المدماق التانى الأنا حالف اختو وامسحوا بى (ملطم السعادة ) اللاخيهو قدامى ده
(ملطم دى احسن زول يوريها ويفصفصها ليكم هو سيد (البت الحبت ليها طلبة اوصبى بناى)
ده طبعا قبل ما امشى (للبوش التقيل الفى دكان خليل )
وهو فطور كل الطلب (الطاء مضمومة واللام مفتوحة والباء ساكنة )
على ان يبقى لكم فى ذمتى (تلاث مداميق كاملات غير منقوصات )
اتعهد ان اجعل ملطمها هنا فى ركن المربع القريب لى قسم علوم الأغذية (لشىء فى نفس يعقوب)
البيت الذى يقول
ملكت قلبى وانت فيه كيف حويت الذى حواكا ؟؟!!
شفتوا الكلام البيجيب الهوا ده ؟؟
دى بقى صورة دايرة ليها استشارى قلب واخصائى شرايين وجهاز دورى عشان يفصفصها لينا
دى شنو الصورة المتشابكة تشابك السنين دى
ماهو اصلوا انا عندى قلب انت سيده بموجب شهادة بحث صادرة من منو ما عارف
وعشان انت سيده , طبيعى انت تكون ساكن (جواهو ومتحكر )
وكما قالو انت بتحبنى وميت فينى
يعنى انا كمان قاعد جوة قلبك ساكن فيهو ومتحكر
اذن فانا مالك لقلبك , الذى احتويته ويحتوينى
اقول ليكم حاجة باختصار شديد بعيدا عن وجع القلب
الله يعين شرايينكم واوردتكم عليكم
وعلى خريطتو العاملها زى (الكنتورى دى )
على باليمين , لخبطة زى دى , يطرشنا وكمان يعمينا
مدماقنا التانى معاكم كيف ؟؟!!
| |
|
|
|
|
|
|
| |
الرشيد بابكر
محمد عيد
عبد القادر بابكر
محمد صديق
أبوبكر حامد الأمين
منصور عبد الرازق
عفاف علي ميرغني
زهير الزناتي
عبد الدائم سيد أحمد
ياسر نجيلة
جلال عثمان
عمر المهدى
فيس بوك
تويتر
انستقرام
يوتيوب
بنتيريست