|
|
 Re: مربع كاي (Re: الرشيد بابكر)
|
Quote: التعرق و التوتر نتيجة للحاجة اللابسها دي
لون القميص شنو؟؟ بس ما تمشي تقول لي لونوهناي داك!!!!!
و الزولة الكندية الماشة معاكم
ما إتسجلمت مع بت الشيخ؟؟؟ |
جلا يا صديقي الصدوق...
في هذه المناطق تتمنى لو تتعرق فتعرف أن غددك العرقية تعمل...
و اذا تعرق أحدهم لا بد و أن يكون بسبب داخلي...
كأن يكون متوترا مثلما كنت أو شارب شاي بلبن و أنا بعيد عن ذلك....
فالحرارة في أعلى مستوياتها تبلغ حد درجة الحرارة في منتصف يناير عندنا...
هذا عن الحرارة...
أما و انك قد سألتني عن لون القميص...
و أنا أعرف ماذا بهناي داك..
فأنا أطمئنك بأن اللون ليس بهناي داك...
فلقد تعلمت من دروس السابقة كيف أكسب أناس ألتقيهم لأول مرة...
كان لي صديق ياباني يدعي أنه من الأسرة الحاكمة في اليابان..
كنت قد تعرفت عليه في الامارات...فهو يملك شركة تعمل على تسويق الشركات اليابانية غير المعروفة...
كنا قد تعرفنا على بعضنا البعض عن طريق التلفون أثناء عملي في الشركة السابقة...
و أراد مرة زيارتي بمكاتبنا في أبوظبي...
أتي الى أبو ظبي بصحبة عائلته الملكية و التى صادف زيارتهم له في ذلك الوقت...
كنت أريد أن اجهز له مفاجأة حين ألتقيه...
فأخذت أبحث في النت عن بعض الكلمات اليابانية...
فوجدت كلمة كونيتشوا بمعنى أهلا و سهلا و كلمة سايونارا بمعنى مع السلامة...
حفظتهما جيدا و بنطق صحيح و ما أن رأيته حتى حييته بكونيتشوا...
لم يصدق الرجل نفسه و فرح فرحا شديدا و لكنني أخبرته بأنني تعلمتهم من النت....
عندما أنتهي عملنا أصر الرجل أن يصطحبني لتناول الغداء مع أٍسرته بفندق قصر الامارات حيث تركهم...
و لكنني أعتذرت و ودعته بسايونارا....
أخلص الى انني قلت الكنديين ديل اذا تحدثت اليهم بالانجليزية فهو ليس بشيء مبهر...أليس كذلك؟
فلا بد من أن أبهرهم بشيء آخر...
فقررت أن يكون لون القميص أحمرا و به لون أبيض بالوسط و تزينه أوراق القيقب Maple leaf كما العلم الكندي...
و لكنه لم يفلح معهم..
الخواجات ديل أبعد ما يكونون عن الرومانسية...
أما صديقتي الكندية فمن يومها لم تعرف السجملة أو الكرعلة...
فما بالك و قد تكندكت (بقت كندية يعني)...
فمنذ أن عرفتها بالزقازيق و هي تقرض الشعرو حلقات البقسماط...
شكرا على المرور يا صديق...
و ان عدتم........عدنا...
| |
 
|
|
|
|
|
|
|
|
Re: مربع كاي (Re: الرشيد بابكر)
|
| Quote: سلام وتحية للاخباب بعد غيبة طويلة ... نعود ونتمني ان تدوم الاقامة في هذه الحدائق الجميلة |
أبو الزوز الحبيب...
أنا في غاية السعادة لمرورك علينا اليوم...
الليلة الظاهر عليهو يوم الرجال...
يوم الرجال ليس كتلك..بتاعت الدفاع الشعبي..
و أنا أعلم انك تتقاطع معها من زوايا مختلفة....
فكيف لي أن أجرؤ على وصفك بها..
رغم أنك حييتنا بالأخباب (بالخاء)...
و لمحبتنا لك عللنا ذلك بأنه خطأ مطبعي...
نتمنى كما تتمنى أن تدوم الاقامة أو تتكرر كثيرا...
فان كنت تعلم أو لا تعلم فانك حيث تذهب تجذب اليك عدد كبير من الناس...
و ذلك ليس بتبعية منهم بل لجاذبيتك و لالتفاف كثير من الناس حولك...
و أنا أعلم انك تعلم و لكنك كثيرا ما تنفي ذلك أما تواضعا منك...
او حركات (جيش) كما يقولون...
و صديقي الكوتش أيضا يعلم انك تعلم...
فيا صديقي دع عنك تواضعك أو حركات جيشك و روج لما تعتقد أنه يستحق...
مستقلا نجوميتك الكبيرة...
قبل ما تفك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
كلما تضجرت أختي غادة عن الأحوال و الظروف أورمها بالموعظة...
فأقول لها ألا تقرأي القرآن..أولم تقرأي عن نبي الله يونس...
و كيف أن الله سبحانه و تعالى ابتلاه بأن ابتلعه الحوت...
و بقي في بطنه أربعون سنة أو يزيد...
و ظل يسبح الله كل هذه الفترة دون كلل أو ملل حتى لفظه الحوت...
و لولا أنه كان من المسبحين للبس في بطنه الى يوم يبعثون...
كذلك هي الحياة فهي مثل بطن الحوت...
فلن تتغير ظروفك الا اذا أكثرت من التسبيح و الاستغفار...
تصورت نفسي جالسا بالكورنيش مستمتعا بالبحر وبالجو الجميل...
فاذا بالماء ينشق و يخرج منه حوت ضخم و في لحظة يبتلعني...
لم أستطع الهرب فوجدت نفسي داخل بطن الحوت المظلم...
تحسست جيبي فوجدت ولاعة تركتها في جيبي بعد أن أعددت قهوتي الصباحية...
تجولت داخل بطن الحوت بواسطة ضوء الولاعة الضعيف فوجدت العجب...
وجدت مجموعة من سيارات الهمر جديدة على الزيرو...
يبدو أن الحوت قد مر بالميناء المجاور و ابتلع هذا العدد من سيارات الهمر...
و لكنها لم تشبعه فمر بالكورنيش حيث كنت أستمتع بالجو و التقفني...
ثم اكتفي بي كتحلية دسمة بعد هذا العدد من سيارات الهمر...
ركبت احدى السيارات و لحسن حظي كانت مليئة بالوقود...
شغلتها و تجولت بها في بطن الحوت...
وجدت العجب العجاب داخل بطن الحوت...
وجدت شاليها كاملا مجهز بكامل التجهيزات...
و سوبر ماركت به كمية من المواد الغذائية...
أخذت من السوبر ماركت ما أحتاج اليه دون المرور على الكاشير...
و كان من ضمن ما وجدت أنوار من النوع الذي يعاد شحنه...
كنت كل يوم أستغل سيارة همر جديدة على الزيرو و أتجول داخل بطن الحوت...
آملا في أن يكون الحوت قد ابتلع محطة وقود و محطة كهرباء...
و ظللت هكذا أتجول من امعاء الى امعاء...
زنقة زنقة بنكرياس بنكرياس طحال طحال...
استمر الحال أياما و شهورا و ربما سنينا و لا أحسب الأيام...
و أنا أتجول ذات يوم وجدتني قريبا من فم الحوت...
فاذا به يتثائب و لدهشتي وجدتني وجها لوجه في مقابل اليابسة...
ظهر لي تمثال الحرية في جزيرة منهاتن بأمريكا...
دست على دواسة الوقود و أقتربت كثيرا من حافة فمه...
كانت تفصل بيني و بين اليابسة ضغطة واحدة على دواسة الوقود...
رأيت الأمريكان يهرولون هربا من الحوت الذي ظهر فجأة في شواطئهم...
رآني بعضهم فأخذوا يطلبون مني النزول من فم الحوت...
تجمع رجال الشرطة وبعض أفراد الجيش و جماعات حماية الحيتان...
الكل يطالبني بالضغط على دواسة الوقود للنزول....
نظرت اليهم مليا و أعملت تفكيري و لكني عدت أدباري الى داخل بطن الحوت...
خشيت أن أتهم بالارهاب و يتم اعتقالي و أرسل الى جوانتنامو...
ففضلت البقاء في بطن الحوت...
فأنا لم أنعم بقيادة سيارة همر جديدة الا عندما ابتلعني هذا الحوت...
و لم يكن لي سوبر ماركت خاص بي الا هنا...
فقط ينقصني محطة وقود و محطة كهرباء...
و بضع روايات...
| |
|
|
|
|
|
|
|
|
|
Re: مربع كاي (Re: الرشيد بابكر)
|
انت يا رشا تقعد تفتش للوترى ولما تجيك منهاتن لحدى عندك
ترجع تخليها ....
السوبر ماركت ومحطة الكهرباء و البنزين لو قعدت ليك كم سنة هناك
كنت امتلكتهم .. ده طبعا" بعد السنين الاولى حتكون شغال فيهم ..
الايام دى شايف احلامك كترت ..
ما تتعشى سمك وما تشرب حليب بارد فى الليل ....
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
Quote: الايام دى شايف احلامك كترت ..
ما تتعشى سمك وما تشرب حليب بارد فى الليل .... |
يا ديدو الواحد لما يكبر أحلامه بتكتر...
لكن وحاتك أنا ما بحب السمك...
و لا بشرب اللبن البارد...
تاني توصيني أخلي شنو...
أوع بس يكون الفول و البيض....
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا رشدي ياخي حكاية الحوت دي رهيبة ... بس دائماً عيب كتابات بتحس انه في حاجات لسه ما اتقالت ... بقول ليك دائماً ياخي نحن ما مستعجلين .... اها تم لينا الباقي ...
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: يا رشدي ياخي حكاية الحوت دي رهيبة ... بس دائماً عيب كتابات بتحس انه في حاجات لسه ما اتقالت ... بقول ليك دائماً ياخي نحن ما مستعجلين .... اها تم لينا الباقي ... |
يا أبو الزوز انت ما مستعجل...
و أنا كمان ما مستعجل زي ما انت عارف....
لكن قلق ناس أبو شيبة ده أعمل فيهو شنو...
و آل أبو شيبة ديل أهل أمي...
و هم مشهورين بالقلق الشديد...
أي واحد مقلق في الأسرة عندنا يقولو ليهو ده قلق ناس أبو شيبة...
الواحد فيهم ما بيصبر على حال أو حاجة كتير...
الصبر ده أصلو ما وزعوهو ليهم...
و أنا وزعو لي شوية من القلق بتاعهم..
أنا أحسن نموذج من آل أبو شيبة...
يعني أنا في العائلة أيوب عديل كده...
و مع قصة الحوت بقيت يونس...
حسه أمشي أشتري لي ناقة أبقى صالح...
مع قلق ناس أبو شيبة ده أقصى ما يمكن عمله في قصة الحوت...
و كان راجيني أكمل حاجه...
أرجى الري...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
وصلني هذا الايميل من الأخ و الصديق الدكتور معاوية يحي...
طلباتك أوامر يا دكتور...
سعدت كثيرا بتواصلك الجميل...
و لك مني خالص الحب و الاحترام...
Quote: اين انت يا راشا
عادة ما اطل عاجلا بنافذة داركم وملتقي احبة الزمن الذي لا تقارن روعته باي ازمان خلت وآتيات..وقفت علي كلمات تجذبك بحلاوتها عنوة فاعرفك راشابجمال الذوق شعرا وكتابة منذ ان كنا علي مربع كاي القديم ما دفعني للكتابة تلك الكلمات التي كتبتها قراتها لك قبل ايام قلائل ....انا من تراب وماء فحقا انت رائع فهلا لا تبخل بكتابتها ثانية كاملة وورينا اخبارك بس ما من ود المرتضي بس تقبل تحياتي و الي الاسرة و الاولاد
اخوك معاوية يحي بابكر |
| |
|
|
|
|
|
|
|
|
|
Re: مربع كاي (Re: الرشيد بابكر)
|
هذه القصيدة مهداة للصديق معاوية يحي
أنا مِنْ تُرابٍ وَمَاءْ
خُذوا حِذْرَكُمْ أيُّها السَّابِلَةْ
خُطاكُمْ عَلى جُثَّتي نازِلَةْ
وَصَمْتي سَخاءْ
لأنَّ التُّرابَ صَميمُ البَقَاءْ
وأنَّ الخُطى زائِلَةْ
ولَكنْ إذا ما حَبَسْتُمْ بِصَدْري الهَواءْ
سَلوا الأَرْضَ عَنْ مَبْدَأِ الزَّلْزَلَةْ !
* * *
سَلوا عَنْ جُنوني ضَميرَ الشِّتاءْ
أنَا الغَيْمَةُ المُثْقَلةْ
إذا أجْهَشَتْ بِالبُكاءْ
فإنَّ الصَّواعِقَ في دَمِعِها مُرْسَلَةْ
* * *
أَجَلْ إنَّني أَنْحَني
فاشْهَدُوا ذُلَّتي الباسِلَةْ
فلا تَنْحَني الشَّمْسُ
إلاّ لتبلُغَ قَلْبَ السَّماءْ
ولا تَنْحَني السُّنْبلَةْ
إذا لمْ تَكُن مُثْقَلَةْ
ولكنَّها سَاعَةَ الانْحِنَاءْ
تُواري بُذورَ البَقاءْ
فَتُخْفي بِرَحْمِ الثَّرى
ثَوْرَةً .. مُقْبِلَةْ !
* * *
أجَلْ.. إنَّني أنْحَني
تَحْتَ سَيفِ العَناءْ
ولكِنَّ صَمْتي هوَ الجَلْجَلَةْ
وَذُلُّ انْحِنائي هُوَ الكِبْرياءْ
لأني أُبالِغُ في الانْحِناءْ
لِكَي أزرَعَ القُنبُلَـةْ !
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
دخلت لأقرأ ما كتبت هذا الصباح ..
فلما قرأت ما كتبته خيل الي أنه ربما يعتقد البعض بأنني شاعر قصيدة انحناء السنبلة...
اذ لم أكتب اسم الشاعر و أنا أهديها لأخي و صديقي معاوية..
لذا وجب علي أن أوضح بأن شاعر القصيدة هو الشاعر العراقي أحمد مطر...
..
.
.
.
.
.
.
كما و أرجو أن تفيدوني ان كان باستطاعتكم الاستماع الى الأغنية...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
Quote: قد يختلف معي الكثيرون منكم و ربما يستغربون ربطي بين الاثنين...
أي بين البوست و الشركة...
هذا الأمر يشمل كذلك الجمعية و غيرها من الأمور...
|
يا حبيب ...الوجع بقى كتير...
احياناً تحس بأنك بتنفخ فى قربة مقدودة...ومعاك قليلين.
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
أنا مثلي مثل الكثير من السودانيين ميال للنكد...
و نسمية تأدبا الحزن...
و الحزن يسيطر على جزء كبيرا من أدبياتنا...
من غنانا و قصصنا و مقالاتنا...
صفحات الفيس بوك و التويتر و غيرها...
مليانه حزن لمن مدفق...
قليلون هم الذين يصنعون الفرح و يشيعونه بين الناس....
أنا أصنف نفسي نكدي أيضا...
فكثيرا ما أستدعي الماضي و أغلفه بالحسرة و الحزن...
و الغريب أنه يلاقي قبولا كبيرا بين السودانيين..
ما بالنا نحن السودانيون لماذا نحن نكديون هكذا...
عن نفسي قلت لا بد أن أوقف هذا النكد...
و أن أصبح شخصا آخر محبا للفرح و للحياة...
مهما كانت السيطرة النكدية علي...
حتى ان كانت غالب الجينات جينات نكد...
لا بد و أن أسيطر عليها و أروضها و أنحيها...
و أن أترك المجال لجينات الفرح لتعبر عن نفسها...
و تنطلق بي الى عالم من الفرح و الجمال...
في باديء الأمر كان ذلك صعبا جدا...
فجينات النكد كانت سائدة أكثر مما أعتقدت....
حاولت بكل ما أوتيت من قوة...
حاربتها زنقة زنقة...دمعة دمعة...حزن حزن...
أتغلب عليها أحيانا و تغلبني كثيرا...
أضحك و أفرفش فاذا بها تداهمني و تخرب علي يومي...
استعنت عليها بالصبر و الصلاة فساهمت كثيرا في دحرها...
و لم أترك لنفسي مجالا للفرح الا و فرحت و للضحك الا و ضحكت...
أتجنب الحزن و أتعامل مع محاولات الآخرين برباطة جأش...
لا أستطيع أن أقول اني انتصرت فالمعركة لم تحسم بعد...
و لا أعتقد انها ستحسم الآن أو بعد حين...
فالمعركة ما زالت تحتاج الى المزيد من الصبر و رباطة الجأش...
و كثير من الفرح....
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
في الكوة أطلقت صرختي الأولى...
و دفنت صرتي بين نيمتان و جميزة ثم غسلوني بماء النهر...
ربما أكون قد خطوت خطوتي الأولى بالخرطوم...
و أتقنت المشي بأمهاني بالقرب من كوستي...
و ركلت الكرة للمرة الأولى ببابنوسة...
و تموثقت ايقاعاتي بالمردوم و رقصت النقارة...
و كانت أول أغنية رددتها...(اللوري حل بي دلاني في الودي)...
و كنت أقول (أنطيني ألمي بارد حار) عندما أكون في حاجة لماء شديد البرودة...
ثم شهدت افتتاح قاعة الصداقة بالخرطوم...و ركبت أبو رجيلة...
و صحبت عمي بدرالدين لأشاهد علي قاقرين و الدحيش...
ثم الى مدني حيث كل البيوت بيتكم...و كل البنات أخواتك...
و كل الجمال وهبوه ليها و كل السحر في وجنتيها...
أرادوني طبيبا فوجدت نفسي في كلية الزراعة بجامعة الزقازيق....
كانت المرة الأولى التي تدير لي الحياة ظهرها...
كنت أعتقد ذلك حتى اكتشفت مؤخرا انني كنت أنظر اليها من الزاوية المعاكسة...
صرت أستلقي و في حضني ديوان غزل...
ثم أصبحت أغترف القصائد في العلن...
أجمل قصيدة كتبتها كانت اليها و أخرى لأمي...
كتبت أخرى لأبي فلم تلقى استحسانه...
كان يريدني طبيبا ...و أضعف الايمان مهندسا زراعيا..لا شاعرا...
ثم تخرجت و جبت البلاد من تندلتي الى سنار...
و من المكاشفي حتى أبو قوته...
رغم اني لم أوغل لا في الغرب و لا في الشرق....
الا انني اكتشفت ان جلباب الدولة و هيبتها قصير جدا....
ثم ولدت مرة أخرى و لكن دون ان أطلق صرخة...
تزوجت ...خوفي من مقبل الأيام أفسد علي شهر العسل...
يتبع
| |
|
|
|
|
|
|
|
|
|
Re: مربع كاي (Re: الرشيد بابكر)
|
أعانتني على الحياة بكل قوة...
و عندما قدمت الى أبو ظبي أدهشتني المباني العالية و سرعة السيارات...
ما كنت أظنني أستطيع العيش فيها...
في الأشهر الأولى كانت ما زالت تتراءى لي صورة شجرة العرديب...
التي كانت تزين الفناء الخلفي في آخر بيت سكنته بعد زواجي...
ثم اعتدت رويدا رويدا على المباني الشاهقة و السيارات المسرعة...
و توارت رويدا رويدا شجرة العرديب...
الأن مضت ما يزيد عن الثلاثة عشر عاما...
هي أطول فترة أقضيها في مكان واحد منذ مولدي...
لا أنفي عندما تتهمني ست بيتي بأنني لست اجتماعيا...
و لكنني عندما أخرج الى الشارع أسلم على عبد الله بتاع الدكان...
و على أمام الجامع و بعض المصلين...
على جيراننا في الأدوار العليا من البناء الذي نسكنه...
أسلم على الناطور و البائع في البقالة التي تبيع المنتجات السودانية...
الجزار الذي يبيع اللحم السوداني يستقبلني هاشا باشا...
و عندما أركض بالحديقة أوجه الارشادات لعمال الصيانة...
أحفظ كل الشوارع و تحفظني...أحبها و تحبني...
و عندما يأتي الشتاء أحتفي بها و تحتفي بي...
أبو ظبي مدينة أعشقها و مفتون بها...
عندما يأتي اليوم الذي سأضطر الى مغادرتها لا أعرف كيف ستكون مشاعري...
و لكنني حتما لن أكون سعيدا...
يا خرطوم وينك وينك ...
البغيب عن العين بيغيب عن القلب...
يا خرطوم يا حليلك...الفؤاد شغلوهو غيرك...
يا خرطوم شن شب و سلبك و قلبك بجتك و نوبتك و عربك...
مأزوم ...مأزوم...مأزوم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صباحات طاعمة كما يقول الكوتش
زمان كنت بفتح بوست الزقازيق فى المنبر العام
الان ومن فترة بقيت اسطبح بمربع كاي
كتاباتك كثيرا" ما بشوف فيها نفسى
واخص اخر مداخلتين مفصلات عليا تفصيل
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
صاحب مربع كاي حاديه الرشيد هذا السهل الممتنع من حكايات الصبا الاولي
تاتي بها سهله وكمال قال عبد الدايم تتطابق مع ذكريات الكثيرين مع اختلاف
المواقع والازمنه فلك التحيه ولكل تلك الربوع التي نهلت منها وشكلت وجدانك
طافت بخاطري وانا اقرا طوافك في بلاد الله وخلق الله ود بادي وهو يصور
بكاميرا شديد ه الحساسيه الفرق بين الجدب والخضره في مقطع من هوي ياوليد
حصل سادرتا بالديداب
وقدامك مراحك وراكب الخباب
ودربك طولوا يملا العين
سحاب وغبار ومويتو سراب
وعوى كرباجك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقيِّل من ضحاها
على المعالى ونسمة الهباب
وتفرش ليك حزمة نال تحت
سيالة تريانة وفروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاص
أو رعدا تقول رصاص وكت فركع
| |
|
|
|
|
|
|
|
|
|
Re: مربع كاي (Re: عمر المهدى)
|
Quote: الان ومن فترة بقيت اسطبح بمربع كاي
كتاباتك كثيرا" ما بشوف فيها نفسى
واخص اخر مداخلتين مفصلات عليا تفصيل |
يا حبيب ده اطراء يفوق قدرتي على تحمله...
أن تستصبح بنا فهذا شرف لنا....
ان شاء الله صباحاتك كلها خير...
و نوعدك أنك عندما تخصنا بالزيارة كل صباح ستجد ما يسرك...
و يجيبك لينا راجع تاني..
الأغنية جميلة و كأني بها أسمعها لأول مرة رغم اني سمعتها من قبل...
هي غير متداولة بكثرة و لكني سمعتها مؤخرا في برنامج نجوم الغد...
ذكرتني أغنية المصير بتاعت أبراهيم عوض...
قبل سنين و بعد تخرجي مباشرة كنت نايم في البيت...
كانت الدورة المدرسية في بورتسودان في ذلك الوقت...
و كانت تعرض تسجيلات لها صباحا...
كل ناس البيت مهتمين بموضوع الدورسة المدرسية..
كانوا بيحضروا في البرنامج...
فجأة صحيت على صوت واحدة بتغني أغنية المصير...
أظنها كانت من بورتسودان كمان...
و الله و كأني بسمع المصير لأول مرة...
و منذ ذلك الوقت بقيت معلق في المصير زي تعليقتك دي....
شكرا يا ديدو على اتحافنا بهذه الأغنية الجميلة,,,
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: طافت بخاطري وانا اقرا طوافك في بلاد الله وخلق الله ود بادي وهو يصور
بكاميرا شديد ه الحساسيه الفرق بين الجدب والخضره في مقطع من هوي ياوليد
|
فعلا كاميرا شديدة الحساسية يا ود المهدي...
لك التحية يا حبيب...
ده ياهو فعلا السهل الممتنع...
يخليك تسرح معاهو...
و تشعر بالكتاحة..
و تشم ريحة الدعاش...
و يبللك رزاز المطر...
في داخل كل منا ألف حكاية و حكاية...
تشابه مثلها عند آخرين...
تبقى حبيسة الدواخل حتى تستدعيها لحظة ما...
فتخرج منسابة هكذا دون أن يكون لك دخل في ذلك...
أما اذا جلست لتكتب و أنت قد حددت الموضوع مسبقا...
فسيكون ذلك واضحا في الكتابات...
أنا جربت الاثنين...
و أعرف الفرق...
يديك العافية يا ود المهدي لقد سعدت بمرورك الفواح...
| |
|
|
|
|
|
|
|
|
|
Re: مربع كاي (Re: الرشيد بابكر)
|
تعرف ياالرشيد موضوع اغنية اللوري حل بي ...
ذكرني موضوع طويل جدا وجدته في أحد المنتديات ...
بقرأ فيهو صدفة اليوم ..
اها قمت نسخت جزء منو ...
لاحظ جزء منو ...
عشان اطفش زهجك
وحاول القراءة شويه شويه كل يوم ... ومعاك الزوار ...
كثيرة هي الأغنيات التي تغنى فيها أهل الفن بشتى أنواعه للعربات والسواقين –
الحديث، والحقيبة وأغاني الرق وأغاني البنات وهلم جرا –
وقد إتخذت عنوان هذا البوست حول العربيات من أشهرهن قاطبة
وهي من أغاني البنات على ما يبدو حيث يقول شاعرها:
"ناري الليلة وا ناري
ناري السندة طوالي
وا ناري الما بقيت سواق
أترك العالي وأمشي بالدقداق"
ولا أدري كيف يريد السايق أن يمشي بالدقداق
ولا يخاف على العجلات من البنشر!!!!
ومن ضمن الأغنيات التي راجت في منتصف السبعينات وأطبقت الآفاق
أغنية أبو عبيدة حسن الشهيرة التي تقول مطلعها:
" سواقو ليه شلتو من البيت لي مدرستو"
ولا أدري هل كان يريد شاعر الأغنية أن يذهب الطالب راجلاً إلى المدرسة أم ماذا؟
أما في أغنية حسين شندي الشهيرة يقول شاعر الأغنية:
" يا سايق يا ماشي
النظرة ماشة وراك وقف وقف
وسوقني معاك يا سايق"
وكيف به يود الذهاب معه دون أن يعرف وجهة السواق"
وفي الأغنية السودانية الحديثة تجلت تلكم الأغنية الكردفانية
التي ملأت الساحة الغنائية ولاقت رواجاً وإقبالاً من عشاق الفن
وهي أغنية الفنان عبد القادر سالم التي تغني شاعرها للوري وقال:
السيسبان الني والحرير الطي
الجابني ليك زمان
وأنا برضي بيك ولهان أنا
اللوري حل بي دلاني في الودي
جابني للبرضاه،،،
العمري ما بنساه،،
حبيبي سيد الناس ويبقى لي وناس،،،
أحبتي إنني كلما إستمع إلى أغنية البنات التي كان يرددها الفنان زيدان ابراهيم
في الحفلات الخاصة وليست الرسمية، ينتابني الضحك حيث تقول كلمات الأغنية:
" سايق العظمة سافر وقام بالعظمة سافر خلاني ليه
" يا الماشي لي باريس جيب لي معك عريس
شرطاً يكون لبيس من هيئة التدريس"
ولا أدري لماذا من باريس؟
ولماذا من هيئة التدريس بالتحديد؟ مع إحترامي لمعشر المعلمين!!!
ولا زلنا مع الفنان زيدان ابراهيم الذي ردد في إحدى أغنيات البنات
في الأشرطة الخاصة أيضاً وهي أغنية البابور جاز حين يقول:
" دور بينا البلد داك أحرق البوتاجار يا البابور جاز
في الكبري دور بي البابور جاز
للمطار ساق بي يا البابور جاز
أريتو لو طار بي البابور جاز"
ولا أنسى رائعة ابراهيم العبادي الذي يتغنى بها ود اللحو :
" ياسايق الفيات عج بى وخد سنده.....
بالدرب التحت تجاه ربوع هنده
أوصيك قبل تبدا سيرك داك طريقك سابق الربدة
منك بعيد جبدة حى هنده
المراد عج بى ربوع عبده
اطوى الارض واضرع من افكارنا
سيرك يالفيات اسرع
ميل على المشرع لا تريع القطيع بتجفل الادرع
شقا حشا الطريق
وأتيمم الحلال زفنو
الكلاب مانالن إلا علال
فاضلات ثواني قلال
بينك والغروب داك
مشرع الشلال
شوف سايق الفيات
الليله كيفن هاش
والشجر الكبار
بقى شوفنا لينا طشاش
قولي دح وين ماش فارقت الطريق
أتيا من الرماش "
أما العربية الجديدة التي تقوم بالركاب وتعرج إلى شمبات
وتعبر الكبري وكافة أحياء العاصمة المثلثة فلا طعم لها ولا رائحة
غنت البنات للترلة السايقها قندراني وللأمجاد وللبص
والأتوبيس وسايق الأتوبيس ولكن لا أجد أن أحداً تغني للركشة
بالعودة إلى أغاني البنات حول السيارات دعونا نستهل
بالسيارات ذات الطراز الفاره والرفيع ونلقي نظرة
على أغنية ندوية القلعة الشهيرة حين تقول:
" الليلة والليلة ،، السافر حليلها
اللكزس ألفين وسبعة موديلها
اللكزس هدية،، ما علاقة شخصية
ويا هناي ويا هناية،، أمسكوا القناية
المرسيدس ولكزس وبكرة الهمر جاية"
الزولة دي الظاهر عليها ناوية تعمل ليها معرض
سيارات عديل كدة (اللهم لا حسد) ....
في الحلقة الفائتة تحسرت على معشر سواقي الركشة وركشاتها
بأن لم تنل حظها من أغنيات البنات ولكنني وجدت هذه الأغنية مؤخراً:
" بلة يابلة دق الرقم جلى
بلة ود عشة،،
السايق الركشة،،
دق الرقم طشه
بلة ود عايد،،
دق الرقم زايد
بلة الجموعي،،
بكاني بي دموعي
بلة ده الهندي،،
دق الرقم عندي
بله ده الحنان،،
الساكن أمدرمان
بلة ود عشة،،
دق الرقم خشه"
عجبي لمعشر الهنود الذين أصبحوا يسمونهم بلة!!!!
حتى الدفار فقد وجد نصيباً من تلكم الشاكلة من أغنيات الدلوكة:
" نزار بوبار بريدو
السايق الدفار بريدو
نزار انا ماسألتو،،
براهو وقف عجلتو،،
بينظرة واحدة بهدلتو
نزار جاب لي دبلة،،
والدبلة ماقدري،،
صنقر قعد جمبي ده الكسر سلوك قلبي
حسن حسون الريدة ما جبرية،،
الركبوا العربية،،
الولدده جا ماري بالعصرية،،
الولد ده لو ماكلام شعبية،،
مقتنعة بالشخصية
اللبسوه البوقي،،
الولد ده والركبوه سزوكي،،
قالي كمان بلسانه،،
الولد ده بجي وبشاور أبوكي"
أما المجروس العاتي فما أفوره حظاً في الأغنية:
" طولنا لينا سنين
ما جلسنا في الياسمين
انت وانا سوا سوا
مجروسة جات كاشة
جات حاملة جياشة
حوالينا انت وانا
سواسوا،،
غايتو المجروs الشاحن جياشة ما سمعنا بيه تب!!!
هنالك مثل سوداني شهير يقول:
" بجي الخريف واللواري بتقيف"
ولكن الظاهر لوري زولتنا دي تقيف المطرة ما تقيف:
" العنبة رويانة
واللواري وحلانة
يا الله يا ربي
تتم لي قصدي
ألقي الحبيب جنبي
والحنة في يدي "
أما أشهر أغاني البنات في السيارات أغنية سائق البوباي
ولا أدري إن كان البوباي ماركة سيارات أم ماذا؟؟؟
" يا سايق البوباي الإشارة جاي ولا جاي
ورينا سوق جاي جاي
سوق لف يمين وشمال
أصلو العشوق رجاي
النار شوتني براي يا الله لي
انا بركب العربية
واطلع الجنسية
وشهادة الميلادية
يالله لي
منتدب السعودية"
وما بين الموبايل والعربيات علاقة غير مباشرة:
" ده كلو من وائل،،
وايل قفل الموبايل
ده كله من شيحة
شيحة قفل الشريحة
ده كلو من عمر
موبايلو بدون نمر
وعربيته تقول همر ""
| |
|
|
|
|
|
|
|
|
|
Re: مربع كاي (Re: الرشيد بابكر)
|
جلست أنا و ست بيتي البارحة نتذكر تلك الأدعية العجيبة...
و التي كانت يدعو بها النساء و الرجال على حد سواء....
تجاه الأبناء أو أي شخص يثير غضبهم...
حاولنا تذكر بعضها فوجدنا ان ما استطعنا فهمه منها كان قاسيا...
بالرغم ما يتميز به اهلنا زمان من محنة و ترابط و تسامح....
صحيح ان بعضها لا يخلو من طرافة لكنها في مجملها كانت قاسية جدا...
من أين أتت تلك القسوة و ما هو مصدرها ..
و كيف يكون الناس بمثل تلكم المحنة و القسوة في آن واحد...
خاصة و ان بعض تلك الأدعية يتمنى فيه الداعي الموت للمدعو علية...
مثل (يضربك الضريب شقاق العناقريب)...و الضريب هنا المقصود به الموت...
حاولنا تذكر بعض تلك الأدعية و هذا رصد لبعضها...
النعامة التزوزي بيك...
الملالة التملّك أو الملالة الجمرها حي أو الملالة التهردك.....
انت بالنيني القرنتيني اللخليك تمشي وتنيني ... انت بالنيني الينفخك....
أبو مي اليشقك....
اللوايّة التلوي حنكك...
الشنينة أم قريينات....
يضربك الضريب شقاق العناقريب....
أُكُل تاكل الحِمِت رِمِت...
تجيك الطاويــة حبالها...
هذا قليل من كثير...
لكن لا بد أنكم لاحظتم كم هي قاسية تلكم الأدعية...
الغريبه أن النساء و هم يدعون بتلك الأدعية لم يكونوا يعنون ما يقولون في غالب الأحوال..
بل كانوا على العكس تماما ...يتمنون كل الخير لمن يدعون عليه...
و لكنهم في غمرة غضبهم يطلقون عبارات توارثوها عن أسلافهم...
و أحيانا كثيرة دون أن يعوا ما يقولون...
خاصة النساء في زمننا هذا...
هذه دعوة للتوقف عن مثل هكذا أدعية و استبدالها بالدعاء لصلاح الحال...
كأن نقول يهديك الله و يصلح حالك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
تعرف يالرشيد
الموضوعين
الاغاني والدعوات ...
عاوزات عبدالدايم النضيف ...
الزول ده ... تربية حبوبات ... يحيرك عديل كده ..
ربنا يجيبو .... ويدلو بدلوه ...
========================
لكن الدعوات ... تجيب مغص عديل كده ...
شكلها
كده الحجة طارت ....
| |
|
|
|
|
|
|
|
|
|
Re: مربع كاي (Re: ياسر نجيلة)
|
يضربك دابى الجزيرة لا حنة لا ضريرة ....
العوارة التشققك حتت .....
الله ( يقصك ) يا نجيلة انا تربية حبوبات
حب النقر انشاء الله ...
بس زولك بتاع المنتدى ده طلع ما حافظ اى حاجة باين عليهو شهادة عربية
| Quote: اترك العالي وأمشي بالدقداق |
اطلع العالى و انزل بالدقداق ....
،،،،،،،،،،،،،،،،،،،،،،،،،،،،،،،،،،،
Quote: " سواقو ليه شلتو من البيت لي مدرستو"
ولا أدري هل كان يريد شاعر الأغنية أن يذهب الطالب راجلاً إلى المدرسة أم ماذا؟
|
زمان كثير من المدن و القرى لا يوجد بها مدارس لذلك كانو الطلاب
بسافرو سواء بالقطر او العربات .. ما قلت ليك زولك ده شهادة عربية
وسبحان الله سايق البوباي بقت حقت حسين شندى
جيب لى ( الكرتونة ) يا نجيلة وانا اسمعك غناء زمان حقنا
=================
الكرتونة دى يا رشا كانت عبارة عن طربيزة بنصنعها من كرتونة صغيرة ونجلدها بورق
ملون وكانت تستعمل فى شقتنا كدلوكة ...
ياما رقصوا على انغامها دكاترة .....
فى شخصية ظريفة كده دايما كان بجينا نص الليل .... طوالى يشيل الكرتونة ويقول لي عليك الله
اغنية ( من بعيد جات تمشى المها ) ويبتدى يمثل ( الــدور ) ...
يا نجلية ياربى تانى نرجع شقتنا .....
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
Quote: تعرف يالرشيد
الموضوعين
الاغاني والدعوات ...
عاوزات عبدالدايم النضيف ...
|
أها يا نجيلة جبتو طلع ليك زولك النقلت منو شهادة عربية...
التسوي بي ايدك...
و كمان قال ليك جيب الكرتونة...
حجتك دي ما بتبوظه ليك الدعوات...
حجتك دي حيبوظة ليك ديدو...
أوعك تمشي جده...
مشية جدة لي عبد الدايم عليها هدي...
و ان لم تستطع فصيام ثلاثة أيام في الحج و سبعة اذا رجعتم...
ملحوظة: اذا جيت جدة من غير كرتونة فليس عليك شيء...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا ديدو طلعت موسوعة في الأغاني...
و دعاي كمان...
نفسي أجيكم في جدة و أجيب معاي كرتونتي...
عشان الكراتين هنا في الامارات قوية شوية..
يعني بتستحمل الخبيط...
لكن بلدكم دي الواحد يا يدخله حاج أو معتمر...
متكرتن دي ما عارف كيف...
و بيني و بينك أنا حسه كايس للحج أول...
الكرتونة ملحوقة يا أخوي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
ديدو ... واصل يانضيف
انا عارف .. ده كارك ... مافي زول بجاريك فيهو
ياحليل ايام الكرتونة ... والهز .... وربط الجلاليب في الوسط ..
ايام يا دكام ...
محمد صديق ياملك ... تشكر على التحية
================
رشا ... امسك ديدو ...
خليهو يقعد شوية في المحطة دي ....
وحتسمع العجائب ...
احج وارجع ليكم تاني ....
ان شاء الله ....
جنا الباباي ....
| |
|
|
|
|
|
|
|
|
|
Re: مربع كاي (Re: ياسر نجيلة)
|
سلامات يا ناس
Quote: محمد صديق ياملك ... تشكر على التحية
|
ياريتك تدينا تحية ولو اسبوعية عندى فى النفاج.
| |
|
|
|
|
|
|
|
|
|
Re: مربع كاي (Re: محمد صديق)
|
Quote: رشا ... امسك ديدو ...
خليهو يقعد شوية في المحطة دي ....
وحتسمع العجائب ...
احج وارجع ليكم تاني ....
ان شاء الله ....
جنا الباباي ....
|
تصحبك السلامة يا نجيلة..
تمشي و تجي بالسلامة...
بمسك في ديدو قوي لحدي ما تمشي و تجي...
عشان نغني ليك..
الحاج حجه و جاء و غنى البنات ما خلا...
ما تنسى موية زمزم...
تضلع منها...
يعني أِرع لحدي ما ضلوعك يطقطقو...
| |
|
|
|
|
|
|
|
|
|
Re: مربع كاي (Re: الرشيد بابكر)
|
دا خيط جماله باذخ يا ولد يا رشيد
تعرف من جماله
لمن ما عرفت البداهو منو ؟؟
غبت لى يومين ولا تلاتة ما عارف من المربع
لقيت ياسر نجيلة , رمى حجره ومضى حاجا الى بيت الله الحرام
لكنه ترك اشارة سائق البوباى , اللى هو انت , فاتحة , شديدة
وبى (خضرة فاقعة وجلية )
حا تقول لى يطرشنا , عمرنا ما شفنا لينا خضرة فاقعة
حا اقول ليك , البيعيش كتير , بشوف كتير
ولو بنضمن انو الأشارة دى , طوالى فاتحة وفاقعة
ولو بنضمن , انو ست بيتك الأنا مصنف خال ليها
بتقعد (تتجلى ) قدر ده معاك , وتتذكروا حتى (شقاق العناقريب )
كنا اجلنا حضورنا الى اجل مسمى
ولكن عدم وجود ضمانات كافية لكل ذلك
وخوفنا على الود دودى , من انو يفقد كرتونته و او بالعدم
(يقدها )
من هول وقع الأيدى وهزهزة الأكتاف
قررنا , ان نستعير (كرتونة ) صابون الأيدى المعطر
التى هى بجانبنا الآن
لننال من حصة (الثكاليب والجلع )
هذه الممتدة
حظنا والنصيب
(خاصة وقد راينا بام العين , وشمينا فى رواية اخرى )
ان الكوتش اللذيذ , يتحاوم بى جاى
واصطياد الكوتش حين تكون الأشارات حمراء
صعب , صعب , صعب يا على
ما بالك , واشاراتنا مع سائق البوباى
خضراء (فاقعة )
يعتريها بعض من جهجهة قوامها
ورينا سوق جاى جاى
جاهزين ؟؟؟
| |
|
|
|
|
|
|
|
|
|
Re: مربع كاي (Re: منصور عبد الرازق)
|
لاحظوا معاى , يا واقفين معاى فى الأشارة
الغنا غنا بنات
والدعا كمان , دعا بنات
اولا من اين جاء اشتقاق لفظة دعا
واظنها تكتب هكذا , دون همزة على السطر
للدلالة على عكس (الدعاء )
التى تستخدم فى الكلام والتمنى الأيجابى
الله يبارك فيك مثلا
دعاء
بينما الله يشقك , دعا
فلان داك قد يدعى فلان , بتشديد العين
بينما فلان يدعو لفلان
هما الفكرة ونقيضها
والفكرة بتاعت الدعا , مرتبطة بالبنات
ولكن الدعاء , مذكر ومؤنث معا
حتى ان لحظات العراك النسائية
فيها سلاح (الدعا ) يمشى جنبا الى جنب
مع سلاح الزعيط والمعيط
بينما عراك الرجال , محرم فيه مثل هذا السلاح
حتى اذا ما استخدمه احدهم
صار فى العرف من المتشبهين بالنساء من الرجال
ودعا النسا , الذى وصفته انت بالقساوة
هو كذلك فعلا
ففيه تفريغ لشحنات , يفرغها الرجال , بقبضات اليد
والشلاليت , ويمكن الكراتيه والجودو
ولكن بطلة العالم فى الجودو والكراتيه مثلا
تنسى كل ادواتها (فى خضم شكلة )
وترجع لمخزونها الجينى من شاكلة
الطول طول النخلة والعقل عقل السخلة
وراسه كبير كرعينو رقاق , شن سموه , سمو العولاق
وتقوم العضعضة مقام البوكسنق والكاتات
ويحل الزعيط والمعيط , محل البونية والشلوت
عليك الله ده مش امتداد جديد , وشارع مجاور
للمشوار البديتوهو , ومشيتو فيهو
قولوا لى كمان
لو الشكلة بدت كده
منو البيوصل للساطور , والسكين , اسرع
ناس البونية والشلاليت
ولا ناس زعطتنى ومعطتها ؟؟؟؟
| |
|
|
|
|
|
|
|
|
|
Re: مربع كاي (Re: منصور عبد الرازق)
|
سلامات يا ناس
Quote: لكن اتخيل لي أغنية سايق البوباي بتاعت محمد حسنين ما أظنها أغنية بنات...
ممكن نتأكد من الكوتش محمد صديق...
|
يا حبيب ....زى ما قال ليك ديدو زول نجيلة ده قطع شك شهادة عربية...الله يرحم محمد حسنين (ابوسريع)
| |
|
|
|
|
|
|
|
|
|
Re: مربع كاي (Re: محمد صديق)
|
Quote: عليك الله ده مش امتداد جديد , وشارع مجاور
للمشوار البديتوهو , ومشيتو فيهو
|
يا منص يا جميل...
ده خط فلسفي يتناغم تماما مع خطنا...
فلسفة التفريق بين دعاء و دعا...
تناولت الموضوع بحرفنتك العتاده...
وقفتنا في الاشارة و انطلقت بنا الى عوالمك...
و كأني بها اشارة انطلاق في سباق الفورميولا ون...
نحن علينا الرصد الواقعي و أنت عليك التحليل الفلسفي...
نحن نجتمع حول كرتونة ديدو للبهجة...
و أنت تنظر اليها و كأنها لمة دراويش في حلقة ذكر...
ليك حق ياخي فهي ليست مجرد كرتونة و جلابية مربوطة من الوسط...
هي حالة من الحالات...
أنت حللها بحرفنتك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: يا حبيب ....زى ما قال ليك ديدو زول نجيلة ده قطع شك شهادة عربية...الله يرحم محمد حسنين (ابوسريع) |
يا كوتش شكرا على الافادة...
يا عبده قابل بتاع الغناء القديم انت...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
من كرتونة ديدو...
و أغاني حاج ياسر...
و دعاء و دعا منصور...
لي صينية علوية مامون بتاعت الغداء...
فجأة كده و بدون مقدمات اتذكرت صينية أمي بتاعت الغداء زمان...
أيام كنا ما بعد اللفة (مش الكلاكلة اللفة) اللفة التي تعادل البامبرز حاليا...
ربما تكون جوعة عابرة كده الذكرتني الصينية دي...
و ربما أشياء أخرى أفتقدها في هذه اللحظة...
و الصينية بتاعت الغداء ترمز لي حاجات كتيرة افتقدتها بشدة...
غير الملحات الطاعمة و المتنوعة بتاعت أمي...
و الرصة المميزة...
طرقات الكسرة على حواف الصينية عاملة زي مصدات الرياح...
و العيش فوق الكسرة...
كانت زمان عدد طرقات الكسرة تفوق عدد قطع العيش...
ثم ابتدأ العيش يقصي الكسرة يوما بعد يوم حتى أصبح هو الغالب...
فأصبح العيش هو الذي يحيط بالصينية من الخارج و الكسرة تزين به...
صحن الكسرة الكبير يتوسط الصينية...
كورة الملاح المفروك تغرد خارج السرب...قاعدة براها بعيد...
منتظره الناس تخلص باقي الأكل و تقبل على الكسرة و الملاح...
صحن السلطة الخضراء بي جرجيرها الأخضاااااااااار و ناير و بصلها الأبيض ...
صحن الكفته و المحشي و ملاح الرجلة و اللحمة المنشولة من السليقة و محمرنها...
الرز مافي زول شغال بيهو قاعد زي الغريب في عزومة عرس...
مرات لو في حلو قمردين بياكلوهو مع حلو القمردين...
سلطة الأسود المحمر بالزيت و كابين ليها الروب مع التوم من فوق...
أو معمولة بالدكوة و الليمون و التوم...
الصينية كانت لمة العائلة الصغيرة و الونسة و الضحكات...
الصينية حضور الجميع الى البيت و لا يوجد أحد بالخارج...
و سؤال أبوي لينا عن المدرسة و القراية...
الصينية تذكرني بي سرحاني الكتير و الذي لم أكن أعرف أسبابه...
و سخريتي التي ربما أكون قد ورثتها من أحدهم...
الصينية تعني لي برنامج عالم الرياضة...
و هنا أم درمان ..اذاعة جمهورية السودان..نشرة الساعة تلاتة....
لم يحدث يوما أن تأخرت الصينية لما بعد الثالثة...أبدا...
عندما دخل محمد أخوي الجامعة و ذهب الى الخرطوم شعرت بحزن الصينية...
ثم غادرت منى الى الجامعة ثم أصبحت الصينية تخسرنا الواحد تلو الآخر...
و لكننا حافظنا على التقليد و لم نتركه أبدا...
نتحلق حولها حتى عندما خسرت الكسرة مكانها حول الصينية و أصبحت محاصرة في صحن واحد...
و لم تعد كورة الملاح تغرد خارج السرب كما في السابق...
فالمكان فسيح داخل الصينية و لا داعي لأن تكون خارجها...
و لا اشارة ضبط الوقت في اذاعة أم درمان بنفس الحدة و الرونق...
و خسر برنامج عالم الرياضة أهميته مع الفضائيات الرياضية التي لا تترك شاردة و لا واردة...
و رغم كل ذلك ظللت وفيا لملاح أم رقيقة و سلطة الأسود بكل أنواعها...
لم ينازع حبي لهم كنتاكي و لا بينزا هت و لا حتى هارديز اللذيذ...
أجتمع أنا و أسرتي الآن حول السفرة فالصينية لم تعد تستخدم...
لأنني أعرف أهمية ذلك في توثيق العلاقة بين أفراد العائلة الواحدة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
الأمنيات الطيبات لكل زوار المربع...
عيد سعيد و كل عام و أنتم بخير...
أعاده الله عليكم بالخير و اليمن و البركات....
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا سيد الحوش ..
كل سنة وانت احلى واجمل..
كل سنة وهامات المستحيل تمارس الركوع امام فيض امانيك..
الله يمتعتك بالصحة والعافية.عساك من عواده.ربناما يحرمنا من غزل حروفك ...
عيدية خاصة لكل زوار حوشك..
ودمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
كل سنة وانتم طيبين و ملمومين وتامين
وا
| Quote: كل سنة وهامات المستحيل تمارس الركوع امام فيض امانيك.. |
حب تقيل .....
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
مساكم الله بالخير
نحن في مربع كاي نبارك لحجاج بيت الله هذا العام من الزقازيقاب....
و نخص ولدنا الحاج ياسر نجيلة بالمباركة باعتباره أحد رواد هذا المكان...
و أحد الذي يرفدونه بالمساهمات الجميلة...
و نقول ليهو حمدا لله على سلامتك...
و تقبل الله...
| |
|
|
|
|
|
|
|
|
|
Re: مربع كاي (Re: الرشيد بابكر)
|
أما مداخلة ست بيتي دي تستحق الاحتفاء بيها...
لأنها أول مداخلة في أو بعد العيد...
ولأنها كمان فيها عبارات ما قدرت أفهمها لكن حسيتها...
حسيتها و بعدين مشيت جبت الدكشنري بتاع الكلام السمح...
و قلت يا حليل أيام كنا ننظم القوافي...
كنت نظمت أجمل قافية ردا على الكلام السمح و مدغلب ده...
لكن الله يقطع الكبر و يقطع سنينه...
تسلملي هالطلة يا ست بيتي....
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: كل سنة وانتم طيبين و ملمومين وتامين
وا
Quote: كل سنة وهامات المستحيل تمارس الركوع امام فيض امانيك..
حب تقيل ..... |
و الله كان ما بنعرفك يا ديدو كان غنينا ليك...
العوازل قالوا ليك ...قالوا ايه...
قالوا بيحب...
ما حكيت لينا عن سهرة الدلوكة الفاتتني ياخي....
| |
|
|
|
|
|
|
|
|
|
Re: مربع كاي (Re: محمد صديق)
|
Quote: نحن في مربع كاي نبارك لحجاج بيت الله هذا العام من الزقازيقاب....
و نخص ولدنا الحاج ياسر نجيلة بالمباركة باعتباره أحد رواد هذا المكان...
و أحد الذي يرفدونه بالمساهمات الجميلة...
و نقول ليهو حمدا لله على سلامتك...
و تقبل الله... |
مشكووووووووووووووور ياحبيب ...
دائما مباراكاتك سبقت كل شئ ... وفي أي مكان ...
تسلم ياالرشيد ... وعقبالك ...
درب الحج عرفناهو ...
لو عاوز تحج بس اديني الو ...
واسفرك سفرة ... مريحة جدا ... ورخيصة جدا ...
عرفنا اللعب ... يا صاحب ...
Quote: ثم ابتدأ العيش يقصي الكسرة يوما بعد يوم حتى أصبح هو الغالب...
فأصبح العيش هو الذي يحيط بالصينية من الخارج |
طبعا جيتني في جرح ...
اقصد جرح الآلاف من السودانيين ...
كم نشتاق للصينية الزمااااااااااان التي وصفتها ...
والتي كانت ...
اكل وغذاء ... ودروس وتربية ...
لتحلق كل افراد الاسرة حولها ... دون استثناء ...
شوف الزمن ... عيش بس ... كسره نهيئ ...
| Quote: كورة الملاح المفروك تغرد خارج السرب...قاعدة براها بعيد... |
ماياهو ده قصدك ...
Quote: و رغم كل ذلك ظللت وفيا لملاح أم رقيقة و سلطة الأسود بكل أنواعها...
لم ينازع حبي لهم كنتاكي و لا بينزا هت و لا حتى هارديز اللذيذ... |
ايهما احلي ...
ام رقيقة بالحمة الانت شايفها دي ...
ولا ملاح بامية اخدر مفروك ....
واللحمة مدفونه جووه ....
============================
كلنا جعانيين ,,, ومشتاقيين لصينية زماااان ....
مابراك ....
| |
|
|
|
|
|
|
|
|
|
Re: مربع كاي (Re: ياسر نجيلة)
|
Quote: لو عاوز تحج بس اديني الو ...
واسفرك سفرة ... مريحة جدا ... ورخيصة جدا ...
عرفنا اللعب ... يا صاحب ...
|
يا حاج ياسر يا حبيب...
الوووووووووووووووو...
ياخي و الله تكون عملت فيني عملية تكسب ثواب الدنيا و الآخرة...
و حتكون الدعوات في عرفات فيفتي فيفتي...50/50...
Quote: شوف الزمن ... عيش بس ... كسره نهيئ ...
|
و أم رقيقة بي قدرة قادر بقت سليقة...
لكن حتى السليقة لو معاها كسرة بتكون رهيبة...
شوف الصينية دي مكربه كيف بالله...
Quote: ماياهو ده قصدك ...
|
ياهو زاتو...
قربت أقوم بالليل ده أمشي بلد الخيرات أجيب الكسرة...
و أقول لي ست بيتي أعمل لينا أم رقيقة حارة نتعشي بيها...
عندي مغص كده ما بتروحو الا أم رقيقة بالكسرة...
أحسن نكمل المكنات السنة دي عشان امكن نحج السنة الجاية ان شاء الله...
Quote: كلنا جعانيين ,,, ومشتاقيين لصينية زماااان ....
مابراك .... |
يااااااه يا ياسر...
و الله أيام يا زمان...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
الواحد رغم انو اتعشى من بدرى
لكن مفاريكم دى خلت المصارين تكورك....
انت ياسر نجيلة ده كان متخصص فى المطبخ ومخلى الدلوكة
اقصد الكرتونة لللنضيف؟
| |
|
|
|
|
|
|
|
|
|
Re: مربع كاي (Re: محمد صديق)
|
صبحكم الله بالخير
هذا الصباح أخذ منبهي يرن دون أن يحرك لي ساكنا..و لم أقم لصلاة الفجر...
يا إلهي لقد طلبت مني أمنية أن أدعو لها بالتوفيق والنجاح...
و كنت أنوي أن أخصها بالدعاء فجر هذا اليوم...
لقد كان يوم أمس يوما متعبا...
فبعد عودتي من العمل عند الرابعة تغديت ثم أخذت أذاكر معها حتى الساعة العاشرة مساءا...
حتى اني بعد الفراغ من المذاكرة لم استطع اكمال مباراةالميلان في الدوري الإيطالي...
و هذا أمر لا يحدث معي كثيرا...
تضايقت كثيرا لأنني فوت صلاة الفجر وفوت الدعاء فيها لأمنية...
رغم اني لم أنقطع أبدا عن الدعاء لهم و لأمهم ليل نهار...
إلا أن هذه المرة شيئاآخر فلقد طلبت مني الدعاء...
ان الإيقاع السريع لهذا الزمن يرهقني...
و أود أن أعترف أيضا بأن السنون قد فعلت فعلها...
فأنا لم أعد بنفس تلك اللياقة و الحيوية..
فرغم تنازلي عن أشياء كثيرة حتى يسهل تنظيم الوقت...
إلا انني ما زلت أجد صعوبة في ترتيب أحوالي...
و أهم الخطوات لتنظيم الوقت هو النوم المبكر...
و هذا صعب الحدوث في بلد يسهر فيه الأبناء كثيرا لعدم وجود أنشطه تستنفذ و تستوعب طاقاتهم...
ربنا هب لنا من ازواجنا و ذريتنا قرة اعين و اجعلنا للمتقين اماما....
اللهم وفق أمنية و يسر لها إمتحاناتها و أجعلها من المتفوقات..
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: في الصورة دي ليس المقصود التورته...
بل المقصود انكم تشوفو الشعر بدون شيب...
يا عجايز... |
صلاة الفجر ...نسأل الله ان يعطيك حسناتها كاملة غير منقوصة ...
كما تعودت اداءها ....
ولكن الصور وين ...
دي لازم نشوفها عيان بيان ... بالنيه مابتنفع ...
بطل خرخرة ... واعد تنزيل الصور ...
ونحن متأكدين الشيب مافي ... بس الخرف حصل ...
نسأل الله ان يحفظكم جميعا ...
=====================
ياكوتش ...
الصور بتاعة الاكل دي جات حسب موضوع الساعة ..
يعني لو كان ولدنا الرشيد تكلم عن انواع الورود ...
كان نزلنا ليهو ...... ام فت فت ...
| |
|
|
|
|
|
|
|
|
|
Re: مربع كاي (Re: ياسر نجيلة)
|
Quote: ولكن الصور وين ...
دي لازم نشوفها عيان بيان ... بالنيه مابتنفع ...
بطل خرخرة ... واعد تنزيل الصور ...
ونحن متأكدين الشيب مافي ... بس الخرف حصل ...
|
يا حبيب من ناحية الخرف بيني و بينك حصل...
لكن موضوع الصور ده يا خرف الموقع يا خرف الكمبيوتر حقي...
نزلت الصور أكتر من مرة زي ما انت شايف و برضو ما ظهرت...
ست بيتي نزلتهم في صفحتها بالفيس بوك...
و لكني سأحاول مرة تانية ان شاء الله...
| |
|
|
|
|
|
|
|
|
|
Re: مربع كاي (Re: الرشيد بابكر)
|
في الطريق المزدحم الى المكتب هذا الصباح...
عادة استغرق نصف الساعة للوصول الى مكتبي يوم السبت...
حيث العطلة الأٍسبوعية للمؤسسات الحكومية و المدارس...
و أستغرق مدة أطول باقي أيام الاسبوع...
رغم انني مسحت الزجاج الأمامي لسيارتي قبل التحرك...
الا أن غشاء شفيف من الماء يغطي الزجاج الأمامي كلما أقوم بمسحة...
بعض السيارات مسرعة يريد أصحابها اللحاق بأعمالهم...
تأخرهم يجعلهم يتجاهلون كاميرات المراقبة و الرادارات التي أصبحت تغطي كل المدينة...
سائق السيارة الــBMW التي خلفي يضايقني بأنواره المتكررة المتوهجة طالبا مني الابتعاد عن طريقه...
قافلة من السيارات في المسار اليمين تمنعني من ترك مساري و الابتعاد عن طريقه...
و هو ما زال يضايقني بالأضواء المتقطعة...
السيدة الأوربية داخل السيارة الهمر في محاذاتي باليمين تقضم تفاحة و كأنها في الباحة الخلفية لدارها...
هي لا تهتم كثيرا بازعاج الآخرين فهي ملتزمة بحدود السرعة...
سائق الــBMW ما زال يضايقني بأنوارة القوية التي تجهرني رغم ضوء النهار...
انتهزت فرص استمتاع السيدة الأوربية بتفاحتها و زدت من سرعتي قليلا و تمكنت من الدخول أمامها...
أصبحت فجأة في مقابل شمس الصباح الفتية التي ملأت عيني بعد أن ملأت الدنيا نورا...
رغم انني كنت مرتديا نظارة شمسية الا انني استعنت على أحتمالها بالحجاب الذي أمامي...
رغم تنوع الألوان و مستوى السيارات و المباني من حولي و الطريق الواسع المحاط باللاندسكيب ...
حيث ترسل الشمس أشعتها الذهبية فتمتزج مع الخضرة و الماء فتملأ عيني بألوان كثيرة و هالة من الجمال...
و لا يخلو الأمر من وجوه حسنة هنا و هناك تلحظها رغم زحمة الطريق و مضايقة السيارات المسرعة...
الشمس هذا الصباح ذكرتني بكلمات الفيتوري الرائعة التي تغنى بها العملاق وردي...
لو لحظة من وسن
تغسل عني حزني
تحملني
ترجعني
الى عيون وطني
يا وطني ..
يا وطني يا وطن الأحرار والصراع
الشمس في السماء كالشراع
تعانق الحقول والمراعي
واوجه العمال والزراع
يا وطني ..
رغم الفارق الكبير بين هنا و هناك ...
الا أن الشمس هي الشمس و السماء هي السماء و الخضرة هي الخضرة...
و الشوق الملتهب في دواخلي لا شك أنه قادر على أن يذيب كل الفوارق.....
| |
|
|
|
|
|
|
|
|
|
Re: مربع كاي (Re: الرشيد بابكر)
|
نحن جينا وكيا لي المابينا
عريسنا زينة و حالف ما يدلينا
عليه دايرين لينا 5 أرادب محبة عشان ننزل
العريس وينو؟؟؟؟؟
| Quote: رغم الفارق الكبير بين هنا و هناك ... |
غايتو السيدة الأوربية و التي تقضم تفاحتها بتلذذ
وهي مرتاحة البال لا تدري أن الفيتوري يقول
يا أخي في الشرق ، في كل سكن
يا أخي فى الأرض ، فى كل وطن
أنا أدعوك .. فهل تعرفنى ؟
يا أخاأعرفه .. رغم المحن
إنني مزقت أكفان الدجى
إننى هدمت جدران الوهن
لم أعد مقبرة تحكى البلى
لم أعد ساقية تبكى الدمن
لم أعد عبد قيودى
لم أعد عبد ماض هرم عبد وثن
أنا حى خالد رغم الردى
أنا حر رغم قضبان الزمن
فك الله أسركم يا ناس و لله دركم
كم أنتم أهلاً للحب و الجمال
| |
|
|
|
|
|
|
|
|
|
Re: مربع كاي (Re: محمد آدم النور)
|
اينما وجد اللايوق تلقى جلا
يا نجيلة المرة الختت الصينية دى ما بتعرف تخت
قول لي ليه :
- محشييياتين بس
- البطاطس بختوهو مع اللحمة مافى داعى لكترة الصحانة
- السليقة برشوها من المطبخ وبجيبوها جاهزة
- ام رقيقة دايما بتكون تحت الكسرة ..
يعنى القراريص دايما اى نوع من الملاح بكون تحتها ما عدا
الدمعة فقط بتكون فوق القراصة .
لو امى قرأت كلامى ده حتقول لي طبعا" كالعادة
اصــو ما بتقول بسم الله وتاكل ... لازم تشنف ...
وبتحت تحت تقول زى ابوووك ...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: لو امى قرأت كلامى ده حتقول لي طبعا" كالعادة
اصــو ما بتقول بسم الله وتاكل ... لازم تشنف ...
وبتحت تحت تقول زى ابوووك ... |
انت يا ديدو شناف أتاريك...
لكن لقيت أمك حريفة...
طلعت نفسها و رمتها في أبوك المسكين...
طلعتك شناف ابن شناف...
| |
|
|
|
|
|
|
|
|
|
Re: مربع كاي (Re: الرشيد بابكر)
|
تأملات على الطريق – كلاكيت تاني مرة
ابتسامتها المشرقة و هي تتمنى لي يوما حافلا بالنجاحات كانت أحسن بداية ليوم جديد...
تمنيت لها بدوري يوما طيبا....
تحسست جيوبي الأربعة قبل أن أخرج من البيت...
محفظة نقودي..هاتفي المتحرك..مفتاح السيارة و البيت...نظارتي الطبية...
كل شيء في مكانه ...تمنيت لها يوما طيبا مرة أخرى ثم خرجت...
أمام العمارة سلمت على جارتنا و هي تنتظر حافلة المدرسة مع طفليها...
كانت السيارة متوقفة في مكان بعيد فاسرعت في المشي لكسب الوقت...
أدرت السيارة و تركتها حتى تحمى قليلا...
في هذه الأثناء أخرجت شريط لمصطفى سيدأحمد لأسمعه...
كان راديو السيارة على اذاعة الB.B.C و أخبار عن صدامات في ميدان التحرير...
أجلت الاستماع الى مصطفى سيدأحمد حتى ينتهي الخبر و أنطلقت...
الزحمة الصباحية المعتادة رغم ان أبو ظبي وسعت الطرق عدة مرات...
فالطريق به أربعة مسارات للاتجاه الواحد و ستة مسارات في الطريق السريع...
سيارات تخرج من مسار و تدخل في آخر ثم تخرج منه لتدخل ثاني...
لوحت لي بيديها الصغيرتين فلوحت لها – ابتسمت و عاودت التلويح...
ثم لم تكف عن التلويح...حاولت مجاراتها فلم أقدر لزحمة الطريق...
وجهها المدور الصغير و شعرها المقصوص والمربوط على الجانبين بشريط أحمر...
كان الراحل مصطفى سيدأحمد يصدح وقتها برائعة حميد...
كل ما تباعد بيننا عوارض .. كل ما هواك يا طيبة مكني
تلد الغربة القرب الواحد ..
وبيكي أسمي الشوق وأكنّي لما أفوتك من دون خاطر ..
أو دون خاطر مني تفوتي بلقى حبايب فى كل حتة
حاول أحدهم ان يعترض طريقي و يحول بيني و بينها فلم أسمح له بذلك...
واصلت التلويح و بقيت أنا أبتسم و ألوح أحيانا...
ثم افترق الطريق فجأة فابتعدت عني و هي ما زالت تلوح حتى اختفت عن ناظري...
و بقيت في مخيلتي بشعرها القصير و شريطها الأحمر و ابتسامتها المضيئة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
وصباحات التفاؤل
Quote: ثم افترق الطريق فجأة فابتعدت عني و هي ما زالت تلوح حتى اختفت عن ناظري...
و بقيت في مخيلتي بشعرها القصير و شريطها الأحمر و ابتسامتها المضيئة... |
يا سلام : انا كنت قايل نفسى براى بعمل كده..
مرات فى حضور بكرى وعمر ...طوالى تلحظ احاسيس بتاعة غيرة:
او سؤال فى شكل: انت بتعرفا؟
تحياتى للمجنون الضابح خروف بى 250ج والزول الشناف الما عاجباهو صينية نجيلة.
| |
|
|
|
|
|
|
|
|
|
Re: مربع كاي (Re: محمد صديق)
|
| Quote: وجهها المدور الصغير و شعرها المقصوص والمربوط على الجانبين بشريط أحمر... |
انا فى الاول افتكرتها امنية .....
بس الزولة دى اعمل حسابك منها يوم تاكل تفاحة وما شغالة بيك واليوم التانى تلوح ليك ..
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
Quote: يا سلام : انا كنت قايل نفسى براى بعمل كده..
مرات فى حضور بكرى وعمر ...طوالى تلحظ احاسيس بتاعة غيرة:
او سؤال فى شكل: انت بتعرفا؟
|
يا كوتش ديل ينتزعوا منك التلويحة و الابتسامة...
كنت متأزم مع أغنية مصطفى سيدأحمد قامت طلعتني من مود عجيب...
و خلتني أنسى زحمة الطريق و مضايقة العربات...
الأطفال فعلا أحباب الله...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: بس الزولة دى اعمل حسابك منها يوم تاكل تفاحة وما شغالة بيك واليوم التانى تلوح ليك |
لا يا ديدو ياخي...
بتاعت التفاحة غير بتاعت التلويح...
بتاعت التلويح دي بنية صغنتوتة...
و التفاحة.. تفاحة صغنتوتة برضو...
لكن لونها أصفر...
أنا قصة الكلاكيتات دي عجبتني...
يعني من هنا لي آخر الشهر أتوقع...
تأملات في الطريق... كلاكيت 33 مرة..
شيلو شيلتكم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: يعني من هنا لي آخر الشهر أتوقع...
تأملات في الطريق... كلاكيت 33 مرة..
شيلو شيلتكم... |
يا حليل السلع
كلاكيت 4 مرات في الشهر كل أسبوع حبة
يعني زي الكبسولات حبة كل ستة ساعات
أما 33 مرة دي معناها إنعاااااااش
يا رب رحمت
| |
|
|
|
|
|
|
|
|
|
Re: مربع كاي (Re: محمد آدم النور)
|
صبحكم الله بالخير
Quote: أما 33 مرة دي معناها إنعاااااااش
يا رب رحمت |
المره الجايه جيب معاك بصلة...
عشان لو أغمى عليك نفوقك بيها...
عالم حاسده...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مشاهد في الطريق _ كلاكيت تالت مره...
دخلت المطبخ و تناولت وعاء الزيتون الأخضر و الخبز الأسمر...
اكتفيت بهما كافطار بينما كنت أعد قهوتي الصباحية...
كانت الشغالة تمتم بكلمات لتنبهني بأنني أصدر أصوات تزعجها...
لم يثنيني ذلك من اعداد قهوتي بمزاج عالي بينما أقضم في شرائح الخبز الأسمر و أعقبها بحبات الزيتون...
كان اكل الخبز الجاف و زيت الزيتون في الماضي للفقراء...
الآن أصبح لانقاص الوزن بعد أن أستبدل الزيت بالزيتون الأخضر...
لبست بنطلوني الزيتي و قميص أهدتنيه ست بيتي منذ زمن ليس بالبعيد...
أردت أن أبلغها رسالة و لكني لا أدري ان كانت ما زالت تذكر انها أهدتني هذا القميص...
فان لم تذكر فان رسالتي لن تصل و سيضيع جهدي هباء...
خرجت بعد أن تمنيت لها يوما سعيدا...
قابلتني جارتنا مرة أخرى و هي تهم بالدخول الى العمارة بينما كنت خارجا منها...
نظرت مباشرة الى ساعتي فلا بد انني قد تأخرت قليلا اليوم...
ركبت سيارتي و انطلقت و ما زال مصطفى سيدأحمد يصاحبني...
لم أشأ أن أعكر مزاجي بسماع أي أخبار عن هذا العالم المليء بالقتل و الدم...
بحثت عنها داخل كل السيارات فلم أجدها...
لم يكن هنالك شيئا أحمر جميل غير زهور شجيرة الجيتروفا التي تصادفني أحيانا على جانبي الطريق...
و لكنني ظللت أبحث عنها حتى وصلت الى مفترق الطريق فاستسلمت...
و صرفني مصطفى سيدأحمد عن زحمة الطريق و هو يصدح....
الأيدى فى إيدها.. وإيدها بتبنى فى دنيا جديده اليوم راح تبنى ..
واريت غنواتى فى ناس شغالة ..
تكون سندالة وعود طورية ..
ضراع رجالة .. كتاب أطفاله..
وجملة فالها الما مكرية سدة مالها وبقة فالها ..
فى ليلة الدخلة على إسمى قضية حبيبة قلبى يا سودانية ..
يا أسمى معانى فى زول بيعانى يا ود ضكران يا بت دغرية ..
وانا إن سامعانى فضلت أغانى غبش فقرية وروح غانياني ..
هويتك منك يا دافعانى ..براحة يدى كما الأشواق
ويا جابدانى برفق على وما بتحير بين الفوق ..
وبين الناس التحتانية إلا مغير ولا عقوق ..
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: قابلتني جارتنا مرة أخرى و هي تهم بالدخول الى العمارة بينما كنت خارجا منها...
نظرت مباشرة الى ساعتي فلا بد انني قد تأخرت قليلا اليوم... |
لعلك وقفت أكثر من 5 دقائق أمام المرآة و أنت تنظر لهدية بت الشيخ
لعل بت الشيخ لم تعطتك جرعات معنوية عن القميص
و لا ندري هل هو القميص البنفسجي أم هو قميص بلون و طعم آخر
| Quote: بحثت عنها داخل كل السيارات فلم أجدها... |
تأخرك بسبب الرمرمة الصباحية
تلذذك بمناكفة الشغالة و تقالة دمك حرمتك من أن تجدها
الناس ديل عندهم مواعيد
سواء السيدة الأجنبية
أو البت السعمبوتية ديك
الغريبة في الكلاكيت بتاعاتك دي مافي شنب أنيق مر بجوارك
| |
|
|
|
|
|
|
|
|
|
Re: مربع كاي (Re: محمد آدم النور)
|
| Quote: الغريبة في الكلاكيت بتاعاتك دي مافي شنب أنيق مر بجوارك |
أجيب ليك شنب من وين أنا...
الا أعاين لي شنبي في المرايا...
الناس هنا عن بكرة أبيهم حالقين شنباتهم...
الشنب الوحيد اللاقاني الصباح كان واحد باكستاني سائق بص...
و علي العليهو عامل حادث مع واحد سايق أرمادا...
صرفت نظر عن الحادث خوفا علي المزاج...
و بالتالي صرفت نظر عن شنب الباكستاني...
رحمة بكم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مشاهدات على الطريق...كلاكيت رابع مرة
وجدت نفسها فجأة وسط السيارات المسرعة..
لم تعرف ماذا تفعل...
هل تمضي الى الآخر أم ترجع أو تبقى ساكنة في مكانها...
كانت بيضاء اللون مع بعض السواد و سلسلة أظنها ذهبية حول رقبتها...
هذا يدل على أنها تنتمي لعائلة غنية...
و لكن ما الذي أتي بها فجأة الى وسط الطريق السريع...
لا أظن أن مثلها عرف الجوع لتبحث عن شيء تأكله...
ربما هي الغريزة هي التي دفعت بها الى هنا...
فلعلها كانت تطارد فأرا فهرب منها لينجو برأسه و أختفى من ناظريها فحسبت أنه أتى الى هنا...
قادتها شلاقتها الى جهجهتها و لربما مصرعها...
سئمت الأكل المعلب الطري الغالي الثمن...
و ملت من الرقاد طول اليوم على فراشها الوثير ..
و ما أظنها طاردت فأرا يوما في حياتها و لا حتى قابلته...
و أظنها تستمتع و هي تجلس في أحضان سيدتها تشاهد معها توم و جيري...
لكنها الغريزة بقيت كامنة و لم تفلح حياة الدعة في محوها...
لا حظت أن السيارات التي أمامي تنحرف فجأة عن مسارها...
هدأت من سرعتي تحسبا لأي طاريء...
افتربت و ما زالت السيارات تواصل انحرافها الفجائي...
لصغر حجمها لم يكن يراها سائقوا السيارات الا في اللحظة الأخيرة فيتنجنبونها بصعوبة...
منهم من لا يريد دهسها عطفا عليها...
و منهم من يتطير بذلك و يخشى أن تكون فألا سيئا في بداية هذا اليوم...
فغالبيتهم يخشون أن يذهبوا الى أماكن عملهم ليجدوا على الطاولة خطاب انهاء الخدمات...
ربما اذا قاموا بدهس القطة فسيحدث ذلك على الفور...
الشر بره و بعيد...
ذلك المصري الذي كان انحرافه شديدا لا شك أنه كان يردد ذلك.. .
وجدت نفسي في مواجهتها بيضاء صغيرة جميلة ترتعش في مكانها من الخوف...
خشيت أن تتجرأ فجأة و تقرر الهرب...
أبطأت من سرعتي مع تشغيل انوار التنبيه...
و لكنها لم تتحرك فمضيت في طريقي...
ما أن وصلت الى مكتبي أخذت أبحث في النت عن أخبار الحوادث...
بحثت في كل مكان عن قطة تم دهشها بشارع الخليج العربي فلم يصادفني هذا الخبر...
و لم أجد كذلك أي مظروف على طاولتي...
لم أجد قصيدة تتناسب و هذا الكلاكيت غير....
لي قطة صغيرة سميتها سميرة
تنام في الليل معي و تلعب بأصابعي...
خليت الباقي لي جلا عشان يتمو...
| |
|
|
|
|
|
|
|
|
|
Re: مربع كاي (Re: الرشيد بابكر)
|
لله درك يا رش
كل الناس تشد على يدك على هذه الكتابات
فاحرز ... كيف أنا أشد على إبداعك؟؟؟؟؟
دعك من ذاك
بالمناسبة حسيت إنك منعت مني التشوق و الإستمتاع
عندما شرعت في إيضاحها وذلك من خلال الإقتباسات التالية
| Quote: فلعلها كانت تطارد فأرا فهرب منها لينجو برأسه و أختفى من ناظريها فحسبت أنه أتى الى هنا... |
| Quote: و ما أظنها طاردت فأرا يوما في حياتها و لا حتى قابلته... |
| Quote: ربما اذا قاموا بدهس القطة فسيحدث ذلك على الفور... |
عندها قصمت ظهر تفكيري
| Quote: خليت الباقي لي جلا عشان يتمو... |
يا ريت لو كنت خليت الكلام الزي دا
Quote: كانت بيضاء اللون مع بعض السواد و سلسلة أظنها ذهبية حول رقبتها...
هذا يدل على أنها تنتمي لعائلة غنية... |
و
Quote: سئمت الأكل المعلب الطري الغالي الثمن...
و ملت من الرقاد طول اليوم على فراشها الوثير .. |
ثم
Quote: و أظنها تستمتع و هي تجلس في أحضان سيدتها تشاهد معها توم و جيري...
لكنها الغريزة بقيت كامنة و لم تفلح حياة الدعة في محوها... |
و أخيراً
| Quote: لصغر حجمها لم يكن يراها سائقوا السيارات الا في اللحظة الأخيرة فيتنجنبونها بصعوبة... |
عندها كنت كملت ليك الباقي
أما الآن فعلى الدنيا السلام
طبعاً كلاكيت الجمعة و السبت حيكون عن
الشغالة أو الحلاق
أو جلكسات مهند و أمنية
مع بعض الشمارات أقصد البهارات من بت الشيخ
من غير قمصان هدية أو ربطة عنق ذهبية تشبة بتاعت أخونا هناي داك
عليه هذه مداخلة تشبة المسافة المقدرة
| |
|
|
|
|
|
|
|
|
|
Re: مربع كاي (Re: محمد آدم النور)
|
مساكم الله بالخير
Quote: بالمناسبة حسيت إنك منعت مني التشوق و الإستمتاع
عندما شرعت في إيضاحها وذلك من خلال الإقتباسات التالية
|
كان عندي نفس الرأي عندما قرأت المداخلة قبل أن أضغط على أضف رد...
لم أكن في وضع يتيح لي الكثير من الوقت للتحسينات...
كلاكيت اليوم قرب يروح شمار في مرقة مع زحمة يوم الخميس...
تريد أن تشطب كل عمل هذا الأسبوع لتبدأ الأسبوع القادم من جديد...
و استطعت أن ألقى لي فرقة في آخر لحظة فكان هذا الكلاكيت...
نعتذر عن افساد التشويق و الاستمتاع بالكشف مبكرا عن الكديسة...
لكن كان اما الكشف عن الكديسة أو كشف الحال...
كشف الحال المقصود بيهو عدم عمل الكلاكيت لهذا اليوم...
أشكرك يا حبيب على مرورك الدائم الذي يسعدني كثيرا...
و شكرا على توجيهاتك المفيدة جدا...
تحياتي لصديقتي انتصار..ثم لك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
طلع البدر علينا من ثنيات الوداع
وجب الشكر علينا ما دعى لله داع
أيها المبعوث فينا جئت بالأمر المطاع
جئت شرفت المدينة مرحباً يا خير داع
أسمى التهاني و التبريكات بمناسبة السنة الهجرية لكل رواد المربع...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
القليل من رزاز المطر هذا الصباح...
و كذلك انخفضت درجات الحرارة بضع درجات...
الا أن الجو بالنسبة لي ما زال ربيعيا فلم ألبست غير لبسي المعتاد...
تأخر الكثيرون في الخروج ثم خرجوا جميعهم مرة واحدة فأحدثوا ازدحاما غير معتادا في الطرقات...
رشفت عدة رشفات من فنجان القهوة الذي أعدته لي ست بيتي ثم خرجت..
اعتكفت الشمس هذا الصباح فلم تطل كالمعتاد من وراء الأفق...
الأمر الذي دعا أصحاب السيارات الى اضاءة أنوارها...
كان الازدحام يحتم علي القيادة ببطء...
كانت فرصة لأكل الساندوتش الذي أخذته معي بداعي التأخير...
أخبار سوريا تتصدر نشرات الأخبار جميعها...
و بعض من أخبار مصر ..من سيشكل الحكومة في مصر...
هل هو الجنزوري أم البرادعي...
الأسماء قد توحي اليك بأنها انتخابات للكنيست الاسرائيلي...
قضيت على الساندوتش و أنا ما زلت في بداية الطريق...
لكنني لم أقرب ناحية التفاحة التي في حقيبتي...
فهي تنقذني من احساسي بالجوع بعد صلاة الظهر....
فالنهار طويل و أنا لا أرجع البيت الا عند الرابعة...
ضحكت لمقترح فرنسا بعمل مناطق انسانية داخل سوريا...
مسمار جحا فرنسي في البيت السوري...
أنا ضد التدخل الأجنبي في شئون الدول و الشعب السوري قادر على أخذ الأمر بيده...
أشعر بالارهاق هذا الصباح...
كانت أمنية تمارس الابتزاز كل جمعة عندما كنت بالسلع...
فأصبحت الآن تبتزني كل يوم...
حاولت جاهدا وضع حدا لذلك فأعيتني بحيلها الكثيرة...
ياااااااااااااااه يبدو انني قد تقدمت في العمر رغم مكابرتي...
يا بابا ماما قالت انكم بعدين حتمشوا تقعدوا في السودان و أنا و مهند نقعد هنا....
شعرت و كأن الحياة تمضي بي حتى أجد نفسي يوما في دار للعجزة ...
هل هذا الجيل قاسي القلب أم أن الزمان زمان مختلف VERY PRACITICAL كما يقولون...
لماذا ينشغل الأبناء بآباءهم.. يطعمونهم و يغسلونهم و ربما يبدلون لهم ملابسهم...
بينما يمكن أن يقوم آخرون بذلك مقابل أجر بسيط...
يبدو ان ست بيتي فطنت مبكرا لذلك فقالت لهم أنا حأعيش هنا الى الأبد...
أبنائي يستخدمون مصطلح الى الأبد بدلا من قولهم مدى الحياة فأصبحنا مثلهم ...
أنا أيضا أتمنى أن أعيش هنا الى الأبد و لكن كيف السبيل الى ذلك...
فكلما أشتاقه هناك اما قد اندثر أو قد تجاوزته عمريا...
البرادعي يعلن تنازله عن الرئاسة ليتولى تشكيل حكومة انقاذ...
ما الذي يجعل الثوار في مصر يعتقدون أن البرادعي يختلف عن المجلس العسكري...
أنا أرى أن الفرق بينهم هو اللبس الكاكي و النجوم و النياشين...
لن تستطيع مصر أن تبقى في حالة ثورة دائمة...
و الا ما فائدة الثورة اذا لم تؤدي الى استقرار...
تلك الفتاة التي تقود البورش خلفي أظن أنها تحتمي بي...
فأين ما ذهبت أجدها ورائي...
حتى انحرفت يمينا الى الطريق الذي يؤدي الى مكتبي...
عندما أوقفت سيارتي أمام المكتب زال عني التوتر الذي سببه لي الزحام...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: تلك الفتاة التي تقود البورش خلفي أظن أنها تحتمي بي... |
كده بقو تلاتة .....
كل سنة وانت طيب الى الابــــــــــد ...
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
كل عام و أنت و الأسرة و ضيوف و زوار مربع كاي بخير و صحة جيدة
عارف يا رش
مرات بحس إنك قاعد تستنكحني ... وتكتب ليك في حاجات عشان أجي أعلق
و أنا ألذ حاجة عندي إنك لو داير تستمتع أن تقرأ ما بين السطور
أي زول ما قرا ما بين السطور حتى و لو الكاتب زاتو حقو يراجع قراءتو و كتاباتو
إتضح لي إنك ما روتيني
قول لي كيف!!!!!
القهوه إعدادها ليس روتيني
يعني مرات بي نفسك مع مناكفة الشغالة
و مرات بت الشيخ وهنا بتكون تمتمت بأوراد قد تكون حفظتها من زولكم الحواط داك
أو ربما تمائم البت الكسلاوية الغائبة ديك ..و الأخيرة دي لو قابلتها ما تسلم عليها
في رأي المتواضع جداً
أن تبدأ بي إبتزاز أمنية
خاصة و أنك مرهق صباح ذاك اليوم
و أن عدة رشفات من قهوة بت الشيخ ستعيد النشاط مرة أخرى إلى ما هو عليه
مع صحبة رزاز مطر ذاك الصباح...
مش قلت ليك إنت ما روتيني
أكل الساندوتش الصباحي ما عندك ليهو طقوس
مرات في البيت مرات في قدام باب العمارة مرات في المكتب مرات في العربية
دا ساندوتش و لا كلمات متقاطعة؟؟
Quote: و بعض من أخبار مصر ..من سيشكل الحكومة في مصر...
هل هو الجنزوري أم البرادعي...
الأسماء قد توحي اليك بأنها انتخابات للكنيست الاسرائيلي... |
دي قوية تشبيه في مكانو
أكتفي لغاية هنا حتى لا أفسد للبقية التعليق
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: ده ساندوتش و لا كلمات متقاطعة؟؟ |
حلوة دي...
أضحكتني حتى سالت دموعي...
سعيد بأنك تقرأ حتى ما بين سطوري...
لتجنب الروتين ربما تلاحظ عدم تسمية مداخلة اليوم بكلاكيت...
أحاول كسر الروتين قدر الامكان رغم صعوبة الأمر....
فالحياة هنا في عمومياتها و تفاصيلها روتينية جدا...
فالبلد رغم جمالها و نظافتها و ترتيبها الا أن البرامج محددة و مكلفة في نفس الوقت....
أضف الى ذلك عملي و عمل ست بيتي المرهق جدا...
يجعلنا نستغل أجازاتنا الاسبوعية في النوم و الراحة....
ان لم تكن مرهقا جسديا تجد نفسك مرهقا نفسيا و ذهنيا...
هذا البوست أصبح متنفس رحيب بالنسبة لي...
لأني ألتقي فيه بناس زيكم...
يجملون أيامي بالونس اللطيف و الكلام الجميل...
أشكركم حتى تستغيثوا....
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
الشاويش جار الله
هي يا جار الله تعال شيل لي الجردل ده كبو لي في البرميل...
خلينا نملا البراميل دي قبل الموية ما تقطع...
يا وليه ما تنادي واحد من أولادك يشيل ليك الجردل...
شنو شابكاني يا جار الله يا جار الله..انتي قايلاني لسه جار الله بتاع زمان...
أخذت تتمتم بصوت منخفض..جار الله بتاع زمان بنبطح جنس انبطاحتك دي...
من سرير لي عنقريب...لا شغل و لا مشغله...
جار الله أو الشاويش جار الله خدم في البوليس لفترة طويلة...
و عندما بلغ به العمر مبلغا نزل المعاش...
قام بتغيير عمره في أوراقه الثبوتية عدة مرات لكي يمدد خدمته ..
و ظل يعمل في وظائف ادارية بقسم الشرطة حتى أصبح غير قادر على العمل...
ابنه الأكبر أحمد يعمل في أحد البنوك بالخرطوم و تزوجت نوار الابنة التي تصغر أحمد...
مصطفى تخرج ملازما في كلية الشرطة و يعمل الآن بالمجلد...
بينما لا زال محمد و رحاب يدرسان في المدرسة الثانوية...
لسبب أو لآخر كان هنالك تقارب شديد بين جار الله و ابنه مصطفى...
كان يرى فيه نفسه عندما كان في مثل سنه...
كان يؤجج حنينه الى الكاكي فكلما يرى مصطفى تذكر بداياته الأولى في البوليس...
وكان يفتخر بابنه كثيرا في كل المجالس و المناسبات التي يذهب اليها...
هو رجل ينجذب الناس اليه لخفة دمه و حكاويه الكثيرة التي لا تنفذ...
بعض هذه الحكاوي حقيقي و البعض الآخر يؤلفه جار الله بمهارة قاص...
يحكي عن كيف قبض على عتاة المجرمين و زج بهم في السجن....
و كيف طارد لصا مشهورا حاول الهرب منه و لحق به خارج حدود المدينة...
و آخر حاول طعنة بسكين كان يحملها و سبب له جرحا في كتفه...
و يقوم برفع جلبابه ليشاهد الناس الجرح الذي تم قطبه ثلاثين غرزة...
و رغم الجرح و الدم الذي كان ينزف بغزارة استطاع أن يصرعة و يجرده من سكينه..
أما رفيقة دربه احسان فهي لا تطيق أن تسمع حكاويه...
فلقد ظلت تسمعها منذ ما يزيد عن الثلاثين عاما...
و أصبح جار الله يكرر نفسه كثيرا بعد أن نزل المعاش و جلس بالبيت....
و كثرت المناقرات بينه و بين احسان...
يتشارك أحمد و مصطفى في الصرف على عائلتهم...
كانا يخصصان لهما مبلغا يكفي معيشتهم ...
اضافة الى المعاش الضعيف الذي يتلقاه جار الله نظير خدمته الطويلة....
رغم خفة دم جار الله الا أن له شخصية قوية اكتسبها من عمله في الشرطة...
و ظل حتى بعد التقاعد يعرف نفسه للآخرين بالشاويش جار الله...
أراد جار الله زيارة ابنه أحمد بالخرطوم بعد أن أتفقا على ذلك في زيارة أحمد الأخيرة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
كان يراجع طبيبا في الخرطوم لعلاج البروستاتا...
لم يخبر احسان بهذا الأمر و طلب من ابنه أحمد بأن لا يخبر أحدا...
كان يخشى أن يقلل هذا من مكانة الشاويش جار الله...
أخبر احسان بأنه ذاهب للاطمئنان على ابنه في الخرطوم...
أخذ حقيبته الصغيرة و ركب الحافلة المتوجهة الى الخرطوم...
عندما صعد جار الله الى الحافلة كان ينوي الجلوس في المقاعد الأخيرة لينام حتى الخرطوم...
لكنه رأى رجلا عرفه من الوهلة الأولى رغم اللحية الكثة فجلس في أول مقعد خالي وجده...
بعد أن تحركت الحافلة مدد جار الله رجليه قدر المستطاع و سلم نفسه للنوم...
و لكنه سمع أحدهم يناديه من المقاعد الخلفية..
شاويش جار الله...يا شاويش جار الله...
عرف الصوت فتجاهله و لم يدر رأسه ناحية الصوت...
سمع الرجل في الخلف يتحدث الى آخر يجلس جواره...
يا أخينا عليك اللله ألفت لي الراجل الكبير القاعد جمبك ده...
عندما سمع جار الله ذلك ادعى استغراقه الشديد في النوم ...
و لكن رغم ذلك وكزة جاره عدة مرات حتى اضطر جار الله الى الالتفات اليه...
يا حاج الزول القاعد وراء هناك بيناديك...
التفت جار الله الى حيث يجلس الرجل دو اللحية الكثيفة بعد الالحاح الشديد منه...
يا شاويش جار الله كيف حالك متذكرني و لا نسيتني...
انت معاي أنا..جار الله منو و شاويش منو...
يا شاويش جار الله أنا ما بعرفك كمان.. أنا وسط مليون واحد أطلعك...
يا زول يخلق من الشبه أربعين...
يا شاويش...يا يا ...يا حاج...يا جار الله...
اشاح جار الله بوجهه عن الرجل و أسند ظهره على الكرسي و اغمض عينيه مدعيا النوم...
الزول ده الجابو هنا شنو...من بين كل الباظات ما أركب الا الباظ ده...
و من بين كل الناس ما يلاقيني الا دابي الليل...كتال الكتله...
أكتر زول تعبني و طلع روحي في البوليس...
أنا بعرفو كويس قلبه أسود..ما بينسى لي اني دخلته السجن عشره سنين...
توقفت الحافلة في احدى المحطات و نادى السائق في الركاب سنتوقف لعشرين دقيقة...
من أراد أن يأكل أو يصلي الظهر فليفعل...
بقي جار في مكانه حتى ينزل كل الركاب ...
مر به دابي الليل و توقف عنده و دقق فيه ...يا زول والله انت شاويش جار الله...
يا زول انت مجنون ..ما قلت ليك أنا ما جار الله...
بعد أن نزل كل الركاب من الحافلة ترجل جار الله و توجه مباشرة الى حيث تجمع الناس للصلاة...
ووقف في آخر الصف ليؤدي الصلاة...
عندما فرغ جار الله من الصلاة كانت دهشته عظيمة...
فلقد كان دابي الليل هو من يؤم المصلين...
جلس في خشوع في مقابل المصلين و في يده مسبحة طويلة ...
و دمعت عيناه حين دعاء الله بأن يتوب عليه و على المسلمين أجمعين...
دابي الليل ما معقول...ما بصدق الأنا شايفو ده...
تقدم جار الله الصفوف و جلس بالقرب من دابي الليل...
ياخي أنا الشاويش جار الله...
و مالك نكرت تب قبيل..بقيت تخاف يا شاويش جار الله...
أنا عاد بقدر أصارعك بعد العمر ده كمان يا دابي الليل...
علي الحرام بعد سبحتك و دقنك و وقفتك قدام الناس دي قلبي لسه ماكلني...
ضحك الرجلان و احتضن كل منهم الآخر ...
| |
|
|
|
|
|
|
|
|
|
Re: الشاويش جار الله (Re: عبد الدائم سيد أحمد)
|
صبحكم الله بالخير
شكرا يا ديدو...
يديك العافية و يسكنك الصافية...
في الأول لما شفت مداخلتك ما ركزت..
قلت يا ربي المداخلات الفاضية دي موضة الأيام دي و لا شنو...
زي الصلعة الأيام دي...
أي واحد عندو شوية جلحات عمل صلعة...
لحدي ما بعد داك زالت الغشاوه و شفت كويس...
تسلم يا حبيب على المرور و التشجيع...
| |
|
|
|
|
|
|
|
|
|
Re: الشاويش جار الله (Re: الرشيد بابكر)
|
سلامات يا ناس
يا حبيب ...سلام
ياسلام على الشاويش (جار الله)
وانا بديت افتش فى دلالات الاسم :
شكرا على القصيدة وههى بالمناسبة حبيبة الى قلبى
ولى معها ذكريات مع مصطفى وفرحات.
شكرا تانى.
| |
|
|
|
|
|
|
|
|
|
Re: الشاويش جار الله (Re: محمد صديق)
|
Quote: شكرا على القصيدة وههى بالمناسبة حبيبة الى قلبى
ولى معها ذكريات مع مصطفى وفرحات.
|
مساك الله بالخير يا كوتش
و أنا أيضا..
قل ما أسمعها هذه الأيام...
و لكن كلما أسمعها تجتاحني ذكريات حبيبة...
أيامي الأولى بمصر هناك بالقاهرة في حي لاظوغلي...
قريبا من وزارة الداخلية و سوق الاتنين...
كانت بداية التكوين الثاني...
و أناس التقيهم لأول مرة...
و هاشم ميرغني..أسبوع تمام أنا كنت عايش في الخيال...
شكرا على المرور يا كوتش...
| |
|
|
|
|
|
|
|
|
|
Re: الشاويش جار الله (Re: الرشيد بابكر)
|
صبحكم الله بالخير
جمعتكم مباركة...
كنا في فصل الشتاء و كان الجو باردا ذات صباح يوم جمعة...
استيقظنا باكرا و بعد أن فرغنا من تناول الشاي ركبنا في سيارة أبي الأوبيل البيضاء...
توقف أبي في الشارع المزدحم أمام ملجة الخضار بمدينة ود مدني...
كعادته وزع علينا أبي الأدوار..
انت جيب السلطة و انت جيب ليك ربطتين ملوخية و انت كذا و انت كذا....
كان ما يليني ربطة قصب السكر...
فلقد كنت أحرص عليها تماما و لا يمكن أن أخرج من الملجة بدونها...
أختار القصب أحمر اللون و أتجنب الأخضر منه فالأول شديد الحلاوة...
تفوح من القصب رائحة السكر المخمر و الطين...
ثم أقف مع البائع حتى يقوم بتقطيع الربطة الكبيرة الى قطع صغيرة...
ثم يحزمها و يقوم بنقلها الى حيث تقف عربية أبي...
عندما نصل الى البيت نجد أمي قد أعدت فطور الجمعة..
و الذي يتكون من العصيدة بملاح النعيمية أو التقلية مع الشعيرية و السكسكانية...
لم نكن نهتم كثيرا بالفطور فربطة القصب تنظرنا في الحوش الخلفي...
نجتمع أنا و اخوتي حول طشت الغسيل و ربطة القصب الملقاة بجانبه...
ثم نبدأ في تقشير القصب و من ثم أكله...
كان القصب باردا من فرط برد الشتاء فيصبح أكثر لذة...
عند تقشيره يسبب لنا جروح في الفم و الشفاه و الأيدي أيضا...
و لكن ذلك لا يوقفنا من التلذذ بأكله...
أشتاق الى ربطة قصب كبيرة و طشت غسيل كبير برضو....
و حوش...
| |
|
|
|
|
|
|
|
|
|
Re: الشاويش جار الله (Re: الرشيد بابكر)
|
خير جليس في الزمان كتاب
فالكتاب قد يكون مربع كاي أو أي حاجة مكتوبة
قد تبعدك و لو قليلاً من إرهاق التفكير في الأمور الحياتية اليومية
لا أدري من أين أبدأ و لكنني أنا مستمتع حد الدهشة
رفضت التعليق ليس تعالياً
و لكن قلت أفسح المجال لغيري في كتابة ما يحسه و بعدين أجي أكتب كلامي
لكن ربما تأخروا بسبب ما
و خشيت أن تأتي بالتوأمة الأخرى و لم تجد تعليق يعينك في إسترسال كتاباتك
بالرغم من أنني على قناعة تامة بأنك تكتب لتمتع نفسك أولاً و من ثم الآخرين إلا من أبى
و لكن من يأبى من المتعة الحسية و النفسية!!
على أية حال ليس أنا
قراءتي للصورة أنها تصلح لكل مخلوقات الله في الأرض (ذكور و إناث) و بذات وصف الأمكنة، الأزمنة
و أن دور الطبيعة في جعل الصورة المكانية و الزمانية تزيد من بهاء و جماليات الوصف
و هذه الجماليات ما هي إلا هبة من الله
و وصفها بذات الشكل تحتاج لتصور واسع و خيال جميل و خصب
ربما يكون الرشيد أو طائر الغرنوق
أيضاً التدثر بالألوان المختلفة اللون الأبيض، البنفسج، الأحمر، ....إلخ
يأتي نتيجة أمزجة المقصود بالوصف أو نعمة الله على مخلوقاته
كما حديث النفس للنفس و النظرات الخجولة و طأطأة الرؤوس
قد يقوم بها الطاؤوس أو أي بني آدم لافي أو غيرة
و هناك أكثر من توائم في هذا الكون الشاسع
حاجة واحدة تميز البني آدم من مخلوقات الله الآخرى على ما أعتقد هي هذه الجملة
| Quote: فلقد أصبح يجمعهما سقف واحد في أحد أحياء المدينة... |
I am pleased to be here
| |
|
|
|
|
|
|
|
|
|
Re: الشاويش جار الله (Re: الرشيد بابكر)
|
لقيتك حريف ...
فعلا قصب السكر الأحمر ....
أحلي من قصب السكر الاخدر .....
بس يا رشا ... انا كنت بحب العنكوليب ... بتعرفو ...
لانو خفيف وسهل التقشير ...
مافيهو مشاكل كتيرة عند التقشير ... كما ذكؤت ...
Quote: لم تفلح المدينة في محو صورتها من عينيه...
كان يراها في كل الناس و كل الأشياء...
لا التنانير القصيرة و لا البلوزات الضيقة أفلحوا في محو صورتها من خياله... |
علينا الاستمتاع ....
ونترك التحليل والنقد ... لجلا ... والكوتش ...
| |
|
|
|
|
|
|
|
|
|
Re: الشاويش جار الله (Re: ياسر نجيلة)
|
مساكم الله بالخير
Quote: ولكن قلت أفسح المجال لغيري في كتابة ما يحسه و بعدين أجي أ:تب كلامي
لكن ربما تأخروا بسبب ما |
قلت لي كنت قايل انهم مهما تأخروا فانهم يأتون...
من الحلفايا أو من جبيل الطين...
لكن خذلوك الجماعة يا حبيب..
| Quote: بالرغم من اني على قناعة تامة بأنكلتمتع نفسك أول و من ثم الآخرينا |
ده كلام صحيح مية المية...
لكن عارف تزداد متعتي لما يجي واحد يكتب زي الكلام الجميل البتكتبه انت...
لدرجة اني أِشعر ان الرد يفوق ما كتب أصلا...
| Quote: كما حديث النفس للنفس و النظرات الخجولة و طأطأة الرؤوس |
حدثتني احدى الصديقات ان زوجها و هو أخ و صديق أصبح لا يتحدث كثيرا...
فجملة ما يقوله في أسبوع كامل لا يتعدى بضعة كلمات...
قلت ليها الحال من بعضه...كلنا وصلنا لي نفس الحالة...
في اليوم التالي و كأن ست بيتي كانت معنا قالت لي بقيت ما بتتكلم كتير...
قلت ليها الفي القلب في القلب...
هي طبعا الجملة دي حمالة معاني...
لكني و الشهادة لله كنت أقصد ان المشاعر لم تتغير...
و لكن الحياة أدهشتنا بايقاعها السريع فألجمتنا...
من وحي كل هذا كتبت نصا صامتا ليس فيه غير جملة واحدة...
يا حبيب أنا أستمتع جدا بمروركم و كتاباتكم هنا...
و مهما بلغت درجة استمتاعي بالكتابة الى نفسي...
ما كنت استطعت الاستمرار لولا مروركم...
| |
|
|
|
|
|
|
|
|
|
Re: الشاويش جار الله (Re: الرشيد بابكر)
|
| Quote: بس يا رشا ... أنا كنت بحب العنكوليب ... بتعرفو ... |
يا حاج ياسر..أنا كان ما عرفت العنكوليب البيرفو منو...
أنا كنت مزارع بشهادة...
ما تشوف الحنكشة بتاعت أبو ظبي دي...
يا حبيب أنا أستمتع أكثر بمروركم و تعليقاتكم...
تشعرونني دائما بأنني كاتب كبير...
و أنا عايش على كده...
سعيد جدا بأن يكون لي متابعين و لو كانوا على عدد أصابع اليد الواحدة أو يقلون...
يديك العافية و يتني ليك حجتك...
قول آآآآآمين...
| |
|
|
|
|
|
|
|
|
|
Re: الشاويش جار الله (Re: محمد صديق)
|
يا كوتش..بصراحة لقيتك انت أخطر من زهير...
ياخي تجينا تكتب ليك كلمتين و تمشي...
الكلام ده ما مقبول يا كوتش...
ما تخليني أحرش ليك بكري يطلع في ضهرك و أخليك تعمل 50 Push up...
يا حاج ياسر...آمين ...آآآآآآمين
ان شاء الله نجتمع و لو في حج سريع...
| |
|
|
|
|
|
|
|
|
|
Re: الشاويش جار الله (Re: الرشيد بابكر)
|
هوووويا بتاعين العنكوليب انتو
نحن ما بنعرف الحاجات دى
ممكن يا نجلية تنزل لينا صورة
عندنا صاحبنا ساكن الامتداد محطة سبعة
سواق حافلة من التسعينيات شاب وجيهه وانيق
بيعشق الجكس و بحب قصب السكر
كل ما يجكس واحدة يعرسوها
اها قاعد ليوم الليلة بياكل فى قصب السكر فى محطة سبعة
الايام دى قالو مجكس واحدة من بتاعين ( النفايات )
بعد ما ضايقتو فى حتة رمى قشر القصب فى الشارع
| |
|
|
|
|
|
|
|
|
|
Re: الشاويش جار الله (Re: عبد الدائم سيد أحمد)
|
قصب سكر وعنكوليب وقشر تسالى ...؟
يا اخونا انتو قاعدين فى مربع كاى .. زهور وورود وحاجات تانية حاميانى ...
قايلين نفسكم قاعدين فى مساطب استاد زريبة العيش ؟؟
طبعا الرد كاسل ما بيتقارن هنا لانو كراسى وثيرة وجميلة احمر اصفر زى شفق المغارب ...
*******
وبعدين يا ديدو المابتعرف العنكوليب ده ...
والله انت داير ليك فلقة بى دليبة فوق راسك المقوقس ده .. ما تحكها ياخى
خلاص تعال شايل ليك مصاصة ولا حلاوة حربة ولا حلاوة ... شنو ... سكينة ديك ما متذكرها ..!!
زولك بتاع قصب السكر ده ذكرنى واحد صاحبنا كان من رواد مربع كاى
وكان برضو بيعشق اتنين .. خلط الجكس وتدخين الكليوباترا ...
اها برضو كل ما يعجب بى واحدة يجو يجكسوها منو
آخر الايام بطل الخلط والكليوباترا وبقى شايل ليهو حقة سعوط ..!!
| |
|
|
|
|
|
|
|
|
|
Re: الشاويش جار الله (Re: محمد عيد)
|
وكان برضو بيعشق اتنين .. خلط الجكس وتدخين الكليوباترا ...
اها برضو كل ما يعجب بى واحدة يجو يجكسوها منو
آخر الايام بطل الخلط والكليوباترا وبقى شايل ليهو حقة سعوط ..!!
ممكن تدينا أمارة يا حمادة...
نرحب بعودتك بعد غيبة طالت...
| |
|
|
|
|
|
|
| |
الرشيد بابكر
عبد الدائم سيد أحمد
زهير الزناتي
محمد صديق
عمر المهدى
ياسر نجيلة
منصور عبد الرازق
نجاة حوفي
محمد آدم النور
محمد عيد
فيس بوك
تويتر
انستقرام
يوتيوب
بنتيريست