|
|
|
 Re: مربع كاي (Re: محمد صديق)
|
مساكم الله بالخير
أكثر ما أعجبني في مباراة المريخ و الفريق النيجري مساء اليوم هو منظر الأمطار و هي تتساقط...
جو خريفي بديع جعلني أشعر و أنا محبوس داخل سكني و كأني أجلس تحت هذه الأمطار...
أريد فقط أن أقول انني عدت...
و العود أحمد...
| |
 
|
|
|
|
|
|
|
|
Re: مربع كاي (Re: محمد صديق)
|
رشا كل الفية وانت طيب والمربع بخير
عقبال الالفية العشرين يا رب يا كريم
قلنا نهى بالافلية الثانية لحدى ما نرجع بعد ما (ننجم) من تعب كاس العالم
| |
|
|
|
|
|
|
|
|
|
Re: مربع كاي (Re: مجتبي فاروق)
|
مجتبى أسعدتني طلتك...
مرحب بيك في الألفية الثالثة للبوست و التي نتعشم أن تكون فارسا من فرسانها...
تثري بثقافتك و ظرافتك صفحاته...
و تنداح كما شاء لك الاندياح...
لك كل تقديري على المرور الجميل...
| |
|
|
|
|
|
|
|
|
|
Re: مربع كاي (Re: سامي عبد الوهاب إدريس)
|
أهلا بسامي الأنيق في مربع كاي...
لقد أضفت الينا أناقة...
نحتفل بمرورك بي ابتسامحة و ضحكة فرح...
كرر المرور و السلام...
و يا حبذا لو توهطت في احدى المرات و أطلت البقاء...
| |
|
|
|
|
|
|
|
|
|
Re: مربع كاي (Re: الرشيد بابكر)
|
الأيام دي الحاج جلا هيج أشجاني بي صور المطر و الخريف...
و خلاني أشتاق لي خواضه في موية مطره بعد ما تصب ليها ساعتين تلاته....
تمرق و المطره لسه بتنقط و تخوض في الموية...
كنت أحب المطر و الخوض في مياه الأمطار عندما كنت صغيرا...
و من منا لم يردد ساعة نزول المطر يا مطيره صبي لينا في عينينا...
و لأني عشت في أماكن متفرقة في السودان فلكل منطقه نكهة مختلفة للخريف...
و لكل مطره و خواضه تأثير يختلف بحسب المكان...
فالأمطار في غرب السودان رائعة و بديعه و لا تخلف وراءها الا الجو الجميل و الخصرة...
و ذلك بحكم التربة الرملية في كردفان حيث عشت ردحا من الزمان...
أما في الجزيره و التي أتيتها صبيا يافعا و باهتمامات مختلفة وكنت أكثر نضجا...
استصحبت معي حبي للخوض في مياه الأمطار و لكن بدون ترانيم و أغاني...
فلقد كبرت على ترديد يا مطيره صبي لينا...
في الجزيرة يصعب كثيرا الخوض في مياه الأمطار نسبة للأرض الطينية ...
فتوقفت عن تلك الهواية المحببة مجبرا...و أصبحت لا أخوض مع الخائضين...
و الجزيرة عندي مرحلتان..مرحلة الطفولة و المرحلة العملية...
و أمطار الجزيرة في المرحلة الثانية تسببت لي في كثير من المتاعب...و الخسائر أيضا..
فعندما عملت بعد تخرجي مباشرة في الجزيرة في رش مبيدات الحشائش قبل زراعة القطن...
كانت الأمطار المبكرة في منتصف يونيو تعوق عملنا و نضطر للتوقف عن العمل حتى تجف الأرض...
و ذلك لأن رش مبيد الحشائش يجب أن يكون على أرض جافة...
أضف الى ذلك صعوبة التنقل من مكان لآخر...و حتى التنقل تصحبه الكثير من المخاطر...
فالعربات تسير على حواف الترع (الميجر) في ما يعرف بالاسكيب..
و كان هذا يسبب لي ضيقا شديدا لأن سأجبر على البقاء لفترة أطول...
في حين كنت أود أن أنتهي من عملي وأرجع بسرعة الى الخرطوم...
أما عندما عملنا في أبو زمام كانت ترعة أبو زمام هي آخر ترعة بالقسم الشمالي لمشروع الجزيرة...
و عادة في فصل الخريف و نتيجه للأمطار الغزيرة لا يحتاج المزارعين الى ري أراضيهم..
فتمتلئ الترع بالمياه الأمر الذي يؤدي الى أن تنكسر الترع التي في الآخر...
و كان هذا يحدث لنا كثيرا,,,
و حدث ذات ليلة كنا نائمين صحونا و المياه قد علت حتى وصلت الى مستوى السرير...
و طفحت أحذيتنا في المياه و جرفت الى مسافات بعيده...
استدركنا بعد أن أفقنا من الصدمة أن الترعة قد انكسرت...
حاولنا اغلاقها بكل وسيلة ممكنه و لكننا فشلنا...
أذكر يومها انني وضعت جسدي في احدى الفتحات حتى نتمكن من اغلاق الترعة...
مثلي مثل تلك الفتاة في القصة التى تروى عن السدود في هولندا...
أما مطرة الخرطوم فكانت مطره مسيخة و بايخه مقارنة بغيرها...
و كنت لا أحبها أبدا لأنها توقف نشاطي الرياضي لفترة طويلة...
و عندها كانت كرة القدم تمثل جزءا مهما جدا في برنامجي اليومي...
و يا مطيره صبي لينا في عينينا...
| |
|
|
|
|
|
|
|
|
|
Re: مربع كاي (Re: مني عباس)
|
| Quote: وصلت الى ارض كندا الاخت هدى عباس المبارك....عاد شوف ليك بلد امشيها!!!!! |
منى العزيزة صباح الخير بتوقيتنا و مساء الخير بتوقيتكم...
شكلي كده حأتجنب هدى لمدة سنه كده لحدي ما نمشي اجازه في الصيف القادم...
المشكله الاجازه لازم تكون سويسرا أو أسبانيا...
في المباراة النهائية لكاس العالم بين هولندا و أسبانيا...
أمنية بتشجع هولندا عشان اللون البرتقالي و مهند بيشجع أشبانيا عشان أنا قلت ليهو أشبانيا حتفوز...
قلت ليهم لو فازت هولندا حنمشي الاجازه هولندا و لو فازت أسبانيا حنمشي أسبانيا...
طبعا فازت أسبانيا و بعد المباراة مباشرة مهند قال لي حنمشي أسبانيا بتين يا بابا...
الظاهر علي حأقوم أوفي بوعدي للعيال عشان أضرب عصفورين بحجر واحد...
| |
|
|
|
|
|
|
|
|
|
Re: مربع كاي (Re: الرشيد بابكر)
|
السلام عليكم يااصدقايعني الواحد لمايختفي مافي اي زول يشتغل بيهوولايسال عنو المهم اناموجودواحاول التواصل باذن اللة تقبلوا سلام لاخوة معاوية يحي شاويش تجارة صديق الصادق حقوق
| |
|
|
|
|
|
|
|
|
|
Re: مربع كاي (Re: زهير الزناتي)
|
وين يا أبو الزوز ياخي...
مشتاقين عديل كده...
طولنا منك و من قعداتك الظريفة...
شاي شنو يا زول...
يا زول جر ليك خروف أضبحو بسرعة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يااخ جلاكيف الحال لوظائف مناسبة جدا لكن تلفونك مالاقيهوعلي العموم دة تلفوني 0904275229 ارجوالاتصال عشان نتفق واناعرفت انك في الدمازين من الاخ الرشيدبابكر في انتظارك
| |
|
|
|
|
|
|
|
|
|
Re: مربع كاي (Re: محمد المرتضي)
|
مساكم الله بالخير
في كل مرة أفتح فيها هذا البوست يكون ذلك اثر رغبة ملحة في كتابة شيء ما...
أو ردا على مداخلة ما من صديق أو صديقة...
الا هذه المرة...فلقد فتحت البوست ثم أخذت أبحث عما أكتبه...
فوجدت ان عقلي و خيالي أفرغ من فؤاد أم موسى...
فقلت هي فرصة اذا لنسأل عنكم و نتفقد أخباركم حتى يأتي الفرج...
أين أنتم ؟؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا مربعي العزيز يا أول و آخر....
بحلف بي حياتك و بي حبك بجاهر...
سامحنا مقصرين معاك...لكن نعمل شنو...
ترمومتر الجن ده قدر ما نحاول نرفعو ينزل في الواطه...
ترمومتر المعنويات و الدوافع...نازل...نازل...نازل...
و كان سألتني السبب شنو أقعد أفتش سماء أرض ما ألقى لي سبب...
و قلت أجي أفتو ليك غايتو...يا ساعدتني...يا غتستها زياده كمان...
كان لي الصحه...أححححمد الله زي البمب...و مافي شيتا بشتكي منو الحمد لله..
و كان لي الشغل أححححمد الله و أشكر فضله...
و كان لي الأولاد ربنا يحفظهم و يغتي عليهم الحمد لله طيبيييين...
و كان لي أم العيال...أها دي كمان كوم و الدنيا كلها كوم...
أنا كان قعدت أشكر الله و أحمدو عليها طول العمر أكون مقصر...
يعني بفضل الله علي ما ناقصني شيتا تب....
الا نزول المعنويات دي ما عارف ليهو سبب...
كدي نجرب لينا طريقة جديده نرفعها بيها و نجيكم تاني....
بس أبعدو مني الجنى أبو كلاما ملصق ده...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
قلنا wellcome ما اشتغلت بينا
غبنا زى اسبوع كده ولا كأنو فى حاجة
التلفون زاتو وقف..
| Quote: السلام عليكم يااصدقايعني الواحد لمايختفي مافي اي زول يشتغل بيهوولايسال عنو |
مشتاقين يا حبيب...بى هناك ما لقيتك وكنت متوقعك تدوِّر لى لمن فاتهم الاستماع...
قاتل الله المعنويات الهابطة قبلى وبحرى.
| |
|
|
|
|
|
|
|
|
|
Re: مربع كاي (Re: محمد صديق)
|
ياناس المربع سلام ، الشوق كتير وأنا بيكم مالينى الكلام بس تحضيرات السفر وتعب التسوق ما خلا فينا قدرة للكتابة ، عموماً سنغادر صباح الجمعة على فلاى دبى ، ولدينا انتظار طويل بمطار دبى وربماندخل دبى وربما نزور أبوظبى ، وعلى العموم سنصل مطار الخرطوم منتصف الليل وسنغادر لمدنى فجر السبت .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
Quote: سلامات يا ناس
قلنا wellcome ما اشتغلت بينا
غبنا زى اسبوع كده ولا كأنو فى حاجة
التلفون زاتو وقف..
|
يا كوتش حمد الله على السلامه...
ياخي سألنا منك ابو الزوز أدانا أخبارك...
أبو الزوز مره فتح للطعمية و الشاي في الشهداء
و قرأ الجريده على الواقف جمب الكشك...
قامو ضرب لي مرتين...شفت التضحيات دي كيف..
فحسه أنا طالبك كم تلفون...
ما تقول لي ما بيناتنا و الكلام القالوا معتصم جعفر لي شداد ده...
لحدي ما غطس حجرو و فكاهو عكس الهواء...
سدد العليك أول...و كل ما تضرب لي أنا بمسح شخيط من الحيطه...
لحدي ما يكملو الشخايط حتى أقول ليك يا كوتش ياخي ما بيناتنا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: ياناس المربع سلام ، الشوق كتير وأنا بيكم مالينى الكلام بس تحضيرات السفر وتعب التسوق ما خلا فينا قدرة للكتابة ، عموماً سنغادر صباح الجمعة على فلاى دبى ، ولدينا انتظار طويل بمطار دبى وربماندخل دبى وربما نزور أبوظبى ، وعلى العموم سنصل مطار الخرطوم منتصف الليل وسنغادر لمدنى فجر السبت . |
بكوري تصحبكم السلامة...
اذا دخلت الى دبي و قمت بزيارة أبو ظبي فأرجو أن تضعنا في برنامجك...
سيشرفنا كثيرا أن نلتقيك و الأولاد...
و عشان أتسدى حقي من أفنان...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
بالرغم من انني لست من كسلا و لم أزرها أبدا في...
الا أن أغنية عبد العظيم حركه كسلا والتي صاغ كلماتهاالحلنقي من الأغنيات التي تثير أشجاني...
و تحرك في وجداني كوامن و مكامن...و امكن كمائن برضو...
و بالرغم من أن الأغنية تخص كسلا و مفصلة عليها تفصيلا...
فالحلنقي ذكر أحيائها و شوارعهاو معالمهاو كل شيء فيها...
الا أن اللحن الجميل للأغنية يجعلك تشعر و كأنك من كسلا...
كما يجعلك تستبدل كسلا بأي مكان عزيز اليك...
لها وقع و ايقاع خاص في نفسك...
شوارعها مخططة في دواخلك و معالمها منحوته في خيالك..
تتنفس هواها و يملأ رئتيك و يداعب وجنتيك ويخلد في قاع الذاكرة العاطفية..
أغنية كسلا و من أداء عبد العظيم حركة بالتحديد استحقت ان تصنف خالده....
أرض الحبايب يا رمز المحنة
في و اديك ولدنا ضقنا حنان أهلنا
سكانك اطايب عامرين بالأماني
ألحانك تملك نشوة و أغاني
يسعد في حبور راح ريدم حواني
لو ما فيك و لدتا كان الهم طواني
| |
|
|
|
|
|
|
|
|
|
Re: مربع كاي (Re: الرشيد بابكر)
|
مرة كنا واقفين قدام كلية اداب بتنونس
ومن ضمن الونسة جبنا سيرة كسلا والعرسان بيمشو
شهر العسل ويتفسحو فيها ، خالدة قسم البارى ( بت كسلا )
قالت انا مستغربة الناس دى تجى كسلا عشان تتفسح هى فيها شنو ..
والكلام ده يا جنابو على زمتى .
وبعدين وجهه الشبه شنو بين كسلا و كوستى يا زهير .
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
شباب كيف تمام
خالدة زى زهجانة
معلومة صغيرة ضرورية جدا عشان اواصل الموضوع دا (اخوكم معضاض من الدرجة الاولى وبكره اى فجة اكلها تعبان سيبك من ما فيها اكل ) وعلى قول القون الاشهر زيدان ابراهيم جنى وجن التعب والاكل الكعب
دى المعلومة اما القصة وهى ان مدينة كسلا اكثر المدن التى خلبتنى فى هذه البلاد على الرغم من اننى وبصفتى معضاض كبير كان مفروض اكره كسلا ويوم كسلا واسم كسلا حتى حلاوة كسلا والرشيد كسلا ود عم زكى صديق
القصة
كنت فى القضارف فى باوكير عهد (الانقاذ) حضرت الانقلاب هناك والشباب الكنت متكل معاهم نص اهلم من كسلا اهو اقتروح انو عندهم عرس ود خالم ولازم امشى معاهم اخوكم طبعا (يحب الشتات فى السودان ) مرة نيالا ومرة جوبا ومرة حلفا اهو محل ما الريح تودى قلت كسلا كسلا وطبعا على حس العرس كنت متاكد من انو (مسائل العضة ) مضمونة جدا خاصة انو (الاخو ضيف مهم)
الفاجعة لمن وصلنا كسلا لقيت ليك لا دكان فاتح لا مطعم مطرف ساى شغال يعنى (سلات وراح فى الهواء) يا اخونا السبب شنو قالو رسميا فى احتجاج على التغير فى الاسعار وتحت تحت (عصيان مدنى ) قلت ليهم كلنا ضد الحكومة لكن الداير يناضل لازم ياكل الموضوع دا كدى ما بجى
المهم تواصلت حملة العصيان المدنى ولم يكن امامنا الا مخزون من الشعيرية ونطش الجناين عشان نلقى القريب فرووت يعنى عيش زاتو مافى كسرة الناشفة دى ما موجودة
الغريبة انو جميع اسباب عدم عودتى لكسلا وعدم اعترفى بها كمدينة حتى كانت جاهزة لكن سبحان الله لهذه المدينة سحر خاص جدا
| |
|
|
|
|
|
|
|
|
|
Re: مربع كاي (Re: مجتبي فاروق)
|
مجتبى و الله سحر كسلا الخلاك تحبها بدون عضه لسحر عجيب...
و خلاني أصدق ان كل الشعر الكتب فيها و كل الغناء الاتغنى فيها كان باستحقاق...
و لكن حتى الآن لم يجاوب زهير على سؤال ديدو...
ممكن تشوف لينا الموضوع مع زميلكم الذي تم اجازته مؤخرا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا رشا يا كحيل
يا قلت اجيك فى بيتك عديل انت فرتقة خوتك دى ما بقدر عليها
وزى ما قلت ليك نانى اول عملت فيها البت يا دوب صاحية
هسة الا ترجع لى قروش المكالمة والشمار الضاربة ليها بيهو ما قلتو ليها
وهى قالت انى ما سالت منك
سالا لما سالتها منك قالت شنو
يا رشا ما تزعل انا حاملا موبايلى دة من الصباح واضرب واضرب واضرب
بس ما ترفع التلفون خليك ذى عوايدك اقفل واتصل
يلا لحدى بكرة
| |
|
|
|
|
|
|
|
|
|
Re: مربع كاي (Re: زينب التجاني)
|
بت النوبة...جيتك عزيزة..
و ممكن تخلي الواحد يغفر ليك شمارات الصباح البتنسي الأصحاب دي...
انتي و نجاة حوفي لو قطعوا فيكم عيش و كبو ليكم موية فول و زيت سمسم و موية جبنة..
ممكن تبقو بوش براحة...
ما بوش الرئيس الأمريكي السابق يا زوبا تقومي كمان تزعلي مني...
على أي حال بكره حنشوف ياتو الأبقى...
الشمار الحار...و لا أصحاب زمان...
و لو صدق المثل بأن الطبع يغلب التطبع...
أنا أعتقد ان الغلبه في الآخر للشمار...
لكن..غدا لناظره قريب...
يا بوش...
| |
|
|
|
|
|
|
|
|
|
Re: مربع كاي (Re: محمد صديق)
|
Quote: في الدنيا دي كلها
ما لقيت غير البوش عشان توصف الوصف دا
|
جلا...كل زول و حسب دناوته...قصدي ثقافته...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: سلامات يا ناس
ممكن أحرد؟؟ |
انت يا يابا الله لا ورانا حردتك...
انت عادي كده تلغرافاتك ما بتدي الدرب...
حردان كيف؟؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا اروع ناس ..
سلام ليكم كلكم.. ورمضان كريم
نور بيتنا ...
اليوم سبت جمييييييييييل ورائع ..
سيد الحوش وسيد بيتى وشجرة ظلى معانا..
نور فى ابوظبى كلها
..
تعالوا كلكم اتغدوا معانا..
Omnia&hanpoodi said today is a V HAPPY&sepecial Saturday
رمضان كريم
ودمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
سلامات يا ناس
اهلاً بى نجاة فى غياب سيد الحوش
Quote: تعالوا كلكم اتغدوا معانا..
Omnia&hanpoodi said today is a V HAPPY&sepecial Saturday
رمضان كريم
ودمتم سالمين |
فطور رمضان كيف؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
هل فى فرق توقيت بينك وبين بطن بيتك الاصلى ؟
يعنى منو البفطر اول ..
حوفى نضفى التلاجة من الطبايخ اقصد غداك ( البار )
واستعدى ، غايتو رمضان من غير ود الشيخ حيكون طويل خلاس .. هههه
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
Quote: هل فى فرق توقيت بينك وبين بطن بيتك الاصلى ؟
|
سبعة أو ثمانية دقايق كاملات....
و انت عارف الدقيقة بتفرق في الصيف الحار ده...
فما بالك بي ثمانية...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
Quote: سبعة أو ثمانية دقايق كاملات....
و انت عارف الدقيقة بتفرق في الصيف الحار ده...
فما بالك بي ثمانية... |
برضو سؤال:
الردود البايتة حكمها شنو؟
| |
|
|
|
|
|
|
|
|
 Re: مربع كاي (Re: محمد صديق)
|
يا شبـــــــــــــــــــــــــــــــــــــــــــــــــــــــاب
رمضــــــــــــــان كريم وكل عام وانتم بخير
| |
|
|
|
|
|
|
|
|
|
Re: مربع كاي (Re: محمد صديق)
|
رمضان كريم و ان شاء الله ينعاد عليكم بالخير
أشرف مصطفى شكرا على الزيارة...بيتنا نور و كله زينه...
سعدنا بمرورك الكريم و ان لم تبقى طويلا...
لا تبخل علينا بدوام التواصل...
كما و ان الكوتش ما قصر معاك و شكل ليك لجنة ترحاب على مستوى عالي...
شكرا يا كوتش على حراسة الدار عند كواسة سيد الدار...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
العبادة و التلفزيون في رمضان لا يلتقيان...
و ده على فكره مش تطرف...و لكن تصرف...
التلفزيونات و خاصة قناة النيل الأزرق أعدت كل العدة لرمضان...
برامج جميلة و أنيقة و رشيقة بامكانها أن تأخذ منك كل الوقت...
و ان انشغلت بها لوجدت ان رمضان قد مر دون أن تفعل فيه شيئا من العبادة سوى الصوم...
لا قيام و لا تلاوة قرآن و لا أي شيء...
أمبارح كنت مشغولا جدا طوال اليوم...
كنت أخلي سكني في مدينة غياثي تمهيدا للانتقال الى مكاني الجديد يوم السبت القادم...
انتهيت من لملمة عفشي حوالي الساعة الرابعة عصرا...
صليت العصر و نمت حتى قبل المغرب فطرت و انطلقت بعده مباشرة الى مدينة السلع...
أدركنا العشاء هناك وضعت عفشي و عدت مرة أخرى لأصل غياثي الواحده صباحا...
رغم ارهاقي الشديد فتحت التلفزيون فوجدت اعادة برنامج أغاني و أغاني في النيل الأزرق...
جلست أحضر في الحلقة حتى الساعة الثالثة صباحا...
انتزعت نفسي انتزاعا من أمام شاشة التلفزيون لآخذ قسطا من النوم قبل الامساك...
فتوصلت الى النتيجة التي بدأت بها مداخلتي...
التلفزيون و العبادة لا يلتقيان....
| |
|
|
|
|
|
|
|
|
|
Re: مربع كاي (Re: محمد آدم النور)
|
يا جلا أهدي يهديك الله...
و يرضيك...الله يخليك...
الملاحظ يا جلا ان في رمضان نتيجة لنقص السكر و ارتفاع ما عارف شنو..
و الخلل الناتج عن الامتناع عن المكيفات بأنواعها...
أجد نفسي سريع الغضب مثلما انني سريع الضحك...و تضحك لأتفه الأسباب مثلما تغضب كذلك..
ألاحظ ذلك كل رمضان...و كذلك هذه المرة رغم انها أقل حدة حنى الآن...
ربما لأنني توقفت عن التدخين منذ فترة طويلة...هذا فيما يخص الغضب...
أما الضحك فما زال مستمرا...
جلست عصرا البارحة أنا و صديقي السوري العبد نتجاذب أطراف الحديث...
لاحظت اننا كنا نضحك و بشده على أشياء ما كانت لتضحكنا بهذا القدر في الأيام العادية...
كنت أحكي له له عن أن الحرارة مرتفعة جدا في ذلك اليوم...
فقلت له أوقفت سيارتي و أخرجت رأسي من السيارة فأحسست و كأني قد وضعتي رأسي في فرن..
فأدخلت رأسي بسرعة الى داخل السيارة و بقيت فيها...
أنا أحكي و هو كاد أن يغمى عليه من الضحك...و أنا أقول ما باله الرجل...
و لكن لأني أعرف أن في رمضان تحدث مثل هذه الأشياء...
فشاركته الضحك ثم وجدت نفسي أريد من يوقفني عن الضحك...
رمضان كريم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
| Quote: التلفزيون و العبادة لا يلتقيان.... |
أتفق معك تماماً فأنا لا أرتبط بهذا التلفزيون نهائياً...
لم اتابع فى يوم من الايام هذا الاغانى واغانى او غيره
وبعد ده كلو الله يقدرنا على العبادة.
| |
|
|
|
|
|
|
|
|
|
Re: مربع كاي (Re: محمد صديق)
|
ازيكم ورمضان كريم للرشيد ونجاة وحلوينكم
ولكل زوار كاي 000
حبيت ابدا من هنا مكاني المحبب
الف يا رشا على باقي السكاشن(اقصد الحيشان وارجع)
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
فافي عودا حميدا...
سعيد أنا بعودتك عبر بوابتنا التي تزداد اشراقا و ألقا بمقدمك السعيد..
ليباعد الله بينك و الأحزان و يجعل أيامك كلها سعادة...
كما نتطلع الى عودة التمائم التي طالما سمت بأرواحنا...
عودا حميدا فافي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: سلامات يا ناس
Quote: التلفزيون و العبادة لا يلتقيان....
أتفق معك تماماً فأنا لا أرتبط بهذا التلفزيون نهائياً...
لم اتابع فى يوم من الايام هذا الاغانى واغانى او غيره
وبعد ده كلو الله يقدرنا على العبادة. |
| |
|
|
|
|
|
|
|
|
|
Re: مربع كاي (Re: الرشيد بابكر)
|
غادة أختي تكن لي محبة شديدة تعبر عنها في صور شتى...
يعلم الله اني أبادلها المحبة بمحبة أكبر...
غادة الآن بالسودان تنعم باجازة سعيدة وسط الأهل...
اتصلت عليهم أول أيام الشهر لمباركة الشهر الفضيل...
كنت أتحدث الى الوالده فسمعت غادة تقول لها قولي للرشيد أن لا ينسانا من صالح الدعاء...
و قالت لها أنا عندي اعتقاد جازم بأن الرشيد ده شيخ كبير...
قالت لي أمي دعها تكلمك و تحكي لك سر هذا الاعتقاد...
فقالت لي غادة لقد حلمت يوما أنك عندما تركت البيت و رحلت الى عش الزوجية...
قررت أن أشغل الدولاب الذي كنت تضع به ملابسك...
حلمت انني عندما فتحت الدولاب وجدت به عدد كبير من المسابح المضيئة...
و توجد مسبحة كبيرة مضيئة أكثر من غيرها من المسابح...
و منذ ذلك الوقت أصبحت أعتقد أنك شيخ كبير...
قلت ليها نسأل الله أن يتقبل منا و منك...
ثم سألتها و أين ذلك الدولاب...
قالت لقد تخلصت منه أختي الصغيرة ستنا المهوسة بالتغير...
هنا تدخلت أمي و قالت لها لم تحدثينا بموضوع السبح و الدولاب ده...
كنا على الأقل احتفظنا بالدولاب عشان نتبرك بيهو...
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش يبدو أنها ستكون قصة تستحق أن نقضي معها وقت ممتع شأنها شأن كل أعمالك...
سنبشر كل الدنيا بالأخبار الطيبة عند ثبوت الرؤيا...
بس من يوم الليلة لا صاحبنا و لا بنعرفك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رشيد القوم
رمضان كريم وكل سنة وانت طيب ...
اليوم فقط انتهيت من المرور على مافاتني بالمريع ...
فهو بمثابة محطة لابد من العبور خلالها يوميا ...
ولذلك احرص ... الاصح يحرص كل من بالحوش المرور من خلالها لبقية الحيشان ...
وكثير من الاحيان قد تحس انك وحدك بالمريع ...
ولكني اجزم بان الكل ... حواليك ... ومعك ... متابعين ... ومنتشين ...
ياخي انت زول عندك هضربة لذيذة خلاص ....
===============================
حنبارك ليك الشغل الجديد ... بالتلفون
ده لو ماقدرنا نجيك بخشم الباب ...
| |
|
|
|
|
|
|
|
|
|
Re: مربع كاي (Re: ياسر نجيلة)
|
نجيلة الحبيب...
وينك يا أخي من ديك و عيك...
و الله انشغلت كثيرا في الأيام التي تلت زيارتك لي في غياثي...
و لم أستطع التواصل معك بعدها....
و لكن الآن و بعد أن أستقريت سأتواصل معك ان شاء الله...
أشكرك يا حبيب على الكلام الطيب المشجع و الذي يدفعني الى مواصلة الهضربة...
أنا عادة عندما أحسب على أصابعي عدد الذين يرتادون هذا البوست تكون أنت أحدهم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: أشكرك يا حبيب على الكلام الطيب المشجع و الذي يدفعني الى مواصلة الهضربة... |
رفقاً بالقوارير
عميان مسكوهو العكاز
واحدة فاتح ليهو بوست قلنا ليهو خلينا ننجم
بالله فتح فتح تقول كان قاعد يلعب مع ناس بريش
في زول قالو ليهو لذيذ
يعني نتمحد سادومبا و لا شنو؟؟؟
زول جراي و متعب و فرفار
غايتو لسانا في رمضان إلا نخت فيهو بشكير
بس من غير بلع
دكاكيني كدا:
دا حالتو محمد عيد لسع لياقتو تعبانة
| |
|
|
|
|
|
|
|
|
|
Re: مربع كاي (Re: الرشيد بابكر)
|
ان عمي بدر الدين من أروع الناس...
رقيق الحاشية لطيف عطوف و ذو خلق عالي...
لم أراه يوما غاضبا أو سمعت صوته يعلو لأي سبب من الأسباب...
متدين غير متطرف...مجامل و مواصل أرحامه...
انه اسم على مسمى...فهو حق بدر...و بدر لللدين...
حكى لي أبي أنه عندما كان يدرس في مصر في كلية الزراعة...
وصلته برقية من جدي بالكوة تبشرة بمقدم أخا زكر...
كنت أظن أن أبي يبالغ عندما روى لي تلك القصة...
و لكنني كنت أحضر برنامجا منذ أيام في قناة النيل الأزرق عن البريد...
فاذا بالرجل يعدد أول مكاتب للبريد في السودان فيذكر الكوة...
و أنا أذكر أنه بيت جدي بالكوة كان هنالك تلفون و رقمه خمسة....
ذلك التلفون الذي يدار بما يشبه المنفله...
المهم أن جدي أرسل لأبي تلغرافا أو برقية كما قلت يبشره بأخاه...
كتب جدي لقد رزقنا بمولود...
فرد عليه أبي ببرقية كتب فيها مبروك عليكم بدر الدين...
فأعجب جدي بالاسم فأسماه بدر الدين...
و حتى يومنا هذا كلما يلتقي أبي ببدر الدين يذكره بهذا الموضوع..
ربما يلتقي أبي بدر الدين عشرة مرات في الشهر...فيظل يذكره عدد هذه المرات..
و بدر الدين لا يتذمر و لا يتضجر بل يضحكو يبتسم في كل مرة...
الغريبة أنه حدثت معي نفس التجربة...
ولدت أختي الصغرى ستنا و أنا بالزقازيق فأرسل لي أبي رسالة وقتها و ليس برقية...
لك بالرسالة الطويلة...فبعد السلام و السؤال عن الأحوال كتب لي...
لقد رزقنا بستنا بابكر سيدأحمد...
فقلت بالله شوف أبوي ده...جدي قال ليهو رزقنا بمولود عشان يقترح اسم...
أنا قفلها معاي طوالي و قال لي رزقنا بستنا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
انت وين يا قوارير...
اختفيت كده مالك...
رمضان عاضي شوية معاك و لا كلام موسى عيسى الكتبو في البوست العام صاح...
ياخي لما تمشي محلات زي كادقلي دي كلمني...
مش كان ممكن أوصيك تجيب لينا عسل نحل الجبال المشهور..
غايتو مداخلة موسى الفي البوست العام دي كان ما جابت ليكم الهواء تبقوا أولاد شيوخ..
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام يا كاى
وتحية من كاى لمحمد عيد
وبنقول ليهو كل سنة وانت طيب
وعقبال مليون سنة
المفروض نعمل ليهو احتفال بس محدودية الفوتوشوب خلتنى اساهر عشان اكون اول من هناء
وعيد ميلاد سعيد يا عيد
| |
|
|
|
|
|
|
|
|
|
Re: مربع كاي (Re: زينب التجاني)
|
أحبابى ،، اعزائى رفاق مربع كاى
سلام وتحية ، رمضان كريم وكل عام ونتم بخير
اعتذر لغيابى طيلة الفترة السابقة و منذ نيل العضويةعن هذا المنبر الذى جمعنا من كل بقاع الدنيا
وانشاء الله ستكون هذه بداية التواصل معكم.
اسمحوا لى فى هذا اليوم المبارك من الشهر الكريم أن اقف قليلا ،،، أترحم على أرواح زملائى الذين
رافقتهم وجالستهم هنا فى هذا المربع والذين سبقونا للدار الآخرة
ابراهيم خلف الله
ياسر الزين
رابعة
نوال محمد على
بكرى على محمد
سعاد على
وكل الذين لم تسعفنى ذاكرتى لذكرهم . حقيقة فجعنا برحيلهم كنا نتمنى أن لقاؤهم بعد التخرج ، لكنهم تعجلوا الرحيل.
أسأل الله أن يتغمدهم بواسع رحمته ويسكنهم فسيح جناته.
حتما سأعود
| |
|
|
|
|
|
|
|
|
|
Re: مربع كاي (Re: عبد القادر بابكر)
|
سيد الحوش أبو الرشد
وجميع المكسرين في الحوش
رمضانكم كريم وربنا يتقبل منا ومنكم الصيام والقيام
أكتب لكم والفنان صلاح بن البادية يشدو في سهرة حسين خوجلي
ويعطر هذه الليلة البديعة .. رغم أنني لا أميل لمتابعة المدعو حسين خوجلي
إلا أنه اليوم حضرته رائعة مع الفنان ود البادية وهو يشدو بدرة أغانيه
ليلة السبت .....
طال انتظاري ليلة السبت
يا حلوة العينين يا أنتي
انسيتي وعدك باللقاء هنا
كم مرة بالله أوعدتي
وبأتفه الأسباب فاتنتي
كم جثت انت وكم تعللتي
لو قلتي انك لست آتية
أسكتي بي النيران لو قلتي
عبر المدى عيني مشردة
ترعى خيالك ربما جثتي
تتهامس الأشواق
آتية
وتصيح بي الأوهام
لن تأتي ....
| |
|
|
|
|
|
|
|
|
|
Re: مربع كاي (Re: عبد القادر بابكر)
|
حاج الركز السمح
كل سنه وانت بخير. الله عليك وانت تترحم على من رحلوا عنا خاصه قريبتي سعاد علي ( جدها لامها الرزم ابن خالة والدي الله يرحمهم جمعيا) يعني في الحساب خالها. رحيل سعاد من اكتر المواضيع التي اهرب منها. وكم حسدت سعاد على قوة شخصيتها واعتزازها بما تؤمن به. ويمر عليا شريط حياة سعاد كانه يحدث امامي الان ولازلت اتوهم عدم رحيلها خاصه منذ رحيلها لم ارجع السودان، وبعيدا عن المناخ السياسي جمعتني علاقه من نوع خاص مع سعاد عليها الرحمه في شهر الرحمه، كان اغلب كلامها معي يبداء بكلمة ايش رايك. او بتقول انا من راي. كنت احس برعايه خفيه تشملنا بها. سوف اكتب عنها بقدر مااستطيع في الفتره القادمه. والله ير حم كل من رحلوا عن دنيانا.
| |
|
|
|
|
|
|
|
|
|
Re: مربع كاي (Re: عمر نملة)
|
حاج الركز و قدورة و نملوز...
البيت محروس و ستو تكوس...
حبابكم عشرة....
الخميس و الجمعة و أحيانا السبت يصعب علي التداخل و التواجد هنا...
أما ليلة السبت يا قدورة فيحلو السمر...
و الله نورنو البوست و كان بودي أن أكون موجود عشان أدق معاكم الحنك..
و لكن ان عدتم عدنا و ستجدوننا في انتظاركم...
نملوز....ألف رحمة و نور على الأخت الراحلة سعاد علي...
كنا دفعة واحدة و جمعتنا اللجنة التنفيذية لأسرة زراعة في احدى الدورات...
فاكتشفنا فيها الجانب الانساني بعيدا عن السياسة و اختلافاتها فكانت نعم الأخت...
نسأل الله لها الرحمة و المغفرة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
لما جيت الامارات كان وزني 75 كيلو...
كنت كل ما يشوفوني ناس البيت و الأهل يقولو لي ما شاء...
المعنى سمين يعني...
كان عمي عثمان مسلط بيعرف ليك لغة الدينكا و الهوسا...
بحكم ان الكوة كانت فيها كل هذه القبائل...
كان عمي عثمان يناديني بي (جانق مدود)...
و هي تعني الرجل الضخم بلغة الدينكا...
و الضخم دي ما حقت الكابلي لما يقول الشاعر الضخم و لا الملحن الضخم...
الضخم هنا يعني السمين المتين....
و أول ما وصلت الامارات بدأ الوزن في التصاعد المستمر...
عندما وصلت الثمانينات قلت اني و الله لأكرسن كل وقتي للرياضة...
فكان ذلك...ثم أتوقف فيزيد الرقم...
و تجاوزنا الثمانينات الى التسعينات...
البارحة كنت بتفرج على صور قديمة لي...
و هي ليست بالقديمة شديد...
من أيام ال75 كيلو...
اتذكرت (جانق مدود) بتاعت عمي عثمان...
قلت عمي عثمان ده كان مجنون و لا شنو...
حسه عليك الله أنا ما كنت عضام ساكت...
الله يرحم أيام ال 75 كيلو...
| |
|
|
|
|
|
|
|
|
|
Re: مربع كاي (Re: الرشيد بابكر)
|
ياخوانــــــــا مسعولين من الخير ،،،، محمد المرتضى وينو ؟؟؟؟؟
نداء عــــــــجل[/B]
يامحمد المرتض تعال طالع لى هناك فى المنبر 0( البوست ) تعال شوف ناس الرشيد ومنصور قالوا فيك شنو
| |
|
|
|
|
|
|
|
|
|
Re: مربع كاي (Re: محمد عثمان عبد الرحيم)
|
زنوبـــه العزيزه ...
كتر الله خيرك وبارك فيك وحفظ لك عيالك وابو عيالك
وحفظ لك ماما محاسن وادامها فوق رؤسكم ..
وانشاء الله ملمومين فى الخير دايما ..
اشفقت عليك ايتها الغالية وانت تقطعين الـ high ways بالأمجاد ...
ما بين المنبر الرئيسى والفيس بوك ومربع الحبان فى كاى ...
مرة تانية مشكورة ايتها العزيزه
| |
|
|
|
|
|
|
|
|
|
Re: مربع كاي (Re: محمد عيد)
|
ســـنة يا ولد ..!!!
وانفتح الستار عن عروض مسرحية .. وجانا حاج الركز ..
بعد انتهاء عروض ... فى انتظار جوجو ..!
هلا ومرحبا بطلتك ايها الجميل ..
وشكرا لترحمك على الراحلين .. واضيف اليهم ..
- نجاة خليفة .
- ســميره سيد .
وحقا فوجئت بسماع خبر رحيل ابراهيم خلف الله لأول مرة
أسأل الله ان يتغمدهم جميعا بواسع رحمته ..
| |
|
|
|
|
|
|
|
|
|
Re: مربع كاي (Re: محمد عيد)
|
مساكم الله بالخير
أولا ...أجمل التهاني نزجيها للحبيب محمد عيد بمناسبة عيد ميلاده...
نأسف للتأخير في التهنئة و التي أعزيها لظروف رمضان و الوقت الضيق الذي لا يسمح لي بمطالعة البوست...
فأحيانا أجد نفسي أقضي وقتا أو لا أمر على البوست خلال اليوم...
أجمل التهاني يا حمادة و ان شاء الله العمر كله...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
لكل مغترب التقيت به في الامارات أحلامه الخاصة به...
و التي يعتقد أنها المخرج من سني الغربة الطويلة و العودة الاختيارية الى أحضان الوطن...
الكل يعتقد أنه قد آن الأوان للعودة...
و لكن كيف العودة و هم ليس لديهم ما يعودون من أجله...
لا بيت و لا مصدر دخل و لا و لا...
بعد أن تناولنا فطور رمضان هذا المساء في المطعم المجاور لمكان سكننا...
يقع المطعم بجوار طريق سريع يربط بين الامارات و السعودية...
تمر عبره آلاف الشاحنات يوميا و هي تحمل ما تحمل...
قال لي صديقي و زميلي في العمل لو أعطوني فقط خمسون شاحنة لعدت من فوري للسودان...
قلت له لو أعطوني خمسون شاحنة لرفضتها و لفضلت البقاء هنا...
قال لي مندهشا و لماذا؟؟؟
قلت له انه من الصعوبة بمكان تشغيل اسطول من الشاحنات...
قال لي أنا أقصد خمسون شاحنة بحمولتها...
فمرت عشرة شاحنات و هي تحمل سيلكا التي تستخدم في صناعة الزجاج...
و العشرة التي تليها فارغة...
قلت تبقى لك ثلاثين و ما زلت لا تملك شيئا...
أرجو لك عودا حميدا....
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
جمعتني مائدة افطار رمضاني بأحد الأصدقاء الذين يحبون التفاصيل...
التقينا أمام منزل صاحب الدعوة قبيل الافطار بخمس دقائق....
كنت قد أوقفت سيارتي على بعد 5أمتار و نصف من السور الخارجي للمنزل...
بينما أوقف هو سيارته على بعد سبعة أمتار من السور...
ليس لهذه التفاصيل أي علاقة بالموضوع و لكن طالما الموضوع عن التفاصيل اذا لأكن دقيقا..
نزل من سيارته بصعوبة لأنه يعاني من آلام في الظهر..
قلت له...ده شنو يا عجوز...
و يا ليتني لم أقل...
فقال لي ان لهذه الآلام قصة حدثت في العام 20001 في شهر سبتمبر...
كنت وقتها مسئولا عن احدى الحدائق بين مدينة كذا و مدينة كذا...
و التي تبعد حوالي 25 كيلو عن مدينة العين...
عند الساعة الواحدة و خمسة و خمسون دقيقة صباحا قمت لأقضي حاجتي بالحمام...
دخلت الى الحمام و عندما أضأت النور فوجئت بثعبان طوله مترا و ثلاثون سنتمتر...
فقفذت متران في الهواء ثم سقطت على حافة البانيو...
ارتطم بي البانيو بين الفقرتين الثالثة و الخامسة ثم سقطت على الأرض...
فر الثغبان من حيث أتى و بقيت أنا ساقطا في الأرض لمدة تسعة دقائق كاملة..
ثم قمت و ذهبت صباح اليوم التالي عند التاسعة صباحا و عملت صورة فلم يظهر شيء وقتها..
و لكن بعد ذلك بدأت أشعر بآلام في نفس المكان..ثم ازدادت لتصبح على ما هي علية الآن..
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
ولانو القصة فيها ثعبان وفيها تفاصيل دقيقة
استدعت قصة قديمة كان يحكيها احد الاصدقاء...
عبدالدائم يُحب التفاصيل والناس بستمتعوا بحكاياتو الملانة تفاصيل
فى يوم ما لاقاهو دبيب جنب الترعة وقام كتلوا..
الرشيد: يا عبدالدائم قالوا كتلت ليك دبيب.
عبدالدائم : هازوووول انت قايلو دبيب نّصَاح؟
اليوم داك صحيت بدرى صليت الصبح حاضر وعملت الباقيات الصالحات وادّعيت لى
عمك عبدالرحمن بالشفاء..وفى الوقت داك الولية جهزت الشاى وجابتو لى وانا
فى تبروقتى ...ومع الشاى جابت اللقيمات فضلت خيرك ...وبعد الكباية الأولى
كوركت ليها يا ولية ألحقينى بى كباية تانية...أها جابت لى الكباية التانية
علا ما كانت زى الكباية الأولى ..لكن شربتها ..وقمت على حمارى أشِّدو ..كوركت لى
بتى محاسن ...يا محاسن جيبى البردعة...اسمع ليك البت تقول لى يا ابوى البردعة
ما جا شالا حاج عثمان امس...الله يقطع حاج عثمان ده اصلو اى حاجة يشيلا إلا تمش تجيبا
منو ..قبال ده شال منى الطورية الليلتى لامن رسلت ليهو بعد تلاتة يوم ...
نواصل إذا احببت
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
يا حبيبنا الذى بالسلع ...سلام
قصة عمك مع الدبيب دى ممكن تكون مسلسل مكسيكى
أنا عفيتك وعفيت زوارك منها...
دكانى البى هناك ...الليلة قفلتو وما أظن أجيهو قريب
كان لقيت ليك زول شايف فيهو خير أجِّرو ليهو والأجرة متبرع بيها للجمعية.
عارف الكتابة هنا بتاخد مننا زمن كتير وإهتمام أكبر وبتلقى ده على حساب حاجات
تانية ..والمحصلة شنو؟؟
عندى مجموعة من القصص فى طور التخطيط ليها زمن ما قادر التفت ليها ..بسبب الكتابة هنا
الليلة حِردت ورجعت لى قصصى ...
الجاية دى أول واحدة ...استكثرت انزلا فى دكانى البائس داك...آثرت ان تكون عندك هنا...
لك الود
Quote: جَسدٌ ضَخمْ
ـ عصاااااااااااااااااام
يباغتك الصوت المعتاد ... رغم أنك اعتدته كل هذه السنين ...يأتيك منطلقاً كما المدفع تحس داخله ذلك التهديد غير المنطوق ...إيَّاك والتأخير .أكثر ما كان يُخيفك هو ذلك التهديد المُبطَّن المنطلق منه،
طوال هذه السنوات لم تتأخر أنت ثانيةً واحدةً لحظة أن تنطلق حروف اسمك الأربعة بعد أن تتحول إلى ملايين الحروف المنفلتة
داخل غرف وصالات المنزل الضخم بل المنازل المجاورة...وحتى الشارع.... كنت تجهد أن تستجيب قبل أن ينفلت الحرف الأخير ويلتحق بإخوته ..
الإستجابة كانت عنيفة ...تطايرت صفحات الصحيفة التى كنت تطالعها وأنت مستلقٍ على سريرك فى كل أرجاء الصالة بفعل اندفاعك والهواء المنبعث من جهاز التكييف الضخم ..وقبل أن يرتد طرفها إليها كنت تقف هناك أمامها وهى متكومة فوق سريرها الضخم بالصالة الأخرى ...كأنك تراها لأول مرة !!أكلّ سنواتك هذى قضيتها مع هذا الجسد الضخم ؟؟جسدٌ يُغطِّى كل هذا السرير
كانت مستلقية على ظهرها ...وصدرها العظيم يعلو ويهبط ...عيونها
كانت تقول الكثير...تقف أنت هناك قزماً صغيراً...تنتظر الأمر.. كنت تعلم فى الآخر ان الموضوع لا يستحق كل هذا الجهد فى إرسال حروف اسمك الأربعة كل هذه الرحلة ...تُحضر كوب الماء وتضعه أمامها وتعود إلى صحيفتك ...تُجمِّع صفحاتها المتطايرة وتدفن نفسك داخل صفحاتها وأنت بعيد...
لم تكن فى حاجة إلى أن يذكرك أحد ما بفقرك الحاد ودمامتك التى لا تحتاج إلى كثير نظر....ظلت تُطاردك هاتان الصفتان لزمنٍ طويل وكان وقعهما شديداً فى كل مراحلك الدراسية مما كان يدفعك إلى التفوق وكان تفوقك المميز يعطيك القدرة على أن تَمُد لسانك لهما ولأؤلئك الذين يُعرِّضون بك تصريحاً وتلميحاً...تفوقك وروحك السمحة كانتا ترياقاً لكل تلك الآلام...ويأتى بعد ذلك تصالحك العميق مع نفسك...كنت تقول بأن الفقر مع هذا التفوق ستكون رحلته قصيرة
أما (عدم المَلاحة) ..الكلمة التى كنت تطلقها بديلاً للدمامة ..كنت تقول أن الرجال لايحتاجونها ...وتُدلِّل على ذلك بمقولة شهيرة لأمّك
(الراجل سَماحتو فى عَرْضُو)...
التحاقك بالجامعة كان حدثاً مهماً لك ولوالدتك والتى كانت تحس بأن سنوات المعاناة فى سبيلها إلى أن تُولِّى ..أخيراً سيترجل حملٌ ثقيلٌ جثم على صدرها سنين طِوال منذ أن فارق والِدك الدنيا ...كنت موفقاً فى دراستك ومتفوقاً كدأبك ..روحك الحلوة خلقت لك معارف وأصدقاء بلا عدد ...يلتف حولك الصِّحاب من الجنسين وأنت تُبسِّط
الدروس لهم ...كنت سعيداً بذلك وتزداد سعادتك حينما تلتف الزهرات حولك ...يسألنك وأنت تُجيب وتشرح ..يمازحنك ويُثنين عليك ولا يَذهبن أكثر من ذلك ...وأنت كنت تتوق إلى شىء لم تجده طوال سنوات الجامعة ...ورغم تصالحك مع نفسك إلا أنك كنت تهتف سِرَّاً تَبَّاً لهذين الشيئين....
ـ عصااااااااااااااااااام
يا لهذا ال عصام ...تأخذك الفجأة رغم تعوّدك ....تُهرول ناحيتها تقف قزماً ذليلاً ...تُنفِّذ الأمر وتعود إلى صحيفتك تدفن نفسك فيها وأنت بعيد.....لم يشفع لك تفوقك الدراسى ...وها أنت بعد كل ذلك محض موظف بأحد الدوائر الحكومية تنتظر راتبك عند نهاية كل شهر...لم تكن مُحقاً فى توقعك وكذلك والدتك لم تكن مُحقة فى توقعاتها ...الشىء الوحيد الذى جلبته لك الوظيفة هو ذلك الجسد الضخم المتكوِّم على السرير بالصالة الأخرى والذى يمُطُّ اسمك كل حين....هذا الجسد الضخم هو الوحيد الذى لامس أوتاراً مشدودة لم يلمسها أحد ...وقتها وبالنسبة إليك لم يكن مهماً من الذى سيلمسها المهم هو أن تُلْمَس....
بعض التوقعات بدأت فى التَّحقق ...ما عاد هنالك انتظار للمرتب آخر كل شهر....يضمُّك الآن هذا المنزل الباذخ ...وبالأسفل تقف سيارة أنيقة ....ورغم ذلك تظل هنالك أشياء أهم من كل ذلك..تُطل صورة والدتك وهى تخاطبك ..
ـيا وليدى ده كلو فايدتو شنو؟ دايرة أشوف جناك
تصالحك مع عدم الملاحة وتقبلك لذلك الجسد الضخم بكل تعقيدات حياته واشكاليات تعامله اليومى معك ..وكل حسناته الأخرى والتى يحسدك عليها الكثيرون ...والراحة التى تحسها جرّاء تحللك من بعض تبعات المعيشة التى كانت ستكون صعبة لولا هذا الجسد الضخم ....كل هذا لم يُوقف تفكيرك المستمر فى حاجتك إلى الولد
كيف السبيل إلى ذلك ؟؟الزوجة الأخرى ...هل تجرؤ ؟ حتماً لا تقدر على ذلك...إلا فى حالة واحدة....يقفز إلى ذهنك (عم كرار )الساعى
يهمس إليك وهو يضع أمامك كوب القهوة :
( ضغطة واحدة مستمرة بالمخدة ..وكل الحاجات دى تبقى حقتك براك ..)
تهتف فى أعماقك ...وتكون حراً ...تنفتح أمام عينيك عوالم أخرى وجسدٌ آخر ليس كهذا الجسد..تراها الآن أمامك .. تفاصيل الأشياء وشكل الجسد القادم ....تنفرج أساريرك ..يتمدد جسدك بهجة ..ويأتيك الصوت....
ـ عصااااااااااااااااااااام
تندفع مُلبِّياً وتتطاير صفحات الصحيفة مختلطة بحروف اسمك المنفلتة ...وقبل ارتداد الطرف تقف هناك وقفتك المألوفة تنتظر الأمر....ولكن الأمر هذه المرة ليس كالأوامر السابقة..الصوت الذى أتاك هذه المرة ليس كالأصوات فى كل المرَات ...تستطيع أن تميِّز فيه نوعاً من الوهن....كان الجسد الضخم ممداً كعادته ...الصدر العظيم يعلو ويهبط...علوه كان كما فى السابق غير أن هبوطه كان مختلفاً ...هذه الحالة التى أمامك ليست كسابقاتها ....تضع يدك على أجزاء الجسد الضخم جزءاً جزءاً...ارتفاع درجة الحرارة شىء بيِّن لم يكن أمامك إلا استدعاء سيارة الإسعاف ....داخل السيارة تختلط عليك المشاعر...هذا الجسد الضخم جزء منك ....تحسه الآن ولا ترغب فى فقدانه ...ويأتيك (عم كرّار ) الساعى ...يهمس فى أذنك (جاتك باااااااردة)...تبتسم فى أعماقك....
المستشفى كان جاهزاً لاستقبال الحالة ...الطبيب المختص ومعاونوه بلباسهم الأبيض المميّز يتحلّقون حول الجسد الضخم ...يضغط الطبيب على الصدر العظيم بصورة متكررة ...يظهر جهاز التنفس الإصطناعى ...يطلب الطبيب دواءً بعينه ...لابد من جلبه على وجه السرعة من الصيدلية الخارجية ...يدفعون إليك بالورقة التى كُتب عليها اسم الدواء....تخطفها خطفاً وتُهرول خارجاً ...تتخطى عتبات السُلَّم قفزاً...أنت لاتريد فقدان الجسد الضخم كما أنك تستمع إلى (عم كرار) وتبتسم ...وتستمر فى القفز ...تُخطىء قدمك عتبة السُلّم ..لم تجد القدم الأخرى العتبة المقصودة ...تهوى من ذلك العُلُوْ ..تتدحرج إلى الأسفل ...تبدأ الآلام فى زيارة أعضائك كلها ..عند وصولك إلى العتبة الأخيرة كان رأسك يتوسدها ...تحس لُزوجة الدماء على أذنك التى كان يهمس داخلها (عم كرار) وتسيل نحو عيونك التى كانت وقتها ترى الصدر العظيم وهو يعلو ويهبط.
|
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش...أجبرتني قصتك الرائعة على العودة...
هي قصة لم أتسرع في قراءتها...
طالعتها يوم الخميس سريعا..و مرت الجمعة سريعا أيضا دونما أن أجد الوقت للاستمتاع بها...
و هانئذا أجد الوقت الكافي للاستمتاع...
أرجو أن تفرد وقتا مقدرا لاكمال دررك التي لم تكتمل...
لك مني التحية و التقدير...
| |
|
|
|
|
|
|
|
|
|
Re: مربع كاي (Re: الرشيد بابكر)
|
زهير....آلو بهجة...
بغنيلك واناديلك بقدر خيوط مناديلك
واحبك قدر ايه ما كفاية ولما اغيب بوصيلك
ولما اعود من الغربة قبال ناس بيتنا بمشيلك
وكم تزعل معاي والشوق يعزبني وامشيلك
واعديلك وامشيلك واغنيلك بقدر خيوط مناديلك
احبك قدر ايه ما كفاية فتش تلقى اسمك وين
ورسمك وين وانك وين جوة القلب وجوة العين
ولسة عز الليل يصحيني ويبكيني ويخليني
اغنيلك وبناديلك بقدر خيوط مناديلك
بهجة...
ياقلبي يامقتول كمد اعصر دموع هات
غنوة لسيد البلد ياحليلو ياحليلو....
حليلو قال سايب البلد حليلو كيفن يبتعد ياحليلو
كيفن نسيبو يروح بعيد ياحليلو
كيفن نسيبو يفوت بعيد......
في رحلة مجهولة الأمد ياحليلو
| |
|
|
|
|
|
|
|
|
|
Re: مربع كاي (Re: محمد آدم النور)
|
سلامات يا ناس
تحية ليك يا حبيب ومعاها كوم شكر
ولما القصة تعجبك اكيد هى مقبولة...
بجى بعد وقفة امكن تكون طويلة حسب تقييمى لبعض الاشياء
ومنك ما بنقطع...
شايف جلا جا فى دكانى داك وقال داير يحتلو..خليهو يأجرو أحسن
وانا عافى ليهو حق الايجار...
لكم الود
| |
|
|
|
|
|
|
|
|
|
Re: مربع كاي (Re: محمد صديق)
|
مساكم الله بالخير
شكرا أحبابي جلا و الكوتش محمد صديق...
مروركم يسعدني...
لكن يا أمي ما ياهو...
وش البامية ما ياهو..
أظنكم عرفتو أنا قاصد شنو...
دعاية زيت صباح طبعا...
عجبتني التلقائية بتاعت الولد الصغير البقول لكن يا أمي ما ياهو...
عجبني لدرجة خلتني أتنبأ ليهو بمستقبل باهر لو واصل في التمثيل...
لأن وجهه معبر جدا...
و تعامل مع الكاميرا و كأنها غير موجودة...
لدرجة جعلتني أصدق بأنه يتحدث الى أمه...
| |
|
|
|
|
|
|
|
|
|
Re: مربع كاي (Re: محمد صديق)
|
شكرا يا كوتش على المرور و المتابعة...
طولت ما جيت هنا لأن الجميع قد هجر المنبر......
علي أي حال عندي ليهو خطة سأنفذها بعد العيد ان شاء الله...
كذلك سيبقى صندوق الافتراحات مفتوحا لكل من يريد أن يدلو بدلوه في شكل البوست...
و الموضوعات التي يجب أن يتم التطرق لها أو طرحها هنا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا سلام يا رشدي علي الأحتقالية ....
بس ما كان في داعي للأغاني دي ..... يا زول ما بنقدر علي الكلام ده .. برانا متجرسين ...
دي علي سبيل المرور والتحية
| |
|
|
|
|
|
|
|
|
|
Re: مربع كاي (Re: زهير الزناتي)
|
أبو الزوز يا صديقي...
مرورك دائما يسعدنا...فأنت أينما تحل تضفي على المكان ألقا و جمالا...
يملكني شعور ربما يفوق شعور ناس الخرطوم و أنت تغادر الى السعودية...
تصورت شكل الخرطوم و أنا أزورها في الشتاء القادم و أنت لست بها...
لا شك أنها ستكون غير بدونك...
فعبرت عن ذلك و نسبته الى بهجة...
كل العشم في الكوتش...
فهو بلا شك قادر على سد الفراغ بما يملك من مقومات و جمال....
أمنياتي لك بكل التوفيق و النجاح يا صديقي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
حبيبنا الذى بالسلع...
الشكوى بشأن البوست زى شكوتى ...نعانى من نفس الأعراض
*****************************************************
فَرَقَة زهير كبيرة ...وسدَّها صعب.
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش يا حبيب عيدك سعيد و مبارك انت و الأسرة...
و ان شاء الله تتحقق كل الأمنيات الطيبات و على كل الأصعدة...
ما زال احساسي برمضان و كأنه لم ينتهي...
ربما لأنني شرعت في صيام الستوت مباشرة بعد أول أيام العيد...
و رغم أن التحديات هنا كبيرة في صيام الستوت أو أي تطوع...
فان لم تسعفك حاسة الشم في شم القهوة الطازجة و الشاي...
فحتما لن تتجاوز صوت الملعقة و هي تحرك السكر مصدرة سيمفونية عذبة..
أو رائحة دخان سيجارة يأتي متسللا عبر أنابيب التكيف من الغرف المجاورة...
أدركت ان المقاول الذي نفذ أعمال التكييف في المكاتب لم يلتزم بالمواصفات...
و الا لماذا أشم رائحة الدخان...
و لكن هذه الأشياء تتضائل أمام ما يمكن أن تتعرض له في أبوظبي و أنت صائم...
خاصة اذا قمت بزيارة المول أو قررت أن تتجول في أرجاء المدينة..
لوحدي أو بصحبة الأسرة...
فالنظر هناك يؤدي الى التهلكة في أحسن الفروض...
و لك أن تتخيل نوع التهلكة تلك...
اما أن تكون بالمعني أن تغمض عيناك حتى لا ترى أمامك لأن كل الذي أمامك مفطر..
فتصتطدم سيارتك بحائط ما أو أن تهوى من فوق جسر...
أو أن تكون تهلكة كما ورد في أغنية...
الشادن الهالكني ريدو..
تقبل الله منا و منكم....
| |
|
|
|
|
|
|
|
|
|
Re: مربع كاي (Re: الرشيد بابكر)
|
رش يا حبيب
شوق مطر ليك , ولى مربعك الاثير
لقيت نفسى طولت ما جيت بى جاى
قلت اتاوق , لقيتك صائم زيى
انا يادوب بديت الييلة اول يوم
اضافة للستوت , انا عندى قضاء اول يوم سفر , بسبب العودة من ماليزيا
يعنى انا عندى سبوع , بدل الستوت
رغم شكواى من عدم احساسى بالعيد , عندما حل (فجاة )
الا ان وجود عدد كبير من الأهل هنا فى السعودية , وفى الرياض تحديدا
خاصة كبار السن منهم
اضافة الى وجود زهير معنا
فقد جاء احساس العيد (فجأة ) , تماما كما غاب (فجأة )
تقدر تقول العيد كان تمام
رجعنا الى العمل صباح اليوم
كان عندى شغل كثير (بندنغ ) من قبل العيد
المعنويات الجيدة ساعدتنى على ترتيبه بسرعة
(كورة الشغل ) عندى استطعت تمريرها بحرفنة شديدة الى جهات اخرى
بس عارفهم حايرجعوها لى بسرعة عاملين فيها احرف منى
بس على الاقل , باقى اليوم ده , نستمتع بباقى العيد
| |
|
|
|
|
|
|
|
|
|
Re: مربع كاي (Re: منصور عبد الرازق)
|
مربع كاي والونسة الطاعمة .... كل نمر نسلم علي الجماعة .....
يا رشدي الله أداك ..... عاين يا زول .... ولا يهمك .... ربنا عارف براههو الحالة ... وبيعذر ....
| |
|
|
|
|
|
|
|
|
|
Re: مربع كاي (Re: زهير الزناتي)
|
كل سنة وانتو كلكم بخير 000
وبعد العيد وقبل ما تجي المدرسة قلنا المقيل بيجاي000
لكن عبد العزيز بركة ساكن الروائي الجميل اصر يجي معاي مربع كاي(هاهاها)
ومعانا محنة شخصان
Quote: أنا شخصان: طينيٌ ورمليٌ. في جوفي قلبان: بنيٌ و أسودْ. تعشقني بنتان: تُوتا وهند. وفي نحري ملكان: سيفٌ وحربةْ. لي قبران: روضةٌ من رياض الجنة وقبو من نار. فابعثني يا صاحبي،أينما شئتَ. ابصقني، كيفما كنتَ. ارسمني على كهفك أو كفك أو في بوصلة عينيك. اصلبني أو توجني، فأنا فعلان و مفعولان: نَبِيٌ فِي معركةٍ وفي الأخرى شيطانْ.
استيقظُ إذ استيقظُ من نومي سكران. أتوهم أني ملك و أني صعلوك و أني كعبةٌ تربةٌ. أتوهمُ أني أتوهمُ، فيفجعني الإعلام بان لي وطنان. وطنٌ كالطين و آخر كالطيان. ابني منهما عرشي، اغسل فيهما وجهي، وأتبولُ أو أتوضأُ بالنيل الأزرق و الأبيض و الأحمر و الأسود كأسماك البلبوط الوحلانة في ألم الطوفان. واني أتذكر إذ أتذكر كل نِساء العالمِ فِي قُبْلةْ.
واني استنكر إذ استنكر هذا الليل المتبرج و المفتون بقطرة ماء يستخلصها من إبط الوردة طنانٌ مجنونْ، استودعُها- باسم الله - رحم البنت.
لم يخلقني في تلك الليلة ربي، لم يقرأ جدي في أذنيَّ : "إنَّا أنزلناهُ في ليلةِ القدرْ"، لم تُطعمني أُمي مِنْ ثدييها لُغةَ الشعَراءِ المُنْتَعِظِينْ كهوائيات التلفون. كان الصبيةُ مَشْغولين بصناعة مركب نوح. يخلقها أطفال الحارة من عُشب البيت و أقصاب البوص. لم يُتكاثرَ كالطحلب أو يُسْتنسخَ أو يُتصورَ في المَاءِ أو العُشبةَ حبيبي، بل كُنا مُنذُ الطلقة شخصٌ واحدٌ.
يطلقَ النارَ على كبدي و يهتفَ منتصراً.
بعد قليلٍ، يسْقُطَ مَيْتَاً.
ويُسمى في بيت الزوجةِ مقتولاً، ولدى الأم: قتيلان.
فأنا في عُرفِ الطلقةِ مجرد لحم يُثْقبْ، مَحض دماءٍ يتدفق من أوردة وشرايين شتى، محض صُراخ وآهات يصدرها مَلْحُومٌ مكلومْ.
ابعثني يا صاحبي في حضن حبيبي. ابعثني كالطير ملائكة و خيول. ابعثني في الليل نبياً بغير كتابٍ و قمرْ، بدون جناحين. أتبركُ بوحلِ خطاياي. فأنا شخصان بإثمين وفضائح شتى، ابعثني يا صاحبي. سَئمتُ القبرَ. سَئمتُ الجَنةَ ولم تدهشني بُنياتِ الحورِ "المفعوصات" وتطواف الوِلْدَانْ.
وَطني مُنذُ الطلقةِ أوطانْ. و أنا شَخْصٌ وَاحدْ، لكني في المِحنةِ شَخْصِانْ. لا أعرف اسمي بالفطرة، في الواقع: لِي اسمانْ.
الدمازين
1-9-2010
|
| |
|
|
|
|
|
|
|
|
|
Re: مربع كاي (Re: عبد الحفيظ عباس)
|
| Quote: لكن عبد العزيز بركة ساكن الروائي الجميل اصر يجي معاي مربع كاي(هاهاها |
فافي حبابك و ضيوفك الكرام و أعتذر عن الرد المتأخر....
عندي باقي عيد مشيت أكملو مع العيال...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: رش يا حبيب
شوق مطر ليك , ولى مربعك الاثير
لقيت نفسى طولت ما جيت بى جاى
قلت اتاوق , لقيتك صائم زيى
|
منص يا حبيب كيفنك...
ان شاء الله تكون خلصت السبوع بتاعك...
أنا صمت خمسة أيام متتاليات ثم توقفت...
و ما أصعب العودة بعد توقف يومين...
و لكني عازم على أكمالها غدا ان شاء الله...
بس ان شاء الله تعود الروح أيضا لكي نعود الى البوست...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: مربع كاي والونسة الطاعمة .... كل نمر نسلم علي الجماعة .....
يا رشدي الله أداك ..... عاين يا زول .... ولا يهمك .... ربنا عارف براههو الحالة ... وبيعذر .... |
يا أبو الزوز...عمره واحده لا تؤهلك للفتوى...
كدي شوف لينا شيخ جمال فارح رأيه شنو...
الراجل حاج و بيزينس مان كمان...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: زيارات عيد
ناس كاي
كل سنة وانتو طيبين |
عبد الحفيظ الحبيب...
كل سنة و انت طيب...
و مرحب بمرورك الجميل من هنا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
أعاني و منذ فترة من عدم مقدرتي على التمييز بين العطور المختلفة..
مع استخدام البن المقلي في محلات بيع العطور تظل مقدرتي كما هي..
و كثيرا ما أستعين بنجاة حوفي في اختياراتي للعطور...
ثم أصبحت أشتريها حسب ماركاتها..
و أكرر العطر حسب تعليقات الناس من حولي...
فكلما استحسن الناس العطر كلما كررته كثيرا...
و لكن لي مقدرة فائقة في شم ريحة اليوم...
ان كان سيكون يوما جيدا أو سيئا...
فمنذ بداية اليوم تكون هنالك مؤشرات لما سيكون عليه اليوم...
أصبحت اليوم و أنا أشم ريحة يوم جيد...
و نحن هنا في غربتنا نعيش اليوم باليوم...
و عندما ينقضي اليوم نحمد الله كثيرا ان كان يوما جيدا...
لم يخيب حدسي بهذا اليوم فلقد توقعته جيدا ولقد كان...
حيث التقيت بأحد الجيران من أيام مدني...
استعدت معه ذكريات الصبا الأولى...
فتجمل المساء بأريج ذلك الزمان الجميل...
فكان كل ما تمنيته بعد سهرة ذكريات..
أن استمع الى أغنية حمزة سليمان و من كلمات حميد...
أنا ماشي راجع لي بيوت تفتح لي دق أو ما أدق...
من غير تقول الزول منو أو عل الداعي خير...
| |
|
|
|
|
|
|
|
|
|
Re: مربع كاي (Re: الرشيد بابكر)
|
أسعد الله أيامكم...
بعيدا جدا عن ما يقوله كثير من المنظرين في ما يخص تنمية الذات...
و على رأسهم الدكتور أبراهيم الفقي و هو الأشهر هذه الأيام..
و هنالك غيره كثيرون سبقوه في ذلك...
و ان أختلفت المناهج و طرق التحليل الا أنها تلتقي في كونها تستهدف الانسان...
تستهدف تنمية قدراته و تدينه و ذوقه و أسلوبه في الحياة...
الا أنني و بعيدا عن كل هذا و هؤلاء أجد نفسي أخيانا و في لحظات تأمل...
انني أقلل كثيرا من مقدراتي و ان بامكاني أن أعمل أكثر مما أعمله الآن...
أو من ناحية أخرى انني قادر على تحمل صعوبات و مشاق أكثر مما أعتقد..
و هذه المسألة بدأت منذ فترة ليست بالقصيرة...أقصد هذه المراجعة للذات...
و ان كنت أعتقد انها بدأت متأخرة نوعا ما...
و لكني و من خلال تلك المراجعات استطعت رفع ثقتي بنفسي كثيرا...
و وجدت أنه ليس هنالك أخطر من نفسك على نفسك...
فانت الذي يمكنك أن تقلل من شأنها أو تعلي منها...
أنت الذي تدفعها على خوض الصعاب و احتمال المشاق أو البقاء بعيدا حيث الأمان...
و هذا الأمان ربما يكون أمانا زائفا أو مؤقتا و انت تحسب أنه دائم...
دون أن تخطو خطوة الى الأمام خانعا راضيا بما انت فيه...
وجدت ان المراجعة هذه ألى خطوات التدريب لاكتساب الثقة في النفس...
فمجرد المراجعة تعتبر خطوة في الطريق الصحيح..
ثم تعقبها خطوات تصحيحية لبعض السلوكيات التي تعيق تقدمك و تنميتك...
ثم خطوة بعد أخرى تجد نفسك قد بلغت شأنا لا بأس به بذاتك...
و الاستعانة بأساليب و مناهج مدروسة و مجربة لا بأس به...
فربما يختصر الطريق أو يدل على الطريق الصحيح...
و لكنها لا تعتبر روشتة ناجحة و مفيدة الا اذا بدأت أولا بمراجعة نفسك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
هذه المرة أكتب بالصباح في مربع كاي الذي اعتدت أن أكتب فيه ليلا...
و الكتابة ليلا تختلف كثيرا عن الكتابة نهارا من حيث الموضوع و الرغبة...
رغم انني لا أحدد موضوعا بعينه للكتابة فيه حتى أواجه هذا المربع الأبيض...
و بمجرد النظر اليه يتبادر الى ذهني موضوعا ما فأبدأ بالكتابة فيه...
حتى كثير من القصص التي كتبتها كانت ولادتها بنفس الطريقة...
هذه المرة أتي الى المربع بذكرياتي عن اليوم الذي أخبرت فيه أبي عن رغبتي في الزواج...
كان أبي يرقد في سريره بالحوش بعد صلاة المغرب و بجوارة كرسيان خشبيان...
الكرسيان من ذلك النوع الذي به زراعان و به مسندان يميلان الى اللون البني الفاتح...
كان المكان معتما و لا أضواء فيه الا تلك التي تتسلل من داخل الصالة المجاورة...
يبدو أن أبي كان متعبا فلقد أستلقى في ما يشبه النوم على جانبة الأيمن...
كان يضع زراعة الأخرى فوق رأسه و كأنه يريد أن يمنع تسرب أي أصوات الى أذنيه...
كنت وقتها قد حزمت أمري و قررت أن أتزوج في اليوم الذي اتفقت فيه مع نجاة...
و كعادتي عندما اقرر شيئا لا أتراجع فيه بعد ذلك...مهما كانت العواقب..
مشيت اليه بخطوات واثقة و شجاعة و وجدته في الحالة التي وصفتها...
قلت لا داعي أن أزعجة و هو في غفوته تلك...
عندما هممت بالانصراف أحس بي و رفع رأسه و قال لي...أيوه يا شيخ الرشيد...
جلست في مواجهته مباشرة على الزراع الخشبي للكرسي المجاور له مباشره...
جلس في السرير عندما أحس بجديتي رغم ان هذه الجدية ليست بغريبة عليه...
قلت له يا أبي أنا سأتزوج في يوم 5\1...أي بعد أربعة أشهر من الآن...
توقعته أن يعترض و يقول لي كيف ذلك...و كيف تحدد موعد الزواج دون أن ترجع لي...
و لكنه و بهدوء شديد قال لي...هل هي تلك الفتاة التي حضرت معك مرة من القاهرة..
اندهشت...و قلت كيف تسنى له أن يعرف ذلك ثم أجبت..هي بعينها...
ما اسمها و من هم أهلها...
قلت له اسمها نجاة و هي من عائلة الأقرع...
الأقرع؟؟ ثم قال ممازح لي...أوعى تكون عندها صلعة...
ضحكت و تنازلت قليلا من جديتي المفرطة...
ثم قال لي و لكن أربعة أشهر قريبة جدا يا شيخ الرشيد...
ان أبي يحب مناداتي بشيخ الرشيد...
لا أدري لماذا يحب ذلك...قالت لي أمي مرة انه يرى فيك سمات الشيوخ...
أي سمات و صفات المتصوفة...و هما الصبر و عدم الاكثار من الكلام...
كنت قليل الكلام حتى علمتني نجاة حوفي فأصبحت أحتاج لمن يسكتني...
طمأنت أبي و أخبرته بتجهيزاتي و طلبت منه أن لا يقلق أبدا...
قال لي على بركة الله..متى تريدني أن نذهب اليهم...قلت عندما يحضر والدها من ليبيا...
لم يستقرق الأمر طويلا مع أبي عكس ما توقعت...
كان سهلا و مختصرا مفيدا و كان أبي في منتهى الدبلوماسية و المرونة معي...
كان أبي دائما ما يعاملني هكذا منذ نعومة أظفاري و لذلك أسباب...
و هي باختصار انني كنت طفلا شديد الغصب سريع الانفعال و لقد نصحه الكثيرون بمعاملتي هكذا...
ربما هذا ما أعتقده أنا و ربما لأبي سبب آخر...
أو ربما هذا هو الوجه الحقيقي لأبي و أنا أنوهم أنها معاملة خاصة بي...
بمجرد أن قمت من زراع الكرسي الخشبي استدعى أبي أخي محمد على الفور...
و أخبره بما أخبرته به و طلب منه ان يستعجل في أمر زواجه علما منه بأنني لن أتأخر...
و كان أن تزوج أخي محمد قبلي بعدة أيام...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام يا رشا
وسلام لكاى وناس كاى
ولسيدة كاى الاولى
طوالى بمر على المداخلات وبقراها مرة واحده بس
الا بنتاعة خطوبتك دى
قريتا 4 مرات
يعنى انت حددت المواعيد مع العروس قبل ما تخطب يا ولد ؟
ياخ عم بابكر ده زول متطور شديد شديد شديد
ربنا يخليهو ليكم ولينا
| |
|
|
|
|
|
|
| |
محمد صديق
الرشيد بابكر
مجتبي فاروق
سامي عبد الوهاب إدريس
محمد آدم النور
زهير الزناتي
أبوبكر حامد الأمين
عبد الدائم سيد أحمد
زينب التجاني
نجاة حوفي
ASHRAF MUSTAFA
عفاف علي ميرغني
ياسر نجيلة
محمد عثمان عبد الرحيم
عبد القادر بابكر
عمر نملة
محمد عيد
منصور عبد الرازق
عبد الحفيظ عباس
فيس بوك
تويتر
انستقرام
يوتيوب
بنتيريست