|
|
|
 Re: مربع كاي (Re: زهير الزناتي)
|
مجتبى شنو يا أبو الزوز...القصة أكبر من كده...
في هرشة تانية...
و كل ما تقول ليهو وين انت...
يقول ليك الأولاد ما مديني فرصة...
أعذاره كترت ليهو كم أسبوع كده...
ما شايفو بقى يظهر آخر الليل....بعد ما الجماعة ينومو...
زمان كانو بقولو...من خلى عادتو قلد سعادتو...
| |
 
|
|
|
|
|
|
|
|
Re: مربع كاي (Re: الرشيد بابكر)
|
| Quote: من خلى عادتو قلد سعادتو... |
يا رشيد قلّت سعادتو ، قدر ما ما حاولتَ أقرب المسافة بين التاء والدال (لقيت الفرق شاسع ) وأنا أنا فى التمنّى ديمة حبيبى ساجع ، بعدين لو عندك كلام وجّهو لى الزول عديل ، عينك لى الكوتش وتطعن فى بكرى ، قال قلّد سعادتو قال ، على قلّد دينمو مولّد.
قدورة حمداً لله على سلامة الوالد وربنا إوالى الحاجّة بى العافية .
يا زناتى إكونش الواد اللى قلت عليه المستكاوى وأنا ماعارف ، قال ايه ساتر قال
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
| Quote: يا رشيد قلّت سعادتو ، قدر ما ما حاولتَ أقرب المسافة بين التاء والدال (لقيت الفرق شاسع |
بكوري قلد بمعنى حضن مش بيقولو قالدني و قالدتو...وليس قلت أي نقصت...غيرنا الكلمة لتتناسب و المعنى المراد...الله يتم مرادك...
بعدين الكوتش ده ما داسيها..من زمان معترف و مسلم و مستمتع...
و مستعين على قشاء حوائجه بالكتمان...
قلت لي علي قلد؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام يا رشا
مما ادخل البوست دة الشكلة بتب\دا انا هسة فى الزمن الاضافى
اولا التحية لاختى بت امى و(كان ترضى كان تابا)
السولوتيرة الجميلة نانى
يا نانى ما تفكى لغز الخضروات دة
اتوقعى تلفون صباحى بس التزمى بلتعليمات
ثم تانيا انا بفتكر انو موضوع الاجاذ1ة وبعزقة الفلوس دى مافى داعى ليها يا رشا شو والتزم باجندتك
وزير الاقتصاد بتاعك لافكاك مكن البرامج الواضعها
اسالنى انا....
وده مطمنى
تفتكر لو انت مشيت زيورخ ولا بلجيكا تانى البقدر يكتب حرف فى البوست دة منو
من بكرة بفتح لى بوست واسميه لا...لسفر رشا
يا رشا ما تسحططنى انا بتى ممتحنة السنه الجاية وعندها كورسات
واحنا عاملين تضامن ذى انصهاركم الاسرى يعنى ما بقدر اسافر براى
لكن لو انت مسافر اكان اصرف دهبى الما صرفتو للعربية واقدم من بكرة فى كل السفارات
يت نانى حولى اربطى الحزام ومن بكرة حادور ليك على عروض هنا
عندى نيه مشى لشوش وعزة يوم الجمعة
بس خايفة من لز العربية
| |
|
|
|
|
|
|
|
|
|
Re: مربع كاي (Re: زينب التجاني)
|
Quote: ثم تانيا انا بفتكر انو موضوع الاجاذ1ة وبعزقة الفلوس دى مافى داعى ليها يا رشا شو والتزم باجندتك
وزير الاقتصاد بتاعك لافكاك مكن البرامج الواضعها
اسالنى انا....
وده مطمنى
تفتكر لو انت مشيت زيورخ ولا بلجيكا تانى البقدر يكتب حرف فى البوست دة منو
من بكرة بفتح لى بوست واسميه لا...لسفر رشا
|
زوبة صبحك الله بالخير
البعزقة دي يا زوبة أنا وارثها وراثة من أبوي...أبوي عاش في زمن أصرف ما في الجيب....ورغم اني بديت في الزمن داك و لكن الأمور تحولت و بقت المسألة من أصرف لي كنكش في ما في الجيب...الا اني بقيت ياني ذاتي...
و دي مرات بتجيب ليها زعلات و حردات و استراتيجيات من نجاة...الا انو لا يخفى عليك ان الطبع يغلب التطبع...
قدر ما حاولت اتخلى من العادات السيئة دي لكن ما قدرت...لحدي ما كبروا العيال و حسينا ان مسألة تأمين المستقبل دي مهمة....و قعدت أفكر في الموضوع من كل الزوايا...اضيفي الى ذلك شغلي الآن خارج أبوظبي ساهم كثيرا في تغيير عاداتي بتاعت البعزقة كمان....
الا في حتة السفر دي يا زوبة...أها قولي لميت القروش و مشيت اشتريت لي بيت و بعد أصبحت في عمر الستين مشيت قعدت فيهو في السودان...
حأكون عملت شنو...
أكون رهنت عمري لي بيت امكن اولادي بعدين يقعدوا او ما يقعدوا فيهو...
أو يجو يقولو ليك و الله الحاج ده ما كان موضوعي...
يشتري لينا بيت في الحي ده...
ده يسكنو فيهو كيف ده حسة...
و يقوموا يبيعوا البيت و يتقسموا القروش..
أنا مع المسير في الاتجاهين...
الاستمتاع بالاجازات...المكان ما مهم حقيقة...
لكن كيتا فيك كده...
الاجازة لو ما بقت في أوروبا ما اجازة...
و في أوروبا لو ما بقت في لندن أو روما أو باريس أو زيوريخ...
ما عندها طعم...
أظني كويتك مكوة...ما فضل لي الا أطبقك...
الاتجاه التاني يا بت النوبه يكون البيت...
أو أي مشروع مستقبلي...
تكون استمتعت بي اجازتك...
و أخذت شحنات معنوية لمواصلة الطريق...
و في نفس الوقت عملت للمستقبل كأنك تعيش أبدا...
يعني الحكاية لا بعزقة و لا حاجة...
وقع ليك ولا أبدأ ليك من البداية...
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
مشيت ليك الرياض السعودية...
و أول ما نزلت من الطيارة لقيت ليك في استقبالي..
منص حبيبنا اللينا منو سنين...جلال الطاعم و موسى عيسى رغم مشغولياتو..
كمال الشادي الحبيب...
مامون أخوي و فيصل ود خالتي..
حسيت اني كبير خلاص...وطرت في الفضاء أحلق...
كل واحد فيهم مصر نمشي معاهو البيت...
ذكروني ليك أيام كنا بنصلي الجمعة في قرية السديرة بالجزيرة...
بعد الصلاة كل واحد في الحلة يصر نتغدى معاهو...
منصور يقول ليك يا جماعة الزول ده حقي أنا...
مامون أخوي يقول يا جماعة ده أخوي أنا أولى بيهو..
جلال يقول لي مامون...انت قايل هو أخوك براك...
موسى عيسى يقول ليهم و لا واحد فيكم...يمشي معاي أنا...
أنا فرحان لكن محتار...أمشي وين و لا وين...
المهم حسمنا الموضوع قلنا كل يوم في مكان...
الجماعة وافقوا على مضض...خاصة منصور..
الجماعة كانو محضرين لي مفاجأة...
حفلة كبيرة أكبر من الاولى...
دعوا لها كل الزقازيقاب في كل أنحاء المملكة...
محمد عيد و ميسرة و ديدو جو مخصوص من جده...
المكان مجهز أحلى تجهيز...
الناس كلهم حضروا...
كمال الشادي واقف وراء الأورغ
الجماعة قالو لي تعال أفتتح لينا الحفلة...
مسكت ليك المكرفون قلت أرشهم ليك..
قلت ليهم يا جماعةأنا من عرس منصور ما مسكت لي مكرفون...
و بديت ليك كسير تلج...
قلت ليهم انتو عارفني بحب الشو..مشيت وين و مشيت وين..
و الله أجمل مكان في الدنيا مشيت ليهو...المكان ده...
عشان انتو فيهو...
و قمت قدمت كمال الشادي...و أحمد عجوز...
صدحوا بأجمل الألحان...وغنوا للصباح...
و أثناء ما كمال الشادي بغني في ضنين الوعد...
حصلت حاجة غريبة...برجع ليها تاني...
أمبارح بالليل أمنية بتي قالت لي تصبح على خير يا بابا....
و أحلام سعيدة...و نمت نومه عميقة جدا...
و على أمنيات أمنية بأحلام سعيدة...
حلمت بالموضوع الفوق بتاع الرياض ده..
أرجع ليكم لي الحاجهالغريبة الحصلت و كيمو بيغني ضنين الوعد...
أنو ما كملها...
لأني صحيت فجأة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
يا حبيب ...سلام
امس بالليل تاوقت بعين واحدة وعملت بطريقة
جلا ...كوبى بيست لقصيدة عيد الهدية...
شايفك تصلح للقلْبَة وتمشى تحلم ...
ودى بمناسبة الحلم :
وأستدْعيكَ من قاعِ الزمانِ السّعْدِ
أطْرُقُ بابك المدفون..
تحت تراكم الشجنِ العتيدِ...
وأشْتهى...
مأجمل الحلم العنيد المُشْتَهى!!!
| |
|
|
|
|
|
|
|
|
 Re: مربع كاي (Re: محمد صديق)
|
| Quote: حلمت بالموضوع الفوق بتاع الرياض ده.. |
صباحك ورد000
رغم انه حلم لكن زعلت عشان كل الناس كانوا في استقبالك الا انا0000
رغم اني متاكدة لو جيت الرياض قبل ما تسلم على مامون ومنصور اجباري ح تسلم على حاج الركز وبالتالي انا00
انت ناسي حاج الركز شغال في المطار 00 والوحيد يقدر يستقبلك عند سلم الطيارة؟؟؟؟
لا مش كدا وبس ويستقبلك في صالة كبار الزوار 00 !!! وبالتالي حرمه معاهو ((المرأة على دين بعلها ))في دي بس يا رشا عشان خاطر استقبالك0000
شفت يا رشا بعض احلامنا بتجيب لينا اللوم كيف ؟؟؟؟
كويس ناني ما معاك لانها من ابو ظبي كانت ورتني الخطة 000
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
رشو يااحلام عندي ليك مفاجأه ولا في الاحلام( خلينا في الواقع) حصلت ليك شقه مفروشه على بعد خطوات من الكبسوله الساكن فيها مؤقتا لحين وصول اسرتي وعلي الطلاق مدفوعة الايجار وهي مطلله على بحر الشمال بس ادينا الضوء البنفسجي
| |
|
|
|
|
|
|
|
|
|
Re: مربع كاي (Re: عمر نملة)
|
Quote: انت ناسي حاج الركز شغال في المطار 00 والوحيد يقدر يستقبلك عند سلم الطيارة؟؟؟؟
لا مش كدا وبس ويستقبلك في صالة كبار الزوار 00 !!! وبالتالي حرمه معاهو ((المرأة على دين بعلها ))في دي بس يا رشا عشان خاطر استقبالك0000
شفت يا رشا بعض احلامنا بتجيب لينا اللوم كيف ؟؟؟؟ |
فافي معزتي ليكم انتي و حاج الركز صديقي لا حدود لها...و أنا عارف لو جيت الرياض ستكونون في مقدمة المستقبلين...
لكن صدقيني ده كان حلم حقيقي...
حلمت بالكلام ده كلو...
صحي مرات بألف لي حاجات كده...
لكن المره دي...مافي أي نجر...
ضربت تلفون لي منصور تلاته مرات...ما رد علي..
الساعة 12 ونصف بعد منتصف الليل و أنا بحنس في النوم...
بحنس في النوم يعني عشان أنوم بعد ساعة و نص كده...
ضرب لي منصور...و قعد يتكلم معاي لحدي الساعة واحدة و شوية...
رقدت نمت....و تعالي شوفي الحصل في سوق البصل...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يارش تحياتي ليك والاولاد
لكن يتخيل الحلم الجاي
حايكون علي شاطئ بحر الشمال
عنها مااتلمت ولا خليك في الحلم احسن
اول مرة اسمع بالضو البنفسجي
في الامارات ماعارف لكن عندنا في السعودية
البنفسجي دا الورقة ام 500 ريال
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: رشو يااحلام عندي ليك مفاجأه ولا في الاحلام( خلينا في الواقع) حصلت ليك شقه مفروشه على بعد خطوات من الكبسوله الساكن فيها مؤقتا لحين وصول اسرتي وعلي الطلاق مدفوعة الايجار وهي مطلله على بحر الشمال بس ادينا الضوء البنفسجي |
و الله يا عمر دي ياها المحرية فيك...فعلا من مدني الدباغة..راجل ود رجال...
أشكرك يا صديقي على الاهتمام الزائد...
نحن عادة بتكون اجازتنا في نهاية شهر يونيو و بنحاول نضرب عصفورين بي حجر واحد...
حتة نأجز فيها اجازة بمعنى الاجازة و بعدين نكملها في السودان عشان نشوف الوالد و الوالده...
لسه لم تتضح معالم الخطة بتاعتنا...و لكن ان شاء الله بمجرد ما نحدد بنديك خبر...
ربما يكون هنالك تنسيق بيني و منصور في موضوع الاجازة ان شاء الله...
شكرا يا عمر...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: وأستدْعيكَ من قاعِ الزمانِ السّعْدِ
أطْرُقُ بابك المدفون..
تحت تراكم الشجنِ العتيدِ...
وأشْتهى...
مأجمل الحلم العنيد المُشْتَهى!!! |
يا سلام عليك يا كوتش...
ما قلت ليك نحن مشتهنك...
عشان جيتك دايما فيها دفعة معنوية...
و جمال و حيوية...
فنحن دائما نطرق بابك المدفون...
تحت تراكم رغباتنا في سماع كلام طاعم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
اولاً يا قورة حمد الله علي سلامة الحاج وربنا يدي الحاجة الصحة وطولة العمر ...
ثانياً يا رشا حلفتك بالنبي كان رحلة بلجيكا فوتها خاصة الرحلة بتاعت بحر الشمال دي ... إتخيل زوبة بت النوبة تحكي بيها لغاية الآن الرحلة الزمان ديك قبل عشرة سنوات ... نقعد للونسة تقول ليك لمن ركبنا الباخرة وشفنا الـ midnight sun وما عارف شنو ... اها لو مشيت وجيت حكيت لينا تكون كتلت ليها الدش في يدها ....
بعدين انا ذاتي حلمان بحفلة الرياض دي يا ربي يكون الحاصل شنو .؟
| |
|
|
|
|
|
|
|
|
|
Re: مربع كاي (Re: زهير الزناتي)
|
Quote: يارش تحياتي ليك والاولاد
لكن يتخيل الحلم الجاي
حايكون علي شاطئ بحر الشمال
عنها مااتلمت ولا خليك في الحلم احسن
اول مرة اسمع بالضو البنفسجي
في الامارات ماعارف لكن عندنا في السعودية
البنفسجي دا الورقة ام 500 ريال |
ود المهدي...
عجبني جدا انك من مدرستي...
عنها ما اتلمت دي عجبتني و سرت بالي...
أنا كنت من رواد هذه المدرسة...
لكني ما عايز أقول رجعت عنها كليا ..
و لكن لنقل أصبحت وسطيا...
ودالمهدي...
أعتقد في بحر الشمال الأضواء غير...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: ثانياً يا رشا حلفتك بالنبي كان رحلة بلجيكا فوتها خاصة الرحلة بتاعت بحر الشمال دي |
أبو الزوز غايتو الاجازة دي لازم تطبخ على نار هاديه عشان الشو يكون مقنن...زي الشاي حقكم...
زوبة قاعدة تستخدم عنف قانوني و غير قانوني معاي...
كل يوم تضرب لي نجاة تلفون الصباح بدريييييييي....و انت عارف نقة الصباح دي بتعمل شنو..
انتي يا ناني ما تبقي عويرة و ساكته للرشيد ده و هو يبعزق في القروش...
خليك شاطرة شوية زي النسوان و ما تخلي الزول ده على حل شعره...
و بعدين شفت ليك زوبة في القوقل ايرث في واحدة من الأحياء ديك في الخرطوم بتفتش لي فكي...
أنا لحدي حسه بلعب لعب قانوني...
لكن الموضوع لو زاد....
بكلم عبدالله صاحبي الهندي يجيب لي حجاب من الهند...
يا أبو الزوز طلع قانون في الامارات بمنع العربيات العمرها أكتر من 10 سنوات من السير...
حسه رحلة بلجيكا دييييييييك فاتت العشرة سنوات....
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام يا كاى
يارشا شو كدى خلينى من مساله البعزقة دى لانى عندى فوق راى
ووجه نظرى ما حتتماشا مع اللون البنفسجى الملون البوست نقطة سطر جديد
بس ياخ تعال السودان بدل الجيات المشحتفة مما تجى لما ترجع نفسك قايم
اكل سمك مع ناس جلا
تمشى تتعشى فى نادى الضباط مع ناس فارح وجادين
بس كدى بلجيكا دى خليها
يا منصور
يا بكورى
وينكم
يا زناتى يا موسى حماى الطار كوييييييييس
انا لسة رحلتى ما تمت السنتين لانها شهر ستة
من بكرة اتوقعو صور البوت الفى بحر النرويج والmidnight sun
مالكم مذكرنى مخلين النوم يطير من عينى
والله يا رشا كان لى مراد انط ليطم وسط الزهور الجوة المربع
نانى البيت البيت
ساريا دى ناس هنودى ما بكون عندهم فيها راى
ويا عمر نملة سلام
شنو كمان ممهد لى للرشيد بشقة
انت ما عارف الحيحصل شنو
تانى مافى زول بخت حرف معاهو
| |
|
|
|
|
|
|
|
|
|
Re: مربع كاي (Re: زينب التجاني)
|
| Quote: بس ياخ تعال السودان بدل الجيات المشحتفة مما تجى لما ترجع نفسك قايم |
زوبة الواحد لما يكون جاي من اجازة حقيقية على بحر الشمال...ما بتفرق معاهو قومة النفس بتاعت السودان...
لكن اتخيلي الاجازة كلها نفسك قايم...بتكون عايز ليك اجازة تانية ترتاح فيها...
قلتي لي ما عندك راي في البعزقة...
أشرحي لينا الحتة دي...
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكوري...ميسي رائع و برشلونة فريق فوق العادة...
لكن أرسين فينجر يرتكب الأخطاء تلو الأخطاء في المناسبات الكبيرة...
أول حاجة و في آخر مباراة في الدوري الانجليزي لعب سول كامبل مباراة العمر و كان نجما لدفاع أرسنال...و قد استغل خبرته الطويلة في أداء مباراة جيده...كنت أتوقعة أن يشارك في هذه المباراة...و لكني فوجئت بسلفستر الكثير الأخطاء و الذي تخلص منه مانشستر يونايتد بسبب أخطائه الكثيرة...فأهدى ميسي تمرية الهدف الأول...و تجاوزه ميسي بسهولة في الهدف الثاني...و ترك ميسي وراءه في الهدف الثالث...هذا السلفستر كارثه كروية و هو سبب أساسي في هزيمة أرسنال الثقيلة...
أخرجه فينجر بعد أن اصبح لاعبيه في معنويات منخفضة جدا...
أبقى فينيجر على روزيسكي و سمير صبري لوقت طويل رغم أداءهم السيء...
أخطأ فينيجر في عدم مراقبة ميسي مراقبة فردية و تركه يسرح و يمرح...نعلم أن ميسي يتضايق من المراقبة الفردية وتفقده أعصابه و تركيزه مثله مثل كل اللاعبين الأرجنتينين...
و لكن برشلونة يستحق الانتقال للمرحلة التالية و يستحق اللقب أيضا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
ياخى انعل ابو ميسى زاتوووو
كمان قالوا ليك اسلم , هسى عليك الله العمايل البيعمل فيها دى , عمايل مسلمين ؟؟؟!!
كان يقولوا ليهو , كورتك البى الطريقة دى , بتدخلك النار عدييييل
استمتعنا بالعب مختلف , وفريق مختلف , وفوز مقنع , وتأهل اكثر اقناعا
وآمنا عديييييل
| |
|
|
|
|
|
|
|
|
|
Re: مربع كاي (Re: محمد صديق)
|
| Quote: كان كده الشو حقك لحقتو امات طه. |
يا كوتش المؤمن صديق...نحن ما زلنا مصدقين انو الشاي باللبن المقنن عند ناس زهير لا يعلى عليه...
حتى لو طلع مجرد اشاعة...برضو يبقى رمز للشاي باللبن المقنن...
| |
|
|
|
|
|
|
|
|
|
Re: مربع كاي (Re: الرشيد بابكر)
|
زينوبه أختي
سلام يغشاك ويطبطب على ست الحبايب يمه محاسن. عارفه اجازة رشيد القوم انا فاكرها مع الاسره ( نجاة ، امنيه، مهند عبدالله الهندي ، منصورنا وكمان معاهم بنات أم نجاة). يعني لو عملنا الدعوه مفتوحه مع الريس عمر مجذوب والعيال وحتى شوش (بدون لز) برضو بتقولو نعمل ترشيد للصرف. بقول ليكم امسترام زي الزقازيق اسكندريه شمالا وباريس جنوبا ودخلت في الخط لوكسمبرغ برضو حوالي 3 ساعات شرقا والله الا زهير الزناتي يرحل يسيب البلد . والايام دي درجه الحراره 15 درجه .
رشو رسل لي ايميلك السري عشان ارسل ليك البرنامج الخاص(طاخ طاخ طاخ)
| |
|
|
|
|
|
|
|
|
|
Re: مربع كاي (Re: عمر نملة)
|
صبحكم الله بالخير
يا عمر ايميلي [email protected]
أنا في طريقي لأبوظبي الآن عايز لما أوصل ان شاء الله يكون البرنامج في الايميل...
عمر يا ريت لو رسلت لينا نسمه كده لذيذه من أبو خمستاشر درجة مئوية لزوم تليين رأس نجاة حوفي...
بيني و بينك برنامج رهيب على نسمه لذيذة بعد كده زوبة الا تشوف ليها فكي سويدي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: بعد كده زوبة الا تشوف ليها فكي سويدي... |
تعرف يا روش كلمة فكى شفتها فلكى ، قلت المسألة جابت ليها مراصد ونجوم ، يا ربى تكون فى ظاهرة كونية جديدة تخلّى الشمس تطلع نص الليل Midnight Sun ، يا يت النوبة أعذرى جهلنا وأميتنا الأوروبية وتعالى كلمّينا عن الموضوع ده ومعزّز بالصور لزوم إفحام الخصم ودحض دعواه ، وستقرر المحكمة حينها إلزام المدّعى عليه بالرسوم ونفقات الرحلة ، و.... من أريج بحر الشمال ، أهدى أزكى بنات الخيال وإجازة تفوق الخيال ، ويا عبد الله الهندى ألحق تعال.
ياروش عندنا الفكى إبراهيموفيتش ناوى إكرّر هدفو فى ريال مدريد وإعتزل
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
جمعة مباركة تقبل الله فيها صلاتكم وما تنسونا من الدعوات.
عدم المتابعة اجبارى ما بيدى(لو بيى كنت...)
سلام وشوق ليكم كلكم وتحية خاصى لعمر نملوزبلدياتى كيف الاولاد ما شاء الله لسه شباب ..
راكبين بورش ما شاء الله البوست ما عارف اقرا شنو ولا شنو .
لو فى زول عيان سلامته والزعلان الزعل مرفوض والدين ممنوع..
ابدا من وين زوبة.. يا سولتيرة وين تلفونك
لغزالخضروات ..
نبدا بالبرتقال..
واحدة سودانية فى ابوظبى راجلها متجاهلها شوية(اعملوا حسابكم ) المهم استعانت بصديقاتها واهلها وجابو ليها جركانةكبيييييرة محاية .
اختكم قصدها شريف عرق محبة يعنى عيبوا لى المحبة ..ولا شنو رايكم.
المهم الطباخ العندهم فى البيت بنغالى ادتو تعليمات لانو الراجل بجى قبلها من الشغل وما بنتظر يتغدى معاها..صاحبكم بحب ياكل برتقالة بعد الغداء وينظفها براه..
يوم من الايام البنغالى نسى يودى سلةالفواكه فى السفرة المهم صاحبكم دخل المطبخ مد يده علىالبرتقال البنغالى مسك ليك البرتقالة من يده وقال لي( لا بابا سوى انتظار)شال ليك الحقنة ملاها من المحايةواد ليك البرتقالةحقنة كبيرة..فسالوا صاحب البيت شو هذا انت مجنون رد البنغالى ( لا باب انا مافى مجنون بس ماما يقول عشان برتقال ما يكون مريض وانت يبقى زين مافى مريض لازم يعطى انجكشن)
فكل واحدفيكم ياكال كيس البرتقال فى الشارع او العربية ولا احسن حل بنات الشيوخ ديل عاملوهم كويس والله
المحبةدى سر مفاتيح كل الابواب..
وحسب رواية قريبتى بابوظبى انه عرق المحبة بطحنوا ولانه لونه شين انسب شى بكبوا فى الدمعة ويديها اللون الاحممممممممممممر اللذيذ وسلطة الاسود كمانلا تعرفوا البذور من العمل..
اعملوا حسابكم يا مريدى سلطة الاسود والدمعة والبرتقال..ناس زهير وجلا وجلال وبكور
قريبتى دى بتخاف على اخوانها شديد هم اكبر منها دايما تقول ليهم تعالوا اتغدوا مع امى فى البيت عشان بقت كبيرة قالت حتى تضمن الا تمتلا قلوب وعقول اخوانها بعرق محبة النساء الكيدهن عظيم
كدى النمشى اشوف سلطتى ودمعتى
ودمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
مساكم الله بالخير
الخميس و الجمعة كانا يومان فوق العادة...
تجمع عائلي جميل جمعنا و بنت خالي هبة و زوجها خالد قادمين من السعودية في زيارة للامارات...
قضيا معنا ليلة جميلة و في حضور أخي محمد و عائلته و أختي غادة و عائلتها...
الأمر الذي حرمنا من الظهور بالبوست...
نعتذر عن الانقطاع القسري و نراكم في قادم الأيام على خير...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: نعتذر عن الانقطاع القسري و نراكم في قادم الأيام على خير... |
العذر دا مشيناهو ليك
أي عذر تاني البوست بتاعك دا حا يتأرشف
طبعاً الباشمهندس بكري نصَّبني ألفا في المنبر دا
| |
|
|
|
|
|
|
|
|
|
Re: مربع كاي (Re: محمد صديق)
|
عصفورة قلبى..
يا رمل البحر ويا غابات الزيتون
يا طعم الثلج وطعم النار
انا من بدء التكوين ابحثعنوطن لجبينى..
اثرتنى هذه الاغنية بكلماتها وشدنى اكثر اللحن والفيديو كليب
يا ريت كلكم تسمعوها وتشاهدوها فيها الصوت وحسناوات الفيديو كليب والعين تعشق كل جميل..
اسمعوا بعد injected oranges
وسلطة الاسود ما مشكلةمحبة شديدة
دمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
(انت الخير جواك يا رايع..
سافر عكس الزمن الضايع..
وشد الحيل جواك يا رايع..
لملم زاتك تاني وسافر..
مهما يحصل..
بكرة بنوصل دنيا جديدة..
وتلقى الخير في دربك وافي)
| |
|
|
|
|
|
|
|
|
|
Re: مربع كاي (Re: نجاة حوفي)
|
سلامات يا ناس
Quote: ادي خطاك اصرار وعزيمة..
وخوض النار مع إنك حافي..
لو ضيعت السكة ورحت لا تتحسر..
برضو ضياعك خير وعوافي.. |
يا سلااااااااااام
| |
|
|
|
|
|
|
|
|
|
Re: مربع كاي (Re: محمد صديق)
|
وحات الله يا الرشيد قلمتني قليم
ياخي الخرابة البيقولوا ود النصري دة
يمين يوم بيخليني ارقد كاويق ضُمة ضُمة
ياخي عنده صوت ورنة طمبور تمحن يعلم الله
وفوق دة وداك
بيعرف يختار الكلمات بي طريقة تخلي الزول يرقد خل
Quote: وخوض النار مع إنك حافي..
لو ضيعت السكة ورحت لا تتحسر |
كلااااااااااااااااااام ياخي
الرشيد مالك علي يا حبيب
عضامي براهن مملخات وماني قادر علي النقزي
وكمان الدموع كاملات علي وماني قادر اتنخج
ياخي الله يعدلها عليك شقيش تقبل
| |
|
|
|
|
|
|
|
|
|
Re: مربع كاي (Re: طارق جبريل)
|
Quote: وحات الله يا الرشيد قلمتني قليم
ياخي الخرابة البيقولوا ود النصري دة
يمين يوم بيخليني ارقد كاويق ضُمة ضُمة
ياخي عنده صوت ورنة طمبور تمحن يعلم الله
وفوق دة وداك
بيعرف يختار الكلمات بي طريقة تخلي الزول يرقد خل |
و الله يا جبريلا الأغنية دي منزله عشانك ...
شركت ليك بالكلمات في البوست العام...لكن الظاهر عليك كنت غاطس في البطاطس...
محمد النصري ده ظاهرة عديل كده...
| |
|
|
|
|
|
|
|
|
|
Re: مربع كاي (Re: الرشيد بابكر)
|
أتاري يا نجاة من يوم ما عرسنا شابكني ليك دمعة وسلطة أسود وبرتكان وحات الله قبيل ميار قالت عندها نزله عايزه عصير بريمو إبتهاج قالت ليها أحسن نجيب برتكان عشان فرش ينفع النزله ... اها يا زوله انا أقول المجبة الزايدة دي من شنو ... أتاري من عمايل ناس (بكره بعيد) زي ما بتقول شوش ... يا زوله لو بقت علي المحبه هينه لكن الخوف من الحاجات التانية ...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: القصيدة الأصلية:
زيدينى عشقا .. زيدينى
يا أحلى نوبات جنوني
يا سفر الخنجر .. في أنسجتي
يا غلغلة السكين ..
زيدينى غرقا يا سيدتي..
إنَّ البحر يناديني
زيدينى موتًا ..
علَّ الموتَ، إذا يقــُـتُلني، يحيني..
جسمك خارطتي .. ما عادت
خارطة العالم تعنيني..
أنا أقدم عاصمة للحزن..
و جرحي نقش فرعوني
وجعي.. يمتد كبقعة زيت ٍ
من بيروت .. إلى الصين ..
وجعي قافلة .. أرسلها
خلفاء الشام .. إلى الصين
في القرن السابع للميلاد..
وضاعت في فم تنــِّين
عصفورة قلبي. نيساني
يا رمل البحر، و يا غابات الزيتون
يا طعم الثلج، و طعم النار
و نكهة كفري، و يقيني
أشعر بالخوف من المجهول .. فآويني
أشعر بالخوف من الظلمات.. فضميني
أشعر بالبرد .. فغطيني
احكي لي قصصا للأطفال..
اضطجعي قربي..
غنيني
فأنا من بدء التكوين
ابحث عن وطن لجبيني..
عن شعر امرأة ..
يكتبني فوق الجدران .. و يمحوني
عن حب امرأة .. يأخذني
لحدود الشمس .. و يرميني
عن شفة امرأة تجعلني
كغبار الذهب المطحون ِ ...
نوارة عمري .. مروحتي
قنديلي .. بوح بساتيني
مدي لي جسرًا من رائحة الليمون ..
و ضعيني مشطا عاجيا
في عتمة شعرك .. و انسيني
أنا نقطة ماء ٍ .. حائرة
بقيت في دفتر تشرين
يدهسني حبك .. مثل حصان ٍ قوقازي مجنون ِ
يرميني تحت حوافره ..
يتغرغر في ماء عيوني ..
زيدينى عنفـًا .. زيدينى
يا أحلى نوبات جنوني
من أجلك أعتقت نسائي
و شطبت شهادة ميلادي
و قطعت جميع شرايني...
|
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: القصيدة المغناة:
زيدينى عشقا .. زيدينى
يا أحلى نوبات جنوني
زيدينى غرقا يا سيدتي..
إنَّ البحر يناديني
زيدينى موتًا ..
علَّ الموتَ، إذا يقــُـتُلني، يحيني..
يا أحلى امرأة بين نساء الكون أحبيني
يا من أحببتك حتى أحترق الحب أحبيني
إن كنت تريدين السكني
أسكنتك فى ضوء عيوني
يا أحلى امرأة بين نساء الكون أحبيني
حبك خارطتي .. ما عادت
خارطة العالم تعنيني..
أنا أقدم عاصمة للحزن..
و جرحي نقش فرعوني
وجعي.. يمتد كسرب حمام
من بغداد .. إلى الصين ..
عصفورة قلبي. نيساني
يا رمل البحر، و روح الروح
و يا غابات الزيتون
يا طعم الثلج، و طعم النار
و نكهة شكي، و يقيني
أشعر بالخوف من المجهول .. فآويني
أشعر بالخوف من الظلمات.. فضميني
أشعر بالبرد .. فغطيني
و ظلي قربي غني لي
فأنا من بدء التكوين
ابحث عن وطن لجبيني..
عن حب امرأة .. يأخذني
لحدود الشمس .. و يرميني
نوارة عمري .. مروحتي
قنديلي .. فوق بساتيني
مدي لي جسرًا من رائحة الليمون ..
و ضعيني مشطا عاجيا
في عتمة شعرك .. و انسيني
من أجلك أعتقت نسائي
و تركت التاريخ ورائي
و شطبت شهادة ميلادي
و قطعت جميع شرايني...
|
| |
|
|
|
|
|
|
|
|
|
Re: مربع كاي (Re: زهير الزناتي)
|
رسالة من المديرة العزيزة شوش...
نطالب زهير بالتوضيح فورا...
Quote: الى ذوى القلوب الرحيمة نداء انسانى .....................
زيقيزابية تعول اسرتها المكونة من زكريات سنوات حلوة فى البلد التانى الزقازيق
تفرق شملها فى جميع انحاء العالم شرقا وغرباء .. شمالا وجنوبا ... وبعد ان فقدت الامل فى الحصول على اية معلومات عنهم الا القليل جدا من الاخبار التى كانت تاتيها من هنا وهناك واحيانا تصلها غير كاملة وبدون تفاصيل
ومتاخرة عن موعدها بسنوات ... واخيرا قدر لها ان تعرف مكانهم ..... كلهم لقتهم هناك كلهم ..... كل افراد العائلة
كانوا اقرب اليها مما تتصور ... ما جهاز الكمبيوتر قدامها الليل والنهار ... فى المكتب وفى البيت
ورغم ذلك لا تستيطع ان تصلهم مباشرة وتودهم وتحكى ليهم وتناديهم بهمس .... تحتج هذه المسكينة البائسة
حتى تتمكن من مواصلة اعزائها وطال انتظارها pass word ... الى جهاز يدعى
تناشد اهل الخير وذوى الرحمة الى الاسراع بالحصول لها على هذا الجهاز
ونحن هنا بدورنا نناشد اسرة مستشفى الزناتى بام درمان بمد يد العون لشوش
,......... زهير الزناتى بعد دا الا يوم تلقانى فى الاوستوب بشحد لى فى باسووررد حكايتك شنو يا زهير
اظهر وبان عليك الامان
________________________________________________
حاكلم ليك رشيد قومنا
رشيدنا .... شوف زهير دا ... شوش
زهير ...... هنالك محاولات جادة بالاستعانة بصديق جامد .... رسل لى تلفون جمال فارح
اها رائك شنو .... يا الباسووررد ... يا ترحل تسيب البلد ..... عندك 72 ساعة .... ما تقول كمان عندى اجازة خمسة يوم ..... متفرغة ليك تماما
الى اللقاء .... شوش
|
| |
|
|
|
|
|
|
|
|
|
Re: مربع كاي (Re: الرشيد بابكر)
|
شوش دي قالت عندها فكي إسمه بكره بعيد حا يجيب ليها الباسويرد أها انا راجي الفكي ده ...
شوش دي أخليها ليكم في التلاجة كده لمن تآمن وتعتذر علي رؤوس الأشهاد والشهود والمشاهدين حتي نأتي لها بعضوية في سودانيز أون لاين والمطار ده ما بنجيهوا إلا مودعين ومستقبلين ...
| |
|
|
|
|
|
|
|
|
|
Re: مربع كاي (Re: زهير الزناتي)
|
شوف يا أبو الزوز...شوش دي نحن ما بنرضى فيها...يعني انت في ناس تكسر ليهم في التلج و ناس تختهم في التلاجة...مافي حاجة وسط...
على أي حال أنا من بكره حأديها الباسورد بتاعي...و أزيدك من الشعر بيت كمان...حأخت ليها صور أولادها في البروفايل كمان و أخليهاتقول ليك المشتهي الحنيطير يطير...
لكن المطار ده مستقبل ساكت ما تجيهو...أنت ما عارف سلطات شوش ساكت في المطار ده...
| |
|
|
|
|
|
|
|
|
|
Re: مربع كاي (Re: زهير الزناتي)
|
الله الله يا رشا ياخي
يمين ود النصري دة عنده عمايل
العجب وكتين يغني ام الحسن ديك
ولمن يصل الحتة بتاعة
جاها مارق من القاطوع ورا
قاليها خير يا الحاجي
ورررروووووووووووووك
| |
|
|
|
|
|
|
|
|
|
Re: مربع كاي (Re: طارق جبريل)
|
Quote: العجب وكتين يغني ام الحسن ديك
ولمن يصل الحتة بتاعة
جاها مارق من القاطوع ورا
قاليها خير يا الحاجي
ورررروووووووووووووك |
جبريلا ليك علي الصفحة الجاية افتتحها ليك بي أم الحسن...
لي كم يوم بحاول أنزله هنا و ما قادر...
أكتر حتة عاجباني فيها...
ان جاني يكتب فد سطير...
أقولو يا سجم السجم..
أنا زي قرايتك ما قريت..
لكن عويناتي بفرزن الوريقة البيضاء من لون القلم...
أغنية من بيت الكلاوي....
زي معظم أغاني النصري...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
الليلة شكلكم كده مشغولين بالانتخابات و لا شنو...
زول فيكم ظهر مافي...
والله الليلة اتخيلت حبوبتي حاجة أمونة الله يرحمها قالو ليها لازم تمشي تصوتي...
يا حاجة أمونة بعدين حنجي نسوقك تمشي تصوتي في الانتخابات....
بري البوديني أمشي وسط الرجال ديل شنو...
يا حاجة النسوان ديل كلهم بمشوا يصوتو...
ديل نسوان قاهرات ساكت أنا مالي بيهم...أمشو انتو الرجال ديل...
هي لكن نحن ما سجلنا ليك في السجل عشان تمشي تنخبي...
مخيرين أنا قلت ليكم سجلو لي...
لكن صوتك ده يضيع ساكت كده...
نادي لي هناية دي بت صفية...
عايزه بيها شنو يا حاجه..
انت مالك بس ناديها لي...
نعم يا حاجة قالو عايزاني...
تعالي يا بتي أسمعي...أمشي مع أخوانك ديل الانتخابات مكاني...
ما بنفع يا حاجة...لازم تمشي انتي...
سمح خلاس بمشي معاكم...
أها يالله...
يا حاجة خشي شيلي الورقة أعملي صاح في الدائرة...
شفتي الدايرة القدامه نضارة دي بس أعملي فيها صاح...
أها يا حاجة عملتي القلناهو ليك..
أجي...آي عملت انت قايلني ما بعرف ولا شنو...
الدايرة الفيها نضارة يا حاجة...
لا بري...لقيت الجبنة أحسن...
عملت صاح قدام الجبنة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: زيقيزابية تعول اسرتها المكونة من زكريات سنوات حلوة فى البلد التانى الزقازيق |
بعد شوية يا شوش ح تجي في مراسي الشوق0000
زهير عليك الله شوف ليها باسوورد سريع انشاء الله حق حاج الركز الجاي
رشا وحشتنا 000
وكاي وبنات كاي السمحات ((امنية وامها))والسوليتيرة زينب
وبالمناسبة دي اصبحت المعادلات النجاتية الجميلة 00
منى عباس =الصديقة الماسية 00
زنوبة +بطة =سوليتيرات
فافي =زمردة
والله يا ناني انت كنوز الملك سليمان كلها000
دي مساء الخير وتصبحوا على خير00
| |
|
|
|
|
|
|
|
|
|
Re: مربع كاي (Re: محمد صديق)
|
سلام .... يا جماعة شوش دي لسه بدري عليها خليها شوية في التلاجة ... ومسألة الباسويردات دي مافيها واسطة كل زول حسب الأقدمية ...
| |
|
|
|
|
|
|
|
|
|
Re: مربع كاي (Re: زهير الزناتي)
|
فافي ان شاء الله ما تشوفي وحش...لك التحية و لحاج الركز و الجيفارات...
يا كوتش القحة و لا صمة الخشم...ماذا أصاب النت عندكم...
أبو الزوز...ياخي فك أسر شوش...الدماء الجديدة مهمة في المرحلة دي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: أبو الزوز...ياخي فك أسر شوش... |
يسمها
كل ما أفتح البوست في المنبر العام تجيني منتديات مدني لصفحة فيها تلفزيون السودان ... أكيد الهكر ده وراهو شوش ... تقول لي فك اسرها ... ؟؟؟؟
| |
|
|
|
|
|
|
|
|
|
Re: مربع كاي (Re: زهير الزناتي)
|
سلامات يا ناس
ومساءات التفاؤل
مرور مسائى على كاى وناسو...
التداخل اليومين دى صعب لبطء فى النت ...
رشيد داير خبر قدورة ...هل وصل السودان ولا لسة؟ واذا وصل امكانية
الحصول على تلفونو؟
ما شفتك مع الحاردلو .؟
| |
|
|
|
|
|
|
|
|
|
Re: مربع كاي (Re: محمد صديق)
|
يا جماعة الرشيد ده ما براهو ما حصل طول وغاب قدر ده من البوست .... إنشاء الله المانع يكون خير
تحياتنا يا رشا واليوم كنا في جلسة زقازيقية بمكتب الكوتش محمد صديق بمعية قدورة ، معاوية يحيي ، نادر فاروق ... وفيها قطيعة تقيلة بس تعال عشان نحكي ليك القطيعة
| |
|
|
|
|
|
|
|
|
|
Re: مربع كاي (Re: زهير الزناتي)
|
شوش
| Quote: يا زهير الزناتى مااااااااااااااا عذبتنا .... |
Quote:
والله عندى مشكلة عارف فى موضوع العضوية دا الزول الدكتور ( الفكى ) طلب قال لازم عشان الشغل يمشى صاح لازم زهير الزناتى ياخد الانجكتيد اورانج وكدا الباسوورد حيكون عندى الليلة قبل بكرة
وطبعا لو عملته سلطة الاسود احتمال يعمل لى ولاولادى يعنى بالراحة احمد ورحاب حيكونوا اعضاؤ معانا
لكن هسه زهير دا يوصولوا ليه الانجكتيد اورانج دا كيف .... ما عارف ليك محل عصير جنبهم امشى اتفق معاه
يديه كل يوم كبايه مجان لمدة ثلاثة ايام .... كدى دبرنى انت هو صاحبك وعارف طريقته .... شوش
|
شوفو المتعة دي بالعذاب الفيهو شوش
| |
|
|
|
|
|
|
|
|
|
Re: مربع كاي (Re: محمد صديق)
|
يا اخوانا ...
جينا نتفقد سيد الحوش ده ...
ليهو يومين ما ظاهر ... انشاء الله خير
اجازة اختيارية ؟؟ ام عزلة اجبارية ؟ ام جلسة تأمل ؟؟؟
كلو ما مشكلة ... بس المهم ما تكون حاااالة حردية ..!!
لأنك انت يا رش .. وروش .. ورشا ..
اكتر واحد فينا ابيض لونو قلبك وكلو حنان وطيبة ..
بعدين انت اكثرنا مقاومة لملل الوحدة والسأم وفراغ البوست ..!!
وبرضو كفاية انك بكره راجع لوكر الحنان .. يعنى انعزالية محببه ومقبولة مننا ..
اذا كنت موجود .. اظهر وبان عليك الأمان ...
عشان انا ما باقدر العب بلى ستيشن براااى ..!!
يعنى .. اجيب لى حجلة ولا شنو ؟؟
| |
|
|
|
|
|
|
|
|
|
Re: مربع كاي (Re: محمد عيد)
|
مساكم الله بالخير
مانى غرقان في التمنى
ولانى سارح بالأماني
زارني خاطراً بلّ شوقي .. واحتواني
النخل إتلاقى .. غنى
وردد النيل الأغاني
النجوم لامع بريقا
الورود النايمة .. فاقت
عطرت كل الجزاير بي رحيقا
الندى الراقد بفوقا
صفّقت جنحاتو غنت .. لي هوايا
و لي هواكم وجدت أنه من الوقاحة أن تسألوا عني و لا أرد عليكم...
أشكركم على السؤال يا أبو الزوز و محمد عيد و لمحمد صديق الذي اتصل بي
عدة مرات يسأل عني...و أطمئنكم باني...
لا حردان ...و لا زعلان...و لا مستاء...
تشغلني بعض الأمور المهمة جدا و التي ستشغلني لفترة و سأغيب عنكم مجبرا
على أن أعود اليكم قريبا ان شاء الله...
لكم حبي و مودتي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: لا حردان ...و لا زعلان |
إزعلوا من منو؟ وإزعلوا فى شنو؟ كل الناس صحاب ..... كل الناس أهل .......... والما هم دفعة قرَّبُم طيب الأصِل ، والله يا ناس الزقازيق ليست مجرّد جامعة يا جرير ، بل تعدّت ذلك لقيم جمالية جعلت من الزقازيق قبلة لكل طلاب مصر وحتى زوارها ، ذهبتُ قبل فترة للسفارة السودانية لتجديد جوازى ، بادرتنى سيدة تشغل منصب القنصل بالقول (أنا ما عارفه شفتك وين؟) ، قلت لها أننى درست بالزقازيق فصاحت قائلة (ياخى ماكرّهتونا بى الزقازيق أجدع ناس فى سودانيز اون لاين) ، حينها شعرتُ بفخر الإنتماء ، وهو إنتماء يتجاوز الأطر الدينية والإثنية إلى إطار أشمل وأجمل وأكمل وأمثل على رأى مصطفى الأغا(صدى الملاعب) ، ياناس بى إختصار أحبّكم كلكم (كسّير تلج جماعى يا زناتى يا ).
Quote: تشغلني بعض الأمور المهمة جدا و التي ستشغلني لفترة و سأغيب عنكم مجبرا
على أن أعود اليكم قريبا ان شاء الله...
|
زى ما قال حمّيد ( ربّى إخَدِّر عود ضرعاتكم) ، موفق بإذن الله فى كل خطوة تخطوها يا روش ، ربنا إعدل طريقك لما يحب ويرضى ، عن نفسى أتعهد بسد الخدمة فى الويك اند بالإضافة لقلب الصفحة حتى من المشاركة العاشرة إن لزم الأمر (أعمل حسابك يا زناتى) ، بس يا روش كلِّم بت حوفى تتواصل من خلال المربع (ولو من باب الإنصهار "وذلك أضعف الإيمان" ).
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
سلام لكاى ولناس كاى
شكرا يا عيد يا رائع
والله يا ابو مصطفى ربنا يقدرنا على رد جمايلك
دايما مبدع وفنان
مليون شكر وموصول لاسرتك الجميلة يا جالب الفرح
دمت لينا
يا رشا شكرا على مكالمتك الوصلتنى فى اسكتلندا
ويا نانى مدد حارسلو ليك فى اشكال مبتكرة وان عملت ليك كم خيار هنا
البت ثم البت
الرشيد دة لو سافر الاجازة دى يا بكرى حاسيب البوست ودة ما تهديد
لالالالالالالالالالالا لسفر رشا شو
عمر نملة لو نزلت اى برامج اجازاتية حنشيل الباسويرد بتاعك نديهو لشوش
ولا لمحمد المرتضى المتامر عليه
نانى انتظرى تلفونى
ومش كدة انا بكرة مما تصبح مع خالتى علوية وانت عارف علاقة الامهات بلبيت
ونانى دى الاقتصاد الكانت عاملاهو معانا اظنك مشيت ليها لفكى اندونيسى هناك قالو سرهم باتع
يا رشو منتظرنك فى سوداننا الحبيب ومشتاقين ليك
لكن طبعا لو بتقدر تمشى اجازة وتجى السودان وتبنى كمان
النشوف لينا كلام تانى
برجع ليكم
وحاحقق طلب بكور وابدا من بحر الشمال ال ميدل نايت سن
سلام
| |
|
|
|
|
|
|
|
|
|
Re: مربع كاي (Re: زينب التجاني)
|
سلامات يا ناس
ونهارات التفاؤل
والعهدة على الراوى...قال الاستاذ عوض جبريل ..المطرة التقيلة ام سيل
كسّرت بيتو والذى هو من جالوص..وبت شيخو تأثرت ايما تأثر لذلك وجلست على
الانقاض واضعة كفيها على خديها...فأنشأ الشاعر الشفيف يقول:
طبيعة الدنيا زى الموج تشيل وتودى
ما تهتموا للايام
ظروف بتعدى
وما تهتموا اصلو الناس حياتا ظروف
بتتحكم تغيّر كل خط مألوف
وما تهتموا للايام ظروف بتعدى
سبيل الزول عشان طريق يادوب
يكون زادو البشيلو معاهو شوق مشبوب
عشان يلقى انتصارو يازمن محبوب
يضوق المُرة ويتوشح بصبر ايوب
زما تهتموا للايام ظروف بتعدى
جمال الدنيا فى بسمة سرور وجمال
وفى فرح الخواطر الطيبة فى الآمال
وفى زهور الصباح فى بسمة الأطفال
ومهما تظلم الايام ضياها الفال
وما تهتموا للايام
ظروف بتعدى
********************************
مهداة لكل ناس كاى ...المشاركين والمتاوقين
ولأولئك الذين أمسك الكَدَرُ بتلابيبهم وجثم على صدورهم.
| |
|
|
|
|
|
|
|
|
|
Re: مربع كاي (Re: محمد صديق)
|
تستشفي بالأردن شقيقة العزيز الرشيد نتمني لها الشفاء العاجل وأن تعود معافية من كل مرض ونتمني أن يدعو لها الجميع بالشفاء
| |
|
|
|
|
|
|
|
|
|
Re: مربع كاي (Re: محمد صديق)
|
Quote: الرشيد العزيز الف سلامة للاخت وانشاءالله تكون ماشة فى تحسن
معاكم بكل احساسنا وندعو لها صباح ومساء يارب اشفها وعافها
وافينا بالاخبار اول باول ...... شوش
|
| |
|
|
|
|
|
|
|
|
|
Re: مربع كاي (Re: عمر المهدى)
|
شوش و ود المهدي لكم مني كل الشكر و التقدير...
و نسأل الله أن يمتعنا و اياكم بالصحة و العافية...
رغم اني أشتهر في الأسرة بالثبات في الملمات و دائما ما أكون فيها رابط الجأش و أتحرك بسرعة شديدة و حزم لمعالجة الأمور بما يتناسب و طبيعتها...الا أنهم لا يعرفوا بأنني أكون الأكثر تأثرا بها نفسيا...رغم أنه قد لا يبدو علي ذلك...
كلي ثقة في لطف الله و رحمته و ليس لي أدني شك في ذلك...و لكني أصدقكم القول...لقد تأثرت كثيرا بما أصاب أختي منى...لقد مررت بنفس التجربة منذ ثلاثة سنوات عندما ظهر لها المرض لأول مرة...و لكن بفضل الله تعالجت بالأردن و تعافت و قد قامت بعمل فحوصات سنوية بالأردن كلها أكدت شفائها التام من المرض و لكن هذه المره و عند قيامها بالفحص الدوري تفاجأنا بظهور المرض مره أخرى فأربكنا ذلك كثيرا...
طمأنها الطبيب حيث توجد الآن بالأردن بأنه يمكن معالجة المرض...و ستخضع للعلاج ان شاء الله بنهاية هذا الأسبوع أو بداية الأسبوع القادم...
سأذهب الى الأردن بنهاية هذا الأسبوع ان شاء الله لدعمها معنويا...
أشكركم جميعا على تفاعلكم النبيل...هذا ديدنكم أهلي الزقازيقاب...دائما حاضرين في السراء و الضراء...نسأل الله أن يجعل كل أيامكم أفراحا.....
| |
|
|
|
|
|
|
|
|
|
Re: مربع كاي (Re: زهير الزناتي)
|
يا رشدي كل أمنياتنا ودعواتنا معك والأخت مني ... ونتمني أن يمن الله عليها بالشفاء العاجل ... وهنالك الكثير من التجارب الناجحة في العلاج بالأردن
| |
|
|
|
|
|
|
|
|
|
Re: مربع كاي (Re: زهير الزناتي)
|
الله يسلمك يا أبو الزوز...
قريبا ان شاء الله...
أرجو أن يتفاعل الأعضاء الجدد سريعا مع البوست العام و المنبر...و أنتهز هذه السانحة لأرحب بهم جميعا...
| |
|
|
|
|
|
|
|
|
|
Re: مربع كاي (Re: عمر نملة)
|
عاجل للشفاء للأخت منى ، أجر وعافية إن شاء الله ، اللهم أشفها شفاءاً لايغادر سقماً ، اللهم إنّا نسألك بإسمك الأعظم ورضوانك الأكبر الذى إذا دعيت به أجبت وإذا استرحمت به رحمت وإذا استفرجت به فرَّجت أن تشفيها وتشفى جميع مرضانا ومرضى المسلمين ، اللهم إنّا نسألك العفو والعافية والمعافاة الدائمة فى الدنيا والآخرة.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
يا رشدي لقيت رقشة مكتوب فيها (زمن كاي) قلت الزول ده أكيد قرا زراعة الزقازيق .... لمن جيت قريب لقيت الزول صغير قلت مالو ممكن يكون دفعتنا ... سألته عن حكاية زمن كاي .. قال لي ده باللغة بتاعتنا تعني زمن مافي ....
| |
|
|
|
|
|
|
|
|
|
Re: مربع كاي (Re: زهير الزناتي)
|
Quote: طبيعة الدنيا زى الموج تشيل وتودى
ما تهتموا للايام
ظروف بتعدى
وما تهتموا اصلو الناس حياتا ظروف
بتتحكم تغيّر كل خط مألوف
وما تهتموا للايام ظروف بتعدى
سبيل الزول عشان طريق يادوب
يكون زادو البشيلو معاهو شوق مشبوب
عشان يلقى انتصارو يازمن محبوب
يضوق المُرة ويتوشح بصبر ايوب
زما تهتموا للايام ظروف بتعدى
جمال الدنيا فى بسمة سرور وجمال
وفى فرح الخواطر الطيبة فى الآمال
وفى زهور الصباح فى بسمة الأطفال
ومهما تظلم الايام ضياها الفال
وما تهتموا للايام
ظروف بتعدى
|
يا كوتش الزول البيعرف عوض جبريل والطروف البائسة البيعيش فيها ما ممكن يتصور كمية التفاؤل دي تصدر من زول زي ده ... والله بإرتياح ممكن ياخد جايزة نوبل في التفاؤل
| |
|
|
|
|
|
|
|
|
|
Re: مربع كاي (Re: زهير الزناتي)
|
سلامات يا ناس
ولانو الزمن كاى...
ياريت يازهير وناس كاى المربع يجى النضيف
او اى زول فنان ينزل لينا اغنية عوض جبريل
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش ما لقيتها ... نشوف عبد الدائم الفنان ... لو ما لقاها إنشاء الله يجي يغني لينا كوبليه واحد
| |
|
|
|
|
|
|
|
|
|
Re: مربع كاي (Re: محمد صديق)
|
Quote: رشيد القوم
ربنا يكتب سلامة اختنا ودعواتي ليها من البعد بالشفاء العاجل آمين يارب
|
عمر يا حبيب...أعتذر عن التأخير في الرد...سلمك الله و أسرتك و شكرا يا يا عمر...
تفرجت على صور الماراثون...حاجة تفرح و الله و عجبني جدا تصميمك و وصولك لل15 كيلو و اصرارك على زيادة السرعة و التحمل...الى الأمام و ان شاء الله نشوفك فايز ببطولات اقليمية و عالمية...
كانت لشركتنا السابقة شراكة مع شركة دنماركية...كان من للشركة الدنماركية مشاركة سنوية عبر عدد من موظفيهافي ماراثونات مختلفة في الشرق الأوسط...
أصر علي صديقي الدنماركي بول أن أشارك و تم تزويدي ببرنامج للاستعداد الممرحل...و الذي يبدأ بمسافات قصيرة ثم تزيد تدريجيا الى أن أصل الى المسافة و السرعة المطلوبة...
بديت بحماس شديد...و لكن بعد أسبوع واحد أعلنت انسحابي من أول ماراثون...
| Quote: يا رشدي لقيت رقشة مكتوب فيها (زمن كاي) قلت الزول ده أكيد قرا زراعة الزقازيق .... لمن جيت قريب لقيت الزول صغير قلت مالو ممكن يكون دفعتنا ... سألته عن حكاية زمن كاي .. قال لي ده باللغة بتاعتنا تعني زمن مافي .... |
أبو الزوز...كي و كو و كاي...كلها تعني لا أو مافي بلهجات مختلفة...الغريبة أن كو كأنها كلمة عربية و هي قريبة من كاي و لها نفس المعني...فالمسيرية يقولون كو بمعني لا أو مافي...و هي نفس على ما أعتقد نفس الكلمة التي يستخدمها العراقيون...فهم يقولون ماكو بمعني مافي أو أكو بمعني هذا هو...
المهم وضح من ملاحظتك ان أصل علم الوراثة برناوي...و هذا شرف لنا في السودان...
| |
|
|
|
|
|
|
|
|
|
Re: مربع كاي (Re: الرشيد بابكر)
|
إذا هبت رياحك فاغتنمها فعقبى كل خافقة سكون
ولا تغفل عن الاحسان فيها فما تدري السكون متى يكون
أو كما تقول توأم روحي نجاة حوفي (فرصتك يا عشوشة)...
اليوم ارتفعت معدلات التفاؤل قليلا فقلت فرصتك يا عشوشة...
فرصة أطل بها على الأحباب بعد انقطاع قسري...
فرصة أشكر فيها فرسان الرهان محمد صديق و زهير الزناتي الذين ما هان عليهم أن يتركو المربع يتدحرج الى آخر الصفحة..فساهموا اسهامات مقدرة جعلت المربع دائما في العلالي...
كذلك هي فرصة لأشكر كل من أتصل علي و هم كثر و لعل ذكر الأسماء فيه الكثير من المخاطر...فلربما تسقط بعض الأسماء و ندخل في اللوم...لكن حق علي أن أشكركم جميعا و أنتم تتصلون بي مره و اتنين من كل مكان...أخوان و أخوات أحباء...
لولاكم كان مربع كاي....كاي
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: يا رشدي لازم تخش بإستمرار عشان تحافظ علي لياقتك التلجية |
يا أبو الزوز...ما تشيل هم اللياقة التلجية...المشكلة في اللياقة النفسية...فهي متى ما تحسنت كثر التلج..
| |
|
|
|
|
|
|
|
|
|
Re: مربع كاي (Re: الرشيد بابكر)
|
ياخي كويس القاعد نشتكي ليك من صاحبك الكوتش ... أمبارح مشيت ليهو في المكتب قعدني لغاية الساعة أربعة ونص ... كلما أقول ماشي ... يحلف الفطور ... بعد شوية الشاي ... تاني القهوة .. تالت الشاي .. رابع الشاي ... يا زول أنا كل شوية أبلع لي حبة ضغط والشاي زايد ... اقصد الضغط ... بعد ما إتفكفكت مشيت النت ... خشيت البوستات دي واحد وراء التاني ... حداشر بوست ... بعد شوية ألقي ليك الكوتش وراي في البوستات الحداشر .... أها يا زول قلبي أكلني ... قلت الليلة الكوتش ده ما براهو ... يكون مراقبني يا ربي ... مشيت البلكونة القي ليك العربية الدبل كبينة الماتغباني واقفة تحت ... اها طوالي شلت ليك العكاز ونزلت تحت قلت نشوف نهاية الموضوع ألقاها ليك عربية تانية ...
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: مشيت البلكونة القي ليك العربية الدبل كبينة الماتغباني واقفة تحت |
يا أبو الزوز بقيت زي أخوانا السوريين...
لو شافو ليهم بيجو 505 في الدلالة يلبدو...طبعا عارف علاقة البيجو بالمخابرات هناك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا زول دي ما وهمة مني ... الزول ده من قفشته جاكي في عوضية هو في الحالة دي ... بس خايف يعمل لي أسورة زي بتاعت عمر بسكو ... ويكون عندها خطين واحد في الواحة .. والتاني في الـ 14 أكون أخدت سيك زي الجماعة ...........
| |
|
|
|
|
|
|
|
|
|
Re: مربع كاي (Re: زهير الزناتي)
|
يا زول قول بسم الله و خت الرحمن في قلبك...
بي طريقتك دي أنا خايفك تمرقه في بلد تاني و تسيك مش في قبولك...
تسيك في حنانك زاتو...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
وصباحات التفاؤل
رشيد الحبيب...عودآ حميدآ
زهير ده الواحد ما يديهو ضهرو الا يملاك قطيعة
اظرف حاجة ضربت ليهو المسا خالص وانا لسه ما رجعت البيت
قال ليك الحق الناس فى كاى شغالين ليك..اها الصباح بدرى
خشيت كاى اشوف الشغال لى ده منو ...
حقآ انه كبير المرجفين فى المدينة.
| |
|
|
|
|
|
|
|
|
|
Re: مربع كاي (Re: محمد صديق)
|
Quote: رشيد الحبيب...عودآ حميدآ
زهير ده الواحد ما يديهو ضهرو الا يملاك قطيعة
اظرف حاجة ضربت ليهو المسا خالص وانا لسه ما رجعت البيت
قال ليك الحق الناس فى كاى شغالين ليك..اها الصباح بدرى
خشيت كاى اشوف الشغال لى ده منو ...
حقآ انه كبير المرجفين فى المدينة. |
يا كوتش طبعا كبير المرجفين حاول يدردقني عشان أقطع فيك لكن ما أديتو فرصة...
يجيبني بي هنا أزوغ منو يحاولني بي حته تانية ما يلقى فيني طريقة لحدي ما مشى نام...
يلقاها عند الغافل...
| |
|
|
|
|
|
|
|
|
|
Re: مربع كاي (Re: الرشيد بابكر)
|
حبيبنا بكور المختفي....مشتاقين ياخي....
عارف أن اليوم غير مناسب لدفعك للظهور...
و السبب هزيمة البارشا الكبيرة...
و التي أعتقد أن الأحوال الجوية في القارة العجوز خدمت مورينهو و الانتر...
أعتقد ان البارشا و رجالاتها قادرين على تخطي الانتر في الكامب نو...
فلا تحزن صديقي بكور...
| |
|
|
|
|
|
|
|
|
|
Re: مربع كاي (Re: محمد صديق)
|
Quote: زهير بعد خلاص لبست وماشة احول لبكرة بعيدة باقى قروشو لانه موضوع العضوية تم
بس فى حاجة قالت لى افتحى الايميل ..... ما لقيت حاجة الحكاية شنو
الظاهر داير ليك تانى دستة انجكتيد اورانج وشوال اسود بكرة انا ماشة السوق المركزى وجاياكم فى البيت
قول لبهجة ما تطبخ حاجة انا جاية اعمل ليكم سلطة اسود مش بتحبها ؟؟؟؟
والتحليه برتقال مطعم ضد السحائى ... والله مطعون لمن بقى شهيد .... انجكتيد لمن غلط
هسة البسوورد دا جرااا معاى كتير لكن كلو يهون فى سبيل اجدع ناس
شوش
|
يا جماعة أناعايز إتنازل لشوش عن باسويردي وإستني بكري ...
| |
|
|
|
|
|
|
|
|
|
Re: مربع كاي (Re: زهير الزناتي)
|
سلامات يا ناس
Quote: إستمتع يا رشدي .... خليك من الكوتش ومحمد عيد ديل ناس دقة قديمة وإضنينهم مصدية
|
عيد وانا نثق فى نضافة اضان الرشيد...
وبلاش توسّخ الاضان دى ..
| |
|
|
|
|
|
|
| |
زهير الزناتي
الرشيد بابكر
أبوبكر حامد الأمين
زينب التجاني
محمد صديق
عفاف علي ميرغني
عمر نملة
عمر المهدى
منصور عبد الرازق
نجاة حوفي
محمد آدم النور
طارق جبريل
محمد عيد
عبد الدائم سيد أحمد
فيس بوك
تويتر
انستقرام
يوتيوب
بنتيريست