|
|
 Re: مربع كاي (Re: زهير الزناتي)
|
قوقل ايرث عالم عجيب يا أبو الزوز...كل يوم بمشي بيتنا و أجي...بس على فكرة الصور قديمة شوية...أما اذا عملت اشتراك بامكانك الحصول على صور حية و فرش...
للوصول الى الفاتح اذهب شرق النيل و أبحث عن مرابيع الشريف فهي بعد الفاتح مباشرة و لكنك لن تجد أي شيئ يدلك عليها....
ربما اذا تمكنت من النزول كثيرا فستجد الشجرة في قطعة الأرض بتاعتي و التي حفرت عليها اسمي...
أنا أعرف عدد ليس بالقليل من أقربائك هنا في غياثي...سمي أحدهم و ستجدني أعرفه...
أبو الزوز لو جيت مع علي أبوزيد زاتو برضو حأكون سنيرك...
| |
 
|
|
|
|
|
|
|
|
Re: مربع كاي (Re: الرشيد بابكر)
|
يا رشدي الكلام ده كان سنة 93 يعني من الزمن داك كان بكون العمدة بتاع غياثي دي ... بس ربك ما أراد ... كل من ينتهي إسمه بالأنصاري أو إسم والدته بالإنصاري فهو قريبي من طرف ...
| Quote: أبو الزوز لو جيت مع علي أبوزيد زاتو برضو حأكون سنيرك |
إنت زعلت ولا شنو يا دكتور
| |
|
|
|
|
|
|
|
|
|
Re: مربع كاي (Re: زهير الزناتي)
|
سأبحث عن كل من ينتهي اسمه بالأنصاري...لكن اسم والدته دي صعبة شوية الا أعمل فيها فكي و أسألهم عن أسماء أمهاتهم...
لو جيت سنة 93 يا أبو الزوز كان تكون فايتنا بي 4 سنين غربة...
لكن لو كان كلها في غياثي ما كان لمينا فيك حسه...
كان تكون جنيت...
| |
|
|
|
|
|
|
|
|
|
Re: مربع كاي (Re: زهير الزناتي)
|
هي دي يا أبو الزوز...
شايف الشارع المتجه شرقا قبل مرابيع الشريف ثم يتجه شمالا مرة أخرى هذا الشارع يتجه الى الفاتح و الشارع المتجه شمالا يفصل بين الفاتح و النخيل...
الفاتح تبعد 10- 12 دقيقة من كبري المنشية...أما كبري سوبا فسيقع على أطرافها تماما...
| |
|
|
|
|
|
|
|
|
|
Re: مربع كاي (Re: زهير الزناتي)
|
ده بيعتمد على المعدل يا أبو الزوز...
لو بالمعدل النحن ماشين بيهو حسه امكن بعد 200 سنة...
أسألني بعد الانتخابات...
يا بقت 300 ...يا بقت 100 سنة بس...
قربت ليك صورة الفاتح أكتر يا أبو الزوز
على يمينك الفاتح...و على يسارك النخيل...
لو قربت الصورة أكتر حتشوف بعض الطرق و مبنى الادارة بالنخيل...
| |
|
|
|
|
|
|
|
|
|
Re: مربع كاي (Re: الرشيد بابكر)
|
أبو الزوز فتحت لي سيرة شو ما عايز أخليها تمر ساكت بدون ما أنتهزها...
عليك الله ما بتحلم تقعد ليك في كرسي جمب البحيرة دي...
و يكون المطر كابي رزاز كده...
قال أديس قال...
دي زيوريخ يا حبيب...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا رشدى ويا زهير ، قلباً قالب على شاكلة كضباً كاضب ، ولا بنعتمد ليكم القلبة دى وانا من هسّى مداخلتى دى بعتبرا فى مربع 15 ، صفحةً ماإقلبا أبكرونا أريتا بى الهكرونا وتسكن جبرونا أو بالميِّت زقلونا ، بعدين معقولة تتموا لينا الصفحة بى غوغل ايرث ، يعنى تمّيتوها موية وأديتوها كوز يا جوز اللوز ، ومن هسّى أنا ما داير معاكم والإسبوع الجايى عندى تبلد كيبوردى ويمين بالله تكتّروا تنقصوا أسوى لى جمعية لأبناء مدنى بالبحرين الذبن لايتجاوز عددهم أصابع اليد الواحدة ، ولا مو هيك يا منصور يا .... سورى إنتَ وبسكويت آآآآآآآآآآآآآآى .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
انتظرناك طويلا يا أبكرونا عشان تجي تقلبا و ما جيت...
يا زايغ...دي على وزن يا خاين
أها نعمل شنو...
زهير أول مرة يبحر في عالم القوقل ايرث...
و أنا مبسوط بابحاره...
و قلت فرصة أجوب معاهو عوالم قديمة و جديدة...
ذكرني أول ما جيت الامارات ..
كان في واحد اماراتي يقعدني في رمضان لحدي الساعة أربعة صباحا...
يقول لي أفتح لي الانترنت خليني أشوف السيايير و الدنيا...
نحن بنشوف الدنيا بس...
السيايير دي ما عندنا فيها غرض...
سوري ليك...
يا زايغ...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
شغالين قَلِبْ ساااااااى ...انا مع بكرى حامد
مرينا قبيل قلنا مرور على كاى وناس كاى ..نجى
نتاوق المساء نلقاها مقلوبة..ما دايرين وما دايرين
مداخلتى دى انا بعتبرا فى 15.
الرشيد ...ما تنسى الاجتماع.
| |
|
|
|
|
|
|
|
|
|
Re: مربع كاي (Re: محمد صديق)
|
Quote: شغالين قَلِبْ ساااااااى ...انا مع بكرى حامد
مرينا قبيل قلنا مرور على كاى وناس كاى ..نجى
نتاوق المساء نلقاها مقلوبة..ما دايرين وما دايرين
مداخلتى دى انا بعتبرا فى 15.
الرشيد ...ما تنسى الاجتماع |
بطلوا حمبكة انت و بكري يا كوتش...
عيبو لي القوقل ايرث...
في ثقافة يا أخوانا أكتر من كده...
وصلتني الرسالة بتاعت الاجتماع...
قلت الكوتش ده مالو...
كان مقيل وين الزول ده...
على أي حال بنشوف مطار الخرطوم اذا ممكن يدونا اذن بالهبوط للطيارة الخاصة...
وكان ما ممكن أعملوا لينا فيديو كونفرنس...
| |
|
|
|
|
|
|
|
|
|
Re: مربع كاي (Re: الرشيد بابكر)
|
اللهم انى اصبحت بك فى نعمة وعافية وستر فاتمم نعمتك وعافيتك وسترك يا رب العالمين..
صبحكم الله بالخير والصحة والعافية..
تحية صباحية خاصة للمديرة شوش..
شوش الوفية.. المراءة العاملة .. والام الحنينة ولطيفة مع اولادها..
شوش صاحبتنا شديد وصاحبة رحاب اختهاوصاحبة رحاب بتها شديد..
امبارح كنت بقرا فى ايميلات وصلتنى من شوش على الهوت ميل ومن فترة لم اتمكن من الدخول اضحتنى وابكتنى واخذتنى بعيدا لعالم نقى نموذجى مجتمع الزقازيق .. تعدد ثقافات .. مختلفين ومتحابين وبنخاف على بعض شديد كل واحدة مسؤلةعن كل الحواليها..
شوش تحياتى لوالدتك الحنينة واخوانك كلهم واحمد ورحاب وابوهم.. وابقى على وصية عزة يا شوش...
زناتى يعنى انا رسلت ليك كسير تلج وما عبرتنى.. يا سيدى مشتاقين شنو مالك انا بعرف لا بتسمعوا منى ولا فى زول يقدر يجيب ليك منى.. تحياتى لبهجتك والعيال..
دمتم سالمين..
| |
|
|
|
|
|
|
|
|
|
Re: مربع كاي (Re: نجاة حوفي)
|
يا جماعة جيت تانى اسلم على بلدياتى بكرى..
والله مشتاقين كيف اولادك يعنى البحرين دى ما كلها 20 دقيقة تعال ليك انشاء الله يوم.. مايو الماضى مشينا 3 يوم مع المكتب كل الناس المعاى جوهم اهلم واصحابهم
فى البحرين الا انا الكنت مجدوعة فى الاوتيل.. ما كنت عارفاك بهناك ..
تحياتى لناس مدنى البتعدوا فى الاصابع وللمدام والعيال..
منص يا الفاتح..شوق ليك ولامانى يتعدى الخيال..سلامى للعيال
| |
|
|
|
|
|
|
|
|
|
Re: مربع كاي (Re: نجاة حوفي)
|
يا جماعة جيت تانى اسلم على بلدياتى بكرى..
والله مشتاقين كيف اولادك يعنى البحرين دى ما كلها 20 دقيقة تعال ليك انشاء الله يوم.. مايو الماضى مشينا 3 يوم مع المكتب كل الناس المعاى جوهم اهلم واصحابهم
فى البحرين الا انا الكنت مجدوعة فى الاوتيل.. ما كنت عارفاك بهناك ..
تحياتى لناس مدنى البتعدوا فى الاصابع وللمدام والعيال..
منص يا الفاتح..شوق ليك ولامانى يتعدى الخيال..سلامى للعيال
| |
|
|
|
|
|
|
|
|
|
Re: مربع كاي (Re: الرشيد بابكر)
|
عاصم صلاح...زميلي في االعمل مصري من الغربية...أو كما يسمي نفسه ابن الغربية البار...
ركب معي مرة مرافقا لي الى أبوظبي...
حبيت أكرمه و أسمعو غناء سوداني نضيف...
شغلت ليهو نانسي عجاج...
كنت متأكد انها حتعجبو و تلقى استحسان و مديح...
و ابن الغربية البار من المصريين الما بجاملو...
تكون أعور يقول ليك يا أعور...كمان كان مفتح يبقى مفتح...
أول مصري أشوفو ما بيخاف...
بعدين عرفت انو دي ميزة بيتميزو بيها ناس الغربية بالذات...
بتاعين مشاكل و جنهم مظاهرات و مجننين الحكومة...
المهم شغلت ليك شريط نانسي عجاج الما خمج....
الأغنية الأولى...و التانية...و التالتة
بعدين قلت أشوف ابن الغربية البار ده مستمتع ولا لأ...
ايه رأيك يا عاصم في البت دي...
ايه ده يا أخويا....هي مالها بتنيص كده...
قلت ليهو...اسمع لما اقولك يا عاصم...
ما تعمل لي فيها ابن الغربية البار و لا الانداية...
نانسي دي أنا ما برضى فيها...أي حاجه و لا نانسي...
أعملك ايه أنا اذا كانت هي بتنيص مالصبح...
فقع مرارتي طبعا عاصم....
ذكرني موقف آخر زمان في الزقازيق...
مرة ركبت اتوبيس شرق الدلتاماشي القاهرة...
سواق الاتوبيس التافه ظابط الراديو على اذاعة وادي النيل..
و فجأة يجيبوا ليك ترباس...و بيغني في شنو..
البعبده وين....
و الطارات شغاله تنقش..تنقش..
و الدربكة...دب..درب.كرررررررررر...
و المصريين المعانا في الاتوبيس يضحكوا ليك..
قربت أنزل من الأتوبيس...
| |
|
|
|
|
|
|
|
|
|
Re: مربع كاي (Re: محمد صديق)
|
Quote: المربع وناسو...وحُرّاسو..والبتِمّو مقاسو..
المرور الحتمى. |
يا كوتش تمر عليك العافية و تتحكر عندك تب...
كنت عايز أقول ليك بعض الرحيق أنا...و البرتقالة أنت...
لقيت منصور الفقري ده ختفه من خشمي في البوست العام بي هناك..
و انت عارفني بالنهار ده ما بقدر أفتح عمك قوقل أفتش لي على حاجة تانية..
حسة لزومو شنو منصور ده يخش قبلي...
الشفقة تطير تقع في البير...
و أقبل مني دي بس لحدي ما أفضى و ألقى لي حاجة...
يا كوتش رسل لي و على الفور قائمة بأسماء الناس القاعد تباريهم الأيام دي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: تحية صباحية خاصة للمديرة شوش..
شوش الوفية.. المراءة العاملة .. والام الحنينة ولطيفة مع اولادها..
شوش صاحبتنا شديد وصاحبة رحاب اختهاوصاحبة رحاب بتها شديد..
|
انتي يا أم أمنية...الكلام ده شاعر فيهو حاجه كده ما عاجباني....
في حاجه و لا عادي كده...
كسير تلج طبيعي...
| |
|
|
|
|
|
|
|
|
|
Re: مربع كاي (Re: محمد صديق)
|
يعنى سورى دى ما عا جباكم ولا شنو ؟؟
عملتوها لى كلها قوقل ايرث ومدينة (الفاتح ) يا نجاة
كان عاجباكم ولا ما عاجباكم , عايزاونسكم بيها , لأن تجربتى مع اهلى اللى هم اهلها
هزتنى والله , واستغرقتنى السنين الفاتت دى
اهلى فى سورى , الموجودين فى السعودية وخاصة الرياض
كانو ا يعتقدون (كما علمت بعد ذلك )
اننى اتعالى عليهم
فى واقع الأمر , عندهم حق يتصوروا كده ويعتقدوا
فظروف ولادتى فى الخرطوم , وتربيتى ونشأتى فيها , وعدم حرصى على زيارتهم فى البلد
لسنين طويلة , كلها دلائل تعالى ظاهرة لمن يحكمون على الأمور بظواهرها
هذا طبيعى ومفهوم , فقليل من البشر ممن يتمكنون من التقرب الى الأشخاص دون اعتماد على ظواهر الأمور
معظم علاقاتى الأجتماعية , ارتبطت مكانيا بالجيران من الصحافة , او بالزملاء فى مراحل الدراسة المختلفة
حتى ان الأمر وصل الى اننى وجدت ان عددا مقدرا من المعارف كنت اظن ان رابط معرفتى بهم هو الجيرة مثلا وزمالة دراسة مدرسة الحى المتوسطة
ثم اكتشفت بعد ذلك انهم اهل
هذه المعادلة المختلة , وقعت فيها انا وما دونى من اخوانى واخواتى
ولكن من يكبرونى منهم , (اخ واختان )
كانت معادلات معارفهم موزونة ما بين الاهل والأصدقاء والجيران وزملاء الدراسة
واذا اردت ان اكون اكثر دقة , فأن اخى الكبير رحمه الله , معادلة معارفه ايضا كانت مختلة ولكن فى اتجاه احتلال مختلف
فهو كان (معصورا ) على الأهل والأقارب , وبالكاد يعرف بعض الجيران فى (الصحافة ) وان كانت معرفته بجيران (الحلة الجديدة الخرطوم )
معرفة وثيقة قطعت عراها انتقالنا للصحافة , ثم اغترابه مباشرة للسعودية بعد تخرجه من الجامعة بسنتين او ثلاث
لذا فان اجازاته للسودان بعد ذلك خاصة بعد انتقالنا للصحافة , كانت حافلة بعدم عرفة الناس والجيران
فكنت انا اتولى ذلك
ولكن الدور اختلف عند حضورى للسعودية
فتولى هو زمام التعريف بى وسط الأهل, وسط عدم اهتمام منى فى البداية , او قل حتى (ملامح مقاومة وعدم اكتراث منى )
فى بداية الأمر
حا اهريكم , انتظرونى
| |
|
|
|
|
|
|
|
|
|
Re: مربع كاي (Re: منصور عبد الرازق)
|
منصور ياراقي
تجرتك تجربة الكثيرين الذي يتناازعهم الاهل
والاصدقاء والدنيا زحمة لو الواحد بلقي يوفق
يكون تمام لكن انت لها
وزي مابقول المثل الداب نفسو مقصر
وايضا الماخلا حاجة مابسوي حاجة
فلابد من اقتطاع جزء من الزمن لاي اعمال اخري
وفقك الله
| |
|
|
|
|
|
|
|
|
|
Re: مربع كاي (Re: الرشيد بابكر)
|
صبحكم الله بالخير
سؤالي هذا الصباح عن السهيلي...
أين أنت يا سهيلي...لقد طال الغياب...
حاول أدردقك بي واقف براك دي...أديتك الون و انتظرت التو...
و لكنك لم تظهر...
طمئنا عليك....
| |
|
|
|
|
|
|
|
|
|
Re: مربع كاي (Re: الرشيد بابكر)
|
لمن اتذكر بدايات اغترابى وكيف كان اخى حجازى يزرزرنى لاداء واجبات الأهل الأجتماعية
استغرب كيف كنت واين اصبحت
كان هو بحكمته يحرص على مشاركتى الاهتمام بالأصدقاء من الجيران والزملاء
ويلمح لى مرارا وتكرارا ان لا اهمل الجانب الآخر من المعادلة
لم اكن اجرؤ على معارضة الفكرة , ولكن الفكرة بالتأكيد لم تنل كامل اهتمامى الا بعد جهد جهيد
بدايات الغربة دائما صعبة وقاسية وتحتاج للرفقة والصحبة
فى الرياض كان اصدقائى من اولاد الحلة , عددهم محدود , ولكنهم قريبين منى
عدد الأهل والأقارب , عدد مهول وكبير , لكن فراسخ عديدة من التفاهم والتقارب الذهنى تفصل بينى وبين الكثيرين منهم
الا بالطبع الأقرباء شديدى صلة القرابة , مثل اولاد العم والخال وما شابه ذلك
جمعية الأهل , او دارهم , او ناديهم بالمعنى المباشر , قائمة فى مدينة الرياض منذ اكثر من اربعين سنة او تزيد
اقفلوا عيونكم الفنجلتوها قدر ده من الأستغراب
ما نحن اصلا دناقلة , ومشكلة الأغتراب والغربة عندنا , بس فى العشرة سنين الأوائل , بعد داك بتبقى عادى وزى شراب الموية
اهلى الدناقلة , معظمهم من بسيطى ورقيقى الحال , تطلعاتهم واهتماماتهم غاية فى البساطة والتواضع
حياة الغربة عندهم قائمة بتواتر غريب ما بين ثنائية الشغل سنتين تلاتة , والأجازة ما بين شهرين لى ستة شهور
ثم العودة لجمع حق الأجازة مرة تانية
وهكذا تمضى بهم السنين والأيام
قليلون منهم من نجحوا فى فك هذا القالب عن حياتهم
والمدهش انهم استطاعوا -على بساطتهم ورقة حالهم هذه
ان يصنعوا لهم مجتمعا متماسكا ومتكافلا لحد غريب وعجيب
ما فى شك ان مجتمعات الدناقلة (او الرطانة من اهل الشمالية على وجه العموم )
هى مضارب امثال حية لحياة التكافل والتعاضد والتآزر الأجتماعى
وتم تأثيث هذه المجتمعات , بامكانيات وجهود فردية بسيطة
هناك بيت شعبى كبير لكل مجموعة منهم , مجرد ما جيت من السودان لأول مرة
تسكن فيها طوالى , لا قرش لا تعريفة
تأكل وتشرب وتنوم ويفتشوا ليك شغل كمان
ثم ينتقل منها الذين انصلح حالهم وشموا نفسهم , الى بيت آخر
يقوم بنفس الدور , ولكن على اضيق , ويظل البيت الأول والكبير (الجمعية ) محل اهتمام الجميع
وتفتقت عبقرياتهم التنظيمية البسيطة عن اشتراكات تدفع , وكشوفات للمرضى والمحتاجين
ابتداءا من مبررات الحاجة البسيطة , حتى يصل الأمر الى تبنى دفع (الديات ) وما شابه ذلك
لمن اطلع على كشوفات اشتراكات الكثيرين منهم منذ زمن قديم
اتعجب واستغرب , مبالغ بسيطة ولكنها مستمرة ومن عدد كبير منهم يزيد سنة بعد سنة
تخلف بعضهم عن الأشتراكات ودفعها , يعد بمثابة الجريمة التى لا تغتفر خاصة ان كنت من زمرة (الما عندهم مشكلة وشغااااال يحمد الله )
وحتى الذين يواظبون على الدفع المنظم , لا يمكنهم التخلف عن زيارة الجمعية وتفقد احوال ساكنيها والمترددين عليها
العزاءات مكانها الجمعية ولا شك
وكشف العزاء , يكفى رغم مساهماته البسيطة والمتواضعة , ان يخفف عن اهل المتوفى اى مصاريف مادية تخص العزاء
سواءا لأهله هنا , او فى السودان
باختصار فأن فكرة الجمعية , ابتدعها ونظمها واشرف عليها , اناس فى غاية البساطة
دعموها ووقفوا على تفاصيلها لسنين عديدة , حتى غدت منهجا اقرب للتقديس
ووسط ذلك الفهم , الذى لم اعيه وافهمه الا بعد حين
كان دخولى الى هذا العالم شيئا فشيئا , دفرة ورا دفرة , بى صرصرة وش من حجازى الله يرحمه مرات
وهرشات صوتية ونوبات زعل , مرات اخرى
نواصل هريكم بعد حين
| |
|
|
|
|
|
|
|
|
|
Re: مربع كاي (Re: منصور عبد الرازق)
|
منص الحبيب ...و الله متابع جدا موضوعك بتاع العز أهل...
أمبارح عملت لي مداخلة سميتها العز أهل ردا على موضوعك الجميل ده...
سكبت في المداخلة دي عصارة أفكاري....رهيبة عصارة أفكاري دي مش...
قريتها مرة و التانية و اطمأنيت الى أن الأخطاء الاملائية ما كتيرة...
و ان الموضوع به حبكة و مترابط من حيث وجود مقدمة و موضوع و نهاية....
لم أنسى البهارات و خصوصا الشمار...
و عملت ليك أضف رد...
جيت لقيت ليك الشمار بتاعي كلو راح في مرقة...
و تبخرت عصارة أفكاري...
و ما نزل الرد...
حردت ليك باقي اليوم كلو...قاعد ممحن وصاري لللاب توب بتاعي..
و في الآخر قبل ما أنوم عاينت ليهو حنني...لكني برضي ما رحمتو...
كتبت ليهو....
واقف براك...
| |
|
|
|
|
|
|
|
|
|
Re: مربع كاي (Re: زهير الزناتي)
|
يا منص والله تجربة الجمعية بتاعتكم دي تستحق وقفة وأهم درس فيها إنه الناس ما ضيق نفسها وتصبر علي أي عمل ممكن يجيب نتيجة بمرور الزمن ورسوخ الفكرة في أذهان الناس ... وفي كتير من الأعمال نجحت بعد سنوات طويلة ....
الرشيد انا الليلة فاتح ليك
| |
|
|
|
|
|
|
|
|
|
Re: مربع كاي (Re: زهير الزناتي)
|
مباراة لا تنسى
كان دوري السودان زمان دوري مليان اثارة و كورة حلوة...لأن كل ألندية مليانة نجوم و لا فروق كبيرة كما هو الآن...
و عندما يلتقي فرق القمة...و لاحظ معاي لفرق القمة دي هنا مقصودة...فقمة الكرة الخرطومية كانت الهلال و المريخ و الموردة...عندما يقابلوا أي فريق من الأقاليم كانوا كثيرا..خصوصا فرق الأهلي و الاتحاد من مدني...حي الحرب و الهلال من بورتسودان...و حتى هلال الأبيض كان فريق له شنة و رنة...
كانت المباراة بين الهلال و الأهلي مدني...الملعب كان أستاد الهلال....كان الهلال يعج بنجوم من طراز على رأسهم جعفر عبدالرازق و كذلك كان الأهلي مدني...كان على رأس نجوم الأهلي عصام غانا الذي انتقل الى الهلال لاحقا...
حضرنا باكرا الى ملعب المباراة و استهدفنا المساطب الوسطى كعادتنا....وقفنا في صف لا تعرف أوله من آخرة لدرجة أن الداخل لأول مرة يشك في أنه سيصل الى الشباك...وصلنا بعد نصف الساعة تقريبا و دخلنا الى الملعب الذي كان كمرجل يغلي...كان الجو خريفيا رائعا...السماء ملبدة بالغيوم تنذر بأمطار قد تفسد علينا المباراة...
رغم ثقتنا الكبيرة في فريقنا في ذلك الوقت الا أننا كنا نعرف أن الأهلي مدني فريق لا يستهان به...أخذ الجمهور كالعادة يتحدث عن هذا اللاعب و ذاك اللاعب...معظم الناس كانوا يحملون صحف رياضية في أيديهم قرأوها ألف مرة قبل المباراة...و عرفوا منها أحوال الفريقين و تشكيلة المباراة للفريقين...و أيضا التحديات التي اعتاد الصحفيون أن ينسبوها الى بعض اللاعبين و اللاعبون منها براء...
دخل لاعبوا الفريقين للاحماء فارتفع الادرينالين عند الجمهور و زاد توترهم و أصبحوا يهتفون للاعبيهم و يتغنون بأسماء بعضهم...و ارتفعت الرايات و الأعلام في كل الملعب...و لكن اللون الأزرق كان هو اللون الطاغي...
بدأت المباراة و كان الأهلي نديا قويا للهلال...و قفل الملعب تماما على هجوم الهلال...بل وشكل خطرا حقيقيا على مرمى الهلال...و لكن مهارة نجم الهلال جعفر عبدالرازق أحدثت الفارق...فصال و جال و اخترق دفاعات الأهلي مدني فأحرز الهلال هدفه الأول الذي انتهى عليه الشوط الأول...ثم الشوط الثاني الذي كان فيه جعفر نجما خارقا للعادة...صال و جال و راوغ و أبدع و تفنن و مرر الكرات لزملائة من اللاعبين لتنتهي المباراة بأربعة أهداف للهلال...
كانت مباراة لا تنسى لا للأربعة الأهداف الجميلة فحسب..بل لأن الجمهور الذواق المهذب كان يغني ظوال زمن المباراة.....
ليه يا جعفر تعمل كده...تجنن مدني بالشكل ده
و ليه يا جعفر...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام للصديقة والدفعة والفردة نجاة حوفي ... والله متابعين البري متابعة شديدة لكن جري السودان ما بيخلي الزول يركز في حاجة واحدة ... وبجيك برواقة
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
ازيكم تاني
رشا وحرمه الناعمة وزوار كاي 00 وكوم كبير شوق
اغيب يومين وارجع الاقي زينب وعزة بقو يلزوا العربات يا ناني 000
وجمعية الدناقلة بتاعت ناس منصور جاتنا في كاي 000
انت ياابنوسي عشان بقيت رئيس جمعيتكم ما بتسلم علي يوم الندوة؟؟؟؟؟؟!!!!!!!
قلت ابدا يارشا بكاي وبعدين افرد جناحي لهناك
مليانة بيكم 000
| |
|
|
|
|
|
|
|
|
|
Re: مربع كاي (Re: زهير الزناتي)
|
Quote: مايو الماضى مشينا 3 يوم مع المكتب كل الناس المعاى جوهم اهلم واصحابهم
فى البحرين الا انا الكنت مجدوعة فى الاوتيل.. ما كنت عارفاك بهناك ..
|
والله يابت حوفى لو عرفنا بى جيتك كنّا فرشنا السكه ورود ، عموماً أقترح تقولوا لى رشيد الويك إند ده تعال لينا فى البحرين ، و وفّر عليك مشوار غياثى أبوظبى وبالعكس ( عبارة بالعكس دى كانت تستهوينى حين أقرأها فى بصّات القرى حول مدنى ، سألت والدى عليه رحمة الله وأنا ممسك بطرف جلبابه عن معنى بالعكس ، فقال لى إنها تعنى رحلة العودة من مدنى للقرية ، بصراحة ربُّنا لم تقنعنى الفكرة ، فبدل بالعكس يمكن كتابة إسم القرية ، ويبدو لى أن هذه العبارة كانت تمثل فى حينها نوعاً من التباهى بمفردة تشنِّف مسامع الناس لأول مرّة فيحرص الجميع على تداولها خشية التخلف عن الركب)
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: هناك بيت شعبى كبير لكل مجموعة منهم , مجرد ما جيت من السودان لأول مرة تسكن فيها طوالى , لا قرش لا تعريفة تأكل وتشرب وتنوم ويفتشوا ليك شغل كمان |
يا منص واحد قريبنا شاب طويل وعريض جاء عمرة وسكن فى الجمعية طول يومو نايم
يجيبو ليهو الشغل يقول ما داير ، وهو ما عندو موهلات وحتى ما بعرف يسوق عربية
ولا بساعد فى النظافة ولا فى عمل الاكل ومن كترت النوم فى الارض الجماعة سموهو التمساح
مرة جابو الغداء وصحوهو من النوم وهو لما يقعد فى الاكل يتفرجخ فى الواطة يمسك محل
تلاتة تنفار ، عاين للاكل كده وقال للجماعة ياخى ما تحلبو لينا ليمون .....
واحد من المغيوظين منو نطة قال ليهو .... التمساح الليلة بطنو طامة
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
شوش
Quote: اغيب يومين وارجع الاقي زينب وعزة بقو يلزوا العربات يا ناني
OH NOOOOOOOOOOOO
هوى يا فافى بلاش مشاكل زينب وعزة ما يلزن انت شفتيهم لزن شنو ؟؟؟؟ ما لزن الفارهة لا لزن بيجو ولا داتسون ( مع الاعتذار 0 ) هسة كلامك دا ما بيجيب مشاكل بعدين اديك معلومة مثبته عزة ما لزت حاجة بس ختتت يدها اللز كلو كان على زوبة التحية ليها ونانشاؤ الله يا زوبة اعوضك تعويض ما عادى اى مشوار انا تحت امرك بش شاورى ... انت با فافى ياقردة استنى ...... اهدى اغنية اللازى الكالوس على وزن ا يا السايق الفيات ليكم كلكم ...... الى اللقاء .... شوش
|
| |
|
|
|
|
|
|
|
|
|
Re: مربع كاي (Re: زهير الزناتي)
|
سلام يا رشا الظاهر عليها الليلة النومة قوية ..... اها بعد شوية ماشين نشوف كورة مانشيستر يمكن ربنا يورينا فيهم يوم أولاد الكلب ... بس الله اعلم ما دام عمك أبو لبانة في الدكة ... وشريك في اللستة
| |
|
|
|
|
|
|
|
|
|
Re: مربع كاي (Re: زهير الزناتي)
|
أبو الزوز يا صديقي و الله الحالة ما ياها الأسبوع ده...فاتح التلفزيون منتظر المباريات...
تلفون قبل شوية مع ياسر نجيلة فرق علي كتير مع السجن الاجباري ده هنا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رسالة من المديرة العزيزة شوش...شوش رسائلك تسعدني ...
| Quote: يا الرشيد انت ما بتعرف نجاة دى بتعنى لى شنو بالجد بعيد عن كسير التلج الما بعرف ليهو غير زهير الزناتى ومحضر فيهو دكتوراه ...... لكن بعد شغلك ليها فى الكلام الكتبته عنى قلبى اكلنى وعايزة اسالك سؤال برى انتو جايين السودان متين ؟؟؟؟؟ وعموما قول ليها ابشرى يا ام امنية عندك لغاية 30 كيلو مجان دا غير المسموح بيهو فى التذكرة وعندك ساعة كاملة من الاهتمام وخلق هالة من الشو حولك فى صالة المغادرة ... وقول ليها لو كنت ذدت الكلام سطرين ثلاثة كنا عملنا ليك محاولة رفع تذكرتك للدرجة الاولى لكن دى محتاجة تخشى كورس صيفى مع زهير فى اساسيات كسير التلج .... صدق يا الرشيد او لا تصدق انا لى ثلاثة يوم عاوزة ارد على نجاة لكن بالجد بالجد ما قادرة بتخيل انو لو نجاة قرات ردى على كلامها حتعيش دقايق من الذكرى وحتسرح بعيد مع ابام زمان وحتتضايق شوبة شفت الشوية دى انا ما عايزاها .... المهم انا مشتاقة ليها شديد ولونستها الما ممكن تملها ..... اتمنى تفكروا تجونا شوية فى السودان .... الى اللقاء ..... شوش |
شوش قلبك ما يآكلك ساكت...اشتغلت نجاة بعد الهجوم الكاسح الذي تلقته من زينب و بطة....
لسه ما وضعنا خطة للاجازة و ان شاء الله حنعرف الخطة بعد قليل...و لا بد أن يكون من بينها السودان خاصة بعد الوصية التي وصانيها والدي في الاجازة الفاتت...
| |
|
|
|
|
|
|
|
|
|
Re: مربع كاي (Re: الرشيد بابكر)
|
هاي ناس كاي 000
اوووو نوووووو شوش
| Quote: ... اديك معلومة مثبته عزة ما لزت حاجة بس ختتت يدها اللز كلو كان على زوبة |
زوبة من يومها شيالة التقيلة 000 عشان كدا انا بحبها 000
لكن يا شوش انت ما سمعت سيدي الحسن بقى يلز لز(((الله يسالني في كاي هنا بقى سيدي الحسن دفاااار خلاص))
لك كل الود
وتعالي لي بهناك 000
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
شوش ولزة دكتور فوزي رمضان000
كنت في سنة تانية 000 وشوش في سنة ثالثة صناعات غذائية ((اقصد تدبير منزلي ))مع احترامي لهذا القسم 0
وشوش كانت السكرتير العام للاسرة 000 ((من يومها تهيء نفسها لوظيفة المديرة))000
وطبعا كنت ما بحضر السكاشن يعني لازم اكمل الحد المسموح لي بيهو في الغياب ((مش حقي الدستوري))
وصادف انو ادارة الكلية طلعت قرار بفحص الايدز لكل السودانيين في الكلية والا يحرموا من دخول السكاشن
((جاتني باااااردة))
فاصبح حضوري في مادة صناعات غذائية خمسة سكاشن من مجموع اتناشر سكشن 0((شفتوني قوية كيف؟؟؟؟؟))
ولما جاء امتحان العملي فوجئت اني محرومة من دخول الامتحان مالم اجيب عذر من الشؤون 000
طبعا بقت الدموع اربع اربع ((على راي نبيل شعيل)) وجري لشوش عشان تحل المشكلة ((ما قلنا مديرة))
شوش كعادتها تصدت وجري للشؤون واستخراج صورة من القرار بتاع فحص الايدز ((عشان عاطف القوز يآمن يا ابنوسي)))
ومشينا لدكتور فوزي رمضان وشوش اقنعته باسباب غيابي المقنعة((لمن انا اقتنعت))00
ووافق دكتور فوزي رمضان على دخولي الامتحان مش كدا وبس كمان احدد مواعيد السكشن اللي انا عايزاهو000
وانتهت الامتحانات واتعلقت النتائج ونجحت في صناعات غذائية000
والمفاجأة 000
كانت انو شوش فوزي رمضان قصدها وشيلها مادتة اللي بيدرسها ليها 0000
يعني يعملوها الصغار ويقعوا فيها الكبار000
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
مساكم الله بالخير
تم ابلاغ أمي بواسطة غادة أختي انني قد كتبت عنها في مربع كاي...
أصرت أمي أن تقرأ ما كتبته عنها...
جابت ستنا أختي اللاب توب و فتحت ليها المربع و أرادت أن تقرأ لها ما كتبت...
قالت ليها ما تقري لي بقرأ براي...
جيبوا لي النضارة بتاعتي...
و أخذت تقرأ ما كتبت عنها حرفا حرفا...
شوفوا جنس الشرف ده...
أمي أصبحت من رواد مربع كاي...
رغم انها لم تزر الزقازيق يوما...
و لم تسمع بمربع كاي...
الا انها شرفتني بالحضور الزاهي البهي هنا...
و لا أدري بماذا أحست أمي و هي تقرأ ما كتبت...
و لكني أستطيع أن أخمن ذلك...
فتجربتي مع أعمالي التي كنت أكتبها فيها تجربة فريدة..
أذكر أنني كنت قد كتبت قصيدة لها عندما كنا بالزقازيق...
حفظتها أمي و قالت انها من أجمل ما قرأت...
لذلك أعتقد انني قد أسعدتها بما كتبت...
لو كنت أعرف أنها ستقرأ ما سأكتب...
لما توقفت عن الكتابة عنها...
حتى تسعد كل يوم...
كيف لا و هي تستحق أكثر من ذلك...
أعجبتني مقولة لأحد المحتجين على الاحتفال بعيد الأم...
قال انه محتجا ليس للاحتفال بالأم و افراد يوم لذلك...
بل لأن الاحتفال بالأم يجب أن يكون كل يوم وليس يوما واحدا في السنة...
أقول لي أمي علوية مامون...
شرفتيني يا أمي بالزيارة في مربع كاي....
شرف لا يدانية شرف....
| |
|
|
|
|
|
|
|
|
|
Re: مربع كاي (Re: الرشيد بابكر)
|
كانت أصغر أخوانها و أخواتها...شبت و هي تلقى كل الرعاية و العناية و الاهتمام...طافت مع أسرتها العديد من بلدان و مدن العالم...و لكن ذلك أكسبها تواضعا و حبا للحياة...جميلة مرحة و فوق كل ذلك هادئة و رزينة و ترسم ابتسامة جميلة في وجها لكل من يأتي اليهم زائرا...
كبرت في هذا الجو العائلي المترابط و العناية الفائقة...دخلت المدرسة الثانوية فأعطتها أسرتها بعض الحرية و جعلتها تزور صديقاتها في الحي...كانت عند حسن ظن أسرتها بها...لم تتغير و لم يتبدل حالها...تذهب الى صديقاتها و تعود في الوقت المحدد لعودتها لتجد كل من في البيت ينتظرها بشوق و كأنها قد غابت عنهم لأيام...
استأذنت يوما من والدتها في زيارة صديقتها و التي تسكن على بعد عدة شوارع من منزلهم فوافقت والدتها و طلبت منها أن لا تتأخر و طلبت من أحد العاملين معهم مرافقتها حتى منزل صديقتها...أوصلها الرجل الى صديقتها...قضت وقتا ممتعا معها و هم يتسامرون...يحكون عن مواضيع تتنساب و تلك المرحلة من العمر...عن المدرسة و المدرسين و لا يخلو الأمر من أسرار...مضى الوقت سريعا و أستأذنت من صديقتها في الانصراف...رغم محاولات صدقتها بابقائها لفترة الا أنها اعتذرت و قررت الانصراف حتى لا تقلق والدتها عليها...
أرادت أن تتصل بوالدتها حتى ترسل اليها من يقوم باحضارها...الا أن صديقتها قالت لها لا داعى لذلك سنقوم أنا و أخي بتوصيلك حتى منزلكم...تمشوا ثلاثتهم في طرقات هادئة تخلو من المارة و هم يضحكون بفرح غامر...تخترق ضحكاتهم هدئة الليل الذي ينتصف بعد...كانت تشعر بسعادة لا تضاهيها سعادة..كانت شقيق صديقتها يكبرهم قليلا و كان لطيفا و مرحا و وسيما...فأضفي على الجو كثيرا من المرح و انتزع الضحكات و الاعجاب معا...
أصولوها حتى منزلهم...كانت أمها تقف في انتظارها و ما أن رأتهم اطمأنت عليها و دخلت الى داخل البيت...وقفوا قليلا يواصلون ضحكهم و ونسهم ثم ودعوا بعضهم البعض...دخلت هي الى داخل البيت و هي تكاد لا تلامس الأرض من شدة فرحها و سعادتها...بينما عادت صديقتها و أخوها ادراجهم عائدين الى منزلهم...كان الأخ ممسكا بكتف أخته في أروع صورة للحب بين الأخوان...
دخلت هي الى البيت و سلمت على والدتها و والدها...كانت السعادة البادية على وجهها مصدر سعادة كبيرة لأمها أيضا...سألتها أمها أن كانت قد تناولت عشاءها...فأجابت بأنها تناولت بعض الكيك عند صديقتها و لا ترغب في أكل شيئ آخر...ثم ذهبت لتجهز نفسها للنوم...
و نواصل.....
| |
|
|
|
|
|
|
|
|
|
Re: مربع كاي (Re: محمد صديق)
|
رجعت صديقتها و أخوها الى المنزل و عند دخولهم جاءت والدتهم مسرعة و طلبت من ابنها أن يذهب لتناول خبزا من الدكان القريب قبل أن يغلق أبوابة...أخذ دراجته من داخل المنزل تحسبا من أن لا يجد خبزا في الدكان فيذهب الى المخبز في آخر الحي...
حدث ما توقعه فأسرع الى المخبز فوجد و عاد أدراجه...و هو في طريقة الى المنزل شاهد في ظلمة الليل أحدهم يقفز من فوق حائط احد المنازل في الشارع...و عندما أحس به اللص أسرع في خطوه...صرخ حرامي...حرامي وطلب منه أن يتوقف...لم يكن هنالك أحد بالشارع ليستجيب لنداءه...أسرع بدراجته خلفه محاولا الامساك به...كان اللص قويا فدعة و سقط من فوق دراجته..و لكن ذلك لم يردعة من ملاحقة اللص فركب دراجته مرة أخرى و أسرع خلف اللص الذي كاد أن يختفي في ظلام الليل...لحق به و تصارع معه من فوق دراجته...كان اللص متلثما فلم يستطيع أن يرى وجهه ...حاول أن ينزع عن اللص لثامة فقاومه بقوة...و دارت بينهم معركة غير متكافئة...بين فتى هزيل الجسم و لكنه شجاع و لص قوي البنية يخشى أن يكشف أمره و يمكنه أن يفعل أي شيئ ليحول دون ذلك...استمر الصراع و لا أحد بالشارع يهب لنجدة الفتى الشجاع الهزيل...
قامت صباح اليوم التالي بمعنويات عالية و تجهزت للذهاب الى المدرسة ثم انتظرت صديقتها لتذهبا سويا الى المدرسة...تأخرت صديقتها في الحضور فقلقت قليلا...ثم اقترب موعد المدرسة و لم تظهر فازداد قلقها عليها...بررت تأخرها بأنها ربما تكون قد ذهبت الى المدرسة مع والدها فقررت الذهاب بدونها على أن تلقنها درسا بمجرد أن يقع نظرها عليها بالمدرسة...قام السائق بايصالها الى المدرسة....
دخلت الى الفصل مع بداية الحصة الأولى فحمدت الله على أنها حضرت في الوقت المناسب و تجنب مساءلة المعلمة لها نتيجة تأخيرها...و بمجرد أن استقرت في مقعدها تلفتت حولها فلم تجد صديقتها فقلقت كثيرا و بان عليها القلق و دارت في ذهنها عدد من التساؤلات حول سبب تأخرها و ندمت على أنها ذهبت بدونها فلربما تأخرت لسبب أو لآخر...
لم تظهر صديقتها في تبقى من الحصة و لا التي بعدها و لا حتى آخر اليوم فاستبد بها القلق لدرجة أنها لم تفهم كلمة واحدة في كل الحصص التي حضرتها...حاولت أن تجد مبررا واحدا لغيابها و هي التي كانت معها حتى ليلة البارحة...انتهى اليوم الدراسي و عادت الى المنزل و بمجرد دخولها الى البيت حدثت أمها بما حدث و طلبت منها أن تذهب لتفقدها وافقت أمها على أن تقوم بزيارتها عصرا للاطمئنان عليها...
و نواصل....
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا سلام ياروش ، سرد فى غاية التشويق ، أشكر لك إخراجى من الحالة التى انتابتنى عقب تعادل المدفعجية وضربة الجزاء وطرد كارلوس بيول الذى أراه ظالماً، عموماً هى فى نهاية المطاف كرة قدم قدَّم خلالها الفريقان الكثير من المتعة ، يحزننى غياب فابريغاس مثلما يحزننى غياب بيول وبيكيه عن مباراة الإياب ، كل الأمنيات لفابريغاس بالتشافى من الإصابة والعودة لصناعة الفرح للمدفعجية ، يبدو أن المشيئة الإلهية قدّرت لكلا الفريقين التعادل واقتسام الفرح والحزن ، ربما لأننا نحب منصور حباً يتجاوز كل العصبيات الكروية فكان التعادل والغيابات كإقتسام عادل للنقاط والأهداف والغيابات فى جولة الإياب.
مرحباً يا روش بأم الكل الحاجة علوية ويا زهير عجّل بى العضوية ، حبابك يا من أهديتِ الدنيا رشيد القوم وحرمه المصون :
بت حوفى طوق نجاة ديما للخاطر تواسى
كان فى مدنى أو فداسى أو حتى غياثى
كان فى الخاطر أنظم كلام متل النواسى
لكن الليل انتصف وصعيب على أغالب نعاسى
إستر علينا الكريم من أبشنبات إقولنا كسّرتو الآيسى *
الثلج وأدخلت عليه الياء مراعاةً للقافية وجبريلا وعلى أبوزيد وعموم اهل الأنصارى (أحب الإنبراش)
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
سلامات ياناس
رشيد يا حبيب سلام ..وشكرآ على ......
القصة جميلة ...حافلة بالمشاعر المُوَارَبَة والتى تُفهم دون ان تُفَسّرْ
لكن ...قَوّمت نفسنا.
Quote: إستر علينا الكريم من أبشنبات إقولنا كسّرتو الآيسى *
|
انت يا اخوى خليت كسّير العدّة ؟؟
| |
|
|
|
|
|
|
|
|
|
Re: مربع كاي (Re: محمد صديق)
|
يا جورج موش الشرطة فى خدمة الشعب ، وموش نحن الشعب الما بحتار ... إختار إختار ... ديمقراطية ، أها أمسك لبك فى حتّة ديمقراطية دى ، وبمناسبة موسم الإنتخابات خلّونا نكسّر ونتكسّر ... تلج وفحم وروتين ورتابة وسور الموانع ذاتو نخليهو إنكسر ، وبعدين يا جورج العدة خشوم بيوت عدة أكل وعدّة شغل وعدّة ثلاثة قروء ، أسألونى من قروء دى عشان أذاكر فيكم مادة الشريعة واستغل علمانيتكم وأضيف من عنديّاتى كمّين رأى فقهى ، أنا عاوز أقول إنو سيد المربع غايب فى الركايب ويا زوبة الشو فيهو أوكازيون ، الغدا جا برجع ليكم بعدين
| |
|
|
|
|
|
|
|
|
|
Re: مربع كاي (Re: محمد صديق)
|
زي ما قال ليك الكوتش ... القصة جميلة وفيها شئ كتير من الإثارة وممكن تكون نواة لحلقة تلفزيونية رهيبة .... بعد الإضافات ....
والسيناريو
تم الباقي وعلي السيناريو ....
| |
|
|
|
|
|
|
|
|
|
Re: مربع كاي (Re: زهير الزناتي)
|
بكورة اللذيذ ... الليلة سماح كسر تلج زي ما عايز مافي رقابة المزاج عكران من الهباب السياسي ... البركة في الكور السمحة دي ... كنت ندمان إنه إتفرجت علي كورة البايرن ومانشستر وما جايب خبر عرمان في منبر حنين لكن بعد عملة الحركة الشعبية دي حمدت الله علي الكورة السمحة الإستمتعنا بيها ... تصدق المباراة دي من أجمل المباريات الشافها الزول في الفترة الماضية كورة سريعة ومثيرة لم تتوقف ولا ثانية واحدة حتي أن الحكم لم يجد زمن يضيفه سوي زمن التغييرات التي أجراها الفريقين ... المباراة لم تشهد تسلل إلا في مرة واحدة علي ما أعتقد ... من لم يشاهد المباراة أنصحه بمشاهدتها في الإعادة .. رغم إني لا أشجع أحد الفريقين ... إلا إني إتكيفت جداً لهزيمة مانشيستر ... خاصة وإنها جات في الوقت بدل الضائع .... واضح تأثير المدرسة الهولندية والمدرب لويس فان جال علي البايرن كما أن الفريق يضم عدداً من اللاعبين المتميزم خاصة ريبيري وهو لا يقل عن ميسي وروني كريتسيانو رونالدو ... وله حديث في الفترة القادمة .... حزنت لإصابة روني فهو لاعب كبير وأتمني أن يعود حتي نستنتع به في كأس العالم .. لي عودة لمباراة الأرسنال ومانشيستر
| |
|
|
|
|
|
|
|
|
|
Re: مربع كاي (Re: زهير الزناتي)
|
مباراة برشلونة والآرسنال كانت مباراة في اللعب الجميل والكرة الجماعية ... تسيد برشلونة الشوط الأول وأضاع إبراهيمفوتش برعونته أهداف سهلة كانت كفيلة بحسم المباراة في شوطها الأول إلا إنه عاد وأحرز هدفين في الشوط الثاني ،،، فريق كبير مثل الأرسنال ويمتلك عدد مهول من المواهب صغيرة السن كان لا بد أن يأتي ويحقق التعادل في الجزء الأخير من الشوط الثاني ... أكثر ما أعجبني في المباراة الحكم الذي كان مثل الساعة السويسرية عشرة علي عشرة لم يقع في خطأ واحد ... وإن كان خبير التحكيم في الجزيرة الرياضية قد أخذ عليه عدم إحتساب ضربة جزاء لبرشلونة في الشوط الأول لصالح ميسي وقد وجد له جمال الشريف العذر بأن أحد لاعبي الأرسنال قد حجب عنه الرؤية ... مدربي الفريقين عرفا كيف يتعاملا مع المباراة خاصة الخبير آرسين فينجر الذي أجري تبديل ناجح بدخول والكوت والذي قلب الطاولة علي برشلونة ... المباراة القادمة ستشهد غياب عدد من اللاعبين وسيتأثر دفاع برشلونة بغياب قلبي الدفاع بيكيه والقائد بويول وهو غياب مؤثر لأن البديلين ميلتو أو الأوكراني تشيجرينسكي ليسا في مستوي الأساسيين وهي علة أساسية في فريق برشلونة وإن كانت لا تظهر لأن الفريق دائماً ما يلعب مهاجماًُ ويملك خط وسط قوي يريح المدافعين إلا أن مباريات حساسة مثل دوري الأبطال وفريق مثل الأرسنال بالتأكيد ستظهر عيوب الدفاع أما ماركيز فهو من اللاعبين الجيدين إلا أن غيابه الطويل عن الملاعب أثر علي مستواه وكما يقول الكوتش فهو ماسورة ... المباراة القادمة ستكون قمة في المتعة وستكون هجموهية من الطراز الأول وستشهد تسجيل عدد كبير من الأهداف عكس ما عرف عن مثل هذه المباريات
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: المباراة القادمة ستشهد غياب عدد من اللاعبين وسيتأثر دفاع برشلونة بغياب قلبي الدفاع بيكيه والقائد بويول وهو غياب مؤثر لأن البديلين ميلتو أو الأوكراني تشيجرينسكي ليسا في مستوي الأساسيين وهي علة أساسية في فريق برشلونة وإن كانت لا تظهر لأن الفريق دائماً ما يلعب مهاجماًُ ويملك خط وسط قوي يريح المدافعين إلا أن مباريات حساسة مثل دوري الأبطال وفريق مثل الأرسنال بالتأكيد ستظهر عيوب الدفاع أما ماركيز فهو من اللاعبين الجيدين إلا أن غيابه الطويل عن الملاعب أثر علي مستواه وكما يقول الكوتش فهو ماسورة |
أعجبنى جداً التحليل يا زناتى ، بس خلينى أختلف معاك فى حتة دفاع برشلونة دى ، مليتو لاعب جيد مافى ذلك شك وأرى أنه دخل الفورمة بعد الإصابة التى أبعدته لسنة ونصف ، وبرشلونة يمكنه الزج بيايا تورى فى قلب الدفاع وقد سبق الدفع به فى دورى الأبطال الموسم الماضى فى المباراة النهائية أو قبل النهائية على ما أذكر ، أما عن ماركيز فمع إحترامى لرأى الكوتش فهو ليس ماسورة ، غير أن كثرة الإصابات وسنه أسهما فى بطء حركته والزج به فى مواجهة مواتر آرسنال ستكون له عواقب وخيمة سواء فى إحتمال أرتكاب ضربة جزاء أو الطرد نتيجة عنفه الزائد ، ونفس القول ينطبق على شقرينيسكى فى جانب عنفه واحتمال إرتكابه لضربة جزاء ، والجانب الإيجابى فى فريق برشلونة هو سرعة إنتسار لاعبى خط الوسط بوسكيس وتشافى وغلقهم للمساحات .
فى رأيى أن إطمئنان جوارديولا للنتيجة أسهم فى إنخفاض مستوى أداء الفريق ما أمكن آرسنال من العودة للمباراة وإدراك التعادل ، ولعل أكبر خطأ إرتكبه جوارديولا هو الزج بتيرى هنرى الذى بدا عليه التأثر بإستقبال جمهور آرسنال له وطيف الذكريات الذى جال بخاطره ، فكان الأمر ينطوى على عاطفة لتكريم هنرى أمام جمهور آرسنال الذى استقبله وقدّم لنا درساً مجانياً فى الوفاء والإلتفاف حول النجوم الذين صنعوا الفرح ، وكان يجدر بجوارديولا إدخال هنرى قبل خمس أو عشر دقائق من نهاية المباراة .
غايتو الليلة برطعنا كورة ساكت ، لقيت أبوها مافى.
بما إنى بعيد أو بالأصح مبتعد عن مهزلة الإنتخابات ياسر عرمان مالو ومنبر حنين منو؟ والفاز منو ، ولا أقول ليك خلينا فى كورتنا
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
جمعتكم مباركة
سعيد بيكم جميعا...
بي فافي أميرة التمائم و هي تحلق بنا دائما وسط الغيوم...و تنشر على أي مكان تمر به عبيرا فواحا...
بي بكوري...و شكرا على كلماتك المشجعة ...و قصيدتك في حق بت شيخي و سيدة بيتي الأولى...
بي أبو الزوز...أنا أهديتك القصة انت كملها بمعرفتك و أكتب السيناريو و لو جابت ليك حاجه أقسم لي معاك.....
جننتوا الكورة و التحليل في راسو....معاكم (غلبا و غالبا)....كنت أعتقد أن الأرسنال سيعاني ألأمرين من برشلونة و لكنه أبدع و تفنن و لولا أن أرسين فينجر راسو ضرب كعادته في المباريات الكبيرة لما كانت هذه النتيجه...خشي أرسين فينجر من بطء سول كامبل فلم يقحمة بدلا من وليام جلاس المصاب فأقحم دينيلسون بدلا عنه و أرجع سونق الى الدفاع...فأضعف بذلك الدفاع و أفرغ وسط الملعب و ضاع الهجوم تماما خاصة مع سوء أداء أبوديابي و عدم فاعلية فابريجاس مع الغياب المؤثر لأرشافين...
أبو الزوز هزيمة مانشستر من البايرن لعب فيها الحظ دورا كبيرا و الا لفاز مانشستر في ميونيخ لو كان له ربع حظ البايرن...
ملمح النهائي يترائى للعيان...أكاد أجزم أنه بين مانشستر و برشلونة حتى و ان غاب بيكي و بيول...و لو لم يلعب روني...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام يا ناس كاى ويا سيد البيت
لما جيتكمووصلت ليكم الدور بتاعى فى الابتوب خلص
حانتظر الدور يلف ويجى
مع حبى
زينوبة بت النوبة
| |
|
|
|
|
|
|
|
|
|
Re: مربع كاي (Re: زينب التجاني)
|
بت النوبة حمد لله على عودتك ...
أنا لو مكان اللاب توب بتاعك ده بدعي المرض كل شوية...
حرام عليكم خفوا شوية عليهو....
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
ما متابعة ولكن مستمتعة..
حبيت اوصى اولا الشيوخ كلهم اخوانى وسندى واعمام اولاى الزقازيقاب واقول ليهم اعملوا حسابكم من البرتقال وسلطة الاسود والدمعةكان دمعة دجاج ولا لحمة..
الموضوع طويل وخطير وانا هنودى ممتحن ما عايزة ادخل فيه وما اقدر اتمه واشيلكم هم كفاكم هم الكفيل .
دمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
كدي قولي بسم الله يا نجاة وتعالي ورينا الحاصل .... بالذات سلطة الأسود دي ما بلعب فيها .... اها كان قالوا بكره دي بتكتل سيدها وأخير منها التدخين برضو ما بنخليها ....
| |
|
|
|
|
|
|
|
|
|
Re: مربع كاي (Re: زهير الزناتي)
|
يا أبو الزوز....سلطة الأسود دي أمبارح كانت متوسطة المائدة بتاعتنا و أنا الوحيد الأكلت منها...أنا زيك كده بحبها ليك حبا جما...
نجاة حكت لي الحكاية لكن ما بقدر أقول لحدي ما تجي تقول ليكم براها...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يا رشدي والله قول لي نجاة ما تتعب روحها وحات الله كان جات قالت ألف حكاية سلطة الأسود دي ما بخليها ... ياخي دي حلوة حلا ... إتخيلها مصقعة ... ولا مخللة ... ولا بالزبادي ... ولا مسلوقة ... والعجب كان محمرة ... معقولة يا نجاة حوفي .... أنا قالوا لي الأسود بيرفع الضغط قلت ليهم والله وإن بقي أكعب من الملح نبلع الحبة ونلهط الأسود ... ياخي معقوله السودان ده الواحد يعيش فيهو وكمان من غير سلطة أسود والله حكاية ...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناسQuote: حبيت اوصى اولا الشيوخ كلهم اخوانى وسندى واعمام اولاى الزقازيقاب واقول ليهم اعملوا حسابكم من البرتقال وسلطة الاسود والدمعةكان دمعة دجاج ولا لحمة..
|
يعنى نعصر على البوش؟؟؟
| |
|
|
|
|
|
|
|
|
|
Re: مربع كاي (Re: محمد صديق)
|
| Quote: يعنى نعصر على البوش؟؟؟ |
البوش هو زاتو صحي و ما برفع الكوليسترول...
بس مافي داعي للشامبيون بعد البوش...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: حبيت اوصى اولا الشيوخ كلهم اخوانى وسندى واعمام اولاى الزقازيقاب واقول ليهم اعملوا حسابكم من البرتقال وسلطة الاسود والدمعةكان دمعة دجاج ولا لحمة..
|
والله يانجاة صعبتيها علي جنس صعيب ...
تصوري بعد السكر دا بقيت "فطس جداً" واشعر بالجوع كثيرا اها طوالي مادي يدي علي التلاجة
اها "جب" ... برتقالة
جب سندويتش سلطة اسود
وهكذا دواليك ....
اها شيلي شيلتك غايتو تاني "الدلفري" الا يجينا من ابوظبي
| |
|
|
|
|
|
|
|
|
|
Re: مربع كاي (Re: الرشيد بابكر)
|
اذنى تتراقص اليوم طربا وقلبى ينبض فرحا رغم انه يوم السبت بالنسبة ليناانا وامنية وهنودى sad day as they said
فعندما تختتم جمعتك بصوت بطة الدافئ الرقيق وتبدا صباح السبت بصوت زوبة الحنين يكون السبت غير عادى
نغمات صوتية سمفونية خاصة ليست لها تصنيف فى مصطلح النغمات الموسيقية ..
زوبة وبطة صديقاتى .. اخواتى .. زميلاتى .. بنات اماتى ماما محاسن وماما سعاد.. انتن ساكنات جوة قلبى .. محفورات فى ضلوعى.. اتنفس شوقى اليكم كل صباح ..
تضحكنى زكريات الزمن الجميل البرئ النقى .. تبكينى احيانا.. كنا نختلف ونتفق احيانا كثر .. يربطنا شى واحد الحب الصادق ومسؤلية كل واحدة فينا عن التانية..
تحية خاصة صباحية .. من القلب للقلب..
تحية قرنفلية .. ممزوجة بالافندر لصديقاتى.. السوليتريات بطة وزوبة..
لا تستغربوا من مناداتى لهن بالسوليتير .. قديما قبل قدومى للامارات لم اكن ادرى عن الالماس او السوليتير شيئا الا من خلال متابعة المسلسلات المصرية... حديثا لى صديقة عزيزة اردنية من عمان طلبت منى ان اذهب معها الى محلات داماس حتى اختار معها خاتم خطبتها والشبكة .. عرفت انه السوليتيريمتاز باعلى درجة للنقاء.. الجرام تقريبا 30 الف درهم او اكثر.. فى حين انى كنت اعتقد ان السوليتير حجر كبير لونه اخضر او كحلى..
تحية من جواى لسوليتيرات حياتى بطة وزوبة وقبلاتى لاولادهم الحلوين.
راجعة ليكم يا اولاد الشيوخ لموضوع تحزيرى ليكم بس لو قلقتوا بحكى لزوبة تكتب ليكم السبب ..
دمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
| Quote: ياخي معقوله السودان ده الواحد يعيش فيهو وكمان من غير سلطة أسود والله حكاية ... |
الواحد إعيش فى الدنيا كلها كيف بدون سلطة أسود ؟
وتنضاف لسلطة الأسود الرِجلة التى يسميها أهل البحرين (بّربير) ، سلطة الأسود والرجلة عشقى المقيم ، هسّى يابت حوفى إن الله رفع القَدم وجيناكم فى أبوظبى سألتِك بالله تضبحى لينا ملاح رجلة وسلطة أسود فقط لاغير ، تعرفوا أنا فى بعض الأحيان بستهبل ناس بيتنا وبقول ليهم (وَرَدَ فى الأثر أن الرجلة والباذنجان من طعام أهل الجنّة) ولا يخفى على فطنة القارئ أن هذا محض إفتراء وتجنّى على الأثر.
يا بت حوفى .... عدّا فات زمن الدهشة والقلق ، عموماً تشكرى على التحذير بس صدّقينى لو بارينا الدكاترة ونتائج البحوث الطبيّة إلاّ ناكل فى خاطرنا
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
مساكم الله بالخير
سلطة الأسود و ما أدراك ما سلطة الأسود...يبدو انها مثلما تتسيد موائدنا ستتسيد الصفحة دي كمان...
أفلحت بت شيخي نجاة حوفي في اقلاقكم..خصوصا اصحاب الحالات الخاصة منكم...جلال و بكوري و أبو الزوز...و الموضوع حسب معلوماتي ليس له أدني علاقة بالصحة...على أي حال لست متنازلا عن سلطة الأسود مثلي مثلكم مهما كانت المحاذير..لأنها تبقى سلطتي الجوه وجداني بريده...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير
و الله نفسي في اجازة قصيرة كده أنجم فيها و أغير معنويات...مليت من 24 ساعة مع العيال و عودة يوم السبت الى غياثي الكئيبة...كنت مقرر آخد السبت و الأحد اجازة و أستمتع بثلاثة أيام مع العيال و لكن خوفي من أن أشغلهم من قرايتهم و هم في خضم معركة امتحانات خلاني أغير رأي...خصوصا ان أمهم صرحت بأنهم يستغلون وجودي ليتمردوا عليها و على القراية....فقررت أن اؤجلها الى وقت آخر تكون فيه الظروف أحسن...
و لكن تبقى رغبتي لاجازة ما زالت ملحة...و أخذ ألمح لبت شيخي و وزير الاقتصاد بتاعنا عن هذه الرغبة...فقلت لنجاة مساء البارحة نفسي في يومين كده في زيوريخ...قالت لي برااااك...قلت ليها برااااي...قالت لي الله يزرخ راسك ده...ما عرفت ليه...عشان قلت براااي...و لا عشان الانفاق غير المرشد مع شعار البيت قبل الشو الذي ترفعه نجاة هذه الأيام...أخشى أن تدفعني ضغوط نجاة بوقف الشو الى تلفيق مؤتمر للشركة في احدى دول الهواء الناعم...
الا أديس...لأني جني و جن الشحادين البغنو و يرقصو في الاشارات ديل...لذلك فالبحث جاري عن مكان يتناسب و المؤتمر المزعوم...لحدي ما نشوف نهاية موضوع الانتخابات و الانفصال في السودان...يمكن الواحد يغير رأيه تماما في امتلاك بيت في السودان العجيب ده...ما همانا...المهم تغير الجو ده يكون كيف و وين...
أي مقترحات؟؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: خصوصا اصحاب الحالات الخاصة منكم...جلال و بكوري و أبو الزوز |
ذكَّرتنى يا روش حكاية عبداللطيف إبن شقيقى محمد (كوّارة) ، وقد كان عبداللطيف شقيّاً فى طفولته ، فى إحدى المرّات إستيقظت والدتى متّعها الله بالصحّة والعافية كعادتها لصلاة الفجر وأنجزت مهامها الصباحية من عمل الشاى ولوازمه ، لطول جلوسها على البنبر وبسبب آلام الركبة التى تزداد عليها فى الشتاء ، أرادت النهوض وندهت حفيدها عبداللطيف لمساعدتها فى النهوض ، بعد أن إستوت نصف واقفة بادرها عبداللطيف بقوله (والله يا حبوبة حقّو نوديك برنامج الصلات الطيبة) ضحِكَت والدتى حتى ابتلت شلوخها بالدموع وهمهمت (آه يا مسخوت ) وبقيت طول اليوم تحكى هذا الموقف وهى ضاحكة وتتبع كل ضحكة بالإستغفار ، أضحك الله كل أيّامك أمّى العزيزة ودعواتى الصادقة بأن تكون أيّامك عامرة بالحب والإيمان.
يا روش ماعاوز أرجع لى سلطة الأسود بس إتذّكّرتَ زمان فى المناسبات لما آخد صحن الكوكتيل بتاعى بحرص على مقايضة سلطة الأسود بأى صنف آخر سواء البيضة المسلوقة أو حتّى قطعة اللحم ، أماالباسطة فلم أكن أستبدلها ، وكأنى أدركتُ حينها أنه سيأتى اليوم الذى ستندرج فيه الباسطة فى قائمة الممنوعات .
يا رشيد لا أبالى بالمحاذير لو كانت أسباب التحذير مرتبطة بالصحة ، ناهيك عن التسريبات الصحفية حول غدم إرتباط الأمر بالصحة .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
بكوري الله يمسي الحاجة بالخير...انتو لو كان لم فيكم عبداللطيف ده..كان قال ليكم دار العجزة ده شنو...
أنا و الله يا بكوري صحن الكوكتيل ده ما عارف عندي معاهو حساسية...لأني بتذكر طوالي السكر بتاع الباسطة لما يسيل و يبقى طعم الجبنة سكر وسلطة الأسود سكر و حتة اللحمة سكر و الطعمية سكر أمرق منو البيض المسلوق...بيذكرني ليك بي قصيدة أمل دنقل..
فى غرف العمليات
كان نقابُ الأطباء أبيض
لونُ المعاطف أبيض
تاجُ الحكيمات أبيض، أرديةُ الراهبات
الملاءاتُ
لونُ الأسرة...أربطةُ الشاش والقطن
قرصُ المنوم...أنبوبة المصل
كوبُ اللبن
كل هذا يشيع بقلبى الوهن
صحن الكوكتيل ده أنا بيشيع في نفسي القرف...
| |
|
|
|
|
|
|
|
|
|
Re: مربع كاي (Re: Hatim Gubara)
|
اطلاله بطعم الافوكادو ..
على ثمار وأزهار مربع الحنين ...
مرتع الصبا والايام الجميلات ...
هدنــا الشوق اليك يا منبع الألق الساحر
ومرتع الوفاء النادر ...
تحية خالصة مخلصة لنبراس هذا البوست ومشكاته التى انارت لنا درب الوداد
ابو مهنـــد ...
لك فى هذا الصباح ..
تحية خااااصة ..
تحية زروق .. تحية كاريوكا ...!!
حفظك الله
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
زهير الزيناتي 000صديق الايام المالحات والطاعمات 000 مابين شوارع الترعة الجميلة محطة الحجر
وفرافيشو وحلة جديد مكان الجمال 000 ومرورا بزقازيق الزكريات بوتقة لمتناقضات الحياة والانسان
بزخم معانيها الاصيلة 000
كل سنة وانت طيب بوجود بهجتك البهجة وحلوينك 000
كل عام وانت ياصديقي المشرق في الوداعة والصفو 000 تقيم في صهوة النقاءات ولا تكبو 000
كل عام وانت ياصديقي ورفاقنا الاجدع ناس ((ما بين جمعية ومنبر)) تهيئ لنا فضاء ممتد 00 لنستريح 00
ونتصادق 00 ونحكي 000ونكتب 000 ونقرا 000 وننجز 000 وننسج ضوءا باهرا من الالفة والمحبة والنقاء
الانساني 0000
ولك يا صديق الايام المالحات والطاعمات 000
مفاتيح الحياة السعيدة 00
والعمر الجميل000
وورود تليق بك وبببهجتك 0000
وحبل ود ممدود000
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
Quote: يا بت يا ساره.. جيبي لي ليمونه..
أعمامك ديل طمموا لينا بطنا.. |
يا أبو ليمونة انت...
كوكتيل ناس بكري كده...
انتو كوكتيلكم كيف؟؟؟؟
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: هدنــا الشوق اليك يا منبع الألق الساحر
ومرتع الوفاء النادر ...
تحية خالصة مخلصة لنبراس هذا البوست ومشكاته التى انارت لنا درب الوداد
ابو مهنـــد ...
لك فى هذا الصباح ..
تحية خااااصة ..
|
محمد عيد...شوقنا اليك أكثر...
افتقدناك كثيرا على اثر المحنة التي ألمت بك و نجاك الله بفضله منها...
و هي ابتلاءات يبتلي بها الله من يحب...
و من يملك قلبا نقيا كالثوب الأبيض مثلك لا شك أنه سيتجاوز محنه و بصبر...
أنتم نبراس و مشكاة هذا البوست و لولاكم لما بلغ ما بلغ...
لك من التحيات و لأسرتك كل الود و الحب...
| |
|
|
|
|
|
|
|
|
|
Re: مربع كاي (Re: الرشيد بابكر)
|
حق لنا في مربع كاي أن نزجي أحر التهاني للصديق أبو مجد...زهير الزناتي و الذي نحب أن نناديه بأبي الزوز...نهنيه بعيد مولده الخامس و العشرين و نتمنى له من قلوبنا كل الأمنيات الطيبة...و أن يحقق الله كل أمنياته و يحفظه و يحفظ له أسرته...
كل عام و أنت بخير يا أبومجد...
| |
|
|
|
|
|
|
|
|
|
Re: مربع كاي (Re: الرشيد بابكر)
|
شكرا يا شباب علي التهانئ ... بس مافي داعي لذكر العمر لأنكم أكيد حاتكونوا غلطانين .. عشان الواحد مباريكم وعامل فيها صاحبكم تقولوا ليهو 25 سنة إنتو قايلني قدر زينب التجاني ... والله حكم .. قال 25 سنة قال ...
| |
|
|
|
|
|
|
|
|
|
Re: مربع كاي (Re: زهير الزناتي)
|
رشا ...
ازورك اليوم وفى يدى باقة ورد من بلند الحيدرى
وفيها ذكرى أكثر محبيه .. العزيز الجميل .. عبده مضوى
زهرتك الحمراء … لما تزل
ترقرق الاعطار
في مخدعي
وترقص الأحلام في غرفة
أرقصت دنياها على أدمعي
كوني كما شئت
فإني هنا
أقيم في أوراقها مرتعي
وأرتمي …
في طيبها
فراشة محمومة لا تعي
*
من بسمة حالمة …
من رؤى
تهفو على أجفاني الساهمة
أطلقت أيامي تعبّ المنى
من شفتي زهرتك الحالمه
وكلما همّت بتقبيلها
خفق انسانيتي الآثمة
ارتعشت …
بالله …
لا تعتد
قد اودع الطهر .. هنا
عالمه
| |
|
|
|
|
|
|
|
|
|
Re: مربع كاي (Re: محمد عيد)
|
حمادة الحبيب
حملت الي باقاتان و لكنك قلت واحدة تواضعا كعادتك...
الباقة الأولى هذه القصيدة الجميلة التي استحقت مني أكثر من قراءة...
و الأخرى هي الحبيب عبده مضوي...
له من هنا التحايا العطرة...
| |
|
|
|
|
|
|
|
|
|
Re: مربع كاي (Re: محمد عيد)
|
أيّها الأحباب .......... سلاماً وتحيّة
ياروش حقَّ لنا أن نسعد بهذا التواصل ، بين سارّة حاتم جبارة وهى (ساوّا ليكم بى إيدينا ليمون ) وبين سيدة التمائم ، وذكرى ميلاد العزيز زناتى ، لايهم مضى السنون وتعاقب الليالى ، فهذه ذكرى ميلاد وللميلاد عيد ، وها قد أطلّ محمد عيد بعد انقطاع أملته حادثات الليالى ومقادير الخلاّق ، كم أسعدنى إطلالك بعد غياب كنتَ فيه دائم الحضور فى صلواتنا وفلواتنا ، حمدّاً لله على انقشاع الغمّة التى لم يساورنى أدنى شك فى مقدرتك على تجاوزها، فالحمد لله الذى ينعم بالبلوى وإن عظُمّت.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
اجمل الامانى واحلى التهانى وكل سنة وانت احلى واجمل ..وعقبال ماية سنة يا صديق .. الزمن الجميل
ابو مجد العمر كله ليك والله يجعل ايامك كلها بهجة..ويخلى ليك العيال
| |
|
|
|
|
|
|
|
|
|
Re: مربع كاي (Re: نجاة حوفي)
|
حيوا معانا ام مايا نازك سيد احمد صديقتى واخت الفى الغربة. وقولوا ليها كل سنة وماياحسين الطيب الحلوة بالف خير عقبال ما تشوفيها عروسة.. وسلامتك يا نازك انشاء الله ما تشوفى شر..
مايا يا زناتى جات بعد الشوق ذى امنية الرشيد..مولودة 4 ابريل ( ما تقوم تقول قريت معاها kg1(
زوبة ماي بت حسين الطيب اخو نازك الطيب وحبوبتها امى حجة..وامى حجة لما جات عملت ليها قصيدة لانهم ما كان عندهم بنات نازك الطيب عندها اولاد بس حتى اخوانها..فقالوا مايا ست البنات جات وجابت البنات الحلوات بعدها عمتها جابت بت وعمها كمان
الله يجعلك يا مايا من بنات السودان الناجحات البارات المستورات.
دمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
هااااي يا ناس كاااي
السلام عليكم ورحمة الله
ودامت عليكم الصحة والعافية
ودامت محبتكم ..
ما زالت ماكينة المشغوليات مدورة
لدرجة انو الواحد احيانا يتملكه احساس بانو اليوم بقى أقصر مما كان
إضافة إلى أنني في هذه الأيام أستضيف معي الوالد في زيارته الأولى للرياض مما أضفى على دارنا أجواء من الحميمية
وأزال عنا الكثير الكثير من زهق الغربة والبعاد ..
طبعا أتى الوالد وتغير معه البرنامج اليومي والروتين الذي كنا نعيشه في البيت
الشاي والقهوة الصباحية وجلسة الونسة أعادت لنا ذكريات اللمة الصباحية في أمدرمان في ضل الضحى ..
وفطور الجمعة المدنكل الذي كاد أن ينمحي من ذاكرتنا .. لا أذكر متى كان آخر عهدنا به ..
أيام حلوة وجميلة نعيشها وأجواء غير اعتيادية طغت على البيت في هذه الأيام ..
باذن الله سوف أترك الوالد مع العيال
واخطف رجلي في زيارة للوالدة للإطمئنان على صحتها يوم الخميس الجاي
ولمدة 10 ايام أقضيها في ربوع أم در مع الأخوة والأحباب ..
وكنت أتمنى أن تزورني مع الوالد في الرياض ولكن ظروف مرضها تمنعها من السفر
أسألوا الله معي أن يمتعها بالصحة والعافية وأن يمن عليها بكامل رضاه وإحسانه
وأن يرزقنا برها ورضائها عنا .. يارب ..
| |
|
|
|
|
|
|
|
|
|
Re: مربع كاي (Re: عبد القادر بابكر)
|
ياروش ياحبيب ..
التحية ليك والتحية لجميع المرابطين بالبوست ..
محمد عيد ..
كتلتوا الشافع وقعدتوا !!!
الحمد لله وبركة الزالت كربتكم وبعد الشر عنكم ..
وبركة الطلعتوا منها زي الشعرة من العجين !!!
بس تاني ما تعملوا كده ...
أبو الزوز .. سنة حلوة عليك وعيد ميلاد زي الحليب
وانشاء الله يارب تخرف وسط عيالك وعيال عيالك ..
يارشا .. الصفحة دي جابت لينا الكاروشة من سلطة الأسود المدفقه فيها دي !!
أقلبوها سريييييييع .........
مصقع بالزبادي ................!!
| |
|
|
|
|
|
|
|
|
|
Re: مربع كاي (Re: عبد القادر بابكر)
|
قدورة بركة الجيت وشرط انت وبسكويت بشاى الصباح
حمد الله بوصول الوالد اليكم بالسلامة
وربنا يطمئنك على الوالدة ويديها الصحة والعافية
واجازة سعيدة انشاء الله
ـــــ
وميه شمعة يا حوفى للامورة مايا حسين الطيب
اكتر شريط فيديو اتفرجتو فى السعودية زواج حسين ونازك
وما بوريك المعرفة جايه من وين ...........
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
قدورة بركة بالشوفة
حمد الله علي سلامة وصول الوالد نتمني
له اقامة طيبه وسطكم وربنا يطمئنك علي ست الحبايب
وربنا يخليهم ليكم ويكسبكم رضاهم
وتمشي وتجي بالسلامة
| |
|
|
|
|
|
|
|
|
|
Re: مربع كاي (Re: عمر المهدى)
|
ديدو .. ود المهدي
يا حبايب ..
الله يسلمكم من كل شر
وربنا يديكم العافية على دعواتكم الطيبة
وانشاء الله يومين ثلاثة كده الواحد يرتاح شوية بين الأهل والأصدقاء
وينعم بقرب الوالدة ربنا يديها العافية ونعود بعدها لهذه الدوامة ..
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
الاخ الرشيد
تحياتي واسف للتاخير واليك بعض المعلومات عن اوستندا ان زيي واذا كان هناك اي استفسار نحن تحت السمع والطاعه
طبعا المعلومات متضمنه اسعار الفنادق ولكن البيت هنا بيتك.
اوستندا Oostende en Zee
الموقع:
تقع في أقصى الشمال الغربي لبلجيكا على شاطئ بحر الشمال وتبعد حوالي 80 كم من العاصمه بروكسل وحوالي 4 ساعات بالقطار الي كل من باريس وامستردام و4 ساعات بالباخره الي انجلترا.
يوجد اكثر من 30 فندق ( ّ** الي ****),وتختلف اسعار الغرف حسب الموسم وايام نهاية الاسبوع حيث ترتفع الاسعار خلال الاجازه الصيفيه ( غرفه شخصين حوالي 140 يورو لشخصين في الليله الواحده متضمنه وجبة الافطار )خلال فترة الشتاء ( 100 يورو لشخصين في الليله الوحده متضمنه وجبة الافطار) كما يمكن حجز جناح للاسر سعره حوالي 255 يورو في الليله الواحده.
يمكن تاجير سياره ويتراوح السعر بين 50 الي 100 يورو في اليوم
البرامج الترفهيه
يوجد رحله بحريه عبر بحر الشمال كما يمكن زياره بروخا BRUGGE عاصمة الاقليم الغربي لبلجيكا وتبعد حوالي 25 كم جنوب اوستندا حوالي 12 دقيقه بالقطار الذي يتوافر خلال ال24 ساعه. وتتميز بروخا بانها مدينه اثريه بها عدد كبير من الكنائس القديمه ولكنها لاتمسح الحزن على المساجد. كما يمكن الاستمتاع بشاطئ اوستندا الذي يمتد على مسافه 10 كم تقريبا والذي يعج بالسياح من مختلف انحاء اوربا.
| |
|
|
|
|
|
|
|
|
|
Re: مربع كاي (Re: عمر نملة)
|
Quote: ياروش ياحبيب ..
التحية ليك والتحية لجميع المرابطين بالبوست ..
يارشا .. الصفحة دي جابت لينا الكاروشة من سلطة الأسود المدفقه فيها دي !!
أقلبوها سريييييييع .........
|
قدورنا حبيبنا مرحبا بعودتك الميمونة الى البوست الذي اشتاق اليك كثيرا...
اعتقدتك سافرت السودان و لكن يبدو انك انشغلت بالوالد...له مني كل التحايا...
نسأل الله أن تذهب الى السودان لتجد الوالدة و قد تماثلت للشفاء باذن الله...
و تحضرهامعاك كمان لتنعم بدفء الأبوين...
التحية ليك و للأسرة الكريمة...
حأقنطر ليك الصفحة و خليك حرف تعال أقلبها انت قبل بكوري ما يجي يلفح منك القلبه...
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: الاخ الرشيد
تحياتي واسف للتاخير واليك بعض المعلومات عن اوستندا ان زيي واذا كان هناك اي استفسار نحن تحت السمع والطاعه
طبعا المعلومات متضمنه اسعار الفنادق ولكن البيت هنا بيتك.
|
شكرا يا عمر على المعلومات الضافية و القيمة...
سنقوم بدراسة الموضوع أنا و وزير الاقتصاد و من ثم سنحدد وجهتنا على ضوء ما قدمته لنا من معلومات...
شكرا جزيلا يا عمر...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
Quote: من بسمة حالمة …
من رؤى
تهفو على أجفاني الساهمة
أطلقت أيامي تعبّ المنى
من شفتي زهرتك الحالمه
وكلما همّت بتقبيلها
خفق انسانيتي الآثمة
ارتعشت …
بالله …
لا تعتد
قد اودع الطهر .. هنا
عالمه |
| |
|
|
|
|
|
|
|
|
|
Re: مربع كاي (Re: محمد صديق)
|
مساكم الله بالخير
الكتبتو ليكم قبيل ده كان تسخينة العصر بعد ما رجعت من الشغل مباشرة...
لكن حسة جييييييييتكم عديل..........
ما عندي حاجة غيركم...
أها...
القاعد منو و عايز يلعب ون تو و يحظى بشرف قلب الصفحة دي...
و القاعد بعييييد منو و عايز يتابع و يسمتع...
و العايز يتابع بس منو...
أنا عارف زي الوقت ده وجود أي زول متجول بتكون أحلام زلوط...
لكن هن كلهن كم مداخلة...
كان جيتو جيتو و كان جيتو بقلبه براييييي...
بي ايدي و شديدي....
أها قولو وااااحد.....
| |
|
|
|
|
|
|
|
|
|
Re: مربع كاي (Re: الرشيد بابكر)
|
نجاة حوفي شبكتنا ليك زينب بت أمي....
و ياسمين بت أمي...
بتكاوي فينا يعني...
أنا زاتي محمد المرتضى و محمد عيد و منصور و حمادة و رفعت....
ديل أولاد أمي عدييييل كده....
و ديل كان لي شرف اني أتعرف على أمهاتهم...
و ما كانت عرفه ساكت...
كانت عرفه عن قرب و عرفه حميمة...
ماما سميرة رحمة الله عليها أمنا و أم محمد المرتضى كانت أمنا بجد...
كنت و المرحوم ياسر الزين ندفر باب البيت و ندخل عبر زقاق صغير الى مطبخها مباشرة...
نفتح الحلل و نآكل...
هي قاعدة في البرندة بتخيط بي ابرة الكرشي تقعد تقول...بس...بس...
كانت بتفتكرنا كدايس...
بعد شوية نجيها مارقين من المطبخ شبعانين..
تضحك من جو قلبها...كانت تكن لنا حبا عظيما...
كانت توصيني على محمد حتى رحلت عن دنيانا....
أم منصور كذلك...كانت تخصني بضيافة خاصة و حب عظيم...
أدخل ليها في غرفتها المكندشة و أستمتع بالهواء البااااارد...
و المشاعر الدافئة الجميلة...
دي كلها مقدمة عشان أقول نفتقد ود أمي منصور الأيام دي...
أها قولو اتنين...
تجي و لا نجي...
بي مطار أبوظبي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
أها دي لزوم القنطرة و كده....
بعد كده مهما كانت حرفنة الزول البيجي ما بتفرق...
حأنتظر شوية عشان ما تقولو ثقيل قلبه براهو...
لأني عادة بحب أدي شرف قلب الصفحة لواحد منكم...
معزة مني ليكم و الله....
يالله ما تخذلوني...
و انتو عارفني أنا ما بقدر انتظر كتير....
الليلة المزاج رايق...
و ممكن أقلب ليكم الصفحة دي و البعدها...
تجو و لا أقلبه ليكم....عشان تآمنوا...
| |
|
|
|
|
|
|
| |
الرشيد بابكر
زهير الزناتي
أبوبكر حامد الأمين
محمد صديق
نجاة حوفي
منصور عبد الرازق
عمر المهدى
عفاف علي ميرغني
عبد الدائم سيد أحمد
زينب التجاني
جلال عثمان
Hatim Gubara
محمد عيد
عبد القادر بابكر
عمر نملة
فيس بوك
تويتر
انستقرام
يوتيوب
بنتيريست