|
|
 Re: مربع كاي (Re: الرشيد بابكر)
|
قول لى غادة منصور قال ليك , امشى يا سفافة
البيخيط الأوضة زمان , بعيد عليهو اذا خيط الشارع هسه
غايتو انا لو محل اسماعيل ولد غادة
ادنكل ليك واحدة من العمارى الجيد وارد البحرين (يرسلها ليك ان شاء ود المأذون )
واقرطسها ليك فى واحدة من مغلفات الشوكولاتة
واختها ليك فى الشيالة
واخت ليك الشيالة فى الشوفينيرة بتاعت حضرتك
عارفك طفس
بس لسه ما متأكد بت حوفى ورثت طفاستها المعتدلة ديك لى مهند وامنية ولا لا
لو ورثتها ان شاء جزء واحد فى المليون
وتضيف لى داك باقى طفاستك البعرفها
حسب الأطفس منو
انت ولا مرتك ولا مهند ولا الرقيقة امنية
ان شاء الله بس تختاهم كلهم وتقع فيك انت
عشان توريهم خياطة (البناية ) العلى اصولها
واول ما راسك يلف
تجيك موسيقى تصويرية زى بتاعت الهنود ديك
قن قن قن
دائرة األأنتقام
اخراج
يا ربى اخراج منو ؟؟؟
الباكستانى محمد عيد بى سفتو الفوق ديك ينفع
ولا نستعين بى مجدى عبد الله
اقول ليكم حاجة
قدورة ده مالو ؟؟؟عيبوا لى بالله , الزول ده ماقال اسبوع بس
نقطع ليكم فيهو سلك هسى
| |
 
|
|
|
|
|
|
|
|
Re: مربع كاي (Re: منصور عبد الرازق)
|
منص...أنا من قبيل مدنكل ليكم البتاعة دي و منتظركم...
كل مرة أدخل القاها قاعدة مدنكلة زي ما هي...
زول ساكت عبرها مافي...
حسه جيت أشوف الحاصل شنو...
قلت و أنا داخل مشمر...
لو في زول سفاها خلاص و كان ما سفاها بسفها براي...
بي ايدي و شديدي...
أنا قاصد الصفحة...أوع يكون خيالك مشى للتمباك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رش يا حبيب ..
أستميحك عذرا وضيوفك الاحباب فى حوشك المخملــى
واحتفى فى حماكم واحضانكم بألفيتى الاولــى
( الولد خلاص .. يعنى ألفية بن مالك ؟؟!! )
عموما لعلها تكون اشراقة فرح ولو صغيره ترفه عن النفس فى عز الهم ..!
وبرضو على قول الكوتش ..
بجيكم بى رواقة ..
| |
|
|
|
|
|
|
|
|
|
Re: مربع كاي (Re: محمد عيد)
|
يا حمادة مساك الله بالخير..
يا أخوي انت من غير كونفو بنخاف منك ...حسه جابت ليها كونفو تاني هظار ساكت ما بنهظر معاك...
الله يعينك يا حمادة...و الله افتقدناك بشدة و لكننا نقدر ظروفك و ان شاء الله تفرج قريبا و تعود الينا لترسم على وجوهنا الابتسامة...
ما تطول الغيبة مكانك شاغر...
| |
|
|
|
|
|
|
|
|
|
Re: مربع كاي (Re: الرشيد بابكر)
|
قصيدة ولد الهدى للشاعر ـ احمد شوقى ـ
في مدح رسول الله صلى الله عليه وسلم
ولد الهدى
وُلِـد الُهدى ، فالكائنات ضياء .... وفــــــم الزمان تَبَسُّمٌ وثناءُ
الروح والملأ الملائـك حـوله .... للـــديــــــن والدنيا به بُشـراء
والعيش يزهو، والحظيرة تزدهي .... والمنتهى والسِّـدرة العصماء
والوحي يقطر سلسلاً من سَلْسَلٍ .... واللوح والقلم البديع رُواء
يا خير من جاء الوجود تحية .... من مرسلين إلى الهدى بك جاءوا
يومٌ يتيه على الزمان صبـاحُه .... ومســاؤه بمحمــد وضـــــــاءُ
ذُعِرت عروس الظالمين فزُلزلت .... وعلـت على تيجانهم أصـداء
نعـم اليتيم بدت مخايل فضلِه .... واليـتم رزق بعضه و ذكــــــاء
يا من له الأخلاق ما تهوى العلا .... منها وما يتعشق الكبـراء
لو لم يُقم دينًا ، لقامت وحدها .... دينا تضــيء بنوره الآنــــــاء
زانتك في الخُلُق العظيم شمائلٌ .... يُغري بهن ويُولع الكـرماء
فإذا سخوت بلغت بالجود المدى .... وفعلت ما لا تفعل الأنواء
وإذا عفوت فقـادرا، ومقدَّرًا .... لا يستهين بعفوك الجــهـــــلاء
وإذا رحمــت فـأنت أمٌّ أو أبٌ .... هـذان فـي الدنيا هما الرحماء
وإذا غضبت فإنما هي غَضبة .... في الحب، لا ضغن ولا بغضاء
وإذا خطبت فللمنابر هـزة .... تعرو الندِيَّ وللقـــلـــــوب بكــاء
وإذا قضيت فلا ارتيابَ كأنما .... جاء الخصومَ من السـماء قضاءُ
وإذا حميـت الماء لم يُورَدْ، ولو .... أن القياصر والملوك ظماء
وإذا أجرت فأنت بيـت الله، لـم .... يدخل عليه المسـتجير عـداء
وإذا أخذت العهد أو أعطيـته .... فجميـع عهدك ذمـة و وفـــــاء
يا أيها الأمي، حســبك رتـبةً .... فـي العلم أن دانت بك العلماء
الذكـر ربك الكبرى التي .... فيها لباغي المعجـزات غنــــاء
صدر البيان له إذا التقت اللُّغى .... وتقـدم البلغــــاء والفصـحاء
حسدوا فقـالوا شاعرٌ أو ساحر .... ومن الحســود يكون الاستهزاء
ديـــــن يشيِّد آيـة فــي آيـة .... لبناته الســـــورات والأضـواء
الحق فيه هو الأساس، وكيف لا .... والله جـل جلاله البَــنَّـــــاءُ
(عدل بواسطة الرشيد بابكر on 02-23-2010, 05:27 PM)
| |
|
|
|
|
|
|
|
|
|
Re: مربع كاي (Re: الرشيد بابكر)
|
أول عش للزوجية لنا كان سقة صغيرة في بري مربع ستة و هو حي مجاور أو ملاصق للمنشية...و لعدم معرفة الناس بمربع ستة هذا كنا نقول اننا نسكن المنشية...لم نكن نملك سيارة في ذلك الوقت الأمر الذي جعل حركتنا صعبة...فكنا نقضي معظم أمسياتنا بالبيت...و لا نذهب الى مكان الا اذا ضمنا أن هنالك من يعيدنا الى البيت مرة أخرى...
كانت ليلة المولد و كانت نفيستي في حلاوة مولد...جلسنا أنا و نجاة نرسل الأمنيات و الدعوات..كنت أقول يا رب 12 مليار دولار و حلاوة مولد و أخذت أرددد فيها بالحاح شديد...كانت نجاة تضحك و تقول لي خليك منطقي شوية...12 مليار حتة واحدة...كنت بقول ليها أنا طالبها من زول أنا طالبها من رب العالمين...و أخذت أردد يا رب 12 مليار دولار و حلاوة مولد...سمعنا طرقا على باب الشقة الصغيرة...قلت لنجاة هل تسمعين طرقا على الباب...قالت لي ما سامعة حاجة..تكرر الطرق مرة أخرى...قمت و فتحت الباب فوجدت أختي منى و أخي علي..فرحنا أنا و نجاة لحضورهم و طلبنا منهم الدخول و لكنهم طلبوا منا أن نبدل ثيابنا و بسرعة عشان نمشي معاهم ميدان المولد بالخرطوم...فبدلنا ثيابنا سريعا و خرجنا معهم و تجولنا في المولد و حضرنا كل الفعاليات و كانت ليلة جميلة بحق...
أرجعونا الى شقتنا مرة أخرى و معنا عدة أكياس ورقية مليئة بأنواع متعددة من حلاوة المولد...و أنا لنجاة و أنا أكوضم في سمسمية بتاعت علف كااااااربة...أها حلاوة المولد جات...باقي شنو...قالت لي باقي شنو...
قلت ليها باقي ال12 مليار دولار...
| |
|
|
|
|
|
|
|
|
|
Re: مربع كاي (Re: الرشيد بابكر)
|
تعرف يا روش بخيال سيناريست أفلام هندية تخيّلت تمومة الحكوة أنك وجدت مبلغ المليار واقع فى ميدان المولد ، قوية مش كده ، يعنى زول تقع منو 12 مليار إكون رصيدو كم ؟ ما قلت خيال هندى ، كدى أطرح الرؤية دى على عبدالله إمكن إكون عندو واحد معرفة مخرج أفلام هندية تديهو طرف القصة وهو إتم الباقى خيال وخبل ، وكده تزبط معاك الحكاية وتجنى مبلغ 12 مليار ، ما مهم العملة شنو حتى لو روبيّة.
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
| Quote: تعرف يا روش بخيال سيناريست أفلام هندية تخيّلت تمومة الحكوة أنك وجدت مبلغ المليار واقع فى ميدان المولد |
بكوري تصور عندي اعتقاد جازم لا شك فيه ان ال12 مليار دولار كان من الممكن أن تأتي مع حلاوة المولد ولكن تم حجبها رحمة بي...لأن الله سبحانه و تعالى يعلم انني تاجر فاشل جدا و ان مبلغ كهذا أو عشره سيربكني جدا...
لكن انت قايلني عايز بيها شنو ال12 مليار دولار دي يا بكري...أول حاجة الشعر المزعمط الكنت بكتبوا داك ألحنو ليك براي و أدي ليك منو وردي خمسة أغاني و أبو اللمين خمسة و كابلي ستة...و واحدة للبلابل...
تاني أقوم ألحن ليك الشعر حقي براااااي..ده طبعا بعد ما أتعلم ليك العود...و يقومو يستقبلوني ليك في كل الفضائيات...خاصة النيل الأزرق...ليه النيل الأزرق...عشان يستضيفوني في برنامج مساء جديد و يجيبو لي البتين السمحات ديلك...تفاجيخ و تصاقيع...يقولو لي مرحب يا وجيه في برنامج مساء جديد...أقوم أرتبك أقول أهلا و سهلا بقناة النيل ألأبيض...سوري قناة النيلين...
أقوم أشتري لي مؤسسات خاسرة و أقعد...ما قروشي مالكم و مالي...ان شاء الله أشتري عجلة عم حسن جارنا الكان بيستعمل العجلة دي من الستينات...ان شاء الله بعدين أبيعها خردة..
آخر حاجة و دي أمنية حياتي...اني أبقى صاحب و رئيس نادي برشلونة...أقعد في مكتبي في النادي في برشلونة و أقول ليهم خلو ميسي ده كل يوم يجي يسلم علي قبل التمرين...
وبس...فيها خيال حسة دي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رئيس برشلونة ماقلنا حاجة ...
12 مليار الله كريم ... وعند الله ساهلة "كن فيكون"
لكن الحندكة دي لزوما شنو اسا
ياخ مافي مراعاة لشعور "الطاعمين"
Quote: أرجعونا الى شقتنا مرة أخرى و معنا عدة أكياس ورقية مليئة بأنواع متعددة من حلاوة المولد...و أنا لنجاة و أنا أكوضم في سمسمية بتاعت علف كااااااربة...أها حلاوة المولد جات...باقي شنو...قالت لي باقي شنو...
قلت ليها باقي ال12 مليار دولار... |
لا والغريبة بكري دا طاعم
----
ياخ ريالتي سالت
| |
|
|
|
|
|
|
|
|
|
Re: مربع كاي (Re: جلال عثمان)
|
Quote: لكن الحندكة دي لزوما شنو اسا
ياخ مافي مراعاة لشعور "الطاعمين |
جلال يا جله حقك علينا ياخي...نعمل شنو ياخي مع النفس الأمارة بالسوء دي...
كل ما أقعد آكل لي في حلاوة و لا أي حاجة حلوة نجاة تقول لي بعد ده لازم تعمل حساب العمر...
أصلي لما اتخرجت من الجامعة نجاة حوفي كانت في KG2 ...يعني عامل السن ده علي أنا بس..
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
Quote: وبرضو على قول الكوتش ..
بجيكم بى رواقة .. |
مبروك يا حبيب...تجى ان شاء الله
برواقة جد لما نتمنى ليك الف مليار
دولار مش 12 مليار زى حقت الرشيد...
سلام للباقيين...
بجيكم بروااااااقة
| |
|
|
|
|
|
|
|
|
|
Re: مربع كاي (Re: محمد صديق)
|
Quote: مبروك يا حبيب...تجى ان شاء الله
برواقة جد لما نتمنى ليك الف مليار
دولار مش 12 مليار زى حقت الرشيد...
سلام للباقيين...
بجيكم بروااااااقة |
يعني يا كوتش محمد عيد نزلت ليك صورتو بتاعت بروس لي دي هرشت...
كان تديهو 13 مليار...تقوم تلحقو تريليون...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: يعني يا كوتش محمد عيد نزلت ليك صورتو بتاعت بروس لي دي هرشت... |
يا رشا مالك الليلة .. نايم ولا صاحى
ولا طرفك من طبعو نعساااان ؟؟
ولا تكون بقيت من ناس دودى ومنصور ..
تاء التأنيث دى آخر الليل كده .. عوجه ..1
| |
|
|
|
|
|
|
|
|
|
Re: مربع كاي (Re: محمد عيد)
|
و الله يا حمادة عين في الكورة و عين في البوست..
و لا يهمك يا حمادة الجاتك في رجولتك سامحتك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
يارش صباحك بالرضا والسرور
انت ومن تحب
وعاوزين نسالك لو لقيت ال12 بتاع
ديل حا تدينا منهم كم
وماتعمل زي واحد قريبنا دايما مايدعو
500الف مليون دولار يارب
وجهت ليه نفس السؤال قال لي بديك 5000
دولار فقلت ليه الواحد عرف خوتك كويس
امنياتنا للجميع بالخير بلا حدود
| |
|
|
|
|
|
|
|
|
|
Re: مربع كاي (Re: عمر المهدى)
|
يعني يا ود المهدي اختبار الذكاء عرفناهو...
و اختبار القوة عرفناهو...
اختبار السكري بتاع الناس الطاعمين عرفناهو...
اختبار الاخوة ده في داعي ليهو مع الأزمات الاقتصادية العالمية دي...
نحاول نتبع معاك تكتيك معروف لما تكون عايز تحرج ليك زول....
تعال شيل الانت عاوزو...
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
Quote: ازيكم يا ناس كاي 000
وصباحكم مشرق دايما 000 |
صباحاتك منورة يا فافي...
امبارح للأسف لم أستطيع حضور البرنامج الذي استضفتي به في القناة السعودية...
و ذلك لأن وقت بث البرنامج لا يتناسب و مواعيد عملي...
لكني متأكد من انك كنتي متألقة و منورة الشاشة البلازمية...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رشا صباحك ابيض
احلى حاجة لما صديقاتي واصدقائي عرفو باللقاء
كل واحد/ة بدا يفتتش على قناة السعودية وين في تلفزيونه
وح احكي ليكم القفشات00
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
Quote: احلى حاجة لما صديقاتي واصدقائي عرفو باللقاء
كل واحد/ة بدا يفتتش على قناة السعودية وين في تلفزيونه
|
و الله أنا نفس الحكاية...
رجعت البيت حوالي الخامسة عصرا بتوقيت الامارات و قلت ربما يكون ديدو قد أخطأ في وقت البرنامج...
فقمت بعمل بحث سريع للقنوات التي تبدأ بحرف الS ...
و تفاجأت بأن هنالك أكثر من أربعة قنوات سعودية...أنا كنت بعرف انهم اتنين بس..
| |
|
|
|
|
|
|
|
|
|
Re: مربع كاي (Re: الرشيد بابكر)
|
الله عليك يا مربع كاي 00
واحلى القفشات مع البت شوش
ولما اجيها جارية واقول ليها يا شوش ابوي اتصل وقال لي تعالي عمان ضروري
وهي تتفاعل معاي وكعادتها بالاندهاش والجدية
كل ما اتذكر المقالب اللي كنا بنعملها في زيزي (تدرس في تربيةومن الجالية في مصر)
صديقتي شوش يا بلسم
ها انا انقل كلامك في احب الامكنة 00000
Quote: ... قال لى زهير موضوع الاشتراك دا حباخد زمن تقومى عشان انا مشتاقة ليكم توصلى كل الشوق والسلام لاى زقازيقى مر عليك فى الدنيا دى وتقولى للجميع شوش جاية بكل الفرح العندها وكل الحب ليكم لانو كل شى جميل فى حياتى اتعلمته منكم وعايزاكم من جديد تملو حياتى وعشان بعز اولادى وبحبهم شديد كلمتهم كتير عنكم عاوزاكم تعرفوهم ويعرفوكم وتعلموهم الحاجات الجميلة العندكم .... الحب التعاون ... نكران الذات الصراحة الوضوح المرح حب العلم والطموح كل واحد كان شايل حاجة حلوة معاه جابنا لينا واتقسمناها سواء حتى الجزء الكعب فينا اتحكمنا فبهو مع بعض الله ما احلاها من ابام
عفاف عليك الله انشرى الكلام دا على لسانى فى اى مكان تحبيهو ..... عندك ولا عند الكونتيسة منى ولا فى المربع عند الرشيد وبلغى تحباتى للجميع وعندى برضو كلام حاديهو لزهير ... |
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
| Quote: عندك ولا عند الكونتيسة منى ولا فى المربع عند الرشيد وبلغى تحباتى للجميع وعندى برضو كلام حاديهو لزهير ... |
يا سلام يا فافي الليلة جبتي لينا المديرة الكبيرة شوش...ما شفتي لما جينا راجعين الامارات من السودان و نحن طبعا ما خلينا ليك الويكة و البهارات و الشنط من شدة ما مليانة لمن بقت كرشة بقت ناطة لي برة...نحن كنا مسافرين بالقطرية و أنا أقول لي نجاة حوفي اتكلمي مع امك دي عليك الله ما تملأ لينا الشنط دي...القطريين ديل ما بيجاملوا في نص كيلو...قالت لي أنا ما شايله هم طالما شوش المديرة الكبيرة موجودة...أقول ليها لكن حبيبك ده لو كان عسل ما تلحسو كلو...قالت مش شوش بلحسها كلها...و كان البشوف شنطنا يقول نحن يا دوب جايين داخلين...قابلنا في المطار على الباب و نحن داخلين جمال عبدالحميد...و لما دخلنا جوة جات شوش المديرة الكبيرة...ما شفتي العظمة اللقيناها في المطار و من ناس القطرية و الوزن الزايد بالهبل ده كأنو ما موجود...بيني و بينكم شعرت بالفخر و الاعزاز بأني أعرف شخص مثل شوش...التي استقطعت زمن طويل و مقدر و مهم و في يوم ملئ بالعمل الجاد و الاجتماعات لتلبي نداء نجاة حوفي الشاحنة شنطها شطة و سجق...
هذه هي شوش لمن لا يعرفونها...مرحبا شوش ...تحياتنا ليك و لأسرتك و لعيالك و نتمنى أن تنضمي الينا قريبا ان شاء الله...
لو في زول فيكم يا جماعة انزنق في المطار و حتى لو كانت شوش ما موجودة قولو نحن من طرف شوش كل أموركم بتسلك...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رشدي وناس مربع كاي سلام إتصلت بي المديرة شوش .... قالت من أول أمبارح هي مصاقرة النت تقرا ومرة تبكي ومرة تضحك ... بس زعلانة من محمد عيد قالت في صورة ماعرفها فيها ... عشان كده حا تجي نازله بتقلها ... وإعلنت الحرب علي محمد عيد وبالمستندات ... وعشان التحالف بيني ومحمد عيد والزمالة الطويلة الفي البوست ده انا حا إتغاتت علي شوش وما أرسل ليها للعضوية ... بس المشكلة تلقي ليها طابور خامس هنا ... وما أكثرهم ...
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: وعشان التحالف بيني ومحمد عيد والزمالة الطويلة الفي البوست ده انا حا إتغاتت علي شوش وما أرسل ليها للعضوية ... بس المشكلة تلقي ليها طابور خامس هنا ... وما أكثرهم ... |
أبو الزوز ...الأيامات دي كل تقول حاجة أو تقرأ يقولو ليك دي سنة انتخابات ...حسة انت أعمل حسابك دي سنة انتخابات...بكرة بتجي طالع بالمطار ده و بزرزروك الجماعة بتاعين الطلبات الكتيرة ديك...أها شوف البحلك منو...غير كده انت قايل شوش دي هينة و لا مقطوعة لينة...و الله بكري لو سمع انو شوش عايزه باسورد حيرسلو ليها في ثواني...أعمل حسابك يا أبو الزوز أحسن ليك تمسك العصايا من النص...
نحن نقول لي شوش محمد عيد ما كان لابس النضارة امكن...لكن محمد عيد ما شاء الله عليو بيعرف الناس على الأقل أحسن مني و منصور...و لا يمكن أن لا يعرف شوش...بس أكيد الصورة ما كانت واضحة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
و ده أيميل من فردتي الاسكتلندية سناء الصباغ...
Quote: العزيز روشي
الشوق مطر , أخيرا جدا انتهيت من المهمة البايخة دي وزي ما قال ديدو تاني
ما حا أجازف بالطريقة دي, طبعا أبيخ حاجة في القصة دي أنها حرمتني من التواصل مع
ناس جميلين ونقيين زي الناس الحايمين في بوست الجدعان في الفترة الفاتت, المهم اليوم قمت
بارسال أيميل لبكري أبوبكر عشان يحل لي قصة الباسويرد وبعدين أقدر أتواصل معاكم
في أشياء حا أطالب باعادتها خاصة فيما يختص بالصور النزلها العزيز كمال الشادي
وطبعا مربع كاي دا لأنو مسلسل مكسيكي ما بقدر أطالب باعادته كله لكن في حلقات ممكن
نعيد فيها الكلام مثلا الموضوع الطرحوا منصور على خلفية نكتة سيدي الحسن افتكر دا مدخل لنقاش امور مهمة
تحدثنا عنها زمان وكان التمرد وعنفوان الشباب هو محركنا الأساسي لكن دلوقت ممكن نضيف عنصر التجربة والنضج
عشان نناقش من زوايا أخرى , بالمناسبة وصف البوست بأنو مسلسل مكسيكي أرجو أن تفهم في سياق اننا في بداية
دخول السلسلات المكسييكية كنا نقعد بتشوق ولا نمل المتابعة رغم طول المسلسل مرة كدا واحدة من بنات جيراننا كانت حامل
ومزوداها شوية يعني دلع وحركات قامت حاجة كبيرة برضو من حلتنا كانت متابعة مسلسل كسندرا قالت هي حسي البت دي بتسوي كدي ليي
حملت كسندرا يايمة وكانت نفس هذه الحاجة كلما تجي لقطة فيها كسندرا تقول ( وكسندورتي وحلاتي دي يا خواتي )ر
عرفت الوهمة يا عباس؟
تحياتي لنجاة والصغار ولكل الجدعان ولا أقول ليك ممكن تنزل الايميل دا كعربون محبة وبعدين بعدما أستلم الباسويرد بكمل الباقي
تحياتي
سناء الصباغ
|
| |
|
|
|
|
|
|
|
|
|
Re: مربع كاي (Re: الرشيد بابكر)
|
سناء الصباغ
ياخى مشتاقين
يازهير جازف للزولة دى باسويردها
كان بكرى قال ليك مافى
قوليهو منصور قال ليك , جلا ما ضرورى
شيل من باسويرده , وممكن ترجعوا ليهو بى راحتك و بعدين
شفتى عليك الله يا سناء الصباغ موضوع سيدى الحسن البيلزلز داك
قدر ما كوركت فيهو عشان اطلع منو العبر
زول اشتغل بى مافى
رجعوا للزولة دى باسويردها بسرعة
قطيعة لى سناء الصباغ
وعشان اكون دقيق
هى قطيعة ليكى وفيكى , يعنى قطيعة دبل كيك بى لغة ناس الكورة
قلتى لى كان عندك امتحانات مش كده ؟؟
بعد ما تنجحى فيها حا يقولوا ليك شنو
يا دكتورة !!!!!!
طيب وهسى قاعد يقولوا ليك شنو ؟؟
يا دكتورة برضو !!!!
عليك الله ما احسن ليكى بوستينا ده
حانحنس بكرى يرجع ليك الباسويرد
لكن دى آخر مرة تعملى كده
تحيات ممزوجة بى شوق معطونة بى مبروووووك كبيرة للدكتوراة الأضافية
ولأسرتك سلام كبير
| |
|
|
|
|
|
|
|
|
|
Re: مربع كاي (Re: منصور عبد الرازق)
|
أول بالتبادي....السلام عليكم و رحمة الله و بركاته
عشان بعدين ما تقولو ابتلانا الله بصاحب بوست لا يبتدئ كلامه بالسلام...زي ما زمان كانو بيقولو على الرئيس الراحل أنور السادات انه لا يكمل البسملة...كان السادات يستهل خطاباته ببسم الله دون أن يكملها...و أنا تحسبا كده مع الدنيا البقت فيها الناس متلقية حجج قلت أحسن أبدأ ليكم بالسلام...
تاني حاجه...منصور ده زود الحكاية...و زي ما هو عايز يسحب باسورد جلا..الظاهر علي حأعمل ليهو باسورد للمربع ده كمان...حسه الفرق بينك و بين جلا شنو يا منص...ليك أسبوع ما دخلت هنا و وقت جيت داخل جيت عملت كوبي بيست من البوست العام...
التالت و الأهم و دي حأعمل ليها مداخله خاصة ...و هي متابعة ناس عزاز علينا ارسلو لي معبرين عن متابعتهم للمنبر عموما و للبوست و تشرفت بالتحدث اليهم...العندو أغنية عزاز علينا ينزلها لينا و بعدين بقول ليكم منو الناس ديل...
| |
|
|
|
|
|
|
|
|
|
Re: مربع كاي (Re: الرشيد بابكر)
|
تلقيت رسالة على تلفوني فحواها كالآتي:
السلام عليكم
اتمنى لكم الصحة و العافية...قبل كم يوم كنت أقرأ في سودانيزاونلاين و رأيت منبر ناس الزقازيقالذي لم أشاهده من قبل و أعجبت ب جدا..أخبرت أمال و ايمان محجوب و هاجر كمال بشرى...
سلام لنجاة و الأولاد...
نوال كمال بادي
زراعة الزقازيق 87
......................
كانت تلك رسالة الأخت نوال كمال...
ثم تحدثنا عبر التلفون و عبرت نوال عن سعادتها بالمنبر و تمنت التواصل مع ناس لها منهم سنين...كذلك كانت سعادتي لا توصف بالتحدث الى نوال و طلبت منها و كل الأخوات أن يتواصلوا عبر ايميلي الى أن يتكرم علينا المهندس بكري بضم هذه الكوكبة من بنات الشيخ الرائعات...
لك التحية نوال و للأخوات أمال و ايمان و هاجر و أرجو التواصل عبر ايميلي الآتي:
[email protected]
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش لا أملك تلفون قدورة بالسودان...ربما محمد عيد يفيدك أكثر مني...
حاول الاتصال على تلفون السعودية ربما يكون شغال في السودان...
أو عليك بمعاوية يحي أو عبد الرحمن مضوي...أكيد قدورة على اتصال بهم...
| |
|
|
|
|
|
|
|
|
|
Re: مربع كاي (Re: الرشيد بابكر)
|
مساكم الله بالخير جميعا
أنا أكتب و أتخيل في منصور يقوم و يقع مع فرص أرسنال الضائعة الكتيرة في مباراته مع ستوك سيتي...و هي نفس المباراة التي أشاهدها الآن...ان شاء الله تغلبوا يا منص و تلحقوا تشيلسي الاترصع بالأربعة الليلة من مانشستر سيتي...
و قبل أن أكمل مداخلتي أحرز فابريجاس هدف الفوز لأرسنال...دعوتي ما وقعت واطه يا منصور...
ثم الهدف الثالث لفرمالين...و الله يا منص أنا بقيت شيخ عديل كده...جيب البياض...
و أنا جاي راجع من أبوظبي اليوم كان الطريق خطير شوية...فرياح الخماسين المحملة بالأتربة عبت الطريق بالرمال...فأصبح و كأنك تقود في طريق رملي و ليس طريق أسفلت...و لكني قلت طريق السلامة للحول قريب..فقدت سيارتي على مهلتي حتى بلغت وجهتي...
تذكرت أيام أبو زمام في الخريف...يكون الدخول الى المشروع صعبا جدا الأمر الذي يجعل البصات تسير على الأسفلت فقط على شارع مدني الخرطوم..فكنا ننزل من البص بالجديدة الثورة و من ثم نمشي على الأقدام مسافة 15-20 كيلو حتى المشروع...و كنا اذا هطلت أمطار غزيرة و نحن بالخرطوم فننتظر عدة أيام حتى يجف الطريق ثم نتوجه الى هناك...و لكن للضرورة أحكام..فأحيانا الظروف تجبرناالى الذهاب...
في يوم بعد أمطار غزيرة كنا مضطرين للذهاب..ركبنا البص الى الجديدة الثورة و من هناك مشينا قليلا فاذا سيارة بوكس تأتي الينا و تتوقف و يسألنا السائق هل تريدون الذهاب الى قهوة الخشب فأجبنا بفرح شديد نعم و شكرناه على كرمة و ركبنا معه...و لكن بعد أقل كيلو غطست العربية في الطين حتى أذنيها و أخذنا نحاول أخراجها...الأمر الذي أخذ منا ساعة كاملة و استنفذ كل طاقتناحتى أخرجناها ثم بعد كيلو آخر تكرر المشهد و حينها فهمنا سر كرم الرجل...فالرجل أراد من يساعدة في اجتياز الطريق الصعب...و عندما توقفت العربية للمرة الثالثة..قلنا له أسمع يا أخوي نحن أخير لينا نمشي كداري...
حسة شوية هواء تخلي الواحد يتجرس... زمن...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
تعرف يا حبيب انسب يوم للبلاى استيشن
مساء الخميس وكل الجمعة والسبت..جيت
فى اوقات مختلفة لعبت تلاتة اقيام..مافى
زول هببو لى احترمت نفسى مشيت قضيت مشاوير
ورجعت شفت زنقة المريخ..وهسة جيت اتاوق لقيتك
لاعب ليك قيم قصير...
| Quote: استنفذ كل طاقتناحتى أخرجناها ثم بعد كيلو آخر تكرر المشهد و حينها فهمنا سر كرم الرجل...فالرجل أراد من يساعدة في اجتياز الطريق الصعب...و عندما توقفت العربية للمرة الثالثة..قلنا له أسمع يا أخوي نحن أخير لينا نمشي كداري... |
قصتكم دى ذكرتنى ايام كنت شغال فى ريفى الجاموسى ...احيانآ بتكون فى امطار او ترعة مكسورة
الطرق بتتغير...تقوم تسأل زول عن الشارع ...يركب معاك ولما يصل حلتو ينزل منك ويوصف ليك..
ويطلع الوصف مقلب كبير.
| |
|
|
|
|
|
|
|
|
|
Re: مربع كاي (Re: محمد صديق)
|
Quote: لاعب ليك قيم قصير...
|
و الله يا كوتش ما خليت لي كورة لافة...تيلسي و مانشستر سيتي و بعدها المريخ و سانت جورج و كملتها بأرسنال و يتوك سيتي...و حسه بتفرج في ريال مدريد و تنيريفي...و تخللتها مكالمة تلفونية مع منصور...و أثناء كل ده لعبت القيم القصير ده...
عليك الله ما حريف...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام يا ناس المربع ، يا رشيد لدينا نفس الجو المغبّر المصحوب ببعض البرودة ، تشابه مناخات الخليج يعزز لدى تصور دمج هذه الدول تحت مسمى الولايات المتحدة الخليجية ، بس السعودية ما معانا لأنها كبيرة بعض الشئ ومتنوعة الأقاليم وحاجات تانية حاميانى .
يا منصور موضوع سيدى الحسن اتداخلنا معاك فيهو وبصحبتى نصفى الحلو ولسه جاهزين نبحبت الموضوع .
| |
|
|
|
|
|
|
|
|
|
Re: مربع كاي (Re: أبوبكر حامد الأمين)
|
| Quote: يا منصور موضوع سيدى الحسن اتداخلنا معاك فيهو وبصحبتى نصفى الحلو ولسه جاهزين نبحبت الموضوع . |
بكوري شايف موضوع سيدي الحسن ده الطرحو منصور جاب ليهو جمهور كبير...ابتدأ بيك و بنصفك الحلو...و بعدين سناء الصباغ شايف الموضوع حرك فيها كوامن و أشجان...
و هنالك آخرون عاجبهم الموضوع بس عايزين واحد يبدأ ضربة البداية...
أما أنا من زمان مدفق الميراندا و ما منتظر زول...و خايف أخش ليكم شمال أخليكم تتلفتو و تقولوا البيتكلم عنو الزول ده واقع و لا خيال...
بس خفت على مشاعركم
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: و الله يا كوتش ما خليت لي كورة لافة...تيلسي و مانشستر سيتي و بعدها المريخ و سانت جورج و كملتها بأرسنال و يتوك سيتي...و حسه بتفرج في ريال مدريد و تنيريفي...و تخللتها مكالمة تلفونية مع منصور...و أثناء كل ده لعبت القيم القصير ده...
|
دخلت اليوم لقيت المداخلة بتاعتي دي كلها أخطاء... اكتشفت اني كنت نعسان جدا أمبارح و لكني كنت بآوح ....
دي عشان ما يجي محمد عيد يقول لي انت كنت مالك أمبارح..
| |
|
|
|
|
|
|
|
|
|
Re: مربع كاي (Re: الرشيد بابكر)
|
بالله انت من النوع لما يكون نعسان بيتمتم
والسفة بتكون عاوزة تقع ،،،،
ــــــــــ
فى مربع كاي كان فى ناس بسـفو ..... ؟
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
مرحب ومليون هلا بى زميلتنا نوال كمال بادى
نوال كمال زميلة سكشن معاى من سنة اولى
معانا نورة سيد احمد ونوال محمد على وماجدة على سعيد والمرحومتين نوال محمد على وهاجر محمد ابراهيم
نرحب بيك يا نوال وادخلى من اى باب تشائين
قابلت نوال آخر مرة قبل كم سنة كده , فى مكتب الكهرباء بتاع الطائف
تحياتى لهاجر كمال بشرى وايمان وآمال محجوب ما دمتى على تواصل معهن
اما موضوع سيدى الحسن , فانا لى عودة موسعة له طالما وجد صدى عند المتابعين
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
Quote: بالله انت من النوع لما يكون نعسان بيتمتم
والسفة بتكون عاوزة تقع ،،،،
ــــــــــ
فى مربع كاي كان فى ناس بسـفو ..... ؟ |
هوي يا عبد الدايم أخير ليك...
مربع كاي ده كان ممكن تشوف فيهو الزهور و الورود و البسكويت و الشيكولاتات...
حتى محمد عمر عبد الله أخي و صديقي و أحد مخضرمي الكلية لم يجرؤ على المجاهرة بالسفة...
في يوم أمسكت به أختنا سهلة متلبسا و هو سافي..قالت ليهو بالله يا محمد عمر انت بتسف..
لم يستطع محمد عمر اخفاء السفة فما كان منه الا أن مد قدومو بالسفة...و قال ليها...
آآآآي بسف فيها شنو يعني..
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: مشتاقققققققققققققققققققققققققققققققققققن يا ناس الزقازيق الحلوين .................... شوش |
دي رسالة من الأخت شوش ....
يا ناس مربع كاي زولتكم دي ما تشوفوا ليها باسويرد إنشاء الله من السوق الأسود
| |
|
|
|
|
|
|
|
|
|
Re: مربع كاي (Re: زهير الزناتي)
|
| Quote: يا ناس مربع كاي زولتكم دي ما تشوفوا ليها باسويرد إنشاء الله من السوق الأسود |
و ليه من السوق الأسود...أنا متنازل لي شوش من الباسورد بتاعي...انت قايل شوش دي هينة...
| |
|
|
|
|
|
|
|
|
|
Re: مربع كاي (Re: الرشيد بابكر)
|
زهير ما دايرين خرخرة ..
خلاص اب جكة بالجبنة قال ليك اديها باسويرد جلا
اصلوا متلقى حجج واليومين ديل عامل فيها حردان زى حردة صلاح ادريس ..!!
| |
|
|
|
|
|
|
|
|
|
Re: مربع كاي (Re: محمد عيد)
|
يوم آخر مليئ بكرة القدم و شغفها الغريب و الذي يحعلني مسمرا أمام شاشة التلفزيون دون حراك...عندما كنت بأبوظبي كانت نجاة حوفي تشتكي من ذلك كثيرا..كانت تحاول تشغل نفسها بشئ آخر أثناء مباريات كرة القدم و التي تستمر لوقت طويل...كان ذلك قبل أن يكبر الأولاد و يتقدمون في المدرسة وتزداد الأعباء عليها...أما الآن فهي لا تجد الوقت حتى لمتابعة المسلسلات التي تحبها...
بقيت في أبوظبي لسبتين متتالين ففوجئت بنجاة تقوم بفتح التلفزيون عند السادسة و النصف صباحا لمتابعة مسلسل...سألتها ماذا تفعلين...فأجابت انها اعتادت كل يوم بعد أن تجهز العيال للمدرسة و يركبوا البص الى المدرسة تعود الى البيت لتحضر المسلسل قبل أن تذهب للعمل...و أنها وجدت أن هذا هو أنسب الأوقات لمتابعة المسلسل...
أما أنا فان مباريات كرة القدم جعلتني أحتمل وحدتي في الثلاثة سنوات الماضية التي قضيتها بعيدا عن أسرتي...و أصبحت مثل أحمد منصور عبد الرازق أعرف كل شيئ عن الأندية الأوروبية و اللاعبين و أسعار انتقالاتهم و حتى التشكيلة المثالية لكل فريق و متى يجب أن يحدث التغيير و أحيانا كثيرة أتوقع النتيجة و تصيب توقعاتي...
ربما بعد أن أنزل لامعاش و أجد ال12 مليار دولار سأقوم بانشاء مدرسة لكرة القدم انشغل بها فيما تبقى لي من العمر و أجلس في البلكونة كملاك الأندية الكبيرة مثل ابراموفيتش أو برلسكوني و استمتع بما يقدمة أبناء مدرستي...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلامات يا ناس
سيد المربع..مسا طاعم
ألبارح رقادى كسيده فوقها بريش
راكوبة تجيب صقطة ومعاها رشيش
اللّحمانى ما اشهّل جمال العيش
هنهينآ يسوّنو الدّغش بى شيش
| |
|
|
|
|
|
|
|
|
|
Re: مربع كاي (Re: الرشيد بابكر)
|
أجمل الصباحات هي التي تبدأ بشكر الله سبحانه و تعالى على جزيل نعمه....
اللهم لك الحمد كما ينبغي لجلال وجهك و عظيم سلطانك....
| |
|
|
|
|
|
|
|
|
|
Re: مربع كاي (Re: الرشيد بابكر)
|
التحية هذا الصباح بالتأكيد لكم جميعا...
و لكني أخص بالتحية صديقي و أخي رفعت نورالدين محمد عابدين و زوجتة الأخت و الصديقة اشراقة الشافعي شمس الدين...و أبناءهم...
و التحية للأخ و الصديق أحمد يوسف (حمادة) و هو يخطو خطواته الأولى في مشروعة الحضاري مشروع الشراكة الاستراتيجية...تمنياتنا لحمادة بالتوفيق في حياتة الزوجية....
و التحية أيضا للأخت العزيزة جدا عواطف دفع الله و لزوجها الأخ خالد و المشاغبين العصابة بتاعتها...عواطف دفع الله أو توفي كما يحلو لنا مناداتها من أنبل الناس الذين عرفتهم في حياتي..
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: خلاص اب جكة بالجبنة قال ليك اديها باسويرد جلا |
إذا كلكم عاملين فيها أن سناء أختكم و يهمكم أمرها
أنا عن نفسي أتنازل طوعاً
طبعاً حكاية نكون مشتركين في باسويرد واحد زي ناس زمان ما ممكن
كنت داير أجك و أمشي أتنازل ليها عنه
لكن لقيت نفسي أكلت جبنة مضفرة الصباح
و خايف من المالح و الدوخة تجيني في نص الطريق و يمكن بعديها يغلبني التفرز
و لو كان الطاعم موزون حكاية الجكة دي كان ممكنة
(دي كشكرة يا سناء ما تصدقي و تقول لي تشكرااات)
كويس أنا بكشكر في ناس ميتيت بي حقهم
و ما دايرين يجيبو سيرة سناء في مداخلاتهم
ولا شنو يا ......
أغرب ما في الموضوع في ناس مشتهين ناس
بدل ما يجودو بي حقهم جارين يقلعو حق الناس
اشمعن محمد المرتضى دا ما يقلعو ليهو باسويرد
أنا لو في محلكم
أطالب بي باسويرد لي محمد المرتضى
و أقوم أقلعو منو و أديهو بتكم سناء
| |
|
|
|
|
|
|
|
|
|
Re: مربع كاي (Re: محمد آدم النور)
|
Quote: أغرب ما في الموضوع في ناس مشتهين ناس
بدل ما يجودو بي حقهم جارين يقلعو حق الناس
اشمعن محمد المرتضى دا ما يقلعو ليهو باسويرد |
يا جلا يا أخوي خليك منطقي شوية...محمد المرتضى شنو البقلعو ليهو باسورد كمان...
أنا صاحبي الروح بالروح شفتني كشكرت ليهو ساكت بالباسورد...لكني كشكرت لي شوش مثلا...
أنا خليني البعرفو زي جوع بطني ده...
انت الطرحت الموضوع ده أديني سبب واحد وجيه يخلنا نقلع ليهو باسورد...
ياخي أقول ليك نص سبب خليك من سبب كامل...
ياخي أنا مش صاحبي الروح بالروح ما لاي ربع سبب يخلنا نقلع ليهو باسورد...
و أزيدك من الشعر بيت كمان...عندي ألف سبب يخلني أقول ما تدوهو باسورد...
أقول ليك واحد منها....
ياخي ده مرة جينا ماشين الاسكندرية...جاء يركب في البيجو بنطلونه اتشرط...
و كيف...من الأذن و الى الأذن...
أبا يرجع و مشى معانا أسكندرية بي منظره داك...
خليهو يتم الباقي لما يقلع باسورد...
| |
|
|
|
|
|
|
|
|
|
Re: مربع كاي (Re: محمد آدم النور)
|
لالالالالالالالالالالالالالالالالالالالالالالالالالالالالالالالالالالالالا
كلو الا تجيبوا لينا الزول الأسمو محمد المرتضى ده وتدوهو باسويرد كمان
يا جلا , انت لسه ما عرفت عايزين نقلع باسويردك ليه ؟؟
انت المكنة بتاعتى النزلتها ليك فى البوست العام ديك ما قسمت ولا شنو ؟؟
يمين محمد المرتضى ده يدخل ليكم بالباب
ويتصادفوا هو وجلا فى حتة واحدة
الا بكرى يقفل ليكم دكانكم ده
هسى عليك الله يا جلا
لو محمد المرتضى ده جا داخل لينا الحوش ده بالباب
وقعد يونسكم بحكاياتو الزى بتاعت يوم العرس ديك
باقى ليكم بكرى بيخلينا ساكنين فى الحوش ده ؟؟؟
تتذكر هو قال شنو ؟؟
حاجة كده بألالوان غايتو
لو انت ما متذكر , انا ذاتى نسيت
لكن زهير وعبد السميع دفع الله (الزول ده وين ؟؟)ومبارك جادين
ما ظنيتهم ينسوا
| |
|
|
|
|
|
|
|
|
|
Re: مربع كاي (Re: منصور عبد الرازق)
|
طالما إنتو اتجرستو من الزول دا
ما في زول يقول نقلع الباسويرد بتاع جلا
جبانات ما قلتو نوبه
عالم جبانات بشكل
ود المرتضى خليك قريب مني ما تمشي بعيد
| |
|
|
|
|
|
|
|
|
|
Re: مربع كاي (Re: محمد آدم النور)
|
يا جماااااااااااااااااااااااااااااااااعاااااااااااااااااااااااااا
اوع فيكم زول يقرب باسويرد جلا ده
خلوهو ليهو
سناء الصباغ دى
جيبوا ليها باسويرد جدييييييييييييييييييييييد كرت كرتونة
من المصنع طوالى
ولا اقول ليكم
ورنشوا ليها باسويردها القديم داك
ودوهو اللاوندرى واعملوا ليهو دراى كلين
حا يرجع يشتغل طواااالى
بس , اعفونا من محمد المرتضى ده
| |
|
|
|
|
|
|
|
|
|
Re: مربع كاي (Re: منصور عبد الرازق)
|
هاكم دي من شوش انا الايام دي متفرغ لإيميلات شوش حتي تستلم باسويرد
Quote:
اعزائى ................... ناسى العزاز ........... وعزاز على بسى ما شلتو نوم عينى بل العكس انتو اضفتو لى
اضفتو لى الكتير ..... فى ناس مروا بى فى خلال فترة وجودى فى البلد التانى الزقازيق لا يمكن لا يمكن ان ان تاتى لحظة واتذكرهم من دون ما اغمض عينى لحظة واعيد جزء قليل جدا من شريط احداث وجودنا فى الزقازيق .... بحب دائما اعيش اللحظة دى ..... ناس حلوين ورائعيين بحبهم من جوه جوه قلبى باختلاف ميولهم وهواياتهم واكاديمياتهم ... كل اوحة الاختلاف كانت بتفتح لى معاهم بداية ربط ما عارفة ليه لكن لقيت نفس مربوطة بيهم ... واتعلمت منهم كتير .....
ولينا لقاء فى اوقات تانية ارحب واحلى ....... ودمتم ,,,,,,,,,,,,,, شوش |
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: كل اوحة الاختلاف كانت بتفتح لى معاهم بداية ربط ما عارفة ليه لكن لقيت نفس مربوطة بيهم ... واتعلمت منهم كتير .....
ولينا لقاء فى اوقات تانية ارحب واحلى ....... ودمتم ,,,,,,,,,,,,,, شوش |
شكرا يا مديرة على التواصل الحميم...
أرجو المواصلة و ما تنقطعي....
تواصلك يسعدنا كثيرا...
بس زهير ده حيأخر ليك الباسورد بتاعك عشان ترسلي مشاركاتك عبره....
أفتحي ليهو...
| |
|
|
|
|
|
|
|
|
|
Re: مربع كاي (Re: الرشيد بابكر)
|
سلام يا ناس كاى
سلامين يا رشا
لكن كسير تلج شديد لشوش
ما شايف كترت المحابية شوية
ولا شكلك وزنك الجاى اكتر من الفات بس شوش تستاهل
قبل يومين كان فى اتصال طويل بينى وبينا ومن بعدها عزة التجانى وقبلها دوليبا بس فقدنا نانى وبطة ونكمل شقتين المطبعة
فى واحد من الرمضانات كنا مميزين سو
شقتنا وشقت ناس شوش كل اتنين عليهم يوم
انا ونانى وبطة وفافى هناك دوليبا وعزة وشوش
ناس شقتنا كنا زايغين من عزة
ابو الكسل ذاتو
وهم زايغين من بطة جنها اذمة وعيانة طوالى
المهمقمنا عملنا الموضوع قرعة فكانت النتيجة انا وشوش بطة ودوليبا بنات مدنى سوا وفافى مساعد عشان صغيرونة
ولا يا فافى دة رمضان السافرتى فيهو
احنا كان عندنا خلاطة جابتا فافى من عمان
فكانت كلمتنا هى العليا
يا زول دوليبا منظمة شديد وبطة منظمة بس احنا مدلعنها كل يوم تجى تقول لى يا زوبة ما تبادلينى بشوش ممكن اتكل عليها بس دوليبا دى ايد بايد
انا بطبعى بحب المطبخ شوش دى عصاير ومراسيل كنا مرتاحين
اما نانى فمقطعا فى مصارينا ما بت بلدا
بس كان رمضان جميل اللهم اتقبلو
التحية لشوش ولكل ناس المطبعة
ولناس سونا ورحاب وهيفاء وامل
والرحمة لرابعة
| |
|
|
|
|
|
|
|
|
|
Re: مربع كاي (Re: زينب التجاني)
|
سلاااااااااااااااااام لاجدع ناس
ازيكم والله مشتاقين
انتهينا من نص الامتحانات باقى نص يعنى انتهيت من جوز وباقى جوز بس دعواتكم معانا
ويا نا س عيد وميسرة وكل الناس الجنب الحرم من هسة كربو الدعوات محاسن السنة الجاية ممتحنة شهادة سودانية
ام يا منصور وزيارتك العزيزة دى المفروض كان افتع ليها بوست لا اتنين بس خفت اشتت الناس
حاركب مكنة رشا واختها فى مداخلة براها
| |
|
|
|
|
|
|
|
|
|
Re: مربع كاي (Re: زينب التجاني)
|
[]منصور عالم جميل[/]
منصور الاينوسى الجميل
من اجمل واعز واحب خلق الله
اخوى الما ولدتو امى
جماله فى بساطة التعامل وصدق الاحاسيس وعفوية التعامل وكل ما هو جميل يمت بصلة لمنصور
فخورة انا باخى منصور (اقصد حالى)
وهنيئا لك بمنصور يا امانى ربنا يخليك لاسرتك الصغيرة والكبيرة وكمان لاسرة الزقازيقية
كنت رغم مشغولياتى وظروف السودان اياها مصممة على حضور زواج التاج ياخ متابعين من الخطبة
حالت ظروفى دون ذالك وكان عندنا عزاء
واعتزرت لمنصور الاتقبل عزرى
بس كان كيف الملاقا؟
نفسى الاقى منص وامانى العرفتها بلتلفون امراءة جميلة فى قامة منصور ليها مليون تحية
نفسى الاقى احمد وايثار ومدرار وحجازى ربنا يخليهم كلهم
كان شغلى الشاغل مقابلة ناس منصور وكنت بتابع الاخبار والتحركات من مبعوثنا الدائم الزناتى
فى يوم السبت وانا بهم بلاتصال بمنصور على رقمة المميز
اتصل بى زهير
حنمر عليك انا ومنصور بعد حوالى ساعة والكلام دة كان حوالى الساعى 10 ص
فاعلت حالة الطوالرى يلا يا اولاد جاى خالكم منصور يلا يا محاسن ما عايزة دسديس الزول دة ابو اولاد يلا يا ريل حمادة عبد الرحمن دودو
استعدو مافى زول يطلع
الوقت يمر واحنا فى حالة ترغب سالنى عبد الرحمن يا ماما الزول الجاى دة ببقى لينا شنو
قلت ليهو خالكم
فقال لى بس لنت ما عندك اخوان ولا اخوات
اه يا عبد الرحمن انا عندى اجمل اخوان واخوات و يا ريت تقابلوهم كلهم
المهم بعد الساعة 12\ سمحت للاولاد يمشو الحلاق بس يرجعو سريع حتى يحظو بلقاء منصور
وعلى الساعة واحة ونص اتنين جانى صوت منص بانهم قرب الباب
انا جارية وريل جارية والشغالة جارية سبتها قلت ليها انا الحافتح الباب
قبل ما بدق الجرس اندفعنا انا وعيالى ذى اندفاع جيفارات عفاف لما رجع ابوهم من السودان
وقابلت منصور
ياهو منصور
لو ذايد وزن ياكا منصور
ولو بضغط ياكا منصور
كان جميل وتلقائى وحلو الكلام كعادتة
وكانت جلسة ما منظور مثيلا
اسعدنى لقائك واعدت اسرتى وتركت انطباع جميل يا منص
ودايما بتمنى انو بيتنا دة يكون من المحطات الثابتة فى كل زيارة
وتحية لمحمد المرتضى وبتمنى القاهو قريب
ويا منصور تستاهل مصنع جبنة ما شويتين كدة
اهم شى انها عجبتك
شكرا منصور
بزيارتك بيتنا نور
وبيك كنت سعيدة
| |
|
|
|
|
|
|
|
|
|
Re: مربع كاي (Re: زينب التجاني)
|
صبحكم الله بالخير
زوبة نورتي الحوش و مليتيهو ألق و ضياء...
أمبارح و عند العاشرة مساءا انقلب الجو فجأة و هطلت الأمطار بغزارة تشبة أمطار الجزيرة...و انتي عارفة الجزيرة دي كاسرة فيني ضلوعي كلهاو خصوصا مدني شارع القبة...مش زمان ثنائي الجزيرة كانو بيغنو ظهرت لي محبة في مدني شارع القبة...المهم أرجع ليك للمطره و تاني بجيك راجع للميراندا...المطرة دي بس تقول السماء و فتحوها (العبارة دي حقت نجاة حوفي) و استمرت حتى الصباح...أنا كتبت و كتبت و انتظرت زول يجي طالع..مافي زول جاء قمت نزلت القصيدة بتاعت أزهري محمد علي ومشيت قلت أنوم لكن الرعد و البرق و المطر ما خلاني أنوم...قمت فتحت التلفزيون و فتحت لي الكمبيوتر و اتفرجت لي في فلم لحدي ما نعست لدرجة انو لا الرعد يقدر يحول حبي عن النوم و لا الرعد و لا الخيال يحرمني منو (قاصد النوم طبعا)...
الصباح قمت لقيت المطرة لسه كاااااابة اتخليت نفسي صحيت بعد نص ساعة و لا حاجة قلت أرقد تاني بس المنبهات قامت ليك ويك واك...ويك واك في راسي...لعنت أبليس و قمت على شغلي..
مرقت لقيت ليك الجو جميل و رائع...نوع الجو البيرفع المعنويات داك...أنا عادة أول اتصال تلفوني بقوم بيهو الصباح بيكون لي نجاة حوفي...اليوم لقيت نجاة سبقتني بالاتصال...قلنت لي نفسي عليك الله مش القلوب شواهد...الجو على تلفون نجاة حسيت نفسي كأني دولفين يتقافز فرحا و قميصي اللابسو قميص فرح...مش بيقولو تدثر بلباس الفرح...أها ده أنا زاتي...
كمان جي لقيت مداخلاتك من الصباح...بقولو شنو في المواقف الزي دي...حاجة بتشبة يزيد الطين بلة...و بتشبة عايرة و أدوها سوط.....فهمتي أنا قاصد شنو...بركة الفهمتي...الحمد لله أداني ناس عزاز بيفهموني بدون ما أقول حاجة...
لكن أنا كمان بيغلبني الكلام...خاصة لما يكون الكلام عن زول زيك...يعني بالعربي المفلهم داك زول بقامتك...ما عايز أقول ليك حظي الكعب الخلاني ما انتظرك أمبارح...لكن أنا صاحب فلسفة نحن الذين نصنع حظوظنا...بمعنى آخر نحن الذين نجعل من الأمور التي تحدث لنا ذات وقع طيب أو سيئ علينا...أنا تعاملت مع الموضوع باعتبار ان اليوم يوم جميل و المعنويات عالية بفعل الجو و اذا بي استنشق عبير أزهارك هذا الصباح يا زوبا....
انعل أبو كسير التلج زاتو...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: انعل أبو كسير التلج زاتو... |
وحات الله لما اتمحنا زاتو ...
لكن ما مشكلة
انت كريم وزوبا تستاهل ...
------
لم نحظي بالرد عليكم لانو كنا مجلدين النوم
موعدنا اليوم مساء كان الله مد في الايام ...
| |
|
|
|
|
|
|
|
|
|
Re: مربع كاي (Re: جلال عثمان)
|
سلامات يا ناس
مسا طاعم
وانا مالى ومال التلج
| Quote: ...مش زمان ثنائي الجزيرة كانو بيغنو ظهرت لي محبة في مدني شارع القبة... |
ثنائى النغم ما ثنائى الجزيرة...
ثنائى الجزيرة بغنو يا سوسنة.
| |
|
|
|
|
|
|
|
|
|
Re: مربع كاي (Re: محمد صديق)
|
Quote: لم نحظي بالرد عليكم لانو كنا مجلدين النوم
موعدنا اليوم مساء كان الله مد في الايام ... |
يا جماعة مع البوست بتاع العناوين أفتحوا لينا بوست تاني للtime table عشان الواحد يتحرك بوعي...
الحاجة التانية موعدنا مساء ياتو بلد عشان ما أنتظر ساكت...أنا مشيت مشوار و قلت حأجي راجع ألقاك مليت البوست ده يا كافي البلاء و لا مداخلة واحدة...و أنا شابك ليك الجماعة ممكن نمشي يا جماعة عشان أنا عندي مواعيد مهمة...
صحيح أسمع كلامك أسدأك.....
| |
|
|
|
|
|
|
|
|
|
Re: مربع كاي (Re: الرشيد بابكر)
|
Quote: ثنائى النغم ما ثنائى الجزيرة...
ثنائى الجزيرة بغنو يا سوسنة. |
يا كوتش ما تعديها ياخي....
المهم شفت الجو الجميل ده عمل فيني شنو....
| |
|
|
|
|
|
|
|
|
|
Re: مربع كاي (Re: محمد صديق)
|
Quote: سلامات يا ناس
وصباحات التفاؤل
المرور اليومى... |
شكرا يا كوتش على مرورك اليومي الذي يضفي ألقا و رونقا خاصا لهذا البوست...
اذا كان هذا البوست قهوة فأنت الكوفي ميت بتاعها...
و اذا كان كيكة فأنت الكريمة...
و اذا كان طعاما فأنت ملحه...
أما بهاراته و خاصة الشمار فبكري حامد...
أين بكري...لقد غاب طويلا...
| |
|
|
|
|
|
|
|
|
|
Re: مربع كاي (Re: الرشيد بابكر)
|
رشدي وضيوفه بتكم شوش عندها ونسة كتيرة .... بس للأسف قالت نست إسم الكفر الفيهو الخياطة دي يلا نشوف منو الشباب يتذكر لينا إسم الكفر ...
Quote: الحتة دى يا زهير لازم تنزل فى مربع كاى لانه احادثها كانت فركة كعب من المربع
طيب ..... كنا قد تعرفنا الى خياطة بسيطة تفصل الملابس الستاتية على قدر حالها لكن شاطرة كنا انا وعزة من اهم زبائنها وكثيرا ما انقذتنا فى المناسبات السريعة رحلات / منتديات / سفرة سريعة للقاهرة لمقابلة ضيوف من السودان ... لكن حفلات التخريج والحق يقال ما كانت من مجال اختصاصها ... كنا بنمشلى للترزية درجة اولى زى متولى فى المساكن ... وكدا
المهم عزيزة دى كانت فلاحة بكل ما تحمل كلمة فلاحة من معنى ....على شلاقتى قمت وديت ليها حتة قماشة كدا ومعاها المقاس للتفصيل وغبت منها فترة .... الزولة خلصت الفستان وانا ما ظهرت ..... صحبتنا قلقت شديد وما كضبت يوم هفت ليها شالت طفلها على كتفها بالطريقة الفلاحى ديك و التى لا تخفى على اى زقازيقى المهم زولتنا سجلت زيارة لكلية الزراعة وفى الباب اظن بتاع الامن حماها تدخل وقال ليها انتظرى دلوقت السودانيين حيجم ... انتى بس استنى مكانك ... ومن سوء سوء حظى ( شكله كدا سوء حظى اليوم داك كان شغال معاى اوفرتايم ) ما تظهر ليك بعد شوية عزة التجانى ورحاب فيصل مارقين من الكلية وبمجرد ما ظهروا عزة قالت لى سمعنا بتاع الامن بيقول للمرة اهم دول سودانية اهم اساليهم بقى ... الست عزيزة جات ناحية عزة ورحاب وسلمت بالطريقة الفلاحى سلام عليكم يا اختى - مع تفخيم الخاء - انا بسال على واحدة سودانية اسمها عيشة - الللللللللللللللللله - عزة سكتت وبقت رحاب تقول لعزة بالراحة يا عزااااا الزولة دى بتقول فى شنو شوش يستحيل تعرف ناس زى ديل - وانا من اهم زبائنها - الخياطة قامت قالت ليهم لا والله بتعرفنى وهى ما اخدتش منى حاجة بس حاجتها معاى وغابت كتير وانا جيت اسال عليها - طبعا دا ما السبب الاصلى بتكون فلست وعشمانة فى كنجالين تلاتة - بعد تعب عزة اقنعت الولية
انو انا كويسة وحامر عليها فى اقرب فرصة .... طبعا انا ما عارفة ليه الولية ركزت على عيشة وما اتلحت عزة وطبعا عزة عملت رايحة عدييييييييل ...طبعا فى الشقة عزة والهام دوليب غسلونى وشرونى .... حكاية ما معقولة كل واحدة كانت بتحارب فى جبهه ..... الهام دوليب كانت شغالة لى فى نغمة دى ما اسلوب تعرفوا اى زول من طرف وما معقول تودى ليها القماش وتخليها من غير افادة حتى تكون مرغمة تجيك الكلية ,,,,,,,ووووو . ام عزيزتنا عزة فوجعتها كانت اكبر من كدا طبعا هى ما كانت عايزة عزيزة الخياطة تقابلها وتسالها عنى وطبعا الحتة دى مافى زول حيفمها الا القليل منا يعنى على سبيل المثال نجاة حوفى - زينب التجانى - عزة نفسها - والعبدلله انا .... اطرف ما فى الموضوع انو بعد الدرس دا عزة حست انى احدت لى حبة زعلة كدا قامت جابت عنب من الثلاجة وكالعادة قعدنا بالعنب فى نص السرير ناكل ونتونس ..ز جات الهام ولقت المنظر دا .. عزة خشمها مليان عنب قالت ليها دوليبة تعالى خشى معانا فى العنب دااا .. بكل ادب وغيظ مكتوم اعتذرت وقالت ليها شكرا انا طالعة وفى السكة لو لقيت الفلاحة دى اناديها تجى تاكل معاكم عشان الحكاية تكمل ..... وطبعا عاوزة اتكلم فى مناسبة اخرى عن العزيزة الهام دوليب وحبها للنظام .... كانت يستحيل تاكل غير فى المكان المخصص للاكل - لكن لا بتاكل فى غرفة لا فى حلة لا من غير ملعقة ولا من غير مواعيد اكل المهم بقدر ما الهام كانت منظمة كنت انا وعزة ........ طبعا دى مفهومة
يلا يا حلوين نلتقى تانى عشان موضوع زيارة عزيزة لى فى الكلية ما وقف عند هنا لسة باقى شقق المطبعة ما عرفوا وطبعا المطبعة كانت فيها كل الطبقات .... برضو دى فيها زكريات لا تنسى ...... المهم المرة الجاية حاحكى ليكم موقف ناس نجاة لمن عرفوا بالقصة فى ناس كانوا حيموتوا من الضحك وما يفوتكم لمن جيت امشى اجيب هدومى منها اخدت معاى الهام .....قوية مش كدا ............. والى اللقاء ........ شوش
|
| |
|
|
|
|
|
|
|
|
|
Re: مربع كاي (Re: زهير الزناتي)
|
شوش طلتك الجميلة تسعدنا كثيرا...
بس أول مرة أعرف ان قشرتكم ديك كلها طلعت فلاحي...كنتم غاشين الشباب يعني...كانوا قايلنكم من شارع الشواربي و لي فوق...
طلعتوا فلاحيين ساكت...يغسي عليكم...
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش انت حولوك المرور السريع و لا شنو...
انتهت المباريات و انتهى أيضا الوقت المسموح لي بالسهر...اذا لا بد لي أن أستودعكم الذي لا تضيع ودائعة...
و تصبحوا على خير...
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: انا بسال على واحدة سودانية اسمها عيشة - الللللللللللللللللله - |
OOh_ No
شوش
بدون تعليق 000 ((((عزيزة بتسأل عليك)))
التحية عبرك يا شوش لعزيزة وعزة 00 ودوليبة الانيقة 00
ويا رشا تحياتي 00 ليك ولحبايبنا في كاي
| |
|
|
|
|
|
|
|
|
|
Re: مربع كاي (Re: عفاف علي ميرغني)
|
ووووب عليا يا آآآشـــــــــــة
ده شنو ده
ما قلت ليكم يا ناس زراعة بتدلعو فى بعض ساكت
ما معروف فافى كان بتجيب الجبنة الفلاحى من ياتو كـفر ،،،،
الهام دوليب
ذكرتنى قول احد الممثلات السودانيات بعد ما قدموا ليها الشربات
قالت ليهم ( انا ما بشرب البسوطوه ده ) .....
شغالتنا مرة شالت معاها حلة كبيرة وشوية سمنة وقالت بكرة حاعمل لكم
محشى كرمبة ، وعشان بياخد وقت حاعملو فى البيت ، وفعلا تانى يوم جات
شايلة الحلة فوق راسها ،،، والجماعة ضربو ضرب تمام ما عدا انا ، قلت
ليهم والله هى مرة كانت عيانة انا مشيت ليها كفر النحال وشفت بعينى
حلال عليكم انا خلو لي السلطة دى بتغدى بيها ..
مخلصكم ديدووووو
| |
|
|
|
|
|
|
|
|
|
Re: مربع كاي (Re: عبد الدائم سيد أحمد)
|
يا شباب كنا عايزين نعرف منو البمشي مع الجماعة للخياطة .... لكن عرفتوها كلكم وكبيتو الزوغة ... ولا الخياطة دي شكلها بس زبونة شوش براها ....
| |
|
|
|
|
|
|
|
|
|
Re: مربع كاي (Re: زهير الزناتي)
|
هذا المساء جاييكم و معاي هدية كبيرة جدا...معاي الأخت و الصديقة عواطف دفع الله الشهيرة بتوفي...توفي من أنبل و أنقى من عرفت....
Quote: اجمل التحايا والسلام والتبريكات ، ان شاء الله انتو بخير والسيدة الفاضلة نجاة حوفي والامراء الصغار حفظهم الله ، دخلت الموقع وسعدت كثيرا برؤية منصور ومحمد عيد اي والله وكانني رايتهم وكان الزمن يعود بي الي الوراء وجلسة الشلة في مربع كاي والله كانت ايام ومهما عشنا في هذه الفانية لن تعوض تلك الايام ، رغم شغلي الكثير الا انني سوف احاول اغتنام الفرص والجلوس مع هذه الشلة الكريمة كلما سمح الزمن بذلك ،
اخذت بعض الصور وانا علي عجل من الالبوم ارجو ان تظهر عندك واضحة
مع تحياتي
توفي |
| |
|
|
|
|
|
|
|
|
|
Re: مربع كاي (Re: الرشيد بابكر)
|
| Quote: ويا رشا تحياتي 00 ليك ولحبايبنا في كاي |
فافي و لك مني و نجاة و أمنية و مهند كل التحايا ليك و لي حاج الركز و الجيفارات.....
| |
|
|
|
|
|
|
|
|
|
Re: مربع كاي (Re: محمد عيد)
|
أهديكم هذا المساء ... أحرفا جميلة للجميلة .. نازك الملائكة
& & &
الليلُ يسألُ مَن أنا
أنا سرُّهُ القلقُ العميقُ الأسودُ
أنا صمتُهُ المتمرِّدُ
قنّعتُ كنهي بالسكونْ
ولففتُ قلبي بالظنونْ
وبقيتُ ساهمةً هنا
أرنو وتسألني القرونْ
أنا من أكون ؟
الريحُ تسألُ مَنْ أنا
أنا روحُهَا الحيرانُ أنكرني الزمانْ
أنا مثلها في لا مكان
نبقى نسيرُ ولا انتهاءْ
نبقى نمرُّ ولا بقاءْ
فإذا بلغنا المُنْحَنَى
خلناهُ خاتمةَ الشقاءْ
فإذا فضاءْ !
والدهرُ يسألُ مَنْ أنا
أنا مثله جبارةٌ أطوي عُصورْ
وأعودُ أمنحُها النشورْ
أنا أخلقُ الماضيْ البعيدْ
من فتنةِ الأملِ الرغيدْ
وأعودُ أدفنُهُ أنا
لأصوغَ لي أمساً جديدْ
غَدُهُ جليد
والذاتُ تسألُ مَنْ أنا
أنا مثلها حيرَى أحدّقُ في الظلام
لا شيءَ يمنحُني السلامْ
أبقى أسائلُ والجوابْ
سيظَلّ يحجُبُه سرابْ
وأظلّ أحسبُهُ دَنَا
فإذا وصلتُ إليه ذابْ
وخبا وغابْ
| |
|
|
|
|
|
|
|
|
|
Re: مربع كاي (Re: محمد عيد)
|
Quote: أنا مثلها في لا مكان
نبقى نسيرُ ولا انتهاءْ
نبقى نمرُّ ولا بقاءْ
فإذا بلغنا المُنْحَنَى
خلناهُ خاتمةَ الشقاءْ
فإذا فضاءْ ! |
شكرا يا حمادة على الكلمات الندية....
مساك الله بالخير...
| |
|
|
|
|
|
|
|
|
|
Re: مربع كاي (Re: محمد صديق)
|
يا كوتش مساك الله بالخير
و الله بقيت رئيس قسم المرور السريع...
أوع بس ينقلوك كبري كوستي...
حكيت ليك قصة كبري كوستي دي قبل كده.....لا بأس من حكايتها مرة أخرى...
عسكري مرور ظروفه صعبة و حالتو بالبلى...فكر في حل لمشكلتة فتوصل الي كتابة رسالة الى رئيسة...
فكتب له...
سيدي ...أمر بظروف صعبة فلقد اقترب موعد ولادة زوجتي لطفلي الرابع ان شاء الله...و والدتي مريضة تحتاج
الى العلاج....العيد على الأبواب...و كل ما سبق ذكرة يحتاج الى مصاريف كثيرة...لذلك أرجو من سيادتكم
مشكورا نقلي الى كبري كوستي.....
كبري كوستي عشان يلهف من العربات التي تمر عبر الكبري...
عشان ما تقومو بعد شوية ترسلوا لي في الماسنجرات تسالوني انت قاصد شنو بكبري كوستي....
| |
|
|
|
|
|
|
|
|
|
Re: مربع كاي (Re: الرشيد بابكر)
|
جمعة مباركة.. تقبل الله دعواتكم .. فلكم جميعا تحية الصحة والعافية..
تحية خاصة لفافى وتألقها فى القناة السعودية( البت دى من يومها مفلسفة اول يوم صاحبناههاولفت علينا وكانت بس تدفع الميز والايجار مع بنات شقتها وتجى تبيت 4 يوم معانا و1 فى شقتهم لو طلعنا اجى القاها كاتبة لى رسالى : نانى خرجت لاروض عن نفسى قليلا ولانه بطة شترة وكمان عربيها كله بلدى تسالنى البت دى قاصدة شنو) تحية للجيفارات وابوهم..
تحية ابنوسية لسندى الفاتح لى لكن برضو ما بقدر اعيش من غيرك سلامى لامانى والحلوين يا اجمل الحلوين.
تحية للرقيق جورج اشتريت لى كتاب شعر عشان اقدر اجاريك فى الكتابة انا مستمعة جيدة متزوقة للنخاع .لكن للاسف ما عندى ربة شعر ولا ملكة كتابة..سلامى لخالدة والعيال..
نفسى قام...
ديدو مشتاقين كيف النظيفات بتسلم عليك من عباس..
عيدناجعل الله ايامك كلها اعياد عيد على المدام والاولاد..
جلا المحفظة معاى.. بالله شوف لى مفتاح اصلا شريكى يده فاكة شديد..سلم لى على الاولاد وامههم.
بسكو كيف العروس..
زوبة صوتك طمنا وشال القلق مننا الحمد لله ماما محاسن بخير الله يديها العافية بتصل بيها بكرة..
زناتى يا صديقى وينك نازل انتخابات ولا شنو..
يااخونا الخياطة دى oh no
فلاحى وبتخيط عندهها شوش وعزة التجانى.. ( بس نحن مرات بالاستعجال بنمشى ليها والزول البمشى معانا انت عارفنه شدو اوتار القلوب عشان تسمعه اسمه شبوكشى الصديق الرفيق النقى وينه اشتقنالك)
راجعة ليكم عن موضوع ميزنا فى رمضان زوبة الله يخلى ليك العيال الظاهر لخبطتى القرعة ما طلعت كدة
دمتم سالمين وتامين
| |
|
|
|
|
|
|
|
|
|
Re: مربع كاي (Re: نجاة حوفي)
|
وقفت كثيراً عند قصيدة من أنا لنازك الملائكة
فالشكر لك أخي محمد عيد
و طبعاً فيها من المعاني ما يجعلني أخلع ثوب المشاترة قليلاً
وكأنني أعلن و قف إطلاق النار و لو من طرف واحد
و أقف مشدوهاً ....شاخصٌ بصري بين الأسطر
متذوقاً ذاك الطعم الطاعم
أحمد ربي أنني لم أقصد جلال
ثم ذهبت لأجد أن نازك أيضاً تقول
في الزائر الذي لم يجيء
ومر المساء ، وكاد يغيب جبين القمر
وكدنا نشيع ساعات أمسية ثانية
ونشهد كيف تسير السعادة للهاوية
ولم تأت أنت … وضعت مع الأمنيات الأخر
وأبقيت كرسيك الخاليا
بشاغل مجلسنا الذاويا
ويبقى يضج ويسال عن زائر لم يجيء
وما كنت اعلم انك ان غبت خلف السنين
تخلف ظلك في كل لفظ وفي كل معنى
وفي كل زاوية من رؤاي وفي كل محنى
وما كنت اعلم انك أقوى من الحاضرين
وان مئات من الزائرين
يضيعون في لحظة من حنين
أظن أن الأخ بكري من زوار الليل
ومثله قدوره و علمت أن جورج
لن يأتي هذا المساء أيضاً
و هناك كثيرون غائبون
أما زلت تنتظرهم يا رشيد القوم؟؟؟
رفقاً به أيها القوم...بإستثناء أم مهند
كدا ينفع؟؟؟؟
| |
|
|
|
|
|
|
|
|
|
Re: مربع كاي (Re: محمد آدم النور)
|
نانى h no
انا الخياطات بتوع الكفر ديل ما معاكم
من امس اتزاوغ تجى تودينى عديييل
المهم انتو كنتو بتشيلو القماش وانا ما عارفاالخيطو منو
اتاريهو من كفر
بس بتزكر كنا بنشر هدوم الغسيل عند جيرانا الورانا وكان كفر
تتزكرى لما اتسرقت جيبتى الجديدة من الحبل
| |
|
|
|
|
|
|
|
|
|
Re: مربع كاي (Re: محمد آدم النور)
|
يا اخوانا فيها شنو يعنى لو اتواضعنا ومشينا مع بنات جيرانا نجاملهم فى خياطهم ده كان انصهار
مع الجماهير.. ما باثر على البرستيج بتاعنا ولا شى..كانت مرتين ومتولى الخياط كان مافاضى .
برجع ليكم تانى لموضوع الميز فى رمضان ..
كنا انا ودوليبة زوبة وشوش وعزة وبطة..
زوبة وشوش الاتنين نشيطات..
انا ودوليبة.. دوليبة طباخة جدا وسريعة جدا وانا ماشى حالى لكن سلحفائية وبجى من الكلية مدمرة دوليبة بتجينى بالليل تقول لى بكرة حا نعمل كدة وكدةوانا اشيل هم وبعدين باين الموضوع رسمى..
وهى جد مبدعة يعنى كل مرة بتعمل شى جديد يوم من بالليل قالت لى نفك البلح كله لانه قوى ونكسرة ونطلع البذور وانا بينى وبين نفسى يا اخونا ده لزومه شنو بسننوا البنات ديل انا مالى ومال المهمة الصعبة دى المهم الديكور من ضمن مهامى والعصير المراسيل بنمشى سوه ودولبية جادة جدامرات اقول يا ريتنى لو وقعت مع شوش ولا زوبة لكن برى برى من بطة وعزة تيم فشالة شديدة.. يوم البلح عزة وبطة وشوش سالونى يا اخوانا الاذان اذن نسيتوا البلح ولا شنو قلت ليهم فى التربيزة لفوا يمين شمال ما عرفوا سالونى دى شنو قلت ليهم بلح دوليبى خاص عزة النبى بلح بنات الدكاترة كدى وها ها قلت ليها كما قالت دولبية عشان ما يكون فى سوس وتبلعوه طوالى.. يومنا كله صوانى بالفرن.. وكنافة وحركات ويوم زوبة وشوش لانهم الاتنين بحبوا المطبخ اما يوم عزة وبطة انا الضايعة وبضارى ليهم بعتمدوا على ام جمال او على بقايا اكل اليوم قبله بطة دايما قايمة عليها الازمة وعزة كسل شديد..كانت احلى رمضان قضيناه مع بعض حتى العشا كنا بنتعشى مع بعض..
تحية خاصة للمديرة شوش وللعزيزة دوليبة و الانيقة عزة التجانى
شوش قريت ايميلك افقدى الامل وحا اتصل بيك بكرة ده شمار نسوان ما فى داعى ليه هنا..
ودمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
ميز رمضان
والله يا نانى فعلا لخبطت القرعة
فى يوم ناس نانى عملو صينية بطاطس كانت لزيزة شديد بس الصينية كانت لاصقة لانو دوليبة تكلت مسالة مسح الصينية لرفيقتها فى اليوم
ناس بطة كسل وكلفة
يوم قايمين وقاعدين
ومن بدرى عاملين دعاية لاكلة رهيبة
طلعت هامبرجر بلبيض يعنى صينية فيها زى كيسين همبرجر مع طماطم مع فلفليةبس نسو الزيت بس قلنا الهم تقبل منا صيامنا
| |
|
|
|
|
|
|
|
|
|
Re: مربع كاي (Re: نجاة حوفي)
|
مبروك التخرج يا جلا الصورة حلوة ربنا يحفظها وتحضر تخرجها من الجامعة وتشوف اولا اولادها..
عايزة احكى ليكم عن المديرة شوش..
فى اجازتنا الاخيرة يوليو الماضى مشيت مع ابوى وراجل عمتى اشترى ليه قطعة ارض فى الرياض اول ما نزلنا فى الشارع فرجونى على الارض قلت ليهم انتظرونى عايزة اشوف حاجة كدة اعاين فى جواى البيت ده ما غريب على يا رب احساسى ما يخزلنى دخلت البيت والباب احتضنى بدون ما ادق الجرس.. لقيت ولد صغير سالته
ده بيت ناس عشة قال لى ايوه عشة ى ماما طلع ده احمد شوش دخلت واتذكرت اغنية حمزة سليمان انا ماشى راج لبيوت تسمحى دق او لا ادق من غير تقول الزول منه ولا حتى الداعى خير.. احتضنتنى ام شوش واخواتها واخونها وبكينا من اللقا وباركو لى البت الجبتها بهد سنين .. كل اخبارى عارفنها.. اتصلوا بالمديرة شوش وهى بالطريق للبيت .. دقات قلبى ذادت وابوى اتصل وينك قلت ليه.. طلع ده بيت ناس شوش انتظرونى شوية اسلم عليها..
جات شوش داخلة اتعانقنا وبكينا والموضوع طول .. ابوى ما بحرجنى حتى لو اتضايق منى.. بس راجل عمتى حبانى ليكم حب شديد..على الانتظار الامتد لساعة مع شوش واهلها.. بدينا نتسابق منو يحى شنو وانا اقول ليها اسمعينى واسئلة منى ومنها ولم نشبع من بعض ..
شوش من طيبة القلب .. مثقفة .. خطاطة جدا.. ودايما بتقرا قصص انجليزية ودايما لما تزهج من كسل عزة لانهم بغرفة واحدة تقول ليها this is not acceptabale I had had enough ya aza
عزة تضحك شوش يعنى الفلسفة شنو ما تشكلينى عديل .. بقينا كلنا ماسكين
الكلمةi had had enough
ما شفتو المديرة شوش فى المطار لما طلعت من اجتماعها عشان تودعنا المطار كله اتكبب فينا وسلم علينا وفى ثانية مشوا لينا العفش والوزن الزايد زيادة غير معقولة..
التحية لشوش حبيبة واخت وصديقة الزمن الجميل البرى.. ولاحمد شوش ولبنتها وزوجها ورحاب (رحاب اختى)
ووالدتها واخوانا وكلكم
ودمتم سالمين
| |
|
|
|
|
|
|
|
|
|
Re: مربع كاي (Re: نجاة حوفي)
|
يا نانى برايتك دى ساناها وين
كل ما اخلى رصة الاسماء فى البوست برة كلها زينب والباقى محمد صديق الراكب ليهو حصان
تجى تبرى تبرى
بس بريك لزيذ
حامشى الاسبوع الجاى لشوش وحنعمل مفاجاة لعزة
(ما بتقرا البوست ذى زمان بتقول لشوش احكى لى)
عزة من شدة الكسل كانت لما نكون فى السفرة تقطع العيشة وتقول للجنبها عليك الله قمسى لى العيشة دى فى الصحن داك وادينى ليها
| |
|
|
|
|
|
|
|
|
|
Re: مربع كاي (Re: زينب التجاني)
|
أصرت أمنية أن تذهب معنا أنا و مهند لتصلي معنا صلاة الجمعة...أعرف أن أمنية لا تستهدف الصلاة في ذاتها و انما ما بعدها...و هو الذهاب معنا الى التسوق الاسبوعي للمواد التموينية,,,فتقوم بشراء أشياء تكون قد خططت لها مسبقا...أقنعت أمنية بأننا سنصلي في المسجد القريب و من ثم نمر عليها لتذهب معنا للتسوق..فوافقت على مضض...
بعد الصلاة حضرنا و طلبنا منها النزول لمرافقتنا و جلسنا أنا و مهند في السيارة ننتظرها...تأخرت أمنية قليلا فطلب مني مهند أن نذهب دونها متحججا بأننا لن نجد مكان للوقوف أمام السوبر ماركت التي نشتري منه المواد...بعد فترة حضرت أمنية و ذهبنا الى السوبر ماركت و درنا طويلا نبحث عن مكان للوقوف فلم نجد فالتفت الي مهند قائلا...I told you ...
أمنية من غيظها على مهند أخذت تطنطن بكلمات أضحكتني فضحكت بصوت عالي..ضحكي هذا أغاظ مهند فسألني لماذا تضحك...هل يضحك هذا الكلام العبيط الذي تقوله أمنية فأجبته بأنني حرthis is a free country و يمكنني أن أفعل ما شئت طالما انني لا أتعدى على حرياتك...قبل شوية مش طلبت منك ترفع البنطلون و انت قلت لي أنا حر ما عايز أرفع البنطلون...أنا كمان حر أضحك زي ما عايز...
المهم ذهبنا الى السوبر ماركت و لاحظت ان مهند يدوس على طرف بنطلونه بشبطه فقلت له...مهند كف البنطلون بتاعك ده...فقال لي انت نسيت و لا شنو this is a free country ...أنا ما عايز أرفع بنطلوني أنا حر ياخي...بنطلوني و لا بنطلونك....
ضحكت كما لم أضحك من قبل...و ادركت ان هذا ليس بزماننا....
| |
|
|
|
|
|
|
| |
منصور عبد الرازق
الرشيد بابكر
محمد عيد
أبوبكر حامد الأمين
جلال عثمان
محمد صديق
عمر المهدى
عفاف علي ميرغني
زهير الزناتي
عبد الدائم سيد أحمد
محمد آدم النور
زينب التجاني
عمر هواري
نجاة حوفي
فيس بوك
تويتر
انستقرام
يوتيوب
بنتيريست