مواضيع توثقية متميزة

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-24-2017, 03:26 AM الصفحة الرئيسية

مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

بحري طراوة... ويا ناس بحري .. قالوا بتحبوا يلا حبونا..

07-12-2008, 09:33 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا كمال.............ز فوووووووووووووووووووق
                   |Articles |News |مقالات |بيانات

07-12-2008, 09:48 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا حسن طه اخونا الفنان الكابلي كان يسكن في الشعبيه مقابل ميدان الفاروق حينها قبل ان تطمره المدنيه والمدارس والميرغنيه وكذا وكان بوصفه فنان منذئذ( شفت التعبير ده كيف....دي طبعا بتستعملوها في المحاكمات)..
    وطبعا كفنان ممتلئ بعشيات الفنانين عندما كانت هنالك الصفرات وعشيات الفنانين كانت دسمة بكل ما لذ وطاب من الضلوع وخلافه وهذا قبل ظهور الكوليسترول والقاوت وكده ... وطبعا الكابلي من كبار زبائن القاوت...

    المهم كان كفنان عايز يجري دمو وما ممكن يجري دمو الوقت داك مع ناس جقدول او الهادي صيام فبحكم قرب منزله المطل علي ميدان الفاروق كان يجي يجري دمو مع المساكين ديل... وطبعا لابس افخم لبس لاعب وعندما تراه ابيض اللون ولابس الفانله والشراب بلونين الازرق والابيض المخطط والكدارات الجديده ذات الكدايس حديثة المخالب ..لما تشوفه تقول منقط الكوره وسيهزم كل قوي الشر والضلال و لكن عندما يلعب لا يغلبه في الكياشة غير كمال السر...

    فيا سيدي الكابلي غني في زواج عمتي رحمة الله عليها زينب بنت علي مصطفي وبنتها الكبيرة وانا اتولدنا في نفس الاسبوع ...

    قال كابلي قال.....
                   |Articles |News |مقالات |بيانات

07-12-2008, 10:07 AM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    .
    Quote: مع ناس جقدول او الهادي صيام ...
    .
    لا حولا يا طارق ... انتو من الزمن داآآآآك؟؟!!
    اكيد اتمرنت مع قرعم وممي وسري وختم والقَرووود!
    .
                   |Articles |News |مقالات |بيانات

07-12-2008, 10:37 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: ياهو زاتو-الله يرحمو
    انا قريت اول صفحة فى البوست فما عرفتك-انت من ناس المزاد و لا شنو
    ]
    \


    ياسلام يا وائل...

    رحم الله العم عوض رحمة واسعة.. إذن أنت قريب كل من:-

    العم حميدة - وولده كفاح والأستاذ/ شكر - وناس راشد وجمال.. و
    ..وكما ترى معرفتنا بأهلك مش عشان من المزاد ولكن أعمق من ذلك بكثير....

    (عدل بواسطة Kamal Karrar on 07-12-2008, 12:18 PM)

                   |Articles |News |مقالات |بيانات

07-12-2008, 12:26 PM

Mohamad Shamseldin
<aMohamad Shamseldin
تاريخ التسجيل: 02-17-2006
مجموع المشاركات: 3074

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: في بوست في هذا الموقع من الأخ المعز أبو نورة يتعلق بتثنية قبول عضوية الأخ نزار محجوب عتيق ، آمل من الجميع التفضل بالمشاركة فيه لدعم نزار وإن شاء الله سوف لن يخيّب ظنكم .. أنا متأكد جداً بأنه سوف يضيف الكثير لكافة بوستات بحري وللموقع بصورة عامة ..


    أبو رزقة

    لم انتبه للبوست المعنى ... مع الزحمة

    أتمنى ان يدعم الجميع الأخ نزار محجوب عتيق ... و هو من أسرة بحراوية ...
    كاتب و قاص رائع ....
                   |Articles |News |مقالات |بيانات

07-12-2008, 12:53 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Mohamad Shamseldin)

    Quote: أتمنى ان يدعم الجميع الأخ نزار محجوب عتيق ... و هو من أسرة بحراوية ...
    ]


    أسرة بحراوية دي .. بس سبب كاف لأن ندعمه بلا حدود..
                   |Articles |News |مقالات |بيانات

07-13-2008, 05:13 AM

Waeil Elsayid Awad
<aWaeil Elsayid Awad
تاريخ التسجيل: 12-12-2004
مجموع المشاركات: 2842

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    استاذ كمال كرار
    شكلك يا قريبنا يا كنت عاوز تناسبنا و ادوك بمبة (بنهذر )
    الاسم ما مالوف بالنسبة لى و لكن من ذكرتهم جميعا قرايبى (الله يرحم العم حميدة اتوفى قبل شهور قليلة )
    كما ان راشد متزوج عمتى


    تحياتى لك
                   |Articles |News |مقالات |بيانات

07-12-2008, 01:35 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طارق وصلت رسالة طويلة من الأخ/ سيف الدين .. أجتزأت لك منها ما يلي:
    Quote: الأخ طارق ميرغني ما دام انت لعبت في الفاروق في الستينات تكون لعبت مع ابن عمي المرحوم المهندس معتصم محمد صيام إدريس والذي كان حريفا كما حدثني الأخ عصمت بلة.

    طبعا اخي طارق أنا بعرفك واسرتكم الكريمة وأخوك حمدو واقربائك بالمزاد ناس عاصم وعاطف كروم ( بمناسبة عاصم كروم كنا كثيرا عندما نذهب الي واد مدني نقضي اجمل اللحظات مع قفشاته هو

    وصديقه غازي ابراهيم صالح ( طبعا عاصم كان المدير الفني لمصنع ستيم وغازي كان المدير الفني لمصنع البيبسي وكلاهما مهندس ميكانيكي)، وطبعا لآ أنسي اقربائك بحلة حمد ناس الأستاذ المرحوم عبدالمنعم

    نسيب سمير لبيب.



    مع تحياتي



                   |Articles |News |مقالات |بيانات

07-12-2008, 02:03 PM

Haitham Labib

تاريخ التسجيل: 12-27-2007
مجموع المشاركات: 386

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اها ياطارق ميرغني .. لو عاصم كروم قريبك يازول أنحنا نسايب عدييييييييل كدي بسمير محمد لبيب .. وأنا بقول ليك كمان من ظرفاء بحري .. عاصم كروم على حد تقديري ..
                   |Articles |News |مقالات |بيانات

07-12-2008, 08:31 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: الاخ هيثم لبيب بالامس وبعد زمن وهذا من فضل هذا البوست كلمني من خور فكان بالامارات الاخ محمد الحسن عبد المحمود.


    طارق عقبال إتصال "جرب" و "وداعة يس" يكتمل مثلث مستهبلي بحري

    --------------------
    بحري طراوة
                   |Articles |News |مقالات |بيانات

07-12-2008, 11:12 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    معالم هددت البيئة في بحري:

    * خور الصابون
    * كوشة الجبل
    * سجن كوبر
                   |Articles |News |مقالات |بيانات

07-13-2008, 04:26 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    والله يا طارق كلامك مقنع الي حد ما .

    ولكن نعمل شنو مع ناس دكتور عبد المحمود البجيك طاير وما يديك فرصة تتنفس.

    بس بيني وبينك كلامه في محله .

    أها عايزين أخبار قرعم وميمي وجقدول .... وطارق ميرغني.
                   |Articles |News |مقالات |بيانات

07-13-2008, 05:09 AM

Waeil Elsayid Awad
<aWaeil Elsayid Awad
تاريخ التسجيل: 12-12-2004
مجموع المشاركات: 2842

للتواصل معنا

FaceBook
تويتر Twitter
YouTube


ُRe (Re: Kamal Karrar)

    استاذ طارق
    Quote: ترحيب بالاخ وائل و......جنب كوشة الجبل دي يعني قرب ناس آل الجمري ،آل شكري والاستاذ عباس عبد الله عباس.

    وطالما درست في الحاج محمود اكيد حيكون درسك نسيبي الاستاذ محمد عباس.

    اخي ابو رزقه ندعم بشده عضوية الاخ نزار عتيق واتمني من كل الاخوة دعمة مباشرة والي الاخ بكري.

    الاخ هيثم لبيب بالامس وبعد زمن وهذا من فضل هذا البوست كلمني من خور فكان بالامارات الاخ محمد الحسن عبد المحمود.


    طبعا زروق الجمرى متزوج عمتى
    و ناس المرحوم شكرى جيرانا

    اما استاذ محمد عباس فله معزة استثنائية درسنى فى حاج محمود و تشرفت بالتدريس معه (خدمة الزامية ) بعد التخرج فى مدرسة البراء بن مالك (شمبات الغربية )
    الرجاء بلغوا سلامى و اذا فى رقم تلفون رسلوا لى عشان اتصل عليو

    تحياتى
                   |Articles |News |مقالات |بيانات

07-13-2008, 05:51 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اخي الدكتور عبد المحمود الف تحيه وجد جد ناس قرعم والقرود الكسر صديق منزول وممي ديل سمعنا بيهم سمع لكن حضرنا ناس كرنقو وعبد الحميد السعودي!!!!!

    يا سيف ناس المرحوم معتصم رحمة الله عليه ديل لعبوا قبالنا ( حسن طه ما يسمع!!) والف شرف معرفتك واهو بتعرف الاسره كويس وبقينا اهل.
    وفعلا سمير لبيب متزوج ابنة عمتي زينب رحمها الله.
    والا تذكر من الشخصيات المعروفه في حلة حمد حبوبه سكره ( بضم السين وتشديد وفتح الكاف)

    اخي هيثم لبيب الف شرف القرابه وعاصم كروم فعلا من الطف واجمل الناس ببحري وهو صديقي اكثر منه قريبي.

    كمال السر الاخ وداعه يسن لي منو زمن ولا ادري عنه اي شيء هل هو في بحري ولا ما موجود ....اها ده فعلا من ظرفاء بحري!!!

    بعدين خور الصابون ده محتاج منك لشوية شرح انت مرات بتنسي انو في ناس معانا في البوست ده من مواليد التسعينات؟؟؟؟
    اخي وائل الاستاذ محمد عباس متزوج من شقيقتي نوال ميرغني وساغريه سلامك ورقم هاتفه 0911264390
                   |Articles |News |مقالات |بيانات

07-13-2008, 06:24 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)


    من أشهر العجلاتية وأظرف الشخصيات ببحري الشيخ ( شقيق عبده الشيخ التاجر المشهور بسوق بحري - الله يرحمه ) نسيت اسمه .
    لا أدري ان جات سيرته في البوست ام لا!!

    دكانه آخر مرة كان جنب قهوة هافانا.

    طارق وكمال انا بديكم العنوان وانتو كملو.
                   |Articles |News |مقالات |بيانات

07-13-2008, 12:58 PM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    الأخ/ حسن طه

    تحياتي

    فعلا هذا الدكان بتاع العجلاتي كان بجوار قهوة هافانا
    وبالمناسبة دي ممكن تتذكر لي الكاشير الذي كان في قهوة هافانا دي؟

    أذكرك لو كنت ناسي؟

    السر ومعاه واحد ليه شعر كده إسمو فوزي
    صاح ولا أنا غلطان يا حسن طه

    مع تحياتي ومودتي
                   |Articles |News |مقالات |بيانات

07-19-2008, 08:13 AM

الحاج حمد الحاج
<aالحاج حمد الحاج
تاريخ التسجيل: 03-29-2008
مجموع المشاركات: 4573

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: سيف الدين علي محمد الفاضل)

    و مشاركة من الأخ الباشمهندس عمر محمد عثمان من الشعبية (دبي):
    Quote: صلاح حماد كمندجو نوبه

    --------------------------------------------------------------------------------
    ذلك البحراوي الطويل الفارع الفنان المليان ابداع ابن ديوم بحري العريقه

    درسنا سويا في الثانوي العام ثم في بحري الحكوميه ما فتيء هذا الكمندجو كما يحلو ان اسميه ما فتيء يفاجئني بابداعاته
    في الخط هو من يكتب جريدتنا الحائطيه بخطه الانيق ورسمه المبهر
    في جلساتنا هو من يمسك بالجيتار ويغني لنا لشرحبيل وابوعركي ونسيت ان اخبركم صلاح هو من علمنا بوب وما ادراك ما بوب مارلي في ذلك الزمان الجميل
    كم اشتاق اليك صديقي صلاح حماد كمندجو نوبه في هذا الزمان الغريب حياتي صحراء جرداء قاحله ما فيها غير الذكريات وانا في هذا الكامب الكبير

    ختام:
    صديقي صلاح حماد كمندجو نوبه تخرج مهندسا من جامعة الجزيره ولا ادري اين هو الان من يجد عنوانه فليراسلني على بريدي القاحل عفوا تذكرت الان اننا كنا نهزم كل فصول بحري الحكوميه في السله والطائره بواسطة صلاح حماد كمندجو نوبه
    عمر محمد عثمان - دبي
    [email protected]
                   |Articles |News |مقالات |بيانات

07-13-2008, 06:33 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    فعلا يا حسن من اشهر العجلاتيه وكان يسمي ابو الشيخ وكان يعمل معه الرشيد اب لونجه حارس مرمي نادي التحرير حينها..
                   |Articles |News |مقالات |بيانات

07-13-2008, 06:44 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
                   |Articles |News |مقالات |بيانات

07-13-2008, 08:15 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    لا يفوتني أن أرحب بإبن بحري الأخ عادل (Player ) صاحب أكثر البوستات مشاهدة في هذا الموقع وهو بوست عجائب وغرائب وطرائف الأخبار ، ولكن مداخلته بقدرة قادر دخلت وسط المداخللات السابقة وربما لم يلاحظها أحد .

    التحية لك أخي عادل وأهنئك على هذا النجاح الكبير ، ونحن في إنتظار إبداعاتك في هذا البوست ..

    لك مودتي
                   |Articles |News |مقالات |بيانات

07-13-2008, 08:32 AM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    .
    Quote: ناس قرعم والقرود الكسر صديق منزول وممي ديل سمعنا بيهم سمع ...
    .
    زماآآآآآن (منتصف القرن الماضي) .. ابوعلي كان بيفاخر بانو بيتدرب كأشبال مع عبدالخير وزكي صالح وطلعت فريد،، وفريق استاك عايز يسجلو بس هو عايز شمبات مع ناس غزالي!!
    ..
                   |Articles |News |مقالات |بيانات

07-13-2008, 09:25 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: زماآآآآآن (منتصف القرن الماضي) .. ابوعلي كان بيفاخر بانو بيتدرب كأشبال مع عبدالخير وزكي صالح وطلعت فريد،، وفريق استاك عايز يسجلو بس هو عايز شمبات مع ناس غزالي!!


    البيتفاخر ده بيكون في الفريق الكبير ....ما تصدق كلامو!!!
                   |Articles |News |مقالات |بيانات

07-13-2008, 02:08 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: كمال السر الاخ وداعه يسن لي منو زمن ولا ادري عنه اي شيء هل هو في بحري ولا ما موجود ....اها ده فعلا من ظرفاء بحري!!!


    والله ياطارق يا أخوي ما المسئول منه أعلم من السائل!! لكن شكلنا كده حنحمِل الأخ/ معاوية محمد الحسن عبء إنو يطقس لينا من خبره..عن طريق الأخ" جرب".. نرجو لك
                   |Articles |News |مقالات |بيانات

07-13-2008, 05:59 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    بما أن الدكتور / محمد عبدالله الريح (حساس محمد حساس) قد سكن بحري من قبل وبالتحديد الصافية وتشهد على ذلك سيارته الجيب المسماة "هتاري" التي كانت تقطع شارع البوستة جيئة وذهابافي الطريق من وإلي الصافية.. فإنني أدعوه بأسمكم أن يحل ضيفا على دوحة بحري يتفيأ في ظلالها ولو على صفحات هذا البوست وليحدثنا عن طراوة بحري وذكرياته فيها.. والمعروف عن الدكتور أنه عضو غير نشط في البورد
                   |Articles |News |مقالات |بيانات

07-13-2008, 06:37 PM

معاوية محمد الحسن
<aمعاوية محمد الحسن
تاريخ التسجيل: 03-22-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    عبد الرازق الاسبوع الجاي لسه ماجاء
    وبالمناسبة ياجماعة ماننسي من اعلام بحري الأستاذ والأعلامي الشهير الدكتور عبد المطلب الفحل وهو ابن عم أخونا عبد الرازق سعيد أها ياابورزقة قصرت معاك ياللة خليني أسافر براحتي .

    وائل سيد
    مرحب بيك ياخي وكل اهلك هنا فى الدوحة اصدقاء لنا اخوك ساري واعمامك محمد وخالد زغلول وكمان نسايبك صلاح وياسر على الحسن وانا وياسر انشاء اللة يوم الجمعة الجاية فى المزاد (أها سمعت ياعبد الرازق)
                   |Articles |News |مقالات |بيانات

07-13-2008, 06:57 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)

    Quote: وبالمناسبة ياجماعة ماننسي من اعلام بحري الأستاذ والأعلامي الشهير الدكتور عبد المطلب الفحل وهو ابن عم أخونا عبد الرازق سعيد أها ياابورزقة قصرت معاك ياللة خليني أسافر براحتي .



    معاوية ود حلتنا والله ما قصرت معاه ولا قصرت معانا نحن ذاتو أن ذكرتنا ونحن لم ننس قامة مثل الأستاذ/ عبدالمطلب الفحل..يا أبورزقة أنا كل ما أشوف صورة البروفايل.. ألقى شبه ولدنا ماغريب عليّ.. لأنو جاورنا لفترة طويلة في مدينة الدمام أبنة أخ الأستاذ/ عبد المطلب الفحل وهي زوجة الأخ/عصام أبوزيد إبن الشعبية وإبن بحري فكان نعم الجيرة ونعم الإخوان..

    غريب أمر هذا البوست...لقينا رابط مع كثير من أفراده والمتداخلين فيه.. ياهو ده السودان

    معاوية يوم 17 ده ما داير يجي ولا شنو؟
    ---------------------------
    بحري طراوة
                   |Articles |News |مقالات |بيانات

07-13-2008, 09:52 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا شباب بحري....

    وإن كنت آخر من رفد بوست دعم حصول الأخ/ نزار عتيق، عضوية البورد، حيث سجلت دعمي بفارق يقل عن 15 دقيقة من زف الخبر بواسطة الأخ/ المعز، إلا أنه يسعدني أن أكون أول من يزف بشرى منحه العضوية هنا في بوست بحري..متمنيا أن لا يضن علينا بذكرياته عن بحري الجميلة..

    (عدل بواسطة Kamal Karrar on 07-13-2008, 09:54 PM)

                   |Articles |News |مقالات |بيانات

07-13-2008, 10:09 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ معاوية محمد الحسن

    لك فائق تحياتي

    أخيراً يوم 17 يوليو لاح في الأفق بعد أن فقدنا فيه الأمل ، بس يا معاوية ماوريتنا أنت والأخ ياسر على الحسن على أي خطوط طيران مسافرين للخرطوم على متن الخطوط الخطرية وإلا القطرية ، رافقتكم السلامة بإذن الله ..

    الأخ/ كمال كرار
    الأخ عصام أبو زيد بعد قضاء سنوات طويلة في الدمام إنتقل إلى المدينة المنورة .. وأشكرك على كلماتك الطيبة تجاه عصام وعائلته وحقيقة أنتم من كان ولا زلتم خير الأخوان والجيران ونعم البورداب .

    نبارك للأخ نزار عتيق الحصول على عضوية الموقع وأتقدم بالشكر للأخ بكري أبو بكر لإستجابته لرغبات أصدقاء وزملاء نزار ، وهو الآن يجري حركات إحماء تمهيداً للنزول إلى ملعب بحري طراوة .

    (عدل بواسطة عبد الرازق سعيد on 07-14-2008, 06:30 AM)

                   |Articles |News |مقالات |بيانات

07-14-2008, 05:18 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    نرحب ترحيبا حارا بالنجم نزار عتيق والذي سيكون اضافة حقيقية لبحري....طراوه...وثانويه....واميريه....وكفي
                   |Articles |News |مقالات |بيانات

07-14-2008, 05:27 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    والشعبية كمان يا طارق
                   |Articles |News |مقالات |بيانات

07-14-2008, 05:26 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    نزار عتيق في شكره لمن ساهم في دعم عضويته بالمنبر:

    Quote: شباب بحري والاميرية: طارق ميرغني (حسب الاقدمية)



    انت يا اخوي جايي سايق عربية حسن طه ولا شنو؟؟
                   |Articles |News |مقالات |بيانات

07-14-2008, 06:09 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    و.... اكيد الشعبيه اخي حسن طه ففيها كل احبابنا واصدقائنا...

    بالمناسبه وييييييييييييين كمال السر؟؟؟؟
                   |Articles |News |مقالات |بيانات

07-14-2008, 07:05 AM

يحي ابن عوف
<aيحي ابن عوف
تاريخ التسجيل: 05-25-2002
مجموع المشاركات: 6308

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    ويا ناس بحري .. قالوا بتحبوا يلا حبونا

    كمال لك التحايا العطرة
    ولجميع الإخوة المتداخلين
    السلام عليكم

    وأحي جميع الإخوة المتداخلين

    من أبناء بحري

    ومن أبناء وطني جميعا

    جئت لأقول تسجيل حضور و متابعة
    انا من بحرى
    الأملاك بحري عشت فيها أحلي سنين حياتي
                   |Articles |News |مقالات |بيانات

07-14-2008, 07:38 AM

Waeil Elsayid Awad
<aWaeil Elsayid Awad
تاريخ التسجيل: 12-12-2004
مجموع المشاركات: 2842

للتواصل معنا

FaceBook
تويتر Twitter
YouTube


استاذ معاوية توصل بالسلامة (Re: Kamal Karrar)

    استاذ معاوية
    Quote:
    وائل سيد
    مرحب بيك ياخي وكل اهلك هنا فى الدوحة اصدقاء لنا اخوك ساري واعمامك محمد وخالد زغلول وكمان نسايبك صلاح وياسر على الحسن وانا وياسر انشاء اللة يوم الجمعة الجاية فى المزاد (أها سمعت ياعبد الرازق)



    عارف لى يومين عاوز اسألك انت ياهو معاوية محمد الحسن البيتهم غرب بيت كمال الجمرى و لا لا

    توصل السودان بالسلامة
    انا طبعا كنت فى قطر قبال شهر تقريبا و قابلت الناس دى كلها
    المرة الجاية حتكون فى زيارة مخصوصة ليك

    تحياتى
                   |Articles |News |مقالات |بيانات

07-14-2008, 08:05 AM

Hafiz Suliman
<aHafiz Suliman
تاريخ التسجيل: 03-26-2006
مجموع المشاركات: 147

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    زايدة حبال:

    من منكم يعرف زايدة حبال؟؟ أنا غايتو بحاول أعصر الذاكرة على قدر ما تدي.. وما تفرحوا ما حتدي كثير بس بتذكر إنها إمرأة نسَاجة أو فتَالة للحبال وكانت هي ايضا مفتولة العضلات.. تمارس نشاطها عند تقاطع شارع البوستة مع شارع الصناعات... ما بعيد من بيت ناس عزالدين هلالي..تلبس حجاب في يدها اليسرى.. ولافة الطرحة في رأسها على طريقة لف ناس اليمن للشال في الرأس.. سليطة اللسان...تسف الصعوط وتفتل الحبال ولا أجدع راجل...يقال أنو فاكه منها...

    عرفتوها؟؟؟؟؟؟
    ================

    كانت بصيره، تعالج من الرضوخ، و الفكك، و كانت ايضا تبيع بعض الادوات المنزليه الصغيره
    آخر عهدي بها انها كانت تسكن الحاج يوسف في اواخر ايامها


    حافظ عثمان
    بحري الدناقله شمال
                   |Articles |News |مقالات |بيانات

07-14-2008, 10:11 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ يحيي الف مرحب بيك .. يحيي ابن عوف سليمان ولا ابن عوف تاني؟؟؟؟


    الاخ حافظ سليمان الف مراحب: بالجنبه حافظ سليمان وفوق حافظ عثمان ... ياتو حافظ الصاح وويييييييييين في الدناقله شمال ؟.. نحن اتربينا هناك....لنا الشرف.
                   |Articles |News |مقالات |بيانات

07-14-2008, 10:27 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: كمال لك التحايا العطرة
    ولجميع الإخوة المتداخلين


    لك أطيب التحايا.. يا أخ يحي .. وفي أنتظار ذكرياتك عن بحري
                   |Articles |News |مقالات |بيانات

07-14-2008, 12:31 PM

Nizar Ateeg

تاريخ التسجيل: 07-13-2008
مجموع المشاركات: 106

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا شباب بحري
    شكرا على الدعم والترحيب

    وبالتأكيد سأكون معاكم في كل بوستات بحري
    وساعود قريبا
                   |Articles |News |مقالات |بيانات

07-14-2008, 12:38 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Nizar Ateeg)

    Quote: يا شباب بحري
    شكرا على الدعم والترحيب


    تسأهل يا أستاذ/ نزار
                   |Articles |News |مقالات |بيانات

07-14-2008, 01:07 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    الأخ سيف الدين علي الفاضل

    والله ما بتذكر اسم الكاشير

    لكن بتذكر كويس اني شربت عصير ليمون بالخلاط في قهوة هافنا.


    الأخ " حسب الأقدمية "

    الدكتور العزيز دفعتي
    بس الفرق انو انا كنت بتدرب كشبل

    وهو قاعد يتفرج ... يعني كان بيستمتع بالتابلوهات الكروية التي كنت أقدمها.

    الدكتور في الزمن الماضي كان أحسن من يشجع كورة و بوب مارلي.

    لكم جميعا تحياتي
                   |Articles |News |مقالات |بيانات

07-15-2008, 07:16 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    من ظرفاء بحري:

    بمناسبة الكوره اخي حسن طه، من اظرف الناس لاعب شمبات الشهير كابوس .

    كان كابوس يلعب جناح بفريق شمبات ومن اغرب الاشياء كان ينام اثناء المباراه وهو لاعب!!!!!!!!!!!!!! وحين تأتيه الكره تتصايح

    الجماهير: " كابوس...كابوس" فيصحي ليستلم الكره.

    كانت سائقا للتراكتور بكليات شمبات وقد اشتهر بتعليقاته الساخرة والبعيدة عن المشبه به .... حتي صار من يشبه شيئا بشيئ آخر

    دون وجود اي رابط بينهما نسميه علي الفور كابوس!!! كيف؟

    مثلا في احدي المباريات بميدان عقرب اندهش لكثرة الحضور فقال:

    " بالله عاين الناس ديل كتار كيف زي الكهرباء"

    او " مشاكل... مشاكل كتيره زي الشعيريه"

    ربنا يمنحهم اجمعين الصحة والعافية.. آمين
                   |Articles |News |مقالات |بيانات

07-15-2008, 07:32 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أولاد بحري الأوفياء
    أزيكم وكيفنكم
    تهانيناعلى هذا البوست الرائع بس بتور النفس
    يا كمال ويا طارق ميرغني .... ياه رجال من ذلك الزمن العظيم
    الواحد بالبوست ده رجع حام بحري كداري
    وأغرب حاجة اتذكرت معرض الجبهة الديمقراطية في زمنكم ببحري الثانوية
    وحفلة مدرسة الحرية أبان افتتاحها وطارق ميرغني عازف الساكس قرب يقع من المسرح..
    بالمناسبة في متابعتي للبوست في مجال الرياضة نسيتو المرحوم الفاضل دراج.
    والمرحوم كامل صالح عبد السيد المزاد- نادي الأمير.
    وفي مجال التعليم ست عيشة ضيف الله يديها طولت العمر
    والاستاذ المربي الفاضل عبد الرحمن الشيخ من شمبات أول ناظر لمدرسة الحرية.
    الاستاذ أحمد إدريس - المزاد (أحياء).
    والاستاذ سليم عثمان سليم- حلة حمد - والكشاف الأعظم في مدينة بحري.
    الاستاذ المرحوم على عبد الحميد(المزاد) مدارس الشعب.
    والمرحوم محمد سيد أبو جبل مدارس الشعب

    ويا طارق ميرغني استاذ ناجي واستاذة فوزية لهما في النفس ما تعجز عن وصفه الكلمات

    ومن الشخصيات النمطية في بحري المرحوم بكري الياس (قردنكولا).
    الواحد قدر ما يحاول يلحق البوست البوست يجري
    وكبرنا على الجري والواحد نفسو أتقطع.
    تحياتي لعبد الرازق سعيد
    نزار عتيق
    صلاح أبودية
    هيثم لبيب
    كل الشباب المتداخلين

    ياسر حامد خليفة
                   |Articles |News |مقالات |بيانات

07-15-2008, 08:06 AM

almogira alemam
<aalmogira alemam
تاريخ التسجيل: 12-27-2007
مجموع المشاركات: 714

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    فــــــــــــــــــــــــــــــــــــــــوق من اجل بحرى ((والحلفاية كمان))

    SmileyCentral.com
                   |Articles |News |مقالات |بيانات

07-15-2008, 08:21 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: almogira alemam)


    من شخصيات بحري وكان له دوره الوطني

    العم أمـــــــــــين زيــــــــــــان - يرحمه الله .
    والد زميلنا عمر امين زيدان ببحري الثانوية.

    يستحق الكتابة عنه .
                   |Articles |News |مقالات |بيانات

07-15-2008, 09:08 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الف الف الف الف الف مرحب بيك اخي ياسر والغريبه مريت علي الاسم كثيرا في المنبر ولكن لم يرد في خاطري انك انت خاصة واخيك المناضل زميلي وصديقي عوض حامد كلمني هذا الاسبوع يا لجمال الصدف ويالجمال بحري طراوه الذي بسببه كلمني الكثير من الاصدقاء والاحباء وتلقيت مكالمات من اوربا من السويد من اناس دون سابق معرفة وهكذا بحري ......طراوة وارجو دوام التواصل.

    اخي حسن طه لعلمك الاستاذ امين زيدان عمي ابن عمة والدي واستاذه في نفس الوقت بكلية غردون ... شوف مستوي الاساتذه ذاك الزمان .. امين زيدان واسماعيل الازهري استاذ الرياضيات...قمة العلم والفهم.

    عمنا امين زيدان رحمه الله كان مدير وزارة الاستعلامات والعمل زمن عبود وكما ذكرت كان استاذا بكلية غردون وقانوني ضليع ومن ابرع متحدثي اللغة الانجليزية في السودان وفي اواخر زمن نميري عهدت اليه ترجمة قوانين الدوله وعهدت اليه رئاسة اللجنة التي لا اعرف اسمها او اختصاصها الآن.....

    لهم الرحمة.
                   |Articles |News |مقالات |بيانات

07-15-2008, 09:48 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العزيز طارق ميرغني

    بحري دائماً رائعة بي ناسا

    الف مرحب بيك ويا ريت نشوفك في الدوحة عما قريب

    ياسر حامد
                   |Articles |News |مقالات |بيانات

07-15-2008, 10:02 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Yassir Hamid)

    Quote: وحفلة مدرسة الحرية أبان افتتاحها


    يا ياسر حامد سلام قلت لى مدرسة الحريه ابان افتتاحها
    اممممممممممممممممممم
    طيب هى افتتحت سنة كم
    عشان انا عندى تضريبات فى راسى ده دايره اتم حسابها!!!!!!!!
    بس انت رد على وارجانى

    سلام واشواق بلا حدود
    تذكر يا ياسر نادى البوش "اوعك تنكر حقوقى الفكريه"
    والله كانت لنا ايام
    بالله اتداعى لينا و خلى نضمك السمح يغشانا
                   |Articles |News |مقالات |بيانات

07-15-2008, 10:34 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Siham Elmugammar)

    الغالية ام غادة
    سلام مربع ليك وللجدعان
    نادي البوش تمتلكين الحقوق الفكرية في تسميتو
    كمان انتي من المؤسسين
    بس كان في محاولات نرجسية من بعض الحبيبة لتسميته نادي الغروب
    وللتوفيق بين الاسمين تمة تسميته قروب بوش
    حليل ايام زمان
    ورحلات حدود الجداد (دي حيفهموها ناس بحري القدام بس)
    والرملة الناعمة
    والشمس لحظات الغروب
    والقروب في وداعة رائعة
    أيام با بت المجمر لو عادت لانقشع الكثير من السحاب
    هل لا زالت القوادم حبلى بمثل ذلك الجيل
    لا آظن ..
    مشتهي عشرة ونسة .. وعشرة حريق .. ولو حتى وست
    سلام لأبو الجدعان مجتبى وبروضو مربع

    والحرية فتحت سنة كم؟ أسألي الحكم
    السؤال شرك ..
    الخيانة ظاهرة
    ونحن عجزنا
    والمناسبة الحفلة في الحرية كانت بمناسبة الاحتفال بأول عيد علم
    الكلام ده قبل زيارة ياسر عرفات القالها صلاح أبوديه
    ولما وقفنا صف في شارع المعونة بالسوط
    وخمسة جلدات للمابجي (أنا أجلدت)

    الزمن داك كانت الحيط مكتوب عليها باللون الأزرق نميري/ ناصر/ قذافي

    وناس طارق ميرغني في الزمن داك بكتبوا باللون الأحمر
    عاش نضال الطبقة العاملة

    الزمن داك زمن الأوبنيه وبص الفيات البعطس أتش أتش وهو ماشي
    زمن الفطور في دكان الرفاعي ربع عيشة وطحنية بتعريفة وموية جبنة

    زمن التبربونا والكرينتينا والمارشال إسماعيل والفارس بجاوري وحصانه الأصهب

    والشركات وخور الصابون ..
    والدباس والقمري.. وبسكويت كرم
    زمن حلاوة لبن ودربس الكرميلة

    زمن لبن كافوري في ركيزة الباب
    بالله يا سهام مش كبرت على العرس

    ياسر حامد




                   |Articles |News |مقالات |بيانات

07-15-2008, 01:23 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ياسر حامد مرحب بيك كثير.. وشرفت دارك.. "عوض كو" كثر خيرو تذكرنا وأتصل بينا...مؤكدا عظمة بحري وعظمة ناس بحري.. هسع عليك الله ناس عوض ديل أكان زمان شخبطوا الحيط بعبارة (بحري طراوة) مش كان أحسن من الشخطبة الماجابت (مريسة تام زينو) وغير الزرزرة .. عوض وينو أكلو الدودو... .. ما شفنا حاجة...بعدين يا ياسر أنت خلطت الكيمان... طارق أخوي ده أسألني منو لا ناضل لا شاف النضال.. نضالو عارفو انا ومحمد الحسن عبد المحمود... الناضلو ياهم ناس كو.. والجماعة الأنا وأنت عارفينهم.. طارق ده... ما كان بيهمو لو العيش غلي ولا رخص.. بس موية العيش طالما باقية على سعرها الباقي كلو هين ...

    أنا معاك تقول كان فنان.. ولا زال.. يا أخي طارق وجرب ديل بيخافوا من بتاع العتب لما يشوفوه لابس الكاكي.. كمان يدخل في مناوشات مع البوليس.. وكمان أيه.. بوليس سري على كلام زمان...

    عليك الله ما تقطع وأدي لينا عوض ده دفرة...سلامي الكثير لود موسى وقول ليهو أبقى مارق لبرة...


    تحياتي

    (عدل بواسطة Kamal Karrar on 07-15-2008, 01:27 PM)
    (عدل بواسطة Kamal Karrar on 07-15-2008, 01:31 PM)

                   |Articles |News |مقالات |بيانات

07-15-2008, 01:41 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    الأخ طارق

    ونعم العم ... اول مرة أعرف انو عمك ..... وما دام عمك انت ما ساهل وبعد دا حنغير التكتيك معاك.

    الله يرحمه

    أمين زيدان دخل اول جمعية تاسيسية في السودان عام 1956م.

    ومن هنا ابتدات علاقته بقوانين السودان الصادرة منذ عام 1998م.

    زامل عظماء السودان آنذاك الأزهري ومحمد احمد محجوب وزروق وغيرهم
    .
    تشرفت بالعمل معه في لجنة مراجعة واصلاح القوانين

    كان امين اللجنة وكان اسما علي مسمي.

    في تلك الفترة كانت لي معه علاقة مميزة

    علاقة اب وصديق وابن.

    شخصية لا تمل الحديث معه.
    تجلس معه تلم بتفاصيل تاريخ السودان .

    بعد العمل كنا نركب التاكسي سويا لبحري.

    رجال عظام يا طارق قل ان يجود بمثلهم الزمان.

    رحمه الله رخمة واسعة واجزاه خيرا لما قدم لوطنه وبني وطنه.

    والتحية لابنه عمر اين ما كان.
                   |Articles |News |مقالات |بيانات

07-16-2008, 08:55 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العزيز كمال كرار
    تحياتي وتحيات جدو ودموسى
    انا عارف جماعة شخبطة الحيط ناس كو وصديق وعزيز..
    لكن بيني وبينك نضال طارق ميرغني في عدم زيادة موية العيش كان الأفيد
    وبالجد لو استغلوا مسألة الكتابة دي كويس كان ضروبو بحري كلها جير أحمر
    كان اسمها بدل بحري حلة حمر
    أما أخونا صلاح جرب لا زال جالساً على الكرسي في ناصية بيتهم
    أنا لو عايز أوصف لي زول بيت في المزاد شمال بقول ليهو قبل أخر محطة بأربعة شوارع
    في كرسي على الناصية قاعد فيهو شخص أسمو صلاح أسأله هو حيدلك

    تحياتي لذلك الجيل الرائع خاضوا النضال في الزمن الصعب
    تعرف يا كمال انا طولت طول شديد من محمد الحسن عبدالمحمود له التحية

    أما صحبك الشاب ود موسى (على وزن الشاب خالد) بعد ما بقى جد اعتكف في البيت ما بطلع إلا يوم الخميس المساء بستحم بموية العيش ويوم الجمعة الصباح أم فتفت ما بتحلو

    زوجة ود موسى بتجي الدوحة كل شهر رمضان واحد صاحبنا قاليها دي المدام ولا كروتة حلومر
    يدك العافية يا كمال وبرضو ليك دعوة مفتوحة لزيارة الدوحة
    ياسر حامد
                   |Articles |News |مقالات |بيانات

07-16-2008, 09:21 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Yassir Hamid)

    [B]الأخ ياسر حامد

    انت برضو من ناس الدوحة .

    طيب لا ود موسي قال ولا اتشرفنا بمعرفتك.

    جدو مقصر

    بس جدو دا بالله شوية عليه فيه المكفيه

    ونحن الجدود ديل بنحترمن شديد

    ونمن نتقابل اقول ليك.

    بس انت اسال طارق ميرغني سنة 38 كنت بتعمل شنو في حلة كوكو!!
    او اسال ود موسي تجد عنده الخبر اليقين.

    ودمت
                   |Articles |News |مقالات |بيانات

07-16-2008, 11:18 AM

Amgad Karrar

تاريخ التسجيل: 07-03-2008
مجموع المشاركات: 33

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اخي اسعد الريفي البلوستارز كانت من اوائل فرق الجاز ببحري ولفتره اشتغل معهم بدر الدين عوض ولكن فرقة اضواء بحري سبقتها وجاءت فيما بعد فرقة الافارقه ناس فاروق. والاخ عمر قيلي كان استقر من بدري في كينيا امافتحي بتاع الدرمز فموجود في بحري.


    الاخ طارق...لك التحايا...موسوعه بحراوية متحركه...

    البلوستار..من اشهر فرق الجاز فى السودان عزفت مع فنان الرقى الشهير( جيم كليف) فى الثمانينات عند زيارته للسودان...من افراد الفرقة برضو ابن بحرى عاصم زين...

    كنا والشلة (سيف لبيب/ياسر رضى/أسامة شبين/ محمد مرغنى/علاء الواثق/الفاتح محمد صالح) نتابع حفلاتهم على مدار الاسبوع فى ارجاء العاصمة المثلثة.

    فرقة ديفد قروب...ممكن طارق يلقى الضو على افراد الفرقة...واظنها اتكونت بعد فرقة البلوستلر.

    طبعا سيارة الخالة جليلة(الهيلمن 60) والدة اخونا علاء (رحمة الله عليهما), كانت اشهر من نار على علم فى جميع الحفلات.


    وبالمناسبة ياطارق كان عندنا فرقة فى الاسكندرية مكونا من أبناء بحرى امثال يوسف زكريا (ملس) رحمة الله علية, وعوض عازف الدرمز العبقرى (على ماعتقد هاجر لامريكا), ومدير الفرقة عادل بيز.
                   |Articles |News |مقالات |بيانات

07-16-2008, 06:56 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: العزيز كمال كرار
    تحياتي وتحيات جدو ودموسى


    الأخ العزيز/ ياسر حامد

    يا أخي مرحب بيك ألف مرة .. وبالله بلغ جدو سلامي.. قول ليهو خلي موية العيش ولاّ بنشوف ليك عقد بيجاي..

    Quote: انا عارف جماعة شخبطة الحيط ناس كو وصديق وعزيز..


    يا اخي والله مفتقد كل الأحبة وخاصة صديقي العزيز جدا عزيز أحمد كامل.. ومن هنا برسل ليهو تحية بحراوية..
    Quote:
    أنا لو عايز أوصف لي زول بيت في المزاد شمال بقول ليهو قبل أخر محطة بأربعة شوارع
    في كرسي على الناصية قاعد فيهو شخص أسمو صلاح أسأله هو حيدلك



    دي بالغت فيها ... تعرف مشكلة جرب توقف به الزمن حيث حدود الكرسي

    وأخيرا يا أبوعمار... دعوتك مقبولة.. وربنا يديك العافية
    --------------------
    وبحري طراوة
                   |Articles |News |مقالات |بيانات

07-17-2008, 05:48 AM

معاوية محمد الحسن
<aمعاوية محمد الحسن
تاريخ التسجيل: 03-22-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: والحرية فتحت سنة كم؟ أسألي الحكم
    السؤال شرك


    ياسر حامد
    كيفك ياخي وحمداللة على السلامة تاني
    بت المجمر عاوزة تورطك ولاشنو
    انا مامتذكر السنة لكن متذكر كنا فى المزاد الابتدائية وجاء الاستاذ قال اى واحد ساكن بعد شارع الكبري يطلع برة عشان حننقلوا للحرية ووقفوا ناس كتار منهم عبود كلم وعبد السلام لكن صاحبك يانكو ماطلع ماعارفو يكون مافهم كلام الاستاذ ولاشنو ياياسر ؟
    غايتو انا ماشى عليه بكرة وبسالوا السؤال ده
    ياسلام عليك ياخي ذكرتنا الزمن الجميل زمن لبن كافوري يخدوه فى الحيطة ومافى يد تتمد ليهو

    سهام المجمر كلمي محمدالمجمر وسماح يحضروا لينا الكوارع نحن جايين بكرة لكن محمد حيكون مشغول بكورة الهلال طبعاَ
                   |Articles |News |مقالات |بيانات

07-17-2008, 05:43 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    آسف لم اطل بالامس لوعكة طارئه.

    العزيز ياسر حامد: كتر خيرك علي الدعوه والنيه موجوده خاصة في وجود الاعزاء ود موسي ،حسن طه،محمد سني، عوض وياسر حامد وابناء عمتي عثمان تميم وكمال ومنصور احمد عبد الرحيم وابناء احمد رستم وغيرهم.

    بعدين من ناحية كتابة الحيط اخوك عوض لم يترك لنا حيطه ملساء الا وسبق كل البشر عليها وكان من السهوله لرجال الامن بمكان معرفة الكاتب لان الاخ عوض قصير القامة فكل كتاباته كانت قريبه من السفلي!!!!!!ربنا يديهم العافيه وصديقي عزيز احمد كامل.

    بعدين شنوقصة ود موسي ما بيطلع الا يوم الخميس دي؟؟ منو المانعو؟؟انا عارفو راجل دنقلاوي حمش !!! بعدين حضور المدام في رمضان دي ليها العديد من المعاني:

    1- حتي التأكد من صومه كل الشهر.

    2- المتهم كان مثل الحلفاوي عند سؤاله ،يعتقد ان رمضان كان ممكن يكون زي كأس العالم ،،، كل اربعة سنين مره واحده.

    3-الشياطين يتم تقييدهم في رمضان وبالتالي ستضمن زوجته ان كل الشهر سوف لن يغادر المنزل.

    اخي كمال السر : النضال بي زمنو وحليل النضال..... خليناهو للجماعه!!!

    اخي العزيز حسن طه والله كما ذكرت المتعة الحقيقية عندما تستمع للاستاذ امين زيدان . سلاسة في الكلام وترتيب وطريقة... دراما حقيقيه
    رجل لن يتكرر ومهما قلت سوف لن اعطيه حقه وكما قال يا ليت اهلي يعلمون؟

    اخي امجد كرار .. تصدق لم اتذكر ديفيد قروب رغم قربي في ذلك الزمان من تلك الفرق وعرض علي حينها الاخ فاروق للعمل مع فرقة الافارقة
    لو تذكرها.لو تذكرت بالله كلمنا . لكن انا كنت بافتكر انك لم تحضر هذه الفرق بحكم العمر لكن خلي بالك انت حجيري زي ابن عمك؟؟؟
                   |Articles |News |مقالات |بيانات

07-17-2008, 06:07 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ازيكم ياناس بحرى ....كمال وطارق وابوعبيده
    وابراهيم وامجد وهيثم وكل ناس بحرى الحلوين ...
    نفسى مكتوم من يوم فارقت بحرى وناسها وطراوتها وبوستها .....
    اولا جينا نحى دخول عم وليداتى نزار عتيق ....ونشم حبة هواء نقى ...
    وتانيا نسجل حضور ....





    وتالتا ....بجيكم بعدين ان مد الله فى الاعمار .....
                   |Articles |News |مقالات |بيانات

07-17-2008, 06:14 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وينك يا ناهد والله زمن من قلمك وكيف الوالده ....طبعا لقت الشمارات الحقيقيه والمباشره ملها ومال النت .. وكيف المهندس وصديقي ياسر تحياتي لهم ويلا ورينا ايه اخبار البلد.؟؟
                   |Articles |News |مقالات |بيانات

07-17-2008, 06:26 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: وينك يا ناهد والله زمن من قلمك


    طبعا ظروف حالت دون دخولى المنبر ....
    لكن خلاص جيناكم ياناس بحرى اها انتوا واقفين وين...




    ولا ابدا من حيث انتهى الاخرون ....


    Quote: وكيف الوالده ...
    .


    بتسلم عليكم .....قالت دايرة باسورد.... وقالت ذنبها شنو ...مربوطة بى انا
    ان غبت ...هى تغيب...
    جيب اضانك ...(الحجة مدكنة معلومات ....حلفت الا الباسورد يجيها... حتى تفتها ليكم)



    Quote: ويلا ورينا ايه اخبار البلد.؟؟


    لسة ماوصلت ....مازلت فى الطريق للسودان.....
    ياسر كويس ...وحااشوفه فى دبى الاسبوع الجاى باذن الله ...
    هشام بيغريك التحايا ......
                   |Articles |News |مقالات |بيانات

07-17-2008, 06:28 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاعزاء الأساتذة: كمال كرار / طارق ميرغني / حسن طه
    شكرا على تعليقاتكم وردوكم

    مدينةبحري بها العديد من الأسواق ارتبطت اساميها بي أسماء بعض الاشخاص أو الاحداث
    ذي سوق العيش أو كما يحلو لناس بحري العياشة
    سوق النسوان
    سوق الخضار
    زنكي اللحمة
    سوق الزنكي أو سعد قشرة
    وسعد قشرة هو عمنا اليماني الأصل والسوداني الجنسية صاحب الدكان الناصية غرب سوق سعد قشرة
    وسبق أن تم تسميته سوق الزنكي نسبة لان دكاكينو كانت كلها من الزنك
    السوق المركزي في شمبات
    وسوق الحرامية ودي بيبعو فيه.........
    الاسواق الصغيرة
    وسوق المزاد
    سوق الشعبية
    سوق الميرغنية
    سوق الختمية
    سوق حلة الدناقلة
    سوق الصافية
    سوق شمبات

    ومن اشهر محطات البصات (للجيل الجديد)
    المحطة الوسطى
    البوستة
    الكنيسة
    الكنبات (حلة خوجلي)
    آخر محطة
    موقف شمبات والحلفايا
    المؤسسة
    اللالوبا(طارق ميرغني لي اللالوبا تاريخ اتمنى انك تكون عارفو)
    ...
    ...

    بعدين الشوارع
    شارع الميرغني (شارع شمبات)
    شارع المعونة (نسبة لارتباطه بالمعونة الأمريكية).
    شارع الضواحي
    شارع الصناعات
    شارع المزاد (في أولو اسمو شارع البوستة).
    شارع الملجأ (الديوم).
    شارع السوق
    شارع الكبري
    ....
    ....
    ...
    لكن اشهر شارع في بحري هو شارع الزلط
    ياسر حامد
                   |Articles |News |مقالات |بيانات

07-17-2008, 06:49 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العزيز معاوية محمد الحسن
    ود المزاد الاصيل
    اول هام ربنا يكتب سلامتك والأسرة وامنياتنا بإجازة سعيدة
    ثاني هام مش لو الهلال لاعب ... الكوارع جاهزة جاهزة أكيد أكيد .. محمد صحبي وبعرفو كويس
    بعدين أخونا يانكو فهم الموضوع بعد الحصة الخامسة
    لانو فضل في المزاد لحدي ما مشى الوسطى ولا المتوسط أظن زمن يانكو كان اسمها ما بعد الكتّاب
    وبالمناسبة نحن أول دفعة في مدرسة الحرية درست من أولى ابتدائي
    أول ناس قعدوا فيها 6 سنوات
    ناس عبود كلم وعبد السلام قدامنا
    أنا دفعتي صلاح كلم
    وأحسب


    ياسر حامد
                   |Articles |News |مقالات |بيانات

07-17-2008, 06:53 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخت ناهد بشير الطيب
    حباب عودتكم عشرة وعشرين
    واثني طلبك بأن الوالدة تأخذ باسورد
    أها يا ناس بحري همتكم معاناالطلب اتقدم من ناهد وانا بثني
    بس بوصيك يا ناهد عم أولاد ده عايزنو يكتب
    والله نزار عتيق قلم لا يشق له غبار
    بس كسلان ...
    نحرش ليهو شادي ولا رأيك شنو

    ياسر حامد
                   |Articles |News |مقالات |بيانات

07-18-2008, 12:39 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Yassir Hamid)

    Quote: حباب عودتكم عشرة وعشرين



    الاخ ياسر حامد

    سلامات ياخى وحبابك الف ....
    عجبنى كلامك بتاع زمان واللبن البيختوه فى الحيطه
    والدنيا كانت بالف خير .....بالجد سردك جميل بالله خليك فى الحته دى
    ذكرنا بس ....وتكفى على قول الخليجين ......



    Quote:
    بس بوصيك يا ناهد عم أولاد ده عايزنو يكتب
    والله نزار عتيق قلم لا يشق له غبار
    بس كسلان ...



    طبعا لازم عاد نزار يقوم باللازم واكيد مابقصر .....
    وبدون توصية اكيد هو ماحيخلينا ...ويخلى بوست الطراوة ده ...


    Quote: ...
    نحرش ليهو شادي ولا رأيك شنو


    اذا نزار كسل ...فلامفر من شادى .....




    كن بخير ياياسر
                   |Articles |News |مقالات |بيانات

07-17-2008, 07:35 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: لسة ماوصلت ....مازلت فى الطريق للسودان.....


    أختي ناهد.. سلامات والحمد لله على الطلة...

    أنت لسه ما وصلتي السودان؟؟؟ أظنك ماشة بدرب الأربعين
                   |Articles |News |مقالات |بيانات

07-18-2008, 12:49 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: أنت لسه ما وصلتي السودان؟؟؟
    Quote: أظنك ماشة بدرب الأربعين



    كمال



    لسسسسسسسسسسسسسسة ......دى لفة طويلة .....واحلى حاجة انى حااقابل نزار عتيق
    من 17 سنة ......والسودان قرررررررربت ليه.....


    Quote: أظنك ماشة بدرب الأربعين


    درب الاربعين ده بيوصلنى فى امانة الله .....
    لكن السودانية دى مامضمونة .....:no
    :
                   |Articles |News |مقالات |بيانات

07-17-2008, 07:43 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: [اخي كمال السر : النضال بي زمنو وحليل النضال..... خليناهو للجماعه!!!


    طارق الليلةأنا ماشي البحرين...أيه رأيك تجي تناضل معاي

    طبعا أنا مش بتاع ناضل ولا حاجة... لكن زهجت من الوحدة.. أمشي أتمشى شوية وأرجع الجمعة.. بحاول اشيل معاي اللاب توب عسى ولعل أقدر ألاقي وقد وأشم شوية طراوة من بحري... يا كافي البلاء ما في واحد بحرواي موجود في البحرين نتغدى معاه بكره..

    طبعا يا ود موسى (لما يستوى الجسر بين قطر والبحرين).. بجيك أشوف قصة كرتونة الآبري دي من شنو؟؟:
                   |Articles |News |مقالات |بيانات

07-17-2008, 07:53 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: أها يا ناس بحري همتكم معاناالطلب اتقدم من ناهد وانا بثني


    [B]وأنا (بثلث) يا ياسر.. معا من أجل الحاجة ام ناهد..من أجل توثيق أوثق..وطراوة أشد..
                   |Articles |News |مقالات |بيانات

07-18-2008, 12:55 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وأنا (بثلث) يا ياسر..


    وانا بخمس معاها السرير ...
    ومحاولة لاخذ المعلومات والذكريات منها .....ووعدت خير
    فانتظرونا هنا قريبا وحصريا... على بوست الطراوة ده ...
                   |Articles |News |مقالات |بيانات

07-19-2008, 08:54 AM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    وانا بخمس معاها السرير ...
    ومحاولة لاخذ المعلومات والذكريات منها .....ووعدت خير
    فانتظرونا هنا قريبا وحصريا... على بوست الطراوة ده ...


    ونحن منتظرين يا قريبتي

    ولينا زمن نفتش ليك يا
    أستاذة ناهد

    وربنا يوصلك السودان بالسلامة

    وتحياتي للوالدة

    وبحري طراوة
                   |Articles |News |مقالات |بيانات

07-17-2008, 08:28 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ طارق ميرغني

    حمد لله على سلامتك وإن شاء الله ما تشوف شر ، الغريب إنو الإعياء ظاهر حتى في صورة البروفايل الحاصل شنو .. وكفارة بأثر رجعي لسقوطك المفاجيء في مسرح مدرستنا الجميلة الحرية طبعاً أنا وياسر حامد الوقت داك لسة ما أتولدنا لكن بنشكرك على المشاركة .
    حضورك في حفل الإفتتاح ربما يؤكد أنك دفعة الناظر عبد الرحمن الشيخ ربنا يديكم الصحة والعافية ..

    إبن المزاد الرائع/ ياسر حامد
    ترحيب حار جداً بظهورك الأنيق بيننا ، ونحن بالجد محظوظين بوجودك أنت والأخ نزار عتيق مرة واحدة وبوجودكم في هذا البوست سوف يزداد ألقاًً وجمالاً ، صلاح كُلم الدفعة التي تسبقنا بسنة وما تكبّرنا علشان طارق ما يلاقها فرصة ويقول ليك أنا متذكرك من حفل الإفتتاح .

    الأخ/ معاوية محمد الحسن
    تمشي وتجي بالسلامة بمشيئة الله تعالى وأتمنى ليك من جوة قلبي أكلة كـوارع هنية تاكل كوارعك وراها .


    ولكم تحياتي
                   |Articles |News |مقالات |بيانات

07-17-2008, 09:23 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    عبد الرازق سعيد

    الرجل الجميل .. شكراً لمدينة بحري التي أطربتنابطراوتك
    وشكراً لطلتك البهية يا زول يا راقي
    ولا زلت كما عهدناك عبد الرازق الرائع الانيق
    لك مليون تحية وعبرك لناس بحري كافة وللدفعة خاصة برضو مليون تحية
    واتمنى التواصل عبر هذه المساحة الاسيفيرية
    حتى نتلاقى (وش بي وش).
    شكراً مرة ثانية

    ياسر حامد
                   |Articles |News |مقالات |بيانات

07-17-2008, 09:35 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وسعد قشرة هو عمنا اليماني الأصل والسوداني الجنسية صاحب الدكان الناصية غرب سوق سعد قشرة
    ]


    يا ياسر طبعا زي ما عارف أنو أخونا (علي سعد قشرة) دفعتنا وصديقناولو متذكر إظنه كان في نفس فصل ناس عوض كو.. قابلتو زمان في السعودية وعمل لي فيها يماني.. لأنو اليمانية كانوا أصحاب حظوة هنا.. بس بعد داك ما شفتو.. لكن الراجل سوداني على السكين على الأقل قبل أن يهاجر للسعودية..

    تحياتنا له أينما كان
                   |Articles |News |مقالات |بيانات

07-17-2008, 10:36 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العزيز كمال كرار
    لك الود والتحايا العطرة
    بتذكر أخونا على سعد قشرة
    وبالمناسبة تربطه صلة قرابة بالرائع والمبدع ناجي القدسي
    وكذلك بي نسيبو السوداني اليماني حسين احمد حسين وهو متزوج اخت على
    وحسين أحمد حسين
    وعلى أحمد حسين
    وحسان أحمد حسين
    أبناء عم على سعد
    وهم الآن في السعودية أيضاً
    وعندما ازدهرت بقالة سعد قشرة في بداية الثمانينيات كانت تحت إدارة حسين أحمد حسين
    وأصبحت سوبر ماركت سعد قشرة
    وعائلة أحمد حسين
    سكنت الختمية ثم المزاد ثم كرش الفيل
    وكان لهم دكان على ناصية شارع بيتنا
    ولديهم عربة تايوتا بيك أب بي صندوق ركاب
    كانت شغالة المزاد الخرطوم أذكر كان مكتوب فيها بالداخل
    يا أبو جمال زينة والزمن دولاب يا خشب

    ياناس بحري راجين طراوة الحاجة أم ناهد الكزو بكري أبو بكر معنا

    ياسر حامد

    (عدل بواسطة Yassir Hamid on 07-17-2008, 10:44 AM)

                   |Articles |News |مقالات |بيانات

07-17-2008, 11:10 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخت ناهد انا باربع طلب الحاجه لباسوورد بس لمن تكون جاهزه قولي لينا عووووووووووق!!

    وانتو ماشين بطريق عطبره ولا بالطريق الشاقي الترام اصلو....لسه ما وصلتو.بالسلامه ان شاء الله.



    Quote: وأغرب حاجة اتذكرت معرض الجبهة الديمقراطية في زمنكم ببحري الثانوية
    وحفلة مدرسة الحرية أبان افتتاحها وطارق ميرغني عازف الساكس قرب يقع من المسرح..


    اخي ياسر بالله حكاية الوقعه القربت دي والله ما متذكرها ارجو مزيد من الايضاحات ولو فيها مقص رقيب وكده ممكن علي الماسنجر لانو انا عارف في ناس لابدين لي!!

    طبعا اللالوبه لها تاريخ عريق ونحن صغار كانت هنالك امرأة شايقيه صعبه جدا (وضكريه) حتي الآن لا نعرف اسمها الحقيقي لكنها كانت تدعي التركمانيه وحسب الروايه انها كانت متزوجه من تركي وكانت تسكن في البيت مقابل الشجرة مباشرة ويقال ان زوجها التركي هو الذي زرع الشجره لذا كانت ترعاها وتمنع اي شافع يلعب تحت ظلها وكنا نعتقد ان هذه الشجره ملكها وكانت حينذاك العرب المستعربه تنزل بضاعتها من الجمال حيث تنوخ هناك وتستريح وتفرغ حمولتها من الحطب والطلح والشاف لبيعها كذلك يأتي بائعي الجاز بالحصان والبرميل الخلفي لبيع الكيروسين كذلك كان ياتي بعض حلاقي" لوتسمح ظروفك" الذين يغشون الانادي لحلاقة الرءوس (المرتاحه)ما زي راحتكم يا ناهد!!!
    الحاجة تركمانيه توفيت في السبعينيات وتهاوت اللالوبة بعد وفاتها وربما لعبت الحيكومه دورا في ذلك .

    اما محطة الكنبات هذه لا يتذكرها الا رجل ديناصوري وهي كانت تقع في شارع شمبات من جهة الدناقله مواجهه حلة خوجلي .

    اما سعد قشره فهو يماني استقر به المقام وتزوج سودانيه بيضاء قابلتها مؤخرا في زياره الي ابنها وزميلنا علي سعد قشره بمدينة الجبيل حيث يقيم هو واسرته.

    كمال السر والله كان يكون عندك ذوق وتكلمني قبل وقت كافي عشان اوريك النضال علي اصولو والذي يشمل الاسلحة ذات الدمار الشامل كمان.

    بعدين نضال شنو البيشيلو ليهو لاب توب وهواء بحري ووووو.... ياخي شوف نضالك وخلينا بلاش فقر معاك!!!!!
                   |Articles |News |مقالات |بيانات

07-17-2008, 11:31 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    بحرى طراوة...

    سلام يا دفعة ...

    الأخ / ياسر حامد

    والله القفة مليانة ... أتحفنا بالله بالذكريات الطيبة

    وبمناسبة الشوارع ..

    أين شارع 51
                   |Articles |News |مقالات |بيانات

07-18-2008, 01:02 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: وانتو ماشين بطريق عطبره ولا بالطريق الشاقي الترام اصلو....لسه ما وصلتو.بالسلامه ان شاء الله.




    طارق


    بس كدى اصل بالسلامة .....
    ماشه اصور ليكم كل حتة فى بحرى ....
    بمسكها من الكبرى .....والى ماشاءالله
    قول بس الله يسهلها
    ....
                   |Articles |News |مقالات |بيانات

07-17-2008, 11:16 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: حضورك في حفل الإفتتاح ربما يؤكد أنك دفعة الناظر عبد الرحمن الشيخ ربنا يديكم الصحة والعافية ..


    والله يا ابو رزقه اذكر جيدا الناظر عبد الرحمن الشيخ ولكن لا ادري اين هو الآن؟؟؟؟

    هذه المدرسة كانت من انشط المدارس بالسودان ودرس فيها-بتشديد الدال- من اهلنا فوزيه كروم وزوجها ناجي يحيي عبد القادر ومؤخرا نسيبي الاستاذ محمد عباس.. الف تحيه لهم اجمعين

    نحن يا ابو رزقه قدام ما بندسها شوف الجماعه القاعدين بره ديلك.....
                   |Articles |News |مقالات |بيانات

07-17-2008, 01:47 PM

Nizar Ateeg

تاريخ التسجيل: 07-13-2008
مجموع المشاركات: 106

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    التذكار والكوكب بكره
    طيب وبكرة
    تعاااال بكرة
    هذا حوار/نداء يعرفه مرتادي ميدان عقرب حيث مباريات الليق
    في الثمانينات
    يأتي العم احمد بائع التسالي الاسمر الشهير ببحري من الركن الجنوبي الغربي
    للملعب قائدا دراجته الرالي السوداء الشهيرة (والتي يقودها بنصف بدال
    لاعاقة بساقه). ينتظر الجميع قدومه، لسبب ما كان يعلم ببرنامج المباريات
    فيبدأ بندائه الشهير، ويدور الحوار اعلاه، يقوم ببيع كل ما معه قبل ان
    يكمل دورة واحدة حول الملعب. ينطلق بعد ذلك لتجده مساءا محتلا مكانه عنداشارة
    المرور بتقاطع شارعي المعونة و كوبري شمبات، وحين فراغه يتماهى في مساءات المدينة البهيجة
    آنذااااااك!!!!

    ياسر حامد:
    ليك وحشة وحمدا لله على السلامة

    ناهد بشير
    ازيك وشكرا على الترحيب، سنين طويلة مرت، سلامي لهشام(الذي آمل ان تستدرحيه في الحكي
    وتكتبي لنا بالنيابة عنه فهو لن يكتب) والشباب.

    اكرم كرار
    كان يمكن ان اراهن بعمري لو ان شخصا طلب مني ذلك، بانني ساقرأ اسماء
    ياسر رضا، سيف لبيب، محمد ميرغني، اسامة شبين والمرحوم علاء لان ما يجمع هذا
    الرهط بالتأكيد لا يحكى في المنابر العامة، على كل "راحت عليك" وخسرت رهانا مضمونا.
    بالتاكيد التقينا قبلا لان منزل خالى المرحوم رضا محمد عثمان كان ذا حضور دائم في مشهد
    ايامي ذاك الزمان، تحايا وسلام.
                   |Articles |News |مقالات |بيانات

07-18-2008, 12:13 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Nizar Ateeg)

    Quote: ناهد بشير
    ازيك وشكرا على الترحيب، سنين طويلة مرت، سلامي لهشام(الذي آمل ان تستدرحيه في الحكي
    وتكتبي لنا بالنيابة عنه فهو لن يكتب) والشباب.




    الاخ ود العم محجوب عتيق

    الف مبروك الباسورد ودخولك مع الاخوان فى وقت احوج فيه بوست بحرى لشخص مثلك
    عاش وتربى وترعرع فى ربوع بحرى .......البركة فيكم فى كل الاموات ومبروك لكل
    العرسوا واتخطبوا ...وكمان مبروك لكل مواليد العيلة الجدد ....
    هشام بخير ويبلغك التحايا ....وكلها كم يوم وحنشوفك عند ناس طارق رضا باذن الله
    وهشام سعيد جدا بهذا اللقاء ....بعد طول هذه السنين ....
    لك كل التقدير واهلا بيك مرة تانية ....وسلامى بالله لاولادك ...
                   |Articles |News |مقالات |بيانات

07-17-2008, 02:04 PM

Haitham Labib

تاريخ التسجيل: 12-27-2007
مجموع المشاركات: 386

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    سلام ياناس ياراقية...

    صلاح أبو دية

    Quote: أين شارع 51


    ده في المزاد جنوب أول شارع بعد الشارع البيفصل بين الديوم والمزاد ..

    اها أنا بسأل أين شارع فرنسا ...

    معاوية غايتو لو أملت في عزام يكون فاضي ليك يوم كورة الهلال ماتسمع كلام ياسر ده الكوارع بتلقاها لكن عزام مابتلقاهو ..
    حمد لله على السلامة أختنا ناهد .. والف لابأس عليك ياطارق .. ياسر حامد ياراجل ياطيب مشتاقون .. علي سعد مازال مستقراً في الجبيل الصناعية قابلته مع أبن اخته قبل أسبوعين تقريباً ..

    (عدل بواسطة Haitham Labib on 07-17-2008, 02:06 PM)
    (عدل بواسطة Haitham Labib on 07-17-2008, 02:11 PM)

                   |Articles |News |مقالات |بيانات

07-17-2008, 04:36 PM

كمال ادريس
<aكمال ادريس
تاريخ التسجيل: 02-14-2008
مجموع المشاركات: 3125

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ناس بحري سلام دافي بدفئ الالفة التي تملأ المكان.... البوست عاجبني جدا من زمان خاصة كوني احد المؤلفة قلوبهم في بحري فسكنى في عمارة داخلية البنات "سابقا" بجوار ستيلا حاليا وبقالة" لوسي" سابقا، ويبدو ان المقام طاب لنا فغزينا الوتد في شمبات مرتع الحبان.
                   |Articles |News |مقالات |بيانات

07-17-2008, 10:16 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: كمال ادريس)

    أستاذ/ كمال أدريس

    مرحب بيك كثير وتعال لينا صادي.. شمبات سمح مقيلا..
                   |Articles |News |مقالات |بيانات

07-17-2008, 06:14 PM

Hafiz Suliman
<aHafiz Suliman
تاريخ التسجيل: 03-26-2006
مجموع المشاركات: 147

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ طارق ميرغني

    حافظ سليمان دي لزوم الامريكان، لكن الاسم بالكامل حافظ عثمان محمد سليمان
    انا من بحري الدناقله شمال، حله الصربنديه، شارع الضواحي
    صف البيوت من بيت عباس الهندي، طه حسين او نادر طه،حسن ابو علي، حاج يوسف، و بدوي محمد سلطان
    لحدي بيتنا

    الوصف وقع ليك
    وللا ازيد

    حافظ
                   |Articles |News |مقالات |بيانات

07-17-2008, 10:03 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)

    Quote: انا من بحري الدناقله شمال، حله الصربنديه، شارع الضواحي
    صف البيوت من بيت عباس الهندي،


    أستاذ/ حافظ أنت من عندنا تب.. بالمناسبة دي يا أخي (عباس الهندي) كان عندو إبن إسمه (محمد) عندك فكرة وين هذه الشخصية.. أصلا درس معانا في الدناقلة شمال الأبتدائية.. أناطلعت ديناصور معليش .. كلنا إلى دنصرة..

    بعدين هسع يجيك طارق.. لأنك وقعت ليهو في طرفه بوصفك ده وهو ما بعيد من بيت أولاد خالته ناس كمال سعيد والدكتور عصام سعيد.... وأعتقد الركن الشمالي الغربي من وصفك ده بيت المرحوم/ أيوب فارس فنان بحري.. ولا أنا أوف بوينت..
                   |Articles |News |مقالات |بيانات

07-19-2008, 09:25 PM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)

    Quote: حافظ سليمان دي لزوم الامريكان، لكن الاسم بالكامل حافظ عثمان محمد سليمان
    انا من بحري الدناقله شمال، حله الصربنديه، شارع الضواحي
    صف البيوت من بيت عباس الهندي، طه حسين او نادر طه،حسن ابو علي، حاج يوسف، و بدوي محمد سلطان
    لحدي بيتنا

    الوصف وقع ليك
    وللا ازيد

    حافظ


    يا حافظ
    إنت حافظ الفيلسوف بتاع الاميرية 2
    ذاااااااتو
    ياخي راجع البروفايل حقي ووريني ردك ؟؟؟؟؟
    وبالله بي سرعة جدا لأنو
    دي حكاية عجيبة والله
                   |Articles |News |مقالات |بيانات

07-17-2008, 09:33 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العزيز طارق ميرغني
    لك الود
    وقعت مدرسة الحرية بريئة جداً السبب كان المسرح كعب والأرضية كانت محفرة عشان كده الكنب كان ما ثابت
    واعتقد من عد المسرح كان فتح الباري ومعاه صلاح حمد والسر قسم الله، واللوم عليهم وعلى الكنب..
    لكن بتذكر بعد الحفلة مشيتو وين ّّّّ!!!!

    استاذ ناجي وست فوزية من اعظم الاستاذة الذين مروا على مدرسة الحرية، كذلك المربي الجليل عبد الرحمن الشيخ، كان يسكن شمبات الحلة.
    مرة على مدرسة الحرية اساتذة أجلاء أذكر منهم عبد الله قنبور واستاذ عباس وكان يسكن في المزاد غرب المدرسة جوار منزل الحريف عبده الشيخ، وكذلك جوار ثلاثة بيوت (ناس سلكة).
    مدرسة الحرية في السابق كانت الفحامة (محل بيع الفحم) وبنيت بالعون الذاتي وبتذكر أبناء المزاد يحملون المونة والطوب أيام الجمعة وأمهاتنا يعددن الطعام (الفتة) في الصقيعة والحر..

    ياسر حامد
                   |Articles |News |مقالات |بيانات

07-17-2008, 09:46 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: اما سعد قشره فهو يماني استقر به المقام وتزوج سودانيه بيضاء


    طارق من البحرين ..سلام...

    الساعة أثناعشر وأربعون دقيقة... قلنا نأخذ لينا شوية طراوة أصلو رطوبة البحرين طبختنا طبخ البليلة...في حلة البرستو ول
    ولقينا ماشاء الله بحري محروسة بعناية أهلها...

    Quote: كمال السر والله كان يكون عندك ذوق وتكلمني قبل وقت كافي عشان اوريك النضال علي اصولو والذي يشمل الاسلحة ذات الدمار الشامل كمان.



    يا خوي ده نضال حنكوشي ساكت ما عندك ليهو شعر.. تدق سلف وعلى جسر الملك فهد وساعة زمان وأنت داخل المنامة..كدي مرة أخذ الأذن وتعال لي بجاي.. خلينا نمشي...

    (عدل بواسطة Kamal Karrar on 07-17-2008, 09:56 PM)

                   |Articles |News |مقالات |بيانات

07-17-2008, 09:48 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العزيز صلاح محمد صلاح

    يا زول يا سمح من الزمن السمح
    تعرف لما جبت سيرة شارع 51 طوالي اتذكرت شارع المدارس وبقالة نعمة وتلك المساسقة
    ما بعرف فجأة تلب في رأسي عاطف أديدس وإيهاب محمد محجوب بتشطفوا في الماسورة جنب ثالثة غرب
    والأنيق خوجلي عبد الجبار واقف منتظر الدور
    تتخيل بعد كل هذه السنين اقابل عادل النور في مقهى في الدوحة ... وهو جاي ترانزيت راجع السودان
    والله يا صلاح من دون مقدمات سلمت عليهو يا عادل النور ود شمبات الكان معانا في الأميرية قاعد جنب سيف عمر بابكر لما اتخلع قال يازول انت منو
    شارع 51 يا صلاح زمن البارتيات ولف الشعر وسماع بوب مارلي ورقيص الرقي لنا فيه ذكريات لا تنسى بس ونسة ذي دي عايزة الماسنجر أو التلفون اصلو خائف من المحاسبة .. بعدين يحاكمونا بأثر رجعي ..

    ياحبيب عندكم جاركم في البيت القصادكم كان على ما اعتقد شغال في وزارة المالية البيت الفيهو دكان صلاح وين الشخصية دي ..

    سلام يا كابوي
    ياسر حامد

    (عدل بواسطة Yassir Hamid on 07-17-2008, 09:50 PM)

                   |Articles |News |مقالات |بيانات

07-17-2008, 09:52 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وكذلك جوار ثلاثة بيوت (ناس سلكة).


    اوب أوب أوب.. ياسر حامد...

    مساء أو صباح الخير وأنا على مرمى حجر منك الآن..

    مالك عايز تجيب لحبيبنا (جدو) الكاروشة...

    ما لقيت غير (سلكة) بوصلة إتجاه.. أكان تقول جنب ناس وليد الأسيد.. أو خوجلي صالحين.. أو أخونا د.شوقي عديل طارق.. كان وقع ليهو.. هسع طلقت الكاروشة في طارق.. كان ترسلها ليهو في المسينجر مع شوية (جبنة مضفرة)


    خلي بالك موقع سلكة ده إلا نضيفوا لل Google Earth
                   |Articles |News |مقالات |بيانات

07-17-2008, 10:02 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا نزار ياعتيق
    مساء الخير يا باشا

    عم احمد بتاع التسالي .. وعم التوم مشجع الكوكب .. وجلال المصوراتي ..
    وتيه الكشاف الأعظم .. وطلقا .. وماوس بس بس بس ... والطرش في الختمية ...

    الكتابة عن ديل تملأ كراريس وكتب .. مرة في واحد غالط عم أحمد بتاع التسالي في موعد مبارة
    عم احمد قال ليهو كلامي ولا كلام الاتحاد المحلي .. انت متين جيت الليق يا عواليق

    تعرف بالكلام عن ناس عم احمد اتذكرت عربة الداندرمة .. والصفارة العجيبة .. ما بتذكر صاحبها كان اسمو منو لكن من الشخصيات المرحب بيها في كل حي.

    تحياتي للأسرة
    وليك مليون سلام

    ياسر حامد
                   |Articles |News |مقالات |بيانات

07-17-2008, 10:08 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    حبيبنا هيثم لبيب
    يا زول يا عسل
    والله مشتاقين من هنا للصبح .. كيفك
    وين زيارتك لينا...
    الصلحي مستنيك بحلتين ونص ..
    كوارع عزام ما بتجلي لو الهلال لعب أم ما لعب
    كدي فتش الصور العندك واديني رأيك
    سلام

    ياسر حامد
                   |Articles |News |مقالات |بيانات

07-17-2008, 10:13 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: عم احمد بتاع التسالي .. ..


    كانت عبارته الشهيرة.. (جورم يا)..وهو يبدل بأحد رجليه كما تقدم.. والجورم .. هو نوع من التسالي غير موجود حاليا

    Quote: عربة الداندرمة .. والصفارة العجيبة .. ما بتذكر صاحبها كان اسمو منو لكن من الشخصيات المرحب بيها في كل حي.



    طبعا يا ياسر أشهر ناس بتاعين دندرمة هم ناس عمر زعموط وكان والدهم يصنعها في منزلهم بالقرب من سوق الدناقلة جنوب..( أستاذ/ حسن طه، ممكن يصححني)... وبعدها إرتحلوا للمزاد جنوب في شارع ناس محمد الحسن عبد المحمود أو بعده بشارع وأمتهن عمر زعموط غناء الحقيبة لفترة.. وكانوا فنانين حيرة.. زي ما بيقولوا
                   |Articles |News |مقالات |بيانات

07-17-2008, 10:14 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الراقي كمال كرار
    حمد لله على سلامتك
    سمعنا انك قطعت للبحرين بس بوصيك أعوك تمشي المرسى
    الكاروشة .. حاصلة حاصلة ..
    خميس وبكرة الجمعة.. هسه لو كنا في بحري .. بي ربطة المعلم .. كان ختينا حلة الدناقلة ..
    جدو ود موسى حنستو يكتب وانا انزل ليهو البوست ..
    وعدني لكن لما قراء الحاصل .. كب الزوغة ..
    قال لا بقدر عليك لا على طارق 38
    بسلم عليكم بشدة وقال وعد الحر دين .. منتظرين حضوركم للدوحة

    سلام

    ياسر حامد
                   |Articles |News |مقالات |بيانات

07-17-2008, 10:20 PM

Amgad Karrar

تاريخ التسجيل: 07-03-2008
مجموع المشاركات: 33

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: اخي امجد كرار .. تصدق لم اتذكر ديفيد قروب رغم قربي في ذلك الزمان من تلك الفرق وعرض علي حينها الاخ فاروق للعمل مع فرقة الافارقة
    لو تذكرها.لو تذكرت بالله كلمنا . لكن انا كنت بافتكر انك لم تحضر هذه الفرق بحكم العمر لكن خلي بالك انت حجيري زي ابن عمك؟؟؟


    الاخ طارق...ده زمنا لكن انت وابو النور(اختوا زمنكم وزمن غيركم)...
                   |Articles |News |مقالات |بيانات

07-17-2008, 10:29 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Amgad Karrar)

    Quote: الاخ طارق...ده زمنا لكن انت وابو النور(اختوا زمنكم وزمن غيركم)...


    أمجد الليلة مساهر يعني...

    أبو النور دي هنا ما بتسير.. لأنو بتتلخبط مع كنية أو الحقيقة لقب أخونا (أنور العجب) متعه الله بالصحة..
                   |Articles |News |مقالات |بيانات

07-17-2008, 10:21 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا كيمو
    عمر زعموط وعمر أب حلق شكلو ثنائي خطير
    وغنوا في طهورنا انا وطارق حامد
    واتذكر تماماً كانو من الفنانين المفضلين في المزاد
    وعمر أب حلق حالياً في سلاح المهات في بحري
    لا زال يتمتع بروح الشباب والمرح
    والمناسبة دي كان في فنان ثاني أسمه محمد صيام
    اعتقد من اولاد حلة الدناقلة ورحل الدروشاب بعد داك
    سلام

    ياسر حامد
                   |Articles |News |مقالات |بيانات

07-17-2008, 10:23 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: سمعنا انك قطعت للبحرين بس بوصيك أعوك تمشي المرسى
    الكاروشة .. حاصلة حاصلة ..


    ياسر الحبيب ...

    يا زول أنا في نص المعمعة.. لكن باقي ليك الكاروشة دي عندنا ليها جلد بعد ده.. وحاتك.. طلعت الشارع شوية.. بس ديوم بحري في السبيعينات.. على طول رجعت غرفتي .. وقلت الطراوة أحسن .. وأهو ده أنا معاكم بشم في الهواء الطراوة.. سلامي لعوض كو كثير

    -------------------------
    بحري طراوة
                   |Articles |News |مقالات |بيانات

07-17-2008, 10:26 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا حافظ عثمان
    أزيك واخبارك
    طولت ما سمعت اخبارك،
    دي رسالة صغيرة للمجاملة
    رسل لي رقم تلفونك في الماسنجر

    ياسر حامد
                   |Articles |News |مقالات |بيانات

07-17-2008, 11:02 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    من أجل أبورزقة وأبوعبيدة.. ومعاوية ووائل وآخرين (أبناء المزاد شمال) ولشحذ ذاكرتهم إليكم بعض الأسر التي أستوطنت المزاد شمال من عاما أول:

    1- أسرةالجاك عبدالجليل مهنى (والد الأخ/ محجوب الجاك) - في قطر حاليا
    2- أسرة سرالختم كرار (والد العبد لله)
    3- اسرة عثمان عبد الغفار (والد المرحوم الصيدلي/ عبدالغفار)
    4- أسرة عبد الله العجب (والد أخونا/ أنور العجب)
    5- أسرة محجوب حبارة (والد أخونا/ صلاح جرب)
    6- أسرة محمد عبدالحفيظ (والد فضل وعوض كو "لاعبي الكرة")
    7- أسرة علي صالح (يمت بصلة قربى أو نسب للأخ/ هشام رضازوج الأخت/ناهد)
    8- أسرة آل برسوم (والد المرحوم/ علي برسوم)
    9- أسرة سالم (والد الأخ/ عثمان والأخ/ عادل سالم)
    10- أسرة يوسف ميشيل (والد عازف الكمان عمر يوسف ميشيل)
    11- أسرة عم حكيم
    12- أسرة آل شكري (والد حلمي وعادل شكري)
    13- آل نمر
    14- آل علي يس
    15- أل الحلاه
    16- أل ميرغني شكاك (والد الأخ/ سعد ميرغني)
    17- أسرة محمد صالح (والد الأخ/ أزهري "زين العابدين")
    18- آل محمد خير (والد الأساتذة/ عبدالسلام، وصلاح والترزي حسن محمد خير)
    19- أسرة عباس ( والد الأخ المهندس/ محمود عباس)
    20- أسرة علي محمد صالح (والد الأخ/ عبد الدافع)
    21- أسرة عبدالرحمن المهدي (والد كل من محمد والدكتور/أسامة وخالد ومهدي)
    22- أسرة حسب الله (والد كل من كمال وصلاح وعبد الله حسب الله)
    23- أسرة علي (والد الأخ المذيع الرياضي / سيف الدين)
    24- أسرة علي الزين (أسرة الوطني الأتحادي على السكين (كمال علي الزين)
    25- أسرة عوض السيد (جد الأخ/ وائل السيد)
    26- أسرة وقيع الله (والد الأخ/ بابكر وقيع الله)
    27- أسرة عفيفي (والد الأخ/ هاشم كبس)
    28- آل العبيد (والد العم/ السر العبيد)
    29- أسرة سليمان جبارة الله (والد كل من السر، وعادل وعبد المنعم)
    30- أسرة عبد المجيد (والد عصمت وعزت ورأفت ورفعت عبد المجيد وأقرباء المرحوم/ بدر الدين ديكه)
    31- أسرة سعيد ( والد كل من سيد وعثمان وصلاح)

    وبجيكم صادي الله يرحم عمداء تلك الأسر واللذين توفوا ويرحم الأحياء منهم..وبالمناسبة هذه الأسر من دون ترتيب بس تماشيا مع تداعي الذاكرة الخربة... وبرضو الأبناء مذكور بعض منهم ومن غير ترتيب.. وسامحوني أتذكر كثيرا من الأسر القديمة ولكن بعضها ضيعت الألقاب أسماء الأسرة.. مثال : ناس (فيصل كبويتا) أو (فأر مراكب) أو (نابليون).. كما أن هذه القائمة لا تضم الكثير من الأسر القديمة نسبيا وإن كانت ليست بقدم من ذكر أعلاه... فمعذرة و
    ---------------------
    بحري طراوة

    (عدل بواسطة Kamal Karrar on 07-18-2008, 05:21 PM)

                   |Articles |News |مقالات |بيانات

07-18-2008, 01:21 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخوان الاعزاء الرسالة الاتية من المهندس هشام رضاعن الموسيقار الفنان ناجى القدسى




    Quote: السلام عليكم اهلنا ناس بحرى كلكم بدون فرز ....واهلا بود عمتى نزار عتيق...ومرحب بيك ...ويانزار اكتب لينا عن
    حلة حمد... وحوش عتيق.... وشجرة النيم .... ونحن فى انتظارك


    ناجى القدسى من سكان حلة حمد وجيران ناس يوسف ود النفاخ
    وشقيق الحكم الرهيب عبدالرحمن جكسا وصلاح القدسى وبتذكر
    كان عندهم دكان فى سوق بحرى جنب دكان الشيخ والد اللاعب عبده الشيخ لاعب الهلال ...
    ناجى كان بيقعد فى البحر جنب كمبونى بحرى باستمرار لو بتذكروه...وقام بتلحين اغنية الساقية لسه مدورة ...وطبعا هو صديق شخصى للفنان ود اللمين ..وقام بتلحين كتير من الاعمال الفنية ...
    وايام نميرى استدعوه ناس الامن فى اغنية الساقية لسة مدورة
    واعتبروها اغنية سياسية مقصود بها النظام فى الفترة ديك ...
    ناجى طبعا اصوله يمنيه ...وكعادة الفنانين والملحنين بيمتاز بالرقة والظرف الذائد والنكنة الحاضرة ...فياريت واحد يكلمنا عن طرائفه الكتيرة .وسرعة بديهته...
    .
    .وهو الان باليمن ...رد الله غربته ومتعه بالصحة والعافية ..

    وليكم كل التحايا ....

    هشام رضا محمد عثمان.
                   |Articles |News |مقالات |بيانات

[رد على الموضوع] صفحة 5 „‰ 94:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de