مواضيع توثقية متميزة

فتحي الضو يقتحم جهاز الأمن والمخابرات
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 24-11-2017, 07:48 AM الصفحة الرئيسية

مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

بحري طراوة... ويا ناس بحري .. قالوا بتحبوا يلا حبونا..

08-10-2008, 08:23 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: اظن كدا حصلت المعرفة....
    تحياتي العطرة


    يا زول كده بقينا أهل تب. أولا الختمية فيها بيت عمي الكبير (فضل كرار) رحمه الله، وبيت عمتي (زينب كرار) رحمها الله... عدا بيت ناس زينب بت عمي أم محمد شريف...وأهل آخرين...

    بالنسبة لأخوك صلاح ربما كان دفعة بخاري وهم أول دفعة في بحري الثانوية...

    المهم حصل المعرفة.. ونحن ديناصورات بس مش لدرجة بخاري وصلاح خالد
                   |Articles |News |مقالات |بيانات

08-10-2008, 10:09 AM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: يا اخوانا ابراهيم عيونو البتقصدوهو الشلالي الدهان ولا واحد غيرو؟؟


    الاخ طارق
    كيف الحال
    ابراهيم عيونو الذى نتحدث عنه ليس هو ابراهيم الذى تقصده وقد وصلتني الان معلومة سريعة عبر الهاتف من اخونا عبد الكريم ان ابراهيم عيونو الذى نتحدث عنه هو اخو الكونج وابن خالةالكوتش سليمان والفنان وايوب فارس،انشاء اللة يكون عرفتو .
                   |Articles |News |مقالات |بيانات

08-10-2008, 10:18 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)

    Quote: يا اخوانا ابراهيم عيونو البتقصدوهو الشلالي الدهان ولا واحد غيرو؟؟


    ياطارق

    لو بتذكر فريق الكفاح ومباريات البلديه ,, اها عيونو كان بيلعب باك في فريق الكفاح ,, لمى فيهو محي الدين احرف وأسرع جناح في بجرى وفريق شمبات أداهو ليك مشوارين (مع الاعتذار) عيونو عزف الغدا في اللاين وكان قرع ,, جمهور شمبات بدا يتريق عليهو ,,, قال ليهم انتو مفتكرين دا قرع ياوهم دا اناناس بعيد عنكم...

    *** وله الكثير من النوادر وفي إنتظار عوض الله حتي يتحفنا بها ,, وهو لايقل عن شلنكح وشقر في نوادره وقفشاته...

    (عدل بواسطة عبدالكريم أحمد الامين on 08-10-2008, 10:25 PM)
    (عدل بواسطة عبدالكريم أحمد الامين on 09-10-2008, 07:11 AM)

                   |Articles |News |مقالات |بيانات

08-10-2008, 10:22 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    Quote: وظل هذا الرقم المُسمي بالتونسيه (17) في هذا البوست من تاريخ 28/09/2008 الساعه:- 09:44 مساءاً والي تاريخ اليوم 07/10/2008 الساعه :- 10:27 صباحاً ... اللهم خارجنا من هذا الرقم للبوابه رقـــم (18) حتي يتنفس سكان هذا القصر الصعداء ويرتاحو نفسياً من حكاية مشى الخور وجابوه من الخور ...

    *** اها يامعاويه جكه جكتين منك وواحده من ود السر كرار وود ميرغني علي مصطفي ترتاح نفسياً وتقلب الصفحه تلقاها عملت ليك مامجموعه (9)..


    معاويه

    عشان نتخارج من الموضوع الفوق دا مُحتاجين لعشره جكات حول الميدان ,, اها انا ساعدتك بواحده الباقي عليك...
                   |Articles |News |مقالات |بيانات

09-10-2008, 07:01 AM

محمد عبدالمنعم التلب
<aمحمد عبدالمنعم التلب
تاريخ التسجيل: 13-09-2008
مجموع المشاركات: 155

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    الحبايب اهل الطراوه

    عساكم طيبين

    لينا منكم مده

    عندى ملاحظه مالقى ليها تفسيروقلته اشرككم معاى
    فيما مضى من الزمن كان هنالك اكثر من محل لبيع الفول (المصلح) او المدنكل فى بحرى واذكر منها على سبيل الحصر لا المثال :

    فى الزمن البعيد _ زمن ناس ود السر وطارق ميرغنى وبقيه العقد الفريد_كيسو وماانسى طعم السنتدوتشات بتاعتو ماحييت

    فى شارع الخور بالختميه شمال نادى الختميه كان فى واحد ايضا عندو فولا كاربه بس اسمو رايح على.

    شرق مدرسة بحرى الحكوميه كان فى دكان ابو الهول والله دا فولو وفتتوا كانت بيجبنا نحنا شله من اولاد بحرى القرينا فى الخرطوم القديمه لى شلتنا السابقه القروا معانا فى الاميريه وبيدرسوا فى ذلك الوقت فى بحرى الحكوميه عشان نفطر معاهم بوش او فول ونرجع القديمه تانى .... فلك ان تحدث عن تلك الافوال.

    الملاحظ فى السنين الاخيره مافى محل فول معتبر فى بحرى .

    والادهى والامر عشان تاكل ليك فول مظبط بقيت الا تمشى امدرمان عشان تاكل الفول الكلاسيكى بتاع زمان _ فى الهجره (الواحه 1_الواحه 2) او موسى نفخوا او الجان رحمه الله او ابو صليب .

    اما اذا داير فول محنكش فتتجه جنوبا للخرطوم لذيذ_ جاد_ واخرين ماانزل الله بهم من سلطان.

    كدى افتونى !!! ناس بحرى اصبحوا لحوميين ؟؟؟ والاترفعوا عن حبيب الشعب؟؟ والا القصه شنو؟
    عشان كان فى مشكله ,,,, الوحد يفكر ليهو فى محل فول فى بحرى ونكسب الودين لمة الناس الحلوين عشاق الونسه الظريفه ولمة القروش.
    افتونا افادكم الله وبالمره نكون ناقشنا مشكله مزمنه الان فى ست الحبايب
                   |Articles |News |مقالات |بيانات

09-10-2008, 07:05 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    لا.. عرفت ابراهيم عيونو تب لكن برضو ابراهيم عيونو الشلالي البقصدو برضو نفس الشي بتاع جير وخواف برضو وبتاع نكته ومن ظرفاء

    بحري وكان يحكم بعض المباريات لو تذكرون وبعد الحكم المشهور جكسا اليماني في الكبكبه والجهجهه والخوف من الجماهير....
                   |Articles |News |مقالات |بيانات

09-10-2008, 07:27 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: فى شارع الخور بالختميه شمال نادى الختميه كان فى واحد ايضا عندو فولا كاربه بس اسمو رايح على.


    ود التلب
    المحل الفي شارع الخور بالختميه شرق نادى الامير هو محل العم عبداللطيف وفعلاً فولو كان مُعتبر..


    Quote: الملاحظ فى السنين الاخيره مافى محل فول معتبر فى بحرى .


    ** في المزاد جنوب شرق مستشفي أحمد قاسم وجنوب منزل جنابو القومندان شرطه (م) الاديب الشاعر علي عبدالهادى (الدفعه 35) يوجد عمك علي حالياً هو الاشهر ومايميزه أن القدرة بتاعتو عباره عن صهريج او قل دبل كابينه ,, ولو جيت بعد الساعه 12 م إحتمال موية فول ماتلقاها ,, ونص شباب بحرى بتلقاهم مكسرين بهنالك...
                   |Articles |News |مقالات |بيانات

09-10-2008, 07:41 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: لا.. عرفت ابراهيم عيونو تب لكن برضو ابراهيم عيونو الشلالي البقصدو برضو نفس الشئ بتاع جير وخواف برضو وبتاع نكته ومن ظرفاء بحري وكان يحكم بعض المباريات لو تذكرون وبعد الحكم المشهور جكسا اليماني في الكبكبه والجهجهه والخوف من الجماهير....


    ياطارق
    يخيل لي أنت بتقصد عبدالمنعم عيونو خال اللاعب عوض قربو .. وابراهيم عيونو كان موظف إدارى في المخازن والمهمات..

    ** تصحيح لمعلومة عن أبراهيم عيونو من حقيبة ذكريات اخونا عوض الله مصطفي إذ أفاد أن تكرار عيونو لعبارة ابن خالتي لايوب فارس وسليمان فارس هي نوع من التقدير والاحترام لهما وان العلاقه هي صداقه وليست قرابه ,, حتي لايحصل لبس مستقبلاً عند تفريق هذا البوست في كتاب توثيقي عن ست الهوى والطراوه..

    (عدل بواسطة عبدالكريم أحمد الامين on 09-10-2008, 07:43 AM)

                   |Articles |News |مقالات |بيانات

09-10-2008, 07:26 AM

طارق أحمد خالد
<aطارق أحمد خالد
تاريخ التسجيل: 15-05-2006
مجموع المشاركات: 993

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: فى شارع الخور بالختميه شمال نادى الختميه كان فى واحد ايضا عندو فولا كاربه بس اسمو رايح على.


    إسمو "عبداللطيف"
    وجنب مدرسة الختمية في "حسن كشك"


    Quote: الملاحظ فى السنين الاخيره مافى محل فول معتبر فى بحرى .

    حرام عليك يا التلب يا خوي: فول فريد.. على سن ورمح.. فول من الزمن الجميل... جوار مدرسة الأهلية
                   |Articles |News |مقالات |بيانات

09-10-2008, 07:36 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ميزة عمك عبد اللطيف بتاع الفول انه كان يعمل لوقت متأخر من الليل يعني بعد الساعة اتناشر تمشي مغمد وخاصة المبرشمين....!!!!

    الميزة التانية البتهمنا نحن الحلبوكش انه اول من عمل فسيخ علي العشاء...
                   |Articles |News |مقالات |بيانات

09-10-2008, 07:36 AM

عبد الرازق سعيد

تاريخ التسجيل: 19-06-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: المشاركة التالية من عماد عثمان احمد – جدة
    شخصيات من بحري (1)
    نواصل الكتابة عن الشخصيات البارزة من بحري( ست الهوى والطراوة ) والتي لم يتم التطرق لها او الكتابة عنها في هذا البوست :-
    1. المحامي كمال شـانتير صاحب البرنامج التلفزيوني ( مشكلات قانونية ) في الثمانينات يسكن الصافية .
    2. الشاعر الغنائي محمد عبد القادر ابوشورة كتب العديد من الاغنيات الرائعة منها : عاطفة وحنان واحترت فيك للفنان محمد ميرغني واحلى الكلام لغة العيون للفنان صلاح بن البادية والاغنية الوطنية حدق العيون للفنان محمد وردي . . ويســـكن حلة خوجلي .
    3. المدرب الكفء احمد عبد الله قام بتدريب نادي الزهرة بامدرمان في عصرها الذهبي وصعد بها من الدرجة الثانية الى الاولى في وصارت بعبعا مخيفا للهلال والمريخ ايام سيكا وقدورة واحمد البطل ثم تولى تدريب نادي حي العرب بورتسودان وكانت ابرز محطاته التدريبيه تدريبه لفريق الهلال العاصمي وصل به الى نهائي كاس افريقيا للأندية في العام 1987 م وتم ابعاده قبل المبارة النهائية ليحل محله الدكتور كمال شداد حتى ينسب الإنجاز له اذا فاز الهلال بالكاس ودرب بعد ذلك بعدد من دول الخليج . . وهو من المدربين المؤهلين اكاديميا حيث يحما ارفع شهادات التدريب من البرازيل وكل الفرق المذكورة اعلاه وضع بصماته التدريبيه فيها بصورة لاتخطئها العين ويسكن حي المزاد شــمال .
    4. المرحوم احمد زين العابدين المحامي قيادي بالحزب الوطني الاتحادي ومن المقربين للراحل الشريف حسين الهندي كان يسكن حي الميرغنية .
    5. المرحوم محمود حسيب من قيادي ومؤسسي الحزب القومي السوداني ( منطقة جبال النوبة ) مع زميله فيليب عباس غبوش وكان وزيرا في العهد المايوي ومن ابنائه زميل الدراسة حسيب كان يسكن حي الدناقلة جنوب ثم شمبات الاراضي .
    6. الشاعر الغنائي عبد الرحمن مكاوي وله عد من الاغنيات الجميلة منها : عمر الهناء للبلابل واحلى منك وعشت شقى وشقى الايام للفنان حمد الريح والقدامنا للفنان النـور الجيلاني . . ويسكن الحاج يوسف .
    7. الشاعر محمد محمد علي والذي يمت بصلة قرابة للشاعر الراحل ادريس جماع ويسكن حلفاية الملوك .
    8. الملحن سليمان زين العابدين – عازف المندلين المخضرم بفرقة الفنان النور الجيلاني لحن العديد من الاغنيات الشجية من ضمنها اغنية ( خواطر فيل ) للنور الجيلاني ويسكن شمبات .
    9. الشاعر الغنائي عبد الوهاب هلاوي معد لعدد كبير من برامج المنوعات التلفزيونية الناجحة . . وله من الاغنيات : اغلى من نفسي للكابلي وفراش القاش وتتبدل مع الايام وعشان خاطر عيون لزيدان ابراهيم وزعل الجميل لعمر احساس وحاجة امنة لمجموعة عقد الجلاد والكلام القالوا عنك ليوسف الموصلي ووداد للنور الجيلاني وامل موعود للهادي حامد وشجر العنب لحيدر بورتسودان وابتسامة حبيبي لمحمود عبد العزيز وياجارة لعماد احمد الطيب وغيرها ويسكن حلفاية الملوك .
    10. الصاغ طيار الشهيد عبد القادر الكدرو يعتبر من اكفأ الطيارين في سلاح الطيران السوداني وأول الدفعة الخامسة من طلبة الكلية الحربية في العام 1955 م وتوفي في 3/3/1963 م . . سمي شارع المعونة باسمه وكان يسكن الكدرو .
    11. السيد عدلي عبد المجيد شقيق الممثل المسرحي الراحل / حسن عبد المجيد كان وزيرا في العهد المايوي ومن ابنائه زميل الدراسة عماد والذي يرتبط بصلة مصاهرة مع الشاعر الرقيق الدكتور علي شبيكة ويسكن شمبات الاراضي .
    12. من الإداريين بنادي المريخ العاصمي سابقا العقيد ( م ) صديق علي صالح ويسكن شمبات الاراضي والسر ادم سابل ويسكن الهجرة شمبات ومتوكل احمد علي ( كلبظة ) ويسكن الشعبية جنوب والمهندس فياض اسماعيل ويسكن الهجرة شمبات والكابتن عادل ابوجريشة وكان يسكن الشعبية جنوب وحاليا يسكن الصافية.
    13. من الإداريين بنادي الهلال العاصمي سابقا المرحوم حسن عبد القادر وفي عهد رئاستة تم بناء وافتتاح استاد الهلال في العام 1968 م وهو نائب في اخر عهد ديمقراطي عن دائرة شمبات في العام 1986 م عن الحزب الاتحادي الديمقراطي وكان عميد النواب بالجمعية التاسيسية بحكم انه اكبر الاعضاء سنا . . وكان يسكن شمبات والسيد فاروق نور الدين ابن الزعيم الراحل محمد نور الدين وكان يسكن حي الشعبية شمال .
    14. الاقتصادي محمد خير الزبير وزير المالية في عهد الانقاذ الاسبق يسكن شمبات وهو لاعب كرة مقتدر بنادي شمبات في اوائل السبعينات من القرن الماضي .
    15. المذيعة الاذاعية والتلفزيونية المتمكنة اسراء زين العابدين والتي قدمت عدد من برامج المنوعات وتسكن حي المزاد .
    16. المذيعة التلفزيونية منى محمود ( فرسان في الميدان سابقا ) وكانت تسكن الصافية شارع النقطة .
    17. المذيعة الاذاعية والتلفزيونية احسان عبد المتعال خريجة جامعة القاهرة فرع سابقا كلية الاداب والمقيمة حاليا بامريكا وعضو نشط بموقع سودانيز اون لاين وكانت تسكن شمبات . . ويمكن ان ترفد وتثري بوست بحري طراوة بالكثير عن حي شمبات العريق ونحن في انتظار ذلك منها .
    18. المذيع التلفزيوني محجوب بخيت مذيع نشرات الاخبار الرئيسية الممتاز و كان يسكن حي الوابورات .
    19. الاعلامي والاذاعي المعروف حاتم الشيخ يسكن شمبات .
    20. نجوم الكوميديا الشباب واللذين يمثلون القاسم المشترك في معظم الاعمال الدرامية في الفترة الحالية (محمد صالحين وعبد السلام جلود ومحمود عبد اللطيف كابو ) يسكنون الحاج يوسف .
    21. الشاعر المرهف الدكتور علي شبيكة الذي شكل ثنائية فريدة مع ثنائي العاصمة وكتب لهم كلمات معظم الاغنيات وله من الاغنيات ايضا احلى غرام وزهرة الليلاك للفنان الراحل سيد خليفة ورجع الصدى وروابينا للفنان صلاح مصطفى وليه ياقلبي للفنان عبد العزيز المبارك وشفتك وابتهجت للفنان محمد ميرغني ويسكن شمبات الاراضي .
    22. الممثلة والنجمة الموهوبة اخلاص نور الدين خريجة كلية الدراما بجامعة السودان والتي تعتبر افضل ممثلة شابة في الساحة حاليا تسكن الحاج يوسف ( المايقوما ) .
    23. الزعيم الراحل الأب فيليب عباس غبوش رئيس الحزب القومي السوداني ذلك الرقم السياسي الذي لايمكن تجاوزه . . كان يسكن الحاج يوسف (الوحدة ) .
    24. الفنان محمد الحسن قيقم يسكن حي الديوم .
    25. الراحل الجنوبي كاربينو كوانين كان يسكن الصافية في فيلا منحت له بعد توقيع اتفاقية سلام الخرطوم .
    26. الشيخ يحي عمر من اوائل القضاة الشرعيين في السودان وكان يسكن حلة خوجلي .
    27. الاشقاء الفنان فتحي المك والملحن الشاب احمد المك ورسام الكاركتير سامي المك يسكنون بحلفاية الملوك وهم ابناء اخت الفنان الراحل المقيم حسن عطية .
    28. المحامي حسن عوض رئيس الاتحاد المحلي لكرة القدم بالخرطوم سابقا ورئيس نادي الحلفاية الرياضي سابقا ويسكن حلفاية الملوك.
    29. الشاعر الكبير محمد الحسن سالم حميد والذي كتب العديد من اغنيات الراحل المبدع مصطفى سيد احمد مثل عم عبد الرحيم ويامطر عز الحريق وغيرهما . . سكن في الديوم والشعبية والحاج يوسف .
    30. الفنان الموسيقار وعبقري الغناء السوداني محمد الامين يسكن شمبات بجوار منزل الممثل والهرم المسرحي الراحل الفاضل سعيد منذ العام 1992 م .
    31. المرحوم الفكي عبد الرحمن من رواد المسرح السوداني تخرج من بخت الرضا بالدويم ودرس في القاهرة بمعهد التمثيل وبعث لدراسة التربية ببريطانيا . . تقلد منصب مديرالمسرح القومي من العام 1967 م والى العام 1972 م وقام بجهد كبير في انشاء بنياته الاساسية من صالة وخشبة ومكاتب واول من بدا تطبيق ما يعرف بالموسم المسرحي واتاح فرص الدراسة والتدريب لكل العاملين في بعثات تخصصية. . وبعد ذلك عين مديرا للفرقة القومية للفنون الشعبية والاستعراضية وفرقة العرائس المسرحية حتى العام 1974 م وقام بضخ دماء جديدة واقنع وزارة المالية بخلق اربعين وظيفة بتعيين راقصين وراقصات من خريجي المدارس العليا وان تهتم الدولة بامر الفن الشعبي في مراحل التعليم المختلفة حتى يشب اطفالنا ولهم قربى فكرية بالفنون الشعبية ولازالت تلك الفرقة والى الان تقوم بتمثيلها المشرف للسودان في كثير من المحافل والمناسبات والمهرجانات الخارجية وله كذلك الفضل في إنشاء فرقة الاكروبات السودانية في تلك الفترة واصبح مديرا لها عند إنشائها وتولى بعد ذلك إدارة مركز الدراسات الفلكلورية ونفذ الكثير من المشاريع الثقافية وطاف كل انحاء السودان واقام العديد من المعارض وله الفضل في تعيين الباحث الراحل الطيب محمد الطيب بمركز الدراسات الفلكلورية وذلك للإستفادة من امكانياته كرجل موسوعة في هذا المجال واصدر مجلة وازا الفلكلورية. . قام بتقديم عدد من البرامج الاذاعية منها ( ركن الاطفال ) والذي كان يعرف فيه باسم عمكم مختار . . طلب ان ينقل الى مصلحة السجون لان له مشروع يريد ان ينفذه وهو ( السايكو – دراما ) وهو تجريب الدراما مع المساجين وعن طريق هذا العمل المسرحي تستطيع ان تنفذ الى نفسياتهم وقد تصل الى معرفة مايعينهم ليكونوا اسوياء . . وكان يسكن الصافية .
    32. المحامي عمر عبد العاطي كان وزيرا للعدل والنائب العام في حكومة الانتفاضة 1985 م وكان يسكن حي الوابورات .
    33. العميد شرطة ( م ) والمدرب سمير دهب تولى رئاسة لجنة التدريب المركزية سابقا وهو لاعب كرة مميز بنادي التحرير سابقا ويسكن حلة حمد .
    34. المرحوم سعد محمد صالح ( دبيبة ) لعب للتحرير البحراوي وللمريخ العاصمي في الستينات وكان افضل من يراقب الامير صديق منزول قي مباريات المريخ والهلال ويمتاز بلعبه العنيف وبحرارة قلبه وروحه القتالية . . ويعتبر من افضل المدربين في الساحة الرياضية في الثمانينات حيث احرز مع العباسية ثالث كاس السودان في العام 1986 م وفاز مع المريخ العاصمي بكاس دبي الذهبي قي العام 1987 م وتولى تدريب الفريق القومي السوداني بعد ذلك وحقق معه نتائج مشرفة وكان يسكن شمبات الاراضي ويمت بصلة قرابة مع الدكتور نواري عضو موقع سودانيز اون لاين والكاتب الممتاز والمقل جدا ببوست بحري طراوة .
    35. رجل الاعمال والصحفي والملحن وعضو المكتب السياسي بالحزب الاتحادي الديمقراطي ورئيس نادي الهلال العاصمي حاليا صلاح ادريس ويسكن كافوري .
    36. رجل الاعمال طه الروبي يسكن كافوري .
    37. الدكتور والممثل المسرحي عبد الحكيم الطاهر ( كابتن كابو ) على ما اعتقد كان يسكن حي الختمية .
    38. عازف العود المتمكن عوض احمودي والذي يسجل حضورا متواصلا في كل الأجهزة الاعلامية المرئية والمسموعة وذلك لما يمتلكه من امكانيات وقدرات عالية في العزف على الة العود من مواليد مدينة الهلالية ودرس بمعهد النور ببحري يسكن الشعبية شمال منذ اوائل التسعينات .
    39. من رجالات انقلاب الانقاذ العميد عثمان احمد حسن رئيس اللجنة السياسية واول من تقدم باستقالته من مجلس قيادة الانقلاب بعد شهور من قيام الانقلاب مع زميله العميد فيصل ابوصالح ويسكن الخوجلاب . .والعميد سليمان محمد سليمان رئيس اللجنة الاعلامية ووزير الثقافة والاعلام وحاكم الاقليم الاوسط فيما بعد ويسكن حلفاية الملوك . . والعميد ابراهيم نايل ايدام رئيس اللجنة الامنية ووزير الشباب والرياضة وتولى رئاسة نادي الحاج يوسف سابقا ويسكن الحاج يوسف .. بالاضافة الى العقيد يوسف عبد الفتاح نائب الوالي لولاية الخرطوم ومارس رياضة كرة السلة في نادي الاتحاد البحراوي .. ويسكن حلة حمد .
    40. الحكم الدولي السابق عبد الرحيم حاج عمر ويسكن الشعبية شمال.
    41. المدرب القدير كمال حسب الله لاعب ومدرب التحرير السابق . . ترك بصمات كبيرة ابان تدريبه للفرق السنية بنادي النصر السعودي وتخرج على يديه افضل لاعبي المنتخب االسعودي على مدى تاريخه منهم محيسن الجمعان وفهد الهريفي ويسكن المزاد.
    42. جمعة اسماعيل ادم ابراهيم عازف الساكس المقتدر ومؤسس فرقة جاز الافارقة مع زملائه ( فاروق عبد الله وعبده دوكة والنعمان وعباس دراج وانضم اليهم فيما بعد الفنان كمال كيلا ) والتي كانت تنافس فرقة جاز شرحبيل احمد وجاز الديوم ( العم قسم الله ) واضواء بحري ( بدر الدين عوض ) وجاز العقـــــــــارب ( عامر ساكس ) وشارك مع فنانة افريقيا الشهيرة مريم ماكيبا عند زيارتها للسودان الاولى في العام 1968 م حيث اتت بدون فرقتها الموسيقية وشارك بالعزف ايضا مع كبار الفنانين امثال ابراهيم عوض والجابري وسيد خليفة وخوجلي عثمان وغيرهم وسافر الى القاهرة في العام 1991 م برفقة الفنان الراحل مصطفى سيد احمد ومنذ تلك الفترة اثر البقاء بالقاهرة . . وكان يسكن حي الدناقلة جنوب بالقرب من مدارس الشعب ورحلت اسرته الى الحاج يوسف .
    43. الشاعر والمؤلف والمخرج التلفزيوني والمسرحي الراحل مجدي النور خريج كلية الموسيقى و الدارما بجامعة السودان والذي توفي قبل اعوام قليلة في حادث سيارة كان يعول عليه الكثير وذلك لموهبته وقدراته الكبيرة في جميع المجالات المذكورة اعلاه ولكن كانت يد المنون هي الاسرع في ذلك وتوفى مبكيا عليه وهو في ريعان شبابه وله مكتبة ضخمة في ارشيف مكتبات موقع سودانيز اون لاين وذلك لمن اراد معرفة الكثير عنه وكان يسكن الحاج يوسف .
    44. الملحن الشاب ناصر عبد العزيز قام بتلحين العديد من الاغنيات الرائعة لابناء جيله من الفنانين وبالاخص الفنان محمود عبد العزيز مثل اغنيات شايل جراح وعدت سنة وفرايحية وحب غيرو وبحسك والله يكون في عونك وغيرها . . وتابعوا هذا الشاب جيدا وسيكون خير خليفة لابن بحري الملحن الكبير بشير عباس ويسكن المزاد جنوب بجوار مدرسة الحرية الأبتدائية للبنين.
    45. الصحفي الرياضي النعمان حسن من اوائل اللذين اصدروا صحيفة رياضية ( نجوم وكواكب ) وله عمود رياضي ممتاز باسم ( شرارات ) ويكتب هذا العمود تحت مسمى ابوسامرين . . وقام بتاليف المسرحية الرائعة ( نقابة المنتحرين ) في العام 1985 م والتي حققت نجاحا كبيرا والتى الى الان يتم إعادة بعض الاجزاء منها في التلفزيون في برنامج من الامس . . كان يسكن بالميرغنية وجار للوزير السابق المرحوم الشريف الخاتم ومن ابنائه هيثم . . والان رئيس تحرير صحيفة المشاهد الرياضية .
    47 – الصحفي الرياضي رمضان احمد السيد صاحب ورئيس تحرير جريدة قوون الرياضية والامين العام لجمعية الصحفيين الرياضيين ويسكن الحاج يوسف ( الردمية ) .
    48 – الصحفي الرياضي صلاح دهب رئيس تحرير القسم الرياضي لصحيفة اخبار اليوم وله عمود يكتبه باسم ( تلكس ) وهو من شلالية حلة حمد ويسكن حلفاية الملوك .
    49 – المذيعة التلفزيونية والنجمة اللامعة ندى سيد كامل ابنة المحامي المشهور سيد كامل تسكن بحري بالقرب من شارع السيد علي عبد الرحمن وشقيقها المذيع عمر الفاروق سيد كامل كان مذيعا بقناة النيل الازرق قبل ان يسافر الى الولايات المتحدة الامريكية .
    50- العميد / معاش عبد العزيز خالد عثمان العمدة قائد قوات التحالف السودانية السابق المعارض لانقلاب الانقاذ ويسكن حلفاية الملوك .
    الرحمة والمغفرة للموتى منهم والامنيات للأحياء منهم بطول العمر ومزيد من العطاء والابداع في مجالات العمل المختلفة وكثير من تلك الشخصيات المذكورة اعلاه سنعود للكتابة عنها بصورة موسعة . .


                   |Articles |News |مقالات |بيانات

09-10-2008, 07:51 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    [B]
    أعزائي

    ما أعرفه عن الاخ ابراهيم عيونو هو انه نحيف الجسم اسمراني اللون و من سكان حلة الدناقلة جنوب ومنزلهم كان ناصية بالقرب من جامع حلة الدناقلة وشقيقه عثمان من أحرف لاعبي الكرة في زمن مضي .

    لا أدري ان كان هو المقصود ولكن من المتأكد منه ان الاسم ( ابراهيم عيونو ) هو لنفس الشخص الذي تحدثت عنه أعلاه.

    مع التحييييية للجميع
                   |Articles |News |مقالات |بيانات

09-10-2008, 07:59 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    Quote: أعزائي

    ما أعرفه عن الاخ ابراهيم عيونو هو انه نحيف الجسم اسمراني اللون و من سكان حلة الدناقلة جنوب ومنزلهم كان ناصية بالقرب من جامع حلة الدناقلة وشقيقه عثمان من أحرف لاعبي الكرة في زمن مضي .

    لا أدري ان كان هو المقصود ولكن من المتأكد منه ان الاسم ( ابراهيم عيونو ) هو لنفس الشخص الذي تحدثت عنه أعلاه.

    مع التحييييية للجميع


    سعادة المستشار
    وصفك ميه الميه ,, وهو المقصود ,, والاسم هو هو ....

    مع دوام الود والتحيه.....
                   |Articles |News |مقالات |بيانات

09-10-2008, 08:04 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    معاويه

    المُداخله دى إحتمال تكون آخر جكه ونخارجك من فوبيا التونسيه ,, أها نشوفك في الرقم الجديد البتحبو (18)...
                   |Articles |News |مقالات |بيانات

09-10-2008, 09:22 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    عبدالكريم..

    عفارم عليك .. جبت ضقل التونسية يتلولح.. ومعاوية ده بيحب 18 بتاع بكرة (كوتشينة يعني).. أصلها جارة طويلة...
                   |Articles |News |مقالات |بيانات

09-10-2008, 09:45 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ومن ضمن إبداعات اخونا الكوتش عوض الله مصطفي تتواصل المناوله من ضمن توثيقه لظرفاء حي الدناقله جنوب

    ## المناوله رقم (5) :-


    *****************************************************

    ظرفاء و إحياء في بحرى (الناقله جنوب) – الحلقه الخامسه –

    ** إبراهيم عبدا لله كوكو(إبراهيم عيونو)



    Quote: الاسم إبراهيم عبدا لله كوكو الشهير بإبراهيم عيونو نسبة لكبر حجم و بروز عينيه و هو من مواليد حلة الدناقلة جنوب شارع غانا و سمى بذلك الاسم لان معظم ساكنيه من ذوى البشرة الداكنة و كانوا يمتازون بأخلاق رفيعة جدا وترابط وثيق جدا مع كل قاطني حلة الدناقلة جنوب و بحري عموما ومن ابرز الأسماء في ذلك الشارع أولاد شاكوش مختار كفتيرا و المرحوم فضل نوبة و كانوا من امهر لاعبي كرة القدم.

    كان إبراهيم عيونو فردة باك محترم في فريق الكفاح مع صديق عمره و توام روحه المرحوم أيوب فارس و بالمناسبة لا تربطه بينهما اى صلة قرابة كما ذكر الاخ معاوية بموجب معلومه من عبدالكريم انما كان كل منهما ينادى الاخر بابن خالتى دليل على ما كان بينهم من صداقة . و بعد ذلك تولوا إدارة فريق الكفاح الذي ضم في صفوفه امهر اللاعبين أمثال أحرف لاعب في السودان د. ابوعبيدة عبد الرازق شقيق اللاعبين جعفر واسامه عبد الرازق و ايضا عبودى و قدورة و كان فريق الكفاح به عدد مقدر من الطلبة الجامعيين .

    إبراهيم عيونو متعه الله بالصحة و العافية محبا جدا للحياة و كارها لمشقاتها وحريصا جدا لذا دائما ما ينأى بنفسه عن المشاكل و إضافة لما ذكره الأخ معاوية في موضوع الطوبة و الجريدة كان عندما يضطر السير من ناس سليمان فارس عبر ميدان الاتحاد فى ساعة متاخرة من الليل يولع سحارتين و هو بمفرده موهما الرباطين بانه شخصين.

    مرة كان عندهم مباراة مهمة مع فريق شمبات و خلال المعسكر تناوتو وجبة الغداء مع احد اللاعبين كانت ملاح قرع مصلح جدا إبراهيم كان لاعب باك لمحي الدين شمبات الذي اشتهر بسرعته الرهيبة المهم عذب عيونو عذاب شديد و المدرب يصيح ياعين امسك محي الدين فصاح قيه عيونو امسك لي ...إسهال .

    في إحدى المباريات الحاسمة و كان عيونو في الإدارة فذهبوا إلى الانطون لتكريب المانش فأفادهم سعادة الانطون إن الفريق سيهزم شمبات أربعة واحد شريطة إن يحرز الفريق المنافس الهدف الاول و من هجمة ميتة لفريق شمبات كان الدفاع متراخي في صد الهجوم مع صيحات عيونو و الادارة خليهو يدخلها قون خليهو يضر رقبتو و لم يجد ادني صعوبة أو مقاومة في إحراز الهدف الوحيد الذي انتهت عليه المباراة.
    الديناصور طارق ميرغنى عيونو الآخر هو عيونو فوق الشلالى خال عوض قربو وكان حكما فى ميدان عقرب الدرجة الرابعة وفى احدي المباريات و نتيجة لسوء ادارته للمباراة اضطر إلى إنهاء المباراة وهو راكب مع بوليس السواري..
                   |Articles |News |مقالات |بيانات

09-10-2008, 09:56 AM

عبد الرازق سعيد

تاريخ التسجيل: 19-06-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: المشاركة التالية من عماد عثمان احمد – جدة
    رياضة بحراوية:-
    لاعبين من بحري الى الهلال العاصمي :
    1 – المرحوم شيخ ادريس كباشي ( الرهيف الحريف ):- بدايته كانت برابطة الديوم بحري بفريق الاحرار ثم العامل البحراوي وبرز في الدورة المدرسية مع مدرسة بحري الشعبية ثم انتقل الى الهلال العاصمي في العام 1978 م واول مباراة له مع الهلال كانت مع الزمالك المصري في استاد القاهرة في بطولة الكوؤس الافريقية وخطف نجومية تلك المباراة بالرغم من حداثة لعبه للهلال . . افضل من اجاد خانة الثيردباك وفي راي الكثيرين من خبراء الرياضة يعتبر افضل مدافع سوداني في تاريخ الكرة السودانية وله استايل يختلف عن باقي المدافعين حيث لايميل الى القوة والعنف في ادائه وانما الى الهدوء والقراءة السليمة وحسن التوقع والتوقيت السليم لاصطياد كرات الخصم وبناء الهجمة من الخلف بصورة سليمة وكل هذا يتم بثقة مفرطة دون تهور وساعده على ذلك طوله الفارع ومرونته وقوامه الرشيق وتاثر بذلك الاستايل العديد من اللاعبين منهم اسماعيل زكي والتاج شاكوش وعصام عموش ونادر منصور وطارق احمد ادم . . من مبارياته الخالدة والرائعة مباراة منتخب الخرطوم مع فريق ليفربول الانجيلزي في زيارته الشهيرة للـسودان في العام 1981 م . وبعد اعتزاله عمل بالتدريب حيث عمل مدربا لعدد من الآندية مثل كوبر والعامل ومساعدا لمدرب فريق الهلال ومدربا للفريق القومي للناشئين ..توفي في ريعان شبابه في يوم الجمعة 13/3/1998 م بعد علة قصيرة لم تمهله طويلا رحمه الله رحمة واسعة.
    2 – عبده الشيخ يس :- بدا بفريق النصر بامدرمان بالدرجة الثالثة وظهر في الدورة المدرسية مع مدرسة الانجيلية امدرمان الثانوية وانتقل للمريخ ثم للهلال في موسم 1983 م لعب للهلال عدة مواسم ثم اختتم حياته الرياضية بنادي الاتحاد البحراوي اطلق عليه لقب ( ريفيرا ) اللاعب الايطالي المشهور . اشتهر باجادته لعب الكورنرات حيث احرز العديد من الاهداف بتلك الطريقة ومنها هدفه الشهير في مرمى الهلال عندما كان يلعب للمريخ وتعتبر فترة لعبه للمريخ اكثر ثراء من فترته بالهلال وكان يلعب في خانة الجناح الايسر .
    3- عصام سليم جابر (ابوالجاز) :- بدات موهبته بالظهور بفريق الكوكب البحراوي مع زميليه مرتضى مبارك وابن خالته حيدر حسن شقيق الكابتن نجم الدين حسن حيث كانوا يشكلون ثلاثي خطير لينتقل عصام سليم للهلال في العام 1977 م وقضى عدة مواسم ناجحة مع الهلال وامتاز بقوة تهديفاته اليسارية وتمكن من احراز هدف تاريخي في مرمى الهادي سليم حارس مرمى المريخ انتهت عليه تلك المباراة وكان يلعب في خانة الجناح الايسر . . ويقيم الان بدولة الامارات العربية المتحدة .
    4- عوض كوكا :- انتقل للهلال من الاتحاد البحراوي وادى مع الهلال عدة مواسم رائعة وحافلة بالكثير من النجاحات ورغم وجود العمالقة امين زكي وابراهيم الكوراتي وطلب وابوزيد فرح في خط دفاع الهلال ابان تسجيله ولكن حجز مكانته في التشكيلة الاساسية بفضل مايمتلكه من امكانيات وقدرات دفاعية مهولة . . اجرى عملية نقل كلية قبل فترة وامنياتنا له بعاجل الشفاء .
    5 – المرحوم سليمان فارس ( السد العالي ) :- لعب للهلال واحترف في الاهلي القاهري و لقب بالسد العالي نسبة لصلابته الدفاعية . . مارس مهنة التدريب ويعتبر مدرسة قائمة بذاتها في ذلك المجال وتولى تدريب الهلال والعديد من الفرق مثل التحرير والاتحاد البحراوي وحي العرب بورتسودان والزهرة الامدرماني وغيرها وامتاز بقوة شخصيته حيث لايتيح للإداريين التدخل اطلاقا في عمله الفني . . ومن المواقف المشهودة له وعندما كان يقوم بتدريب نادي الزهرة وفي احدى مبارياته مع احد الفرق قام الحكم بطرد احد لاعبي الفريق الخصم من الميدان ليقوم سليمان فارس بسحب احد لاعبي الزهرة من الميدان ويكمل فريقه المبارة بعشرة لاعبين فقط وسط دهشة الجمهور في سابقة فريدة من نوعها .
    6 – ابراهيم هارون (ابراهومة - الديسكو):- انتقل للهلال من نادي كوبر بعد ضجة كبيرة حيث كان المريخ يسعى لتسجيله قضى مع الهلال مواسم ناجحة وبعد شطبه ولانه كان لازال قادرا على العطاء انتقل للمريخ لمدة موسم واحد في عام 1983م . . في فترة لعبه للهلال كان يشكل ثنائية خطيرة مع زميله مصطفى النقر . . امتاز بفنياته العالية وصناعته للعب وتابلوهاته الاستعراضية .
    7 – جمال محمد خميس ( الثعلب ) :- بدا برابطة الدناقلة للناشئين بفريق المحلة مع زملائه ازهري دقة وخالد ومحمود العطا ونادر بسطاوي وعطا العربي والمرحوم عصام كدوس وسامي وقدورة الامير وطه سلفاب تحت قيادة المدرب مدثر صديق ثم الرابطة الكبرى باشبال الاتحاد ومن زملائه ازهري دقة وخالد العطا وسامي الصادق وفتاح النور (بوش) وتحت قيادة المدرب ناصر جقود وتم تصعيدهم جميعا للفريق الاول وبعد موسمين من ذلك كان الاتحاد البحراوي في الدرجة الاولى بقيادة المدرب صلاح ناجي وبرز بصورة ملفتة للأنظار مع الاتحاد ليتم اختياره للفريق القومي للشباب في العام 1985 م مع زميليه عاطف منصور وجمال كدوس وكان الفريق القومي للشباب يضم في في تلك الفترة عبد السلام حميدة وعيسى صباح الخير وابوعبيدة محمود وبدر الدين بخيت وحافظ عبد الوهاب ومجدي الزومة وفي موسم 1986 م انتقل للهلال العاصمي مع زميله جمال كدوس ومن اول مباراة له دخل التشكيلة الاساسية ولم يجلس في كنبة الاحتياطي حتى اعتزاله وتوج ذلك المشوار الرائع باستلامه شارة الكابتينية اسوة بالعمالقة محمد طلعت فريد وعبد الخير صالح وهاشم ضيف الله وصديق منزول وجكسا وامين زكي وقاقارين ومصطفى النقر وطارق احمد ادم ليسجل اسمه في التاريخ باحرف مع نور مع ذلك العقد الفريد من الافذاذ . . وبدا بوظيفة الظهير الايمن عندما كانت طريقة اللعب 4 – 4 – 2 وفي بعض المرات عند غياب رفيق دربه منصور بشير تنقا لدواعي الإصابة اوغيرها او اذا كان الجناح الايمن للفريق الخصم على درجة عالية من الخطورة يتم تحويله الى خانة الظهير الايسر من اجل الحد من خطورته وذلك لاجادته الرقابة اللصيقة للمهاجمين والتي كان يجيدها بدرجة الامتياز . . وعندما تم تغيير طريقة اللعب الى 3 – 5 – 2 تم توظيفه في وظيفة المساك الايمن ومن انجازاته مع الهلال وصوله الى نهائي كاس افريقيا موسمي 1987 م و 1992 م وبالرغم من ضألة حجمه نسبيا و لكنه مدافع لايشق له غبار وتميز ايضا بإخلاصه ووفائه وبغيرته على الشعار وفي هذا يعتبر مثال يحتذى به الذي يرتديه ومثل الفريق القومي السوداني في العديد من المباريات الدولية وعند اعتزاله اقيم له مهرجان تكريم كبير عرفانا وتقديرا لعطائه للهلال طوال سنوات لعبه والتي قدم خلالها عصارة جهده . . وخارج الملعب هو انسان وديع ومهذب وهادي الطبع وخلوق مما اكسبه محبة الجميع في الوسط الرياضي بصورة عامة والوسط الهلالي بصفة خاصة .. والان يقيم بالولايات المتحدة الامريكية.
    8 - جعفر عبد الرازق :- انتقل للهلال من العامل البحراوي بعد ان كان الأقرب للتسجيل للمريخ وسجل للهلال بعد موسم واحد من تسجيل شيخ ادريس كباشي وهو من اسرة كرويه فشقيقه الاكبر الدكتور ابوعبيدة كان لاعب كرة ممتاز بالكفاح البحراوي واخيه الاصغر خالد يلعب بنادي كوبر ويعتبر جعفر عبد الرازق من اميز المهاجمين في عقد الثمانينات وذلك لقدراته الكبيرة في المراوغة المجدية والتخلص من المدافعين وصناعته واحرازه للاهداف وكان يتم تكليف اكثر من مدافع للقضاء على خطورته ومن المواقف المشهودة له في مباراة مع الاهلي مدني في كاس السودان في العام 1982 م تقريبا قام بمراوغة الظهير الايسر بطريقة جميلة كعادته ليقع الظهير الايسر ارضا وفي نفس اللحظة كان الظهير الايمن واقعا ارضا ايضا من تلك المراوغة الجميلة في واقعة طريفة لازالت خالدة باذهان الكثيرين . كان يشغل خانة الجناح الايمن والجناح الايسر وراس الحربة ولاعب وســـط مهاجم ورغم العنف الشديد والغير قانوني الذي كان يواجهه من المدافعين لايقاف خطورته الا انه كان يتقبل ذلك بصدر رحب وباخلاق رياضية عالية ولايتنرفز ولايشاكس خصومه وعند هزيمة الهلال تجد عيناه تمتلئ بالدموع ولله درك يا جعفر عبد الرازق .. والأن يعمل مدربا ناجحا لفريق الهلال كادقلي بالدوري الممــتاز .
    9 – حافظ عبيد :- بداية ظهوره كانت بالعامل البحراوي الذي كان في الدرجة الاولى في ذلك الوقت وظهر معه بصورة طيبة ليتم اختياره للفريق القومي في عهد الخبــــــــــير الاجنبي ( يانكو ) في العام 1975 م لينتقل للهلال العاصمي ولعب للهلال فترة رائعة وكان يمتاز بالقوة والصلابة والفدائية والعنف القانوني المشروع وكان في الفريق القومي يشغل خانة الظهير الايمن وفي الهلال وعند عودة الرياضة الجماهيرية اصبح يشغل خانة الاستوبر والتي اصبحت شاغرة بعد هجرة المدافع الممتاز خضر الكوري الى دولة قطر .
    10 – متوكل عبد السلام :- برز في الدورة المدرسية من خلال مدرسة بيت الامانة وانتقل للهلال الذي كان يضم في تلك الفترة العمالقة الدحيش وقاقارين ومصطفى النقر وقاسم احمد عثمان والتاج محجوب وعصام مصطفى وشيخ ادريس بركات ولكنه احتل مكانته في التشكيلة اساسيا واعطى للهلال الكثير وبرز بصورة طيبة وكان احد ابرز هدافيه في تلك الفترة مما لفت انظار مسئولي نادي الوحدة السعودي ليتعاقدوا معه محترفا لمدة موسمين وعاد بعد ذلك الى السودان وانضم لفريق الاملاك البحراوي وهزم الهلال في المبارة الدورية الشهيرة 3/1 واحرز هدفين في تلك المباراة وامتاز بالسرعة والحرفنة والتهديف من كل الاتجاهات بالاضافة الى امتلاكه بنية جسمانية قوية . . ويقال بانه اكتسب تلك المهارات الكروية من خاله سلطان الطرب خضر بشير الذي كان يقوم بتدريبه والذي كان ايضا لاعب كرة وهداف ممتاز بنادي شمبات .
    11 – فائز نصرالدين السيد مرجان ( قيثارة الابداع ):- ابن الزعيم الراحل نصرالدين السيد بدا برابطة الدناقلة بفريق الفاروق ثم انتقل الى اشبال الهلال ليتم تصعيده للفريق الاول مع زملائه احمد ابو الجاز وحاتم معني وهاشم عبد المتعال حارس المرمى ولعب في الهلال موسم واحد فقط ولم يعطى الفرصة الكافية ليثبت وجوده لينتقل لفريق امدوم الذي كان في الدرجة الاولى انذاك وقدم معه فترة طيبة حافلة بالعطاء وانتقل بعد عدة مواسم الى هلال بورتسودان . . امتاز بفنياته العالية وبقدراته المدهشة على تطويع الكرة حيثما يريد وهو افضل لاعب كرة سوداني يمتلك كنترول واكتســـــــب تلك المهارات بالوراثة من عمه ( ملا ) الذي سبق لنا الكتابة عنه في هذا البوست و يعتبر مع زميليه سكسك وهيثم السعودي احرف من انجبتهم الكرة السودانية بعد عودة الرياضة الجماهيرية وهو من اللاعبين اصحاب الشعبية الجماهيرية الجارفة .. ولازال يواصل نشاطه الرياضي ولكن من خلال المهرجانات الاستعراضية .
    12 – عصام مصطفى ( عمو ):- بداية ظهوره كان بالدورة المدرسية من خلال مدرسة بحري الشعبية ليقوم الهلال بتسجيله وتم ذلك مع زميله التاج محجوب لاعب الهلال السابق وسبقه باللعب في الهلال شقيقه الأكبرعبده مصطفى ومن مميزاته قدراته العالية على المرواغة وفي ذلك يعتبر ملك المراوغة بحق وحقيقة وكان يلعب في خانة الجناح الايمن والايسر ولم يواصل مع الهلال كثيرا بالرغم من موهبته وامكانياته الكبيرة وصغر سنه في تلك الفترة .
    13 – عماد خوجلي :- بدا بهلال بورتسودان ولعب للهلال العاصمي موسم واحد فقط ليسافر الى السعودية ويحترف بنادي الاهلي جدة ونسبة لموهبته وامكانياته الكبيرة تم اعطائه التابعية السعودية مع زميليه امين دابو ( سنغالي الاصل ) واحمد الصغير ( يمني الجنسية ) وتعتبر تلك الفترة من افضل الفترات للنادى الاهلي طوال تاريخه حيث كان يحصد كل البطولات وسمي على اثر ذلك بقلعة الكؤوس وكان لعماد خوجلي دور كبير في تلك البطولات مع زملائه وسبق له احراز لقب هداف الدوري السعودي في احمد مواسم لعبه على الرغم من انه لاعب وسط . . وانتقل بعد ذلك الى نادي الوحدة بمكة المكرمة ولعب له عدة مواسم وخلال تلك الفترة اشتهر بدعمه المالي لفريق الحي حيث منزل اســـــــــرته بحلة خوجلي ( نادي العــامل ) . . الأن عاد للسودان نهائيا وتولى تدريب فريق هلال بورتسودان الموسم الماضي .
    14- جمال عبده الشيخ عبد المتعال ( كدوس ) :- بدا برابطة الدناقلة فريق النيلين وانتقل لنادي الاتحاد البحراوي وهو في سن صغير وساهم في صعود الاتحاد الى الدرجة الاولى وتسجل لنادي الهلال مع زميله جمال الثعلب في العام 1986 م ووصل مع فريق الهلال الذهبي الى نهائي كاس افريقيا عام 1987 م ولعب للفريق القومي عدة مباريات ولازلنا نذكر اهدافه الشهيرة في مرمى منتخبي الكاميرون والجزائر ولعب للهلال موسمين فقط وتم شطبه لاسباب ادارية حيث سافر الى دولة الامارات في وسط الموسم وعاد ولكن كان المرحوم الطيب عبد الله رئيس نادي الهلال في تلك الفترة قد اتخذ موقفا منه . . وبعد شطبه سافر الى دولة عمان ومن ثم الى دولة قطر محترفا بهما . . كان يلعب في خانة الجناح الايمن وامتاز بحرفنته وبسرعته الرهيبة وقدرته الفائقة على عكس الكرات المحسنة من كل الاوضاع والاتجاهات لزملائه المهاجمين والتي غالبا ماتنتج اهدافا والان يمارس مهنة التدريب وكان يقوم بتدريب نادي الاتحاد قبل فترة .
    15 – المرحوم هينو :- بدا برابطة الديوم ببحري ومن زملائه في تلك الفترة برابطة الديوم مزمل بارود واسامه العطا واسمر نجم اتحاد مدني والمرحوم شيخ ادريس كباشي ثم انتقل الى العامل البحراوي وتاخر انتقاله للهلال عدة سنوات وسجله الهلال في اواخر حياته الرياضية وادى مع الهلال موسم واحد وظهر فيه بصورة جيدة وحينما تم تسـجيله كتبت الصحف الرياضية ( هينو المقلب ) ولكن بعد ظهوره الجيد في ذلك الموسم كتبت نفس الصـحف ( هينو المكسب ) وتميز في لعبه بالقوة والجسارة وبالانقضاض العنيف لم يواصل نشاطه بعد شطبه من نادي الهلال وذلك لزيادة وزنه وتقدمه في العمر . . توفى قبل عدة اعوام قليلة نسأل الله له الرحمة والمغفرة .
    16 – عاطف منصور السربندي :- بدايته بفريق المجاهد برابطة الشعبية وانتقل الى الاتحاد البحراوي وتالق معه بصورة كبيرة وتم اختياره للفريق القومي للشباب وتسجل للهلال في عام 1985 م ولعب موسمين فقط وتم شطبه لينتقل الى المريخ وفي المريخ اثبت وجوده بصورة افضل وساهم مع زملائه في تحقيق انجاز كاس الكوؤس الافريقــية في عام 1989 م وكاس دبي الذهبي في العام 1988 م . . في الاتحاد البحراوي كان يلعب في خانة راس الحربة وفي الهلال والمريخ تم توظيفه في خانة الجناح الايمن ومن مميزاته السرعة واجادة المراوغة والحماس والروح القتالية وخلخلة المدافعين ( فرفارة ) ونجح في المريخ لان طريقة ادائه تتميز بالحماس وبالروح القتالية وهي نفس طريقة ادءا فريق المريخ عبر التاريخ . .والان يمارس مهنة التدريب وكان مدربا لفريق الشعبية في الموسم الماضي .
    17 – نادر منصور السربندي :- الشقيق الاصغر لعاطف منصور وبدا برابطة الدناقلة باشبال نادي الاتحاد مع زملائه جمال الثعلب وازهري دقة وخالد العطا اللذين تم تصعيدهم للفريق الاول ولم يتم تصعيد نادر منصور بالرغم من موهبته الكبيرة مع تلك المجموعة لانه كان صغيرا في السن ليفاجئ الجميع وينتقل لاشبال نادي التحرير الخصم اللدود لنادي الاتحاد مع اصدقائه وزملائه في حي الشعبية علي حسن ( كدمبس ) وصبري اسماعيل وعصمت كربوج وتم تصعيده للفريق الاول لنادي التحرير وكان من المفترض ان يتم تسجيله في نادي الهلال ولكن تدخل نادي حي العرب بورتسودان وقام بتسجيله مع زملائه عائد الشيخ من نادي الصبابي ونصر الدين يانكو من نادي الكوكب البحراوي والريح كاريكا وابوعبيدة محمود وتوفيق فضل السيد وعلي الدمازين ولعب لنادي حي العرب بورتسودان عدد من المواسم الحافلة بالانجازات ليعود لنادي التحرير مرة اخرى لمدة موسم واحد فقط لينتقل لنادي الهلال في موسم 1992 م والذي وصل فيه الهلال الى نهائي كاس افريقيا للاندية واستمر مع الهلال لمدة موسمين فقط ولعب للفريق القومي السوداني كثير من المباريات الدولية . . كان يجيد اللعب في خط الدفاع والوسط بنفس الاجادة من مميزاته حرفنتة ومهاراتة العالية وقوة انقضاضه ولياقتة البدنية العالية والتي تمكنه من اداء المباراة بنفس واحد وهو افضل من يبث الحماس في وسط زملائه اللاعبين لانه يؤدي بجدية وروح قتالية شديدة ولديه ميزة اخرى نادرة في اللاعب السوداني وهي ثبات مستواه فنادرا مايؤدي بمستوى ضعيف . . وكان من اكثر اللاعبين المظلومين اعلاميا مقارنة مع موهبته الكبيرة .
    18 - اسماعيل زكي :- بدا برابطة الختمية وانتقل للتحرير وقد قدم اداء ممتازا اهله للدفاع عن شعار الفريق القومي السوداني وكان ذلك ابان دورة شرق ووسط افريقيا ( سيكافا ) في العام 1980 م والتي فاز السودان بكاسها وانتقل بعد ذلك الى الهلال ولم يستمر كثير ولم تتح له فرصة اللعب بصورة متواصلة رغم امكانياته كمدافع لايستهان به وذلك لوجود شيخ ادريس كباشي ومصطفى سيماوي وصلاح ابوروف وبدايات طارق احمد ادم في تلك الفترة . . وهو اقرب في ادائه الى استايل شيخ ادريس كباشي . . شد الرحال بعد شطبه من الهلال الى مدينة بورتسودان منتقلا الى فريق الاتحاد بورتسودان والذي قضى معه مواسم طيبة وسبق لي الذهاب في زيارة قصيرة الى نادي الاتحاد بورتسودان ووجدت اسماعيل زكي بعد اعتزاله اللعب يحظى بمكانة كبيرة من اقطابه وادراييه ومشجعييه بل يعتبرونه رمز من رموز النادي وذلك لعطائه الثر خلال فترة لعبه ولاخلاقه العالية وتهذيبه وادبه الجم لذا اثر البقاء والعيش هناك في ذلك المجتمع المعافى بعد اعتزاله الكرة .
    19- كمبا :- من ابناء جنوب السودان الحبيب وكان يلعب بفريق الامير البحراوي ومنه تم تسجيله للهلال واستمر لموسم واحد فقط وبعد شطبه انتقل الى هلال بورتسودان واستمر معه عدة اعوام الى ان اعتزل وطاب به المقام كزميله اسماعيل زكي ببورتسودان وعمل مساعد مدرب لنادي الهلال بورتسودان قبل عدة مواسم ويعتبر افضل من يلعب الثرو باص حيث يجعل المهاجم في مواجهة المرمى مباشـرة .
    20 – مجدي موسى (مجدي كوبر):- بدا بنادي كوبر وكان هداف دوري الدرجة الثانية مما لفت انظار اندية القمة اليه وانتقل للهلال وظهر في بدايته بصورة ممتازة وكون مع جعفر عبد الرازق ثنائية ممتازة خصوصا وانهم ابناء حي واحد ولكن لم يستمر مع الهلال كثيرا ليتم شطبه وينتقل الى نادى الإتحاد ببورتسودان لعدة مواسم وعاد مرة اخرى الخرطوم ووقع في كشوفات نادي العباسية بامدرمان في عهد المدرب القدير ( سعد دبيبة ) واحرز مع العباسية المركز الثالث في كاس السودان وبموجب ذلك مثلت العباسية السودان في البطولة العربية واخر محطاته الرياضية كانت عودته الى قواعده سالما الى نادي كوبر وبعدها اعتزل الكرة . . اشتهر بالسرعة وبانطلاقاته القوية ومشاكسته للمدافعين ويساعده في ذلك طوله الفارع وبنيانه الجسماني القوي .
    21 – ياسر رحمة :- بدا بنادي الوحدة بحري بالدرجة الثالثة وانتقل الى نادي الرابطة ام درمان وبعد ظهوره بمستوى جيد تنافس الهلال والمريخ للظفر بتسجيله ونسبة لهلالية معظم اعضاء مجلس ادارة نادي الرابطة تم تسجيله للهلال وعند تسجيله كان طارق احمد ادم وجمال الثعلب قد اعتزلا اللعب وتم شطب نادر منصور وتعاقد نادي الوكرة القطري مع عاكف عطا ليجد الطريق ممهدا له لدخول التشكيلة الاساسية مباشرة وقدم مستويات رائعة مع الهلال وتم اختياره للفريق القومي الذي كان يشرف عليه الخبير احمد بابكر وعندما اكمل فترته واراد الهلال إعادة تسجيله اختلف في حافز إعادة تسجيله مع ادارة نادي الهلال ليصرف الهلال النظر عن إعادة تسجيله . . وامتاز بتكوينه الجسماني القوي وبإجادته الالعاب الهوائية وبجديته في ادائه وتنظيف المنطقة الدفاعية اول باول وقراءته السليمة للملعب وتلك هي مواصفات وظيفه الليبرو الناجح والتي كان يجيدها وكان يشكل ترسانة دفاعية في خط دفاع الهلال بتفاهمه مع زميليه المساكين ود الجنيد ومحمد بسطاوي . . لعب بعد ذلك لعدد من الاندية المختلفة بالدرجة الاولى والثانية .
    22 – احمد ادم ( عافية ) :- كان احتياطي لفترة طويلة للحارس صلاح قطبي ومن بعده حسن الطيب وعندما وجد الفرصة اغتنمها جيدا ولم يفرط فيها الى ان اعتزل اللعب وكان يتفاءل الهلالاب بوجوده في مباراة القمة امام المريخ لانه يكون موفقا فيها دائما وقام بتمثيل الفريق القومي السوداني في عدد كبير من المباريات الدولية وبعد اعتزاله عانى الهلال كثيرا من اجل الحصول على حارس مرمى بمواصفاته الممتازة وكان يتم تسجيل كمية كبيرة من حراس المرمى في كل موسم ويتم شطبهم في نهاية الموسم وادى ذلك الى استقدام الهلال لحارس اجنبي ( بازي التنزاني ) وهو من اللاعبين النادرين الذي اكملوا دراستهم الجامعية في تلك الفترة حيث يحمل شهادة بكالوريوس الهندسة المعمارية من جامعة الخرطوم . . بعد اعتزاله اللعب عمل بمهنة التدريب وبدايته في ذلك المجال كان بفريق الحي ( الحاج يوسف ) ومن ثم عمل مساعدا لمدرب الهلال ( برانكو ) وتولى تدريب الهلال بعد ذلك عدة مرات واخر فريق تولى تدريبه هو نادي النيل الحصاحيصا .
    23 – عصام علي الريح :- بدايته بفريق الثريا سابقا ( حلة حمد حاليا ) على مااعتقد وتم اختياره لمنتخب الناشئين الذي مثل السودان في كاس العالم في ايطاليا في العام 1990 م مع زملائه عاكف عطا ومصطفى كومي وابراهومة ونميري احمد سعيد وخالد احمد المصطفى وغيرهم من ذلك الجيل الذهبي وظهر في تلك التظاهرة العالمية بصورة طيبة اهلته للإنتقال للهلال ووظيفته في الملعب الظهير الايمن وظهر بصورة مدهشة في بدايته ودخل سريعا الى قلوب جماهير الهلال وتنبأ له الجميع بالنجومية المطلقة وفي مبارة دورية في نفس الموسم مع فريق الموردة تعرض لإصابة بالغة في ركبته عجلت برحيله من الملاعب ولتنتهي حياتة الرياضية وتنطوي صفحة لنجم موهوب كانت تعول عليه الكرة السودانية كثيرا .
    24 – احمد حضرة :- من اسرة حضرة الشهيرة بشمبات وبدا باشبال نادي الموردة وتم تصعيده للفريق الاول وادى مع الموردة خمس مواسم ظهر فيها بصورة مشرفة وكان احد الاعمدة اساسية لنادي الموردة وعند اكمال فترة قيده بالموردة قام الهلال بتسجيله ولعب للهلال عدد من المواسم واقتحم التشكيل الاساسي لفريق الهلال بعد ان تم تحويله من خانته السابقة التي كان يؤديها في فريق الموردة في خط الوسط الى طرف ايمن ومن مميزاته قوة تهديفاته خصوصا من االكرات الثابتة والتي كان يجيدها وسبق له احراز هدف في فريق المريخ في احدي مباريات الدوري الممتاز بتلك الطريقة وانتهت تلك المباراة بهذا الهدف الوحيد وبعد شطبه من نادي الهلال اعتزل اللعب وهاجر الى السعودية للعمل .
    25 – مصطفى كومي :- بدايته بفريق الشعبية ببحري الذي كان في تلك الفترة يلعب بالدرجة الثالثة ( ميدان عقرب ) وفي هذا الموسم ابلى بلاء حسنا مع زملائه ليتوج ذلك بصعود الشعبية الى الدرجة الثانية وبظهوره بهذا المستوى الرفيع تم اختياره لمنتخب الناشئين الذي مثل السودان في ايطاليا وبعد انتهاء مباريات السودان في تلك التظاهرة تسابقت اندية القمة للظفر بتسجيله ومكث بغرفة تسجيلات المريخ لفترة طويلة ولكن كانت رغبته اقوى باللعب للهلال ليقفز من الشباك ويذهب الى غرفة تسجيلات الهلال ويوقع في كشوفاته وقدم مع الهلال خمس مواسم حافلة بالعطاء ومن مميزاته التهديف القوي نحو المرمى وان كان يعيبه وزنه القابل للزيادة السريعة والذي كان يعوقه ويجعل حركته بطئية نوعا ما في الميدان ولهذا السبب تم شطبه مع انه كان صغيرا في السن وفي بدايته مع منتخب السودان للناشئين كان يشغل خانة راس الحربة وفي الهلال تم تحويله الى خط الوسط لان وظيفة راس الحربة تتطلب الرشاقة والسرعة واللعب بدون كرة في مساحات واسعة لفتح الثغرات للاعبي الوسط القادمين من الخلف وطول القامة لإجادة الالعاب الهوائية من الكرات المعكوسة وهذا ماكان يفتقده مصطفى كومي وبعد شطبه سافر الى المجر واحترف في احد اندية الدرجة الثانية هناك ولازال الى الان مقيم هناك .
    26 – عروة الطيب :- نجم خط وسط الهلال المبدع في السبعينات وهو من حلفاية الملوك ومن مبارياته الخالدة مباراة الهلال والمحلة المصرية في العام 1974 م في بطولة الاندية الافريقية والتي انتهت بفوز الهلال 4/1 ورغم ذلك الفوز الكبير خرج الهلال من البطولة الافريقية عند الإحتكام لضربات الجزاء ومن زملائه في تلك الفترة زغبير وشوقي عبدالعزيز وفوزي المرضي وعبد الله موسى وخضر الكوري وعبده مصطفى وشواطين وقاسم احمد عثمان والفاتح النقر وعز الدين الدحيش وشقيقه الاصغر حمزة الطيب كان لاعبا في فريق المريخ في نفس الفترة الزمنية .
    27 – عبده سرور :- انتقل للهلال من نادي الامير البحراوي ولم يستمر مع الهلال سوى موسم واحد فقط وبعد ذلك لعب للإتحاد البحراوي فترة قصيرة ايضا وكان يلعب في وظيفة الاستوبر .
    28 - عادل تنقو :- بدايته كانت برابطة الختمية ومنها انتقل الى نادي التحرير البحراوي وكان ابرز لاعبيه خلال تلك الفترة وبعد ان اكمل فترة قيده في نادي التحرير قام الهلال بتسجيله مع زملائه اسماعيل زكي وبكري عبد الجليل وابوطالب ولعب في الهلال موسم واحد فقط وعدد مبارياته تعد على اصابع اليد الواحدة . . وامتاز بحركتة النشطة في الملعب ( دينمو ) وكان يلعب في خط الوسط .
    29- محمد حمدان :- بدا باشبال الاتحاد البحراوي وتم تصعيده للفريق الاول واختير لمنتخب الناشئين المشارك في نهائيات كاس العالم للناشئين بايطاليا في العام 1990 م ولم تتح فرصة اللعب في تلك التظاهرة وكان احتياطيا في جميع المباريات وانتقل بعد ذلك الى نادي الهلال وقدم عدة مواسم زاخرة بالعطاء الثر الى ان تقلد شارة الكابتنية وموهبته لاخلاف عليها وان كان يميل الى اللعب الاستعراضي في بعض الاحيان ويستجيب لهتافات وصيحات الجماهير وعندما كان يلعب في الاتحاد كانت خانته خط الوسط الايسر وفي الهلال تم تحويله الى الطرف الايسر وتم شطبه لاسباب إدارية وليس لاسباب فنية وكان يمكن ان يعطي الكثير للهلال لصغر سنه .
    30 – ياسر ابورقة :- بدات تتفتح مواهبه برابطة الدناقلة بفريق السواح الذي كان يمثل حي الميرغنية و ونسبة لعدم وجود رابطة بحي الميرغنية انضم فريق السواح لرابطة الدناقلة ليمارس نشاطه الرياضي وانتقل بعد ذلك الى فريق الزهرة الامدرماني ومنها كانت انطلاقاته وبروزه اللافت للنظر ليقوم الهلال بتسجيله واستمر الهلال مع الهلال لمدة ثلاثة مواسم وهو لاعب موهوب وفنان وكان صانع العاب ممتاز .. لم يكن يكترث ببمارسة الكرة بفكر احترافي كمهنة وكمصدر رزق له وذلك لانه من اسرة ثرية تسكن حي الميرغنية .
    31 – هشام الطيب :- بدايته كانت بروابط المزاد وانتقل للهلال واصبح الحارس الاول للهلال بعد ظهوره الممتاز في البطولة العربية بجدة وازاحته للحارس يور ويمتاز بالطول الفارع والرشاقة وبرودة الاعصاب . . اكمل دراسته بجامعة امدرمان الاهلية والان يقيم بالولايات المتحدة الامريكية وهو عضو فاعل بموقع سودانيز اون لاين .
    32 – بكري عوض الله صالح :- ابن مولانا الشيخ / عوض الله صالح وانضم للهلال من فريق شمبات وكان مدافع ممتاز واهله مستواه الجيد الى الانضمام لفريق الهلال ولعب للهلال فترة بسيطة جدا .
    33 – ياسر خليفة ( الديبة ) :- بدايته بفريق كوبر ومنه انتقل الى فريق الموردة وعند اكمال فترة قيده بالموردة قام الهلال بتسجيله وكان يلعب في خانة الطرف اليمين وتم شطبه بعد عام واحد فقط .
    34- انور الشعلة :- انتقل للهلال من فريق الشعلة بحي شمبات احد فرق الدرجة الثالثة ببحري وانتقل للموردة واكمل فترة قيده بالموردة وبعد ذلك انتقل للهلال وقضى في الهلال خمسة مواسم عامرة بالعطاء وحافلة بالانجازات وكان خلال تلك الفترة من الاعمدة الاساسية ووظيفته في الميدان الطرف الايسر وهو لاعب يمتلك مهارات عالية ومراوغ ممتاز . . بعد شطبه سافر الى قطر للاحتراف لمدة عام واحد وعاد الى السودان مرة اخرى .. والان يلعب بنادي الموردة بعد ان اعاد تسجيله .
    35 – محمد الفاضل :- برز بصورة ممتازة مع فريق شمبات وكان من عناصره الرئيسية في صعود نادي شمبات الى الدرجة بعد غيبة طويلة وانتقل الى الهلال واستمر لمدة موسم واحد فقط رغم امكانياته الطيبة وكان افضل من يجيد وظيفة الارتكاز ويساعده في ذلك طوله الفارع وبنيانه الجسماني القوي .
    36 – عبده سعد :- انتقل للهلال من نادي شمبات وكان يلعب في خانة الجناح الايسر ولم يجد فرصة اللعب لوجود عبده الشيخ وشريف وعصام كورنر واستمر مع الهلال لمدة موسم واحد فقط .
    37 – حمد كمال ( الليث ) :- بدايته بفريق الامير وتم احتياره لنتخب الناشئين في عهد المدرب الخبير احمد بابكر مع زملائه في تلك الفترة مع عدد من ابناء بحري مثل محمد موسى وهيثم مصطفى والضو قدم الخير وحسين الضو وتقلد شارة الكابتنية لمنتخب الناشئين لامتلاكه صفة القيادة وانتقل الى الهلال وقدم مواسم كروية رائعة معه الى ان استلم شارة الكابتنية من جمال الثعلب ويجيد اللعب في خط الوسط والدفاع وهو لاعب منضبط تكتيكيا ويقوم بتنفيذ توجيهات المدربين بحذافيرها ويقم بادوار كثير خفية لايراها المشاهد العادي لذا كان من اللاعبين المفضلين للمدربين اللذين عاصرهم خلال مسيرته الرياضية ورغم شطبه قبل عدة سنوات الا انه لازال مواصلا نشاطه الرياضي مع فريق الصبابي مما يؤكد بان شطبه كان خطا كبير لانه لازال قادرا على العطاء والابداع .
    38 – هيثم الزين ( السعودي ) :- بدايته كانت بالسعودية ومن هنا اطلق عليه لقب السعودي وعندما عاد الى السودان انضم لنادي الامير البحراوي الذي كان يلعب في الدرجة الثانية وشكل ثلاثي خطير مع زميلاه في تلك الفترة حمد كمال وهيثم مصطفى ولم يهتم الهلال والمريخ به كثيرا لتسجيله ولكن كشافي فريق الموردة كانت لهم نظرة ثاقبة فانضم الى فريق الموردة ومع الموردة قدم مستويات رفيعة ومذهلة توجت بفوز الموردة بكاس السودان وطلبه نادي الزمالك المصري للإحتراف بصفوفه ونجح بامتياز في الاختبارات الفنية وكان على وشك التوقيع مع الزمالك الذي صرف النظر عن تسجيله لانه ذهب الى المجاملة في مناسبة زواج سوداني امتد الى الفجر مما يدل على عدم وجود فكر احترافي لديه وعند اكماله فترة قيده بالموردة انتقل الى الهلال بعد ضجة وصراع مع المريخ وخلال فترة وجوده بالهلال لم يظهر بالمستوى المتوقع منه ليتم شطبه بعد موسمين واعتزل بعد ذلك الكرة . . مهاراته وامكانياته العالية كان يطوعها ويسخرها للمجموعة . . وفي فترة لعبه بنادي الامير البحراوي كنا نذهب ومعي مجموعة كبيرة من ابناء الحي لمشاهدة جميع مباريات الامير المقامة باستاد التحرير من اجل التمتع بمشاهدة المحاضرات الكروية لإبداعات هيثم السعودي .
    39 – محمد الفاتح :- سجله نادي الاتحاد البحراوي من فريق مريخ نيالا ولم يكن مبرزا في الاتحاد ولكن عند اقامة دورة المصارف الكروية والتي كانت تقام في السابق ظهر مع البنك التجاري بصورة رائعة وبعد تلك الدورة انتقل الى الهلال ولعب للهلال موسم واحد فقط وكان يلعب في خانة الجناح الايسر . . ظهر في تلفزيون السودان العام الماضي محللا رياضيا في برنامج الرياضة في عدة حلقات وفي تلك الحلقات اظهر امكانيات وكفاءة ممتازة في التحليل وذلك للباقته و لاطلاعه وثقافته الكروية وخبراته السابقة في الملاعب وياريت لو يواصل في هذا المجال .
    41 – نادر كوبر :- تم تسجيله للهلال من نادي كوبر في اوائل الثمانينات وكان يطلق عليه ( نادر كمبيوتر ) فترة لعبه للهلال كانت قصيرة جدا .
    42 – كمال كيخا :- بدا بفريق الهدف برابطة الشعبية ومنه انتقل الى اشبال الاتحاد ولم يواصل نسبة لسفره الى الهند للدراسة وعند عودته قام الاتحاد البحراوي بتسجيله وقدم مستويات ممتازه اهلته لان يسعى الى الهلال الى تسجيله وبالفعل تم تسجيله بواسطة سكرتير نادي الهلال انذاك المهندس عمر البكري ابوحراز بناء على التوصية الفنية من المدرب العراقي انور جسام وفي بداياته مع الهلال تعرض لإصابة بالغة اضطر على اثرها للسفر للعلاج في القاهرة وعندما تشافى واصبح جاهزا للعودة للملعب كان الموسم قد اقترب من نهايته وكان من الصعب دخوله للتشكيلة الاساسية ليتم شطبه عند نهاية الموسم ولولا سفره للهند للدراسة لكان له شان كبير وانطبقت عليه تماما المقولة ( مابتدي حريف ) وبعد ذلك سافر الى العمل في السعودية ولازال حتى الان هناك .
    43 – نبيل الطيب :- نشا وترعرع في حي الدناقلة شمال في منزل اقاربه (كابتن فاروق دهب ) لاعب الاتحاد البحراوي سابقا والمقيم حاليا بدولة قطر وبدا نبيل الطيب اللعب برابطة الناشئين بفريق الوادي واظهر نبوغ مبكر وموهبة عالية تنم عن نجم قادم سيكون له شان كبير وزامله خلال تلك الفترة سامي الصادق وفتاح النور (بوش ) وشمس الدين جمادة ووهبة الصادق وعلأ الدين عثمان بادي ( الفار ) وكان فريق الوادي يتقاسم البطولات مع نده فريق المحلة والذي كان يضم جمال الثعلب وخالد العطا ونادر بسطاوي وطه سلفاب وغيرهم وبعد ذلك سافر نبيل مع اسرته الى مدينة بورتسودان واستقر هناك وبعد فترة بسيطة جدا تم تسجيله لنادي حي العرب وهو في تلك السن الصغيرة وفي حي العرب كان نجما ساطعا في سماء مدينة بورتسودان وكان من دعامات الفريق الذهبي لحي العرب بورتسودان في بداية الثمانينات مع زملائه كبري وترتار وقيسوني وفوده وكمال الطاهر ومحمد الصافي وغيرهم وبعد اكمال فترته مع نادي حي العرب قام الهلال بتسجيله في موسم 1985 م وادى مع الهلال موسما رائعا واحرز العديد من الاهداف الجميلة واول مبارياته مع الهلال كانت مع الاتحاد البحراوي في دوري الدرجة الاولى لاندية الخرطوم وانتهت تلك المباراة بفوز الهلال 3/0 واحرز نبيل الطيب هدفين والهدف الثاني كان هدف اسطوري بقذيفة داوية من خارج المنطقة لم يراها حارس الاتحاد عبود الا والكرة داخل المرمى وفي تلك المبارة تم اعطائه شارة الكابتنية وذلك كان تقليد وعرف متبع في نادي الهلال وهي إعطاء اللاعب الجديد شارة الكابتنية كنوع من التقدير الادبي ورفعا لروح اللاعب المعنوية وإن اختفت تلك العادة الجميلة الان وادى مع الهلال موسم واحد فقط وعاصر من اللاعبين في تلك الفترة رشيد المهدية ومصطفى النقر وطارق احمد ادم وجعفر عبد الرازق وعمر النقي ورجع لنادي حي العرب بورتسودان مرة اخرى وامتاز بصناعته واحرازه للأهداف ويمتلك قدما يسارية قوية نادرا ماتخطئ الطريق الى الشباك . والان مقيم بدولة قطر .
    44 – نزار كربوج :- من اسرة كروية مشهورة في بحري فابناء خالته احمد كربوج كان من افضل لاعبي نادي الاتحاد طوال تاريخه وهو اكثر الكرابيج حرفنة وبكري كربوج لعب لنادي الرابطة امدرمان وعادل كربوج لعب للامير البحراوي وعصمت وحاتم لعبوا للتحرير البحراوي وبدا نزار كربوج برابطة الشعبية بفريق النجوم وانتقل الى نادي الاتحاد البحراوي ومنه انطلقت نجوميته ليقوم الهلال بتسجيله ولعب للهلال موسم واحد فقط لم تعطى له الفرصة الكافية لابراز موهبته وتم شطبه ظلما وبعد ذلك اتجه شرقا لنادي حي العرب وهنالك وجد الجو المناسب للإبداع والتالق فكان مفتاح النصر ورمانة الميزان لحي العرب وبعد تلك المحطة شد الرحال خارج السودان الى دول اليمن حيث يلعب محترفا هناك الى الان .
    45 – عبد المنعم يوسف :- تم تسجيله العام الماضي من فريق شمبات لم يجد فرصة للعب نسبة لاعتماد المدرب البرازيلي السابق ريكاردو على تشكيلة ثابتة وتم شطبه وانتقل هذا الموسم الى فريق جزيرة الفيل .
    · في المشاركات القادمة سنتحدث إنشاء الله عن لاعبي بحري اللذين لعبوا للمريخ العظيم ( الاحمر الوهاج وسيد البلد والزعيم ) وكذلك لاشهر لاعبي بحري بفرق التحرير والاتحاد وشمبات والاملاك ....... الخ .

                   |Articles |News |مقالات |بيانات

09-10-2008, 10:40 AM

عبد الرازق سعيد

تاريخ التسجيل: 19-06-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ معاوية محمد الحسن

    تحياتي ؛؛

    أشكرك على تصحيح معلومة اللاعب الموهوب فائز نصر الدين وحقيقة فإن فريق البرازيل كان فريق متميز وكان إسم على مسمى علاوة على العلاقات الطيبة التي كانت تربط بين لاعبيه .. وبدون مبالغة فإت مستوى رابطة المزاد كان في يوم من الأيام أقوى من الدوري المسمى الآن بالدوري الممتاز ..

    (عدل بواسطة عبد الرازق سعيد on 09-10-2008, 07:43 PM)

                   |Articles |News |مقالات |بيانات

09-10-2008, 05:40 PM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote:

    فائز نصرالدين السيد مرجان ( قيثارة الابداع ):- ابن الزعيم الراحل نصرالدين السيد بدا برابطة الدناقلة بفريق الفاروق ثم انتقل الى اشبال الهلال ليتم تصعيده للفريق الاول


    الاخوان عبد الرازق و عماد
    شكراً على هذا التوثيق الرائع لابناء بحري من رياضيين وفنانين وإعلاميين وهو توثيق ممتاز يستحق عليه الاخ عماد كل الشكر والتقدير .
    ولكن لدي تصحيح بسيط لمعلومة ان الأخ فائز انتقل لأشبال الهلال من فريق الفاروق برابطة الدناقلة ’والصحيح انه انتقل لأشبال الهلال من فريق البرازيل برابطة المزاد ،وقد انتقل بواسطة المرحوم شيخ ادريس كباشي الذى كان ياتي لتدريب البرازيل من فترة لاخري بطلب من كوتش الفريق عوض اللة مصطفي بحكم صداقته للاعبى الفريق لوجود اشقائه زاهر ومعتصم كباشي ضمن لاعبي الفريق وقد لفت نظره الاخ فائز وأذكر جيداً حضور فوزي المرضي للتمرين ومفاوضاته للاخ عوض اللة بشان طلب فائز فقد كنت لاعباًفى الفريق فى تلك الفترة .وكذلك فان الاخ هشام الطيب المسجل بانه انتقل للهلال من روابط المزاد فانه ايضاً انتقل من فريق البرازيل ـوهذا التوضيح احقاقاً وإنصافاً لمجهود الأخ والكوتش القدير عوض اللة مصطي الذي خرج هولاء اللأعبين .

    واضيف للاخ عماد معلومة أن هناك أحد ابناء المزاد كان يلعب للمريخ وهو الظهير الايمن حسين وداعة ويقيم الان فى الامارات .
    واكرر تقديري وثنائي لهذا التوثيق الرائع والشامل
    .
                   |Articles |News |مقالات |بيانات

10-10-2008, 01:34 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)

    Quote: واضيف للاخ عماد معلومة أن هناك أحد ابناء المزاد كان يلعب للمريخ وهو الظهير الايمن حسين وداعة ويقيم الان فى الامارات


    يامعاويه

    مالك داير تخرب الرصه عماد طبعاً بدأ بسيد البلد ومحتكر الدورى الممتاز من ماعملوه واصحاب الوصافه قال بيجيهم راجع مع بقية الجماعه اللعبوا في التحرير والاتحاد والاملاك وشمبات ,اهو مابطال معاك حيلموكم مع أتيام بحرى ودى شرف كبير ليكم ,, وشوف عدد اللعبوا في الهلال من بحرى كم ,, واللعبوا في المريخ أتوقع أن لايتجاوزوا الـ 15 لاعب بما فيهم حسين وداعه وجون وجعقر صج (الصقر الاسود) وعبدالغني الجمسي (كوبر)(بحرى الحكوميه)..
                   |Articles |News |مقالات |بيانات

10-10-2008, 11:10 AM

عبد الرازق سعيد

تاريخ التسجيل: 19-06-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: واللعبوا في المريخ أتوقع أن لايتجاوزوا الـ 15 لاعب

    الأخ/ عبد الكريم

    المهم الكيف وليس الكم .. فالكابتن فيصل عجب لو وضعناه في كفة والأسماء المذكورة في الكفة الأخرى حا ترجح كفة العجب بكل تأكيد ، وأقرب مثال على ذلك أنه الآن مرشح في قائمة للاعبين الأكثر شعبية في العالم ..

    ما أود أن أشير إليه أنه رغم تميز مدينة بحري في كرة القدم وريادتها في هذا المجال على مستوى السودان إلا أن ما يؤسف له عدم وجود فريق واحد في الدوري الممتاز من بحري في الوقت الذي توجد فيه فرق أخرى من مناطق لم تقدم للفريق القومي ولا حتى حارس إحتياطي ..
                   |Articles |News |مقالات |بيانات

10-10-2008, 03:43 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: الأخ/ عبد الكريم

    المهم الكيف وليس الكم .. فالكابتن فيصل عجب لو وضعناه في كفة والأسماء المذكورة في الكفة الأخرى حا ترجح كفة العجب بكل تأكيد ، وأقرب مثال على ذلك أنه الآن مرشح في قائمة للاعبين الأكثر شعبية في العالم ..


    أبو رزقه

    والله طول عمرى مصنفك معانا في سيد البلد ,, ياخي شارعكم والقبلو والبعدو مافي زول بيشجع الوصيفاب
    نبارك ليكم تكريم العجب حبيبي واهو برضو ولدنا ومن كوبرنا (عمر المختار) بس بالنسبه للعيبه من كوبر بالذات لعبو في الهلال والمريخ لم يُقدم ربع ماقدموا للناديين من إبداع فني...
                   |Articles |News |مقالات |بيانات

10-10-2008, 02:05 PM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اخي العزيز عماد عثمان : مجهود مقدر وامنياتي خضوع المهندس بكري لراي الاغلبيه ويستجيب للنداءات

    وقبول عضويه عماد للمنبر.

    احمد آدم دفعتي في الابتدائي ولكن لا اظن انه تخرج في كلية المعمار بجامعة الخرطوم وعلي ما اعتقد

    انه خريج المعاهد المهنية وربما تكون ببورتسودان او جبيت.
                   |Articles |News |مقالات |بيانات

10-10-2008, 02:12 PM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا ابو رزقه حرام عليك يعني العجب في كفه والآتية اسماءهم في كفه تانيه:

    شيخ ادريس كباشي،عصام سليم،عبده الشيخ،سليمان فارس، عوض كوكا، الثعلب،ابراهومه ،حافظ عبيد،جعفر

    عبد الرازق،عماد خوجلي واحمد آدم

    دعك من الباقين ياخي دي كفة شنو البتشيل الجماعه ديل .عهدتك منصفا يا ابا رزقه.


    حمد الله علي السلامه دكتور عبد المحمود
                   |Articles |News |مقالات |بيانات

10-10-2008, 04:26 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: أخى العزيز عبد الكريم واختى هند
    اشكركم جزيل الشكر على جميل مشاعركم ولا اراكم الله مكروها فى عزيز لديكم
    لكن سبق أمر الله وتلقيت مكالمة قبل قليل بوفاة العم عبد الرحيم عابدون..
    انا لله وانا اليه راجعون..
    سوف احاول السفر اليوم ياعبدالكريم واعتقد انو فى طيارة سودانية اليوم...

    لاحولة ولاقوة الا بالله العلى العظيم ..




    تعازينا للاخ عابدون محمد عابدون في وفاة عمه ,, له الرحمه وإنا لله وإنا اليه راجعون...

    ** يوجد بوست مفتوح لتلقي التعازى...
                   |Articles |News |مقالات |بيانات

10-10-2008, 07:24 PM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    Quote: يامعاويه

    مالك داير تخرب الرصه عماد طبعاً بدأ بسيد البلد ومحتكر الدورى الممتاز من ماعملوه


    الاخ عبد الكريم
    لكن هو المفروض يبدأ بمحتكر الدوري الممتاز المحلي ولا بمحتكر الكوؤس الخارجية .هو فريق ماشرف البلد بادين بيهو لشنو،وبعدين ياعبد الكريم ناس المزاد كلهم صفوة ومريخاب انت الوداك تشجع المحلى ده شنو ـوانا أقول السكري جاءك من وين اتاريك بتشجع الهلال .

    ونضيف للاعبي بحري من لعبوا للمريخ أمين سيد وكان ايضاً يلعب فى الصقر الأسود وهو مقيم حالياً بقطر

    الاخ طارق
    اعتقد ان الاخ عبد الرازق يقصد ان ماحققه فيصل العجب لم يحققه لاعب غيره سوي فى بحري ولا السودان كله فهو الان اكثر لاعب فى تاريخ السودان احرز أهداف فى التصفيات الخارجية على مستوي الاندية والمنتخب ،كما انه الان مرشح لاكثر لاعبي العالم شهرة وهو مالم يصل اليه احد قبله .
                   |Articles |News |مقالات |بيانات

10-10-2008, 07:20 PM

عبد الرازق سعيد

تاريخ التسجيل: 19-06-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ عابدون محمد عابدون

    أحر التعازي وصادق المواساة في وفاة عمكم المغفور له بإذن الله تعالي ، سائلاً المولى عز وجل أن يتغمده بواسع رحمته ويدخله فسيح جناته مع الصديقين والشهداء وحسن أولئك رفيقاً .
    (إنا لله وإنا إليه راجعون)
                   |Articles |News |مقالات |بيانات

10-10-2008, 07:48 PM

عبد الرازق سعيد

تاريخ التسجيل: 19-06-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: عهدتك منصفا يا ابا رزقه.

    طارق ميرغني ..

    سوف أكون منصفاً بل سأغير إسمي إلى عبد المنصف إذا أقنعتني كيف نقارن من أنهى عام 2007 في المركز 12 ضمن هدافي العالم مع كاكا البرازيلي ، وإختتم 2008 ضمن قائمة اللاعبين أكثر شعبية في العالم بأي لاعب آخر .
    بأي معيار نقيس أي لاعب سوداني آخر بهذه الدرة الغالية الثمن ..
                   |Articles |News |مقالات |بيانات

10-10-2008, 09:30 PM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    لا والله يا ابا رزقه عمري ما كنت متعصبا بل ومرات كثيره جدا اشجع المريخ رغم هلاليتي وفي اي مباريات

    مع فريق اجنبي اشجع السودان غض النظر عن الفانله التي يلبسها اللعيبة ومن يفعل غير ذلك غير جدير

    بان يقال له سوداني .

    اما الموضوع ورغم تقديري للدره العجب وما قدم ونتمني ان يحوز ارقي الالقاب في المجال لكن الذي

    اوقفني ذكر اسماء لا يمكن لاحد تجاهل ما قدموه في مجال كرة القدم علي مستوي الدوري المحلي ام في

    الخارج امثال سليمان فارس او حافظ عبيد او الثعلب او غيرهم لا وبل اعتراضي علي وضعهم اجمعين في

    كفه!!!!!!!
                   |Articles |News |مقالات |بيانات

11-10-2008, 05:47 AM

عمر عثمان
<aعمر عثمان
تاريخ التسجيل: 04-08-2008
مجموع المشاركات: 1578

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: احمد آدم دفعتي في الابتدائي ولكن لا اظن انه تخرج في كلية المعمار بجامعة الخرطوم وعلي ما اعتقد

    انه خريج المعاهد المهنية وربما تكون ببورتسودان او جبيت.


    ما ذكرته صحيح يا باشمهندس
    و
    احمد ادم عمل مقاولا
    وهو من بنى عمارة المرحوم
    ابوديه(ثنائى العاصمه)
    وهى فاتحه على شارع المزاد
                   |Articles |News |مقالات |بيانات

11-10-2008, 11:24 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طبعا يا عبدالكريم...

    أنا أول من أحترف الكورة في بحري حيث كنت أهاجر من المزاد عشان ألعب في فر يق الفاروق.. وقد عاني إبن خالك طارق من جراتي له... كدي أسأله..

    يا أخوانا أكثر حاجة ما عندي فيها نصيب الكورة..فيعني ما تسطحوا بينا كثير خاصة إني حريف جدا في
    (سكج بكج).. وحرينا .. وأم القحف ...وألبد يا لبود...

    يا طارق طبعا إحسن جناحين في الفاروق أنا وعمو حامد
                   |Articles |News |مقالات |بيانات

11-10-2008, 11:35 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: خاصة إني حريف جدا في (سكج بكج).. وحرينا .. وأم القحف ...وألبد يا لبود...


    ودالسر كرار

    أها فكينا سيرة الكُرة وطاريها هي وينا الكوره البيناقشو فيها,,,,,,, حقتنا دى بكل مستوياتها أندية وقومي وشباب ,,, غايتو شينه كورتنا ,,, والعلاقه بين كورتنا وبين مانشاهده من مباريات خلوها مستوره.

    ** اها قلت الفوق ديل أنت حريف فيهم ,, وهو في زول من بحرى ماحريف في الفوق ديل وأضيف اليهم البلي السكسوني بدون جُلل...
                   |Articles |News |مقالات |بيانات

11-10-2008, 11:45 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وأضيف اليهم البلي السكسوني بدون جُلل... ]


    أيوة بدون جُلل... بس أكيد بضرَاب... خاصة الضرَابات الرخامية...بس يا عبدالكريم...أبوي الله يرحمه كان محرم علينا البلي.. ومحرم أولاد الشارع لعب البلي... لأنو بيعتقد في علاقة طردية بينه وبين القُمار.. يعني لو شاف واحد من ناس الشارع بيلعب بلي... يشيل شيلتو ساكت.. عشان كده برضو كنا بنهاجر للبلي.. وندق (نظر) نخرت اللين كله...

    وبرضو سكج بكج ممنوعة في عرف الوالد .. لأنو بيعتقد أنو الضقل ممكن يعور العين...

    علي الوالد رحمة من الله
                   |Articles |News |مقالات |بيانات

11-10-2008, 05:37 PM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)



    الأخ كمال السر كرار

    الأخ الباشمهندس طارق ميرغني

    الأخ المستشار عبدالكريم الأمين

    الأعزاء أبناء و بنات بحري لكم جميعا أطيب التحايا و الود و انشاء الله تكونوا استمتعتوا بأجازة

    العيد و الأمور أستقرت وأستتب الأمن في دياركم العامرة.

    الأعزاء و صلتني رسالة من الأخ الصديق االدفعة و أحد أبناء بحري الأوفياء الدكتور حسام

    المجمرمن لندن وهو يحييكم جميعا,,,,,,

    و يشيد بكل المشاركيين في البوست وبيقوليكم مستمتعين مع ذكريات بحري طراوة و دائما بحري

    فوووووق,,,

    و لنا ذكريات جميلة أيام عملنا في مستشفى بحري وكان معنا الأخ الصديق د.مبارك عثمان

    عبدالوهاب (السنجك) وهو الأن أستشاري ويعمل بلندن رغم عدم قناعته بالثقافة الرأسمالية

    وهو كان دائما يردد جملته المشهورة ( لا تقولي الأمريكان و الفرتيكان!),,,

    ولدينا قصة طريفة قد يكون لا يتذكرها و هو عندما عاد بعد تخرجه ذهب للبلد و هو من منطقة

    نوري و أحتفل به الأهل و أحضروا المداحين من الكسنجر أولاد حاج الماحي وعطروا سماء

    نوري بمديح المصطفى صلى الله عليه وسلم, و لكن عندما عاد و في جلسة سمر حكى لنا

    كيف أن أهله أحضروا المداحين في تخرجه!!! فقلت له ماذا تريد أن يحضروا ليك فرقةالBLUE STARS !!

    و في تلك الفترة عمل معنا الدكتور و لاعب الهلال السابق الصديق محمد حسين كسلا و في تلك

    الفترة كان مدرب و طبيب نادي الهلال و كنا نعمل في قسم الجراحة وحدة مستر أبراهيم الجاك

    و كانت لنا ذكريات و مواقف طريفة و خاصة في قسم الحوادث و هو كان عبارة خشبة مسرح

    و الجميع مشاركين مرضى مراجعين أطباء و ممرضين و فراشين و كان أشهرهم حسن (كتاس)

    و كان يسكن في تلك الفترة في المزاد ناحية شارع الكدرو نفس البيت الفيهو دكان الترزي

    الشهير علي ( النضام), و الدكتور محمد حسين شارك في مهرجان الوفاء الذي اقيم في ميدان

    عقرب للمرحوم أزهري أحمد سعد لاعب المارد برابطة المزاد و الأ ملاك,

    التحية لكل الزملاء الذين عملوا في بحري و جاهزين للمناولة لذكرياتهم و مواقفهم الطريفة عن

    بحري.

    و ايضا من لاعبي الهلال من رابطة المزاد حارس مرمى الهلال أحمد النور و هو جاء للمزاد من

    سنار و التحق بالتدريب المهني و بدأ يتمرن مع فريق المارد و صار حارس المرمي الأساسي لما

    يتمتع به من مواصفات حارس المرمي الطول و الرشاقة و طول و قوة اليدين و من الأشياء

    الطريفة كان بيلعب حافي القدمين كمعظم لاعبي الروابط في ذلك الزمن لضيق الأمكانيات و لكن

    لأحمد النور كان السبب لايوجد مقاس حذاءه و أول حذاء له كان أحضرته من روسيا في ذالك

    الوقت, ثم أنتقل للعب بموردة سنار ثم جاء للهلال و أصبح الحارس الأساسي وقدم كثير من

    المواسم القوية و أتمنى أن يكون مواصل في التدريب و له التحية اينما وجد ,,,

    الأخ عماد عثمان تجول بنا في سياحة جميلة في ميادين بحري في السبعينات فما فوق و الملاحظ

    أن 99% من لاعبي بحري

    أو نجوم بحري أنتقلوا للهلال فهل هنالك رابطة بين هذا المثلث ( بحري_ الهلال_ الحزب

    الأتحادي) و كما هو معروف ببحري لمين!! لنصر الدين؟؟؟؟

    الباشمهندس طارق فعلا لاعب نادي الهلال المهندس أحمد آدم خريج قسم الهندسة المدنية بمعهد

    الفني سابقا جامعة السودان حاليا,

    و كان المهندس المشرف علي بناء عمارة الفنان المبدع ابو دية رحمة اللة عليه بالمزاد و دي عندها قصة يقال انو الفنان الشاعر أبو آمنة حامد رحمه الله

    مر على تلك المنطقة أشاروا له بان تلك العمارة للفنان أبو دية فبتلقائيته و عفويته المعروفة كان

    الرد السريع( وديل حالتهم بيغنو أثنين ده لو كان بيغني براهو كان عمل شنو؟؟؟).

    و أيضا من نجوم بحري المهندس عبد المنعم مصطفى الشهير( بقرن شطة) و البداية مع فريق

    الثريا حلة حمد بالدرجة الرابعة (ليق بحري)

    ثم أنتقل لنادي التحرير و من الخرطوم القديمة لكلية الهندسة جامعة الخرطوم و هو لاعب كرة

    قدم و لاعب جمباز ويجيد العزف علي الساكس و كان عضو الفرقة الموسيقية بمدرسة الخرطوم

    القديمة, و انتقل قرن شطة للقاهرة لتكملة دراسته الجامعية ويقال السبب في ذلك أنهم كانوا

    مشتركين في دورة رياضية للجامعات العالمية و صادف ذلك ايام الأمتحانات و حسب قوانين

    الجامعة في ذالك الوقت أعتبرو غياب من الأمتحانات و من هنا كانت المشكلة( و ما عندهم حظ

    ما حصلو المولد المدور الأن ممكن تأخذ أعفاء او زيادة في النسبة أو حتى ماجستير أودكتوارة

    ما مشكلة !! أو حتى تكون عميد كلية برضو عادي!!)

    و قرن شطة لعب بعدها للأهلي المصري و السعودي و الآن خبير بالأتحاد الأفريقي

    و مدير مدرسة الكرة للناشئين بالنادي الأهلي له التحية و الود,,,,,,
    ______________________________

    أعلان هام

    ترقبوا و قريبا جدا و على شاشة بوست بحري طراوة الحلقة الرابعة من مسلسل أبو النور,

    و أنصح كل الديناصورات بربط الأحزمة فهذه المرة التحليق سوف يكون عاليا في سماء بحري

    في الستينات, ويمكن الأستعانة بالأخ عوض الله مصطفى و حجز باقة سودانير الذهبية و هي

    غالية طبعا لكن ما في مشكة الكرديت كارد بيمشي مع أجمل التحايا و الود,,,,

    د. أبراهيم العجب

                   |Articles |News |مقالات |بيانات

11-10-2008, 07:18 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)

    [B]أعلان هام
    ترقبوا و قريبا جدا و على شاشة بوست بحري طراوة الحلقة الرابعة من مسلسل أبو النور,

    ******************************************************************

    د. إبراهيم ود عبدالله العجب

    ياخي مسلسل نور الجزء التاني في الموُنتاج ,, ابو النور لسه في الحلقه التالته والرابعه دى مواعدنا بيها من نص رمضان يعني لو كانت حاره في بحرى كان وزوعوها وإتبنت...

    *** اها خاتين كُباية القهوه ومعاها حجر نعناع مُعتبر والنضاره في التربيزه ,, ومنتظرين ....[/B]
                   |Articles |News |مقالات |بيانات

11-10-2008, 09:20 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: أيوة بدون جُلل... بس أكيد بضرَاب... خاصة الضرَابات الرخامية...بس يا عبدالكريم...أبوي الله يرحمه كان محرم علينا البلي.. ومحرم أولاد الشارع لعب البلي... لأنو بيعتقد في علاقة طردية بينه وبين القُمار.. يعني لو شاف واحد من ناس الشارع بيلعب بلي... يشيل شيلتو ساكت.. عشان كده برضو كنا بنهاجر للبلي.. وندق (نظر) نخرت اللين كله...

    وبرضو سكج بكج ممنوعة في عرف الوالد .. لأنو بيعتقد أنو الضقل ممكن يعور العين...

    علي الوالد رحمة من الله


    ود السر كرار

    الرحمه لكل الاموات من أعمامنا وأهلنا في بحرى...

    ** بالله دابو الواحد عرف السبب أنك طوالي مُكسح من المزاد علي الدناقله وحلة حمد والشعبيه ,, ومامخلي لود خالي ضراب العلي..

    ** فعلاً كلام ناسنا الكُبار حكم(بكسر الحاء) البلي بيعلم القمار , وعندهم حكمه ومثل آخر للجماعه زمان لمن يقول ليك اضرب ياخي دا شربوت خفيف (بقولو ليك البيركب الدحيشه بيركب امها) يعني الواحد يبدأها بالشربوت الخفيف لمن يصل للسايبروس وبعد تسعه وابو جمل والشراب سكوب.. واها بعد داك هوى ياليلي
                   |Articles |News |مقالات |بيانات

11-10-2008, 06:43 PM

أحمد طراوه
<aأحمد طراوه
تاريخ التسجيل: 25-12-2006
مجموع المشاركات: 3997

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    هذا و الله بوست فانتازيا و ضرب بديع من ضروب علم السوسيولوجي
    في تطبيقاته البسيطة

    تابعناه إبتداء و لا زلنا علي دروب الخرطوم شمال و تلك الضواحي
    طرف المداين منتظرين شفق الصباح و إنبلاج خير امة السودان

    .. و رغم إنني امدرماني المنشأ و الهوى ، فقد حدث إنني
    سكنت بحرى الدناقلة / جنوب لفترة غير طويلة و بطريقة
    الترانزيت : الخروج صباحا باكرا و العودة ليلا للنوم

    .. و في ذلك الشارع اللطيف
    و عجيب ، شارع 5 ، وهو قريب لسوق الدناقلة ، حظيت
    بمعرفة و معاشرة لاعب الكرة القديم الجاك عجب و هو منسوب
    لهيئة و إدارة كهرباء بحري ، و عثمان بتاع الفول عند مدخل
    شارع السوق ، و احمد امين الدنقلاوي و المساعد الطبي و رفيق
    الدرب القديم لدكتور النور عبد المجيد

    .. و كان صوت طه حمدتو بقول في مدخل البرنامج
    الرياضي / التلفزيوني:

    " قرعم ، مرر الكورة للجاك عجب ، قطعا حسن العبد
    اداها لصديق منزول ، صديق ماش .. الامير ماش .. قون
    .. قووون ! "

    * و غير معروف حتى الان من هي حسناء بحري اللي اسمها
    ثريا ، و الغنا ليها محمد اجمد عوض قائلا :

    ايه اسبابي غير ذاك الجمال السِحري
    يا عيون الحبيب إنتو السبب في سهري
    ظمآن ما اظن يرويني ماء البحرِ
    و ما لومتوني يوم لو شفتو ساكن بحري

    .. أغنية اخواني الجميع .. إصطنتو قولي و بحكي
    سببي الفراق و دموعي سالت تبكي ..

    .. شغلوها بالله في تذكُر ثريا تلك الزادت في
    الوظيفة و ركبت نيشانا
    .. و يا لجمال
    الحكي السوداني في هذا البوست ، شكرا كمال
    كرار و كل نشطاء السرد و التوثيق ، و في
    إنتظار مُسلسل ابو النور يا دكتور عجب ..

                   |Articles |News |مقالات |بيانات

11-10-2008, 07:11 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: أحمد طراوه)

    و رغم إنني امدرماني المنشأ و الهوى ، فقد حدث إنني سكنت بحرى الدناقلة / جنوب لفترة غير طويلة و بطريقة الترانزيت : الخروج صباحا باكرا و العودة ليلا للنوم

    ************************************************************

    الاخ أحمد طراوه

    ياخي إنت من إسمك زولنا عديل إذ أنك تحمل إسم ست الهوى والطراوه ,, وبحرى دى البخشها مابقدر يتخارج منها والبخش بيتنا دا مُخارجتو بتبقي صعبه ,, فمرحب بيك والبيت بيتك وإنت سكنت في الحي الذى يجمع أغلب ظرفاء بحرى ...
                   |Articles |News |مقالات |بيانات

11-10-2008, 10:42 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أخي العزيز أحمد عبد الفتاح..

    شكرا لإطرائك الشفيف وتصنيفك لهذا البوست بأنه فانتازيا..أجتماعية وأستحسانك للغته السهلة.. أما بعد..

    فأنا أقول لكم هذا السودان ضيق... فأمدرمان فيها بعض من زوجتي ..والتي تمت لكم بصلة ما...ربما ليس هنا المكان المناسب لسردها ولكن أحيلك لبعض الإشارات..مثل: على الشاذلي زوج أحدى خالاتكم..وناس حنيتشة... وشاخور ود. العجيلي...فهذه الأسماء تعتقد زوجتي أنها إشارات كافية لمزيد من البحث في العلاقة...

    المهم كما قال عبد الكريم... بحري ست الهوى والطراوة تفخر بأن أم درماني أصيل مثلك لم ينس أياما قضاها في ربوعها وبين شخوصها... ومعك في إنتظار مسلسل أبو النور ود. إبراهيم يا دكتور...

    مع خالص ودي

    (عدل بواسطة Kamal Karrar on 11-10-2008, 10:50 PM)

                   |Articles |News |مقالات |بيانات

12-10-2008, 06:38 AM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وحقيقة فإن فريق البرازيل كان فريق متميز وكان إسم على مسمى علاوة على العلاقات الطيبة التي كانت تربط بين لاعبيه .. وبدون مبالغة فإت مستوى رابطة المزاد كان في يوم من الأيام أقوى من الدوري المسمى الآن بالدوري الممتاز ..


    الاخ عبد الرازق
    شكراً على الإطراء على فريق البرازيل والفضل فى ذلك بعد اللة يعود للكوتش عوض اللة مصطفي الذي قام بأنشأ هذا الفريق ورعايته والصرف عليه حتى وصل لماوصل اليه ،وفعلاً كانت العلاقات الاخوية الى تربط بين أعضاء الفريق هى السمة المميزة له ولازالت هذه العلاقات بحمد اللة مستمرة حتى الان وحت إجازتى الماضية لم ينقطع عنى الاخوان عاطف عوض رغم إنتقاله للحلفايا وقريبكم أبن الزومة عصام محمد صالح (ركلس )والفاتح النقر ونصرالدين يانكو وزاهر كباشى وقد إفتقدنا هذه المرة صديقنا بدر الدين شونةالذى تم نقله لبورتسودان مديراً لفرع البنك السعودي السوداني هناك .وفد كانوا جميعهم محتفلين فى ثالث أيام العيد بزواج أخونا ابراهيم دبلوك فى قاعة سندباد فى بحري .

    وطبعاًيابورزقة إستمتعت أمس بإبداعات العجب وقيادته للسودان للنهائيات ،وباللة ياباشمهندس طارق عبدالرازق مش ليهوق لو قال العجب فى كفة وكل اللأعبين فى كفة .

    طارق طارق العجب كيف
    ؟
                   |Articles |News |مقالات |بيانات

12-10-2008, 07:42 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اخي عمر عثمان شكرا علي الدعم وعلي الطله.

    بالفعل اخي كمال كرار كان معنا في فريق الفاروق وبالفعل كان مثل في والي وعلي وزي الاضافة في الجر لكن في الميدان ...اسكت ساكت

    يقوموا يطردونا....

    الدكتور المبجل ابراهيم العجب الف تحيه لك ولصديق العمر ابو النور. وبخصوص قرن شطه هذه الموهبة الفلته فقد نسيت ذكر الاميريه واحد

    التي تفتقت فيها موهبته وهم بالطبع دفعتين قدامنا وكان كما ذكرت مبدعا في الجمباز وكنا نستغرب الوحيد في ذلك الزمان الذي كان يقلب

    هوبا للامام والخلف وهو واقف امامك وسبب توجهه للدراسة بالخرطوم الثانوية عدم وجود فرقة موسيقية حينها ببحري والتي كوناها نحن عام

    1972 م برعاية المرحوم محمد التوم التجاني وكيل وزارة التربية والتعليم حينذاك.

    اما اخي الاستشاري ابراهيم وبخصوص اجتهادات الاخ العزيز عماد عثمان فلدي النية في ابتدار بوست خاص لدعم عضويته فارجو من الجميع المساهمة فيه لاقناع بكري بقبولها.

    يا عبد الكريم عقدتنا بي مثل الدحيشه والحمار . الكويسه ما في شايقي في الحته دي!!!

    الاخ العزيز احمد طراوه يا خي انت عندك عضويه مفتوحه وجوازك مؤشر من الطراوه التي تحملها والتي نتمني ان تغشي لتعطرنا بها كل حين

    اما النور عبد المجيد وهو الدفعة الورانا في الاميريه وفي بحري الثانويه وهو من اعز الاصدقاء وربينا في حله واحده تحياتي له ولاسرته

    اينما كان.

    حسن طه وين يا عبد الكريم الراجل ده خلي بالك الشتا دخل وتاني ما بيقوم الا دفره ..
                   |Articles |News |مقالات |بيانات

12-10-2008, 08:03 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: حسن طه وين يا عبد الكريم الراجل ده خلي بالك الشتا دخل وتاني ما بيقوم الا دفره ..


    سعادة المُستشار حسن طه

    في إنتظار دفاعك ودفوعك عما نُسب اليك ؟؟
                   |Articles |News |مقالات |بيانات

12-10-2008, 08:14 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: اما النور عبد المجيد وهو الدفعة الورانا في الاميريه وفي بحري الثانويه وهو من اعز الاصدقاء وربينا في حله واحده تحياتي له ولاسرته

    اينما كان.




    التحايا مزجاة ل (ناس النور) كمان كان يحلو لنا مناداته..
                   |Articles |News |مقالات |بيانات

12-10-2008, 07:58 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    د. إبراهيم العجب

    تربت يداك... في إنتظار النورانيات أو الأنوريات
                   |Articles |News |مقالات |بيانات

12-10-2008, 08:22 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يللا يا اخواننا همتكم معانا لدعم عضوية الاخ عماد عثمان بالمنبر والذ تعب من مناولتنا من جده ومن الشباك. للدعم اضغط اللنك ادناه:



    يا بكري : عماد عثمان يستحق...
                   |Articles |News |مقالات |بيانات

12-10-2008, 09:10 AM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)



    الحلقة الرابعة مع أبو النور ( أنور العجب)
    TARAWA DELIVERY #4



    أحبابنا الأعزاء ناس بحري أحلى التهاني و أجمل الأماني و أن اتت متأخرة و كل عام و أنتم بألف

    خير و الأهل و بحري الطراوة و السودان المفقود الي أن يعود و دي على وزن الفردوس المفقود

    نسأل الله أن تأتي الأعياد و الوطن و أهله ينعمون بالمحبة و التآخي و نكون قد نهضنا من كبوتنا

    وعم السلام دارفور الحزينة و ما أجمل ناسها يلاقوك بعافية طيبين هذا ترحابهم للقريب و الغريب

    و خيرهم كثير و الجبل الجميل" و لو شفتو مرة جبل مرة" و أظن اجمل ما كتب شعرا في جبل

    مرة كتبه الدفعة عبد السلام كامل عبد السلام و هو طالب و زار جبل مرة مع دفعته في مصر في

    أجازة للسودان و بالمناسبة عبد السلام لم اقابله منذ ان تركنا بحري الثانوية.

    السودان بلد خير و ناسه عزاز و كرام مابيستاهلوا حالهم يكون شين و كما قال الطيب صالح

    الروائي العالمي " أذا كنت تمشي في شوارع لندن و رأيت شخصا يمشي في الطريق رافعا رأسه

    الى السماء خالي من العقد فتيقن أنه سوداني وسلم عليه" ( يا سلام) نحن ناس غير , مرة في

    بمدينة بومبي التقيت بأخ أسمه حسن أرتيري خريج أقتصاد جامعة أديس أبابا و يعمل بجدة في

    أحدى شركات التأمين و كان معه صديقة أسترالية .حكت لنا انها بصدد الأنتهاء من جولتها حول

    العالم,

    بزيارة شرق آسيا فسالها هل زرتي السودان فأجابت بلا و انها طارت من القاهرة لنيروبي قال

    ليها تجربتك حول العالم ناقصة لأنك لم تزوري أروع بلد و أروع شعب فسالت لماذا قال ليها ديل

    بيعملوا أزيار قدام بيوتهم حتى يجد المار بالشارع ماء بارد يروي به ظمئه و هؤلاء الناس في

    شهر رمضان يخرجون بأحسن ما عندهم من أكل وشرابو يجلسون على الطريق ليشاركهم

    الأخرين و هناك الكثير للضيف و الغريب و ده السودان الجميل اللي بيشهدوا ليهو الآخرين يبقى

    علينا كما تغنى الكابلي الرائع ( بأملنا و بعملنا و بالمحنة ووفاء النيل الفي دمائنا نبنيه جنه)

    الأمال مازالت معقودة و كبيرة بس الناس ترجع لصوابها و تتوافق و تكون في عزيمة للبناء و

    التضحية ونكران للذات و عدالة وحفظ لحقوق الناس و أيد بيضاء نزيهة فالخير مكنون في

    ارض بلادنا الحبيبة,,,,,,,

    كسرة و نسه نطلع من الحتة دي أخونا طارق ميرغني تقول لي ديناصور يا دفعة!! أنت عارف

    بيتنا القديم كان فاتح على سوق بحري و عليه لازم الواحد يكون مفتح منذ نعومة اظفاره و

    بتعرف

    الناس كويس و تداقش في السوق و طبعا لافين فيهو ناس مصطفى الكضمي و فتاح تكساس و

    سعيد دبابه و طه حميسي و الطرش الأثتنين بتاعين حلة حمد و في سينما حلفايا وو طنية مع

    المغامرات الباقية في الذاكرة كان في أقيام بلي قزاز في السوق الجديد قصاد نادي العمال و

    السوق ده مبني على شكل يو بالأنجليزي قسمين في منتصف كل قسم في بوفيه مدور زي بوفيه

    عبدالقادر الجنب نادي الأمير حاليا هناك لعب البلي التقيل يعني مثلث اللين بيكون فيهو زي

    500 حبه بيكونوا لاعبين عشرة كدة في خمسين فلمن نكون دايرين نطلع حق السينما نتردف في

    العجلة الدبل أنا و معتصم أخوي ( الناظر) و معانا كيس مليان بلي و الداندلك الجابو لينا علي

    باكمبا من حلة الدناقلة و كان ميكانيكي في المنطقة و معتصم كان حريف شديد و نياش بينشف

    ليك أولاد الورنيش و غيرهم و نقلب ليهم بيع الخمسة بتعريفة نطلع حق سينمتنا بمزاج و مرات

    بيكون في خرخرة و مقالعه وكده. من الحاجات الظريفة لمواصلة و نستنا في و احدة من

    الأجازات و أنا راجع من السوق بعد ونسة مشوقه قدام دكان ناس عبدالحليم بلدية و محمد حسن

    الشيخ (كلاي) و عبد المنعم علي جابر في الزقاق خلف البيوت المواجهة للمجلس الريفي و

    المحكمة وبالضبط ضهر بيت ناس د. سليمان حسين الزقاق ده فيهو حركة شديدة مطاعم و

    مكاتب محامين و دكاكين و بيمر من هناك ناس عزالدين شلنكح و عكاشة ميرغني و عادل عبد

    النبي و مختار ظبايه و عبده ليلو و عبده عضل يعني قعدتين في الحتة دة ( ونسه سنين) و

    حكاية ممتعة لزول ما قاعد في البلد المهم تصادف أنتظاري لمواصلات المزاد خروج أولاد بحري

    الحكومية قصار كده ووزن الرشة و لابسين لبس شبه عسكري اخضر مموه شكيت في قلة

    أحجام أغلبهم فسألتهم يا أولاد المدرسة دي بقت أساس و لا عالي؟ قالوا عالي ! يآخي ما معقول

    فلاش باك سريع كده أتذكرت انو دفعتنا كانوا في نفس السن دي بيلعبوا درجة ثانية و ثالثة و

    رابعة يعني (ليق) و ين ديل لناس د. أبوعبيدة عبدالرازق( نجم الكفاح) محمد الحسن عبدالمحمود

    نص الأتحاد ( ثنائي مع الفنان كرومه) المرحوم جلال عثمان (ثيرد باك التذكار) و دفع السيد

    منقستو (الكفاح) و الفاتح عوض (التذكار) و المرحوم حسن كديس (الشعب) عبد الرحمن

    (شمبات) محمد الغالي(نجم الكدرو) ود. سعد (شمبات) وحسن عبدالله و عزالدين كوبر (أب

    صلعه) و أبراهيم و الطاهر وداعة (الأملاك) و ده غير أللي كانوا كباتن في الروابط و الدفعات

    القبلنا ناس صديق حريقة (التحرير / الثغر بورتسودان) صديق الهارت (الشعب / التحرير) و

    حميد و عبدالحميد (حلة كوكو) و لو قلنا الباسكيت كابتن فاروق رحمي و موسى هبيله و مبارك

    رستم و ماهر شمبات و أحمد عبدالله رجب و رؤوف رستم وحسن أبوزيد و صلاح صابر و

    سعد عبدالله الشهير بعم سعد ,,,, غايتو ما لاقي أجابة على تساؤلي الناس بقت تحسى و لا

    شنو!! قلنا نقصوا سنوات الدراسة من 12 لحداشر ما بتفرق كتير يعني زمنا في الثانوي كان

    الناس عتاولة ناس عبدالسلام الداروتي و د. عادل فخري و عبدالعظيم أحمد محمد (التوم) و

    ناس جيمس/ قلووظ و اليسع ابراهيم الياس و د. محمد أنور الحاج و ساتي سوركتي و بادي و

    عبدالرؤوف رستم و بدوي رستم و فضل هبيلة كمان لورجعنا بالمقارنة لوراء كنا مجموعة من اولاد

    المزاد النقر و الريح و عبدالدائم ود الشايقية شغلنا ( يحيى الحكيم) في مصنع كبريت أبو

    وردة ود قبل ابو تمساح اللي عملوا د. خليل عثمان و أصحابه هنود القصة دي و انا في ثالث

    أبتدائي يعني 9 قول عشر سنين و في الأجازة من رابعة أولية للوسطى ما أشتغلت في الشركات

    دورنا في السوق مع عمنا حسن حاج أحمد أبو محمد جحا شغالين في الفاضي بتاع الصفائح في

    حوش حاج سعد قصاد الجامع الكبير و ده دكان مؤجره واحد أسمو عم الأمين و بيجمعوا فيهو

    راجع الزجاج الفاضي و الصفايح تتغسل بالبتاس و تباع للمصانع لتعقيمها و تعبئتها مرة أخرى

    زيوت و غيره؟ جامع بحري الكبير ده ارضه هبة من المرحوم الحاج سعد و برضو المسجد الفي

    مقابر حلة حمد بناه, و كان تاجر ريحه في سوق الخرطوم و من المريوم و والد المعماري و

    التشكيلي الفاتح سعد.

    الأجازة من ثانية لثالثة أوسطي أشتغلت في مصنع النسيج الأمريكي ( السوداني) بواسطة العم

    المرحوم كامل ابراهيم مرسي كان مدير شئون الموظفين و أذكر تماما أول ما أستلمت بطاقة

    العمل كان علي أن أنزل و ردية ليل في قسم الكارت وده اول قسم في المصنع يعني تجهيز القطن

    لمرحلة الغزل و بعده تحضير الخيوط للنسيج و بعد داك المصبغة و التوضيب و السوق عدل و

    مع تكرار العمل في الأجازات عملت بكل الأقسام ماعدا النسيج لكن مريت عليهو في النسيج

    الياباني أشتغلنا أنا و بابكر وقيع الله و وداعه عمر يسن و طبعا هو حريف جدا و زاق بقى

    مراسلة في الأدارة و شغلنا حسن وقيع الله كان ضابط التوظيف و لاعب التذكار هو و صلاح دفع

    الله كانوا ثنائي هجوم خطير حسن ترك الكرة مبكرا و صلاح هاجر قطر و لو استمروا كانو لعبوا

    قومي بجدارة.

    طبعا أولاد المزاد أرتباطهم بالشركات قوي لقربها الجغرافي طبعا و كمان الناس تساعد نفسها

    يعني ناس قاسم تنز و بهاء الدين اخوه ديل يوم المدرسة تقفل ثاني يوم بيكونوا شغالين في

    مصنع حلويات كريكاب, و كامل (الراعي ) اخوهم بيشتغل مع عمك أب شامة بمصنع البلاط و

    استمر معاهو لغاية ما كمل الثانوي و بقى مدير المصنع. ده غير شراكات الطبالي و الشغل مع

    البنائين ناس عم قاسم (ليفي أشكول) و عم أحمد أبوسبيب و عبد القادر ود العربجي (قدورة

    وعندي قصص مع ابو سبيب نحكيها في مره قادمة و الجايه أنشاء الله نخش على الحلفايا و

    الكدرو و بحري الكبرى

    و الى اللقاء مع تحياتي

    أنور العجب (أبو النور)
                   |Articles |News |مقالات |بيانات

12-10-2008, 09:21 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    والله يا أبو النور عفارم عليك... وجبة دسمة.. وإن كنت أشك في إننا دفعة واحدة...
                   |Articles |News |مقالات |بيانات

12-10-2008, 09:56 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: أعلان هام
    ترقبوا و قريبا جدا و على شاشة بوست بحري طراوة الحلقة الرابعة من مسلسل أبو النور,
    ******************************************************************

    د. إبراهيم ود عبدالله العجب

    ياخي مسلسل نور الجزء التاني في الموُنتاج ,, ابو النور لسه في الحلقه التالته والرابعه دى مواعدنا بيها من نص رمضان يعني لو كانت حاره في بحرى كان وزوعوها وإتبنت...

    *** اها خاتين كُباية القهوه ومعاها حجر نعناع مُعتبر والنضاره في التربيزه ,, ومنتظرين ....


    ابو النور ثرو د.إبراهيم

    ماتطول الغيبه لانو مسلسل بيتون بليس والهارب ( ريتشارد كمبل ) في الزمن الجميل كانو يوم الاربعاء من كل اسبوع زمن الابيض والاسود ,, هسه نحن في زمن الملون أها الليله الاثنين ودا يوم عزيز حجزناهو لمسلسل ابو النور في تقليب الدهور ,, وماتمشي تكب الزوقه وتغيب لينا شهر وتنسينا الحلقه الخامسه..

    *** اها منتظرين قبل الاثنين الجاى ,, الحمد لله القهوه الختيناها وحجر النعناع الولعناهو شربناهم بمزاج ,,, ياولد يامحمد فؤاد تعال شيل نضارة القرايه دى ختها في الدولاب لغاية مانشوف مواضيع عمك ابو النور وعمك عوض الله وونستهم الجميله عن بحرى..
                   |Articles |News |مقالات |بيانات

12-10-2008, 10:05 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    Quote: تصادف أنتظاري لمواصلات المزاد خروج أولاد بحري الحكومية قصار كده ووزن الرشة و لابسين لبس شبه عسكري اخضر مموه شكيت في قلةأحجام أغلبهم فسألتهم يا أولاد المدرسة دي بقت أساس و لا عالي؟ قالوا عالي ! يآخي ما معقول


    ابو النور

    ياحليل بحرى الحكوميه لما كانت بتوقف بحرى علي رجل واحده بس إذا طلعوا ووصلو شارع البوسته خليك إذا وصلوا السوق ,, قلت اساس !! ياخي مامعقول !!!

    *** تخيل الفي الجامعه حالياً شبه أساس او أقل ممكن تقول عليهم KG
                   |Articles |News |مقالات |بيانات

12-10-2008, 10:28 AM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    الاخ ابو النور
    تحياتي واشواقي
    والعروص وصلت ولا لسع
    وياسلام على الذكريات الحلوة والوجبة الرائعة ونتمنى المواصلة ،وطلب خاص عن ذكرياتك أيام التحكيم فلازلت أذكرك ترتدي ملابس الحكام وحضرت ليك شكلة كمان وانت حكم ومسكت فى واحد رفضت تفكوا لحتى ماسلمتوا البوليس
    .
    وتحياتي لدكتور ابراهيم وعادل وقابلتوا فى العقد بتاعك
                   |Articles |News |مقالات |بيانات

12-10-2008, 11:57 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العريس ابو النور مرة ثانية مبروك التأهل مع انك ما محتاج!!!!!

    الكضمي ،فتاح تكساس،سعيد دبابه،طه حميسي،الطرش عاوزك يا صديقي تفرد ليك مساحه كامله عباره عن سيره ذاتيه لكل من هؤلاء .

    طبعا انا باحاول الكز صديقي عشان يمرق العندو.

    اتذكر يا ابو النور من دفعتنا ناس الدكتور حسن اسحق وعبد العظيم النوم وعمر رجب وحتي نحن وناس صلاح جرب وانت ايضا .كانت احجامنا

    والحمد لله مهوله ويبدو ان اولاد الزمن ده كاتلاهم الماجي.

    بعدين يا ابو النور نورنا ينورك الله قلت الصفايح بتتغسل بالبتاس اتكتبت غلط ولا انا ما عرفتها طبعا انت شرامي بدرجة فارس ونحن كنا

    سنه ناعمه ... صااااااااح.

    بعدين وداعه عمر يسن ده من ما قام بيزوغ ؟؟؟ لا اله الا الله محمد رسول الله . يعني" كب "الزوغه دي هو العمل ليها الاساله بتاعتا.
                   |Articles |News |مقالات |بيانات

12-10-2008, 12:45 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: اتذكر يا ابو النور من دفعتنا ناس الدكتور حسن اسحق وعبد العظيم النوم وعمر رجب وحتي نحن وناس صلاح جرب وانت ايضا .كانت احجامنا


    طبعا أنا ومحمد الحسن وسعود حسن دراج ورمزي ونجت كنا حناكيش ودعااااااااااااااميص... ولا شنو يا أبوالنور...
                   |Articles |News |مقالات |بيانات

12-10-2008, 01:51 PM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: و ساتي سوركتي و بادي و

    عبدالرؤوف رستم


    عزيزنا ود النور

    ما نكون دفعة

    لانه في نفس الفترة دي اخوكم كان في بحري الثانوية والمذكورين كانو في المدرسة قدامنا.

    اخوكم حسن طه

    ابن حي الدناقلة جنوب وبحري الاميرية وبحري الحكومية وبحري المدينة الفاضلة.
                   |Articles |News |مقالات |بيانات

12-10-2008, 01:58 PM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)


    قبل يومين اتصل بي مشكورا الاخ العزيز عماد عثمان مهنئا بالعمرة وبالعيد السعيد.

    ولم اكن قد تكمنت من مقابلته او محادثته اثناء العمرة.

    للجميع اقول لكم العتبي حتي ترضو

    كان بودي اثناء تلك الفترة مقابلة كل الاعزاء بالمملكة وعلي اقل تقدير المحادثة بالتلفون

    ولكن لبعض الظروف لم اتمكن للاسف من ذلك .

    العذر لكم جميعا ونسال الله ان يتقبل منا جميعا صالح الاعمال.

    وان نتقابل في اسعد الاقوقات واجملها ان شاء الله .
                   |Articles |News |مقالات |بيانات

12-10-2008, 02:43 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    Quote: الحلقة الرابعة مع أبو النور ( أنور العجب)
    TARAWA DELIVERY #4


    ** في إتصال هاتفي بيني والكوتش عوض الله مصطفي قال لي:- أنت ابو النور مُذكر كل الاسماء دى كيف؟؟
    ** قلت ليهو ابو النور :- مُذكر ناس في بحرى الحكوميه واماكن جلوسهم في الفصل وين..
    ** قال لي :- خليهو بعد العروس تجي يتذكر المهر كان كم والحفله كانت بمنو..
                   |Articles |News |مقالات |بيانات

12-10-2008, 03:16 PM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ كمال السر كرار

    الأخ الباشمهندس طارق ميرغني

    الأخ المستشار عبد الكريم الأمين

    التحية و الود

    الصور للأخ أنورالعجب(أبو النور) أثناء زيارته الأخ و الصديف البروف حسن علي أبوزيد لندن صيف 2005


    و بعض الأستفسارات بدون الرجوع للمصدر أبو النور

    للأخ طارق عن موضوع الزواج طبعا الناس تقعد تضايقك ياخي ما تعرس و تجيب ليك اولد ينفعوك و قصص زي

    دي و قال الجماعة في سوق بحري كرهوليك عزالدين شلنكح و هوساكت ياخي تجيب ليك أولاد ينفعوك ففي يوم

    من

    الأيام ناس السوق جو عندو في البيت فقام دخلهم ليك على المرحومة الوالدة و قال ليهم أسالوها أنا

    نفعتها بشنو؟؟

    موضوع غسيل الصفاتح على ما أظن مادة البتاس أو ( البو تاس) مادة كيميائية لغسيل الأواني يعني زي

    فبري أهو القصة كمان بقت تجيب ليها أعلانات تجارية و دي حسابها كيف ( الأخوة المستشارين؟؟)

    طبعا في أسماء كثيرة الواحد يسمع بيها أول مرة لكن دي ما مشكلة!

    المحيرني الكبريت أبو وردة أول مرة أسمع بيهو!!
    ______________

    ونواصل
    د. ابراهيم العجب

    (عدل بواسطة Ibrahim Elagab on 14-10-2008, 03:35 PM)
    (عدل بواسطة Ibrahim Elagab on 14-10-2008, 03:37 PM)

                   |Articles |News |مقالات |بيانات

12-10-2008, 03:27 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)

    Quote: الصور للأخ أنورالعجب(أبو النور) أثناء زيارته الأخ و الصديف البروف حسن علي أبوزيد لندن صيف 2005


    د. إبراهيم العجب

    صورة ابو النور دى ماظاهره ويظهر إنها مانزلت ,, بالله شوف الموضوع بتاع الصوره دى لانو في ناس كتيره سامعه بابوالنور سمع ونحنا عايزنها سمع وشوف...
                   |Articles |News |مقالات |بيانات

12-10-2008, 03:55 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    وكما وعدنا الكوتش عوض الله مُصطفي ظل الشباك مفتوحاً وسمعت حفبفايعبر من شباكي فكانت هذه الاوراق وشممت بها رائحة طراوه إختلط بها أريج من جروف الصبابي والشيخ موسي ونسمه من رائحة البلديه وعبق حلتى حمد وخوجلي اتبعته رائحة حلتي الدناقله وأختلط كل ذلك بعبير المنطقه الصناعيه:-
    فكانتً الحلقه رقم (5) من ظرفاء وأحياء في بحرى (حي الدناقله شمال) الا هو :-

    عــكــــاشــــــه مــيــرغــنـــي..
    ***************************************************************

    (ظرفاء و إحياء في بحرى) (الدناقله شمال) – الحلقه الخامسه – مناوله من الكوتش:-عوض الله مصطفى –العين – الامارات العربيه المتحده..

    ********************************************************

    [U]عكاشة ميرغنى

    عكاشة ميرغنى السكن الفعلى (الدناقلة شمال) الاقامة الدائمة (حلة حمد) طائر الهوى يعشق الطبيعة الحالمة اسمر اللون خفيف الروح و الظل ينشر الطرفة و الدعابة أينما حل سريع البديهة و عاشق للمقالب.

    من إحدى طرائفه انه خلال عام 88 أيام السيول و الامطار التي عصفت بمعظم بيوت الكاكى في بحري في الصباح الباكر مع الاستصباح في ذلك الجو البديع قال للجماعة بعد المطرة لقيت بيتنا بقى ناصية .

    و أيضا خلال تلك الإمطار العاصفة في عام 1988 تسلم عكاشة فاتورة الماء بمبلغ ضخم في ذلك الوقت فماكان منه إلا أن ذهب غاضبا للهئيه المركزيه للكهرباء والمياه قائلا لهم انتو في الفاتورة حاسبتونى على مطره أمبارح .

    تصادف أن تلاقى خالي لطفي مع عكاشة و أثناء الحديث اكتشف الخال لطفي وجود ضرس واحد في فك عمنا عكاشة قال له أنت الضرس ده ماتقلعو فإجابة عكاشة منتظر بيه عيد الضحية الجاى .

    خلال المحاكمة الشهيرة لكاوبوى بحرى ساله القاضى كنت وين لما الكاوبوى كان داخل البنك فاجابه ساخرا كنت ماسك الحصين برة .


    *** عوض الله شباكي دائماً مفتوح وفي إنتظار الدُرر...

    (عدل بواسطة عبدالكريم أحمد الامين on 12-10-2008, 04:05 PM)

                   |Articles |News |مقالات |بيانات

12-10-2008, 04:05 PM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)



    أنور العجب (أبو النور) في زيارته الأخ و الصديق الدفعة البروف حسن أبو زيد لندن صيف 2005
                   |Articles |News |مقالات |بيانات

12-10-2008, 04:13 PM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)



    أنور العجب (ابو النو) مشروع حكم (لم يكتمل) دولي زي كولينا الأيطالي تحكيم صاح و الداير كسير بتردم!

    (عدل بواسطة Ibrahim Elagab on 14-10-2008, 03:30 PM)

                   |Articles |News |مقالات |بيانات

12-10-2008, 05:37 PM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    والله يا دكتور ابراهيم انور العجب قمة الوجاهه ولسه في بالي اللون الاخدر داك والشحم المهول .

    لانو لي زمن طويل ما قابلت ابو النور ربنا يديه العافيه وارجو منه المواصله وان يعرج بنا الي بحري

    الثانوية وايامنا .

    يعني الناس بتجي الخليج تسمن وهو بالعكس .. يا زول مبروك عليك الزواج والله لسه شباب ما تقول دفعة

    كمال السر والله كانك دفعة ناس عماد عثمان وابو رزقه وشمس الدين "ما شاء الله عيني بارده".

    يا عوض الله مصطفي والله انت عجيب تذكرني بشخصيات تاريخيه في الدناقله.... ياخي بالله في الماسنجر وصف

    لي بيتكم كان وين ؟؟؟؟ما اظنك كنت عايش في المزاد لانو الناس ديل كلهم ناسنا وجيرانا.

    اتذكر جيدا عكاشه ميرغني الكشـ ,,,,, وهو حامل سيجارته طوال اليوم امام شارع الضواحي .

    (عدل بواسطة طارق ميرغني on 12-10-2008, 07:46 PM)

                   |Articles |News |مقالات |بيانات

13-10-2008, 04:45 AM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: ودالسر كرار

    أها فكينا سيرة الكُرة وطاريها هي وينا الكوره البيناقشو فيها


    الاخ عبد الكريم
    تجياتي

    تعرف بكلامك لسيدالحوش ده لانه قال ماعندو علاقة بالكورة ،ذكرتني باخوناالظريف المغفور له باذن اللة محجوب الدويم فقد كان منزله فى الدوحة ملتقي لجميع ابناء المزاد شماله وجنوبه للونسة والضحك ولكنه كان لايحب الونسة فى الكورة إطلاقاً ويهدد بطرد أى واحد يفتح موضوع كورة فى البيت وتبريره لذلك أنه حلف مابشوف كورة أو حتى يسمع ونستها بعد إعتزال بشارة .
    رحم اللة محجوب فقد كان أحد ظرفاء بحري فى الدوحة وركن من أركانها ورغم مرور حوالى عشرة أعوام على رحيله لكننا لازلنا نذكر قفشاته وطرائفه ومروءته وشهامته كانه انتقل بالأمس .

    وماعارف كمال برضو حالف من الكورة بعد إعتزال منو؟
                   |Articles |News |مقالات |بيانات

14-10-2008, 03:42 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)


    حـمــداً لله علي عودة هذا الــحــوش الــواحـــه ,, والذى أصبح إدماناً أتمني ألا اشفي منه وإن حُرمنا منه في الساعات الماضيه بفعل فاعل ,, لا ادعو عليه/ها بإى دعوه بل أتمني أن ينال جزاؤه/ها بقدر ماأرتكب في حق الآف الاعضاء وملايين المُتابعين لهذا الحوش الجامعه وبقدر مادعا كل منا بسره أو جهره..

    ******************************************

    بتاريخ 27/09/2008 تقدم اخونا ابورزقه بطلب إحاطه للاستفسار والتحرى عن غياب بعض الاعضاء وقد أُحيل طلبه لرائد مجلس ست الهوى والطراوه والذى قام بدوره بتعميم طلب الإحاطه علي أعضاء ست الهوى والطراوه ,, وبما أن غيبة الاعضاء قد طالت ,, نتمني أن يكون المانع خير ويدونا خمسه دقائق من وقتهم طله من الشباك أو نقرة علي باب الحوش مع انو أساساً هو فاتح :-

    *ناهد بشير..
    *القموندان عبدالحقيظ حسن.
    *سيف الدين علي..
    *يـاسـر حـامـــد..
    *أبـــوعـبـيـــــدة..
    *د. نـــــــــــواري..
    *الزيـــــن حــسن ..
    *حــســـن بـشـيـر..
    *د.إبراهيم قناوي..
    *ولـيـد الـــسـيــد..
    *ود الـــتـــلــــب ..
    *عــلــي سرالختم..
    * PLAYER

    ** ومن لم يرد اسمه في القائمه عليه تسجيل حضوره ,, فربما سقط الاسم سهواً من سكرتيرة المجلس عند ترتيب الاوراق فله/ها العُتبي حتي يرضوا / ترضى..

    ** ودام الود والاحترام والتقدير بيننا ..
                   |Articles |News |مقالات |بيانات

14-10-2008, 04:32 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    ود الـــســـر كـــرار وكل الحلوين الرائعين في بحرى

    سيد البيت الصغير في الحوش الكبير ,, بما أن بعض المجرمين/ات الحقده قد قاموا بتخريب في بوابة الحوش الكبير وامتد أثر تخريبهم لحديقة الحوش واستمروا في عدائتهم للغرف والصالون والبرندات والادوات الكهربائيه,,, ولكن إرادة الله كانت أقوى من تخريبهم وبما انو سيد الحوش مهندس وحريص وبحراوى أصيل وحاتك ماشاء الله تصليح الخراب تم بنفس السرعة التم بيها الخراب ,, وطبعاً في المثل بيقولو:- (الخراب ساهل والعمار صعب) ...

    ** في مكان آخر تم التعبير عن تضامناً مع سيد الحوش ,, وهنا بإسمك وبإسمنا كرعايا لدولة ست الهوى والطراوه نعلن تضامناً مع الباشمهندس سيد هذا الحوش الذى آوى الآفاً وجعل ملايينا تحدق أعينهم في شاشة لايتعدى حجمها السبعة عشر بوصه تنقل لنا المعلومه وكذلك تنقل أتراحنا وأفراحنا وأخبارنا واخبار المليون ميل مربع لمن هُم بعيدين عنه ولمن هُم في داخله في ظل حجب المعلومه والتستر علي الفساد والمفسدين..ً

    *** بكرى :- نعلن تضامننا وإن كان لنا طلب هو المُلاحقه القانونيه لمن إرتكب هذا الجُرم سواءاً بأمريكا أو الدوله أو المدينه التي إنطلقت منها شرارة الجريمه ,, فهذا يُشفي غليلنا ويبرد النار التي الهبت دواخلنا كمن فقد فلذة كبده نتيجة لفعل مُستهتر..
                   |Articles |News |مقالات |بيانات

14-10-2008, 05:47 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    Quote: أنور العجب (أبو النور) في زيارته الأخ و الصديق الدفعة البروف حسن أبو زيد لندن صيف 2005


    Quote: أنور العجب (ابو النور) مشروع حكم (لم يكتمل) دولي زي كولينا الأيطالي تحكيم صاح و الداير كسير بتردم![/QUOTE]

    د. إبراهيم ود عبدالله العجب
    الحق ياخوى صور أخوك ابو النور الهكرز المُرتزقه لحسوها زى ماحاولو يلحسو الموقع العائد الي قواعده سالماً,, ياالله يكون مساكينها رهنيه ولي الموضوع فيهو فديه ,,
    كيتن فيهم رجع لينا الصور تاني يادكتور وبنقول ليهم دى صورتنا الخايفين عليها والراجل علي وش عرس تلحسو أهم صوره منوره لينا بيتنا دا.....
                       |Articles |News |مقالات |بيانات

15-10-2008, 01:54 AM

Ali Sirelkhatim
<aAli Sirelkhatim
تاريخ التسجيل: 17-06-2008
مجموع المشاركات: 3970

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    الاخوة الاعزاء
    ود السر كرار
    عبدالكريم احمد الامين
    طارق ميرغنى
    عبدالرازق سعيد


    الف حمدلله على سلامة رجوع الموقع

    اخوكم على سرالختم
                   |Articles |News |مقالات |بيانات

15-10-2008, 04:56 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    حمد الله علي السلامه
                   |Articles |News |مقالات |بيانات

15-10-2008, 06:29 AM

محمد عبدالمنعم التلب
<aمحمد عبدالمنعم التلب
تاريخ التسجيل: 13-09-2008
مجموع المشاركات: 155

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    الاهل ناس الطراوه

    حمدا لله بسلامه الحوش الكبير من الاذى

    وحمدا اكثر بسلامه البيت الصغير( ست الهوى بحرى)

    ولله درك يابكرى

    ولنا عوده
                   |Articles |News |مقالات |بيانات

15-10-2008, 07:42 AM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    الأخ كمال السر كرار

    الأخ الباشمهندس طارق ميرغني

    الأخ المستشار عبدالكريم الأمين

    الأعزاء أبناء و بنات بحري

    أطيب التحايا و الود

    و ألف حمدالله علي السلامة

    و الله ماعارفين نعمل شنو؟؟؟

    الضرر كبير وحتى ال 17 أنش برضو ماديرين

    يخلو الناس تتواصل عبرها!!!

    و لكن هيهات لهم ان يمسحو الهارد ديسك الأصلي

    الذي فيه تراكمات ذكريات وأحداث عشرات السنين!!!

                   |Articles |News |مقالات |بيانات

15-10-2008, 07:52 AM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    أنور العجب(أبوالنور) في زيارته للأخ الصديق الدفعة البروف حسن علي أبوزيد لندن صيف 2005

                   |Articles |News |مقالات |بيانات

15-10-2008, 07:57 AM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    أنور العجب(أبوالنور) مشروع حكم دولي لم يكتمل

    (عدل بواسطة Ibrahim Elagab on 20-10-2008, 08:25 AM)

                   |Articles |News |مقالات |بيانات

15-10-2008, 10:15 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)

    ياجماعه سيد البيت دا غائب من يوم 12/10/2008 الساعه 12:45 م ,, قلنا نتفقدوا مايكون الهكرز أخدوه رهينه ...

    ** ود السر كرار حاول أهرب من الجماعه وإذا جنب خور الصابون حاول ضحي بواحد منهم في الصودا...
                   |Articles |News |مقالات |بيانات

15-10-2008, 01:58 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    السلام عليكم وسلامة البورد والبوست...

    ويا أخ بكري.. قلوبنا معاك.. وسندعم هذا الموقع بكل ما أوتينا من قوة...

    يا عبد الكريم..شكرا للسؤال...

    كنت في مأمورية صغيرة للبحرين..ورجعت منهك القوى... لكن متابع...

    خليك حريص.. على البوست...
                   |Articles |News |مقالات |بيانات

17-10-2008, 11:14 AM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: كنت في مأمورية صغيرة للبحرين..ورجعت منهك القوى... لكن متابع...



    الاخ كمال
    شنو انت كل خميس عندك زوغة للبحرين ؟ وكمان رجعت منهك القوي اللة يستر
                   |Articles |News |مقالات |بيانات

17-10-2008, 02:26 PM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: كنت في مأمورية صغيرة للبحرين..ورجعت منهك القوى


    حليلك يا كمال تجي الرياض وترجع في امانة الله الآن البحرين كلها ثلاثين كيلومتر منكم وتجي منهك

    القوي؟؟؟

    سبحان الله ..... يكون ده من الرطوبه؟؟؟

    اخي دكتور ابراهيم العجب ان شاء الله يكون ابو النور اشتري الواطا الوراهو في الصوره المكتوب عليها

    FOR SALE دي..
                   |Articles |News |مقالات |بيانات

20-10-2008, 05:29 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يااااااااااااااااااااااااااااي نفسنا اتقطع !!!!!!
                   |Articles |News |مقالات |بيانات

20-10-2008, 06:00 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طارق.. حمد لله على السلامة...

    قطع النفس ساهل... المشكلة قطع الأمل...

    لقد آن للطيور التي هاجرت في بقاع المنابر الأخرى العودة
                   |Articles |News |مقالات |بيانات

20-10-2008, 07:22 AM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ كمال السر كرار

    الأخ الباشمهندس طارق ميرغني

    الأخ المستشار عبدالكريم الأمين

    ألف حمدالله علي السلامة, و الحمد لله لقينا حاجة نفرح بيها كل يومين ثلاثة,

    ومادير أطول عليكم لأننا في أنتظار الحلقة الخامسة من مسلسل أبو النور

    و كما وعدنا هذه حلقة خاصة مهداة الي صاحب الحوش الكبير الباشمهندس بكري

    بكري ابوبكر وهي عبارة عن سياحة في أعرق أحياء بحري أو النسخة الأصلية

    في تكوين ست الهوى و الطراوة معشوقنا بحري الجميلة.

    الحلقة الخامسة سياحة لزيارة ملامح من حلفاية الملوك ,,,,,,,,
                   |Articles |News |مقالات |بيانات

20-10-2008, 07:37 AM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    حذف للتكرار

    (عدل بواسطة Ibrahim Elagab on 20-10-2008, 02:24 PM)
    (عدل بواسطة Ibrahim Elagab on 20-10-2008, 02:24 PM)

                   |Articles |News |مقالات |بيانات

20-10-2008, 08:08 AM

Ibrahim Elagab

تاريخ التسجيل: 09-08-2008
مجموع المشاركات: 114

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الحلقة الخامسة من مسلسل أبو النور

    أنور العجب (أبو النور)

    TARAWA DELIVERY #5


    الأحباب ناس بحري نعود لمواصلة و نستنا و نخش على حلفايه الموك وهي الأصل و بحري

    الفرع, و تكوينها متنوع من أهلنا العبدلاب و الشايقية و الدواريت و الشناقيط واليحياب و

    الضيفالاب و الدولايب. الحلفايه كانت منطقة مشهورة تاريخيا لدورها السياسي في تاريخ

    الممالك في السودان. أيام مملكة سنار و العبدلا ب و في عهد التركية بحقبتيها و لأهلها مساهمة

    فاعلة في الحياة الأجتماعية لبحري و خاصة في مجالي التعليم و الثقافة ونجد عدد مقدر من

    معلمي مدارس بحري من الحلفايا على رأسهم الأساتذة و الشعراء العمالقة أدريس جماع و

    الأخوان أحمد محمدعلي و محمد محمد علي و هم أولاد خالة جماع و هناك العلامة بروف عون

    الشريف قاسم و الشاعر الكبير أحمد علي البشير السنجك الذي كان له منتدى يأمه عدد كبير من

    شعراء البطانة و شاعر الدامر " عقيل" و أيضا شعراء بحري كما حكى لي عمنا عبدالمحمود بأن

    الكثيرين كتبوا عن الشجرة الظليلة التي تتوسط مزرعة ود البشير و عقيل الدامر أسماها شجرة

    المنتهى.

    نرجع للبروف عون و هو أبن الشريف قاسم شيخ اليمن ببحري و ممكن نقول السودان و من

    بعده العم سعد قشرة والد الدفعة علي سعد صالح و طبعا اليمن والى عهد قريب كانوا أصحاب

    معظم دكاكين بحري و تقريبا عددهم لايذكر سواء في أم درمان أو الخرطوم السبب يعود للعلاقة

    القوية التي تربط الشريف و قشرة مع تجار الجملة ببحري الأعمام بشير و عبدالرحيم التازي و

    قبلهم صهرهم الحاج طه صالح الذي كان سر تجار بحري و ناس هلال وطه العقيلي " محلات

    الوردة البيضاء" و عثمان خوجلي و الد الدفعة عبدالله عثمان خوجلي و آل الأمام من الحلفايا أبو

    يمن بيجي بجلابية وشال بعد أسبوع بيكون فتح دكان و شغال كيف دي؟ بضمانة الشريف و

    قشرة بيأجر محل و يتعبأ بضاعة للسقف و بعد داك يسدد ما عليهو الحياة بتمشي و بالمناسبة

    الكثيرين منهم دفروا على أفريقيا الوسطى و عملوا تجارة كبيرة و و لا زالو مرتبطين ببحري.

    نرجع لسوق بحري ناس الحلفايه تجدهم يعملون في بيع الخضار لكن كانوا مسيطرين على

    الجزارة سيطرة شبه كامله يعني أولاد عبدالعال هم المشغلين السوق بيذبحوا و يبيعوا للجزارين

    الوقيفه يوزنوا ليهم يبيعوا و يسددوا يوميا, و أيضا هنالك الرجل الوديع الباسم دائما عبدالرحيم

    البرديسي و أخوه الأصغر كمال و ديل طلعوا من السوق و فتحوا ملحمة راقية في صف البيوت

    الفاتح على أبو الشيخ العجلاتي و الرشيد هافانا, و في أحدى المرات و نحن و قوفا قدام

    البرديسي جاء الظريف عمر الحلبي طبعا أناقة كده كمية المهم ماأنسى كان في واحد رتبة من

    البوليس و اقف برضو فمن وراء كده سلم عمر على ود البرديسي و بطريقته اللذيذة قال لي ( يا

    رحمي أعمل لي 2 كيلو من الزند داك و أوزن الضلع دي, و الكبدة دي بتعمل كم قطعة مش

    يابرديسي ! نحن أحسن ناس بنأكل في الخرطوم بحري) كلام حلو! و طبعا بعد اللحوم حيمر على

    الخواجة الملاصق مطعم منى!!

    الحلفايا جغرافيا بتبدأ من نهاية شمبات والمنطقة الزراعية بعد السوق المركزي الحالي الحتة اللي

    فيها مبني أبحاث الطاقة و دي أراضي حكومية " حكر " لكن الجناين اللي على النيل دي ملك و

    يقال أنها أراضي بشير بك كمبال, ما بعد الظلط شرقا دي بفر الحلفايا فيها مزارع جدو و مزرعة

    أسرة يعقوب والد الزملاء طارق و هشام و أخوهم الصيدلي أبراهيم و أختهم السيدة وداد يعقوب

    مالكة " نخلة غاز والنخلة العقارية" أتذكر جيدا كان لمن يوصلوا ناس طارق المدرسة تلقى في

    العربية وراء كمية من أطباق البيض ماشة السوق للبيع, البقر جاري لغاية اللاسلكي بعد"الكيلو"

    غرب و شرق خط السكة حديد وفي مزارع منتشرة قصاد السامراب و الدروشاب و أمتداد الحفايا

    و دي وزعت لأهل الحلفايا كما درجت الحكومات السابقة بتدي الحق لأهله و الباقي بتوزع خطة

    أسكانية وده الحصل.

    عمنا الأميرلاي أحمد حسن سالم مدير النقل الميكانيكي سابقا عنده مزرعة في الحكر بها أستطبل

    كبير و هو من كبار مربي الخيول و دي هوايته و حياته المهم عندما نزعت المزرعة الناس

    تكلمت معه أنو يتظلم رفض مطلقا و تعليماته للأولاد أخونا عادل سلم و معاوية و عبدالله

    "كمال" الدفعة الورانا في بحري الثانوية و الدبلوماسي حاليا بالخارجية.

    ووراء المزارع دي " حلة العرب" اللي هي السامراب كم بيت طين و رواكيب و أهلها بطاحين

    رعاة و بائعي ألبان زي الحلال التي تليهم أم ضريوة و دردوق و الدروشاب شمالا و جنوبا و

    قدامهم عزبة و د الأحمر جد العميد بحري معاش عبدالدائم عبدالله الأحمر أول دفعة في بحري

    الثانوية سيأتي ذكره لآحقا.

    نرجع الحلفايا و كما ذكرت الكثير من معلمي الحلفايا كانو بيدرسوا في مدارس بحري بمراحلها

    المختلفة و الكثيرين من أولاد الحلفايا زاملونا في المدارس الوسطى و الثانوي, و من الأساتذة

    البدوي و عبداللطيف و طيفور وعمر الفادني و حسن ابراهيم و أستاذ الرياضيات في الأهلية

    عمر و درسنا أولى و ثانية و بعد داك أنتقل لمدرسة سلاح الأشارة و كان رياضي متميز , الأستاذ

    عبدالمنعم عباس صبحي شقيق د. حسن عباس صبحي من ناس شندي لكن مقيم بالحلفايه بعد

    طرمبة موبيل أويل في بيت أشتراه بعد انتهاء أعارته للسعودية و عودته و تتدرج حتى مساعد

    سكرتير أمتحانات السودان.

    لو قلنا نستعرض بعض الشخصيات من الحلفايا نبدأ بمعالي اللواء حسن بشير نصر رئيس

    مجلس الوزراء وو زير الدفاع في حكومة نوفمبر وتحكى طرفة عنه عندما تنازل للفريق عبود

    عن قطعة أرض أسكانية بأمتداد العمارات لأنوا أكتشف أن عبود لم يتقدم أصلا و ليس لديه بيت

    و قال ليهو متنازل ليك يا سعادتك أنا ما بفوت أهلي,,,, و أنت أسكن مع الأفندية!! الكلام ده وهم

    حاكمين البلد كلها كان ممكن يستولوا أو يلحسو أي فسحة في الخرطوم لكن الناس النظيفة ما

    بتعمل الغلط و زمنا الحاضر شعاره اللى أختشوا ماتوا!!

    في البوليس كان القمندان حسن محمد صالح المك قمندان بوليس الخرطوم و من الأجيال البعد

    داك اللواء ركن ناصر جماع " المانجل الموسوعة " و العميد عبدالعزيز خالد العمدة و العميد

    طيار أدريس سلطان دكام أخو أحمد دكام كان صول الكديت في بحري الثانوية و تخرج من الكلية

    الحربية ولكن ترك الخدمة مبكرا برضو الأستاذ حسن عوض المحامي وصل عقيد شرطة

    وتقاعد وعمل مكتب محاماة سنأتي الى ذكر العسكريين ضمن مجموعة بحري الثانوية, الشخصية

    التي آثرت أن اتركها لنهاية الونسة الدكتور الفنان الأنيق/ عوض دكام او كما يحلو له "العوض"

    كما كانت تناديه والدته د. عوض رجل عصامي بدأ حياته معلما لفترة ثم سافر يوغسلافيا و درس

    طب الأسنان و برع فيه و ذاع صيته بأدائه و أخلاصه و علاقته الجميلة و تواضعه الجم و له

    أسلوب سلس في الحديث يجعلك ترتاح له و توده. من أقرب أصدقائه جارنا محجوب حسين

    " الفولجا " و هو صديق أخوه أحمد دكام النقابي المخضرم. عيادة د. دكام بتختلف من

    غيرها في النظام كراسي وكنب وثيرة مجلات و جرايد " مبرد ماء" ديكور راقي و موسيقي , ما

    زي العيادات الكلاسكية كراسي حديد ياقدة رايشها بنطلونك أو الجلابية والمشكلة لو مسك في

    ثوب و مزعوا!! د. عوض دكام عندما تولى أدارة مستشفى الأسنان كان يشرف على كل صغيرة

    و كبيرة و أول من ينزل من عربيته أول شئ بيمر على الحمامات , البوفية أهم حاجة النظافة و

    النظام عنده و المواعيد و ألأداء الجيد الجاد و الشباب اللي اشتغلوا معاهو لقو فرص رشحهم

    لدراسات عليا و أبتعاث للخارج حقيقة العوض كان أنسان جميل أختاره الله الى جواره فجأة و

    خرجت بحري شيبا و شبابا لوداعه في ذلك المساء الحزين.

    شاعرنا أدريس جماع أذكر أنه كانت له علاقة ود و صداقة مع أستاذ الجيل أحمد محمد علي نمر

    أول ناظر و مؤسس بحري الثانوية كان جماع و هو في ظروفه المرضيه الصعبة لا يتكلم صامت

    شارد الذهن يأتي من الحلفايا مرارا و يقف في الصباح الباكر في نص ميدان الأمير او قريب

    بوفيه عبدالقادر حاج السيد للأنتظار مرور صديقه أستاذ نمر يحييه و يتبعه صامتا الى مكتبه و

    في مرات كثيرة يعود أدراحه راجعا قبل أن يصلو البوابة!!!و أستاذنا نمر لاتربطه علاقة بآل نمر

    كمبال من الحلفايه و جماع من العبدلاب ومن المصادفات عندما نقل الناظر أحمد أتى مكانه

    شقيقه محمود محمد علي نمر ناظرا لبحري الثانوية ذلكم الصرح العملاق و الذي عندما نأتي أليه

    ستطول و نستنا و فيه كنز من الذكريات الحبية و الصحبة الماجدة لأحباب و أصفياء تفرقوا في

    مرافئ بعيدة.......

    من الفنانين والمبدعين من الحلفاية الموسيقار والملحن الكبير بشير عباس أحرف عازف عود

    بعد العمالقة أسماعيل عبدالمعين و برعي أحمد دفع الى حين ظهور العازف الموهوب عوض "

    الهزاز"و كان خير خلف لخير سلف بعد هجرة الأستاذ و برضو كابتن فيصل نصر عازف الفولت

    في فرقة الأذاعة و كان هداف فريق الحلفايه و زول حريف شديد اي دفاع بيعمل ليهو مية

    حساب. الراحل المقيم البلبل الغريد / خوجلي عثمان يحسب انه من الحلفايه و أول ظهوره كان

    مقيم بالحلفاية و تقريبا أسرته مقسومة حاليا بين شمبات و الحلفاية لكن أساسا هو من أبناء

    وادي سوبا وعد بابكر بشرق النيل أبن بحري في النهاية. لعن الله الأيادي الأثمة التي أغتالته و

    غيبت تلك الأبتسامة و الصوت الدافئ لشاب نضر ملء الدنيا بهجة, من الشباب أولاد المك سامي

    حسن محمد صالح التشكيلي و الكاركترست العالمي وملحن الساحة الفنيةحاليا أحمد صالح حامد

    المك.

    كرة القدم في الحلفاية لها شعبية كبيرة ويوم يكون المستقبل أو الحلفايا عنده مبارة في ليق

    بحري تلقي حشود من الباصات الصفر حول الملعب و كمان لو المبارة كانت مع سهم الجريف و

    لا حلة كوكو أو الشعب فدي كوره نار, المستقبل فريق الدواريت الحلة القدام كابتن فيصل و

    أبو ليله و المايسترو الجد بابكر و عبدالرحيم الباشمهندس كان طالب في مدرسة النقل

    الميكانيكي و فريق الحلفاية الحلة الوراء أغلب اللعيبة من فريق الشايقية أزهري " أب ناتوله"

    المدافع الصلب و فيصل الفنان و أشهر كباتن هم حمزة الطيب مدافع المريخ و عروة الطيب

    النص الغالي في الهلال و قبلها في الحصاحيصا و أخوهم أبراهيم لاعب التحرير البحراوي و

    بهذا نكون قد مررنا علي بعض الملامح من حلفاية الملوك. و اذا مد الله في الأيام نلتقي الأسبوع

    القادم طبتم و طابت أيامكم,,,,,

    أنور العجب ( أبو النور)
                   |Articles |News |مقالات |بيانات

20-10-2008, 01:48 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)

    Quote: الحلقة الخامسة من مسلسل أبو النور ### أنور العجب (أبو النور)

    TARAWA DELIVERY #5


    ابو النور ثرو د. إبراهيم العجب

    ابو النور ماتطول الغيبه ,, طبعاً عند فروقات بتاعت تشرد من الاسبوع الماضى بسبب غياب الموقع عن الشبكه ,, الموقع طشى ونحنا طشينا معاهو وبقي رأسنا مقطوع زى ناس السجاره إياها (الخانه قفلوها والكشفين الكجر دخلم الجك) وبقينا لافين في الفضاء الاسفيرى من دون هدى الي ان ركينا اليوم وراسنا رجع لينا بعد الغياب القسرى اللإرادى..
                   |Articles |News |مقالات |بيانات

20-10-2008, 06:29 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اتعقدت والله لقيت صورتي مقمبره براها خفت ما يفتكروني انا ميكافيللي بي ذاتو ... السبب شنو يا اخوانا؟؟؟؟؟؟؟؟؟؟؟
                   |Articles |News |مقالات |بيانات

20-10-2008, 08:14 AM

Zein Hasan Mahgoub

تاريخ التسجيل: 14-07-2008
مجموع المشاركات: 219

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأعزاء أبناء بحري

    الأخوة: كمال كرار، طارق ميرغني، عبدالكريم أحمد الأمين، عبد الرازق سعيد و بقية العقد الفريد

    اولاً: حمداً لله علي عودة المنبر سالما و عودة الروح للجسد.
    ثانياً: عزرا للغياب الإضطراري بسبب الزنقة الشديدة و التي خفت الآن مؤقتا . فقد انتهت الفترة البحثة و استعد الآن للمغادرة للسودان خلال اسبوع من الآن، بعدها سنتواصل ان شاء الله.
    لكم العتبي حتي ترضوا
                   |Articles |News |مقالات |بيانات

20-10-2008, 01:32 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)

    Quote: اتعقدت والله لقيت صورتي مقمبره براها خفت ما يفتكروني انا ميكافيللي بي ذاتو ... السبب شنو يا اخوانا؟؟؟؟؟؟؟؟؟؟؟


    ابن خالي طارق
    اصلو الهكرز بيحبو الصلعه خاصةً إذا كانت ناصعه وبتلمع ,, لانها بتكون عكس توجهو الوسخان الخلانا نزازى زى اليتامي الطردوهم من بيتهم الحصين في وقفة العيد ,, حمداً لله علي عودة الموقع وإنشاء الله ماتحصل علينا الجهجهه دى مره تانيه..
                   |Articles |News |مقالات |بيانات

20-10-2008, 01:37 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)

    Quote: ثانياً: عذرا للغياب الإضطراري بسبب الزنقة الشديدة و التي خفت الآن مؤقتا . فقد انتهت الفترة البحثية واستعد الآن للمغادرة للسودان خلال اسبوع من الآن، بعدها سنتواصل ان شاء الله.


    د. الزين (ودالعم)(وخالتي آمنه رحمه)

    مع الاماني الطيبه بسلامة الوصول ومواصلة إثراء بحرى طراوه من بحرى..
                   |Articles |News |مقالات |بيانات

20-10-2008, 03:58 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3683

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أبو النور ود. إبراهيم..

    سلامات..

    الهكر ده ما كان عايز يفوت علينا أحلى حلقة من حلقات الدليفري...

    تعرف يا أبو النور ..الحلفايا دي جننتها جن... بس في الأستاذة نسيت بمزاجك أستاذ/ عبداللطيف أبو الحسن (صاحب الكف الصاموتي).. وقد ألتقيت به في المنطقة الشرقية.. وأستاذ/ عبدالله صابونةأستاذ الفيزياء لما كنا ببحري الثانوية..وبرضو نذكر من سكان فريق الشايقية دفعتنا في الأميرية وبحري الثانوية حسن صبري سيد طه.. ومن الأسر أسرة الداروتي..(وقد نزحوا للحلفايا ربما قبل أكثر من 30 عاما)..يا أبوالنور توثيقك للحلفايا... منتهى الروعة وبما إنو صاحب هذا المنتدى من أبناء الحلفايا .. أصبح لزاما أن يعطيك العضوية الفخرية حتى تدخل من دون باس ويرود... يعني هكر نظامي

    أيضا ما أسترعى أنتباهي مسألة البيض الخاص بمزرعة ناس يعقوب إبراهيم والد إبراهيم، وحسين، وعصام وطارق ونبيل.. وأذكر أن في ذلك الوقت كان على البيض ديباجة بإسم (دواجن راضية) أو (دواجن رضية)..ولعله أسم والدتهم.. والشيء المحزن يا أبو النور أنه قبل أكثر من عام توفى إبراهيم يعقوب وهو في سيارته.. وقد بكاه الكثيرون حيث عرف أنه رجل بر وإحسان.

    هل تعلم يا أبو النور أن أسرة يعقوب دناقلة وهم أقرباء ناس أستاذ/ عبد السلام محمد خير وصلاح محمد خير وزين العابدين دفعتنا؟؟؟


    واصل يا أبو النور
                   |Articles |News |مقالات |بيانات

21-10-2008, 04:57 AM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخوان ابو النور ود.ابراهيم

    يعطيكم العافية على هذه التوثيقات الرائعة والسرد الراقي الجميل.واصبحناننتظر حلقات ابو النور على أحر من الجمر.
    وماتطول الغيبة يابو النور

    ووينك ياكوتش عوض اللة غيابك طال كفاية تعال
                   |Articles |News |مقالات |بيانات

21-10-2008, 11:35 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: أيضا ما أسترعى أنتباهي مسألة البيض الخاص بمزرعة ناس يعقوب إبراهيم والد إبراهيم، وحسين، وعصام وطارق ونبيل.. وأذكر أن في ذلك الوقت كان على البيض ديباجة بإسم (دواجن راضية) أو (دواجن رضية)..ولعله أسم والدتهم.. والشيء المحزن يا أبو النور أنه قبل أكثر من عام توفى إبراهيم يعقوب وهو في سيارته.. وقد بكاه الكثيرون حيث عرف أنه رجل بر وإحسان.

    هل تعلم يا أبو النور أن أسرة يعقوب دناقلة وهم أقرباء ناس أستاذ/ عبد السلام محمد خير وصلاح محمد خير وزين العابدين دفعتنا؟؟؟


    ودالسر كرار
    المكتوب علي كراتين البيض (دواجن الرضيه) وهى الحاجه الرضيه وهي من آل الصائغ والعم يعقوب أبراهيم من حفير مشو وقد توفيت الحاجه الرضيه في أول الثمانينات بالولايات المتحده الامريكيه غرقاً عندما كانت في زيارة لإبنتها المهندسه وداد يعقوب (زوجة إبن أختي د.جمال الدين عثمان حاج أحمد) كما غرقت معها إحدى بنات الدكتور جمال الدين عثمان. (نبيل يعقوب متزوج من شقيقة د.جمال الدين عثمان)..

    ** حاجه الرضيه من أوائل النساء اللاتى قدنا سياره في الخرطوم بحرى وكانت تقوم بمهمة تسويق منتجات مزارعها بنفسها,, وفي ذلك الزمن الجميل كان يمكنك ان تشاهد عربتها الكونسل البيضا وكذلك عربة كافورى لتوزيع الحليب ,, فلها الرحمه وكذلك الرحمه للحاج يعقوب أبراهيم ولإبنه إبراهيم يعقوب والبركه في الموجدين لتكملة مسيرة هذه الاسره التي تعشق النجاح وإدارة الاعمال الخاصه بهم ..
                   |Articles |News |مقالات |بيانات

21-10-2008, 12:07 PM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: لو قلنا نستعرض بعض الشخصيات من الحلفايا نبدأ بمعالي اللواء حسن بشير نصر رئيس

    مجلس الوزراء وو زير الدفاع في حكومة نوفمبر وتحكى طرفة عنه عندما تنازل للفريق عبود

    عن قطعة أرض أسكانية بأمتداد العمارات لأنوا أكتشف أن عبود لم يتقدم أصلا و ليس لديه بيت

    و قال ليهو متنازل ليك يا سعادتك أنا ما بفوت أهلي,,,, و أنت أسكن مع الأفندية!! الكلام ده وهم

    حاكمين البلد كلها كان ممكن يستولوا أو يلحسو أي فسحة في الخرطوم لكن الناس النظيفة ما

    بتعمل الغلط و زمنا الحاضر شعاره اللى أختشوا ماتوا!!


    حمد الله علي السلامه للمرة الثالثة

    تحيه خاصه لصديقي ابو النور وعقبال الدخول من بوابة الطراوه

    الاختشوا ماتوا بالفعل يعيش يعيش اللحاسون
                   |Articles |News |مقالات |بيانات

21-10-2008, 04:53 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: (ظرفاء و إحياء في بحرى) مناوله من الكوتش:-عوض الله مصطفى –العين – الامارات العربيه المتحده.


    ياكوتش - مساء الخيرات
    الشباك فاتح وميكافيللي حايم في كل الحلال السودانيه الشبكيه قُبال مايجي يحيرنا في حلتنا دى ناولنا الحلقه السادسه ياخوى عشان المخرج عايز يمشي المسلسين مع بعض :- ابو النور + عوض الله مصطفى ..

    ** اها أنا في إنتظارك بكره (22/10/2008)
    (ابومحمد فؤاد -دبي)
                   |Articles |News |مقالات |بيانات

22-10-2008, 05:56 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا عبد الكريم صورتي واديتوها عين ...اتلحست ... يا ربي يكون ده برضو ميكافيللي.

    وبعدين حسن طه مالو ؟؟ برضو ميكافيللي؟؟؟
                   |Articles |News |مقالات |بيانات

22-10-2008, 06:12 AM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: حاجه الرضيه من أوائل النساء اللاتى قدنا سياره في الخرطوم بحرى وكانت تقوم بمهمة تسويق منتجات مزارعها بنفسها,, وفي ذلك الزمن الجميل كان يمكنك ان تشاهد عربتها الكونسل البيضا وكذلك عربة كافورى لتوزيع الحليب


    الاخ عبدالكريم
    كيف الحال
    عليك اللة الكلام الكاتبوا فوق ده كان سنة كم ؟
    انا مرات يتخيل لى انك جيتنا فى جامعةالفرع دى بعد ماأتخرجت ليك من جامعتين ولا ثلاثة تانيات .
                   |Articles |News |مقالات |بيانات

22-10-2008, 04:42 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)

    Quote: الاخ عبدالكريم
    كيف الحال
    عليك اللة الكلام الكاتبوا فوق ده كان سنة كم ؟
    انا مرات يتخيل لى انك جيتنا فى جامعةالفرع دى بعد ماأتخرجت ليك من جامعتين ولا ثلاثة تانيات .


    ابو عوه

    الكلام دا في السبعينات ,, بعد ماخلصت قرايه في اليونان وفي معهد أُمبابه للطيران وفي جامعة القاهره الام بالقاهره والـ ICL بالمهندسين وإشتغلت في الاذاعه وبيطار والنسيج وبعد داك جيت كملت معاكم ,, حلوه دى وإنشاء الله تكون عجبتك ها ها ها ها ها ها !!!
                   |Articles |News |مقالات |بيانات

22-10-2008, 04:48 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    ياناس بحرى
    انتو ودالسر كرار إتهكر وماقادر يخش لبيتو دا ,, ولي مشى مأموريه البحرين وجا تعبان منها ولي الحاصل شنو قلنا نتفقدوا وياطارق ميرغني إتفقد صاحبك ,, وحمداً لله علي رجوع صورتك الخائف عليها.
                   |Articles |News |مقالات |بيانات

22-10-2008, 06:59 PM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    نحمد الله لهذا البيت الصغير في حوش بكرى الكبير أن جعلنا نتواصل بالرغم من تشتتنا في أرجاء المعموره الواسعه فلقد تلقيت اليوم مُكالمه هاتفيه من صديق وزميل ملاعب لم اسمع صوته او التقيه منذ عام1983 وهو الاخ عـــبـــده عـــثــمـــان أبـــوزيــــد (الـــســحـــار) والمقيم بالمملكه العربيه السعوديه ,, والذى كان من اسرع الاجنحه الذين لعبوا معنا بفريق صقر الجديان برابطة المزاد وكل ذلك بفضل مطالعته لهذا البوست بحرى ست الهوى والطراوه والذى كان سبباً لتواصل كثير من الاصدقاء والاحباب الذين تفرقت بهم الدروب في المهاجر..

    ** شكراً صديقى ود عثمان ابوزيد مع دوام التواصل ....
                   |Articles |News |مقالات |بيانات

22-10-2008, 08:24 PM

معاوية محمد الحسن
<aمعاوية محمد الحسن
تاريخ التسجيل: 22-03-2008
مجموع المشاركات: 1583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)

    Quote: الكلام دا في السبعينات ,, بعد ماخلصت قرايه في اليونان وفي معهد أُمبابه للطيران وفي جامعة القاهره الام بالقاهره والـ ICL بالمهندسين وإشتغلت في الاذاعه وبيطار والنسيج وبعد داك جيت كملت معاكم ,, حلوه دى وإنشاء الله تكون عجبتك ها ها ها ها ها ها !!!


    الاخ كريمو

    شايفك نسيت العشرة سنة بتاعة ليبيا.

    سعدت ايضا اليوم باتصال من الاخوان عبدة عثمان ابوزيد وشيقه محمدو من تبوك ووعد الاخ عبدة بالكتابة عبر الايميل وانشاء اللة ستكون ذكريات وطرائف من بحري ويتم نشرها بالبوست على طريقة المناولة .
    وبعدين ياعبدالكريم سمعنا تحت تحت انو الهكر طلعوا بتاعين الامن وشالوا الصور بتاعة الاعضاء والان موضوعة فى بورد فى المطار( wanted) عشان كدة ماتفكر تسافر اليومين ديل ولا أنت اصلك جيت الامارات نهائي ؟

    ولازال كمال كرار مختفياً واليوم الاربعاء يبدو انه يستعد للسفر لبحرين غداً

    وبرضو الاخ عبدالرازق مسجل غياب من فترة ويبدو انو لازال منتشياًبفرحة تسجبل المريخ للفلتة وارغو

    عبد الكريم عبدالكريم وارغو كيف
    ؟
                   |Articles |News |مقالات |بيانات

23-10-2008, 03:24 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)

    Quote: وبعدين ياعبدالكريم سمعنا تحت تحت انو الهكر طلعوا بتاعين الامن وشالوا الصور بتاعة الاعضاء والان موضوعة فى بورد فى المطار( wanted) عشان كدة ماتفكر تسافر اليومين ديل ولا أنت اصلك جيت الامارات نهائي ؟


    ابوعوه - صباح الخيرات
    ياصاحبي ياتو امن بتاع حجر العسل وحوش بانقا وماجاورهما ياخي ديل الجماعه دخلو لغايت شارع الاربعين ماجابو خبرهم قال ليك كنا منتظرنهم بالمورده .. اها إعتبرني جئت الامارات نهائي.

    Quote: ولازال كمال كرار مختفياً واليوم الاربعاء يبدو انه يستعد للسفر لبحرين غداً


    ** إختفاء كمال غير طبيعي وقدمنا طلب لطارق مبرغني للبحث والتحرى..

    Quote: وبرضو الاخ عبدالرازق مسجل غياب من فترة ويبدو انو لازال منتشياًبفرحة تسجبل المريخ للفلتة وارغو
    عبد الكريم عبدالكريم وارغو كيف ؟


    ** ابو رزقه ما من عوايدو ,, ومبروك عليكم وارغو وإنشاء الله مايطلع ماسوره وبعد سته شهور ماتلقو الإيشتريوهو.
                   |Articles |News |مقالات |بيانات

23-10-2008, 05:55 AM

حسن طه محمد
<aحسن طه محمد
تاريخ التسجيل: 01-03-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)


    أحبائي

    سلام مربع وجاييكم والشتاء عندنا لسه ما جا يا طارق

    بس قبل ما اجيكم راجع مداخلة بسيطة.

    Quote: ومن المصادفات عندما نقل الناظر أحمد أتى مكانه

    شقيقه محمود محمد علي نمر ناظرا لبحري الثانوية ذلكم الصرح العملاق و الذي عندما نأتي أليه

    ستطول و نستنا و فيه كنز من الذكريات الحبية و الصحبة الماجدة لأحباب و أصفياء تفرقوا في

    مرافئ بعيدة.......




    بعد ترك استاذنا الجليل احمد محمد علي نمر المدرسة هل اتي بعده شقيقه محمود محمد علي نمر ام الناظر الهادي احمد محمد صالح ؟؟
                   |Articles |News |مقالات |بيانات

23-10-2008, 05:53 AM

طارق ميرغني
<aطارق ميرغني
تاريخ التسجيل: 25-12-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    كما توقع الاخ عبد الكريم اتصل بي مساء امس الاخ كمال السر كرار وافاد بانه قد (تهكر )اذ لم يستطع الدخول باسمه وباسوورده القديم

    واعلن انه اذا دخل احد باسمه في اليومين دول فهو غير مسئول.
                   |Articles |News |مقالات |بيانات

23-10-2008, 09:22 AM

عبدالكريم أحمد الامين
<aعبدالكريم أحمد الامين
تاريخ التسجيل: 04-08-2008
مجموع المشاركات: 6324

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    وحتي نرضى صاحب البيت الإتهكر إنشاء الله سوف نواصل بأن نجعل بيته مرفوعاً عن السيول والامطار والذى منه ,, والليله عندنا المسلسل الرهيب ظرفاء وأحياء من بحرى واخونا العزيز الكوتش عوض الله مصطفي من العين لقي الشباك فاتح ودفر لينا الحلقه رقم (6) وبيقول ليكم هو وابو النور لمن بحرى طراوه تبقى مشروع فيلم ماتنسو حقوقهم الادبيه..
    **********************************************

    Quote:
    ظرفاء و إحياء في بحرى - ( حبوبات رائعات فى بحرى )- الحلقه السادسه- عوض الله مصطفي

    من اقوي الدلائل على عبقرية المكان الذي هو ست الهوى بحري ذلك الحي العريق الدناقلة جنوب أتفرد شارعان في الدناقلة جنوب بوجود نساء صرن معالم بارزة في الحياة الاجتماعية حيث خططن أسمائهن وبصماتهن القوية في تضاريس و عصب الزمن الجميل كانت شهرتهن تفوق شهرة كثير من الرجال .

    لقد كن نساء فاضلات قانتات فاعلات بعضهن كان يعمل جنبا إلى جنب مع الرجال في الأسواق و تحملن مشقة و ضنك الحياة و ساهمن مساهمة فعالة في تربية أجيال صالحة.

    و على سبيل الذكر و ليس الحصر نورد اليوم أسماء بعض منهن و نيدا بجغرافية المكان الدناقلة جنوب و تحديدا شارع الجامع الذي اشتهرت معظم منازله بأسماء النساء.

    ** عيشة السيد إبراهيم درويش.

    ووالدتها السيدة نفيسة بت باشاب و كانت عليها رحمة الله تمتاز بشكيمة قوية ويكفى انها أول امرأة تلقى القبض على احد الحرامية و تتلخص الواقعة أنها خلال توجهها إلى جامع الدناقلة لصلاة الفجر شاهدت احد زوار الليل في الزقاق خلف منزلها محملا ببقجة ملابس سرقها من احد منازل جيرانها فاندفعت نحوه بقوة و أمسكت بتلابيبه و لم تتركه حتى تم تسليمه للعدالة.

    ابنتها المرحومة الحاجة عيشه السيد الشهيرة ب عيشة بت باشاب حبوبه أولاد المرحوم طه المجمر الكرام و كانت تمتاز بأناقة فائقة و قوام نحيل تحسده عليها عارضات الأزياء هذه الأيام كما كانت تتمتع بحيوية و تواصل مع كل ساكني حيها لقد أمنت في ذلك الوقت المبكر بأهمية تعليم البنات فألحقت ابنتها الحاجة نعمات بالتعليم في وقت مبكر و ساهم ذلك فيما بعد في تفوق أحفادها جميعهم و تخرجهم من الجامعات و صاروا رقما مهما في بحري ست الهوى .

    (عدل بواسطة عبدالكريم أحمد الامين on 23-10-2008, 12:25 PM)

                   |Articles |News |مقالات |بيانات

[رد على الموضوع] صفحة 18 „‰ 94:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de