|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الأخ/ عبد الكريم أحمد الأمين
كل عام وأنتم بخير ؛؛؛
أقدر لك مجهودك الطيب في هذا البوست خلال شهر رمضان المعظم حيث كنت نجم هذا الشهر بكل المقاييس ، ونسبة لظروف العمل خلال هذا الشهر الكريم فإن المشاركة لم تكن بالمستوى المطلوب ولكن عقب إجازة عيد الفطر المبارك أعدك بأن المشاركة سوف تكون أكثر فاعلية بإذن الله . لذا أرجو تفضلكم بإلغاء إسمي من بلاغ الإختفاء والإبقاء على الأسماء الثلاثة الأخرى وأضافة الأسماء التالية للقائمة :- ياسر حامد أبو عبيدة ناهد بشير د. نواري الزين حسن محجوب حسن بشير إبراهيم قناوي وليد السيد
وتقبل خالص تحياتي ؛؛
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: نسبة لعدم جدوى الطلب أعلاه فإننى بصدد فتح بلاغ إختفاء الآتيه أسماؤهم:-
1/ المستشار حسن طه .. (آخر معلومه عنه أنه ذهب للعُمره). 2/ المهندس طارق ميرغني .. (آخر مره شوهد بهذا الموقع في 24/09/2008) 3/عبدالرزاق سعيد "ابورزقه"..(آخر مره شوهد بهذا الموقع في 24/09/2008) 4/ معاويه محمد الحسن جبريل..(آخر مره شوهد بهذا الموقع في 24/09/2008)
** علي سلطات بحرى طراوه تدوين هذا البلاغ في يومياتها وإجراء التحريات اللازمه فيه,, مع تجنيد كافة عناصرها للبحث والتحرى ومعرفة سبب الإختفاء والغياب هل هو قسرى ؟ أم بسبب رمضان ؟ او إختيارى ؟
*** بتاريخه وساعته تم إجراء اللازم ... |
## بما ان المُبلغ بإختفائه الثالث (ابو رزقه) قد أبان نفسه ووضح سبب إختفائه القسرى وطلب رفع أسمه من القائمه المُبلغ بإختفائها ,, فلقد تم إجراء اللازم بشأن رفع اسمه والتعميم الصادر بحقه..
# كما وانه تقدم بطلبه هذا بالتحرى عن سبب إختفاء بعض سكان هذا القصر وطالب بفتح بلاغ إختفاء ضد:-
Quote: لذا أرجو تفضلكم بإلغاء إسمي من بلاغ الإختفاء والإبقاء على الأسماء الثلاثة الأخرى وأضافة الأسماء التالية للقائمة :- ياسر حامد أبو عبيدة ناهد بشير د. نواري الزين حسن محجوب حسن بشير إبراهيم قناوي وليد السيد علي سرالختم محمد التلب |
وتسهيلاً لإجراءات البحث والتحرى يُضم طلب ابورزقه لبلاغ الإختفاء الاول ,, علماً أن هنالك بعض الاسماء قيد الحصر..
*** وربنا يرجع الغائبيين حتي يثروا هذا البيت معلومةً وأبداعا...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
الاخ عبد الكريم شكراً على السؤال عن شخصي الضعيف وياخي انت ماسمعت انو فى حاجة اسمهاإعتكاف فى العشرة الاواخر . هسع انا بس اخذت إذن نصف ساعة وراجع . وبمناسبة طرائف عوض اللة عن عثمان الحاج انطون التحرير فقد حضرت مرة حلقة فى التلفزيون كان ضيق فيعا عثمان الحاج وكان يحكي عن الاناطين وكان مصر على ان هذا الامر حقيقة وانهم يمكن ان يغيروا نتائج المباريات ويبدو ان هذا هو السبب الذى دحرج التحرير لما هو فيه الان ،وقد روي قصة انهم كانت امامهم مباراة مع الهلال و حضر له أحد الاصدقاء واكد له ان هناك انطون خطير فى سنار ولابد من الذهاب اليه حتى يحققوا الفوز على الهلال ،وقال عندما وصلنالسنار وقابلنا الأنطون وبعد ان قام بعمل بعض الطقوس قال لهم ان المباراة غير قائمة غداً وقال بانه زعل من صديقه ووبخه على إحضاره لهذا الانطون الذي اضاع وقتهم بكلام فارغ لانه لاشى يؤدي لعدم قيام مباراة معلنة وتبقي لها اربعةوعشرون ساعة وقال عندما عدنا للخرطوم توجهنا مباشرة لنادي وبمجرد دخولهم فوجئوا بسكرتير النادي يقول له بانه استلم خطاب قبل قليل من الاتحاد يفيدفيه بانه نسبة لقيام احتفال تخريج طلبة الكلية الحربيةغدا بالإستاد فقد تم تاجيل المباراة . كما روي طرفة اخري بانهم مرة ذهبوا لأحد الاناطين وبعد ان قام بعمل بعض الحركات قال لهم إنشاء اللة حتغلبوا بكرة بشرطأنو اللاعبين يساعدوني ويشوتوا فى الثمانيات فقال قلت لهياراجل انت مجنون نحنا كان عندنا لاعبين بشوتوا فى الثمانيات كنا جيناك .
ومع السلامة لانو الاذن انتهي والبتأخر بجك الجامع
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
Quote: شكراً على السؤال عن شخصي الضعيف وياخي انت ماسمعت انو فى حاجة اسمهاإعتكاف فى العشرة الاواخر . هسع انا بس اخذت إذن نصف ساعة وراجع . |
الاخ معاويه
* نبارك لك توجهك الحضارى .. وادعو لينامعاك ... والإعتكاف ابو إذن دا درس عصر ولاشنو.
Quote: ومع السلامة لانو الاذن انتهي والبتأخر بجك الجامع |
** إنتو معتكفين في مدرسة حاج محمود ولا شنو ,,, اها بدل تجك الجامع جك ميدان النهضه وزحل...
*** اها ياخوى بعد ظهورك رفعنا اسمك من قائمة الإختفاء الإضطرارى...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
ناس بحرى الحلويين المختفيين لظروف خارجه عن إرادتهم ,, سؤالنا عنكم لكي يظل هذا المنبر دائماً فوق وعشان الواحد مايقوم الصباح يلقاهو مشى الخور وخاصةً انو الدنيا خريف ,, والخيران المحليه والمحافظه والولايه ماحفرتا ونضفتا لانو الخريف جاءهم فجاتن وماكانوا عاملين حسابو ,, وعشان مانمشي نلقي بيتنا وصل خور شمبات ونساسق عشان نرجعوا من السبلوقه عشان كده سؤالنا سيظل دائماً عنكم ,, ولكم الموده والتقدير والاحترام...
(ابو محمد فؤاد)
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
العيد في بحرى
بعد أداء صلاة العيد بمساجد بحرى المختلفه يكون التفكير في أنك تشوف البرامج والذى كان غالباً مايكون :- ** لفه من نوع ابو سريع علي كل الحي وممكن تفطر في إى بيت في الحي .. ** موضوع جمع العيديه.. ** المراجيح في مكان سوق الاثنين (موقف باصات الحلفايا).. ** الحفلات التي يقيمها مجلس بلدى بحرى بالبلديه وكانت هنالك فرق فن غناء الجاز والفن الحديث وكانت ملتقي لكل الحبيبه.. ** ثم بعد ذلك مساءاً يكون البحث عن الافلام الجديده في الصافيه او النيل الازرق او غرب.. ** وظهر مؤخراً في منتصف السبعينات السوق الخيرى الذى تقيمه الكشافه البحريه بشارع النيل والذى يبدأ من أول يوم في العيد الي رابع يوم,, وهو تجمع شبابي شبيه بالتجمع الذى كان يوؤم بلدية بحرى..
*** أغلب هذه المشاوير طبعاً كدارويه لعدم وجود المواصلات الكافيه اولاً ولتوفير السيوله ثانياً ,, وطبعاً وانت ماشي بتلقي الجماعه بتاعين لعبة الملوص جنب النقل الميكانيكي وجنب موقف بصات الحلفايا وفي الطريق الي البلديه بحلة حمد.. (وأغلبهم من الجماعه مُرتادى السجون)..
**** (نداء للديناصورات لشرح لعبة الملوص بصوره مبسطه لجيل الـ PLAY STATION و PSP قدر ماحاولت ابسط الامر فشلت)
**** وكــــل ســـــنـــــه وربــنـــا يــحــقـــق الامــانــــى ****
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: وماننسي الزحمه في محلات سمير بسوق بحرى .. |
الاخ عبد الكريم ياسلام عليك ياخي واللة نشاطك ومجهودك ده هو المحافظ على هذا البوست فى الصفحة الاولى ،ولولاك كان مشي سقط لقط . بس عاوزين نعرف محلات سمير دى كانت وين فى سوق بحري ؟سمعنا بكافتريا سمر لكن محلات سمير دى جديدة علينا ياعبدالكريم واظن ناس كمال كرار وابو النور وعوض اللة ذاتهم ماشافوها.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
Quote: بس عاوزين نعرف محلات سمير دى كانت وين فى سوق بحري ؟سمعنا بكافتريا سمر لكن محلات سمير دى جديدة علينا ياعبدالكريم واظن ناس كمال كرار وابو النور وعوض اللة ذاتهم ماشافوها. |
العزيز معاويه
يعني لو ماكنت ود سوق ولافي سوق بحرى اكتر من ناس العوائد والبلديه كنت قلت شنو ,, دكان سمير قصاد عمارة كامل أمين الدكان القديم في الزقاق والدكان التاني علي الشارع الرئيسي..
*** يعني لو قلنا دكان عم عبدالمقصود كنت قلت خلينا نسأل ابراهيم عيونو ..
**** تحياتي وكل سنه أنت والاولاد بعافيه ,, وربنا يحقق الامانى...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
ابن عمتي عبد الكريم والله كتر الف خيرك علي السؤال وتحيه خاصة للاخوة معاويه وللاخ عوض الله مصطفي
الذي طاف بنا مع كبار شخصيات بحري وذكرنا بمحمد ومحجوب قباله وعثمان الحاج والمرحوم عباس شله
ووالدته التي كنا نخافها ونحن صغار الحاجه سروره الشايقيه .ونحن ولدنا في الحته دي.!!!
يا كمال
Quote: كانت في أستديو غردون (النيل الأزرق حاليا) |
الصوره دي انا خايف يكون اخدا منك غردون ذاتو !!!ياخي دي لوتذكر قلتها ليك قبل كده.
عبد الكريم ذكرني في الاعياد ايام حفلات بلدية بحري سيد خليفة وعبد العزيز داؤود يا سلام علي
الايام الطيبه.
تصور يا عبد الكريم كنا نمشي شله من الاهل من بحري الي الثوره الحاره الرابعه قبل عمل كبري شمبات
وكداري طبعا يعني نلف العاصمة القوميه بالارجل من كبري النيل الازرق وعبر كبري النيل الابيض لا كلل
لا ملل !!!
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: يعني لو ماكنت ود سوق ولافي سوق بحرى اكتر من ناس العوائد والبلديه كنت قلت شنو ,, دكان سمير قصاد عمارة كامل أمين الدكان القديم في الزقاق والدكان التاني علي الشارع الرئيسي |
ماالمشكلة ياعبد الكريم انا من صغير كنت بمشي سوق بحري مع الوالد وعارف السوق كويس لكن محلات سمير دى ماشفتها والزقاق البتقولوا ده كان فيهو محلات انوار المدينة ومهدي شريف والمحل الاكثر ازدحام فى العيد كان معروضات عزيز الفاتحة على سوق الخضار ،وانت كدى ورينا المحل ده كان سنة كم يمكن انا ماكنت مولود وقتها.
الاخ طارق وينك ياراجل مسجل غياب طويل كنت معتكف فى جامع غبيرا ولاشنو ،غايتو انا اتخرجت من عبد الكريم وقلت ليهو كنت معتكف رغم انو هو عارفني لا انا ولاهو ولا كل شلة بيت المغتربين مارجال اعتكاف (دى على وزن انا والكاشف أخوي )
وللجميع اصدق الامنيات بالعيد السعيد
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
مُناشده الي :- ابو النور وعوض الله
** أنا ود. إبراهيم العجب الشبابيك مخلنها فاتحه والرطوبه دخلت الغرفه وبوظت المُكيف وغبار الشارع وسخ الاوضه ,, وبالرغم من ذلك مافي مُشكله الشبابيك ستظل فاتحه عشان مايكون عندكم حجه تقولو جينا نناولكم بالشبابيك لقيناها قافله ,, والدنيا عيد وانتو عارفين ناس بحرى بحبو لمة العيد في إى مكان والكل في إنتظاركم... ** ومُقدماً كل سنه وأنتما طيبان وربنا يحقق الاماني..ً *** لكما كل الود والإحترام,,,
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
عبدالكريم والله شايل البوست على أكتافك..وتستأهل نوط الخدمة الممتازة
معاوية: يا أخي سألناك عن هاشم كرارة (كما كنا نسميه) وين أراضيه..وطنشت...
طارق وين يا أخي... إتصل بي الأخ المستشار/ حسن طه أمس الأول...بعد الساعة 11 مساءا وكنت أنا في الظهران... وتواعدنا أن يكون بيننا تلفون نشوف إمكانية اللقاء.. وبالفعل حوالي الساعة 2 مساءا أتصلت بالمستشار في التلفون الأداني ليهو.. لكن رد شخص آخر وقال إنو حسن بعيد شوية من التلفون.. قلت ليهو بلغوا بإني أتصلت.. ووقفت في منتصف المسافة بين الخبر والدمام (الراكة) حوالي نصف ساعة قلت يمكن يتصل... بس مافي نصيب...ووقت المستشار ضيق... لأنو كان راجع ثاني يوم أو قل في نفس اليوم الساعة 10 صباحا.. عموما لم نلتق ولكن إن شاء الله الجايات أكثر من الرايحات إذا بقى في العمر بقية.. معليش يا أبو علي حقك علينا.. لم نقم بالواجب كما ينبغي... ومبروك العمرة يا أبوعلي...ونسأل الله أن يعيدكم لها مرات ومرات
وين الديلفري يا دكتور؟؟؟
طبعا أسعد واحد فينا عبدالرزاق سعيد في هذه الأيام المباركات.. وهو ربما كان على مرمى حجر من نقطة تآلف جموع المسلمين .. في أطهر بقعة على الأرض.. بس حتما مضيوف... ودي برضها بركة يا أبو رزقة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
## الله أكبر... الله أكبر... الله أكبر... ولله الحمد...الله أكبر كبيرا ,, والحمد لله كثيرا ,, وسبحان الله بُكرة وأصيلا ... الله أكبر..##
*** إنقطع هذا الصوت الذى كان يُجلجل بالتكبير نداءاً لصلاة العيد بمسجد الشيخ عثمان أونسه بالمزاد في 19 أبريل 1978 ,, أنه صوت الوالد المرحوم الحاج أحمد الامين محمد نور له الرحمه وكذلك الرحمه لكل أبائنا الذين رحلوا من حي المزاد ***
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: معاوية: يا أخي سألناك عن هاشم كرارة (كما كنا نسميه) وين أراضيه..وطنشت...
|
الاخ كمال ياخي باين أنت متابع الحوش بتاعك ده ، انا كتبت ليك تقرير شامل عن الأخ هاشم كرار واخوانه كمان فى نفس يوم سؤالك راجع صفحة 16
الاخ عبد الكريم رحم اللة الوالد احمد الامين وكلنا نذكره مؤذناً فى جامع اونسة رحمه اللة رحمة واسعة وجعل الجنة مثواه بقدر ماخدم الاسلام .
وقلت بوست بحري وصل التونسية عشان كده أحسن تطلع منه بحقك .
ولكم جميعاً كمال وعبد الكريم وعوض اللة وطارق وعبد الرازق ود. أبراهيم وانور العجب وجميع ابناء بحري اجمل التهاني بالعيد السعيد ونتمني أن نكون العيد الجاي فى ربوع بحري
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: ## الله أكبر... الله أكبر... الله أكبر... ولله الحمد...الله أكبر كبيرا ,, والحمد لله كثيرا ,, وسبحان الله بُكرة وأصيلا ... الله أكبر..##
*** إنقطع هذا الصوت الذى كان يُجلجل بالتكبير نداءاً لصلاة العيد بمسجد الشيخ عثمان أونسه بالمزاد في 19 أبريل 1978 ,, أنه صوت الوالد المرحوم الحاج أحمد الامين محمد نور له الرحمه وكذلك الرحمه لكل أبائنا الذين رحلوا من حي المزاد *** |
عبد الكريم كل سنة وأنت طيب...
صحيح أنقطع هذا الصوت عن هذه الدنيا الفانية ولكن لم يغادر صوت المرحوم أذني أبدا... فكلما جاء العيد تذكرت صوته.. وهذا ليس مجاملة ولكنها الحقيقة وأنا بعد يافع كم كنت أستمتع بصوت المرحم الحاج أحمد الأمين له الرحمة...وهو يكبر ويهلل قبل صلاة العيد
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
النحية لكل شباب بحرى وبخصك ابن خالى طارق ميرغنى وابن خالتى عبدة كما يحلو للخالة خديجة ان تنادية.حبيت يا عبدو ان اصحح تاريخ وفاة جدنا احمد الامين علية الرحمة .لو تتذكر كنا معسكرين مع عثمان عابدين لامتحان الشهادة والامتحان كان تاريخة 5/4/ 1978ووالوفاة حصلت قبل 3 الى 4ايام من الامتحان الا ان تخوننى ذاكرتى.وين عثمان عابدين بالمناسبة دى وذكرى بحرى الثانوية زلكم التحية ولكل ابناء بحرى البررة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
النحية لكل شباب بحرى وبخصك ابن خالى طارق ميرغنى وابن خالتى عبدة كما يحلو للخالة خديجة ان تنادية.حبيت يا عبدو ان اصحح تاريخ وفاة جدنا احمد الامين علية الرحمة .لو تتذكر كنا معسكرين مع عثمان عابدين لامتحان الشهادة والامتحان كان تاريخة 5/4/ 1978ووالوفاة حصلت قبل 3 الى 4ايام من الامتحان الا ان تخوننى ذاكرتى.وين عثمان عابدين بالمناسبة دى وذكرى بحرى الثانوية زلكم التحية ولكل ابناء بحرى البررة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
العيد في الغُربه والعيد في بحرى :-
** العيد في الغُربه:- زى وينتهي العزاء بإنتهاء مراسم الدفن ,, أها جينا من الصلاه وجبنا الجرائد وشربنا القهوه ولعنا لينا حجر شيشه وبكده أنتهت مراسم العيد ... *** العيد في بحرى :- الناس طالعه من صلاة العيد ومتجمهرين حول المسجد للمُعايده وبقية الشباب مُتجمعين في دار الجمعيه والمشاورات شغاله نبدأ بشارع ناس دارقيل او ناس عبدالله مبروك والله أحسن الناس تتقسم شله تبدأ بشارع ناس عم سيداحمد ميرغني وعم الدابي وشارع ناس الزين حسن محجوب ,, الشله الثانيه تبدأ بشارع ناس عم إدريس وشارع ناس مانجل ,, شُله تكسح تغطي ناس كوشة الجبل (ناس زُحل وحلة المارد) ,, ودالزين غطي شارع ناس عثمان فضل ونمر , البقيه ياجماعه ماتنسوا حلة الترسانه شارعي 7 و8 ياجماعه التقسيمه دى عشان ما الناس كلها تكون لافه في شارع واحد ونعمل زحمه في البيوت ...
*** عمر شاويش ومحمد حسن الزين ياشباب بعد ساعه الفطور في النادى ..
*** الحله كلها في لمة فطور النادى بعد أن انتهوا من المُعايده علي كل بيت في الحي ,, وبعد الفطور الشاى وعمر يوسف مظبت القهوه الماخمج قدام دكانو,, وناس الضُمنه دورو ,,, وناس الوست شدو الملايه في التربيزه وناس الحريق لانهم كُتار عملو تربيزتين ..
### بالله هسه الفيهو نحنا في الغُربه دا عيد ,,, والفي المزاد عيد...
### تحياتي لدكتور الزين حسن محجوب وكيف طعم اول عيد خارج المزاد؟؟؟
@@@ وكل سنه أنت طيب , وانتم طيبون وربنا يُحقق الاماني , والعــفـــو والــعــافــيــــه@@@@
(عدل بواسطة عبدالكريم أحمد الامين on 09-30-2008, 05:02 AM) (عدل بواسطة عبدالكريم أحمد الامين on 09-30-2008, 12:56 PM)
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: الاخ كمال ياخي باين أنت متابع الحوش بتاعك ده ، انا كتبت ليك تقرير شامل عن الأخ هاشم كرار واخوانه كمان فى نفس يوم سؤالك راجع صفحة 16
|
معاوية .. كل عام وأنتم بخير...
معليش العتب على النظر.. أنا متابع جيّد للبوست لكن جل من لا يسهو...
عموما تحياتي للأخ/ هاشم.. والمرة الجاية إن شاء الله نزوره في السودان
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
الاعزاء:-
** سيد الحوش الكبير بكرى أبو بكر .. ** سيد البيت الكبير بحرى ود السر كرار.. ** المستشار ودطه.. ** الباشمهندس ود ميرغني . ** اولاد العم عبدالله العجب بدون فرز.. ** عوض الله مُصطفي.. ** ود سعيد (ابورزقه).. ** ود محمد الحسن جبريل.. ** ود حسن محجوب.. ** ود محمد عبدالدائم (شكوكو)..
*** ناس بحرى الحلويين إينما وجدوا داخل الوطن أو خارجه..
## كـــل عـــام وأنــتــم بـــخـيـــر وربــنــأ يــديــكم الــصــحــه والــعــافـــيــه##
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
مُناشده الي :- ابو النور وعوض الله
** أنا ود. إبراهيم العجب الشبابيك مخلنها فاتحه والرطوبه دخلت الغرفه وبوظت المُكيف وغبار الشارع وسخ الاوضه ,, وبالرغم من ذلك مافي مُشكله الشبابيك ستظل فاتحه عشان مايكون عندكم حجه تقولو جينا نناولكم بالشبابيك لقيناها قافله ,, والدنيا عيد وانتو عارفين ناس بحرى بحبو لمة العيد في إى مكان والكل في إنتظاركم... ** ومُقدماً كل سنه وأنتما طيبان وربنا يحقق الاماني..ً *** لكما كل الود والإحترام,,,
***************************************************
## نحن في الإنتطار والدنيا إجازه وابو النور موجود بأبوظبي اليوم ويبلغ تحاياه لكل ناس بحرى وفي إنتظار وعده لمناولتنا العيديه ,, ويا عوض الله واقفين وفاتحين شيش الشباك ....
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: محمد عبدالمنعم التلب)
|
Quote: ناسف للانقطاع الغير مقصود ولكن لظروف قاهره انقطعنا عنكم نرجو من الاخ عبد الكريم (بوليس) البوست رفعنا من القائمه وسنلتزم بحسن السير والسلوك ونعوض انقطاعنا باذن الله. |
ود التلب
سؤالنا عن الغائيبين هو مايميز أهل الطراوه عن البقيه ,, كل سنه وانت طيب والاسره الكريمه ,, ** تم إجراء اللازم بشأن التعميم الصادر ضدكم من بحرى طراوه وتم وقف كل الاجراءات مع الزامكم بالتواجد بهذا البيت لتعويض فترة الغياب **
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
طله جديده في صباح جديد للعيد
وشكرا المستشار عبد الكريم علي التغطيه والله بقيت ملك التغطيه " ابو القدح" المجبور علي بت عمو
وشكرا التلب، ابو رزقه ،علي سر الختم ،الاستشاري ابراهيم العجب ، معاويه، محمد شمس الدين
والمستشار حسن طه، صديقي ابو النور وسيد الحوش رفيق العمر كمال السر وكل الحبان والزملاء.
والسنه الجايه علي امانيكم.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
اهل الطراوه عساكم طيبن
بحرى كعهدها فى العيد هادئه ورايقه ترى الناس يتجولوا فى زياراتهم الاسريه والامسيات تلقى الشباب فى الاحياء يتسامرون حتى وقت متاخر اذ مايزالوا متعودين على برنامج رمضان .
اسئله لقدامى بحرى:
كان هنالك بائع طعميه شهير يدعى مسلمى . وين كان موقعه ؟
عم احمد بتاع الجرم كان يجلس فى موقع شهير ببحرى . منو البتذكروا ؟
اقعدوا عافيه لمن اجيكم راجع .
انتو لسه نايمن والا شنو البوست انا لقيتو فى خور حلة حمد ياالله قبضتو
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الأخ الفاضل/ م. عمر عثمان
كل عام وأنت وأسرتك الصغيرة والكبيرة وجميع الأهل بخير وصحة وعافية وربنا يحفظ ليك شهد وشيماء .. وتحياتي الخاصة للأخوان الأعزاء خالد وأمين وجميع أفراد الأسرة وإن شاء الله القابلة معيّد في بحري وسط الأهل والأحباب والأصدقاء وأهنئك بمناسبة الكتاب الذي قمت بتأليفه (أخي المهندس الهمام) مع تمنياتي لكم بمزيد من التوفيق والنجاح والتميز ..
ولك خالص تحياتي ،،
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: محمد عبدالمنعم التلب)
|
Quote: كان هنالك بائع طعميه شهير يدعى مسلمى . وين كان موقعه ؟ |
ود التلب
الاول دا حتي ديناصورات بحرى الذين تمت الإستعانه بهم(عوض الله مصطفي) أفادوا إحتمال يكون بدأ يرمي طعميه بعد ماهم غادروا بحرى في دروب الغربه..
Quote: عم احمد بتاع الجرم كان يجلس فى موقع شهير ببحرى . منو البتذكروا ؟ |
** ابو العوض موقعه الدائم تقاطع شارع المعونه مع شارع السيد علي عند الاشاره الضوئيه ,, وموقعه المتحرك ميدان عقرب (له الرحمه فقد كان إعلاماً متحركاً للنشاط الرياضي ببحرى).. كما وأنه كان لاعباً بفريق المورده عندما كانت المورده في عز منافستها للهلال والمريخ..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
طله وزوغه واليوم السبت ومن زمن المدرسه يوم السبت ما بنحبه.
يا تلب عمنا احمد بتاع الجرم كان اول اعلامي رياضي اولا حيث كان يتجول في ميادين الكوره مثل ميدان عقرب ليبيع الجرم ويتلو جدول
المباريات وفي نهاية اليوم يعسكر في ناصية شارع المعونه مقابل طلمبة شل حبيب .
كان يشتهر بصوته الرخيم حين ينادي للجرم وكان يقود عجلته ببدال واحد لعطب برجله حاملا طبقا عريضا من السعف وكان الوحيد ربما في
العاصمة الذي تخصص في بيع الجرم.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
[Quote: U]Quote: كان هنالك بائع طعميه شهير يدعى مسلمى . وين كان موقعه ؟ |
Quote: ود التلب الاول دا حتي ديناصورات بحرى الذين تمت الإستعانه بهم(عوض الله مصطفي) أفادوا إحتمال يكون بدأ يرمي طعميه بعد ماهم غادروا بحرى في دروب الغربه.. |
** رأيك شنو ياأبن خالي في كلام عوض الله مصطفي بخصوص مسلمي ,, برضو يكون بد يرميها بعد غربتكم.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
الاخوه ديناصورات بحرى ست الطراوه مكرر الاخ عبد الكربم مكرر الاخ طارق ميرغنى مكرر الاخ طارق احمد خالد
مبروك الجزء الاول من الحل الخاص بالعم احمد وطبعا عم احمد رحمه الله كان من رواد دار الرياضه بحرى البلديه الاساسين بجانب ميدان عقرب ومكان مجلسه مضبوط وكان يجلس بمكانه حتى دخول ناس الدور الثانى للسينمات ( وطنيه _حلفايا) يعنى حتى 9:30 _ 10 مساء وحتى نفاذ الكميه الكانت مضبوطه تماما على هذا الزمان تقريبا.
للمساعدة فى الجزء الثانى من السؤال مسلمى بتاع الطعميه مكانه ليس ببعيد من مكان عم احمد واتوقع انه الاخ كمال ود السر قد يساعد فى الاجابه .
اذا فشلتم فى الاجابه حتى المساء (المغرب) بتوقيت السودان سنذكر الحل
اها ااا رايكم شنو؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
وكما وعدنا الكوتش عوض الله مُصطفي ظل الشباك فاتح وتلقينا الحلقه رقم (3) من ظرفاء وأحياء في بحرى (حي الدناقله جنوب) الا هو محجوب صالح الشهير بـ ( ود اب كالوك) ****************************************************************
ظرفاء و إحياء في بحرى (الدناقله جنوب) - الحلقه الثالثه - عوض الله مصطفي - العين =============================================================================
الاسم محجوب صالح اشتهر باسم ( ود اب كالوك) لا احد يدرى سر هذه التسمية كان رجلا نحيفا اسمر البشرة رشيق الجسم سريع الخطى يمتاز بقدر كبير من الوسامة و الأناقة كان يسكن في الجزء الفاصل بين الدناقلة جنوب و شمال في الاتجاه الشرقي لذا كان تعلقه شديدا بديوم بحري كان (ود أب كالوك) برغم عدم تعليمه من اذكي أذكياء مدبنة بحري وكان داهية متحركة كما كان اجتماعيا من الطراز الأول تجده أول الحاضرين في السراء و الضراء لذا كان محبوبا جدا له طرائف و مواقف متعددة منها قصة الاراضى التى كانت حديث المدينة فى ذلك الوقت .
كانت الاراضى تباع بواسطة المجلس البلدي الذي كان يعمل فيه ابوكالوك مراسلة و كانت توزع بموجب إيصال خاص حاملا ختم مجلس بلدي بحري و القصة يرويها على لسانه كما سمعتها شخصيا منه خاصة و إن بيننا صلة قربى إذ انه من مدينة الكاملين مسقط رأس حبوبتى فاطمة احمد حسن و التي اشتهرت في تلك الفترة ببت الكاملين تمييزا لها لجمالها الأخاذ الذي لايقل عن نانسي عجرم قال ود اب كالوك انه تحصل على دفتر الإيصالات و كانت العقبة الوحيدة هي الختم الذي كان بحوزة الباشكاتب و تحت عهدته الشخصية قال (ود أب كالوك) إن ذلك الباشكاتب كان يذوب وجدا عند سماعه مدح المصطفى صلى الله عليه و سلم و كان (ود أب كالوك) يمتلك صوتا جميلا رخيما فقال كنت احضر له قهوة الصباح و اجلس أمام الدرج الموجود به الختم و ابتدئ بالمديح فتاحذ الباشكاتب رعشة و يأخذ له دقسة قال أثناء تلك الدقسة أقوم بختم عدد من الإيصالات المهم قام بعد ذلك (ود أب كالوك) ببيع تلك الاراضى لعلية القوم منهم أطباء مشهورين و كبار موظفي الدولة و الذين كانوا حريصين و متوسلين للسيد (ود أب كالوك) بعدم ذكر أسماءهم في القضية .
القصة كانت فى الستينات طبعا الكوامر القديمة ناس طارق مرغني و ود كرار يكونوا شهودا عليها . خاصة العم طارق مرغني حامل أسرار و أختام مدينة ست الهوى بحري و كل يوم و كل زول من بحرى بالف خير ..
******************************
## عوض الله شباكنا دا فاتح حتي في الخريف وفي إنتظار المزيد منك.. لك كل الود والتقدير,,,,
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: بخاري عثمان الامين)
|
Quote: كمال انا من الديامة وديل براهم واولاد الديم ما بيبيتوا بره الديم الا في المعتقلات لكن وحاتك من 1992 اتعرفت علي زوجتي نجلاء من بحري كايس البتمرقني ياخ بحري دي غير |
الاخ بخارى
بعد ترحيب ود السر كرار ,, أها جاك ترحيب من واحد من ناس ست الهوى والطراوه ,, ياخوى أنت لو صاحبت ليك راجل من بحرى مابتقدر تتخارج منها ومن ناسا ,, خليك بقيت سيد بيت فيها والحكومه من بحرى ,,
يخيل لي لما تمشي الديم بتكون متلهف للرجعه لبحرى ,, وإسمها كيمياء جذب المدينه الساحره فهى تجذبك وتسحرك وتجعلك مُقيداً بها تبرحها وعند وصولك لمبتغاك وقبل أن تلتقط أنفاسك تجد دافعاً ذاتياً يعطى تعليماته لك بالعوده اليها:- أنها بحرى ست الهوى والطراوه..
*** لك كل الود والتقدير وفي إنتظار مُساهماتك ***
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
أولا أحيي الأخ/ عماد عثمان على إتصاله وفي إنتظار مساهماته التي وعد بها..
كما أحيي الأخ/ عوض حامد.. والذي تذكر لي الشخصية الجالسة على يمين أبو النور وهو الأخ/ عصمت الهاشمي..من أبناء الحلفايا.. وكان معانا في فصل المتنبيء يا طارق.
أما الشخصية الأخيرة بالبنطلون فهو يشك في انها للأخ/ جمال حسن ..و أنا أشك في أنها للأستاذ المصري الدسوقي الذي كان يدرسنا الفيزياء... أها شن قولك؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
اخوتي الأعزاء
سلام وجيتكم راجع
وكنت مفتكر اني حاكشف ليكم البحر وابدأ بالاجابة علي سؤال الاخ التلب عن عمك احمد ومكانه ولكن نعمل شنو مع الديناصورات .
Quote: عم احمد بتاع الجرم كان يجلس فى موقع شهير ببحرى . منو البتذكروا ؟
|
فعلا اجابات الديناصورات صحيحة ومكانه كان بالمحطة الوسطي نهاية شارع المعونة ( او قل بداية شارع المعونة ) مقابل الترمبة .
الجميل في ذاك الزمن الجميل ان الزيادة عندما تشتري التسالي تكون اكتر من الكمية المشتراة.
سؤال : عمكم احمد هل كانت احدي ساقيه مقطوعة ؟؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: سؤال : عمكم احمد هل كانت احدي ساقيه مقطوعة ؟؟؟ |
سعادة المستشار حسن طه
مبروكه العُمره وتهانئنا بالعيد والطله..
عمك أحمد (ابو العوض) كما يعلم جميع ناس ست الهوى والطراوه بأن أحد رجليه عباره عن ساق خشبيه مما يعني بأن رجله مقطوعه نتيجه لحادث ترام في الزمن الذى كان به ترام ,, ولكن صيغة السؤال تدعو للتساؤل عن المعني الخفي والبعيد ؟؟ وفي الإنتظار..
** يوجد شخص آخر في بحرى مشهور زى ابو العوض وبرضو برجل واحده وبسوق عجله واحسن واحد بيعمل عكو وكوارع دى الشغل الظاهر للعيان ولديه نشاط في مجال آخر !!!! ؟؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
الاخ عوض الله مصطفي الاغرب في قصة بيع الاراضي بواسطة اب كالوك انو مدير شرطة بحري في ذلك الزمن ولا داعي لذكر الاسماء كان قد اشتري
من تلك الاراضي الوهمية وكان عشم كل الموظفين الكبار في عدم ذكر اسم اي منهم والقروش طايره لكن اب كالوك رحمة الله شرب كل تلك الثروه
في بطنو.
يا عبد الكريم لو بتقصد جابر اب كراع بالفعل كان له اكثر من نشاط!!!!!!!!!!
يا دكتور ابراهيم العجب بالله قول لي ابو النور خلاص ينقلنا من قصة الشوارع وتخطيطها الي البشر ليحدثنا عن ظرفاء بحري وناس بحري
وذكرياتنا في بحري الثانويه وعن شلتنا والطرائف وعن وعن والكثير الذي اثق تمام في ذاكرته الحديدية والوحيد الذي يمكن ان يتفوق علي
كمال السر من ناحية الذاكره.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
يا عبد الكريم لو بتقصد جابر اب كراع بالفعل كان له اكثر من نشاط!!!!!!!!!!
الاخوان الاعزاء كيفكم اعتقد ياعبد الكريم انت فعلاص بتقصد جابر ابو كراع ونشاطه الاخر انه كان يعمل ترزي فى سوق بحري . وبرضوا كان هناك اسكافى فى سوق المزاد له رجل واحدة وايضاً كان يعمل غفير فى مستشفي بحري انشاء اللة تكون متذكروا . طبعاًبتكون متذكر عبداللة بتاع الجرائد الذى كانت لديه يد واحدة ورغم ذلك كان يبيع السعوط ايضاً بيده الواحدةوبالمناسبة دي اذكر انو اخونا عوض اللة مصطفي عندما كان يدربنا اهدي له احد اصدقائه ترينق سوت والبنطلون فيه جيب بسوسته فقال عوض اللة بانه اكثر حاجة عاجباهو فى التريتق سوت انو فيهو جيب بخت فيهو الصعوط .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
كمال كرار وضيوف البوست المثابرين .
عاوز واحد يحكى لى عن (بص داخل مدينة الخرطوم بحرى) الدائرى ، موقفه وين وبمشى وين، ومين أشهر سائقيه؟؟
صديق متابع حكى لى عنه لكنه إفتقر للمعلومات الحقيقية حوله وكان عشمه وما زال أن يجد إجابة من ناس بحرى الذين تداعوا لهذا البوست التوثيقى الغنى، والثرى بالنفيس من المعلومات والتاريخ التليد لمدينة بحرى، أم الصناعات، وأحد أضلاع مثلث العاصمة المثلثة رحمها الله هى ومن أقاموها، وقاموا عليها .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالله شمس الدين مصطفى)
|
ياخوانا ماتخارجونا من صفحة التونسية دي بقينا طوالى نلقى البوست فى الصفحة الثانية ،ومحاولة منى للمساعدة من الخروج من التونسية أحكي طرائف عن الكوتش سليمان فارس مدرب التحرير الشهير والساخر والمعتد بنفسه للحد البعيد ،فيروي عن سخريته أنه جاء لتمرين التحرير عندما كان يقوم بتدريبه واوقف سيارته فى منتصف الشارع واثناء التمرين جاءت شاحنة كبيرة عابرة بالشارع ولم تستطيع المرور بسبب وجود عربة الكوتش فى منصف الشارع ونزل مساعد الشاحنة ودخل الاستاد وسأل عن صاحب العربة فقام عثمان الحاج بمناداة سليمان فارس لياتي ويخرج السيارة من الشارع ،فقام سليمان فارس بمنح مفتاح السيارة للأعب الفنان سكسك عندما كان يلعب فى التحرير وطلب منه اخراج السيارة من السشارع وبعد أن قام سكسك بالمهمة واعاد له المفتاح ،قام الكوتش بإطلاق صافرة وجمع اللأعبين فى منتصف الملعب وحكي لهم قصة سيارته وقال لهم بانه قام بإعطاء سكسك المفتاح رغم انه لم يسبق له فى حياته أن شاهد سكسك سائق سيارة ولكن من كورتو بس عرفتو انو الوحيد فيكم الممكن يطلع السيارة .رحم اللة سليمان فارس
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالله شمس الدين مصطفى)
|
مرحب بيك أخي مصطفى شمس الدين...
ربما ذكرت أنا في عجالة عن البص الدائري... وأخي طارق اسهب بعض الشيء في الموضوع... إلا أنه تجدر الإشارة إلى أن هنالك باصين... أحدهما كان يسوقه العم/ علي (رحمه الله) والثاني كان يسوقه العم/ نصر (رحمه الله) وعلى ما أذكر أن الباصين كانا يقفان عند سوق الخضار..وجل ركابهما من النساء وفي الغالب كبار السن منهن.. وكان خط سيره من سوق خضار بحري.. مرورا بإمتداد شارع الصناعات والذي يمر شمال سوق سعد قشرة الحالي ويتلوي في طريقه من أمام دكان سعد قشرة أمام بيت الأخ/ يحي حسن عبود.. في طريقة إلى نهاية المحطة عند تقاطع شارع شمبات عند سهلة الشيخ موسى.. مارا شمال بيت الفنان أيوب فارس وجنوب بيت ناس كمال وعصام سعيد...
وفي بداية الستينيات أنتقل الباصان للعمل في خط المزاد السوق مرورا بشارع البوستة الحالي.. حيث أستمر أن يكون ركابهما من كبار السن من النساء وهن في طريقهن لسوق الخضار في بحري..وكان البص يقف في محطات عديدة وفي بعض الأحيان من دون أن يكون هنالك شخص في المحطة.. إنتظارا لأحد النساء التي تكون لا زالت داخل بيتها ولا بأس من أطلاق البوري تنبيها لها بسرعة اللحاق بالباص الذي لم يكن ليغادر دون حضورها... يتم هذا دون تذمر من أي من الراكبات اللائي سرعان ما يتناولن أطراف الحديث عن فلانة وفرتكانة.. وعن قفة العجور التي طار سعرها ليصبح شلنا بالكامل...
أرجو أن أكون قد ألقيت بعض الضوء عن موضوع الباصين الدائريين وأرجو ألا أكون off point .. ويمكنك الرجوع للصفحات الأول للأستزادة كما يمكن لبعض الأخوان إن يزيد ما شاءت له الذاكرة...
ومرحب بيك ثاني
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
Quote: [B]اعتقد ياعبد الكريم انت فعلا بتقصد جابر ابو كراع ونشاطه الاخر انه كان يعمل ترزي فى سوق بحري . |
العزيز معاويه
والنشاطين المتبقيين ,,, قرض علي كده !!!
Quote: وبرضوا كان هناك اسكافى فى سوق المزاد له رجل واحدة وايضاً كان يعمل غفير فى مستشفي بحري انشاء اللة تكون متذكروا . |
علي ما أعتقد العم علي وكان مرضان بكور رابطه المزاد وكور ميدان عقرب ومابفوت كوره ...!!!!
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
يا كمال تقليت الرسالة التالية من الباشمهندس صلاح بشير احد ديناصورات ما بعد الجوراسي .... ما قبل الجوراسي ديل ناس المستشار حسن طه ودكتور عبد المحمود وبالمناسبة وين الدكاتره عبد المحمود عل المانع خير...؟بالله يا حسن طه انكت لينا الدكاتره عبد المحمود الاتنين
Quote: عزيزي طارق لك تحياتي و سلامي إستمتعت كثيرا بمتابعة بوست بحري وذلك لعدة أسباب منها مشاهدة صورتك البهية و الصلعة اللماعة كما تذكرت كمال السر ورجعت للأمرية 1 بكل ذكرياتها الجميلة وكم أسعدتني الدعوات بشفاء عمر و هو الأن و الحمد لله بصحة جيدة وفطرنا في الحلفايا في اخر جمعة في رمضان مع ناس بابكر وعلي و أبو رزقة وعصام و عثمان الداروتي و شباب عائلتكم الجدد بوست بحري متسارع جدا وما فيهو تركيز و يا ريت لو أخدوا بي رأيك و ركزوا شوية لتعم الفائدة خاصة للجيل الجديد. طبعا نحن الان نعتبر من الجيل القديم . في معلومات كتيرة ذكرت تحتاج لي تصحيح زي حكاية يحي عامر اللي إنت بتقصدة هو أخو خالد عامر و يحي دفعتنا وما بلعب كورة و ما ليه دخل بلأهلي السعودي. تحياتي لي كمال السرو أنا ما عرفت ال e-mail بتاعة عشان أراسلة .صلاح بشير
|
طبعا يا كمال الاخ صلاح بشير من الشخصيات الساخره في بحري وهو دفعة وصديق ابن خالتي المهندس بحري عمر قسم السيد الذي والحمد لله
تعافي وبلغ الصحة الآن.
اتصل بي كما وعدت بالامس اخي علي قسم السيد وطمأنني علي حال الاسرة.وهو متابع للبوستات طراوه والاميريه...
الحمد لله الذي جعل الاسفير مجالا للتواصل وشكرا بكري ابو بكر
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
Quote: اقول ليك صلاح بشير تقول لي صلاح عمر بشير ؟؟؟ ] |
طارق صدقني الخطأ مطبعي.. ليس إلا . وأنا أكتب مستحضر كامل شخصية صلاح بشير وليس صلاح عمر بشير... أنت بس ما تصدق غلطة مطبعية وتطلعنا من الجنة وسقطها...
ودي فرصة عشان أؤكد ليك أني متذكر تماما.. وأزيد وأقول ليك صلاح بشير من حلة حمد يعني جنب ناس جدي وأعمامي... وبيعرفهم وبيعرفوه... أما صلاح عمر بشير... (الأبيض).. ده كان في حلة الدناقلة وليس ببعيد من المرحوم / جلال عثمان ...ونسيب الأستاذ المسرحي/ مكي سنادة... وهو الدفعة القدامنا فقط وليس قدام القدامنا... وصلاح بشير أغبش وصلاح عمر بشير أقرب للحنكشة برضو تقول لي الطيارة فيها بوري...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
وظل هذا الرقم المُسمي بالتونسيه (17) في هذا البوست من تاريخ 28/09/2008 الساعه:- 09:44 مساءاً والي تاريخ اليوم 07/10/2008 الساعه :- 10:27 صباحاً ... اللهم خارجنا من هذا الرقم للبوابه رقـــم (18) حتي يتنفس سكان هذا القصر الصعداء ويرتاحو نفسياً من حكاية مشى الخور وجابوه من الخور ...
*** اها يامعاويه جكه جكتين منك وواحده من ود السر كرار وود ميرغني علي مصطفي ترتاح نفسياً وتقلب الصفحه تلقاها عملت ليك مامجموعه (9)..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: لووووووووووووووووووووووووول يا عبدالكريم..
البتتشرب دي... ما عندنا بيها خبر يا عبده (وجه يظهر منتهى البراءة)...
البتقع دي الله يحفظنا منها ...قول آمين |
لكن ياود السر كرار
شم ساكت يكون جاك صُداع منها خانة نصر جنب إستاد التحرير دخانا في السما زى حريق قصب السكر في الجزيره ,, المزاد كلو كان يتسطل علي الريحه ,, علي وزن قهوه علي الريحه..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
برضو يا طارق أنعم عليّ الأخ/ صلاح بشير بالرسالة الضافية التالية.. وهو بيشدد على إقتراحك (المهبب) بتاع فهرسة المواضيع .. وإن كان لم يعد كذلك عندما ثناه الأخ/ صلاح. وأنا إكراما لأخينا صلاح.. رئيس الجمعية الأدبية السابق أطرح الفكرة مرة أخرى على إخواني من رواد وكتاب البوست..وأرجو منهم أن يشيروا علينا بالآلية أو المنهجية التي يمكن أن نحقق من خلالهاهذا الإقتراح المقدر...
والآن إلى رسالة أخي صلاح بشير...
Quote: عزيزي كمال السر
ألف سلام وتحية ليك
يبدو أنك ما زلت كمال السر الساخر الحبوب والذي كنت استمتع كثيرا بمناكفتة كما ان طارق هو نفسة طارق الشخصية المرحة الودودة. اخبرني الأخ دكتور علي قسم السيد عن بوست بحري و قال لي " كمال السر و طاريق مدورين ذكريات ظريفة في النت"
من عجائب الصدف يا كمال وإنت و طارق تتغالطو في صلاح بشير و صلاح عمر بشير
فعلا صلاح عمر بشير هو الدفعة الورانا مباشرة يعني الدفعة اللي قدامكم مباشرة في الأميرية و صلاح الان أستاذ في كلية الطب في جامعة أبها بالسعودية و انا متزوج شقيقة صلاح عمر بشير .
يا ريت يا كمال و للفائدة تركزوا شوية و ترجعوا للإقتراح اللي قدم قبل كدة بالتوثيق لعدة اشياء وذلك بتحديد موضوع واحد يساهم كل المشاركين بمعلوماتهم حولة حتي يكتمل التوثيق الكامل له. مثال : معلمي بحري , كل من له أي معلومة أسماء , مواقع , نوادر , أحوال إجتماعية , كل ما يتعلقباب بالمعلمين. ثم بعد إيفاء المضوع حقة من التوثيق و الذكريات الطريفة يتم الإنتقال إلي موضوع اخر. و بذلك تعم فائدة التوثيق والإستمتاع و الترويح مع ذكريات بحري الجميلة.
هنلك مجموعة من شباب بحري أسسوا ما سمي ب " بحري مدينتي" من ضمن هؤلاء شقيقي المرحوم عبد المنعم بشير و كذلك الأخ صلاح لبيب و الذي كما رأيت في البوست أن هناك محاولة" لإستكتابة" وهو رجل ذو مقدرة عالية في الكتابة ومن شباب بحري الأوفياء و أكيد سوف يثري هذا المنتدي بإسهاماته.
وكل عام وانتم بخير
صلاح بشير
|
شكرا أخي صلاح على الرسالة الضافية...وإن شاء الله نتقابل ما بقى في العمر بقية...الدكتور/ صلاح عمر بشير كان مثالا للطالب الخلوق...فله منا عبرك التحايا الطيبات...والمنى لك وله ولأسرتيكما بعام سعيد وكل عام وأنتم بخير..
تخريمة:-
يا طارق... أهو الغلطة المطبعية عرفتنا أنو الصلاحين نسيبان...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: الأخ/ طارق أحمد خالد...
سلام كثير وكل سنة وأنت طيب..
إذا إنت إبن الأخ/ أحمد خالد... من حلة حمد... الدرس قدامنا في بحري الأميرية...يبقى أنا وعمك طارق... ديناصورات جد جد..
مرحبتين ثاني.. وفي إنتظار مساهماتك.. |
اهلا كمال كرار
ابدا أنا ما ابن احمد خالد بتاع حلة حمد.... ما تخاف من الدنصرة أنا ذاتي ديناصور صغيرون شوية
أقرب ليك المسافة: أنا من الختمية.. والدى المرحوم أحمد خالد على ضابط سابق بالقوات المسلحة.. شقيقي الاكبر صلاح كان من الدفع الاولى في بحري الحكومية
انا دفعة محمد شريف الخبير وهو صديق مقرب جدا وحميم.. منزلهم كمنزلنا .. الحاجة زينب أعزها كوالدتي.. أماني.. أيمن...اخوة اعزاء منزلهم بحلة حمد دخلته مرارا وتكرارا مع محمد .. اعرف مصطفى وبكرى حتى أصهاركم ناس بخاري اعرفهم تماما
اهلي في بحري كثر منهم ال التازي وايضا حيدر الجقدلي
اظن كدا حصلت المعرفة.... تحياتي العطرة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: الاخ العزيز عوض الله شباكنا لايزال مفتوحاً وسيظل مفتوحاً وماتحرمنا من إبداعك وفي إنتظار ماتجود به الذاكره عن أخونا وحبيبنا أبراهيم عيونو ,, وخاصة بعد زواجه وإستقراره بالجريف غرب والتي يذهب اليها من بحرى بعد العاشره او الحادية عشر مساءاً ,, وماأحلي نوادره وقفشاته.. في الانتظار..... الاخ عبد الكريم انشاء اللة قربنا نتخارج من التونسية وبعد ده ممكن كل واحد يطلع بحقو وزي مابقول اخونا خالد قيلي نلعب فى حق العوراء.
بمناسبة ابراهيم عيونو طبعاً هو راجل ظريف للحد البعيد ومابحب المشاكل وبخاف منها موت وكان بجي يقعد مع عوض اللة فى المزاد وعندما يعود للدناقلة فى منتصف الليل بشيل ليهو طوبة ويلفها فى جريدة ويشق المزاد فى طريقه للدناقلة كداري طبعاواى واحد يقابلو يسلم عليهو من بعيد عشان يأمن شرو وكثيرين كانوا بستغربوا انو ابراهيم ده بشيل جريدة فى الليل ليه وماعارفين الجريدة دى فيها شنو . وفى فترة تولي رئاسة فريق البرازيل وسافر معنا رحلة لبورتسودان وفى منتصف الليل جاءهو خوجلي كباشى وكان اداري فى الفريق يشكو من مغص فى بطنه وطلب من ابراهيم بصفته رئيس البعثة ان يذهب معه للمستشفي وابراهيم كان خائف من الخروج فى الليل وحلف مايمشي معاهو وقال ليهو انا مقتنع انو اى مرض من اللة لكن وجع البطن من سيدو عشان كدة تمشى براك انا ماعندي معاك شغلة بالليل ده يقوم يطلع لينا هدندوي يودينا الاخرة .
وبرضو كان الاخ كمال فضل اللة (نوبة) بخاف من المشاكل للحد البعيد ومرة كان راكب حافلة المزاد ومعه اخونا صبري حامد قام واحد فى الحافلة سالو ياخي انت اخو صلاح فضل اللة فرد عليهو كمال نوبة بسرعة لا لا لا ولمن نزلوا صبري سالوا مستغرباً ليه انت قلت للزول انك ما اخو صلاح فضل اللة فرد عليهو كمال انت عوير ياصبري يمكن يكون مشاكلوا .
| |
|
|
|
|
|
|
| |