مواضيع توثقية متميزة

كنت كادر عنف بالاتجاه الاسلامى جاكعة الخرطوم..(عمار محمد ادم)

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-10-2018, 05:22 PM الصفحة الرئيسية

مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
28-06-2009, 01:09 AM

سمير شيخ ادريس

تاريخ التسجيل: 14-01-2009
مجموع المشاركات: 1161

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: Elbagir Osman)

    ها نحن نترك عمار ليكمل شهادته .. لكن ......................

    هل سيذكر كل الحقيقة .. هل سبتحدث عن التعذيب .. القتل .. التشريد .. الفساد ؟
    هل سيذكر دوره فيما سبق وما قام به لارساء المشروع الحضارى وما فعله من تجاوزات تحت مبرر التمكين لدولة الرسالة ؟
    كتابة التجارب والمذكرات ليست ترفا ولا من باب التباهى وهى تفترض الصدق والشجاعة والقدرة على قول الحقيقة
    بل الاهم من ذلك القدرة على تحمل كل تبعات الحقيقة
    كما تفترض شفافية عالية وصدق مع النفس وقدرة على الاعتراق بالخطأ وتحمل أوزاره
    من يكتب تجربته نقدا انما يجب أن تكون لديه رغبة فى التطهر وتخفيف عبء ما ناء بحمله صدره عبر السنين

    والسؤال .. هل امتلك عمار كل تلك الأدوات أعلاه لنصدق خلوص نيته فى الافادة وشهادة التاريخ ؟
    هل له القدرة على مجابهة السلطة اذا ماحاولت اسكاته بما ظهر من تململ بعض منسوبيها من قوله الحقيقة ؟

    لا أعتقد أن عمار ذلك الشخص المتجرد للحق وهو الذى لا يزال بعض مغازل للسلطة وينتابه كثيرا حنين للماضى الذى لا زال أسيره للآن
                   |Articles |News |مقالات |بيانات

28-06-2009, 01:26 AM

Elbagir Osman
<aElbagir Osman
تاريخ التسجيل: 22-07-2003
مجموع المشاركات: 21257

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: سمير شيخ ادريس)

    سمير

    دعه يكمل روايته

    ثم التحقق من صدق الرواية

    يصبح متروكا إلى العشرات من أعضاء البورد ممن عاصروا الأحداث

    والآلاف منهم

    ممن يملكون عقولا


    فقط دعو الرجل يكمل شهادته


    الباقر
                   |Articles |News |مقالات |بيانات

28-06-2009, 01:36 AM

كمال عباس

تاريخ التسجيل: 06-03-2009
مجموع المشاركات: 14059

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: Elbagir Osman)

    الاخ سمير شيخ أدريس خاصة وعامة الاخوة الذين يعارضون حزب الاخ عمار(السابق)
    تحية
    دعو الرجل يكمل قصته وروايته وبعدها ناقشوه هذه أبسـط أبجديات الحوار!! وأعتقد أن الجهة الوحيدة التي يضائقها هذا البوح
    والتسريب هي الانقاذ وكوادرها وأذنابها فلا تنفذوا أجندتهم من دون وعي منكم!! ....أقدر أختلاف البعض مع كل كوادر
    الجبهة النشطة والمتنفذة سابقهاوحاليها ولكني أدعوهم للتحلي بالصبر حتي يكمل روايته وبعدها أحكموا له أو عليه....وإن كان هناك شحنة غضب تحتاج الي تفريغ فالاولي بها من لازال منغمسافي كوزنته وأمنجيته و ممارسا القبح الانقاذي أو مؤيدا له وإن كنت أري أن تتحول شحن الغضب والاحباط الي طاقة إيجابية فاعلة توظف في التصدي للسلطة الباطشة.......

    (عدل بواسطة كمال عباس on 28-06-2009, 01:38 AM)
    (عدل بواسطة كمال عباس on 28-06-2009, 01:39 AM)

                   |Articles |News |مقالات |بيانات

28-06-2009, 05:34 AM

عثمان جلال الدين

تاريخ التسجيل: 27-04-2009
مجموع المشاركات: 1035

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: كمال عباس)

    Quote: دعو الرجل يكمل قصته وروايته وبعدها ناقشوه هذه أبسـط أبجديات الحوار!!



    ما هذا بحوار يا كمال عباس ، يوجد اكثر من بوست مفتوح عن العنف الطلابي يناقش القضية بصورة عامة

    (عدل بواسطة عثمان جلال الدين on 28-06-2009, 06:26 AM)

                   |Articles |News |مقالات |بيانات

28-06-2009, 05:48 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عثمان جلال الدين)

    اعتبر ما حصل اى حاحة اعتقد كدة كويس معاكم يلا تعالوا نخستك انا ما فارقة معاى عشان بكرى يدى الاشتراك لكل من هب ودب اللكلام الفارغ راقد عندنا والليلة الصعلقة نوصلها الحد والحشاش يملا شبكتو.
                   |Articles |News |مقالات |بيانات

28-06-2009, 05:59 AM

عثمان جلال الدين

تاريخ التسجيل: 27-04-2009
مجموع المشاركات: 1035

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: amar adam)
                   |Articles |News |مقالات |بيانات

28-06-2009, 06:11 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عثمان جلال الدين)

    وهم وهم لا خاتى صورتك لا معروف انت منو بعدين ما يا مهازل (افرحى) ياالبوم( امرحى) المنابر راقدة نحمد الله والنقاش فيها بى مستوى بكرى قبل كدة شكى لى من عينتك دى يخصى عليك وعلى تربيتك.
                   |Articles |News |مقالات |بيانات

28-06-2009, 06:59 AM

عبد اللطيف السيدح
<aعبد اللطيف السيدح
تاريخ التسجيل: 11-03-2008
مجموع المشاركات: 5377

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: amar adam)

    Quote: الم فيهو قى الكبرى كيف يا اخ اشرف دى انا ما فاهمها فهمنى ليها
    .





    هذا الكلام في اشارة الي محاولتك الفاشلة لاغتيال الاستاذ حسين خوجلي في منتصف التسعينيات من القرن الماضي


    يا عمار عندما عاودت الوان الصدور وكانت في اوج عنفوانها وكانت تطبع يوميا مائة الف نسخة

    ( كمنت ليه) انت في كوبري النيل الازرق وهو في طريقه الي مكتبه بالفيحاء قادما من منزله ببحري

    وعندما دخل الكوبري ومعه سائقه يوسف بالبوكس موديل 96 ظهرت انت وايديك مليانة حجارة وزن الواحد

    2 كيلو وربنا ستر طبعا اتكسر القزاز وسلم الاستاذ وبكريتا عملنا ما نشيت في الوان كان عنوانه

    محاولة اغتيال فاشلة لرئيس التحرير وطبعا باقي القصة انت تعرفوا زي جوع بطنك بعد ان عفا عنك

    صاحب الوان
                   |Articles |News |مقالات |بيانات

28-06-2009, 07:19 AM

Abdlaziz Eisa
<aAbdlaziz Eisa
تاريخ التسجيل: 03-02-2007
مجموع المشاركات: 22021

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عبد اللطيف السيدح)




    يا اخ عمار


    سلام

    في ناس معوقة ولا تريد لهذا البوست ان يستمر..

    رجاءا واصل في حكيك ولا تلتفت للأقلام المعوقة لمسيرة البوست..


    تحياتي
                   |Articles |News |مقالات |بيانات

28-06-2009, 08:07 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: Abdlaziz Eisa)

    طيب نفتح موضوع حسبت خوجلى تقريبا دا كان سنة1995 الوكت داك حسين خوجلى كان يهز ويرز والسلطة كلها فى يد الجبهة قبل ان تكون الجبهة كلها فى يد السلطة بى صراحة انا كنت الخاتى عليهو فى مكتب محجوب عروة قلت ليهو يا حسين انا سلمتك مقال وداير قروشو قال لى نحنا لسه ما نشرناه قلت ليهو فلان بيدينى قروشى حتى لو مانشر قال لى فلان بيخاف منك نظرت اليه كله وقلت ليهو يعنى انت ما بتخاف منى قام اتحرك من كرسيهو وقعد منى بعيد فى كرسى تانى وقال لى بكلم ليك ناس الامن هنالك اتخذت قرارى بينى وبين نفسى واضمرت امرا بعد داك انتظرت ايام كان فى ندوة ما اذكر فيها غازى سليمان الشريف زين العابدين الهندى المحبوب عبد السلام حاجة زى كدة وكانت فى قاعة الشارقة طلبت فرصة ادونى قمت قلت شايف حسين خوجلى الايامات دى كلو عمودو عن الدبابين شايفو معجب بيهم جدا هو حسين ده مايبقى دباب بالمناسبة حسين ده لو اتفجر حيعمل خسائر فادحة فى العدو وهنا ضجت القاعة بالضحك المحبوب كان بيتحاشانى ما رد على لكن كلمونى جماعة انو شال الكلام بى صمتو وداهو لى حسين هم كانوا شلة بى نسميهم اولاد امرمان واغلبهم من جامغة الفرع بكرة حسين فى عمود لالوان كلمة كتب عنوان الرجل الحلقوم وصفنى وما جاب اسمى ربع صحفى ونص طالب وسدس سياسى وحاقد كامل وكاذب استثنائى المهم طلعنى كسور وبواقى وقال انى بقول الشهداء فطايس يعنى كان بيحرض على ناس الامن والوكت داك انا لسه ما شميت الهواء طالع من بيوت الاشباح اتصلت بيهو مارد اتصلت بى مدير التحرير احمد عبد الوهاب قلت ليهو الزول ده اتصلت بيهو ما رد احمد قال لى هو حيمشى من الله وين كررت محاولات الاتصال من مكتب صحيفة المستقلة بتاعت الحامدى رد على قلت ليهو غاضبا دا شنو الكاتبو الليلة فى الوان قال لى ماتفهم غلط انت ما المقصود قلت ليهو ياحسين انا المقصود قال لى لو فاهم كدة اشتكى قلت ليهو انت عارف انا ما بشتكى قال لى ورينى رجالتك وقفل الخط...
                   |Articles |News |مقالات |بيانات

28-06-2009, 09:41 AM

عبد اللطيف السيدح
<aعبد اللطيف السيدح
تاريخ التسجيل: 11-03-2008
مجموع المشاركات: 5377

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: amar adam)

    طبعا يا جماعة

    صورة البروفايل الخاتيها عمار دي كانت في بيت الرئيس ليلة لقاء الاعلاميين بالخارج

    والراجل اصلوا ما فارق الناس تب يرعي صينية صينية زي ما بقولوا اهلنا

    وعمار ده ما خلي بوفيه مفتوح مارعاه كل همو بطنو وبس

    وصورة البروفايل دي التقطت له بعد ان رعي العشا كلو يعني شبعة حدها الزيق

    وختف عصاة د/ كرار التهامي وبقي يردح بيها جوة الدارة والفنان حسين شندي طبعا

    وبرضو يدعي الوطنية وانو من محبي الوطن وحديثه هنا كله كذب في كذب

    عمار طبعا احمد عبد الوهاب صاحبك ده ابن عمي لزم ويتعاطف معك من اجل تاريخك لكنك نكار جميل!!
                   |Articles |News |مقالات |بيانات

28-06-2009, 10:22 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عبد اللطيف السيدح)

    كذاب الصورة فى منزل الصادق المهدى نتلاقى .
                   |Articles |News |مقالات |بيانات

28-06-2009, 09:47 AM

Abdlaziz Eisa
<aAbdlaziz Eisa
تاريخ التسجيل: 03-02-2007
مجموع المشاركات: 22021

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: amar adam)

    Quote: قال لى ورينى رجالتك وقفل الخط...



    وانت وريتو الرجالة.... عفارم عليك..

    الراجل يستاهل الرد ده..
    لسانه طويل في الباطل..

    تحياتي
                   |Articles |News |مقالات |بيانات

28-06-2009, 10:08 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: amar adam)

    فكرت فى الامر هل اذهب اليه الان فى عمارة الفيحاء حيث مكتبه فى الطابق الثانى وما عسانى ان افعل هناك فان الفيحاء بها وجود امنى كثيف وقد يؤدى الى فشل العملية واعتقالى مرة اخرى يا ترى هل آتيه حينما يرخى الليل سدوله فى شقته الارضية ببحرى وهل يليق ان اعتدى عليه بين اهله وامام نظر ابنائه لا ينبغى ذلك فانا اب اعلم مدى تاثير على الابناء خاصة على اطفال بريئين لا ذنب لهم صحيح اننى قد كنت فتوة ولكن باخلاق..وكان ذلك الصباح المشهود عند مدخل الكبرى من جهة بحرى لقد كانت مهمة ذلك الحجر الضخم الذى اجلس عليه ان يهشم الزجاج ويوقف عربة البوكس التى تخفى بها ذاك الصباح والعهد به ان يركب الكريسيدا الما خمج وانا اجلس على الحجر فجاءة رايت حسين خوجلى فى عربة بوكس امامى والى جواره السائق يوسف وهجمت على البوكس وانال اشبه بالوحش الكاسر لقد كنت انوى ان افرغ كل غبن بيوت الاشباح فيه وكتب حسين خوجلى (لولا مهارة السائق)فعلا لقد نجا السائق با عجوبة كما جاء فى الخبر اليوم التالى فى الوان (رئيس التحرير ينجو من محا ولة اغتيال) واصبحت مطاردا من اجهزة الامن خاصة وان بالبلاد توتر شديد فقد احتلت الحركة الشعبية الكرمك فى تلك الايام وقد اجتهد حسين خوجلى كثيرا لالقاء القبض على وتمت محاصرة مكتب غازى سليمان الذى زرته لحيظات..
                   |Articles |News |مقالات |بيانات

28-06-2009, 10:15 AM

Abdlaziz Eisa
<aAbdlaziz Eisa
تاريخ التسجيل: 03-02-2007
مجموع المشاركات: 22021

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: amar adam)

    فوق
                   |Articles |News |مقالات |بيانات

28-06-2009, 10:15 AM

عبد اللطيف السيدح
<aعبد اللطيف السيدح
تاريخ التسجيل: 11-03-2008
مجموع المشاركات: 5377

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: amar adam)

    عمار ماشين كويس احكي وبدون تزوير للحقائق او ادعاء لبطولات زائفة الله بسعلك يوم القيامة



    ارجوك علق علي صورة البروفايل
                   |Articles |News |مقالات |بيانات

28-06-2009, 10:41 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عبد اللطيف السيدح)

    يا زفت يا اسمك السيدح ماتقفل...خلينا نتكلم نحنا ما ناقصين معقدين.
                   |Articles |News |مقالات |بيانات

28-06-2009, 10:43 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عبد اللطيف السيدح)

    أتمنى أن يكف سيف الدين محي الدين و السيدح عن هذه الصبيانية.
                   |Articles |News |مقالات |بيانات

28-06-2009, 10:49 AM

سمير شيخ ادريس

تاريخ التسجيل: 14-01-2009
مجموع المشاركات: 1161

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عبد اللطيف السيدح)

    أخى كمال عباس
    أخى الباقر
    رغم تحفظاتى الكثيرة على ما قيل
    الا أننى سوف آثر الصمت لحين اكماله حديثه
    وذلك فقط نزولا عند رغبتكما الكريمة
    ولكما تقديرى واحترامى
                   |Articles |News |مقالات |بيانات

28-06-2009, 10:54 AM

إسماعيل التاج

تاريخ التسجيل: 26-11-2004
مجموع المشاركات: 2514

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عبد اللطيف السيدح)

    Quote: فتوة ولكن باخلاق


    يا ريت تحكي يا عمار وتترك الحكم على أعمالك للآخرين.

    شبعنا من مقولات:

    الديكتاتور العادل.

    المستبد العادل.

    و ها أنت تحاول أنْ تسير بنا في ما يشبه ملحمة الحرافيش.


    شهادتك مهمة، ليس للتاريخ، ولكن لمعرفة الإطار النفسي لمنتسبي الحركة الإسلامية عبر كافة مسمياتها المتماهية (الأخوان، جبهة الميثاق، الإتجاه الإسلامي، الجبهة الإسلامية إلخ).
                   |Articles |News |مقالات |بيانات

28-06-2009, 11:14 AM

عبد اللطيف السيدح
<aعبد اللطيف السيدح
تاريخ التسجيل: 11-03-2008
مجموع المشاركات: 5377

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: إسماعيل التاج)

    Quote: يا زفت يا اسمك السيدح ماتقفل...خلينا نتكلم نحنا ما ناقصين معقدين
    .







    صدقت فعلا كنت كادر عنف جسدي والان لفظي

    الحركة الاسلامية لو ما تبرأت منك منذ وقت بعيد ستكون لعنة عليها


    الحمد لله علي المخارجة
                   |Articles |News |مقالات |بيانات

28-06-2009, 11:17 AM

HAIDER ALZAIN
<aHAIDER ALZAIN
تاريخ التسجيل: 27-12-2007
مجموع المشاركات: 18105

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: عبد اللطيف السيدح)

    Quote: الحركة الاسلامية لو ما تبرأت منك منذ وقت بعيد ستكون لعنة عليها



    بقت عليهو يعني ؟!!
                   |Articles |News |مقالات |بيانات

28-06-2009, 11:41 AM

ibrahim alnimma
<aibrahim alnimma
تاريخ التسجيل: 28-03-2008
مجموع المشاركات: 5194

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: HAIDER ALZAIN)

    Quote: الحمد لله علي المخارجة


    الرجل يحكي عن العنف داخل الحركة الاسلامية مش العنف الذي يسكنه ....برأي ان الاخ عمار
    يحكي بندم ...وهذا اجدي وانفع له من التباهي بحمل الامراض النفسية والعاهات المستديمة
    التي مازال البعض يتباهي بحضنها ولسان حاله يقول انا متخلف اذن انا موجود...
                   |Articles |News |مقالات |بيانات

28-06-2009, 11:42 AM

الرفاعي عبدالعاطي حجر
<aالرفاعي عبدالعاطي حجر
تاريخ التسجيل: 27-04-2005
مجموع المشاركات: 14684

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: HAIDER ALZAIN)

    بالله ياعمار دي شهادة مهمة نرجو شاكرين اعادة ما تم شطبه

    حقيقي أكبر هذا السرد التأريخي والذي يميط اللثام عن كثير

    من شواهد لكل رؤيته فيها ارجو صادق الكتابة عن التاريخ بحيادية

    او اكتب كيفما شاء لك او امتنع فالقرار لك لكن ما كتبته ارجو ألا تمحاه.



    ..............................................................حجر.
                   |Articles |News |مقالات |بيانات

28-06-2009, 03:05 PM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: Elbagir Osman)

    Quote: الله عشان ادبك ده اقول ليك الحقيقة الموضوع ابسط مما تتصورين مرتين علقت ليها على النطلون والتىشيرت المرة الاولى ما ردت على وكان تستمع الى وشكلها مهذبة المرة التانية تجاهلت كلامى ومشت انا الطاهر معجب وعامل فيها واعظ وانا ما عارف قصة المانية دى المرة التالته داخا بوتيك النشاط تانى اتكلمت معاها لاول مرة ترد على بالانجليزى قالت لى ما يخصك قمت هجت معاها بالكلام بلا صر قطعت فينى كف الغريبة ضحكت قمت دفرتها مسكتنى واحدة من الاخوات والقصة انتهت على
                   |Articles |News |مقالات |بيانات

02-07-2009, 05:13 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جامعة الخرطوم..(عمار محمد ادم) (Re: Elbagir Osman)

    .
                   |Articles |News |مقالات |بيانات

28-06-2009, 11:39 AM

الرفاعي عبدالعاطي حجر
<aالرفاعي عبدالعاطي حجر
تاريخ التسجيل: 27-04-2005
مجموع المشاركات: 14684

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    استهلال عمار ادم للبوست لنربط القراء الجدد , وهي شهادة تاريخية مهمة ليعلم الشعب السوداني شهدائه من شهداه :


    Quote: عندما استدعانا الشيخ عبيد ختم بدوى بعد صلاة الفجر فى غرفة مجاورة لمسجد الجامعة فيما كان يعرف (بالمجمع) كنا عد من الاخوان اذكر منهم طارق محجوب وابراهيم خبرة ومحمد سعيد عبد الفتاح امرنا ان نحسم الشيوعيين اذا ما رفعوا لافتاتهم اليوم فى المسيرة التى تسيرها اللهيئة العليا لمناصرة القضية الفلسطينية وكان يترأسها السيد ميرغنى النصرى رئيس اتحاد المحامين السودانيين وكان من المفترض ان تخرج جميع تنظيمات الجامعه تحت راية الاتحاد الا ان الجبهة الديمقراطية اصرت ان تخرج بلافتاتها وهذا ما دعى الامين العام للتنظيم عبيد ختم ان يدعونا لحسمهم بالعنف..لم اصدق انها قد حانت الفرصة لافرغ شحنات العنف فى داخلى ..وفى من ؟و فى من فى الشيوعيين..الله اكبر عليهم ..وبدات فى التمارين اللازمة للمعركة القادمة نهار اليوم.






    ....................................................................................حجر.
                   |Articles |News |مقالات |بيانات

28-06-2009, 11:58 AM

ashraf mukhtar
<aashraf mukhtar
تاريخ التسجيل: 06-06-2008
مجموع المشاركات: 302

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: الرفاعي عبدالعاطي حجر)

    السيدح
    ماتخليك ثقيل
    لو ماعندك موضوع
    امشي افتح ليك بوست
    تاني حاجة موضوع العشاء دا
    لو افترضنا دا صحيح
    دافع قروشو انتا ولا الرئيس
    اشتكا ليك وانتا بتراقب الناس
    مالك؟
    يااخ عمار واصل
                   |Articles |News |مقالات |بيانات

28-06-2009, 12:13 PM

عبد اللطيف السيدح
<aعبد اللطيف السيدح
تاريخ التسجيل: 11-03-2008
مجموع المشاركات: 5377

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: ashraf mukhtar)

    Quote: السيدح
    ماتخليك ثقيل



    شكرا اشرف

    عنف لفظي برضو
                   |Articles |News |مقالات |بيانات

28-06-2009, 01:03 PM

قلقو
<aقلقو
تاريخ التسجيل: 13-05-2003
مجموع المشاركات: 4266

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: عبد اللطيف السيدح)

    لنا مقدرة عجيبة على افراغ الأشياء من مضمونها,فقبل ان يقول الأخ عمار( بغم) بدأنا فى التداخل(مع احترامى لكل المتداخلين)ولم نعط الراجل فرصة ليحكى لنا عن تلك الفترة السوداء من تاريخ السودان,وحتى الأخ عمار ذاته يبدو انه مستمتع بكده بدليل تعليقاته مع هذا وذاك وترك الموضوع الأصلى وعلقه كما تركنا نحن معلقين فى الهواء.
    ياأخ عمار اما ان تواصل بدون انقطاع او اقفل البوست لتريح وتستريح .
    مع تحياتى
                   |Articles |News |مقالات |بيانات

28-06-2009, 02:25 PM

Elbagir Osman
<aElbagir Osman
تاريخ التسجيل: 22-07-2003
مجموع المشاركات: 21257

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: قلقو)

    عمار


    وكمان كنت في بيوت الأشباح!

    نرجو أن تعود فتوضح رحلتك

    من كادر عنف في الجامعة إلى شخص غير مرضي عنه

    سلم لجلادي بيوت الأشباح


    ذلك تغير كبير


    الباقر
                   |Articles |News |مقالات |بيانات

28-06-2009, 02:46 PM

isam elzein
<aisam elzein
تاريخ التسجيل: 14-02-2008
مجموع المشاركات: 1248

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Elbagir Osman)

    Quote:
    لا فض فوك

    أمثال هذا كانو سبب فى تشريد الملايين

    كانو سبب جريمه الصالح العام

    الى أن أوصلو البلد ان يكون او لا يكون


    أمثال هذا ان كانو يمتلكون الشجاعه بقول الحقيقه يجب ان يقدمو نفسهم الى العداله


    أذهب يا هـذا وقل الحقيقه هنالك أو أصمـــــــــــت فالحقيقه نعرفــها ورائحتها تذكم الانوف
                   |Articles |News |مقالات |بيانات

28-06-2009, 03:39 PM

علاء الدين صلاح محمد
<aعلاء الدين صلاح محمد
تاريخ التسجيل: 30-12-2004
مجموع المشاركات: 4698

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: isam elzein)

    Quote: صدقت فعلا كنت كادر عنف جسدي والان لفظي
    الحركة الاسلامية لو ما تبرأت منك منذ وقت بعيد ستكون لعنة عليها
    لم يكن عمار وحيدا في العنف الاسلاموي
    باعتراف عمار (الذي تزعم ان تبرئة الحركة الاسلاموية منه يحسب لها) كان
    المرحوم عبيد ختم
    طارق محجوب
    ابراهيم خبرة
    خالد التيجانى النور
    محمد سعيد عبد الفتاح
    رئيس المكتب السياسي
    و غيرهم
    بعدين يا استاذ انت لولا عنف عمار و اخوان عمار
    تفتكر كنت حتلقى تذاكر ومخصصات المؤتمرات ؟.؟؟؟
    انت حقو تشكر و تبوس يد عمار و اخوان عمار
    الانقاذ دي سارت وتسير بشنو يا مؤتمرجي
    ما بالعنف
    اخير زي ما قالوا
    Quote: ماتخليك ثقيل
    لو ماعندك موضوع
    امشي افتح ليك بوست
    تاني حاجة موضوع العشاء دا
    لو افترضنا دا صحيح

    (عدل بواسطة علاء الدين صلاح محمد on 28-06-2009, 09:19 PM)

                   |Articles |News |مقالات |بيانات

28-06-2009, 04:13 PM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: علاء الدين صلاح محمد)

    نحنا واقفين وين ذكرونى لآمن آخد لى نومة واجيكم........
                   |Articles |News |مقالات |بيانات

28-06-2009, 04:51 PM

كمال ادريس
<aكمال ادريس
تاريخ التسجيل: 14-02-2008
مجموع المشاركات: 3125

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    Quote: كذاب الصورة فى منزل الصادق المهدى نتلاقى .

    Quote: نتلاقى .

    Quote: نتلاقى .


    غايتو انا متبرع ادلك على مكانو ....
                   |Articles |News |مقالات |بيانات

28-06-2009, 05:15 PM

Abuelgassim Gor
<aAbuelgassim Gor
تاريخ التسجيل: 28-10-2006
مجموع المشاركات: 4630

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: كمال ادريس)

    Quote: سمير

    دعه يكمل روايته

    ثم التحقق من صدق الرواية

    يصبح متروكا إلى العشرات من أعضاء البورد ممن عاصروا الأحداث

    والآلاف منهم

    ممن يملكون عقولا


    فقط دعو الرجل يكمل شهادته

    الباقر

    الباقر

    أنا عاوز ليك الخير
    عمار دا فارق دربه
    يقوم حسى يجى يدقك ويعوقك ...دأ زول خترى ..
    بعدين بدق بكل أعضائه من الرسق والمخروقه لحدى اللسان
                   |Articles |News |مقالات |بيانات

28-06-2009, 06:02 PM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19109

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Abuelgassim Gor)

    يا عمار منتظرين تفاصيل دقتك من بنت الطب وورينا
    ما قيل وما لحقك من أذى والعنف داق ومدقوق






    منصور
                   |Articles |News |مقالات |بيانات

28-06-2009, 06:56 PM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: munswor almophtah)

    موضوع بت الطب ما كنبتو فى البوست دا موضوع الكراتى وضربتنى دا كلو تاليف هى ما موجودة وعارفة الحقيقة صاح هى قشططنى كف والله الغظيم دا كل الحصل الجماعة الكنت ضافرهم فى الجامعة خاصة بتاعين الخلط فى الظلام لقوها فرصة يتفشوا فينى وعملوا منها قصص انا ذاتى وكت اسمعها اتكيف........
                   |Articles |News |مقالات |بيانات

28-06-2009, 06:36 PM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Abuelgassim Gor)

    نتم قصة حسين خوجلى انا قاعد تحت فى مكتب المستقلة فى البدروم بتاع برج البركة جا نى واحد شهم معاكم فى المنبرده ارجو مداخلته جانى وقال لى ناس الامن محاصرين مكتب غازى بيفتشوا فيك كان معاى واحد فدر الليلة وباكر مافى داعى لى اسمو قلت ليهو نتخارج الزول جبن جنس جبن حسمو انهار وقعد لى فى كرسى تصدر منه اصوات رعب وكلام ارتباك عرفت زولى ما عليهو تكلة بى سرعة اتصرفت طبعا ابواب البرج بى تكون مراقبة قمت باريت ليك عربية طالعة بى قراش البرج واتخارجت بالقراش عديت شارع القصر دخلت بنك ما عارفو شنو جازفت لى قروش من واحد بعرفو بى سرعة ركبت حافلة فى الطريق ماشه بحرى اتارى فى واحد متابعنى انا واقف زاكب فى باب الحافلة نط معاى واحد فجاءة شكلو منزعج وفى يدو مفتاح عربية عرفتو من الجماعة بديت اعصر فيهو على الباب واحمَر ليهو فى وشو وقبل العربية ماتصل نفق برى نزلت ونطيت فى عربية تانية وزولك ما حاول يعمل حاجة المهم قدرت اتخارجت اختفيت يوم يومين شمال امدرمان وتانى جيت نمرة 3 كان قريب عيد الضحية فى صلاة العيد فى مسجد شرونى شايف ليك واحد كبير من الجماعة بعد الناس ما كبرو طوالى وقفت جنبو عند السلام اتلاقينا وجها لوجه طبر عيونو سلمت غليهو وهو يتلفت اتخارجت جاتنى معلومات انو حسين خوجلى استدعوا ناس اللجنة الامنية فى مجلس الوزراء كان فيها سبدرات والطيب سيخةوجدوا البلاغ تعدى جابو المتحرى مساعد شرطة قالوا لى حسين بلاغك تعدى وتكتب مين شيت رئيس التحرير ينجو من محاولة اغتيال وفى الساعة تسعة وجنب الكبرى ولى رئيس تحرير جريدة معروفة وكان كتب الاجهزة الامنية تبحث عن الجانى قالوا ليهو يغنى هرب معناها البلد فوضى وما فيها امان والبلد حالة طوارى فى موضوع الكرمك المهم نهزروا وطلبوا منو نفى الخبر قام كتب فى عمودو عن صبى ضرب شيخ العرب كف والجماعة حاولوا ينتقموا منو لكن شيخ العرب قال ليهم خلو وقال بقية القصة معروفة رديت على لاحقا المهم قال فى النهاية بهذا يسدل الستار على موضوع محاولة اغتيال رئيس التحرير شوية شوية بديت اظهر.
                   |Articles |News |مقالات |بيانات

28-06-2009, 07:52 PM

Elbagir Osman
<aElbagir Osman
تاريخ التسجيل: 22-07-2003
مجموع المشاركات: 21257

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    قور

    كلامك دا نخليهو بعد عمار

    عشان ما نخرب البوست


    الباقر
                   |Articles |News |مقالات |بيانات

28-06-2009, 08:14 PM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Elbagir Osman)

    يا الباقر خلاص انت الالفة على البوست دا لكن احكى شنو واخلى شنو غايتو اى موضوع تجيبو سيرتو بحكى ليكم واخلى طرفى لانها ما مذكرات خاصة على الاقل الاخطاء ليست من اجل الندم والاعتذار والتوبة كما يقول البعض ولكن للاعتبار وللتاريخ ,
                   |Articles |News |مقالات |بيانات

28-06-2009, 09:09 PM

AnwarKing
<aAnwarKing
تاريخ التسجيل: 05-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    الأخ عمار...
    هل لديك أي معلومة عن تفاصيل محاولة إغتيال حسني مبارك الفاشلة؟

    وأكون شاكراً...

    أنور
                   |Articles |News |مقالات |بيانات

28-06-2009, 09:27 PM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: AnwarKing)

    المحطات والمسافات والقطر ..
    والمبادى البين ضلوعى...
    النقابات والنضالات والسفر..
    دا البحدد ليا نوعى..
    دا البحقق لياذاتى ودا البيروى ليل ظماى ..ودا البيشبع ليا جوعى ..
    قالوا ثورى قلت ايوا كمان شيوعى..
    يانضالات ردى روحى
    وبى حقيقة امرى بوحى..
    ابقى بلسم لى جروحى ..
    ولى الشفيع المات معلق دام حزنى وطال نوحى ..
    يبقى ملهم فى الجنوب ويبقى معلم فى الشمال..
    وفاطنة فاقت كم رجال..
    فاطنة يا ام النضال..
    السترة والعيشة الحلال..
    والمشاوير الطوال..
    واروى ياقطر الشرق..
    زول يناضل وينشنق..
    الشفيع جوزيف قرنق..يحيا فينا وما انشنق..
    انت مامشنوق وحيد..
    انت يا اروع شهيد..
    انت يا جبل الحديد..
    والله ماهزتك ريح..
    انت يا انبل مسيح..
    ابقى ارقد واستريح..
    وابقى فى الشوق والحنين ..
    لى الرجال قاسم امين..
    يوسف حسين..
    انتو يااشجع رجال تملوها عزا الف عين..
    صوتها صفارة القطر..صنٌُ اضنى صن..
    انا دمعى جارى وقلبى حن..
    للمبادى وللوطن..
    وابقى غارق فى الحزن..
    فى متاهات الزمن..
    قاصدوا كهفك ياحراء..
    ليها قاصد عطبرة..
    اقوى كلمة معبرة..
    ولى ابوى المعذرة..
    الجسد فى المقبرة..
    والروح تحلق فى الذرى..
    والمناضل مابيموت..
    يحيا فى كل القلوب ويبقى فى كل البيوت..
    وسط الورش مليان زيوت..
    ونحنا النضال فينا انغرس..
    صوت النضال فينا انحبس..
    حب النضال داسنو دس..
    داير النضال راجلا كلس......

    عمار محمد ادم
                   |Articles |News |مقالات |بيانات

28-06-2009, 09:30 PM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46556

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    لأخ عمار...
    هل لديك أي معلومة عن تفاصيل محاولة إغتيال حسني مبارك الفاشلة؟

    وأكون شاكراً...

    أنور


    هههههههههههههههههههههههههههههههههه
                   |Articles |News |مقالات |بيانات

28-06-2009, 09:41 PM

علاء الدين صلاح محمد
<aعلاء الدين صلاح محمد
تاريخ التسجيل: 30-12-2004
مجموع المشاركات: 4698

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: ود الباوقة)

    Quote: الأخ عمار...
    هل لديك أي معلومة عن تفاصيل محاولة إغتيال حسني مبارك الفاشلة؟

    وأكون شاكراً...

    أنور
    من المؤكد ان للاستاذ عمار معلومات غير تلك التي عندي العامة
    عمار كان من كودار العنف
    والاغتيال السياسي ابن شرعي للعنف السياسي
    بس عمار ما داير يموت بطوبة في دماغوا
    و عشان كده اجزم في دي ما حيقول بغم
    عمار يتكلم لينا عن عنفهم في الجامعة فقط
    و دي بتحفظ و بلع بعض الاقوال
    كما فعل مع صدر البوست وبعض مداخلاته
    لكن برضو له الشكر
                   |Articles |News |مقالات |بيانات

28-06-2009, 09:39 PM

mahmed alhassan
<amahmed alhassan
تاريخ التسجيل: 10-02-2004
مجموع المشاركات: 1793

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    Quote: على الاقل الاخطاء ليست من اجل الندم والاعتذار والتوبة كما يقول البعض ولكن للاعتبار وللتاريخ ,


    [Bهي فــي دائرة ( عــدم الرضــــا بالحقــارة )
    اذا أحكي لنــا عــن الوجه الاخر لعمار ادم
    جانب الرقـــة والحنيـــة المستمـــدة مــن بيئــة الشمـال
    بلـــد الاحبـــة القرير الخضــرة والطيبــــة 0
    وبمناسبــة القرير كلمنا عـــن علاقتـــك بشهيـــد القلــم محمد طــه محمد أحمد 0
                   |Articles |News |مقالات |بيانات

29-06-2009, 04:12 AM

Abdlaziz Eisa
<aAbdlaziz Eisa
تاريخ التسجيل: 03-02-2007
مجموع المشاركات: 22021

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: mahmed alhassan)

    Quote: هل لديك أي معلومة عن تفاصيل محاولة إغتيال حسني مبارك الفاشلة؟
                   |Articles |News |مقالات |بيانات

29-06-2009, 07:22 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: mahmed alhassan)

    الكشة
    ------
    الديك بيرسل فى صياحو
    محمَد يكابس من صباحو
    كايس القريشات لى ملاحو

    محمدمسيكين ياحليلو
    شقيان نهار مهموم فى ليلو

    السوق بعيد كيف الوصول
    عربات تمر مابقفلو زول
    كيفن يقيف ود الأصول
    لى زول ضعيف
    كيفن يقيف
    ولدا نضيف
    لى زول خشن لابس قديم
    كيفن يقيف ولدا نعيم
    محمًد مسيكين ياحليلو
    بى بص قديم محمد وصل
    فرش الخدار كوَم بصل
    العقل راح رًوَح سريع
    كيف ألبنات ام البنات
    كيف الرضيع
    محمد يبيع
    فجاءة انتبه..الكشة جات
    جدعوه فى كومر كبير
    ساقوه لى سجنا حقير
    محمد رقد محزون حسير
    محمد بكى موت الضمير
    بلدا يجوع فيها الفقير
    عدمان فرش حتى الحصير
    ناسا تنوم فوق الحرير
    عرباتها لنج موديل جديد
    مافيش حسد ياربى زيد
    لكن كمان شوفو التحت ماتشوفو فوق
    شوفوا التعب ضوقوه ضوق
    الناس يمين اكلت صبر
    الناس يمين شربت صبر
    وبعض الخلوق راحو القبر
    ما نادية ست الشاى ..اذاى
    تعتر تموت ويطول بكاى
    (
                   |Articles |News |مقالات |بيانات

29-06-2009, 07:27 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    1




    .




    نادية كتلك ما جريمة
    ونادية تل قصة موت اليمة
    كان تداعب لى زبونها فى حليمة
    كبت الشاى
    ايدها فى المنقد تهبهب
    وراسها يحسب فى ديونها
    قد تكونا ولا نكونا
    نادية مستورة وحنونة
    بادى حزنا فى عيونها
    وفى عباراتها وشجونها
    خاتها بتها فى قليبها
    والكليمات الحبيبه
    روحها زاخرة وخالى جيبها
    ما بتدردرها ما بتجيبها
    والسخانه بقت رهيبة
    نادية شالت للكبابى
    وبين طياتها المصيبة
    شافت السوق يغلى فار
    اجروا اجرو ياالصغيربن والكبار
    كشة ماكنة وسوقها حار





    نادية تجرى
    دموعها تجرى
    شايلى بنبر فى يمينها
    ماسكى قفتها فى شمالها
    يا حليلها وياحليها
    قاعدى ساعاتا طويلة
    شوف ادياتها البترجف
    والقعاد هاديلها حيلها
    الهموم فى القلب راقدى
    والايدين مابيها حيلها
    ياحليلها وياحليلها
    الناس تعاين فى حويلها
    فيها اتقزت حديدة
    الحديد فجر وريدها
    مابى يسغفها بالكريسيدى الجديدة
    كيف يخلوها تموت وحيدة
    الشمس حارى وشديدة
    ماتشيلوها وخفيفى
    مابتأثر فى اللساتك والبلالى
    مقعدا واحد يشيلها واصلو خالى
    نادية تنزف بنبرها الخائن يخونها

    كاشة قاتله يزيد جنونها
    الحرارة تزيد سخونة
    ماتت المسكينة تنزف
    الصقور الحايمى تخطف
    لابتعين لابتوظف
    بس بتكتل
    تمام سيادتك
    عال عال فل فى الفل
    عمار محمد ادم

    (عدل بواسطة amar adam on 29-06-2009, 07:32 AM)
    (عدل بواسطة amar adam on 29-06-2009, 07:36 AM)

                   |Articles |News |مقالات |بيانات

29-06-2009, 08:00 AM

Alshafea Ibrahim

تاريخ التسجيل: 12-12-2004
مجموع المشاركات: 6958

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    الأخ عمار
    أنت ليس بنادم ، ولا بتعتذر ، ولا أنت تائب ... ليه ياعمار ؟ واحد شايل ليهو لافتة قماش وأنت تتربصه بالسلاح وتنهال عليه ضربا وسحلا وفتكاوتلحق به أشد أنواع الأذى .. ألا يستوجب ذلك الندم أولا، والاعتذار ثانيا ، والتوبة أخيرا ... راجع مواقفك ...
    تحياتي
    الشفيع
                   |Articles |News |مقالات |بيانات

29-06-2009, 08:04 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)


    زمن
    ___________

    مانى الغول يا فاطنة السمحة محمد اخوك
    طمنى امك وبرضو ابوك
    مانى الغول يا فاطنة السمحة محمد اخوك
    واسمعى سيرتى..وهاكى حقبقتى
    كان ميلادى هناك فى ارضا زى الجنة وجنب النيل
    كلها خضرة وظل ظليل
    طيور بتغنى فوق لى نخيل
    نلعب فيها السك وشليل
    نوح القمرى وشدو الطير
    ومن الجدول جاييى خرير
    فوقى المنقة وتحتى حفير
    بلدنا قرير تفيض بالخير
    وفيها اتشرب قلبى معانى
    والطمبوركون وجدانى
    بقلبى الحانى هاك الحانى
    واحلى اغانى..تحرك فينى الشى الجوانى
    ×××
    ومما كبرت شويه شويه
    جيت محمول يابت فى الايد
    كانت كسلا محط رحالى
    سكنا هناك فى السكة حديد
    بحب ياناس السكة حديد
    ومما قمت وكنت وليد
    عامل فيها ولد صنديد
    طبعا هين وبرضو عنيد
    كنت نحيَف مانى غليد
    مرة اهبش فى النافورة
    ومرات العب فى الماسورة
    اشخبط اسمى فى السبورة
    وارسم وطنى بالطبشورة
    قليلا جدا العب كورة
    بحب الورشة وصوت وابورها

    (عدل بواسطة amar adam on 29-06-2009, 08:08 AM)

                   |Articles |News |مقالات |بيانات

29-06-2009, 08:20 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    وجينا سكنا بحى عمال
    وعشنا معاهم احسن حال
    كا البينا العشرة الطيبة
    ما بيناتنا مصالح ومال
    وضم الحى الوان واشكال
    شرقى وغربى جنوب وشمال
    همنا واحد تجمع بينا السكة حديد
    وفى سنه تالتة رحلنا كمان لى حى جديد
    بيوت من طين فيها المويه مكانها بعيد
    اشيل فى كتفى الناحل جوز اقصر حبلا باقى مديد
    وفى سنه رابعه بقيت انصارى
    اناقش مرة فى التوحيد
    واقول فى الدين برأى جديد
    قضية المرأة والتقليد
    عامل فاهم ورايى سديد
    عامل فيها ابو عرام
    هذا حلال هذا حرام
    جنى فصاحة وجنى كلام
    حتى وصلت الثانوى العام
    ديمة مشاكل وديمة صدام
                   |Articles |News |مقالات |بيانات

29-06-2009, 08:36 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    وفى حلتنا مع ادروب
    اكلت العجوة شربت الروب
    حلبت البقرة ركبت حمار
    وشلت الصارم سيف بتار
    وكيف الناس بتجيب التار
    ترد الظالم والحقار
    ولى ادروب فى نفسى وقار
    لى ادروب فى نفسى مكانة
    مكانة رفيعة معظم شانها
    وزى ما خطفوا اطفال فى فشلا
    كنت طفل مخطوف من كسلا
    ما فى داعى الليلة ابوح
    هذا حديث يحتاج لى مهلة
    وجيت الجامعة وشفت تجارب
    مرة سجبنا ومرة محارب
    طفت الدنيا وشفت عجايب
    خبرت الناس بى كل مشارب
    وجانا كلب عيونو حمر
    سنونو صفر..رمونى جماعة جوة البير
    كان الوضع جد خطير
    كان الخلق فى التدبير
    وكان الخالق فى التقدير
    وجيت الجامعة احاول تانى
    جيت فى زمانا ماهو زمانى
    لقيتك جالسه تحت الشجره
    زى ما تقولى خايفه وحذره
    زى ما تقولى غزاله ونافره
    شى من دنيا وشى من اخره
    وقلتى الحكمة المابنساها

    عمار محمد ادم
                   |Articles |News |مقالات |بيانات

29-06-2009, 08:13 AM

Hafiz Bashir
<aHafiz Bashir
تاريخ التسجيل: 04-12-2004
مجموع المشاركات: 2903

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)




    Quote: على الاقل الاخطاء ليست من اجل الندم والاعتذار والتوبة كما يقول البعض ولكن للاعتبار وللتاريخ



    عمار ليس لديه الكثير غير ضربتو و لبدت ليهو.. فهو لا يملك اكثر من جسد عريض استقله الكيزان فترة من الزمان و عاش على سطح تنظيم الاتجاه الإسلامي.. لم يكن غير اداة , يؤمر فينفذ , لا يشارك في تخطيط او اتخاذ قرار.. عندما استلمت الجبهة السلطة اصبحت بيدها قوة الجيش و الامن فقد عمار صلاحيبه فاصبح يتخبط يمنةً و يسرى لا يملك قير سيخته التي يكتب بها الآن..


    لا للإحتفاء بمذكراتٍ تمجد العنف

    لا للإحتفاء بمن أُُستغل في افساد العمل السياسي الطلابي

                   |Articles |News |مقالات |بيانات

29-06-2009, 10:27 AM

Abuelgassim Gor
<aAbuelgassim Gor
تاريخ التسجيل: 28-10-2006
مجموع المشاركات: 4630

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Hafiz Bashir)

    يا باقر
    أنا ماعندى أى كلام

    لكن أعمل حسابك ..الزول يقوم يعوقك ..

    تقعد بعد داك فى الحتة دى ..والواحد زى ماعارف...

    شوف المصيب دا أيدو دى تقول قعر تبلديه ....

    يا زول عمار ولا بتقدر عليهو ....ألعب بعيد ....

    بس فلاحتكم فى قور ....جاكم البوريكم المكشن بلابصل

    كيفك يا أستاذ

    مع تحياتى وتقديرى

    عمك قور
                   |Articles |News |مقالات |بيانات

29-06-2009, 10:37 AM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46556

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Abuelgassim Gor)

    اخونا عمار ..

    واصل في الشعر الجميل ويا حبذا لو كان من منطقة الشايقية .. وتحديدا القرير ..

    حاجة تمام ....
                   |Articles |News |مقالات |بيانات

29-06-2009, 11:19 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: ود الباوقة)

    يا ود الباوقه يعنى اخلى حسن مبارك ولا اخلى محمد طه.
                   |Articles |News |مقالات |بيانات

29-06-2009, 11:31 AM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46556

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    يا ود الباوقه يعنى اخلى حسن مبارك ولا اخلى محمد طه.

    المسألة اصبحت واضحة يا عمار يا اخوي ..

    عشان كدا خلينا في الشعر واكرر من منطقة القرير الجميلة .

    نريد اشعارا من الشعراء ..

    حسن الدابي ( رحمه الله )

    حاتم حسن الدابي

    تلب ...

    عوض..

    شقوري..

    ود الزومة ..

    كدكي

    السر عثمان الطيب
                   |Articles |News |مقالات |بيانات

29-06-2009, 11:33 AM

قلقو
<aقلقو
تاريخ التسجيل: 13-05-2003
مجموع المشاركات: 4266

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    عمار..
    انت بتمزمز فينا ولا شنو ؟
    واصل عدل ياخى .هذا ان كان فى الجراب شيئ .
                   |Articles |News |مقالات |بيانات

29-06-2009, 11:43 AM

إسماعيل وراق
<aإسماعيل وراق
تاريخ التسجيل: 04-05-2003
مجموع المشاركات: 9386

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    Quote: كذاب الصورة فى منزل الصادق المهدى نتلاقى


    وأنا أشهد على ذلك وكانت الصورة في رمضان الماضي في دعوة افطار الإعلاميين والصحفيين التي أقامها السيد الصادق على شرفهم وكان عمار يعرض بعصاته في أغنية (عاشميق)التي صدح بها الحبيب الأمين، وللذين لا يعلمون (المقصود بعاشميق عبد الله ود جاد الله كسار قلم مكميك وهو جد السيد الصادق من أمه رحمه بت عبد الله).
    أتمنى أن يصححني عمار إن أخطأت.
    ..
    ..

    عمار دون شك كادر عنف بالجامعة ولكن أعجني جداً عندما صعد إلى لاندروفر البرنامج النرويجي وكان بالقرب من مكاتب شعبة الجغرافيا وقال الحقيقة كاملة أن انتخابات الإتحاد مزورة (اتحاد فتح الرحمن محمد خير).
                   |Articles |News |مقالات |بيانات

29-06-2009, 12:31 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: إسماعيل وراق)

    مع عظيم إحترامي لشخصك ..

    لكنك بتديني إحساس بتاع إنك زول ( حار بيهو الدليل) ..

    و رغم أننا تاجرنا بموضوع إنسلاخك من الإتجاه الإسلامي ، إلا أننا لم نعرف سر هذا الإنسلاخ منك شخصياً ..

    أكثر من حاجتي لمعرفة ذكرياتك مع العنف ، أجدني أحوج لأن تحدثنا عن مبررات إنسلاخك ؟؟ و عن أسباب ومرات إعتقالك .. وعن إنتمائك السياسي حالياً ؟؟

    شكراً ..
                   |Articles |News |مقالات |بيانات

29-06-2009, 01:16 PM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: عصام دهب)

    خليك مع احساسك ده الدليل ده منو الحار بى هو فى دليل تقولوا الكلام ساكت وما عارفين معناه.
                   |Articles |News |مقالات |بيانات

29-06-2009, 01:30 PM

isam elzein
<aisam elzein
تاريخ التسجيل: 14-02-2008
مجموع المشاركات: 1248

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    يا شمسون الجبار

    قميص أحمر وبدله بيضاء وعصايه سوداء
    لو ختيت عليهم طاقيه تبقى مهراجا بس


    ألله يمهل ولا يهمل
                   |Articles |News |مقالات |بيانات

29-06-2009, 04:15 PM

عبدالكريم الامين احمد
<aعبدالكريم الامين احمد
تاريخ التسجيل: 06-10-2005
مجموع المشاركات: 32520

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: isam elzein)

    ياجماعة الزول الكان حكاي في الصفحة الاولي داك هرششششششششو ولاشنو
    قلب لينا الموجة شعر وقرير وقماري حلتنا....!!!


    ويا ود الباوقة شكلك شين وانت بتشتت الكورة
    اول مرة اشوف لي زول بحاول يشتت الكورة يقوم يصرجها
                   |Articles |News |مقالات |بيانات

29-06-2009, 07:26 PM

كمال عباس

تاريخ التسجيل: 06-03-2009
مجموع المشاركات: 14059

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: عبدالكريم الامين احمد)

    الأستاذ عمار تحياتي
    تابعنا الحكي والرواية وقلنا أنها محاولة توثيق تغطئ مرحلة هامة و أحداث ومسارات عدة
    وحينما شعرنا أن تداخل بعضنا قد يشوش عليك تدخلت وغيري لحسم التشويش ولكن الحاصل أنك وبدلا عن أن تسير الي الامام راسما
    حروفا جديدة تغطئ بقيةالمحطات التاريخية -عدت للخلف ماسحا بالاستيكة أهم ما سطرته مما يثيرالتعجب ويفتح علامات إستفهام
    عدة: لماذا فتح عمار هذه النافذة? ولماذا عاد أ وأغلقها ?
                   |Articles |News |مقالات |بيانات

30-06-2009, 00:26 AM

سمير شيخ ادريس

تاريخ التسجيل: 14-01-2009
مجموع المشاركات: 1161

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: كمال عباس)

    Quote: تابعنا الحكي والرواية وقلنا أنها محاولة توثيق تغطئ مرحلة هامة و أحداث ومسارات عدة
    وحينما شعرنا أن تداخل بعضنا قد يشوش عليك تدخلت وغيري لحسم التشويش ولكن الحاصل أنك وبدلا عن أن تسير الي الامام راسما
    حروفا جديدة تغطئ بقيةالمحطات التاريخية -عدت للخلف ماسحا بالاستيكة أهم ما سطرته مما يثيرالتعجب ويفتح علامات إستفهام
    عدة: لماذا فتح عمار هذه النافذة? ولماذا عاد أ وأغلقها ?

    أخى كمال عباس
    عندما انتقدت موقف عمار ابتداءا بأنه ليس الشخص المؤهل سياسيا وأخلاقيا لسرد سيرة وحكى
    لم يكن انتقادى من باب التشويش كما تفضلت واخرين بفهمه .. لكنه موقف بنى على معرفتى بالرجل
    منذ أيام الجامعة ومتابعتى لمراحل تقلباته السياسية .. ولم يخيب الرجل ظنى كثيرا اذ سرعان ما اظهر
    لكم وجهه الحقيقى وعدم جديته .. فاستجاب لتلميحات الاسلاميين ما ظهر منها هنا زما بطن هناك
    وميع القضية بشعر وخواء .. وهو ما يدل على حديثى الاول ..
    عمار واعى وذكى وغالبا ما كان بوسته هذا لغرض أو مجرد تكتيك ما أن استنفذ به غرضه تركه ليغرق
    فى اللجة الاسفيرية غير باك على الامانة التاريخية والتوثيق وغيرها من المعانى السامية التى تباريتم
    بتقليدها أوسمة فى صدره .. وباسمها القمتونا حجر الصمت والرمى بالمشوشين
    برز الثعلب يوما فى ثياب الواعظينا

    مخطىء من ظن يوما أن للثعلب دينا
                   |Articles |News |مقالات |بيانات

30-06-2009, 04:42 AM

isam elzein
<aisam elzein
تاريخ التسجيل: 14-02-2008
مجموع المشاركات: 1248

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: سمير شيخ ادريس)

    يا جماعه أنتوا ما بتوبوا من الكيزان ديل ؟؟

    تذكروا حكاية واحد يمشى القصر والتانى يمشى السجن وباقى الافلام الحاصله كل يوم
    ولسه قاعدين فى جهلكم وعماكم وكل يوم يجى واحد يتونس بيكم ويفككم للبعدو
    وانتو قاعدين زى الهبل وعاملين فيها بتفتشوا للحقيقه

    حقيقة شنو البديكم ليها كوز

    الزول دا ظاهر عليه ما أكتر من شفت وداير يستعرض عضلاته هنا ويعمل لينا فيها الود مقدده

    ولكن نقول له : كان عندك كلام رجال وداير تقولو فكلنا اذن صاغيه والا:

    فألله يمهل ولا يهمل

    (عدل بواسطة isam elzein on 30-06-2009, 04:50 AM)

                   |Articles |News |مقالات |بيانات

30-06-2009, 05:26 AM

Abdlaziz Eisa
<aAbdlaziz Eisa
تاريخ التسجيل: 03-02-2007
مجموع المشاركات: 22021

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: isam elzein)

    يا عمار


    سلامات

    ما زلنا منتظرين....

    محمد طه محمدأحمد
    حسني مبارك


    أحصرنا في موضوع البوست بلاش شعر وخمج


    تحياتي
                   |Articles |News |مقالات |بيانات

30-06-2009, 05:34 AM

amar adam
<aamar adam
تاريخ التسجيل: 22-11-2005
مجموع المشاركات: 680

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: isam elzein)

    للتاريخ فقد افسد هذا لبوست ثلاثا
    1ـالذين يعتقدون انهم اذكى منى ويحاولون ويحاولون جرجرتى باعتبارى ناقم عل ى الكيزان وعايزين يستغلونى وهذا استفزاز شديد وما يعملوا فيها شفوت وهم يوزعون الادوار فى الاشفت منهم وانا شايقى تربية هدندوة يعنى مفتح.
    2ـ الكيزان التجم خايفنى افتوا للاخر ووكت الفت لسه ما جاء كلنا زى الغنماية المربوطة الطولو ليها الحبل وقايلة نفسها انطلقت فى اى لظة ممكن يجروها مرة صلاح قوش قال لى صاحبكصلاح عووضة ده قليل الديمقراطية جات!!
    3ـ المتداخلين اللقو البوست مهجج ماعندهم موضوع قعدو يخستكوا زعلونى مسحت كلامى باعتبارهم ما يستاهلوا يحكو ليهم.

    مع السلامة .....عمار محمد ادم
                   |Articles |News |مقالات |بيانات

30-06-2009, 06:27 AM

عوض محمد احمد

تاريخ التسجيل: 12-12-2005
مجموع المشاركات: 5489

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    Quote: للتاريخ فقد افسد هذا لبوست ثلاثا
    1ـالذين يعتقدون انهم اذكى منى ويحاولون ويحاولون جرجرتى باعتبارى ناقم عل ى الكيزان وعايزين يستغلونى وهذا استفزاز شديد وما يعملوا فيها شفوت وهم يوزعون الادوار فى الاشفت منهم وانا شايقى تربية هدندوة يعنى مفتح.



    اما ان يكون السيد عمار قد قال كل ما فى جعبته و خاف ان يكشف القراء شح بضاعته
    سيما و هو كان بعيدا عن مكان صنع القرار و مظان الاسرار الكبرى
    او انه كان يهدف الى ابتزاز جهة ما و قد حقق مراده او يئس منه
    لو كنت جادا لرتبت افكارك من الاول و ذكرت كل ما تريد ذكره (كما يفعل الاحمدى و الباز و الطيب زين العابدين)
    و على العموم هذا هو ديدنك فى كل مشاركاتك و بوستانك: تفتح موضوعا هاما ثم فجاءة تتركه
    و هو ساحن (و اخرها بوستاتك عن الجمهوريين)
                   |Articles |News |مقالات |بيانات

30-06-2009, 06:37 AM

عوض محمد احمد

تاريخ التسجيل: 12-12-2005
مجموع المشاركات: 5489

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: عوض محمد احمد)

    منذ قيام هذا المنبر و الناس يتداخلون مع اصحاب البوستات (من قولة تيت) متى ماعرفوا طرفا من الموضوع.
    و عادة يكون هذا مثار رضى لصاحب البوست و ان ما يكتبه وجد تفاعلا ممن يخاطبهم
    لكن هذه اول مرة زول (يحرد) بوستو لان الاخرين تدافعو للتفاعل معه!!غايتو دى قصة (ما تكتحنا) بين الفار و الكديس فى نص البحر
    مصداقية صاحب البوست على المحك و لا اظن ان الناس سوف ياخذون مشاراكاته هنا ماخذ الجد بعد الان
                   |Articles |News |مقالات |بيانات

30-06-2009, 07:25 AM

Hamid Sharif Abdelrasoul

تاريخ التسجيل: 02-11-2006
مجموع المشاركات: 675

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: عوض محمد احمد)

    أبو القاسم قور


    يا ود عمي خلي شقل المديدة حرقتتي دة و أترك الراجل التائب


    ده يحدث نفسه و يراجعها فنحن نقراءه بإشفاق .


    و أنشغل بنفسك يا قور العملوه الكيزات في عمار بعملوه فيك


    لأنك شبيه به فأعمالك الأدبية التي تفخر بها تمثل عندهم رجس من



    عمل الشيطان و صلاحك الذي تبديه عندهم يعتبرونه زدقة مزخرفة


    و إني لك من الناصحين .


    شنو يا أخي ساكي الناس زي ( أم ضباحة ) جاكم بكسركم


    بيأكلكم الرجالة دناقر ما كبر عناقر كان عمار بقي جرس بلقي


    الحرحراية و كان بقي سيف بلقي الجفيرة و كان بحر


    بلقي الوزينه و كان بقى غول بلقى ولد أم بعلو و إذا بقى


    تائب بيلقي الصلاح و الهداية وهو أحوج لهما .


    مع الشكر

    حامد شارف
                   |Articles |News |مقالات |بيانات

30-06-2009, 08:06 AM

AnwarKing
<aAnwarKing
تاريخ التسجيل: 05-02-2003
مجموع المشاركات: 11481

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: amar adam)

    ما يزال عندي أمل يا عمار أن تقول ولو البسيط عن محاولة إغتيال حسني مبارك الفاشلة،
    خصوصاً وأنها ليست سراً...فقد تحدّث عنها المحبوب عبد السلام في رسالته المفتوحة لنافع
    وتحدث عنها الترابي في لقاء قناة الجزيرة...
    وندفع نحن ثمنها في أراضينا في حلايب...

    وأعتقد أن أي وطني لديه معلومة يجب أن يبذلها للجميع، حتى نتخلص من كمّاشات مصر في السودان!

    تحياتي



    ______
    Quote: مرة صلاح قوش قال لى صاحبك صلاح عووضة ده قايل الديمقراطية جات!!


    دحين لو الديموقراطية جات يا صلاح قوش، بتقبّل وين؟
                   |Articles |News |مقالات |بيانات

01-07-2009, 05:10 AM

Elbagir Osman
<aElbagir Osman
تاريخ التسجيل: 22-07-2003
مجموع المشاركات: 21257

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: AnwarKing)

    عمار

    تحياتي

    رغم أنه يبدو أنك قفلت البوست

    لكن أجد لزاما على توضيح اهتمامي به

    أولا

    اهتممت بك شخصيا منذ فترة

    لما توقعته منك وصدق من أنك من الكيزان الذن تنازع نوازع الحق والصدق

    فيهم نوازع التعصب للجماعة أخطأت أم أصابت


    ثانيا

    آهتممت بحالتك كنموذج يتبعه كثر

    عندما تتقلص بالونة الإنقاذ - كما تقلصت قبلها بالونة الإتحاد الإشتراكي -

    وسيقف موقفك الآلاف أن لم يكن مئات الآلاف حين تنجلي غشاوة الإنقاذ

    عن عيونهم ويدركون فداحة ما ارتكبوا في حق شعبهم

    فيطلب الخيرون منهم المغفرة


    ثالثا

    هدفنا من الصراع ضد الكيزان غايته

    تخليهم عن نزعاتهم الإجرامية واستعادة إنسانيتهم

    وليس الإنتقام منهم

    - طبعا حق العفو عنهم لا يملكه إلا الضحايا شخصيا أو ذويهم -

    ويجب على من أجرم في حق المجتمع أو أفراده أن يدفع الثمن كاملا

    قبل أن يتوقع أي رد فعل من المجتمع تجاهه


    رابعا

    هنالك أحداث عشتها

    كنت أتوقعت منك مزيدا من التوضيح حولها

    مثل:

    نشاط الإتجاه الإسلامي في الجامعة أيام نميري

    إغتيال محمود محمد طه

    إنقلاب نميري على الكيزان

    الإنتفاضة

    الحكومة الإنتقالية

    حكومات الصادق ومشاركة الكيزان فيها والتظاهرات ضدها

    إنقلاب يونيو

    إختلافك مع التنظيم

    تجربتك في بيوت الأشباح

    أما وأنك قد أنهيت البوست

    فهذا من حقك

    وأخيرا

    سوف أعود لنقاش ما ذكرت سابقا

    مع تقديري


    الباقر موسى
                   |Articles |News |مقالات |بيانات

01-07-2009, 06:54 PM

انور التكينة
<aانور التكينة
تاريخ التسجيل: 14-01-2009
مجموع المشاركات: 3418

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Elbagir Osman)





    عمار ....
    كدى اول حاجة استغفر الله و امسك البوست بما يجد من اقبال

    ثم ....

    بمناسبة هذه الصورة ...
    اعرف انك من المعجبين بالوان و بصاحب الالوان و انك استأنفت علاقتك الطيبة معه بعد تلك الحادثة

    كيف تجد موقف حسين اليوم و الوان مغلقة بالضبة و المفتاح

    هل من كلمات فى حقه و حقها بمناسبة هذه الصورة ؟؟؟؟
                   |Articles |News |مقالات |بيانات

02-07-2009, 06:15 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: انور التكينة)

    .
                   |Articles |News |مقالات |بيانات

02-07-2009, 06:34 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)

    الصحافة

    http://www.alsahafa.info/index.php?type=3&id=2147491274

    ونسة مع عمار محمد آدم

    أنا مزروع في الجبهة من سنة خامسة ابتدائي
    عرسته لكن مااااتزوجت لسع ع ع ع
    سمّاني عامل التلغراف
    عمار محمد آدم.. يعرفه البعض عضو بالاتجاه الاسلامي ثم الجبهة الاسلامية يهتف ويخطب في التجمعات السياسية وغيرها.. ثم ترك كل هذا ومضى الى حزب آخر (صباحاً يتركه مساءاً) جلست اليه انا خليفة حسن بله وحذفت بعض اسئلتي له لاجاباته التي قد تؤدي الى فصلي من الجريدة طبعاً.. وتركت الاخريات وربنا يجيب العواقب سليمة له ولي وللصحافة.



    * انت منو؟



    انا عمار محمد آدم، ولد من اولاد كسلا اتولدت في القرير



    * سنة كم؟



    9/7/1961م القرير محافظة مروي



    * انت من القرير الوداك كسلا شنو؟



    لا ابوي اصلا عامل - محولجي - في السكة الحديد وكان في سنة 1961م في الابيض قام حجز لي امي في القطر وسافرت علشان تلدني في القرير.



    * وسماك عمار على منو؟



    ما سماني ابوي .. سماني عامل التلغراف .



    * كيف؟



    ابوي بعد ما عرف انو امي جابت ولد رسل تلغراف قال سموهو عماد قام بتاع التلغراف داس بدل النقطة شرطة.. النقطة في التلغراف دال والشرطة راء . قامت وصلت البرقية سموهو عمار وبعد داك بقي ابوي امام الامر الواقع وصرت عمار...



    * تفتكر كان ممكن تكون عماد؟



    افتكر انا عندي مؤهلات ابقى عماد ود ظريف ولطيف وممكن تعتبروني وسيم .. لكن عمار خلتني الزول الدشن ده.



    * كنت اول الابناء ؟



    لا كنت الثالث بعد بنتين.



    * ذكريات طفولتك؟



    اول حاجة عندنا خالتنا حواء قالت ليهم عثمان حسين بحييكم وبهنيكم بالمولود لانو صادف انو مع ولادتي كان عثمان حسين بغني.. لكن الحاجة الحكوها لي ومؤكدة انو انا من بطن امي ما في زول استلمني.



    * كيف يعني؟



    يعني من بطن امي الداية ما لحقت تمسكني وقعت في الطشت طوالى وكان فيه موية حارة.



    * دي الوقعة اللي يوم الليلة ؟



    بالضبط كده... الوقعة الىاها .. دي مؤشر



    * انت شايقي؟



    لانو ابوي كمساري فكل سنة بنقعد شهرين في القرير ، الاجازة لكن موطني كسلا حي العرب.



    * ..............؟؟



    انا فتحت في كسلا في قطاطي السكة حديد وريحة السكة حديد عشان كدة انا مرتبط جدا بالسكة الحديد ولي هسة انا بمشي المحطة اشم ريحة القضبان والورشة.



    * السكة حديد وعمالها ارتبطوا بالىسار؟



    ابوي كان يساري ونقابي وهو القاد القطر المشهور بتاع اكتوبر من كسلا وجابو هنا وساهم بي كدة في ثورة اكتوبر المشؤومة انا بعتبرها ثورة مشؤومة.



    * ابوك يساري وانت مشيت يمين.؟



    ابوي في النهاية بقي متدين لكن بنفس طريقة الىسار.. بقي انصار سنة لكن مازي هسة.. لا.. انصار سنة بتاع نضال وتحرر ما زي بتاعة الليلة دي شركات واموال واستثمار ومنظمات..



    * ..........؟



    ناس ابوي زمان بشبههم هسة ابوزيد محمد حمزة مقاومة وثورية.



    * متين دخلت الىمين؟



    الناس لغاية الليلة بعتبروا فيني ريحة اليسار .



    * انت كان داير الجد ناس كتار بعتبروك .. (مجهجه ) ساكت !!



    الجهجهة دي عاملة انا براي..



    * قاصد يعني؟



    قاصد طبعا..



    * وجواك محدد موقفك؟



    طبعا لكن الزمن عابس.. والزمن عبث ساكت.



    * طيب انت جواك شنو؟



    سوداني ود بلد... سوداني ممعن وموغل في السودانية ..انا اصلا من الشمال متربي مع الهدندوة وبحب السكة حديد وجامعة الخرطوم.



    * اول مرة تجئ الخرطوم للجامعة؟



    قبلها ما بعرف حاجة اسمها الخرطوم عندي بنطلون واحد ! كنت وانا صغير بسقوني اللبن من الضرع طوالى .. وكت جيت الخرطوم جيت بدون شنطة استقبلوني ناس الاتجاه الاسلامي ..



    * انت جيت قاصد الاتجاه الاسلامي؟



    انا كنت كوز من سنة خامسة ابتدائي.



    يا زول استقبلوني وودوني استديو بابا صوروني بي كرفتة .. كنت نحيف واضنيني كبار حتى في واحد حلفاوي قال والله انت يا عمار لو قعدت في بطن امك 3 شهور تاني كان طلعت حمار...



    * ودخلت معمعة السياسة؟



    طبعا رشحوني للانتخابات من اول سنة جيت لكن التسجيل عطّل دخولي الاتحاد 1981م،



    * ندمت ؟



    بالعكس .. كنت سأكون لي هسة لاصق في القيادة .. كل الناس الدخلو الاتحادات دي تلقاهم ما بقبلوا يكونوا موظفين او مواطنين عاديين ... الحمد لله ما دخلت الاتحاد كنت ما حأقبل بعد داك الا اكون زعيم... ودي مشكلة السياسة السودانية.



    * .......؟



    قعدت في الفترة ديك مع ناس عبيد ختم شيخ صبير في الجامع وعلىهما رحمة الله.



    * ..........؟



    انا ما كنت متدين كتير لكن كنت ساكن في الجامع وعندي كافتريا .. كنت مرتاح وعرست وعمري كان 22 سنة وانا طالب.



    * قريبتك؟



    لا لا ... عرستها من هنا .. بري والجريف عرفتها في التنظيم وعقد لي الترابي سنة 84 وبنتي الكبيرة دخلت الجامعة السنة دي .



    * استقبلوها الاتجاه الاسلامي؟



    ما اظن يستقبلها اي زول... حيستقبلها منو يعني؟ الوطني ولا الشعبي ولا ياتو جناح في انصار السنة ؟



    * في واحد حكى لي انك هجيت نفسك في جامعة الخرطوم؟



    ايوه جيت الجامعة متأخر وقامت واحدة شافتني وقالت : سجمي ده بقرأ معانا ..



    قمت قلت ليهن:



    سجمكن بالحيل سجمكن



    وسجمان انا الساكن بلدكن



    وسجمان انا الحزين المركن



    زي وحشا طلع بالليل خلعكن



    وزي اسدا نهر بالليل فزعكن



    غالبني الكلام ما مخي شركن



    لكن تمام بالحيل سجمكن ..



    * حتى الآن لم تهج نفسك؟



    بعد داك قلت اهجو نفسي:



    ما شفت الزمن يا اب فقرة جابك راجع



    زي قدرا كعب يا اب فقرة جيتهم واقع



    زعزعت البنات قلقلت نوم الشافع



    مالك بالجامعات يا اب فقرة شوفلك جامع



    ما شفت الجامعات يا اب فقرة صارت روكه



    داك ياكل في اللبان ويغني بالدلوكه



    وديك تشحد في زميلها يقسملها البازوكه



    زمن اولاد الدشوش ما بياكلو بالمفروكه



    وزمن اولاد المدن ما جربوا السلوكه



    زمن المتقرضمات ما قربن للدوكه



    ما تقول الزمن يا اب فقرة جاني علىكا



    ده الحال الكعب سويتو بي ايديكا



    خليها الديار ليه تسعى للمابيكا



    لايوقا عديل حاكيت ملاح الويكه..



    قال اب فقرة قال يا اخوان كلامكم صاح



    خليتها الديار ما اظن وراها نجاح



    سوق الناقة وين هناك بس ارتاح



    وزي كل الرجال اجلب جمال وسلاح.



    * متى بدأت رحلتك نحو كيانات وتنظيمات اخرى غير الاتجاه الاسلامي؟



    - أنا رفدوني من الاتجاه الاسلامي.



    * ليه؟



    - السبب مشكلة مع طالبة في الجامعة قامت هي في نقاشنا مع بعض ضربتني كف.



    * وكان السبب يستحق هذا الكف؟



    - انا كنت بتكلم معاها عن الزي اللابساه فما احتملت كلامي.



    * واتصرفت كيف انت؟



    - انا دفعتها بس.. وده ما افتكر انو السبب الحقيقي لرفدي لكن لانو بعد اعلان نميري للشريعة قلت ليهم بعد ده انحنا متلمين ليه مش عشان نعمل شريعة اسلامية خلاص نميري عملها لا يجوز بيعة الاثنين بايعنا نميري بالتالي سقطت البيعة الثانية ويظهر خافوا من انتشار التيار ده فاستغلوا مشكلة الطالبة وفصلوني الحمد لله من التنظيم بعد مجلس محاسبة ونشروا الخبر في جريدة «آخر لحظة» في جامعة الخرطوم..



    * اظن انو كف غالي جداً؟



    - شوف الكف ده نوع من العلاقة.. مش الشاعر قال: قد جاءني سبُك لي فسبي



    ألم يجري اسمي على فيك فحسبي



    * لكنك عدت بعد الانتفاضة للجبهة؟



    - نميري اعتقلني معاهم قبل الانتفاضة وبعد طلعنا عملوها جبهة واسعة تلم اي زول فلقيت نفسي معاهم تاني.. وكنت بمثل التيار الايراني وكنا متحمسين للثورة الايرانية..



    * متين كسلت من العمل في الاتجاه الاسلامي والجبهة؟



    - أنا اعتقد اني اصلاً ما كنت اتجاه اسلامي حتى من خامسة ابتدائية.. الاتجاه الاسلامي كان بالنسبة لي مجتمع.. وأعتقد اني كنت مزروع في الاتجاه الاسلامي من خامسة ابتدائى.



    * الزارعك منو؟



    - القدر.. عشان اكشف كتير من المستور.. كنت متفرج.



    * وخليتهم؟



    - انا قلق جداً حتى في الجبهة كنت بشتغل في مكتب لمدة كم يوم كده وابدي قلقي لارحل لمكتب آخر.



    * دي الجهجهة الاتكلمنا عنها قبيل؟



    - عندي اخوي ما بستقر في شغل.. قالت امي كلما اجي من كسلا القى خالد غير شغلو وعمار غير حزبو..



    * لكنك استقريت مع زوجة واحدة؟



    - الآن اكملنا 20 عاماً في علاقة ما اتخللتها اي مشاكل انا عايز اتزوج زوجة ثانية اعلنها لكن بفهم.



    * فهمك شنو؟



    - الاولاد يكبرو ويوعوا ويفتحوا، التانية دي زواج.



    * والاولى كانت شنو؟



    - الاولى عرس.



    * وفي فرق بين العرس والزواج؟



    - عندي قصيدة قلت فيها:



    لو تعرفي انو الزواج ماهو العرس



    اصلو الزواج لما النفس تهوى النفس



    ولما النفس تهوى النفس



    يبقى الزواج تمّ وخلص



    اصلو الزواج ماهو المهر



    اصلو الزواج نفحة قدر



    ولما الشجر يهوى الشجر



    من غير مهر ينتج ثمر



    لو قلت نكتب للكتاب اصلو الزواج في الغيب كُتِب



    يعني بتأكد في القدر حاشا القدر يصبح كضب



    فاعتقد انو الزواج فهمو عميق.



    * يعني الزواج عند عمار هو درجة اكبر من العرس؟



    - استعير مقولة الاستاذ محمود محمد طه: زوجتك هى انبثاق نفسك عنك خارجك..



    التعبير بتاع الضلع مجازي، الله قال من انفسكم ما قال من اضلعكم، الله شالها من نفسك وانت بتفتش عن جزء من نفسك لتكتمل.. والمرأة زي ما قال ابن عربي: المرأة معراج روحي..



    * طيب في علاقتك مع اولادك برضو بتعيش بنفس طريقتك خارج البيت؟



    - انا زوج واب ممتاز.. انا الحياة بره ما معترف بيها لكن بيتي معترف بيهو عشان كده جادي جداً في بيتي.



    * يعني انت مختلف جوه البيت عن خارجه؟



    - انا في اليوم عندي ثلاث شخصيات بعيش بيها في شخصين بالصباح للسوق ووسط الناس وفي الجرايد ودي فيها عدم اعتراف بالحاصل واحساس بالعبث الفيهو وتمرد عليه وسخرية بالغة عليه.



    في شخصية تانية بعيشها بعد الساعة الواحدة ظهراً لغاية بعد العصر دي في جامعة الخرطوم عندي علاقة وطيدة جداً واعتقد انو عندها هدف مستقبلي.. الشخصية الثالثة بعيشها مع اولادي في البيت من المغرب لغاية صباح بكره ودي فيها مسؤولية كبيرة.



    * عندك كم ولد وبت؟



    - انا ولدي الكبير اتوفى اسمو سياف كان عمرو سنتين اتوفى في يوم داير نعمل ليه عيد ميلادو الثاني:



    كان سياف جميلاً كالقمر



    كان سياف ضحوكاً قد تفتح كالزهر



    مات سياف بريئاً لم يمس احداً بشر



    انها الاقدار تجري ليس يخطئنا قدر



    بعدو (لينا) هى الآن طالبة بجامعة الخرطوم علوم، محمد غرة عيني ربنا يحفظو في الثانوي العالي ، ومودة تمتحن هذا العام للعالي، وابراهيم الشقي الفقُر عمرو 8 سنوات ونصف.



    * علاقتك بيهم كيف؟



    - عندي معاهم قصص ونكات.. يوم انا بتكلم مع صاحبي مغترب في التلفون بقول ليه والله كويسين وماعندنا اي مشكلة ختفوا السماعة وقالوا ليه بغشك والله ما عايشين كويس ولا حاجة.



    * بتحاول تأثر على اتجاهاتهم؟



    - شوف التربية بالتلقين ما بتنفع.



    * طيب لو (لينا) جات قالت ليك انا بقيت شيوعية او حزب امة او غيرهما؟



    - بي طريقتها لكن لو دايرة نصيحتي حا قول ليها ما تنتمي لي اي حزب خليك سودانية بت بلد انا نفسي اولادي كلهم يبقوا سودانيين اولاد بلد.



    * هسه هم شايقية ولا اولاد خرطوم؟



    - امهم محسية طبعاً وأنا حاولت ازرع فيهم حكاية شايقي دي لكن ما شايفها نجحت بالحيل هم مايلين على اهل امهم فبقيت ماسك في سوداني وغبش ما بتاعين دلع.



    * انت دائماً بتردد انو الشايقية هى القبيلة الوحيدة الما عندها بديل في السودان؟



    - ايوه كدي اتخيل السودان ده بدون شايقي.. ما ممكن.. الجعلية ممكن تلقي بدلهم الرباطاب.. والدينكا بدلهم النوير.. الدناقلة بدلهم المحس أو الحلفاوين، الشكرية بدلهم البطاحين، الرزيقات بدلهم المسيرية إلا الشوايقة.



    * وده للحاجات الكويسة في الشايقية ولا العكس ذلك؟



    - بصراحة أنا اعتقد انو الشايقية هم شعب الله المختار وهم ما محتاجين لزول يعترف بيهم وفي ناس بقولوا اصل الشايقية بجة وهناك شبه كبير بينهم. انا حأعمل مركز حضارة وثقافة البجه.



    * بتسمع منو من الفنانين؟



    - بحب غناء محمد وردي لكن ما بحبو هو.



    * ليه؟



    - مفتري ومغرور.



    * صحي بتاكل في كل الموائد وتنقل اخبار وتطلق اشاعات؟



    - ايوه ده كله عدم اعتراف بيهم كلهم وسخرية منهم وعبث بيهم.
                   |Articles |News |مقالات |بيانات

02-07-2009, 06:40 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)
                   |Articles |News |مقالات |بيانات

02-07-2009, 06:44 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)

    Al-Sa7afa
    http://www.alsahafa.info/index.php?type=3&id=2147494007

    كسلا.... محمد عثمان محجوب (راجل البركس)[/B]

    عمار محمد ادم

    كحنين النوق الى الفصيل..كحنين الجزع اذ فارقه المصطفى.. احن اليك ايها الراحل عنا.. وانت الذي ربيتنا فأحسنت تربيتنا وعلمتنا ونحن حينئذٍ لم نزل صغارا.. كيف ننساك ايها الراحل المقيم.. والمفارق العظيم كان والدك يصطحبك الى السيد الحسن وانت حينئذ مشبع بالفكر الاسلامي الثوري من مدرسة الاخوان المسلمين بروح الامام الشهيد حسن البنا وفكر شهيد الفكر والمبدأ الشهير سيد قطب ..
    كان السيد الحسن يحبك وكنت تحبه تجمع بينكم اواصر الروح ووشائج القلوب التي تحابت بالله وفي الله.
    كسلا تحن اليك كحنيني وتذكر صوتك الصادق القوي وانت تتحدث في حماس عن الدولة الاسلامية والمجتمع المسلم والعدل والمساواة والصدق والرحمة ومبادئ ومعاني تداعبنا في صحونا ومنامنا.. وقد افنيت اخصب سنوات عمرك وانت تعمل وتنتظر وتنشدنا:
    قد اختارنا الله في دعوته
    وانا سنمضي على سنته
    فمنّا الذين قضوا نحبهم
    ومنا الحفيظ على ذمته.
    آهـ من الذكرى حين تقطر دما من دماء عشرات الشباب يقدمون ارواحهم في سبيل مبدأ وفكرة يقطعون دراستهم الجامعية ليلتحقوا بمعسكرات التدريب في ليبيا ليقاتلوا النظام المايوي البغيض وهم يحلمون بدولة العدل والحرية والمساواة و وسقطوا مضرجين بدمائهم تحت سياط التعذيب في سجون النظام المايوي الذي ارتهن البلاد للغرب وسلم زمام امره للرأسمالية البغيضة.. مازالت اصداء صوت محمد عثمان محجوب تتردد وهو ينشد حين خاطب الشهيد جبل ا لعوينات:
    الجبل الساكن قد اوّب
    برضاء الله لنا صوّب
    للرمي الناجز يتأهب
    واللحظة تأتي بملاك
    كان اسدا هزبر وليثا هصوراً يصول ويجول في عرصات جامعة الخرطوم قلعة النضال الصامده يجادل ا لاخوان الجمهوريين في غيرة على الاسلام والشريعة الاسلامية الغراء.. وكان لا يمل ولا يفتر وكان يتحرك في كل الاتجاهات. خطيبا مفوّها. او محاورا مقتدرا.. او كادرا تنظيميا نشطاً.. يصرخ في وجه حسن الترابي (انت قايل الحركة الاسلامية دي بتاعت ابوك) ولكن الترابي لم يكن يكرهه اويغتاظ منه لانه يعرف مداه وحده فهو لا يعرف التآمر والخبث ولكنه يفرغ مافي نفسه من شحنات ثم يستريح وهو ابن كسلا حين تعلم الوضوح وتشرب القوة وهو ابن (نوري) جزيرة (ايشيما) حين يتصل اصله بفرعه فجزع كسلا وفروع الميرغنية من اصل نوري وهو ا لفتى كريم الاصل عزيز المنبت حين تربى في ارقى احياء مدينة كسلا وترعرع في اعلى مقاماتها ووالده الخليفة الاصيل الصارم الملتزم بالطريقة الختمية وكان يلقب صغيره محمد عثمان ومنذ نعومة اظفاره (بالدغري) ذلك لان (الناجح من عشو يزوزي) ولا انسى قسمات الحزن البليغ في وجه شقيقه الاصغر حيث انتقلت والدته الى الرفيق الاعلى ومحمد عثمان يكتم الحزن في داخله لكنه يبدو .. ولا اذكر اين كان محجوب؟ وما زلت اسأل اين محجوب ولا اريد ان اقصم ظهره.
    بل اين المقداد ذلك الطفل الذي كان يحبه والده حبا جما ويجادله وكأنه رجل كبير وكم بت معهم وهم يسكنون نصف بيت مؤجر في حي الصحافة ومحمد عثمان حينئذ نائب في الجمعية التأسيسية عن دوائر الخريجين ولا أنسى ذلك المؤذن الذي يوقظنا لصلاة الفجر مرعوبين وهو ينبه قائلا (الصلاة الصلاة الموت جاء)
    محمد عثمان محجوب مدرسة في البساطة والقوة معا ابتلاه الله بالمرض العضال يسري في دمه فصبر وظل يجهد نفسه ويعمل حتى اشتد به المرض فانتقل الى جوار بيت الله الحرام والف كتابا من الاذكار والادعية المأثورة لم يجد حتى الآن طريقه الى النشر.. واصبح صباح ذلك اليوم الحزين حين جاءنا الخبر الفجيعة فقد فجعنا في رجل اخشى ان انظر في وجهه الذي يعبر عن مافي صدره من معانٍ رسالية تنوء بحملها نفوسنا الواهية الضعيفة فتتجلى في حاضرنا فنصعق وكان العزاء في منزل السعيد والحزن كان سيد الموقف والحسرة ايضا.
    اشتجرت معه في السيارة ونحن في جولة في منطقة مروي ففتحت الباب ونزلت على الرمل وطلبت منه ان ينزل لينازلني وانا غضبان فقال لي في استغراب وتضاربني انا يا عمار؟ وطلب مني الصعود للسيارة ففعلت وانتهى الامر وكان معناعبدالهادي الخليفة وكليهما مضى الى الله وبقيت انا احمل هذا الكم الهائل من الاسرار والذكريات وصديقي صلاح عبدالله محمد صالح يقول لي (اصبر على الاسرار الفي صدرك) وكيف لي ان اصبر هذا اوان البوح فهل ادركت شهزاد الصباح فسكتت عن الكلام المباح ام انهم باحوا فاستبيحت دماؤهم وكذا دماء البائحين تباح) ومابين الجنيد والحلاج البوح والكتمان فهل يكتب صلاح عبدالصبور مرة اخرى (مأساة الحلاج) ومتى؟؟
                   |Articles |News |مقالات |بيانات

02-07-2009, 06:47 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)
                   |Articles |News |مقالات |بيانات

02-07-2009, 06:50 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)
                   |Articles |News |مقالات |بيانات

02-07-2009, 06:52 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)
                   |Articles |News |مقالات |بيانات

02-07-2009, 06:59 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)

    ..........فيصل القاسم: جميل جدا عمار محمد آدم من الخرطوم هزيت البلد من اليمن للشام تفضل يا سيدي..

    عمار محمد آدم - الخرطوم: يا أخي إن هذا البيت للشعر لا يمكن هذا الأخ ليعطينا توقيتا محددا له كيف علم أنه قال قبل ثلاثمائة عام؟ قبل ثلاثمائة عام لم يكن هنالك السودان وإنما بعد الثورة المهدية التي لم يمض عليها مئة عام كيف يدعي هذا المدعي أن هذه الأغنية كانت قبل ثلاثمائة عام؟ هذا محض افتراء وادعاء السودان ليس عربيا فقد جرنا جمال عبد الناصر والأخوة المصريين إلى هذا الانتماء الزائف الذي وجد معارضة شديدة من بعض الدول العربية مثل لبنان كأن بعضهم نسميها جامعة الدول العربية والسودان يا أخي نحن أعرق من العرب ونحن لدينا من الإرث الحضاري قبل أن يصبح هؤلاء الأعراب لهم شأن فقد أصبح لكم شأن في الإسلام ولكنكم ارتدتم عن هذا الدين وإن تتولوا يستبدل قوما غيركم ثم لا يكونوا أمثالكم لقد انتهت دولة العرب التاريخية لقد كرمكم الله بالإسلام ولكنكم لم تكونوا في مستوى هذا التكريم نحن نرى قنواتكم الفضائية ونسمع إلى زعمائكم إنما نستنكر أن نكون من أمثالكم أو ننتمي إليكم إننا نوبيون وأننا زنج وأننا بربر إننا ننتمي إلى وطن عريق وحتى أن الكثير من الأديان كان محطها في هذه الأرض ارجعوا إلى كثير من مصادر ويجب أن تكون مرجعيتنا هو علم الآثار وعلم الاجتماع فالباحث الأستاذ مختار عبد السلام الذي أصدر بحثا عن السودان وطن الأنبياء يمكن أن يطلعكم على كثير من هذه الأدلة، أما الحديث الذي يحاول أن يقول به هذا الأخ من مدرسة واحدة كليهما من مدرسة الأخوان المسلمين التي تعبر عنها الجزيرة هذا الذي يشارك وهذا الذي إلى يمينك كليهما من مدرسة حسن عبد الله الترابي ومن مدرسة الإنقاذ ومن مدرسة الإخوان المسلمين والجزيرة كذلك من هذه المدرسة إنكم تمثلون تيار خطر على السودان وعلى وحدة السودان فنحن سودانيون لسنا عربا اسمع هذا وبلغ هذا كله إلى العرب لقد تسببتم في كل مشاكلنا وجررتم علينا كل مشاكلنا ومازلتم تمارسون هذا الدور القذر................


    http://www.aljazeera.net/NR/exeres/9836DF23-EC05-440A-A59B-3FCC5C5AF99E.htm
                   |Articles |News |مقالات |بيانات

02-07-2009, 07:50 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)



    Amar Mohamed Adam
                   |Articles |News |مقالات |بيانات

03-07-2009, 07:07 PM

Mohamed Elgadi

تاريخ التسجيل: 16-08-2004
مجموع المشاركات: 2861

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Kostawi)

    Salaam,
    The Group Against Torture in Sudan-GATS would like to communicate with you outside this post... we appreciate contacting us on the following email:

    [email protected]

    thank you

    mohamed elgadi
    for/GATS Executive Committee

    http://GhostHouses.blogspot.com
                   |Articles |News |مقالات |بيانات

03-07-2009, 07:33 PM

محمد الجزولي
<aمحمد الجزولي
تاريخ التسجيل: 16-08-2007
مجموع المشاركات: 3471

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: Mohamed Elgadi)

    Quote: سوف أعود لنقاش ما ذكرت سابقا


    الأخ الفنان صاحب الريشة الراقية ومُقِلة ..
    الباقر موسى
    تحياتي ياأستاذ ..

    والله ياأخوي لوعندك كلام داير تقولو للذكرى والحقائق ، ادلو بدلوك ساكت .. لكن الشايفو ده مابتناقش ..


    ماتفهمني غلط ياعمار لأقصد إساءة لاسمح الله ولا انا من مسئين للناس بوجه حق !! .. قُصرو .. انت ذكرت انك (كنت) كادر (عنف) !! وانا اراك حتى الأن!! .. بدليل هذا البوست وما إستعملتهو من عنف وإرهاب .. وعدم احترام للقراء وشطبك لكثير ولأنهو لا يتعدى حكى مسطبة اي دكان قفل ابوابه من اجهاد يوم طويل .. إلا انك قمت بشطبه بزريعة { انهم اي المتداخلين ليسو جديرين بأن يحكى لهم!!! } وفي زهنك ان القراء هم الكم شخص الذين يكتبون معك هنا !! وتناسيت ان هناك الاف تشاهدمايُكتب هنا يوماً .. وبعدين اذا كان البوست ليس للغفران والتسامح والندم والتجديد ... يكون شنو ؟ بارت بضاعتك اف لاين قُلت تروج لها اون لاين ؟!!!!! ..


    والسلام للجميع



    التعديل لإضافة اسم .. معزرة

    (عدل بواسطة محمد الجزولي on 03-07-2009, 07:53 PM)

                   |Articles |News |مقالات |بيانات

04-07-2009, 05:26 AM

Elbagir Osman
<aElbagir Osman
تاريخ التسجيل: 22-07-2003
مجموع المشاركات: 21257

للتواصل معنا

FaceBook
تويتر Twitter
YouTube


Re: كنت كادر عنف بالاتجاه الاسلامى جاكعة الخرطوم..(عمار محمد ادم) (Re: محمد الجزولي)

    العزيز محمد الجزولي

    تحية لك في أي قارة كنت

    كنت أود أن أبدأ مع عمار بأهم ما قاله - في نظري -

    من أنه عند أول تهجم لهم على الطلاب الديمقراطيين

    أنه وجدها فرصة لتنفيس كراهيته ضد الشيوعيين

    بأن أناقش معه طبيعة تلك الكراهية

    وأسبابها

    لكن أراه قد سحب كل ما كتب هنا

    - أول مرة أشوف لي زول يلحس بوسته -

    وطبعا لا أجبار في النقاش

    وشكرا على أنه أثبت للجميع أن الكيزان يبادرون بالعنف ضد الطلاب المسالمين

    بصورة مخططة وممنهجة

    وأن أمثال ختم

    كانوا يستغلون مسجد الجامعة أو المباني المجاورة له

    لتحريض طلاب الكيزان للتعدي على الآخرين

    وأرجو أن يكون عمار قد خجل من تعديه على الطالبة

    وأنه ربما عالج ما يراه خطأ بخطيئة أكبر منه



    عموما أتمنى أن يكون قد تدرج في مراقي التطور الإنساني
    بما يمنعه عن العنف والتعدي على الآخرين

    الباقر موسى
                   |Articles |News |مقالات |بيانات


[رد على الموضوع] صفحة 2 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de