|
Re: مطارحة شعرية نشوف الحافظ منو و مافي جلد مواصلة لما انقطع (Re: Randa Hatim)
|
دي البترقش ناديي فوق صدر الجرائد .. ماها صورتك !!!! لا هو صوتك .. لاها صورتك !!! إنتي يا الفي إطْن الصّحَارَى شُفّع العرب الفتارى البَفِنّو الشايلا إيدُنْ .. ويجرو كابسين القطارة يجرو باريين القطارة لا سراب الصّحراء موية .. لا حُجار سلّوم موائدْ
تصحيح لبت حاتم : يا بت حاتم هوووووووووووي كدا ما معانا
| |
|
|
|
|
|
|
Re: مطارحة شعرية نشوف الحافظ منو و مافي جلد مواصلة لما انقطع (Re: sunrisess123)
|
يا سنرايز والله سكتنا عليك كتير يا اخوي
شنو الابيات القاطع نصها من راسك والنص التاني موقفو علي كيفك؟؟؟
يعني شنو تجيب لينا ابيات الشعر وتقطعها بس محل الدال ما تجيك؟؟؟
بعدين حركات الاستهبال وعدم الاستماع لاراء الغير دي ما بتنفع تاني,, انا اطالب بتصويت
لايقاف خرمجتك دي, يعني تجيب لينا ابيات شعر عديلة وتنهيها نهاية عديلة موش مقصاتك تدب محل
الدال تحب
غايتو دة اخر بيت انا اكتبو ليك لغاية ما نشوف اخرتها..
دفنوه في اعماق التربة واقاموا الجدران لم تكن الجثة ما يخشون ولكن الكلمه حين تصير الكلمة مجد الخالق مجد الانسان
| |
|
|
|
|
|
|
Re: مطارحة شعرية نشوف الحافظ منو و مافي جلد مواصلة لما انقطع (Re: Randa Hatim)
|
الليله والليله ...
والله يا بت حاتم عندك ذاكره لكن ما شاء الله ... خمسه وخميسه ....
دقست لكن والله........
Quote: نقرط لى الحمار ..نقريط الحمار .. لاتنسى النِعال الطِرقِى الخدار ..اللِّبِس الجديد
دال |
اى نعم انت هسى مطيتو شويه وكملت عليهو كم بيت لمان جبت الدال البعدها .. لكن هذا لا ينفى انو البيت دا استخدم للنون قبل كدا ....
نقطه .... نرجع لى قرار مجلس الامن رقم 1165 ... منع تداول حرف الدال داخل هذا البوست الا فى حالات الضروره القصوى ..... كدا كيف.
| |
|
|
|
|
|
|
Re: مطارحة شعرية نشوف الحافظ منو و مافي جلد مواصلة لما انقطع (Re: عبد اللطيف عبد الحفيظ حمد)
|
رحب الحاج بيهو جدا فرشولو ونزلوهو وكاسوا للعشاء ما أتلقالو ..ما الرغيف ممحوق مقصر والبلد فى حال معسر وعمنا الحاج فى مكانتو و جيت الضيف زى فريضة وهسة ضاقت بيه العريضة .. ضيفوا كيف يترك عشاهو من زايد إختشاهو .. وجاتو فكرة يمشى للفرن المجاور .. ولى لجان العيش يشاور بس عشا الضيف يا جماعة .. وضيفى نازل ليهو ساعة شاكلوهو ودفروهو ونهروهو .. وجاتو دورية الطوارى وأمسى بايت فى الحراسة .. وناسوا جنوا للصباح ما عرفوا حاجة .. وين دا روح وجاهم الخبر المؤكد
دال
| |
|
|
|
|
|
|
Re: مطارحة شعرية نشوف الحافظ منو و مافي جلد مواصلة لما انقطع (Re: فدوى الشريف)
|
ما دى عمايل سنرايز وكلنا شايلانا حماقة السودانيين واحد داير يبدا ويقول الروووووب مافى ...
غايتو على رايك الا حرف الدال يكمل ويتعدم حسو فى الدنيا حتى نرتاح شوية ... ولو انى بتوقع يا فدوى انو سنرايز يجى ناطى بى حرف تانى ... ما هو جنو مكاجره ....
او الحل التانى يجى سيد البوست (امجد) ويشوف لينا حل ......
| |
|
|
|
|
|
|
Re: مطارحة شعرية نشوف الحافظ منو و مافي جلد مواصلة لما انقطع (Re: sunrisess123)
|
يازول انا رديت على قافية عماد .. هو قافيتو ما من حرف واحد انا شلت الالف وانت شلت الهاء
درووون
هسى انت رد بالله على قافيتى الدال ... وانا برد على قافيتك برضو ....
وهاك دا ردى .....
ده ما وكت الرسم واللون وجات المغارب حننت إيدا .. ومشت سبحانك الأديتنا من حزنك فوانيس ــ الغراب يا نوح طفش واليابسة وين ...؟
القافية ( علامة استفهام) ... اها النوريك جن الدناقله الما خمج
| |
|
|
|
|
|
|
Re: مطارحة شعرية نشوف الحافظ منو و مافي جلد مواصلة لما انقطع (Re: محمد البشرى الخضر)
|
هنا اللِّبّيشْ .. تدور وتدورْ قريش يا قريش .. حبابا قريش نزل مَلْك الحَبَشْ والدّيشْ تدور وتدور .. قواها تخور تلم أنفاسا زي عصفور تِنَفّضْ ... تمش بالدور بشيش وبشيش .. تشاقق بين تقانت العيش وبرسيماً .. سمح مفروض وما تهبش دوابا قشيش بِنيّات الغُبُش شقيش تودّي تجيب .. مع الدّوبيت تِنْضَكّرْ خِدِمْة البيت .. مشى الواقود .. في كل عصير لُقا المريود .. دال
| |
|
|
|
|
|
|
|