|
Re: *** حلم زمن الكآبة *** (Re: soma)
|
الأستاذة أسماء :
أشعارك تمس الفؤاد .. يا سوما .. يا غالية ..
" يا حلم زمن الكآبا
يا دموع بلدى وترابا .. ناس بتحلم بى رغيفه .. وناس تبدل فى تيابا .. جاريه تنطح ومره تشطح.. داهسه فى رؤوس الغلابه.. لا بتعاين لا بتداين.. بس تناطح فى السحابا .. تختف اللقمه الهنيه .. تظلم الناس التعابا .. ناس تهاجر من بلودا .. حاضنه احزانا ومصابا .. مره تبكى ومره تلهث .. تايهه فى ليل الرتابا .. زى عصافيرا بريئه.. ضايعه فى زحمة ايابا .. زى سنين تاهت وحيده.. حانه لى عودة شبابا .. زى شويفعه تنادى ضايعه .. يمه..يمه .. يا با .. يا با .. او وليدا دابو شب .. خط لى حروف الكتابا .. راح يناغم فى حبيبتو.. بحلم ارجع لى رحابا .. يا حلم زمن الكآبا .. ليه زمان الالفه ولى .. وودع الناس الصحابا ... اتناسو لمة ناس كتار .. حتى البيوت كم سدو بابا .. لا تو اصل لى قريبا … لا تسالم لا حبابا .. ناس تجافى وما بتصافى ديمه فى وجوها الكآبا.. يا حليل زمنا بعيد .. حسراتو فى نظرات شيابا.. لما كان الود مفرهد ... فى ربوعنا وبين هضابا .. يزرع الكلمه الرضيه .. فى متاهات الضبابا ... يكتب النغم المسالم ... بين فصول وتر الربابا ..
اسماء/ الجنيد / مسقط
بل اننى أقول .. انك تحيين التراث السودانى الأصيل .. والذى يتناولة القليل من شبابنا هذه الأيام .. لأن الامكانيات المتاحة تتمركز حول العاصمة المثلثة .. وقاطنو العاصمة .. لا تؤاخذينى .. بل أرجو ألا يؤاخذنى أحدهم .. سكان العاصمة الذين لم يروا أقاصى السودان بشرقه وغربه .. بشماله وجنوبه .. اعتبرهم لم يروا شيئا .. بل لا نجدهم يمتازون بامتيازات أبناء أو بنات الريف السودانى الأصيل .. اسألى أحد سكان العاصمة عن بلدة شاشينة أو التمرقو .. أو .. الخ .. الخ .. أو حتى عن أكلة من أكلاتهم .. ويتباهون بأنهم عاصميون .. أى عاصمة .. لا تعرف قراهما وأهل قراها ؟؟ ..
المهم .. يا أستاذتى الكريمة :
كلما قرأت لك .. كلماتك ..أشعارك .. تلهب عواطفى بنار لها اشعال خاص .. تشعل أشواق القديم .. انه اشتعال دون احتراق .. رائحة شوائه تتأجج بعبير خاص .. خليط من رائحة الصندل .. أو بخور التيمان .. أو حتى مما يستخرج من دموع أشجار الهشاب .. أو أنه كنسيم محمل بعطر المحلب الأصيل عند مرور حسناء مكسية بنقش الحناء على أطرافها الخمرية اللون الواضحة بين ثنيات ثوب شفاف فاخر ..
واصلى يا سوما الجنيد .. واصلى يا مفخرة سوداننا العتيد .. واصلى يا فارسة أشعار الزمن التليد .. فنحن وغيرنا منك نتعلم ونستفيد ..
بس خلاص ..كفاية كده النهارده ..
والى لقاءآخر ان شاء الرب وعشنا..
عمك العجوز ..
أرنست
|
|
|
|
|
|
|
العنوان |
الكاتب |
Date |
*** حلم زمن الكآبة *** | soma | 11-16-07, 09:53 AM |
Re: *** حلم زمن الكآبة *** | Ahmed al Qurashi | 11-16-07, 10:12 AM |
Re: *** حلم زمن الكآبة *** | soma | 11-16-07, 06:45 PM |
Re: *** حلم زمن الكآبة *** | د.محمد حسن | 11-16-07, 11:16 AM |
Re: *** حلم زمن الكآبة *** | soma | 11-17-07, 10:07 AM |
Re: *** حلم زمن الكآبة *** | هاشم أحمد خلف الله | 11-16-07, 11:40 AM |
Re: *** حلم زمن الكآبة *** | soma | 11-17-07, 01:25 PM |
Re: *** حلم زمن الكآبة *** | تاج السر حسن | 11-16-07, 01:06 PM |
Re: *** حلم زمن الكآبة *** | soma | 11-18-07, 11:34 AM |
Re: *** حلم زمن الكآبة *** | Dr. Faisal Mohamed | 11-16-07, 08:48 PM |
Re: *** حلم زمن الكآبة *** | عبدالأله زمراوي | 11-16-07, 09:12 PM |
Re: *** حلم زمن الكآبة *** | soma | 11-24-07, 01:36 PM |
Re: *** حلم زمن الكآبة *** | soma | 11-24-07, 01:14 PM |
Re: *** حلم زمن الكآبة *** | Alsa7afa_30 | 11-16-07, 11:48 PM |
Re: *** حلم زمن الكآبة *** | ابو جهينة | 11-17-07, 08:20 AM |
Re: *** حلم زمن الكآبة *** | الطيب شيقوق | 11-17-07, 09:57 AM |
Re: *** حلم زمن الكآبة *** | soma | 11-25-07, 05:48 AM |
Re: *** حلم زمن الكآبة *** | soma | 11-24-07, 09:22 PM |
Re: *** حلم زمن الكآبة *** | soma | 11-24-07, 08:37 PM |
Re: *** حلم زمن الكآبة *** | ismeil abbas | 11-17-07, 12:23 PM |
Re: *** حلم زمن الكآبة *** | soma | 11-25-07, 01:24 PM |
Re: *** حلم زمن الكآبة *** | ismeil abbas | 11-17-07, 04:19 PM |
Re: *** حلم زمن الكآبة *** | تماضر الخنساء حمزه | 11-18-07, 11:49 AM |
Re: *** حلم زمن الكآبة *** | Sudany Agouz | 11-24-07, 10:32 PM |
*** حلم زمن الكآبة *** | Mutwakil Mustafa | 11-25-07, 09:25 AM |
|
|
|