ليت القوم يعلمون إنو الإتجاهات أربعة ما تلاتة و إنو الشمال ضلع مهم لا يجوز إستثناؤه عشان علي أو عمر أو عوض. و يعرفوا إنو الشمال أول المهمشين على حد تعبيرهم
12-23-2004, 02:45 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
Quote: المهم سيبكم من ساس يسوس دى العدمتنا (النصاح ) وبفضلها بقينا عند ناس بره امة من السفاحين والمغتصبين والمضطهدين رغم انو دا كلو ما حاصل هسة (اويلو ) صاحبنا وعضو منبرنا فى اللستك من ما قمنا قام فى الحلة لا فى يوم حسينا انو غريب ونمشى بيتهم فى فرح وكره ونلاقى (حاجة ميرى ) وابوه الصول (علاء الدين ) دا اسمو واخوهو ملوال وجيمس دوت (سميناه كاربينو لانو لمن يكون صارى تقول كاربينو كوانيين بتاع الحركة المات فى بحر الغزال دا تومو ) اها ولغاية الليل دى (اويلو ) بيخش بيوتنا واخونا وصاحبنا ما فارزنه مننا ولو فى بكا بيجى (يشيل الفاتحة ) ما يطلع لينا زول بتاع فتاوى ينظر لينا فى (فاتحة الزول ) ويطلع لينا خديج ولا باطلة المهم نقول النية زاملة سيدا ..وبعد دا يجوك فى الفضائيات يشبكونا السودانيين بيضهدوا الجنوبيين وما عارف شنو ..
الصح صح حتى لو قيل من يونس محمود. و علينا التصديق و عليهم إثبات العكس بالدليل "صوت وصورة" بعدها يا محمد حامد إن ثبت تشوف ليك بلد تانية لكن طالما إنعدم الدليل إنت حبيب الكل وديل ما ناس إثباتات "جعجعة في الفاضية و المليانة".
12-23-2004, 07:41 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
الأخ/ محمد حامد جمعة مساء الخير رجيناك شالين ليك كوم شيتاً ما بنقدر أستعين ليك بدروس عصر خصوصية..
Quote: المهم سيبكم من ساس يسوس دى العدمتنا (النصاح )
فتشنا تحت كبري أم درمان القديم وإتلفت يمين شمال قلت يمكن ألقاك وشايل لي كوم أسألة محيرة مسجلة في مفكرتي الكبيرة في محتواها والصغيرة في معناها وجاك كوم سؤال بباقي السيسي التاني: لماذا نحن في هذا المأزق؟ أليس الحرص على السلطة؟ هل تمتلك الحركة الإسلامية (الجبهة أو المؤتمرجية) بجناحية الحاكم والمعارض شعبي ووطني رؤية سياسية واضحة وشاملة لحل قضايا البلاد؟. ولماذا إنقلبت قيادات الجيل (الأول) على قيادات الجيل (الثاني)؟ ألم يكن الأجدر بقيادة الحركة الإسلامية الإستفادة من أسباب جراحات الوطن النازف في كل الإتجاهات..؟ ألم تستفيد الحركة الإسلامية من خلافاتها مع الأحزاب الأخرى ومدى عمق الجراح؟ أم هي الإستخفاف بموروثات الشعب السوداني في رحلة بناء الوطن وجدان حتى تضاف إليه جراحات الإسلاميين (الكيزان) (شعبي/ورسمي)؟ ألم تتبنى الحكومة كل أفكار شيخكم الدكتور حسن عبدالله الترابي السجين في معتقالات بيوت أشباحكم حتى الآن.؟ إذا كانت الحكومة صادقة فيما طرحته في نيفاشا البلد ما جار السوق العربي والأنفرجي لماذا يقبع (شيخ حسن) بدون ترابي في المعتقل الكلية؟. أم هي محاولات أخريات لكسب الزمن وتكرار إتفاقية الخرطوم من الداخل ويطلع لينا مليون مشار؟. إذا كانت الحكومة صادقة فيما تزعم من إطلاق الحريات لتكوين الأحزاب والنقابات لماذا تخشى حركة الدكتور الترابي.؟ إلا وفق شروطها ومساوماتها.؟ ********************************************************************************** سؤال خاص من باقي السيسي التاني: أعتقد أن الحكومة وأساطينها ومفكريها ومستشاريها كلهم يتفقون معي في الآتي: كان السودان ولم تكن الإنقاذ. فلماذا الحرص على الدولة وكأنهم أوصياء بعهد من الله على الناس أم هي الحرص على الكنوز وثروات البترول التي ملأت الجيوب وفاضت؟. أم الحرص على تكريس أزمات السودان؟ ورمي التهم الجزافية بالباطل كما طالعتنا وسائل الإعلام كان بالحق ولا بالباطل بعينة سلاح بخلي النصاح ما نصاح؟. إنقلبت قيادات الجيل (الثاني) على الجيل (الأول) عايزين الأسباب والدوافع والدواعي والهدف؟. عميقاً كانت جراحات الوطن بخلافات الأحزاب. أليست تلك الخلافات دروساً وعظة لتفادي والحركة الإسلامية (الجبهة) كفيلة بمنع إنعكاسات خلافاتها على الشارع السوداني المغلوب على أمره أمثال ناس تجه وشلة اللستك؟. السودان في مأزق خطير والحرص على السلطة من أكبر أسبابها لماذا تحبون السلطة حباً جماً حتى لو دفعتم الشعب السوداني كله ثمناً لذلك.؟ ********************************************************************************** في عرض لتقرير الخارجية عن برتوكولات سلام نيفاشاذكرتم فيها أو تبين فيها كل أطروحات التربي التي هي أسباب وجوده وراء القضبان؟. إذن فلماذا يقبع الترابي في كلية الأشباح وقد وافقتم أطروحاته؟. ********************************************************************************** رابط واهن يجمع أعضاء الحزب الحاكم وهو أوهن من خيط العنكبوت.. مغريات .. ترهيب .... ترغيب.. بزوال أسباب الود المصطنع كما تلاشى كسابقه الإتحاد الإشتراكي وما السوفيتي؟. ********************************************************************************** الوطن عقيدة ووجدان أوجب الله الجهاد لاجله والموت في سبيله حياة ولك مثال (التاية والقرشي ـ وعلي عبداللطيف ـ والمهدي ـ وود تور شين) فالوطن واحد ومقاصد الدين الحنيف؟!! فهي كالعقل والنفس سواء بسواء والحفاظ على وحدة تراب الوطن وهوية الأمة أمر يقتضيه الفهم الصحيح لمقاصد الشريعة وتنزيل النص (وامرهم شورى بينهم) على أرض الواقع؟!! والسؤال هو؟. .................................................................................. هل يدعو السودانيون الله أن يفتت وحدة بلادهم وعزمهم شر ممزق ويقطعهم أمماً وأسباطاً كايدي سبأ كما دعا أهلها الله أن يباعد بين أسفارهم وقد كان لهم ما أرادو؟. ********************************************************************************** رجاء بلاش دعاوي وخزعبلات.. إنتباه.. كما كنت... وأيد لأيد تجدع بعيد.. وقلنا السائر عطية والمقيم حيمات والدخان البتلتل راشد الولاد. وبدون فتح بوستات مشتتة للأفكار .. ولا كلبشات .. كفانا كلابيش.. أحصر نفسك بدون إنتشار.. ولك ودي عسى الله أن يوفق الأقدار.. وبدون تجارة باسم الدين.. لا تحنيس ولا تمليق.. ومساء الخير لناس تجه وشلة اللستك.. وقول ليهم لسع باقي شوية في السيسي التاني..
عبدالرازق عيسى الطالب
12-24-2004, 00:24 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
إنما المؤمنين أخوة. والسبب في ذلك أن الله سبحانه وتعالى يعم الجميع بالعذاب. ولك عبرة في قوله تعالى: [ولا تزر وزارة وزر أخرى]. قال الإمام القرطبي رحمه الله: فالجواب أن الناس إذا تظاهروا بالمنكر فمن الفرض على كل من رآه أن يغيره فإذا سكت عليهم فكلهم عاص، هذا بفعله وهذا برضاه. وقد جعل الله في حكمه وحكمته الراضي بمنزلة العامل فإنتظم في العقوبة. (القرطبي 7/391-393). وهذه سنة الله سبحانه وتعالى في خلقه فإن لم يكن في الأمة من ينهى عن المنكر عمهم الله بعذاب من عنده وفي هذا قال تعالى: [فلو لا كان من القرون من قبلكم أولو بقية ينهون عن الفساد في الأرض إلا قليلاً ممن أنجينا منهم وأتبع الذين ظلموا ما أترفوا فيه وكانوا مجرمين) ثانياً: عدم إجابة الدعاء قالت عائشة رضي الله عنها: قال النبي صلعم: (مروا بالمعروف، وأنهوا عن المنكر قبل أن تدعوا فلا يستجاب لكم)
وعن ابن عباس رضي الله عنه في تفسير قوله تعالى: [وإتقوا فتنة لا تصيبن الذين ظلمو منكم خاصة وأعلموا أن الله شديد العقاب]. قال: أمر الله المؤمنين إلا يقروا المنكر بين ظهرهم فيعمهم العذاب.
ولكم جميعاً ودي دفرة صباحية والعودة بعد صلاة الجمعة ودمتم،
تخريمة: القدوة الحسنة ولا المنابر الفكرة والرأي السديد يقودان للهدف النبيل. الحجة دون تجريح وفقنا الله وإياكم والحكمة عربون محبة
عبدالرازق عيسى الطالب
12-24-2004, 08:43 PM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
لمن رأيتك في الأرشيف حسيت كأني أنا من جديد قعدته ويا ريت بالإنتخابات بس بدون خم والرأي رأي الأغلبية والناس تتحمل زي ما كل زول عايز يسقي كأسو للتاني بعد الأذن من سيد الدار الأستاذ/ بكري أبوبكر، خالص دعواتنا له بالتوفيق. قولك شنو؟ قول آمين. ولك ودي
جنس دفن عبدالرازق عيسى الطالب
12-25-2004, 02:29 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
حبيبنا رزقة قالوا عمر الشقي بقي و لسة عندنا باقي عمر من بدري إتكتب في اللوح
وين سيد الدار سيادتو خاف على تولا ولا شنو؟ باقي قالوا أنا بقيت شبهة محل ما دخلت الجماعة بتخارجو براااااااااااحة ، قالوا ديك عدة تخلي يكسر تنهرو يكسر !! المهم إنت كيف كويس ، و مشتاقين من القلب للقلب. بجييييييييييييكم يا سيادتو
12-25-2004, 03:23 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
الحبيب/ علاء أنا جيت عابر سبيل فايت لقيت أثر كريعاتك وتكريعاتك
Quote: بقيت شبهة
وجاي بيت الأشباح برجلينك.! وديل إيدهم طايلة و
Quote: إيد بجاي وجاي
يا أخوي ولا شبهة ولا حاجة السنون بيناتن بطاقشن.! بس كان تخش بالإسم الحركي القام خلاك تنفعل معاي.. والمصارين بيناتهن بتعاركن. بس أنحن عايزين الفكرة والقيمة والحوار الحضاري.. وما التوجه الحضاري. بعد أنحن ما جربنا.. كل أنواع المعارك الكلامية.. والنيرانية.. وما وصلنا. لأنو هدفنا ما كان واحد. وساسناالأول كلام.. ثم القراءة.. وبعدين الكلام كتير أنحن عايزين نبني بلد.. الإرث ثقيل يا علاء.. والعيب فينا.. حتى ولو لم نقلها.. وكلٌ على شاكلته.. جادل بالتي هي أحسن.. وكان الإنسان أكثر شيءٍ جدلاً.. أزمة وبتمر.. والزبد يذهب جفاء.
Quote: بجييييييييييييكم يا سيادتو
هو وين البرلوم ده؟. عفواً سعادتو محمد حامد جمعة يا ولد الحكومة.. دفرة إستفزازية.! وينك يا راجل؟ الرحلة طويلة ما بين الذكرى والنسيان يا معجب بالبوب المارلي.. وعاشق محطات الجزر.. الكاريبية.. البين نعيق غرابها.. في مآتم الأسى..
Quote: كويس
لغاية هسعي كويس. بس إنت ما تشوف إلا الكلام البين السطور والمدفون عشان تجيك مهيرة تديك قوة دفع إستفزازية ذاتية.. الكلام ياهو نفس الكلام الإنطبع كان عجبك عجبك وكان ما عجبك قوم فوت من بيت الأشباح ده إن شاء الله قال ليك تقوم تخرم بكبري الإنقاذ البدافرو فوقو الركشات عفواً البصات أمجاد. وربنا يديم الود.. والصداقة والتحالفات الإنترنتية.. والمعروف.
ولك ودي
عبدالرازق عيسى الطالب
12-25-2004, 08:46 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
Quote: قالوا عمر الشقي بقي و لسة عندنا باقي عمر من بدري إتكتب في اللوح
ربك قال: ولذلك خلقناكم مدافرة ومعافسة التقول راكب بصات أركويت ولا الحلة.. بس يا علاء خلي إيمانك بربك قوي.. وأفقه قول: الرسول لابن عباس وقتين كان رديفو في البغلة قالوا: إني أعلمك كلمات. أحفظ الله يحفظك أحفظ الله تجده تجاهك. وأعلم أن أهل الأرض لو أجتمعوا على أن ينفعوك بشيء لم ينفعوك إلا بما كتب الله لك. وإن إجتمعوا على أن يضروك بشيء لم يضروك إلا بما كتب الله لك. رفعت الأقلام وجفت الصحف. شفت الناس ديل لو بالديمقراطية عايزين يضروك ما بضروك. ولو ختوك في بيت الأشباح ده برضو ما بضروك لأنو يا علا الدين. نبي الله يوسف في دعواه قال ربي السجن أحب إلى مما يدعونني إليه عشان كده خلي إيمانك بربك قوي بعد حفظه بإتباع أوامره وإجتناب نواهيه.. ودفرة لقدام والحفل صباحي .. وبايته كمان يمكن تهتدون.. أو تفلحون من بعد العودة للحق والفضيلة هي الرجوع للحق.. ومن أحسن قولاً ممن دعا إلى الله وعمل صالحاً وقال إنني من المسلمين.
عشان بلدنا وخاطر ناس بلدنا العزاز
خليك من فشخرة الفراغ والركزة في محفل جلد الذات دي.. قدام ستات الخدور.. ومعاً لبناء وطن واحد هدادي ومدادي.. وطن بالفيه سيد ديمقراطي (متوالي.. شوري)
دفرة مسائية
عبدالرازق عيسى الطالب
12-27-2004, 06:16 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
يا جماعة .......سلاااااااااااااااامات ........كميات شنو يا جماعة وقفتو قلبنا قدر ما نحاول (نخش ) على الموقع كلو ...تواجهنا مشكلة طيب كيف عاملين ..... مشتاقين
12-27-2004, 06:31 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
طيب .......يا شباب ويا شابات .......سلامات ... اخباركم واحوالكم .. طبعا يا جماعة الخير البرد فى الخرطوم (انكرب شوية ) ومن الساعة سبعة مساء كدا تلقى الحركة خفت فى الشوارع ولكن طبعا ما بيمنعنا نمشى اى مقهى نت كدا ونخش عليكم طبعا مرات فى البيت الزول ما بيلقى طريقة لان التلفون اشتراكى يعنى بشتغل مرة نت ومرات ونسة وشمارات ومرات كدا بينقل ويتلقى اخبار البلد وناس بره .. المهم المنعنا منكم بخلاف انو (الموقع ) خرج ولم يعد لم قربنا نقطع ليهو المسلسل لو لقينا طريقة الحصل انو مرسى انهزم ........يا رجالة ... طبعا عارفين المعلم والاستاذ و(القبضاى ) عماد تجه ...الزول دا زى ما وضحنا انو زول دغرى وزول حارة لكن يا جماعة عندو عيب مييت ، يعنى طوالى عندو (كك) بتاع تحكيم ...... اى تحكيم كورة ... اى (التحكيم فاشل ) اها الزول قدر ما نصحناه ان يخلى المسالة دى رفض وانا شخصيا بعترف انو (تجه ) زول عندو شخصية وجامد وعند حجم مهيب لكن مشكلتو انو (احمق ) ...ابو الدقيق عديل .. ودى صفة ما بتناسب الحكم لانو لازم يتصف بالبرود وطولة البال ويعمل طوالى ما سامع الجمهور البقول دايما للحكام حاجات تزعل .........بيعلمو عمايل يا جدع ..... زى ما بيقول عادل امام ... والله مرة انا فى داير الرياضة كنت حاضر كورة وقاعد فوق جنب علية القوم و(القرون ) وكان الحكم بتاع الكورة (جنو صفافير ) ومع اى صفارة تسمع ليك عبارات لو كتبت ربعها بحظرونى من المنبر سبعين يوم ويمكن امشى الصالح العام ! ياخ المسكين دا شتموه شتيمه لمن فى زول جعلى قاعد جنبى زعل انتفخ وقام جارى على الحكم مسكوه ليك (الحجازة ) مالك يا زول فى شنو قال ليهم حرم الحكم دا ما عندو عوجة بس قلبو ميت .. يا زول الناس دى لا خلت امك لا ابوك وانت ماسك الصفارة شيت شيت ... !!! تصفر اها (تجه ) زول سخن ممكن يطلع لى (رونالدو ) زتاتو كرت احمر يقوم الكابتن يعمل فيها (مجنون ) تجه بيخلى تحكيم الكورة و(بيرشو ) ليك طوالى وما بيشتغل بى زول انشاء الله كان فى المقصورة بوش زاتو . !!! المهم يا جماعة الحصل – ومنعنا كم يوم نغيب – انو عماد ولى شلاقته مشى حكم ليهو كورة فى الحارة (42 ) ودى غرب الحارات بتاعة الثورة وانا نصحتو قلتا ليهو يا ( تجه عرس وليد تعريفة فى العيد وعندنا ترتيبات كتيرة ) عشان كدا ما تعمل لينا فيها (كولينا ) وخلى الكورة دى لانو ناس ( 42 ) ديل ناس صعبة وكورتهم عنيفة وفريق الناشئين بتاعهم تلقى الفريق فيهو خمسة ستة لاعبين (معرسين ) وشفعهم فى مدرسة (بكار ) ويقول ليك ناشى بعدين (شكلهم ) ومعاركهم ....صعبة ... واحد اتنين ...عكاز فى نص راسك ، اها تجة شبكنا ليك دا واجب وهواية وضمير و(سهر الشوق فى العيون الجميلة ) ومشى قبال تلاتة يوم (العصر ) واضطرينا نشكل ليهو فريق حماية مشينا معاهو ببوكس وليد تعريفة – بتاع اخوهو – والكورة كانت ماشية كويس والتحكيم زى الساعة ماشى بس الكورة باقى ليها دقايق بس .......توووووووووووش فريق الفهود بتاع حارات مرزوق جاب قون ... خلاص مع المغرب كدا ... قاموا ناس فريق (التبون ) بتاعين ناس الحارة (42) احتجوا وخشو الميدان ......القون دا سارق يا حكم يا وهم ... انت عميان ......يا سمين .......يا شنو ... والميدان بتاع (الرابطة ) اتملا ناس العاوز يشاكل والزول العاوز بس يتفرج والبفتش ليهو ساعة وقعت ولا موبايل دق الدلجة وفى نص الجوطة دى مشيت لى وليد اسمع شايف الزقاق الجنب الطرف اليمين للدكان الجنبو المكوجى داك قال اى ...قلت ليهو خلاص امشى ..اقيف هناك لغاية ما (نخارج ) عماد دا ونجيك بيهو ......واندفعنا وكنا ستة لقينا ليك (الحكم تجه ) نال حصة وافرة من النفط (البصاق ) على وجهه مع كمية (شلالايت ) وبونيات ..... وهو طبعا يعجبك برضو شغال معاملة بالمثل بس لو ما ربك نجدو بامام الجامع الكان ماشى صلاة المغرب كنا استلمنا عماد دا (ام فتفت ) والمهم سقناه ليك وحالتو بالبلا .. وطوالى فوووووووووووو المستشفى وجاى جاى دخلناه الشبكة تانى ...طبعا اخونا ختوها ليهو فى عينو اليمين لمن بقت زرقاء زى ختم الضرائب ! قولو كفارة لى تجه ........الحكم كولينا
12-27-2004, 07:17 AM
A.Razek Althalib A.Razek Althalib
تاريخ التسجيل: 12-12-2004
مجموع المشاركات: 11818
وليد يا حبيب الجابك هنا شنو ؟ دي دار أبان دقون ، أصلو قالوها ليك بهناك و كدة إتدبستة فيها نحن أمرنا إتحسم كيزان و جنجويد و عنصرية "بس حلايب ما مصرية" و أنا وااااااااااعي
نص عمرك حيضيع لو ما كان جيت
جاييك يا رزقة و مشتاق ليك و لسيادتو
02-15-2005, 03:11 AM
المسافر المسافر
تاريخ التسجيل: 06-10-2002
مجموع المشاركات: 5061
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علاء الدين يوسف علي محمد
A.Razek Althalib
محمد حامد جمعه
المسافر
فيس بوك
تويتر
انستقرام
يوتيوب
بنتيريست