اضراب كسر رقبة !
شايف اخونا فتحى البحيرى دمو فاير وزعلان وغضبان على الاستاذ محجوب عروة لان الرجل لم يذكر بالخير كتابه الذين نفذوا اضرابا عن الكتابة احتجاجا على الرقابة الامنية على الصحف وفضل - اى عروة - الحديث عن تصريحات البابا ! بالمناسبة ( اشك فى فتحى يهتم اصلا بما قاله البابا ) المهم الاضراب الصحفى تسجيل واثبات موقف ورسالة .... والزملاء الذين فعلوا ذلك مقدرين عندنا وموقفهم يجد كل التفهم والتقدير وحتى لا نزايد اود اثبات ان (الرقابة القبلية ) على الصحف مرفوضة واقول هذا حتى لا يزايد احد على احد لان لبعض الاشخاص هنا هوى غريب بصرف صكوك التجريم فحيث ان فلان وفلان اضربوا فان فلان وفلان خونة وجبناء وضد الضد نفسه ! عروة وبقية زملائة من الناشرين اراد بعض كتابهم - اى كتاب صحفهم - الاضراب عن الكتابة (احتجاجا ) وبالفعل حدث ذلك ... حسنا اين المشكل هنا وما ذنب عروة والباز ومحجوب محمد صالح ليشتموا ، زول قال حردان وما عاوز يكتب ، ياخ على كيفو ... بعدين شنو ما خلونا ناخذ راحتنا فى التعبير وكدا ، ما قبال (الرقابة ) وجز الورق والاعمدة كان فى رقابة واى صحفى ومتعامل مع الصحف بيعرفها وما من الامن ولا الشيطان الرجيم ، من الصحف وهيئات التحرير .. هسة اتحداكم فى الصحيفة (سين ) ينزل مقال ضد الزعيم الطائفى فلان ... ما ممكن ولا فى الصحيفة (صاد ) اتكلم ليك عن منظمة ولا جمعية .. مستحيل وفى الاخبار فى كلام - مش الخبر مقدس - برضو فى كلام . الخبر دا بيحرجنا مع فلان وحزبه وداك بجيب لينا الهوا مع سفارة ناس علان والعمود دا بيخرب علينا فى الاعلانات سمح .. دى مش رقابة ... ومصادرة ... ليه هسة بقت حاره ! بعدين تعالو نسالكم هسة علاقة (حزب الامة ) بصحافيين عاوزين يضربوا عن الكتابة شنو ، هو حزب الامة دا وكت ايدو لاحقه كدا ما ينزل امر حزبى ودعوه لانصاره يقول ليهم اى زول شغال فى الحكومة يوم كيت ساعة كيت ما يمشى الشغل .. عصيان مدنى ... دا مش احسن من تلم ليك كتاب صحافيين وتقول ليهم اقعدوا وبطلو كتابة وانا معاكم هسة لو المؤتمر الوطنى جمع ليه عشرة عشرين كاتب وقال ليهم اضربوا كان القيامة قامت ليه وعشان شنو ودخلو شنو ..

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]