|
Re: حالة شراء فستان العيد بعد العيد وشكر وعرفان (Re: د.نجاة محمود)
|
الأخت العزيزة د. نجاة أولاً بالتبادي حمداً لله على السلامة ونورتي البورد
تانياً أشهد عليك بت حلال مصفية ونقية اليوم من صباح ربنا أكركب في البيت ما خليت ورقة ما فتشتها أدور على تلفونك كنت مخزنو في جهاز موبايل أحد أحبابنا في السودان لقاني نائم قبل العودة بيوم طلع الشريحة وختاها فوق ورقة كان جايبها جاهزة معاهو " تقديراً لظروفك نكتفي منك بهذا الموبايل تذكار عزيز "
المهم رسلي لينا تلفونك و/ أو الـ e-mail في الماسنجر
أهو
يكون لينا شرف أول ماسنجر بعد العودة
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: محمد عثمان محمد طه)
|
Quote: وفرحتي بك تزيد علي فرحة أخوتنا (الشيوعيين) بمؤتمرهم |
اسع في داعي يا دكتور؟!!!!
نحنا لازم نعمل مؤتمر للظلامين ونطالب بكري يحدد لينا آل البيت وطيور الجنة في محميته
عشان ما نفتكر الموضوع حرية راي وجهات نظر نجي نلقى نفسنا متربسين...
شكرا للمكالمة والتحية للدكتورة والامورة حميدة دا دسيتو وين؟
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: د.نجاة محمود)
|
الصديقة العزيزة نجاة محمود ازيك يا حبيبة زمن طويل كيف العيال ؟ والحال ؟ مشتاقين وبركة الجيتى بت امى وبالمناسبة هذا العام يصادف العام الاربعين لانشاء المعهد العالى للموسيقى والمسرح فكرت اعزمكم يالخريجين لحالة تفاكر حول مسيرة المعهد لكن لسه ما عارفة الصيغة تكون كيف؟ خلينا متواصلين
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: د.نجاة محمود)
|
الف مرحب د. نجاة أو بيان صدقيني ما مهم الاسم المهم عودة القلم و الفكرة و الشخصية تحت أي مسمي ما فرقت . البورد نور و يااااادوب الواحد يرجع يحس بي حلاوة البورد و النقاشات الهادفة و الونسات الطاعمة و كل الاسباب الخلتنا نتمني نبقي أعضاء و نجاور الناس الحلوين ديل .
مرفق ودي و أحترامي
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: بدر الدين اسحاق احمد)
|
Quote: وماشاء الله بورداب جــداد ( فاقعين مرارة البورداب القدام ) |
اها ديل الانا عاملاهم تارجت بالصورة دي قرقرقرقرر ما تجو تخربو علينا يالقدام بالله تجيبو لينا مواضيع تخرب باسوردنا الباسورد دا اهرقنا فيه كرامة ياخي.. تاني بيان بس رومانسيات ساكت ونتم الكتابة صور بس..
قرقرقرقررر
غياتو اشاعة البورد اتملى ظلامين دي غريبة خلاس ياخي المستنيرين كارتتنا لغاية ما يتربسونا..
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: Rihab Khalifa)
|
مليون مرحب بالعزيزه دكتوره نجاة ,, قبل دقائق وأنا أتصفح وجدت لك مداخله فى أحدالبوستات , وأستغربت كيف لهذه الفارسه أن تعود بهذا الهدوء وهذا التواضع , وبحثت فى الصفحه الاولى عن أى خبر يفيد عن عودتك ولم أجد , وأظن أن هذا البوست كان وقتها فى الصفحه الثانيه , لذا قمت بفتح بوست بالاعلان عن قدومك ومادريت أن الدنيا قامت وقعدت هنا , وكل ذلك سببه غيابى يوم أمس عن المنبر . سعادتى والله لاتوصف يادكتوره برجوعك إلى هنا فأنت وقليل من أمثالك من يجبرونا على البقاء هنا . لك كل التحايا والتقدير
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: د.نجاة محمود)
|
الدكتورة الفضلى أختنا وبنتنا العزيزة
والله فترة ما لقينا حاجة منك مكتوبة ، قرضنا مكتبتك قرض ، وكانت فرصة اتفرغنا ليها
وياما فيها من كل شىء
فعلا تستحق المراجعة والقراءة بتوءدة
هلت لنا البشائر ودمت لبوردك وأخوانك ووالله كلهم أنا شاعر وعارف بيعزوك شديدة وفقدوك الفترة الفاتت
سلامى لأسرتك ولكل زملائك ومن فى البوست والبورد
صديق ضرار
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: esam gabralla)
|
سلام يا عصام الزول في فقه اهل الظلام لما يفرح بقول متا ودخلت الجنة ولا زارنا النبي
Quote: بيننا نقاش بدا في سودانيات و لم يتواصل لظروف مفهومة اتمنى ان يتوفر لنا الوقت لمواصلته بهدوء |
باذن الله ما يحصل الا خير ويكون نقاش هادي جدا... ووممكن تفتح بوست جديد
احترامي لك..
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: د.نجاة محمود)
|
كية لي أنا? مرة مسكوا ديك في مشروع انتحار..سألوه مالك? قال : كل ما نربي كتكوت يكبر يفوت!
حمدلله على السلامة يا خالتي طوق نجاتو و نور حياتو أو كما صدح صلاح مصطفى : يا حبيبي قلبي عندك و انت عندو.. فقال صاحب المزاج: طيب وين المشكلة? مشتاغووون فرحي بيهم زاد ملا المكان الشاغر ...................
Quote: مرحب يا أم النسب .. |
ابوالنيذ بطل سلبطة ياخ!
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: د.نجاة محمود)
|
Quote: هوووووووووي كراعك مكوة انت كدي النقعد ذي سنة كدا وربنا يعدي بسلامة المؤتمر الخامس ونجي بعداك نصاحب,,,
سمح؟ |
يا دكتورة المقلد السجمان بردد و را سيدنا مصطفى بتصحيف واضح : ما عدى فات زمن الوسامة . . . بح خلاس
خمسة و خميسة في عين الما يصلي على النبي . . . . كدي خلينا منو اسي
و الله بالجد احزني شومي على الصحوبية داك . . .
في الاثر " برضو " في زمن غابر ، إثر احباط محاولة انقلابية فاشلة اقيمت محاكم و نصبّت اعواد المشانق للمتآمرين . . . واحد منهم في استئنافه حكم الاعدام الصادر بحقه قال للملك " المفدىّ " العائد في اقل من تلاتة دقائق " هل هذا جزاء احساني " - سأله الملك و ما احسانك ؟ - قال في صحيفة مرافعته النهائية " انا يا سيدي نحس و شؤم بالميلاد و الله و ماكنت في امرٍ و نجح قط . و انضمامي لهذه المجموعة هو ما عجل بنصرك الميمون "
سمحة العافية و بالله ما تغيبي و لا تسمحي بتغييبك ، البورد بلاك ما ليهو طعم
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: قيقراوي)
|
Quote: و الله بالجد احزني شومي على الصحوبية داك . . . |
لووووووووووووووووول
والله مسكت نفسي من احوم بالاسافير واهتف يا البرلوم كراعك شوم..
لكن اقوليك حاجة يلا تعال نجازف و نبقى اصحاب ونجرب كان تاني اتربست يبقى الا نوديك الفكي ونجيب ديك اسود عذراء امه بت عم ابوه عشان يتفكى ساجورنا.. (وش ضاحك)
| |
|
|
|
|
|
|
Re: حالة شراء فستان العيد بعد العيد وشكر وعرفان (Re: د.نجاة محمود)
|
أختي د. بيان تأخرتِ كثيراً حمداً لله على سلامة عودتك لا أحد يمكنه أن يسد الفراغ الذي تتركين أنظري كيف "سالت مشاعر الناس جداول" ولتحمدي الله أن جعل أفئدةً من الناس تهوي إليك
Quote: يعلم الله المنبر نور |
يعلم الله
---------------------------------- ... وسامحينا على التقصير
| |
|
|
|
|
|
|
|