|
Re: يا أخوانا الفار دا أعمل معاهو شنو ؟!!! (Re: ناذر محمد الخليفة)
|
يا عماد ..
Quote: يا أخوي أحسن حاجة الفار ده تجيب ليهو قطعة صفيحة قوية وتثبتها في الأرض بمسامير وتخت فيها غراء لاصق معد خصيصاً للفيران وتخت فيها قطعة لحمة وقطعة طماطم وبصلة ولما يجي يدخل علشان يأكل الغراء بيمسك في رجليهو وتاني ما بيقدر يتحرك لا يمين ولا يسار ويظل واقف كده إلى أن يموت . أها جربها وأديني رأيك والله أنا مجربها وناجحة 100% . وربنا يحل زنقتك دي وتعدي على خير . وســلام . |
لو عاينت في الصفحة الأولى حا تلقى رابط بتاع فيديو فيهو طريقتك دي لكن المشكلة إنو الفار بتاعي دا ما أم سيسي (جقر وكدة) والطريقة دي ما بتنفع معاهو لأنو حا ينفض رجلينو من الغراء ويتخارج زي الما حاصل حاجة ..
لكن برضو حا أجرب الطريقة دي بس خايف أمشي السوق أقول لي صاحب المحل : عندك غراء لاصق بتاع فيران يقوم يقول لي : داير تقبض بيهو شنو ؟!!
| |
|
|
|
|
|
|
Re: يا أخوانا الفار دا أعمل معاهو شنو ؟!!! (Re: ناذر محمد الخليفة)
|
جمال هباني ...
Quote: يااخوي انت فتشت شنط الهند الجبتها معاك ولا لسه لانو الفار بالمواصفات دي ما شفناه الا في كلابا في مدينة بومبي وبسك الكديسه كمان وبيكون احوص كل عين في اتجاه .
|
وعندنا كمان في شفاجي نقر في بنقلور الفار تعاين ليو تقول دا بيبي كنجارو من شدة ما كبير بس الظاهر هو عامل هدنة مع الكدسة لأني والله شفت بي عيني دي الفار قاعد قدام القهاوي وتجي الكديسة مارة بي قدامو كاسرة عينا وهو يحمر ليها زي التقول ما سك عليها حاجة !
| |
|
|
|
|
|
|
Re: يا أخوانا الفار دا أعمل معاهو شنو ؟!!! (Re: ناذر محمد الخليفة)
|
يا أخوانا دقيقة لو سمحتو !!
المداخلة الجاية دي ممنوعة لي أقل من عمر تمنطاشر سنة !!
جاني إيميل في هو صورتين وتعليق وأنا حا أنزلو بي ضبانتو بدون تعليق من جانبي !!
Quote: اوعك يا ناذر تخت الشرك للفار الضكر تقوم تقع فيهو الفاره الانتايه ، و يقوم الوغد يستغل الفرصة |
صنفرة :
قولو معاي سبحن الله !! ولا حياء في العلم !! حتى الغدر والإنتهازية صفة موجودة عند الحيوانات !!
| |
|
|
|
|
|
|
Re: يا أخوانا الفار دا أعمل معاهو شنو ؟!!! (Re: ناذر محمد الخليفة)
|
أبو بكر سلامات ..
Quote: ياناذر .. بس اغيب كام يوم تقوم تعلن الحرب وتحرك القوات ... انا وزير دفاع اونطة ؟؟؟
|
لا لا ما أونطة والله ..
شايفك مشغول واقف ألف أحمر في بوست سفارة البحرين داك فقلت ما أشتت جهودك وتركيزك في موضوعي الفارغ دا ...
بعدين الحرك القوات صحبك مولانا عادل أنا فاري ما حركتو من مكانو
| |
|
|
|
|
|
|
Re: يا أخوانا الفار دا أعمل معاهو شنو ؟!!! (Re: ناذر محمد الخليفة)
|
Quote: بعدين الحرك القوات صحبك مولانا عادل أنا فاري ما حركتو من مكانو |
يا ناذر شوف ناس ملا عادل جماعة البنتا قووون دييل والافباباي دائما بيدخلو في شغلنا ولازم البيت الاخدر يقف موقف حازم والفار ما يدخل جحرو ابدا ابدا وتحت اي ظرف وتهديد .. اما بخسوس موقعة البحرين فخلينا ليهم العلبة فاتحة اليسدوها كان بيقدرو؟؟؟
| |
|
|
|
|
|
|
Re: يا أخوانا الفار دا أعمل معاهو شنو ؟!!! (Re: ناذر محمد الخليفة)
|
فيصل رشوان ..
Quote: العزيز ناذر إنت مش في حاجة إسمها الفارة بتقوم في العضلات بس يكون الفار ده قاصدها .
وإنت زي ما شايف ظاهر عليك عضلات تبش . |
يعني الفار دا يكون داير يندرع لي في عضلاتي ولا شنو يعني
Quote: وإنت زي ما شايف ظاهر عليك عضلات تبش |
يا زول ما تلاوز شوية تبشات من السوق أكلنا
| |
|
|
|
|
|
|
|