|
|
|
 Re: وأخيرا ... ناذر الخليفة يخطو نحو القفص الذهبي ألف مبروك (Re: محمد عبدالله هارون)
|
معقووووووووووووولة يا ناذر أنا آخر من يعلم؟؟؟؟؟
والله باااااااااااااالغت عديييييييل ؟؟!!!
وكمان عملت قعدة وهلجرا وصورة..
إنشاء الله مدثر اسماعيل كان في كمان؟؟
لكن البوست شكلو اتفتح يوم الخميس بالمساء لأني طلعت من المكتب الساعة 5 مسا ويوم الجمعة عطلة طبعا...
لكن يا عمك الجاتك في عرسك سامحتك ...
دقسته وإتلحسته يافردة...
تاني والله إلا تزوغ وتجي خاشي هنا.
بس أوع تشتري ليها مفراكة وجذمة كعب عالي ...
ألف مليون مبروك وعقبال الدكتوراة وجعلها الله أمطار خير وبركة.
الإمضاء:
أخوك الداير يعرس ومالاقي
مبشر
| |
 
|
|
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
وضاحة كيفك ..
Quote: دي أول مرة أدخل فيها لبوست خاص بناذر...
مع اني متابعه كتاباته من بعيد لبعيد...
وسعيدة جدا بالفرصة الجاتني دي
.
.
.
.
.
مبروك يا ود حلتنا
ربنا يتم ليك على خير ويسعدك...
ما تنسى تعزمنا عشان ما نضطر نجي ضهب.. |
وإنتي قالولك بوستاتي بتعضي ولا شنو ما بتخشي فيها 
الله يبارك فيك يا بتنا وإنشاء الله كلكم حا تجيكم دعوات خاصة يوم المناسبة ..
| |
|
|
|
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
الجميل البحيراوي ..
Quote: العزيز ناذر تحياتي وأمنياتي الطيبة بحياة مليئة بكل ما هو جميل وممتع في مسارك الجديد من عمر الحركة الإجتماعية وللعلا دوماً
وإنشاء تغلبك بالعيال وتغلبها بالمال . والليلة يا ود الدلال القوة والعز رجال
وبارك الله في من أسمعنا هذه الموسيقي الجميلة
|
الله يبارك فيك واخجلتني بالثناء والدعوات ..
يديك الفي مرادك بإذن الله
| |
|
|
|
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: hajhamad)
|
كيفك يا طارق ..
Quote: كلمنا بمواعيد العرس
عشان نعمل ليك شيرنق ونرسل ليك الشيلة من بورداب الرياض
وكمان ننسق الاجازة ونحضر الربة
بس لازم الفنانة تكون ديامية |
أيي عليك الله داير لي شيلة كااربة بس ما تكون من سوق ستة فرع الرياض
طبعا الفنانة حا تكون ديامية إنت قايل الفنانات في البلد دا ساكنات وين
| |
|
|
|
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: hajhamad)
|
أستاذ صلاح الباشا ..
Quote: عزيزنا وحبيبنا ناذر العريس
سلاااام من داخل الخرطوم من تااااني
وجيناكم يا حبايبنا بعد غربة وشوق
سعيدة هي تلك الفتاة التي أخذتك منا .. وسعيد أنت إذ قررت الدخول لأجمل مافي الحياة
والماضاقو .. يضووووقو ، كما تقول حبوباتنا
وجاهزين جاهزين بالفنانين
|
الله يبارك فيك .. إتلفت في لقاء البورداب ما شايفك وامبارح في دار المشاهد جيت عشان اقابلك برضو ما في .. إنشاء الله خير !!
الله يبارك فيك ومستني منك لستة الترشيحات بتاعت الفنانين
| |
|
|
|
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
بريمة كيفك ..
الله يبارك فيك بس الصورة عندي ما ظاهرة ..
Quote: ناذر
شكلك عملتها جد جد .. بالعديل والزين ..
والفرح عندنا بهذا الثنائى: Mariah Carey & Witney Houston
ما تخاف من الخلاعة بأمكاننا طلب مواصفات زى المغنيات والفرقة المرافقة .. |
يا زول مالك داير تجيب لي روحك الشبهة بي سيرة المغنيتين ديل هسي يجيك دينق ناطي بالعبار بتاعو ويقول ليك (عامل لينا فيها كوز وانت مباري الفنانات من بار لي بار) !! ويقوم يشربك من عبارو بالرجالة المرة دي طالما انو بالحسنى إنت ابيت تقتنع
| |
|
|
|
|
|
|
|
|
|
Re: وأخيرا ... ناذر الخليفة يخطو نحو القفص الذهبي ألف مبروك (Re: بكرى ابوبكر)
|
ابو النذير
كل ما ابارك ليك في صفحة القاها انقلبت
عقبال الصفحة العاشرة ويثبت فوق جمب حافظ للتحويلات المالية
اسمع 00 طالما المهنئين ديل كتار كدا عندي ليك فكرة
خلي بكري يعدل العنوان ويكتب
وأخيرا ناذر الخليفة يخطو نحو القفص الذهبي والعاقبة عندكم في المسرات
وانا بجيب الكشف والعلبه واقعد ليك في طرف البوست
بعدين خيانة مافي 00 نص بالنص
انا مش صاحب الفكرة
| |
|
|
|
|
|
|
| |
عمر عبد الخالق سعيد
على محمد على بشير
أبوذر بابكر
Ishraga Haimoura
AnwarKing
abd elmniem musa
Hani Arabi Mohamed
ناصر جبريل
tariq
إسماعيل وراق
wadda7a
Hussein Mallasi
البحيراوي
Ahmed Daoud
JAD
إسماعيل التاج
محمد الامين محمد
ناذر محمد الخليفة
تولوس
hatim
bayan
عبدالرحمن عزّاز
طارق عبد اللطيف نقد
Abulbasha
نيازي مصطفى
خدر
Biraima M Adam
الملك
sharnobi
hajhamad
طارق أحمد خالد
محمد امين مبروك
showgi idriss
فيس بوك
تويتر
انستقرام
يوتيوب
بنتيريست