بكري أرجو منك تفعيل قوانين المنبر ضد المتجاوزين .. محمد سليمان نموذجاً

Quote: طيب ما في مشكلة يا سيد سليمان الدارفوري الما مغفل ! .. كدا كويس ؟ عميل كيزان : انا آسف على الكلمة دي لأنك انتا في الحقيقة كوز ولست عميلاً لهم، ومش كوز انتا موز مرفود من التنظيم الحالي (المؤتمر الوطني). يبقى من حقك أن تزعل لمن توصف (بعميل)، انتا ما عميل انتا أصيل وحقك عليّ. ولست انا من جعلك هكذا : الانضمام إلى العدل والمساواة هو السبب الرئيس في وصفك بالكوز، حينما تعلن براءتك منهم يمكنك التحدث حينها عن حقوق الانسان والمساواة والعدل وحينها يمكنك أيضاً ان تطالب بالاعتذار لوصفك بالكوز. أما بقية تخاريفك، فأنت ادعيت، ومعلوم أن من أبسط قواعد العدالة في هذه الدنيا أن يقوم المدعي باثبات ادعاءه وألا يطالب المدعى عليه أن يثبت براءته إلا في محاكم الجنجويد وقانون الغاب، لذا يجب عليك يا فتى ان تثبت ما أدعيت، عرفتا يا بطل يا سيد الفهم ! Quote: رجل أمن ما نبذة .. دي وظيفة. بالضبط كدا، وعشان كدا انا بقول ليك حاول تحافظ على وظيفتك، لأنك كان اتفضحتا وانكشفت أوراقك حيرفدوك، أو بالعدم حينقلوك من كالفورنيا لي حتة تانية يمكن تكون دارفور .. ما معروف ! وطبعاً دا كلو انا ما أتطرقتا لي احكام البرج العاجي مثل أن دارفور تحترق وليس فيها موطيء قدم لانسان، وأن الحياة هناك محفوفة بالخطر والموت يحيط بالناس في كل لحظة وكل ثانية، عليك الله يا محمد سليمان أمشي الكلام دا سوّقوا لي سادتك الأمريكان يمكن يتعطفوا عليك ويدوك القرين كارد الراجيها ليك 10 سنين، لكن ما تجي تقولو لي ! عدد العاملين الانسانيين في دارفور يقارب الألفي موظف ! يعيشون حياتهم اليومية في الولايات الثلاث لدارفور. هناك 3 رحلات لطائرات الأمم المتحدة UNHAS تنطلق من الخرطوم كل يوم نحو نيالا الجنينة والفاشر، هذا غير الرحلات الداخلية بين مدن الاقليم. وممكن تمشي تشوف الخواجات بيلعبوا في الكرة الطائرة في نادي الصليب الأحمر في الجنينة، ولّا يمكن تمشي زيارة برضو لي مدينة الـ WFP صدقني حتجيك صدمة حضارية اكتر من الجاتك في كالفورنيا، الأمم المتحدة تبني في مدينة إسمها WFP CITY سيكون فيها حتى أحواض السباحة والجاكوزي ! مستوى الخطر في دارفور حسب معايير الأمم المتحدة هو Level 3 هناك 4 و5 وهي مراحل الخطر الحقيقي التي يمنع فيها التحرك داخل الاقليم ويتم ترحيل العاملين الدوليين خارج الاقليم أو الدولة. وهاك اللجوء السياسي دا، قال ضرب النار ما مخلي زول يتحرك في دارفور ! واصل بالله تهريج بس عليك الله هرج بعيد أنا مصفح ضد تهريجكم زكرتني مديرة المدرسة الجاتنا في الشغل قالت لينا أنا لاجئة من دار زغاوة الجنجويد كتلو أسرتي وبعد فترة اكتشفنا انها مديرة مدرسة في الفاشر (يخس على التربية)، دي بس تكون اتعلمت منك الفنيات أما الموهبة فهي فطرية ! دا غير موهبة الحصول على الاغاثة وبيعها في سوق نيالا، تصدق نيالا هسع ما بتستورد حبة ذرة من برة، كلو من معسكرات النازحين والحمد لله .. ياللا الرازق يرزق والحاسد يحسد ! عيب والله فضحتونا مع العالم. لو كان الجوع رجلاً لقتله علي بن أبي طالب