|
أطالب ببدل مرض
|
أحسني كما السكران ديما،،، الذي صحى دقائق قليلة ليشتري المعلوم،، فأخبره التاجر الذي قلب دكانه محلاً لبيع الأسماك،،، بأنك وين يا زول،، ما عرفت أنه الحكومة قررت وقف ومنع البارات،، فرد السكران مستاءاً ،، بالله أزهري ده مجنون. أحسني كأهل الكهف استيقظت بعد سبات طويل لأجد البورد اتغير وكلاً حمل عكازه يدافع عن افكاره بأن (لبيك يا قناعاتي)،، ليس هذا فحسب بل (لبيك يا قناعاتي) بحمرة عين وارهاب فكري والفاظ جارحة وسيول من الاتهامات مرة بعدم الفهم ومرة بالخواء ومرة مرة بالتزعزع الفكري ومرة بالكفر ومرة بالإمبريالية (يعني شنو امبريالية دي بالمناسبة؟)
وفي غمرة دهشتي بهذا التدفق الفكري الغزير والدفاعات المستميتة عن القناعات،، اصدمت بأحد الردود فتخيلت صاحبه ماسك في خناق رقبتي ، حاملاً عكازاً ضخماً،،، مقلعاً عيونه الحمر،، ممرمطاً لقلبي الرهيف ،، ولسان حاله يقول (قولي،، قولي،، يقلقلك الحر إن شاء الله،، قولي اني عندي حق يحقن دمك يا مبشتنة) ومبشتنة دي من عندي الحقيقة هو في الحلم الخيالي الذي راودني لم يقلها عشان ما ندخل في حق الله. لا لا لا لا لا،، والله (حق الله) ده ما اتجاه ولا مذهب ولا فكر ولا ديانة،، دي حق الله ساي كده.
والله حقيقي (وحقيقي دي ماذي (الحقيقة) بتاعت مذيعين التلفزيون) حقيقي والله البورد الأيام دي مرضني ورفع ضغطي عديل كده...والخنقة الاتخنقتها دي جابت لي أبو الشهيق. يا أخوانا باركوها ياخي مرضتونا. المات الله يرحمه. الداير يصلي يصلى. الداير ما يصلى الله معاه. حتى الداير يلبس الجزمة الاول بعدين الشراب خلوه مش شرابه ومش جزمته؟! أها أنا في غمرة انشغالكم باثبات قناعاتكم وافضليتها،،، اطالب انا زاتي (مالي ما عندي تطلع ديني وانبثاقة فكرية)أطالبكم بدفع تعويض رسمي بدل مرض وشلل اهتزازي اصابني من جراء متابعتي لما يجئ في البوستات الأيام دي،، مع اني ما بفهم فيها كويس لكن مرضتني عديل.
كما أنني اشجب،، اقصد استغل هذه السانحة (الحقيقة) ، والسانحة دي هي جنكم الخلاكم تقروا الكلام ده حتى هذه النقطة،، استغل هذه السانحة ،،وأطالب كل من انسدت نفسه وبطنه طمت وأصابته عقدة نقص قناعاتي،، أن ينضم إلى هذا البوست البص ،برسم اشتراك قدره قرش واحد،، على أن لا يكون هذا القرش ينتمي لأي جهة،، يعني لا يكون أمريكي،، لا اوروبي لا افريقي، لا استرالي،، حتى لا نتهم بالعولمة،، ولا يكون إسلامي،، حتى لا نعطي الإنطباع بالإرهاب. خلوه قرش فاقد الملامح ممسوخ يمسخ شيطانكم ده إن شاء الله.
ولكي نكون واضحين من البداية،،البوست ده ماشي الكلاكلة صنقعت،، ما دنقرت طيب؟ وكل سنة وانتوا طيبين الناس ماشة تحج وانت ماشين وين ما عارفة. هدانا الله وإياكم.
|
|
|
|
|
|
|
العنوان |
الكاتب |
Date |
أطالب ببدل مرض | بت قضيم | 01-19-04, 08:34 AM |
Re: أطالب ببدل مرض | shiry | 01-19-04, 08:50 AM |
Re: أطالب ببدل مرض | tmbis | 01-19-04, 11:04 AM |
Re: أطالب ببدل مرض | بت قضيم | 01-19-04, 09:58 AM |
Re: أطالب ببدل مرض | Tumadir | 01-19-04, 10:02 AM |
Re: أطالب ببدل مرض | nazar hussien | 01-19-04, 10:12 AM |
Re: أطالب ببدل مرض | بت قضيم | 01-19-04, 01:25 PM |
Re: أطالب ببدل مرض | shiry | 01-19-04, 10:14 AM |
Re: أطالب ببدل مرض | Tumadir | 01-19-04, 10:35 AM |
Re: أطالب ببدل مرض | shiry | 01-19-04, 10:41 AM |
Re: أطالب ببدل مرض | بت قضيم | 01-19-04, 11:05 AM |
Re: أطالب ببدل مرض | nazar hussien | 01-19-04, 11:22 AM |
Re: أطالب ببدل مرض | ايهاب | 01-19-04, 12:47 PM |
Re: أطالب ببدل مرض | tmbis | 01-19-04, 01:00 PM |
Re: أطالب ببدل مرض | Tumadir | 01-19-04, 12:51 PM |
Re: أطالب ببدل مرض | maia | 01-19-04, 01:01 PM |
Re: أطالب ببدل مرض | Tumadir | 01-19-04, 01:05 PM |
Re: أطالب ببدل مرض | الجندرية | 01-19-04, 01:06 PM |
Re: أطالب ببدل مرض | tmbis | 01-19-04, 05:02 PM |
Re: أطالب ببدل مرض | Tabaldina | 01-19-04, 01:34 PM |
Re: أطالب ببدل مرض | ايهاب | 01-19-04, 05:18 PM |
Re: أطالب ببدل مرض | ملكة سبأ | 01-19-04, 06:33 PM |
Re: أطالب ببدل مرض | tmbis | 01-19-04, 08:32 PM |
Re: أطالب ببدل مرض | الطيب بشير | 01-19-04, 09:04 PM |
Re: أطالب ببدل مرض | dreams | 01-19-04, 09:41 PM |
Re: أطالب ببدل مرض | Ehab Eltayeb | 01-20-04, 06:22 AM |
Re: أطالب ببدل مرض | بت قضيم | 01-20-04, 08:11 AM |
Re: أطالب ببدل مرض | nazar hussien | 01-20-04, 08:49 AM |
Re: أطالب ببدل مرض | Kabar | 01-20-04, 08:33 AM |
Re: أطالب ببدل مرض | الجندرية | 01-20-04, 10:41 AM |
Re: أطالب ببدل مرض | Kabar | 01-20-04, 10:52 AM |
Re: أطالب ببدل مرض | ملكة سبأ | 01-20-04, 08:48 PM |
Re: أطالب ببدل مرض | bayan | 01-21-04, 06:49 AM |
Re: أطالب ببدل مرض | بت قضيم | 01-21-04, 07:58 AM |
Re: أطالب ببدل مرض | ايهاب | 01-21-04, 08:18 AM |
Re: أطالب ببدل مرض | بت قضيم | 01-21-04, 08:21 AM |
Re: أطالب ببدل مرض | بت قضيم | 01-21-04, 08:25 AM |
Re: أطالب ببدل مرض | nazar hussien | 01-21-04, 08:59 AM |
Re: أطالب ببدل مرض | ASAAD IBRAHIM | 01-21-04, 09:08 AM |
Re: أطالب ببدل مرض | HAMZA SULIMAN | 01-22-04, 10:08 AM |
Re: أطالب ببدل مرض | Tabaldina | 01-25-04, 07:25 PM |
Re: أطالب ببدل مرض | Osman Hamad | 01-25-04, 10:04 PM |
Re: أطالب ببدل مرض | بت قضيم | 02-09-04, 01:05 PM |
Re: أطالب ببدل مرض | Tabaldina | 02-09-04, 01:22 PM |
|
|
|