إلى الأخ علاء سيد أحمد مع عظيم المودة والاحترام

Quote: يا أخ علاء * عدم المعرفة ما عيب ، كونك تقول ما بعرف معلومة عن الشيء الفلاني ، دا ما عيب ، لكن العيب هو إدعاء المعرفة مع الجهل ، العيب هو التمادي والإصرار على الخطأ . * في مداخلتي الفوق دي ـ لمن قلت ليك ما بعرف شيء عن قصة الإتحاد والحلول ـ ال انت جبتها دي ، فعلاً ما بعرف عنها شيء ـ المصطلحات دي سمعت بيها لكن ما بعرف عنها شيء . * بيقولوا : الإتحاد بيعني ـ إتحاد ذات العبد مع ذات الله . * والحلول بيعني : حلول ذات الله في ذات العبد . * دي المعاني ال عندي عن الكلمتين ديل ـ ولا أعلم هل فعلاً دا المقصود منها أم لا ؟! ، أكتر من كدا ما بعرف عنهم شيء ، وقلت ليك لو بتعرف كتاب للجمهوريين بالخصوص دا ، ورينا ليهو ـ نطلع عليهو ـ للفائدة ، لأنك مُصِر انو الفكرة بتقول بالإتحاد والحلول .