|
Re: كيف تصبح فكي في أسبوع وبدون معلم (Re: بت قضيم)
|
اول شيء اعجبني الفكر الفلتر وكنت اود لو يذهب لقرية في غرب المناقل بالجزيرة كنت قد ذهبت اليها وعند حضوري أعطوني ماء في كاس رائعة جداً فقلت لهم اول شيء لو سمحتوا أدوني موية سادة قالوا لي دي الموية السادة طبعاً الموية طاقاها غبشة بطالة جداً وكنت أحسبها عصير ليمون هؤلاء الناس الكرماء يعانون من ترسبات كثيرة في ماء الشرب وهذا الفكي لو فيهو خير يمشي يسكن مع هؤلاء القوم بجوار صهريج الماء لكي يفلتر لهم ماءهم
ابن عمي الذي ذكرته لكم سابقا انه ذهب الجنوب واستشهد طبعاً جاء راجع وعذبنا مرتين مرة عند وفاته ارسلنا حق الفراش والمصاريف التي بعد رفع الفراش ولمن ظهر مرة أخرى قال عاوز يعرس تاني ارسلنا الشنطة والريييييييييحة الريحة دي لمن أكتبها ياجماعة ضغطي برتفع حا افرد ليها بوست خاص انشاء الله طبعاً الشاب المحترم دا شيطان جداً مرة لقى منديل في الأرض طوالي مسح بيهو وجهو من العرق اها الوجه تورم وأصبح كأنه ممسح بي خميرة اها وديناهو الدكتور اعطاه مرهم وقال ليهو تستعملوا لمدة اسبوع الجماعة جو الصباح قالوا ليهو لازم تمشي للشيخ المنديل دا بيكون بتاع واحدة جنية اها مشى للشيخ اداهو موية من الابريق وقال ليهو الابريق دا ذاتو شيلو معاك تمسح كل يوم من الموية الباردة دي شوية اها الراجل يمسح بالموية وبالكريم اتعالج 00 لكن اكيد من مرهم الدكتور اها النسوان لمن شافن الشغلانية بالطريقة دي بدان يتكالبن عليه ويديهن من موية الفكي دي العاوز ولد أخذت ليها جغمة الراجلها مشاكلها أخذت ليها جغمة الزوجها مغترب وعاوزاه يتلم معاها أخذت جغمتين طبعاً الناس بدل مايسافروا للفكي ويخسروا عشرة آلاف ماشي وجايي ودعمي حل المشكلة وكل يوم من الصباح يملأ الابريق من الزير البشرب منه الحمار وهاك يازحمة ناس اها ما قلت ليكم الفكي شاف لمدة شهر كامل ناس الحلة انقطعوا منو قام رسل واحد من الحيران قال ليهو امشي اتشمشم شوف الحاصل شنو الفكي بعد كدا عرف القصة كاملة من الحوار اها بعد يومين جاء بي عكازو لود عمي وقال ليهو اسمع انت قطعت علي رزقي والله تاني تبيع من مويتي دي ماعندي ليك اي طريقة الا ناس الشرطة الشعبية
|
|
|
|
|
|
|
العنوان |
الكاتب |
Date |
كيف تصبح فكي في أسبوع وبدون معلم | almulaomar | 01-15-03, 08:44 AM |
Re: كيف تصبح فكي في أسبوع وبدون معلم | الجندرية | 01-15-03, 08:56 AM |
Re: كيف تصبح فكي في أسبوع وبدون معلم | almulaomar | 01-15-03, 10:14 AM |
Re: كيف تصبح فكي في أسبوع وبدون معلم | أبوالزفت | 01-15-03, 09:40 AM |
Re: كيف تصبح فكي في أسبوع وبدون معلم | almulaomar | 01-15-03, 10:22 AM |
Re: كيف تصبح فكي في أسبوع وبدون معلم | أبوالزفت | 01-15-03, 11:17 AM |
Re: كيف تصبح فكي في أسبوع وبدون معلم | almulaomar | 01-15-03, 02:34 PM |
Re: كيف تصبح فكي في أسبوع وبدون معلم | البعيو | 01-15-03, 11:57 AM |
Re: كيف تصبح فكي في أسبوع وبدون معلم | almulaomar | 01-15-03, 02:46 PM |
Re: كيف تصبح فكي في أسبوع وبدون معلم | almulaomar | 01-16-03, 09:40 AM |
Re: كيف تصبح فكي في أسبوع وبدون معلم | بت قضيم | 01-15-03, 12:44 PM |
Re: كيف تصبح فكي في أسبوع وبدون معلم | almulaomar | 01-15-03, 03:10 PM |
Re: كيف تصبح فكي في أسبوع وبدون معلم | أبوالزفت | 01-15-03, 01:20 PM |
Re: كيف تصبح فكي في أسبوع وبدون معلم | البعيو | 01-15-03, 05:40 PM |
Re: كيف تصبح فكي في أسبوع وبدون معلم | almulaomar | 01-16-03, 07:45 AM |
Re: كيف تصبح فكي في أسبوع وبدون معلم | smile | 01-16-03, 11:59 AM |
Re: كيف تصبح فكي في أسبوع وبدون معلم | almulaomar | 01-18-03, 09:18 AM |
Re: كيف تصبح فكي في أسبوع وبدون معلم | Ahmed satoor | 03-09-03, 02:20 PM |
Re: كيف تصبح فكي في أسبوع وبدون معلم | بت قضيم | 01-18-03, 11:46 AM |
Re: كيف تصبح فكي في أسبوع وبدون معلم | ابوحراز | 01-18-03, 07:04 PM |
Re: كيف تصبح فكي في أسبوع وبدون معلم | almulaomar | 01-19-03, 10:40 AM |
Re: كيف تصبح فكي في أسبوع وبدون معلم | دباش | 01-18-03, 10:25 PM |
Re: كيف تصبح فكي في أسبوع وبدون معلم | almulaomar | 01-20-03, 03:36 PM |
Re: كيف تصبح فكي في أسبوع وبدون معلم | شرير والبرتقاله | 03-03-03, 02:20 PM |
|
|
|