|
شعـر ... آمــال وآلآم
|
سلام وكلام وشوق وملام وكان حاولت أشرح ليك كيف عايشين وكيف الحال ما يغريك قلنا وقال واسمعي من وليد ممكون ولكن للتقيل شيال حابس دمعة المحزون وعازف للفرح موال دحين يالغالية أسمعي لي زمان ياشـطـة قبل سنين كنت وليد طموح ورزين وود الموية كان إسمي لأني معانق الأسفـار يوم في سنجة يوم سنار وتالت يوم حدا الخرطوم وفي الخرطوم عند مقبولة بايت يوم ويوم في الثورة يوم في العمدة قول يومين وسط ناساً عزاز وحنان يشاركوك في الفرح والزين ويعزوك في الترح والشين كنت سعيد وهم الدنيا جادعو بعيـد ماني الزاهد الدرويش إلا كمان ماني النرجسي المخدوع وكل الدنيا في عينو كرش مليـان وبايب ينفث الدخـان يقول نفسي وغيري إن شاء الله بالطوفان * * * * وفي ذات يوم صحيت كالعادة من النوم واتوضيت قبل شوفة الشمس صليت سحبت السبحة واستغفرت رب البيت بعد تسبيحي في برش الصلاة اتمديت سرحـت بعـيـد ... وشلت السبحة أحسب بيها عمري الفات وكم كان فيهو من ضحكات وقدر الفيهو من دمعات وجات حبوبة شايلة الشـاي وقبل الشاي سقتني حنـان حبيبي الدنيا شن فيها .. مالك ..؟ وحد الرحمـن تعال ود أمي أمسـح ليـك دميعاتاً حسـت في الجـوف عمـرك كـم ومتلك شن بجيبلو الهـم ودقنك كان بقت للسرة ياك ولـدي لسة بتحبى في نظري ولسة بخاف وبرجى الرجعة كان شاققت نص الليل ولسة بخاف عليك الوجعة كان عانقت موج النيـل وكان بمناي أشيلك ياحبيـب جــواي محل ما أمشي تمشي معاي يا حبوبة كيفن ما بشيل الهـم وليدك دق في العشرين وحال الدنيا كل يومين يوري فنـون تزيـد الغـم كيفـن ما بشيـل الهـم وشايف داك ود العـم سافـر غـاب ودافر جـاب وفي سـري أقـول ياوالدة لو تدري وليدك عـاشـق القمـرة وتايـه كيف يجيب مهره وكيفن يمـه يبني البيـت بيتاً شرط يكون طابقيـن يشيلكم إنتو والقمـرة وشان يقضي الوليـد غرضو لازم تصبرو وترضو وتسمحو لي أسافر ألحق الشبـان بعد سنتين أجيكم فنجـري وغنيـان وابني البيت يشيلكم إنتو والضيـفـان ولما يخش علي الليل أفرش في سطوح البيت وأكرف من نسايم النيل واغني أضاحك القمرة واقول ليها عشانك إنت كم قاسيت وكم عانيت عشان يالسمحة بيك اتلم هناك القمرة تتبسـم تقول لي إت شقيت ولقيت أشكر ربك الرحمن وعيش الحاضر الزاهر وفكر في جمال بكره وقلب فتش القاموس ما اظن تلقى معنى الهم دحين يا أهلنا خاطركم صحيح الغربة ما بتندار وقالوا الغربة فيها ودار وحال الغربة حالاً حـار حار ما حـار وليدكم للتقيل شيـال مدردح ما بقيف محتـار وكان وصل التعب للروح وشم الدم عقب صبار ودعتكم الله يالغالين وما تنسونا من دعوة قليب شفقـان كان عصروهو كل الفيهو خوف الله ورجى الرحمن ودعتكم الله يالحبان * * * * ركبت الباص وقلت خلاص بديت سكة فراق الهم ولما الباص بدا المشـوار وفات السوق وصل لفة طريق سنار هناك مسكت قلبي الطار وقلتلو وحد الرحمن أركز ماك قليب عصفـور اتقـل جمـد الإحسـاس وصب الدمعة جـوة الجـوف وما تفضحني وسط النـاس وابكـي وقول فراقك سنجـة كان قدري وهمي الشايلو من صغري سـنـجـة هــواي وسنجة غــنــاي وسنجة مــنــاي وريـدي الشلتو في التــاتــاي رضعت هواك في الحبيان وسف الطين وفي لوعة حنين القمري يفري حشاهو جمر البين وفي صـوت السعيـة الراجعة لي جنياتها شايلة الشوق وريـداً في القـليـب مخـزون وفي روعة نسايم الليل وصوت ناياً بعيييييييد وحزين رضعت هواك مع الجنيات وكت عز الجهل والطيش نخش الغابة فرحانين وعشمانين عشانا يكون صدر عصفور سلاحنـا خطيـر نبلة وجيـب ملان برشـام وشبكة وجيب مستف عيـش ويادوب ما نصبنا الشبكة جانا الطير تجيك الغيمة تتوشح سواد الخير ودون إنـذار فجأة القبلي يشلع شـح وصوت الرعدة يرزع روو وصوت الصاقعة يصقع كـوو وهاك يامطـرة تسمـع جـووو نتنطط وتتنطط قـرود الغابة في الأشجار وتبدأ صغارها في الكوراك وتسمع واك وتسمع جـاك وننسـى الطيـر نعـود للحلة فرحانين ونتقسم هناك قسمين جماعة شمال .. جماعة يمين وتبدأ هناك حرب الطين وتـسـمـع طـخّ .. وتـسـمـع لــخّ .. وتـسـمـع أخّ .. تحـاول تجـري تسمـع بـخّ . * * * * ودع سنجـة ماك الكاره الغضبان وماك الهارب المفضوح ومن عين الرجال خجـلان وما خليت وراك مظلوم وما خليت وراك زعـلان ودع سنجة ودع فيها نون قاف نون ناس النصري وأولاد قوتة واحفاد فارس السودان نجـومي للكفر جزار وراية فخرو في شيكان حليل أهلـك مساحـين دمـوعـك يوم تزغـرد فـرحـة الشمتـان وشيالين عديلتك يـوم تـقـيـف ويبشر الشبان وبكايين جـنـازتـك يـوم تـمـوت تـتـوسـد العيـدان ودعـتـك الله يا بلـدي وداع ولـداً محـب ولهـان حابـس دمعـة المفجـوع وسالـك سكـة الضهـبـان وخـوفي الغربـة بكـرة تطـول وأعيـد قـصـة فـلان وفـلان وافـارق طلعـة الغاليـين وتبقـى الرجعـة بعـد سنيـن ده كان مـدّ الإلـه عـمـري وما جـاب الغــراب خـبـري وبكـى الوالــدة والحـبـان وفي غيــر سنجـة كان قـبري
(عدل بواسطة singawi on 09-29-2002, 06:20 PM) (عدل بواسطة singawi on 09-29-2002, 10:47 PM)
|
|
|
|
|
|
|
العنوان |
الكاتب |
Date |
شعـر ... آمــال وآلآم | singawi | 09-29-02, 06:05 PM |
Re: شعـر ... آمــال وآلآم | moody | 09-29-02, 06:20 PM |
Re: شعـر ... آمــال وآلآم | bayan | 09-29-02, 06:21 PM |
Re: شعـر ... آمــال وآلآم | الجعلي | 09-29-02, 11:54 PM |
Re: شعـر ... آمــال وآلآم | منعم | 09-30-02, 03:31 AM |
Re: شعـر ... آمــال وآلآم | قرشـــو | 09-30-02, 10:32 AM |
Re: شعـر ... آمــال وآلآم | singawi | 09-30-02, 03:52 PM |
Re: شعـر ... آمــال وآلآم | bamseka | 09-30-02, 04:38 PM |
Re: شعـر ... آمــال وآلآم | singawi | 10-01-02, 11:22 AM |
Re: شعـر ... آمــال وآلآم | falcon | 10-01-02, 11:33 AM |
Re: شعـر ... آمــال وآلآم | singawi | 10-01-02, 03:06 PM |
Re: شعـر ... آمــال وآلآم | THE RAIN | 10-01-02, 04:26 PM |
Re: شعـر ... آمــال وآلآم | 3bdo | 10-01-02, 04:38 PM |
Re: شعـر ... آمــال وآلآم | singawi | 10-01-02, 09:39 PM |
Re: شعـر ... آمــال وآلآم | singawi | 10-02-02, 10:03 PM |
Re: شعـر ... آمــال وآلآم | noha_g | 10-03-02, 00:15 AM |
Re: شعـر ... آمــال وآلآم | singawi | 10-03-02, 09:38 PM |
Re: شعـر ... آمــال وآلآم | bint algazeira | 10-03-02, 11:12 PM |
Re: شعـر ... آمــال وآلآم | singawi | 10-12-02, 11:26 PM |
Re: شعـر ... آمــال وآلآم | singawi | 10-29-02, 04:03 PM |
Re: شعـر ... آمــال وآلآم | singawi | 10-04-02, 09:39 AM |
Re: شعـر ... آمــال وآلآم | singawi | 01-25-03, 09:17 PM |
Re: شعـر ... آمــال وآلآم | singawi | 04-26-03, 08:21 PM |
Re: شعـر ... آمــال وآلآم | omdurmani | 04-26-03, 08:33 PM |
Re: شعـر ... آمــال وآلآم | singawi | 04-27-03, 02:07 PM |
Re: شعـر ... آمــال وآلآم | Ahlalawad | 04-27-03, 02:18 PM |
Re: شعـر ... آمــال وآلآم | abuguta | 04-28-03, 00:23 AM |
Re: شعـر ... آمــال وآلآم | الشاعر | 04-28-03, 07:12 AM |
Re: شعـر ... آمــال وآلآم | singawi | 05-22-03, 09:09 AM |
Re: شعـر ... آمــال وآلآم | abdelgafar.saeed | 04-28-03, 01:12 PM |
Re: شعـر ... آمــال وآلآم | singawi | 04-28-03, 09:09 PM |
Re: شعـر ... آمــال وآلآم | HOPELESS | 05-22-03, 09:23 AM |
Re: شعـر ... آمــال وآلآم | بدرالدين شنا | 05-22-03, 11:16 AM |
Re: شعـر ... آمــال وآلآم | singawi | 05-23-03, 00:30 AM |
Re: شعـر ... آمــال وآلآم | Husam Hilali | 05-23-03, 10:55 AM |
Re: شعـر ... آمــال وآلآم | singawi | 05-28-03, 10:19 AM |
Re: شعـر ... آمــال وآلآم | singawi | 05-24-03, 05:13 AM |
Re: شعـر ... آمــال وآلآم | singawi | 05-25-03, 05:24 AM |
Re: شعـر ... آمــال وآلآم | Elsadiq | 05-29-03, 10:31 PM |
Re: شعـر ... آمــال وآلآم | alfatih | 05-29-03, 10:59 PM |
Re: شعـر ... آمــال وآلآم | hala guta | 05-30-03, 06:26 PM |
Re: شعـر ... آمــال وآلآم | singawi | 06-01-03, 05:28 PM |
Re: شعـر ... آمــال وآلآم | singawi | 06-02-03, 05:30 AM |
Re: شعـر ... آمــال وآلآم | singawi | 06-03-03, 05:45 AM |
Re: شعـر ... آمــال وآلآم | nasiradin | 06-03-03, 08:17 AM |
Re: شعـر ... آمــال وآلآم | singawi | 06-05-03, 06:29 PM |
Re: شعـر ... آمــال وآلآم | ودبري | 06-05-03, 06:41 PM |
Re: شعـر ... آمــال وآلآم | singawi | 06-09-03, 05:27 AM |
|
|
|