جارتنا بتاعة ( المسيار) جنها دخان نشتكيها ولا ندقها ولا.....!

Quote: الاخ العزيز هاشم قبانى السلام عليكم ورحمه الله وبركاتو انا زول سوداني متابع للموقع وخسوصا مقالاتك المضحكة والساخره واخر حاجة قريتها ليك بوسط (البوقريند السغمبوتي) كتلنا بالضحك والله اعينكم في الغربة واخير ليكم ترجعوا البلد لسع بخير. وارجو منك اخي هاشم ان تنشر لينا الموضوع ده على الموقع وهو موضوع مهم بتاع زولة جارتنا طالبة عمرها حوالي عشرين سنة وهي واحدة عند اهلها وبتقرا في الجامعة وتزوجت سرا (بالمسيار) زول ساكت اكبرمنها امكن بعشرين سنة لا عندو وظيفة ولا شغله يعنى عاطل وساكن في حي تاني وعامل مولانا بتاع دين في مسجد مجاور واخبرك انو زواج المسيار بقى منتشر كتير الايام دي في العاصمة وهو حاجة والله العظيم تلاتا زي حكاية البويفريند عندكم في برطانيا يعني الزول ده ما ساكن معاهم وما شغال وبعدين بجيهم كل يوم لا شايل كيس ولا قفة وبعدين المحرجنا انو البت فاضحانا فضايح كل يوم ناس الحلة تشم فى ريحة الدخان والدخان طالع من بيت صاحبنا اخوها وانت براك عارف ريحة الدخان لمن تطلع من بيت بتعنى شنو والبت دي والله بعيشها اخوها صاحبنا وهو شاب اكبر منها وغير متزوج وهو زول ضكران و صاحبنا ونحن والله زعلانين ليهو وداخلين في اضافرنا كلما نشوف الزول الرمه ابو دقن ده بعد التمرين داخل بيت صاحبنا ولا يهمو وادخل البيت وما امرق منو لا نصاص الليالي وصاحبنا اخو البت اكون قاعد معانا والله ما بدخل البيت الا لمن امرق الزول الرمه ده وهو في حالة نفسية سيئة ونحن متعاطفين معاهو بسبب الحاصل ده وخايفين امكن انتحر ولا اعمل جريمة. فارجوك يا اخوي هاشم ورينا رايكم في الحل شنو و نحن مجموعة قربنا خلاص ندق الزول ده ونطردو من الحلة بس والله مجاملة لصاحبنا ومره مرة قلنا ما في داعي للمشاكل احسن بالسترة ندخل البيت نتكلم مع امهم العجوزة وهي حاجة طيبة وكمان نكلم البت دي نقول ليها ما في داعي للدخاخين المستفزة لينا ولاخوها ولناس الحي ونحن عندنا اخوات محترمات ما بنرضى الحقارة بالله ادونا رايكم ندقو ولا ندق البت ولا نشتكيهم للبوليس ولا نخليهم لالله وخايفين في رمضان ده تقوم تولع الدخاخين نصة نهار والله لو عملتها انا مستعد ادقها وادقو دق العيش والسلام عليكم ورحمنه وبركاتهو؟