اليوم التالي .. أو .. The Day After .. الجلابة صبحو خشومم ملح ملح !!

Quote: تعرف يا اخي العزيز اكتر من 90 % من الاسر الشمالية معتمدة تماما على تحويلات المغتربين و اي بيت تقريبا في واحد او اتنين او كل اولادهم مغتربين ، و لولا المغتربين كان حالنا حيكون اسواء من حال اي بقعة سودانية ، اها وريني عليك الله امتيازاتي هنا وين ؟ وظيفة ما عندي مصدر رزق تاني ما عندي و ما حصل نافع و مصطفى عثمان جو قالو لينا امسكو القريشات دي مشو بيها حالكم ، اراضي صادروها مني و باعوها لاغراب جمارك بدفع زيي زيك ضرائب بدفع زيي زيك رسوم عبور بدفع زيي زيك اهانة شرطة و عساكر و مرور بتهان زيي زيك ، كتل و ابادة انا متاكد لو شلنا عكاز ساكت كان الحكومة رسلت لينا دباباتها و طياراتها و ما بعيد عنك ما حصل في كجبار و امري و ممكن عادي يتكرر في دنقلا و كريمة و شندي نفس الحصل في الفاشر و نيالا لو قلنا بغم . عنصرية كلنا عنصريين لي الطيش و ماف زول في السودان و ماف قبيلة ما شايفين نفسهم احسن من التانيين . يبقى امتيازاتي شنو ؟

(عدل بواسطة Mohamed Suleiman on 07-12-2011, 02:33 AM)