|
|
 Re: تأسيسُ الكوشرثيا: الأمثالُ السِّرْيَّة "2" (Re: محمد قرشي عباس)
|
عمر التاج
يا راجل كيفنّك، وأريتك ومن بي رِدَّك طيبين
شايفك متحاشيني وبوستاتي بألله واحد! وعاذرك وحاة خالتك البتولا بت المُوفَد.
ياخي بنفسي براي، كَرَّرت كتير في أوقات سابقة، وقبلك بشوية قلت لعادل، الرأيو انفصال مخَيَّر. وأنت انفصالي كما يلوح من سيما كلامك هنا، وسيما كلاماتٍ لك ثانية "لو أنا مخطئ، صَحِّحني فوراً، وسأعتذر لك". بس أنكلّمك آعمر، الدعوة للانفصال هذه، ليس لها من طريق، سوى الرؤية السياسية "فقط" ثم "فقط". لو كنت أنا متساهل في شوفي "للثقافة السودانية"، وأرى فيها "إمكانية" و"رؤية" و"جدوى" انفصال، ما كان في داعي بخليني أعاتل المعاتلة التقيلة دي كلّها في "الكوشرثيا" بادئاً ومُرَكِّزاً على الجنوب. وأنجر في المصطلحات وألقِّط في الكلامات، والأحاجي والأمثال، وأشيل وأقرأ وأفرتك، وأفكك، وأفرز محمّد العرب عن محمّد الكوشرثيا الحريف، بل وأدخل في أنواع سجال بخصومة من قِبَل أهلها حَدَّ {الخِلاف ليوم الوِقَاف} أو كما جاء في الكوشرثيا. وعااادي جداً يا عمر، يجيني ود قرابة وود حلّة زيك ويقول لي كلام من بعيييد، بتاع انفصال. ومشفوع بجلاحة إنو الانفصال ذاته ما أدراني إنه "كمان" ح يزيد هذه الكوشرثيا!؟ والحُجّة المُشرعة من قِبَلك لتبرير هذه الزيادة والنَّماء في الكوشرثيا هي {فالانفصال الجغرافي قد لا يستطيع منع الثقافات من تواصلها وتمددها وتعددها}.
دا كلام دا هسّع، في ذمتك دا كلام آعمر!؟
يعني كلامك شِدَّة ما هو ممزِّر الزول يقنع من مسكو، وبس ياهو يبقى مسردب في درب رؤيته ما دام المحاورة حولها من جنس هذه الشاكلة التي تهلك الطاقة بطريقة هينة خلاص. دي جيتك إنت يا ود الحلّة، قول واحد الله.
مالو تاني، ممكن كمان برضو يجيني َصِديق معرفة، ما ود حِلّة زيّك، زي أخوي هاشم الحسن، دييك مداخلته اقرأها. التي يقول فيها ما معناه، إنَّه أمهلني، وما معناه، إنَّه تابَعَ ما كتبت وتأمل ثم تدبّر، ومع ذلك يصف هذه الشَّقات البتفتِّر الرأس والجسد، وتخرب والله حتى مشهاد بيتك، يصفها هكذا {يا عزيزنا قد أركبتنا، بهذا البوست، على أكثر من سرجين، نكاد نقع أو قل وقعنا عن متن الفكر الكان وهيط إلى غيابة جب الغبائن!} شايف الإهمال في الكتابة كيف!؟ إهمال ما بعده إهمال. بوستات أخوي أُمْحَدلحسن بهناك البزرزر فيها الطيرة الطايرة بكوتيشن ملوَّن "بس"، هاشم مسميها "كتابة"، وكلام أخوي أُمْحَدلحسن بأم الألغاز داك، الذي لا يفتأ في دورانية إلى ما يشاء ربّك ذو الجلال والإكرام، ولامن الدورانية ذاتها رأسها يدوش، وبرضو هاشم يسميهو "نقد"! والتثاقف والنقد، ما أجتهد في ترفيعه الآن بين أعينكم ها هنا، ليصلح كمادَّة معرفية ورؤيوية، تحترم حياة الإنسان وزمنه وبلده، دا عند هاشم اسمه "غبائن"، شفتو كيف؟ المداخلة بدأها بالغبينة، وختمها بالغبينة، كما أهمل حكاية النقد دي ذاتها، في تولاها، وقال بإنَّه ح يقطع ضَرُّوب للكوشرثيا في ملف تاني، ملف الناشر.
إنت قايل يا هاشم أنا كان تكلتكم علي حكاية الناشر دي ما أريح لي، وأبقى للدَّهر، والحيل والمُروَّة!؟
قبل كلاماتي، سآتي بكلام عادل أخوي لأنَّه كان طبيق هاشم في حكاية دع هذا الأمر، وامضِ، ولكن عادل نفسه، لم يَرْ في هذه الكتابة الحاضرة الآن سوى النقد، ورأيه كان يهمني جداً، لأنَّه متابع لهذه المسألة، ويقف في صف إيقافها أكثر من تمددها، ومع ذلك جاء عادل وكتب الآتي:
| Quote: أراك عدت فتناولت موضوع نزاعك مع الفورلاب من منظور الديمقراطية وحريّة التعبير (أم هي حريّة التعبير والديمقراطية)، وقد أفلحت إلى اعمال النقد بأكثر من اعمال النبيشة فمرحى |
وهاشم دا، أنا الذي أركبتُه فوق أكثر من سرجين، لا دكاترة الفورلاب هم من أتوا بتلك السروج كلّها، ذات النِّساء القوارير، وغيرها مما بينته، ليقطعوا لَبّاب سرجي "الواحد فقط" الذي أسرجتُه للكوشرثيا و"حدها فقط" ولا رديف لها!؟
فما دام الله جابك يا عمر، كشاهد تاريخي، بأنَّه ما من شيء شخصي تاريخي بيني وبين هؤلاء النَّفَر، أريدك شاهداً تاريخياً، من باب الجغرافية ويا نصيب الميلاد فقط. فبالله اشهد لي عند هاشم دا، قول ليهو المقالعة الشايفها قدامك دي مقالعة {الكوشرثيا} دي ذاتها يا هاشم! فاصحُ، وفووق من الرومانسية والسُّرَى الجبرائيل الإنت فيهو دا. البخليك تتوقّع، إنَّك تمشي تشتري كتاب الكوشرثيا من الناشر، بكل سلام وانبساطة، زي روايات الرومانس! قوليهو الدُّموم المدفِّقة في البلد بالجد، مش دموم الانترنت الوهم دي، سببها ذات هذه الكوشرثيا الصالحة الغائبة عن كل شيء، وذات هذه الكوشرثيا الضارَّة القابعة في جوف كل شيء، ولا وطن سوى هذا المُلَّفق من غناء العطبرواي، ما قَلَب بطيخة البلد ظاهراً وباطناً، وها هي حمراء من يات صوب نظرتها.
أحلف ليهو يا عُمر، قول ليهو محسن دا، ود حلّتي وأنا بعرفو، وناس الفورلاب ديل ما بَعَرِفن، وبعرف إنو محسن دا كان ما جنس أمور {الكوشرثيا} دي، الحمتو يبقى مسلم شمالي جعلي مسيكتابي ساكت.. زي معظم أهلو ديك، كان رأيه ببساطة ح يكون فصل الجنوب، وبكون مريح خالص في الحكاية دي، لمن يهمه الأمر (أظنَّك ممّن يهمهم الأمر يا عمر). وما كان محسن دا يا هاشم بنشبك ليك في الناس ديل بتاتاً، ولا بسمع بيهم في طارئ الوجود دا كلّو. وريهو بالله، إنو محسن دا، خَلَّى الطين بتاع حبوبتو ست البنات بت المُفتي، تفرّقت به أيدي بني العمومة والخؤولة لأنَّه زاهدٌ في (غبائن) الدنيا الزايلة دي.
ووَصِّهِ، وأَوْصِه كذلك، رباعياً، وخماسياً، بإنُّو الزول دا، كان حاري لينا فيهو غباين مطرِّفة ساكت كدا، لدرجة يتجوَّد بيها على جنس أمور الكوشرثيا، المشعلقة في الانترنت دي؟ حقُّو تهدوهوا وتعقّلوهوا، يقسم معاه منها بخشم الدرب على الواقع، ويرجِّع بيها طينو المشتت بهناك دا.
ذَكِّرْه، فإنَّ الذكرى تنفع المُهْمِلِين والحادبين معاً، قول ليهو مقدمات شنو ياخ، الجاي تقول عليها، والراجل انتهى من الباب التاني منشور قدامك، والله وحده يعلم كم من أبواب بين يديه الآن.
شوف يا عُمر يا تقول إنت لهاشم الكلام دا، يا أنا كمان، بقول ليهو بالعديل الدُّغري، ياخي بطّل الكتابة المُهْمِلَة دي يا هاشم، والرومانسية السُّرى الجبرائيل الإنت فيها دي، وانظر للاشتباك الحاصل أمامك هذا، كما هو في الحقيقة، وعلى أرض واقعه وابتعاثه، فمن ها هنا خَرَجَ، وأظهره التاريخ والحدوث وجَبْر الميلاد، من ورَق الكوشرثيا دي ذاتها، ومش جوكر غش، أنا كنت مدكِّنو تحت سباتة اللعب، وجيت أزيد بيهو الورق الكان أصلي عشان أكسب كغشاش. وقوليهو، الكلامات الموجّهة لدكتور حسن دي، لو صحي إنت قريت الكلام دا كلو وبرواقة، كان لاقتك أدلّة، إنو بعضها البَّيْنِي دا، اتعمل ليهو، زي ما بعملوا في الرادي أغاني ما يطلبه المستمعون، فبعض الردود طلبها الدكتور بالاسم. وهذا الكلام الذي أمامك حاول أن يترفّع بالذي لا رفعة من أمامه ولا من خلفه ولا من أي جهة أتيتها، ويمسك ما هو صالح منه للنقد، فلا هو بشتائم ولا غبائن. وقول ليهو كلام الدكتور المؤدَّب حسن موسى عن (صورة) محسن ود حلّتنا، دا ذاتو كلام كوشرثيا ضارّة، وكلام معرقل للـديموقراطية والاحترام ودولة الحقوق، وياهو دا محلّو، وبجيك في ربقات الكائن المُذكّر بعد ما قريت ربقات المؤنّث، ولسع برضك تقول مقدمات؟
قوليهو لو حسبو عفاك يا هاشم وعفى الآخرين، أيوة عفاك إنت على وجه الخصوص يا هاشم ما دام عاجبك من كلام حسبو:
Quote: أن تمارس النقد - كما فهمتُه و عرفتُه و أؤيده- و شكرا لبعض الكتب، هو:
أن تجلب "ما وراء" الخطاب (يشمل ذلك ما وراء السكون لكونه خطابا) لتضعه أمامه.
وليفعل النقد ما يشاء |
قوليهو طيب ما وراء الخطاب دا بطلع شنو، في كلام دكتور حسن عن (الصورة)، وعفيناك مما وراء السكون يا زول، كما عفيناك من تفسير وليفعل النقد ما يشاء، خلينا هسّع، حالياً وظرفياً، نمشيها بس زي قول المسرحي، الشاعر، والمؤرِّخ العبّادي في مسرحيته المك نمر {والكاينة التكون بي وَرَاها ما في نَدَم}، لكن، وبس، ورِّينا، الما وراء خطاب الدكتور العمرو دقش الستين وألا فاتها دا، شنو؟ ورينا ليهو؟ مش معناهو، ومن الآخر كدا، إنو ود حلّتي دا "لـوطـي" (أو) بالميِّت كدا خيبان لأنّو بيشبه النسوان!؟ قوليهو جنس الكلام دا كان اتقال لواحد من أولاد حلّتنا، بحسب الكوشرثيا الضارَّة المتفشية في كل صقع من البلد دي، وبقبح كلام الدكتور دا وأظرط، ببقى فيها موت. والموضوع بجيب ليه سكاكين، ومن يقوله يُطَعَّن الضحى الأعلى، ويُغطَّس دين حجرو إن لم.. نترك محسن للمواصلة في هذا البوست وبسروجه هذه، كي يتناول كلامات الدكتور وغيره الجنس دي. لأنَّها من صميم الكوشرثيا الضارَّة، الفحولية، الفتَّاكة بالاحترام، والحقوق، والمُدَمِّرة لأسس إقامة الحوار والنقاش على نحو يقظ ومعرفي.
فالذي تراه "غبائن" هذا، هو في الأصل بحث عن طولة عمر للدكتور نفسه، كان ربنا يقويهو ويقول المزيد من نوع الكلام البخس دا، الذي لا علاقة له بالتثاقف، وألا كمان يمكن ربنا يهديه سواء السبيل والكلام، وهو المطلوب. لكن محسن بنقاشو دا، يسعى لتوقيف السكاكين من أيتها شاكلة، كان البتنيش في العُزَّل ببره باسم الكوشرثيا الضارة، كان الممكن تنيش ليك الدكتور دا بكوشرثيا ضارة تانية، ضد الضارَّة حقتو مِلِك دي. لأنو كلامه عن إساءة صورة (الرجل) لأنها فيها شعر طويل وأملس وبشبه شعر النسوان إذا سُرِّح، في جغرافية الكوشرثيا "انتبه، هنا فقط"، لأنَّ الرجال من بلاد ثانية زي البلد البعيش فيه الدكتور الآن، كلهم تقريباً، شعورهم ياها زي شعر ود حلّتنا دا و(أخيَب) بحسب معايير نظرية الدكتور وكوشرثياه الذكورية الضارَّة. قول ليه جنس الكلامات دي، ح تصلك إنت ذاتك، عمر القدامنا دا في شعيراتك، ولا يحجيك الآن من هذا الدكتور سوى أنَّه ما شاف شعرك وشعر مكي أخوك، يا زول أبوك حاج التاج ود أمحمّد ذاتو، أيامَ كان فتيّاً لامن يفرتك عمّتو للوضوء، شعرو لنص ضهرو. وإنِّي لا أمزح، فالدكتور دا يعني عادي ممكن يتغاظ منّك يقول ليك (عامل شعرك كدا زي البت).
ويفتكر نفسه أساءك، لا أساء الأنوثة، فالأنوثة ذاتها هي بذلك مادَّة إساءة عنده. ولا أساء صورتك البشرية، فصورة الإنسان التي يتلقاها جَبْراً وَقَدَرَاً لا اختياراً ولا كفاحاً، هي أيضاً عنده موضع سَبٍّ، وتعيير. فهو بهذا المنطلق الكوشرثي الضار، يتخطَّى سالبي النِّساء حقوقهن، إلى أنَّه يعتبر هؤلاء النساء في أنفسهن إساءة، ومادَّة شتيمة تُسيء من تُلْحق به تعييراً. وهو بذلك يُطابق العنصريين النِّحْليين أنفسهم في أساس منطلقاتهم، لأنَّه يعتبر منطلق صورة الإنسان معياراً لإعطائه قيمة، عدا قيمة أنَّه بشري هذه. فالدكتور ماله؟ منذ أن رأى صورتي، قنع من خيراً فيَّ. فما علاقة صورتي بما أفعله بعقلي، كإنسان له عقل، وبه كُرِّم لا بعداه!؟ والمسألة تستحق النقد، لأنَّها ليست عارضة عند دكتور حسن موسى، فقد سَبَقَ وعَيَّر عجب الفيا بشكله، وأمضَّني ذلك الكلام، خصوصاً أنَّ لا أحد انتبه لذلك. فهل انتبهتم أنتم له، هل أحسنتم قراءته وجئتم بما وراء خطابه!؟ لا، أنتم في شاغلٍ عن إجادة القراءة ولا تتركون من يتقن ويحترف ذلك "ينتقد"!؟ بل تفهمون ما وراء الخطاب هذه على أنَّها (الضباب) (الحالم) (الرومانسي). أبداً، ما وراء الخطاب هذا، يعني تجيب الغايص والمغطغط داك كلّو، البشع، وتردمه أمام خطابه هذا المخاتل والمتخفّّي. معناها تخت الكلام في النور، على النحو الواضح، المنظور والمقبوض عليه بحيث لا فرفرة، عشان الزول نفسه قبل الآخرين يشوف عوجة كلامه من استقامته. وما في زول ح يحكموا عليه في النهاية بالإعدام، الزول مفيد في كل الأحوال ما دام أنَّه قابل لأن يُراجع في أخطائه، فما يُراد منه جوهرياً وختاماً هو الصلاح والصَّحَاح، لا الإبادة. ومفاهيم الإعدام، والنفي، والبت، والخلاف ليوم الوقاف، و(((الغبائن))) دي تركة، وطريقة، وأسلوب، ومنهج، هؤلاء الدكاترة أصحاب سروجك ديك يا هاشم. فاعرض عليهم إهمالك في الكتابة الذي عرضته عليَّ هذا، وسيكون، حينها وساعتها حَقَّاً، لا إهمالاً وتركيباً للخوابير في غير حفرها، كما هو عليه الآن.
فوين موقع الدكتور دا، بحكاية ما وراء الخطاب البتنقل فيها بلا مشهاد دي يا هاشم، لأنو هو بجنس كلامه دا، يُسيء لصورة الأنوثة، وقطعاً فحوى هذا الكلام هي ضد حقوق المثليين ويُسيء لصورتهم أيضا. بما يناقض الديموقراطية، والاحترام الذي رسموه، رسمةً، في مجلّة هوائية بدون تطبيق، وبما يناقض دولة الحقوق في تمامها إن كنت لم تنتبه لذلك. أها دا يناقشو ليك وين، في الكوشرثيا الضارّة دي، وألا وين؟ في ورقة تحليل الكوشرثيا الضارّة دي، وألا ورقة الهندسة التحليلية؟
فياخي نحن دايرين نكتل (بالنقد) من جنس أفكارو دي "عَوَجَهَا"، وما من مستوىً وعيي أو أخلاقي لي، ولا حتَّى نوايا بحوزتي مطلقاً، لمجرَّد تشليت ضُلَّه، في زقاق غبينة، لأنَّه ضلٌ لإنسان. فما أفعله هنا سيعين الدكتور نفسه على تكريب خطاباته مستقبلاً، وأتمنَّى أن لا يتركني أذهب في حالي هكذا. وأن تكون ردوده عليَّ بما ينوف على الكاراكتيرات، التي لا تنجزُ تثاقفاً، بالقدر الذي يكفي، لكي أكرِّب خطاباتي أنا أيضاً في المستقبل. دع درجات الحذَر في الكتابة تبلغ أقصاها، كي يحصل الناس على كتابات غير مُهْمِلة. وإنِّي أنوي أن لا أعفي الدكتور من آرائي المعرفية حول كل ما يصنع ثقافياً وفنياً، هذا ما دمتُ حَيَّاً، فليستيقظ لما يكتب منذ الآن، وحتى ما كتبه سابقاً سأراجعه في كل أمر يعنُّ لي حوله. وإنِّي من قراء الدكتور المُلِمِّين بما يكتب، فهل تضير هذه المناجزات الثقافية هاشمَ وغيرَه من الكتّاب والقراء أم تُثريهم؟
طلبت منك الطلبات دي كلها تقولها لهاشم يا عمر، عشان أنا ما بقدر أقول ليهو كلام أولاد حِلّة، بعد هاشم دا ما كلفتني بحكاية مفكّر البرّاني بيها في مداخلته دي ذاتها، زي ما كلفتني بولا قبلها بحكاية أديب أريب. لكن، من واقع إنّك قاعد هسّع في حلّة سودانية، وريهو، إنو كلام الدكتور المعروض قدامنا دا، ما كلام مفكرين. وإنَّما كلام حلّال متفشية فيها الكوشرثيا الضارّة، وقوليهو قارن الكلام دا ذاتو، بالأمثال الأبوها نظرياً، وشغالين بيها حوار مع البشر تطبيقياً، عشان تحدّد لينا نقاشهم في الحكاية دي، ببقى اسمه نقد وألا غبينة!؟
اسأله من هذه أيضاً يا عمر، إن مهلتك الأيام، ولقيت طولة بال لكثرة ما يجب أن يُسأل عنه هاشم من إهماله هذا، من دي يا عمر {تصفية الحسابات المجرورة}، قول ليهو الحسابات دي، كان "مجرورة" كان "جرورة"، اتجرجرت من الكوشرثيا دي ذاتها، الإنت عايز تفطمها حتى من رَحِمها التاريخي وتمشي تجيبها في كتاب حالم من ناشر ما. لكن يعزلوها ليك كيف عمّا رأيته فكراً! بياتو منقاش يطلّعوا شوكتهم بتاعة الكوشرثيا الضارَّة دي من راحة كراع أمّها! فنقاشك دا عجيب مرة واحدة يا هاشم، ووحاة الله لو كان دا الدكتور حسن بناقش فيك، كان لِهَسَّع مع جنس إهمالك دا، ومع الشرح دا، بَطَّل يقول ليك {كوشرثيا} ذاتو. أبداً وحاتك، كان ح تصرف كما صرف غيرك من الدكتور في جنس المواضيع البتزهج زي دي {كس أم الاثنولوجيا} وألا كمان يلهاك بأي عنف حوار غير ثقافي آخر. كأنْ يشوت ليك ضفَّاري مثلاً، وعلي وزنة الذي تَقَدَّم من اقتباسي لحديثه، ناهراً و"معلّماً ومربياً" لك، على حد مزاعمه التعليمية والتربوية بكتابة ورسوم {العدوان} و{الدق}، كان ح يشخت ليك طوالي على وزنة ما سبق اقتباسه بـ(الكُسْ أم رثيا) دي ذاتها كيت وكيت وكيت..!؟ شفت كيف!؟ وهي بتشكي من السروج البتتكلم عنها دي أكتر منك يا هاشم، لكييين.. هن السروج ديل ذاتهن، وقبييل، من أوَّل عاماً أوَّل، حقات منو؟ وهل في طريقة للتعامل معهن سوى نقدهن والوقوف لديهن!؟ يا زول خليهو حسن كان لقيتو أجلح شديد، وأنساهو، كان دا بولا الهادئ ذاتو كان بقول ليك، بعد كتابتك المهملة دي، زي ما قال لي سجيمان {يبخروا فيها وهي تظرط}، أها جنس دا كلو، ينتقدوهوا يا هاشم وألا يخلوهوا؟ شوف، هسع ما بقولوا محسن خالد، بَذِّيٌّ وبشوت ضفاري، لكن أنا في عين مشهادي، إنّي زول يهمه حسس الآخر، هذا المتحاور معي ومهما زهجت وتعبت وفترت، فلا بُدَّ من الترفُّق بالإنسان فيه وتكريمه، لا الجلافة في وجهه. وأجتهد بقدر ما أستطيع في أن لا أكتب شوتات ضفارية حادَّة وجارحة في وجه أحد. أمَّا مواضيع النقاش من نوع الأمثال السريّة هذه وغيرها، فهي مواضيع نقاش وكتابة طليقة غير معنونة إلى مستلم، من شاء فليقرأها ومن شاء فليتركها.
فهذا الكلام كله نقد يا هاشم، ويجب أن لا يُتْرَك في عوجه هكذا إثر دعوة مسيحية ما، خصوصاً لو نبهتك لكون كل الدكاترة المذكورين هؤلاء نقاد "حكمان"، فلو ما عملوا سجالات نقد، ح يعملوا شنو يعني؟ والمناقدة دي كلها ولدتها الكوشرثيا دي ذاتها، إيَّاك أن تنسى أو تُفَرِّط. أو فاسأله أيضاً يا عمرُ عن ياتو {تصفية الحسابات المجرورة} دي، الجاي تتكلّم عنها، دي تطلع بتاعة دكّان التعاون من مسيكتاب زمن ما بعد الإنجليز بشوية، ولمّا كان "الأَمِنْ" أو كما يُسمَّى الزول الماسك دكّان التعاون، اللهو العم خليل رحيمو الله، وألا شيتاً متأخِّر!؟ بعد ما الدكان نقلوهوا من بفوق للسكّة، لبطن الحلّة واتعاقبوا عليه حاج الماحي رحيمو الله ثم مِدِيح رحيمو الله؟ وإنُّو الحسابات دي كان "مجرورة" كان "جرورة" قطع شك، ما "حسابات شخصية من جانب" ود حلّتي دا. ولا بُدَّ، وعلي بالحلال، الكلام دا طلع من تحت رويس {الكوشرثيا} حقتكم دي. فياخي السروج الجهجهت ركوبتك السياحية دي، تخَلِّي بصيرها النجرها ولزمن متأخر، لبوست مديح طيز الوزة القريب دا، الزول قَدُّومه في إيده وينجر في الجديد منها، وجايي إنت تشكي من عوج الركوبة والدرب هنا في محل نقد السروج بتاعة الدكاترة دي، إنت الله ما ليك!؟
أها يا عمر، بعد لكلكتك في الثقافة، السويتها فوق دي، وبعد لكلكة هاشم برضو، ياني صابر ومواصل، لا مجال أمام النبي لينسحب أو يستقيل، والنبي هو كل صاحب رؤية ورؤيا، بل سأمضي وأقول إنَّ الدعوة للانفصال من خلال رؤية ثقافية، هي عندي باطلة الأباطيل. أمَّا الدعوة للانفصال من باب الدين والعرق، فهي أضحت عند الإنسانية كلها، وليس عندي أنا وحدي، أبطل وأفسد ما عرفه الإنسان عن الباطل والفساد.
والعندو فهم سياسي للانفصال، أحسن يكرِّبو قبال ما يتفاصح بحكاية إنو من حقو ينادي بالانفصال، الشايفو قِدَّام عيني دا كلّو من دعاوي انفصال بحجج ثقافية، ما هو إلا جهل بهذه الكوشرثيا. فأغلبُ هؤلاء المتحدثين، يجهلون ثقافات هذا البلد ومكوناتها وجوهرها، وبناء أنساقها وتشييد عمرانها وطوبها، وصنع أشافيها ومخارزها وعناقريبها وسواقيها، وحجاهم عن ثعابينها ومرافعينها، ولمجرد أنهم يتحدثون اللغة العربية السودانية الكوشية يعتقدون أنهم يتحدثون اللغة العربية الحجازية أو العراقية. أمّا باقي المتحدثين كلهم، وأعيذك بالله يا عمر التاج، وبكلمات الله التامات، أن تكون منهم، فهم يتحدثون بهذه الشاكلة {يعني هذه الغرباوية دي، وكت واحداً جعلي كدي ركبها، دا شرف وألا اغتصاب دا؟} بل، وأظرط. جنس دا، القالوهوا ديل أيَّاً كانوا، لأنو الترابي غير ثقة وممكن يألفه، وعمر البشير عنصري وممكن يقوله، أياً كانوا، ماشين بجنس الكلام دا لياتو شمال مفصول وناصية دا!؟ فلو تخلصوا من الكوشيين الذين في جنوب السودان ستتبقى لهم معركة الكوشيين في غربه وفي أقصى شماله وفي شرقه، تاني من هنا ولقدام القسيم كيف؟ فلنفترض إنهم اتفقوا مع الكوشيين بتاعين شمال السودان، لأنو في الحقيقة تجمعهم معهم هذه الأنفة العنصرية والتَّغَا، بل كوشويو الشمال أسوأ من العرب والمستعربين أنفسهم في العنصرية. ويعتقدون أنَّ الكوشية هذه تعني لغاتهم التي يتحدثون بها هذه، في حين أن الكوشية متن حضاري وما هي بحاشية لغوية، ويصدق فيهم ما يصدق من قراءات عن فهم عرب ومستعربي السودان للغة العربية السودانية الكوشية، بحسبانها لغة عرب الجزيرة ذاتها. فاللغات هذه بالأصل هي مواعين حضارات وأثارة، كما هي عمارة قابلة للصيانة والتطويع والاستبدال والإحلال والتحميل الثقافي، فما من قداسة لها ولا ميزات وارتقاء لها في حد ذاتها، بعيداً عن الحضارة وبُرءاً منها.
ولكن ماذا نقول؟ أو هل يكفي ما نقول؟ وسياسيو هذا البلد، أغلبهم، أجهل من أم عمروٍ، التي خرج بها الحمارُ، فلا عادت ولا عاد الحمارُ!
ما في حل يا عمر، غير تعجنوا البلد دي من أوَّل وجديد، وتأسِّسوا الكوشرثيا النافعة دي من قولة تيت، وتجتثوا الكوشرثيا الضارَّة من أي رحم حواها، من قولة تيت، مما قبل البندقية، ومما وراء هذه الاتفاقيات العبث، أنانيا صفر في الثقافة السودانية.. وييي يا.
لننزع أوَّلاً فتيلة الكوشرثيا الضارَّة هذه، ونُمَهِّد للكوشرثيا الصالحة موضعها من الحياة. وسننتقد كل من تسوّل له قدراته المعرفية وأخلاقه القيمية الخاصّة به، وحظه من التأمل، عرقلة هذه الرؤية. وختاماً أقول:
مُمَزِّقُ ورقةِ الكوشرثيا الضارة من كتاب الحضارة والتاريخ الراصد لأنساق هذه الكوشرثيا، بزعم أن يقضي على الوباء الروحي، يُطابق بالضبط، مُمَزِّق رسمة أنثى الأنوفليس من كتاب العلوم، كي يقضي على الوباء الجسدي.
كن بألف خير
وتحياتي لمحيي الدين ومن حوله.
|
|
 
|
|
|
|
|
| العنوان |
الكاتب |
Date |
| تأسيسُ الكوشرثيا: الأمثالُ السِّرْيَّة "2" | محسن خالد | 04-10-10, 12:12 PM |
| Re: تأسيسُ الكوشرثيا: الأمثالُ السِّرْيَّة "2" | عمران حسن صالح | 04-10-10, 12:26 PM |
| Re: تأسيسُ الكوشرثيا: الأمثالُ السِّرْيَّة "2" | عمار عبدالله عبدالرحمن | 04-10-10, 12:26 PM |
| Re: تأسيسُ الكوشرثيا: الأمثالُ السِّرْيَّة "2" | البدري عبد الله | 04-10-10, 12:53 PM |
| Re: تأسيسُ الكوشرثيا: الأمثالُ السِّرْيَّة "2" | محمد إبراهيم علي | 04-10-10, 01:06 PM |
| Re: تأسيسُ الكوشرثيا: الأمثالُ السِّرْيَّة "2" | Omayma Alfargony | 04-10-10, 01:27 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-10-10, 04:19 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-10-10, 04:28 PM |
| Re: تأسيسُ الكوشرثيا: الأمثالُ السِّرْيَّة "2" | د.نجاة محمود | 04-10-10, 04:40 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-10-10, 04:46 PM |
| Re: تأسيسُ الكوشرثيا: الأمثالُ السِّرْيَّة "2" | Adil Al Badawi | 04-10-10, 07:36 PM |
| Re: تأسيسُ الكوشرثيا: الأمثالُ السِّرْيَّة "2" | وليد محمد المبارك | 04-10-10, 07:51 PM |
| Re: تأسيسُ الكوشرثيا: الأمثالُ السِّرْيَّة "2" | AnwarKing | 04-10-10, 09:25 PM |
| Re: تأسيسُ الكوشرثيا: الأمثالُ السِّرْيَّة "2" | Amjad ibrahim | 04-12-10, 01:19 AM |
| Re: تأسيسُ الكوشرثيا: الأمثالُ السِّرْيَّة "2" | Adil Osman | 04-10-10, 08:36 PM |
| Re: تأسيسُ الكوشرثيا: الأمثالُ السِّرْيَّة "2" | صلاح عباس فقير | 04-10-10, 09:53 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-10-10, 11:38 PM |
| Re: تأسيسُ الكوشرثيا: الأمثالُ السِّرْيَّة "2" | محمد قرشي عباس | 04-11-10, 00:19 AM |
| Re: تأسيسُ الكوشرثيا: الأمثالُ السِّرْيَّة "2" | د.نجاة محمود | 04-11-10, 03:05 AM |
 Re: تأسيسُ الكوشرثيا: الأمثالُ السِّرْيَّة "2" | محمد عبد الماجد الصايم | 04-11-10, 07:15 AM |
| Re: تأسيسُ الكوشرثيا: الأمثالُ السِّرْيَّة "2" | أيمن الطيب | 04-11-10, 07:27 AM |
| Re: تأسيسُ الكوشرثيا: الأمثالُ السِّرْيَّة "2" | حبيب نورة | 04-11-10, 07:59 AM |
| Re: تأسيسُ الكوشرثيا: الأمثالُ السِّرْيَّة "2" | نيازي عبدالله مرحوم احمد | 04-11-10, 08:59 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-11-10, 12:42 PM |
| Re: تأسيسُ الكوشرثيا: الأمثالُ السِّرْيَّة "2" | Siham Elmugammar | 04-11-10, 01:43 PM |
| Re: تأسيسُ الكوشرثيا: الأمثالُ السِّرْيَّة "2" | ابو جهينة | 04-11-10, 01:59 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-11-10, 11:03 PM |
| Re: تأسيسُ الكوشرثيا: الأمثالُ السِّرْيَّة "2" | Adil Al Badawi | 04-11-10, 11:17 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-12-10, 00:45 AM |
| Re: تأسيسُ الكوشرثيا: الأمثالُ السِّرْيَّة "2" | أمين محمد سليمان | 04-12-10, 01:35 AM |
 Re: تأسيسُ الكوشرثيا: الأمثالُ السِّرْيَّة "2" | شول اشوانق دينق | 04-12-10, 09:55 AM |
| Re: تأسيسُ الكوشرثيا: الأمثالُ السِّرْيَّة "2" | Medhat Osman | 04-12-10, 11:38 PM |
| Re: تأسيسُ الكوشرثيا: الأمثالُ السِّرْيَّة "2" | Mohamed Abdelgaleel | 04-13-10, 07:13 AM |
| Re: تأسيسُ الكوشرثيا: الأمثالُ السِّرْيَّة "2" | صديق الموج | 04-13-10, 07:31 AM |
| Re: تأسيسُ الكوشرثيا: الأمثالُ السِّرْيَّة "2" | Adil Al Badawi | 04-14-10, 08:21 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-17-10, 11:26 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-17-10, 11:45 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-18-10, 06:45 PM |
| Re: تأسيسُ الكوشرثيا: الأمثالُ السِّرْيَّة "2" | حمور زيادة | 04-18-10, 06:50 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-18-10, 11:19 PM |
| Re: تأسيسُ الكوشرثيا: الأمثالُ السِّرْيَّة "2" | Omayma Alfargony | 04-19-10, 04:10 AM |
| Re: تأسيسُ الكوشرثيا: الأمثالُ السِّرْيَّة "2" | دينا خالد | 04-19-10, 08:00 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-19-10, 04:31 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-20-10, 02:25 AM |
| Re: تأسيسُ الكوشرثيا: الأمثالُ السِّرْيَّة "2" | محمد قرشي عباس | 04-20-10, 02:37 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-20-10, 10:18 AM |
| Re: تأسيسُ الكوشرثيا: الأمثالُ السِّرْيَّة "2" | آدم صيام | 04-20-10, 04:29 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-20-10, 09:28 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-21-10, 00:00 AM |
| Re: تأسيسُ الكوشرثيا: الأمثالُ السِّرْيَّة "2" | محمد عبد الماجد الصايم | 04-21-10, 06:23 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-21-10, 02:06 PM |
| Re: تأسيسُ الكوشرثيا: الأمثالُ السِّرْيَّة "2" | Mohammed Haroun | 04-21-10, 02:56 PM |
| Re: تأسيسُ الكوشرثيا: الأمثالُ السِّرْيَّة "2" | وليد محمد المبارك | 04-21-10, 04:05 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-21-10, 04:24 PM |
| Re: تأسيسُ الكوشرثيا: الأمثالُ السِّرْيَّة "2" | محمد المختار الزيادى | 04-21-10, 04:19 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-21-10, 10:17 PM |
| Re: تأسيسُ الكوشرثيا: الأمثالُ السِّرْيَّة "2" | الصادق اسماعيل | 04-22-10, 00:43 AM |
| Re: تأسيسُ الكوشرثيا: الأمثالُ السِّرْيَّة "2" | Mohammed Haroun | 04-22-10, 10:33 AM |
| Re: تأسيسُ الكوشرثيا: الأمثالُ السِّرْيَّة "2" | أحمد أمين | 04-22-10, 11:06 AM |
| Re: تأسيسُ الكوشرثيا: الأمثالُ السِّرْيَّة "2" | Adil Al Badawi | 04-23-10, 00:40 AM |
| Re: تأسيسُ الكوشرثيا: الأمثالُ السِّرْيَّة "2" | ابو جهينة | 04-23-10, 04:39 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-24-10, 08:40 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-24-10, 09:10 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-24-10, 09:57 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-25-10, 03:14 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 04-26-10, 10:09 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-01-10, 04:46 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-02-10, 01:41 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-02-10, 03:36 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-02-10, 03:42 AM |
| Re: تأسيسُ الكوشرثيا: الأمثالُ السِّرْيَّة "2" | Mohamed E. Seliaman | 05-02-10, 06:09 AM |
| Re: تأسيسُ الكوشرثيا: الأمثالُ السِّرْيَّة "2" | الصادق اسماعيل | 05-02-10, 09:25 AM |
| Re: تأسيسُ الكوشرثيا: الأمثالُ السِّرْيَّة "2" | الصادق اسماعيل | 05-02-10, 09:25 AM |
| Re: تأسيسُ الكوشرثيا: الأمثالُ السِّرْيَّة "2" | الصادق اسماعيل | 05-02-10, 09:25 AM |
| Re: تأسيسُ الكوشرثيا: الأمثالُ السِّرْيَّة "2" | الصادق اسماعيل | 05-02-10, 09:25 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-02-10, 03:42 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-02-10, 04:06 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-03-10, 04:21 PM |
| Re: تأسيسُ الكوشرثيا: الأمثالُ السِّرْيَّة "2" | عبدالله ود البوش | 05-03-10, 04:52 PM |
| Re: تأسيسُ الكوشرثيا: الأمثالُ السِّرْيَّة "2" | الجندرية | 05-03-10, 04:55 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-04-10, 01:23 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-04-10, 01:41 PM |
 Re: تأسيسُ الكوشرثيا: الأمثالُ السِّرْيَّة "2" | الجندرية | 05-04-10, 01:52 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-04-10, 10:42 PM |
| Re: تأسيسُ الكوشرثيا: الأمثالُ السِّرْيَّة "2" | أمين محمد سليمان | 05-04-10, 11:29 PM |
| Re: تأسيسُ الكوشرثيا: الأمثالُ السِّرْيَّة "2" | محمد زكريا | 05-05-10, 01:20 AM |
| Re: تأسيسُ الكوشرثيا: الأمثالُ السِّرْيَّة "2" | Adil Al Badawi | 05-05-10, 11:18 AM |
| Re: تأسيسُ الكوشرثيا: الأمثالُ السِّرْيَّة "2" | عمر التاج | 05-05-10, 01:42 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-05-10, 02:16 PM |
| Re: تأسيسُ الكوشرثيا: الأمثالُ السِّرْيَّة "2" | محمد حسبو | 05-05-10, 07:32 PM |
| Re: تأسيسُ الكوشرثيا: الأمثالُ السِّرْيَّة "2" | هاشم الحسن | 05-05-10, 09:45 PM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-06-10, 10:29 PM |
| Re: تأسيسُ الكوشرثيا: الأمثالُ السِّرْيَّة "2" | محمد قرشي عباس | 05-07-10, 01:38 PM |
| Re: تأسيسُ الكوشرثيا: الأمثالُ السِّرْيَّة "2" | Mohamed Abdelgaleel | 05-08-10, 08:08 AM |
| Re: تأسيسُ الكوشرثيا: الأمثالُ السِّرْيَّة "2" | محسن خالد | 05-08-10, 01:21 PM |
| Re: تأسيسُ الكوشرثيا: الأمثالُ السِّرْيَّة "2" | Mohamed E. Seliaman | 05-08-10, 06:51 PM |
| Re: تأسيسُ الكوشرثيا: الأمثالُ السِّرْيَّة | Kabar | 05-09-10, 04:09 AM |
| Re: تأسيسُ الكوشرثيا: الأمثالُ السِّرْيَّة | Mohamed Abdelgaleel | 05-09-10, 12:50 PM |
| Re: تأسيسُ الكوشرثيا: الأمثالُ السِّرْيَّة | عبدالكريم الامين احمد | 05-09-10, 01:43 PM |
| Re: تأسيسُ الكوشرثيا: الأمثالُ السِّرْيَّة | محسن خالد | 05-09-10, 08:14 PM |
| Re: تأسيسُ الكوشرثيا: الأمثالُ السِّرْيَّة | محمد جميل أحمد | 05-09-10, 09:57 PM |
|
| |
محسن خالد
فيس بوك
تويتر
انستقرام
يوتيوب
بنتيريست