تأسيسُ الكوشرثيا: الأمثالُ السِّرْيَّة "2"

Quote: تبارك ود الشيخ إزيك يا شاب ويا صديقنا في الله حسيت بكلامك فيهو استعجال لي بالرد، رغم المداخلات السابقاك، ياخي أنا ذاتي كان ممكن أقول ليك مشتاق أرد ليك عديل كدي، لو ما كان لكنتها بكلمة "تنبح" الشينة بلا ضرورة ولاداعٍ، يا زول العجيبة مرّة واحدة. دحين دا ما ياهو كلام الثانوي بتاع الاستعارة وتخت واحدة من صفات الشيء الفلاني، وتخفي اسمو، زي ما لهيتني بالنبيح ساكت لا عضعيضي ولا ضنبي!؟ يا أخانا تبارك، الردود دي هنا دحين ما دايره المهلة والإمهال وتقدير الأحوال، وفطيط الناس بدون دواعٍ مش عمل بطّال، وألا كيف؟ يعني كلامك عن كتابة السوق داك ليس فيه ما يشتم، وهو ذاته كلام سمح، وفيها نتعلّم منَّك، يا نعصر علي كتابة الرواية والفن، أو كمان يا نعصر علي كتابة العلوم، لأنَّك بتقول كتابة السوق دي معلّقة بين الكتابتين ديل. ودا بتوقّف على مناصحة بتاعة كتابة مجيّهة وكاربة تكتبها لي هنا، عشان أقدر أستفيد منها. مش تكتب ليك تعليق ومجرّد حكم جزافي وتمعط لي جنبه رابط من صوف الإنترنت الماليهو حد دا! يعني نوّرني بشكل متين، يبقالي دخري، لأنّو التعليق بتاعك دا غير كافٍ لتبيين المُراد من كتابة السوق تلك، كما أرى. مداخلتك الأولى ذاتها لو قمتُ بقراءة لها، كانت تقول بعكس ما تأخَّر من حديثك، ولما شفت إني أخَّرت الرد عليك، أتيت وبرّيتني بكتابة سوق لا إيدي السبَّابية ولا فرّاشتي نُص السوق، ولا ميزاني. كدي راجع ردودي على الإخوة المذكورين هؤلاء، وانظر الزمن الذي أخذتُه في الرد عليهم، وانظر لنوعية الردود التي كان بوسعك أن تلهمني رداً عليك من جنسها لو أمهلتني، في كلامك عن السودانوية