|
|
 منــى الطيب....شاعـــرة من حلتــنا...علينا جاى ياديبات البورد
|
الاستاذة منى الحاج الطيب...
بنت عمى الكبيرة كانت استاذة لغة انجليزية عملت فى تدريس المراحل المتوسطة ردحا من الزمن هاجرت للدوحة مع زوجها تركت الاغتراب...تسكن حاليا القطينة واحلامها مدفونة فى ابقوتة..بالصدفة عرفت انها شاعرة ولها ديوان اسمه رنين الذكرى وهذه احدى روائعه....
أبقوتة
أبقوتة يا ام القرى....
يا واحة لكل من يري
يا روضة يانعة و مزهرة
في أبهي صورة و ناضرة
ما اروعك يا آسرة
مهد الطفولة الزاهرة ...
كل ما عداك دايما يمر مر السحابة العابرة
وصورتك القديمة في دواخلي محكرة
و اسمك يوهج من نور حروفو مسطرة
أبقوتة....
بطراك بي حلم الصغار
كنتي لافيك الخضار
و جاي حولك زي سوار
والحضارة في كل دار
والمرشدات لرعاية الامومة
وحتي تعليم الكبار
والرياض مفتوحة تفرّح للصغار
و المراجيح في الشجر
و المياهـ والاخضرار
والزهور فايحة بي احلي العطور
داخل عبيرها لكل دار
والمدارس
باقية واحة لكل دارس
والمعلم حامل العلم مبدأ وشعار
أبوقوتة يا نور العيون
حاضناك قلوب شايلاك عيون
و انتي في اعماقنا جنة
ومحور مدار الكون
مهد للحب والمحنة
انتي يالقلب الحنون
انتي في اعماقنا جوه
وديمة لي ذكراك نصون
منظرك للعين يسر
نحن في ساحتك درر
نلهو في ضوء القمر
نتسلق أغصان الشجر
نقضي الليالي في السمر
و(النادي) كان إشعاع نضير
مهد للفن الأصيل
وروعة الليل لما يسهر في غناء (بشري وبشير)
والكون مضمخ بالعبير
و (الكعوك) و (التاج) يسهّروا للصغير قبل الكبير
و(صلاح) و (الرتينة) يوصل الناس لبيوتها....
والليل وصل ربعوا الأخير
الدنيا تضحك في عيوننا
وبي جناح الشوق تطير
نفرح الايام معانا
و الزمن زاهي ونضير....
وتفوت سنوات وتتعدي
والدنيا لي احلامنا بتتعدي
و شوقنا اليك
ظلالوا ندية تمتدّ
و حنينا إليك بشتد
ما أحلاك يا أبقوتة....
يا غيم المحنة المالي لي سما الحلة وبيوتها
يا قلب دفق الحنان
والطيبة النابعة من جوه القلوب
كيفن نفوتها...
كيف نفارق لي ديارنا
والحنان المالي دارنا
والأماني الكنا نغزل في خيوطها
آهـ يا زمان
رجع أيامنا الزمان
كنا عايشين في أمان
وكنا ضامينا الحنان
والقلوب كانت حُنان
والأغاريد علي صوتها
ونحن لافين في البلاد
بأروع شهادة ميلاد
مكان الميلاد: أبقوتة
سكن الوالدة: أبقوتة
سكن الوالد: أبقوتة
سكن القلب: أبقوتة
منشر فوق سماء الحلة وبيوتها...
|
|
 
|
|
|
|
|
| العنوان |
الكاتب |
Date |
| منــى الطيب....شاعـــرة من حلتــنا...علينا جاى ياديبات البورد | abuguta | 10-31-04, 09:22 PM |
| Re: منــى الطيب....شاعـــرة من حلتــنا...علينا جاى ياديبات البورد | bayan | 11-01-04, 07:29 AM |
| Re: منــى الطيب....شاعـــرة من حلتــنا...علينا جاى ياديبات البورد | abuguta | 11-01-04, 09:28 PM |
 Re: منــى الطيب....شاعـــرة من حلتــنا...علينا جاى ياديبات البورد | Shalabi | 11-01-04, 09:53 PM |
| Re: منــى الطيب....شاعـــرة من حلتــنا...علينا جاى ياديبات البورد | abuguta | 11-01-04, 11:11 PM |
| Re: منــى الطيب....شاعـــرة من حلتــنا...علينا جاى ياديبات البورد | بدرالدين شنا | 11-02-04, 00:05 AM |
| Re: منــى الطيب....شاعـــرة من حلتــنا...علينا جاى ياديبات البورد | Tumadir | 11-02-04, 01:58 AM |
| Re: منــى الطيب....شاعـــرة من حلتــنا...علينا جاى ياديبات البورد | abuguta | 11-02-04, 09:31 PM |
| Re: منــى الطيب....شاعـــرة من حلتــنا...علينا جاى ياديبات البورد | abuguta | 11-02-04, 09:11 PM |
| Re: منــى الطيب....شاعـــرة من حلتــنا...علينا جاى ياديبات البورد | Shalabi | 11-02-04, 11:13 AM |
| Re: منــى الطيب....شاعـــرة من حلتــنا...علينا جاى ياديبات البورد | Shalabi | 11-02-04, 11:19 AM |
| Re: منــى الطيب....شاعـــرة من حلتــنا...علينا جاى ياديبات البورد | abuguta | 11-03-04, 08:42 PM |
| Re: منــى الطيب....شاعـــرة من حلتــنا...علينا جاى ياديبات البورد | soma | 11-03-04, 08:57 PM |
| Re: منــى الطيب....شاعـــرة من حلتــنا...علينا جاى ياديبات البورد | abuguta | 11-03-04, 11:15 PM |
|
| |
abuguta
فيس بوك
تويتر
انستقرام
يوتيوب
بنتيريست