|
Re: أسماء الزوجات في موبايلات الأزواج (Re: انعام عبد الحفيظ)
|
الأخت إنعام تحية طيبة
شكراً على البوست الظريف ... وما تصدِّقى العنتريات .... العرب زمان كانوا يسمون الشخص بما ينقصه.... لو قال ليك واحد " إبن العيناء" معناها ياأعور وهكذا... كدى أعملى قياس بهذا المعيار وحا تضحكى من عنتريات البعض....بدءاً بـ "حبى "....
غايتو نحن وصلنا مرحلة " الرحمة " من بعد السكن والمودة وما بتفرق معانا
| |
|
|
|
|
|
|
Re: أسماء الزوجات في موبايلات الأزواج (Re: أبوبكر أبوالقاسم)
|
إنعام سلامات بوست رائع بمعنى الكلمة ويتناول قضية حقيقية ويصلح برنامج تلفزيونى بالنسبة لى عالج قضية معاشة يوميا عندنا فى البيت كنت اكتب اسم زوجتى كالاتى A A A شافتو زعلت وعملت نقة غيرتوا بإسمهاومعه نغمة متميزة بينى وبينك اتعقدت لان اتصالاتها كتيرة وطبيعة عملى تفرض على ان يرد بعض الزملاء احيانا على مكالمات عندما اكون فى اجتماع رحت غيرتها وكتبت الاتى My Partener رايك شنو أخوك فنان ولا لا؟؟؟ عارفا السر شنو فى الاسم الجديد الناس الشغالين معاى ما بعرفوا انجليزى عشان كده ما ناقشين حاجة مش طلعت بذكاء من الحرج رضيت زوجتى وغشيت ناسى المعاى بوست رائع تستحقى عليهو جائزة ولو عندك صديق فى التلفزيون السودانى اقترحى عليهم حلقة لتناول هذا الموضوع افضل بكتير من برامج الدم التقيل القدونا بيها قد
| |
|
|
|
|
|
|
Re: أسماء الزوجات في موبايلات الأزواج (Re: خرماج)
|
Quote: بوست رائع بمعنى الكلمة ويتناول قضية حقيقية ويصلح برنامج تلفزيونى بالنسبة لى عالج قضية معاشة يوميا عندنا فى البيت
|
شكرا يا خرماج
وليس القصد بالتأكيد الضحك فقط ولكن التأمل في هذه الأسماء
يدفعك للتفكير في تقييم هذه العلاقات الزوجية
ومافي شك ان لهذه الأسماء مدلولات
وربنا يجعل اسماءنا خفيفة
| |
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
موقف حصل لي وحصل لي أحد أعضاء المنبر هنا كمان .. عندي صاحبي متلصق فيني وهو من النوع السقيل داك ونقناق نقة سنينكم .. أها انا حافظو في الموبايل بي إسم (الكريه).. يوم صاحبي السقيل ده جاني في البيت وإتأخر معاي لحدي بالليل يبرى فيني .. فجأة كده قال لي ياخ كدي موبايلك ده أضرب لي ناس البيت أقول ليهم انا متأخر شوية .. أديتو الموبايل بي كل عفوية .. قوووووووووم يا صاحبي السقيل اضرب رقم موبايلك لأنو طلع موبايلو مخلّيهو لي ناس البيت .. الساااااااااعة التطلع ليهو (الكريه) في الشاشة ..
ياخ الزول ده لحدي أسة زارّيني بالموضوع ده !!! أها يا جماعة شوفوا لي مخرج أحنك بيهو الزول ده وأبرر ليهو سر التسمية دي شنو
| |
|
|
|
|
|
|
Re: أسماء الزوجات في موبايلات الأزواج (Re: عمر الفاروق)
|
Quote: عندي صاحبي متلصق فيني وهو من النوع السقيل داك ونقناق نقة سنينكم .. أها انا حافظو في الموبايل بي إسم (الكريه)..
|
غايتو يا عمر الكرية دي مرت علي قبل كدا
عندي أخوي عندو صحبو طواااااااالي في حالة مناكفة
مره قاعدين في بيتنا قام صاحبو قال ليهو تلفوني عاملو صامت
وما عارف ختيتو وين في المكتب ولا جبتو معاي كدى اتصل علي فيهو
قام أخوي إتصل عليهو طلع تلفونو جنب أخوي في الكنبة رفع عاين ليهو
لقى مكتوب فيهو (الكرية يتصل بك)
قام ضحك قال ليهو شوف هنا في تلفوني مكتوب شنو
لقى اسمو برضو ( الكرية)
فضحكنا بقوا متعادلين (الكرية يتصل بالكرية)
| |
|
|
|
|
|
|
Re: ٌRe (Re: Waeil Elsayid Awad)
|
نعوم ؟؟؟ انتى برضو بتفتشى الموبايلات ؟؟؟
نعومة ازيك ! وهم الازواج براهم ؟ انت قايلة ديك هينات ؟؟
زكرتينى النكتة البقولها عادل امام ولا سعيد صالح ما عارفة !!
قال الود عمرو 5 سنين دخلوهو المدرسة
الاستاذ بيسال فيهو انت اسمك مين؟؟ بقولو محمد ،،،، محمد ميين ؟؟؟
الود بيسكت .. يابنى ابوك اسمو ميين ؟؟ والود ساكت بتلفت
قالو يابنى ى ى ى امك فى البيت بتنده على بابا بتقولو يا مييييين ؟؟؟
الود بسرعة جاوب ::::: بتقولو يا مدهووووووووول على عيييييينك !!!!!
والله عندهم كترت اسامى يا نعوم بس كدى افتحى الباب دا !!!!!!!!
| |
|
|
|
|
|
|
Re: ٌRe (Re: دينا خالد)
|
Quote: والله عندهم كترت اسامى يا نعوم بس كدى افتحى الباب دا !!!!!!!! |
دينا يا بتي الباب ما تراهو فاااااااااااااتح
انتي الماجيتي تاني
| |
|
|
|
|
|
|
Re: ٌRe (Re: Waeil Elsayid Awad)
|
إنعام عبدالحفيظ
سلام ،،، وينك مختفية عساك بخير ؟! منتظرة زيارتك كما وعدتيني !
أعجبتني المسميات أدناه:
Quote:
وبعد ثلاثة او اربعة سنين:
1. الغليظة 2. المحقق كونان 3. تعال للبيت 4. عذاب القبر 5. مرض 6. الشرطة 7. الداخلية 9. 999 10. جهنم 11.الورطة 12. وديني لبيت أهلي (دا لما يكون يتمنى مرتو تقول ليهو كدا ) 13. البلوة 14. غلطــة عمري 15. أعوذ بالله من الشيطان الرجيم 16. الصخرة 17. البلاء الأعظم 18. غوانتانامو
يلا ورونا انتو مسجلين شنو؟
|
أنعام والله كلامك صاح تصدقي .. كنت في زيارة أحد أقربائي
الدكاترة من أهلي بخصوص دراسة أنوي عملها ضربت زوجته أثناء الحوار ..
قال عن إذنك دي الحكومة .. وفعلاَ أعطاني تحدثت معها واستغربت جداَ ؟؟
ليس من المسمى .. ولكن التصرف ! هل هناك عدم ثقة ؟!
تسلمي ياستي .. متابعة معك بمتعة شديدة !
ولي عودة ..
وصال عالم
| |
|
|
|
|
|
|
Re: ٌRe (Re: وصال عالم)
|
Quote: سلام ،،، وينك مختفية عساك بخير ؟! منتظرة زيارتك كما وعدتيني !
|
اهلين يا وصال وينك انتي تاني ما شفناك
معليش الدنيا وزحمتها بس وعدي ليك قائم لسه
Quote: أنعام والله كلامك صاح تصدقي .. كنت في زيارة أحد أقربائي
الدكاترة من أهلي بخصوص دراسة أنوي عملها ضربت زوجته أثناء الحوار ..
قال عن إذنك دي الحكومة .. وفعلاَ أعطاني تحدثت معها واستغربت جداَ ؟؟
ليس من المسمى .. ولكن التصرف ! هل هناك عدم ثقة ؟!
|
الرجال حالتهم تحنن الواحد فيهم عندو حكومات بدل من حكومة واحدة
| |
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
إنعام يا حبيبة سلام.. عندنا صاحبنا مسمًي مرتو الخواجية (عباس ).. أها يوم للتعتر ليه جابو للبلد الهو فيها سوداني أسمو عباس . صاحبتنا فرحت لكنها إستغربت إنه الإسم كيف للمرا والراجل؟ أها لما عرفت الحقيقة زعلت زعل عدوك هسع حروف (ع. ب. ا. س) ما بتتنطق في بيتهم
ودي
| |
|
|
|
|
|
|
Re: أسماء الزوجات في موبايلات الأزواج (Re: Raja)
|
سلامات
الموضوع لذيذ
انا شفت بعض اخواني كاتبين : سيد الاسم : ستو : my soul
بس اولاد اخواني شايفاهم بكتبوا اسماء اولاد للبنات ليه ما بعرف
مرة تلفون واحد معاي واتصل رقم باسم أيمن قطر : فرديت جاني صوت عسولة
ولمن جاء قلت ليهم ايمن قطر اتصل عليك الود التقول صبت فيهو مطرة
عجبني اسم : وزير الداخلية
| |
|
|
|
|
|
|
Re: أسماء الزوجات في موبايلات الأزواج (Re: sudania2000)
|
كيفك يا إنعام أنا ما بعرف تكنولجيا الموبايلات وده من بختها لكن موبايلا عارف نمرتى بتجيب قلب بنطط كده .. شفتى عمك خطير كيف
ألطف تعبير قريتو كتبته بيان فى بوست مشابه .. واحد موبايلو نمرة المدام بتجيب نغمة "الجريرة" خبر عاجل
وأنا عريس جديد وعربيتى جديدة فى السعودية .. فى الشارع فتحت الباب للحجة .. جا مارى سودانى ومرته وأورطة عيال .. وقف بدون سابق معرفة قال لى " يا العربية جديدة يا المرة جددة"
كلامو وقع لى
حمدلله بالسلامة
| |
|
|
|
|
|
|
Re: أسماء الزوجات في موبايلات الأزواج (Re: رأفت ميلاد)
|
أنعام ،،
صاحبى وجارى ،، يوم الخميس يحضر الى منزلى للعب الشطرنج
طبعاً بعد ان ترك زوجته فى منزل صاحبتها ،، المهم
رن جرس هاتفه ،، وجدته كاتب أو الزفت ،، ضحكت ،، وناولته الهاتف
قبل ما يستلم الهاتف قام بأغلاق صوت التلفزيون ،،
المهم هى تتحدث معه وهو يقول أوكى ،،، أوكى ،،،،
أخر شئ سمعتها وبتقول ليه الاتى :
أنت وين بتتكلم براحه كدى ،،، بصوت قوى
رد هو وقال ،، لا بس انا كنت نائم ،،، ههههههههههاااااا
ضحكت عليه ،، وقال لى شوف انا مسميها أوالزفت ههههههههاااااااااا
| |
|
|
|
|
|
|
Re: أسماء الزوجات في موبايلات الأزواج (Re: رأفت ميلاد)
|
Quote: أنا ما بعرف تكنولجيا الموبايلات وده من بختها لكن موبايلا عارف نمرتى بتجيب قلب بنطط كده .. شفتى عمك خطير كيف
ألطف تعبير قريتو كتبته بيان فى بوست مشابه .. واحد موبايلو نمرة المدام بتجيب نغمة "الجريرة" خبر عاجل
وأنا عريس جديد وعربيتى جديدة فى السعودية .. فى الشارع فتحت الباب للحجة .. جا مارى سودانى ومرته وأورطة عيال .. وقف بدون سابق معرفة قال لى " يا العربية جديدة يا المرة جددة"
كلامو وقع لى
|
ياخي أول حاجه زارتنا البركة
وتاني حاجة ما تشوف الفصاحة بتاعتي دي
انا زاتي ما بعرف تكنلوجيا الموبايلات دي
| |
|
|
|
|
|
|
Re: أسماء الزوجات في موبايلات الأزواج (Re: sudania2000)
|
Quote: بس اولاد اخواني شايفاهم بكتبوا اسماء اولاد للبنات ليه ما بعرف
مرة تلفون واحد معاي واتصل رقم باسم أيمن قطر : فرديت جاني صوت عسولة
ولمن جاء قلت ليهم ايمن قطر اتصل عليك الود التقول صبت فيهو مطرة |
مطرة ساي انتي الوداك تهبشي في تلفونات الجيل الجديد شنو
| |
|
|
|
|
|
|
Re: أسماء الزوجات في موبايلات الأزواج (Re: Raja)
|
Quote: عندنا صاحبنا مسمًي مرتو الخواجية (عباس ).. أها يوم للتعتر ليه جابو للبلد الهو فيها سوداني أسمو عباس . صاحبتنا فرحت لكنها إستغربت إنه الإسم كيف للمرا والراجل؟ أها لما عرفت الحقيقة زعلت زعل عدوك هسع حروف (ع. ب. ا. س) ما بتتنطق في بيتهم
|
رجوية يا عسل ازيك القصة دي ذكرتني حاجة قريبه ليها
عارفه عندي زوج صحبتي بكون مبسوط لما يغيظها ويكاويها
وطوااااالي هو بغيظ فيها اها واحدة من الأسماء البقولها ليها
عباس وهي بقت تكره اسم عباس دا
| |
|
|
|
|
|
|
Re: أسماء الزوجات في موبايلات الأزواج (Re: محمد عثمان)
|
طبعاً يا انعام انا لسعة الورقة ما طلعت مني (لنج) وما دخلنا عالم اللاعبين القدامى وانت يمكن التأكد لانو - الكوماندر بتاعي هناك معاكم - بس اوع من اللخبطة بتاعتك اللي بعرفها وصحبي وصحبك اب عيون مننظة داك ، ما عارف يكون كاتب شنو - غايتو عرض حال - شئ ممكن اتخيلو زي ( بانج ) ، كومندان ، ومسوو، الجديد كومريت ، والاجد يا روحي لاني مرة سمعتو قالها لكن ما طلعت سمحة ... الكلام دة بيني وبينك ... بوست زي الحصاحيصا ...
| |
|
|
|
|
|
|
Re: أسماء الزوجات في موبايلات الأزواج (Re: مصطفي سري)
|
نعومة الرقيقة تحياتي وأشواقي الكثيرة لما رجعت من السودان... مسكت مره تلفون معز ولقيت في رقم مسجل Noor Elaeain
ولقيت الزولة دي ضاربة ليهو كثير جدا جدا فقمت قلت ليهو.. دي منو الزولة البتضرب ليك دي؟ فقام سكت... قمت قلت ليهو... دي معاكم في الشغل ولا شنو؟ وهو وحياتك.. القتيييت.. سااااكت فقمت شفت النمرة... لقيتها ليك نمرتي الماتغباني وقال لي، أنا كاتب "نور العين" تجي تشاكليني بعد الكلام ده بكم يوم كده مشكت الموبايل.. لقيتوا رجعني ليك لإسم Ghada حاااااااااف كده شفتي المقالب الدولية دي محبتي غادة
| |
|
|
|
|
|
|
Re: أسماء الزوجات في موبايلات الأزواج (Re: مصطفي سري)
|
Quote: طبعاً يا انعام انا لسعة الورقة ما طلعت مني (لنج) وما دخلنا عالم اللاعبين القدامى وانت يمكن التأكد لانو - الكوماندر بتاعي هناك معاكم - بس اوع من اللخبطة بتاعتك اللي بعرفها وصحبي وصحبك اب عيون مننظة داك ، ما عارف يكون كاتب شنو - غايتو عرض حال - شئ ممكن اتخيلو زي ( بانج ) ، كومندان ، ومسوو، الجديد كومريت ، والاجد يا روحي لاني مرة سمعتو قالها لكن ما طلعت سمحة ... الكلام دة بيني وبينك ... بوست زي الحصاحيصا ... |
مصطفى سري
احسن تحسن الظن فيني للآن ما قلت ليها حاجة لكن بطريقتك دي ح تخليني أقول
صحبك داك (اب عيون منططة) ما بعرف الحاجات دي قبل كدا بس هسه بكون كتبها غوانتانامو
الحصاحيصا بتقول ليك شكراً وأبقى لما تجي في الإجازة تزورها
| |
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
Quote: Quote: أنا غايتو ما بقول ليك مسجل إسم مرتي بشنو
ابو الريش ما مشكلة قالوا في نوع من الرجال
اسمهم الخواف ربى عيالو
اها انت من ياتو نوع |
شوفي يا إنعام .... ما تاخدي بكل الكلام البقولوهو الجماعة ديل ... يعني يسجّل (اللغم) وما عارف شنو دي ما بتحصل ... مش لأنهم بالضرورة مكسرين في نسوانهم .... لكن خوفاً من طابور التفتيش .... ومافي .. أسمعي دي (مافي) مرة ما فتشت موبايل راجلها.
| |
|
|
|
|
|
|
Re: أسماء الزوجات في موبايلات الأزواج (Re: محمد أبوالعزائم أبوالريش)
|
Quote: شوفي يا إنعام .... ما تاخدي بكل الكلام البقولوهو الجماعة ديل ... يعني يسجّل (اللغم) وما عارف شنو دي ما بتحصل ... مش لأنهم بالضرورة مكسرين في نسوانهم .... لكن خوفاً من طابور التفتيش .... ومافي .. أسمعي دي (مافي) مرة ما فتشت موبايل راجلها. |
ابو الريش
عفيت منهن كان هم كاتبين ليهو ألقاب زي دا
| |
|
|
|
|
|
|
Re: أسماء الزوجات في موبايلات الأزواج (Re: طارق جبريل)
|
نعوم !!!
يسعد مساك ,,,
أنا غايتو بمجرد ما قريت بوستيك دة عملت زي ممكونة سرقت التلفون ومشيت براحة على أوضة الشغالة
قفلتها بالمفتاح وفتشك فتشك لقيت رقمي الما بغباني وجنبه عاصفة الصحراء عاد من اليوم داك الشكلة
مدورة لليلة ولي بكرة لأني كنت فاكرة نفسي الرقيقة الحنونة قمت لقيت روحي المهترشة الشعنونة وكله
سنة وإنت طيبة !!!
| |
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
.. . أزيكـ .. ياخى عملتوها ظاهرة .. يعنى ما نمشى لقفة السمك وكدا
على العموم مشاركة بعد عودة طبعا اصحابي ما انا .. The enemy
واحد كاتب : اللهم اجعله خير
والاخير والله متزوج ليه 5 سنين لكن كاتب عشقى الخرافي .. ( دا دجال مش ) ؟؟
سلام ننتظر منكم ..واسمهان
| |
|
|
|
|
|
|
Re: أسماء الزوجات في موبايلات الأزواج (Re: Tabaldina)
|
Quote: أيام الخطوبة:
1. My Love 2. حبي 3. قلبي 4. تؤام روحي
أول أيام الزواج
1. حياتي 2. عمري 3. مرتي (ما مصدق انه عرس )
ولما يكون عندو طفل أو طفلين:
1. أم فلان 2. البيت
وبعد ثلاثة او اربعة سنين:
1. الغليظة 2. المحقق كونان 3. تعال للبيت 4. عذاب القبر 5. مرض 6. الشرطة 7. الداخلية 9. 999 10. جهنم 11.الورطة 12. وديني لبيت أهلي (دا لما يكون يتمنى مرتو تقول ليهو كدا ) 13. البلوة 14. غلطــة عمري 15. أعوذ بالله من الشيطان الرجيم 16. الصخرة 17. البلاء الأعظم 18. غوانتانامو |
العزيز انعام عبدالحفيظ من زمن لم اضحك بهذا الصوت العالي كما فعلت الآن بعد قراءة هذا البوست الظريف، والذي يوضح ان الأمر له علاقة بالواقع اليومي للحياة بمصطلحاته ومفرداته الخطابيه المتطوره مع المستجدات السياسية وانعكاسات حالات الاحباط التي نعيشها. الحمد لله نحن لسع ماسجلنا حاجة. لك ولجميع أفراد الاسرة تحياتي الشديدة
عماد خليفة
| |
|
|
|
|
|
|
Re: أسماء الزوجات في موبايلات الأزواج (Re: Imad Khalifa)
|
Quote: من زمن لم اضحك بهذا الصوت العالي كما فعلت الآن بعد قراءة هذا البوست الظريف، والذي يوضح ان الأمر له علاقة بالواقع اليومي للحياة بمصطلحاته ومفرداته الخطابيه المتطوره مع المستجدات السياسية وانعكاسات حالات الاحباط التي نعيشها.
|
عماد خليفة تسلم كتير
والامر فعلاً له علاقة بالواقع المعاش
وتفاصيل حياتنا اليومية تعكسه في شكل هذه الكتابات والأسماء
Quote: الحمد لله نحن لسع ماسجلنا حاجة.
|
ما تستعجل على بتسجّل بتسجّل
| |
|
|
|
|
|
|
Re: أسماء الزوجات في موبايلات الأزواج (Re: Tabaldina)
|
Quote: على العموم مشاركة بعد عودة طبعا اصحابي ما انا .. The enemy
واحد كاتب : اللهم اجعله خير
والاخير والله متزوج ليه 5 سنين لكن كاتب عشقى الخرافي .. ( دا دجال مش ) ؟؟
سلام ننتظر منكم ..واسمهان |
هاااااااااااي تبلدينا (حلوة هاي دي مش)
بركة بالعودة وأصحابك لقيتهم خطرين ما تباريهم تاني سمح؟
طبعا مافي حاجة اسمها عشق خرافي
فعشان ككدا صحبك دا قطع شك دجال
الله يورينا انت ح تكتب شنو
اسمهان سألتك منك في رأس السنة
بس انا فهمتها انك مشغول شديد
| |
|
|
|
|
|
|
Re: أسماء الزوجات في موبايلات الأزواج (Re: محمد عادل)
|
انا غايتو ياانعام حاقول ليكي الحقيقه، انا كاتب اسمها لاكين معاهو مزيكة اغنية بهاء سلطان(أوم أوأف وانت بتكلمني). وده عشان الأمور تكون واضحه وكل واحد يعرف مكانتو.أما صحيح رجالة آخر زمن. الواحد في الشغل عامل الود شخصيه مهمه وفي البيت زي الكديسه. بلا لمه..اوعى تصدقي كلامهمياانعام كلهم كدايس واحدين بي شنبات و واحدين بدون. مع صادق الموده.
| |
|
|
|
|
|
|
Re: أسماء الزوجات في موبايلات الأزواج (Re: aml gadora)
|
Quote: في احد مسجل مرتو باسم لبانة
عارفة لييه ؟؟ ............عشان لما تطلع من البيت انشاء الله للجيران تلصق ...... تحتل حتلة واحدة هناك ...........ومية مسكول وتلفون مابرجعوها البيت ........والعجب لو طلعو مع بعض مشوار ............وخاسة لو لي بيت اهلها ........تدق اقامة عدييييييييييييييل كده........والعجب لمن توصل باب الشارع تتذكر كل الملفات المعلقة......... وواحد تاني مسميها الانتفاضة .........ودي شرحو |
اما قدورة منورة البوست
غايتو الأولى دي هي الزوجة الحوامة والنضاّامة اما التانية دي فأشرحي على قول ود البشرى
| |
|
|
|
|
|
|
Re: أسماء الزوجات في موبايلات الأزواج (Re: انعام عبد الحفيظ)
|
انعام .... سلامات
سعيد بمعرفتك ...
ان غايتو لسه ما عرست ...
لكن على الطلاق من هسا أخترت الاسم بتاع الوليه
(اسرااااااائيل)
لأنو متوقع موجات ضرب فوق العاده
اصلو نحنا الشايقيه ..نسوانا قاعدين( يدقونا)
رايك شنو في الكلام دا يا شيقا
ـــــــــــــــــــــــــــــــــــــــــــــ
تسلمي يا رائعه
| |
|
|
|
|
|
|
|