|
Re: عصام عيسى رجب سفيراً للسودان في حركة شعراء العالم (Re: Mohamed Abdelgaleel)
|
تحياتي لشقيقي الحبيب العزيز عصام صاحب القلم "الوضاح"
و الشكر و التجلة لكل من أسهم في هذا التكريم ومزيدا من القصائد
أخوك ناصر رجب
يا حَبْرنا الأعْظَم ..... سَلام
شعر عصام عيسى رجب
(1)
أوَّلْ نَحَمْد الله الهداك ليْ ها الفُتوح .... يا حَبْرنا الأعظم ويا شيخنا الكبيييييير الفِكرو صَاحين والكلامو تمام نصيح ما إنتَ أفهَمْ مَنْ مشى فوق الثرى وإنتَ أعلَمْ من جميع هذي الخلوق اللسَّه ما بلغَتْ سماك يا نجمِ والأفلاكْ ضَلام هاكْ السلام والاحترام قَدْر البِليق بيْ فِكرَتك، لكِنْ هِيْ ما فِكرةْ نصاح ...!!! ومرحب حَباب الإجتهاد فاتِحلَك الباب العريض تدخلْ تبرطِع زين وتتحِفْ سمعنا ذي ما تريد حِلو دا النشيد وقتين يكون خاتِ الصِّدِق أتحِفنا ما إنت الفريد والجَّد وحيد كُلْ يوم بتتلوَّنْ جديد ولسَّه الجُراب مليان حَمام أبيض كما الكضِب المريض ألوان شرايط وفرقعات وكُلُّو ما يخطر ببال لكِنْ سؤال: هلْ ما شرَدْ بيك يوم خيال إنُّو الجُراب نِضبتْ دواخلو من الحِيَل وإنَّك في يوم ما أظن بعيد حتْدِس إيديك تمرق مِن القَدّ الزمان متخَبِّي في آخر الجُراب حتّى الجُراب يا شيخنا بيعرف ليْ المقالِب ..... ما بَراك !!!!
(2)
لكِنْ قبُل تسرح بعيد وتصدِّق الكِضِب الفتَر مِن مِغزلك خلينا نفتيك نحنا ديل نِحنا الغلابه المُتعَبين بيك، بي سواك، مالكُلْ ولَغ في دَمَّنا نِحنا البنفتيك وبيْ صِدِق ما بيْ إفترا قبلِ اجتهادك وانفرادك واعتادك .... أوَّل تتوب مِنْ دَمَّنا المُستِباح مِن مِلَّتك مليون سنة مِن "مجدي" والتايه" ومِنْ "أكرم" وفَضْل" وأسماءْ كتير غابت في جُبْ أشباح مهُول مِن كُلِّ شافع ما مسك قلم الرَصاص لكِنْ كتم عمرو الرُصاص مِن كُلَّ أُمْ حبست سجونكم دَمَّها وحرقت حروبكم حِلمها إنُّو الجَّنا يرتَّد لي حضنو القديم مِن كُلِّ بيت وكُلِّ شارِع وكُلِّ نخلة وكُلِّ آآآه قايمة بتطول ليْ يوم حِسابنا معاك هِنا ليْ يوم حِسابنا معاك هِناك
(3)
مِن وين حنبداهو الكلام ...؟! وين اجتهادك لمَّا كنتَ الْكُلْ في كُلْ ماسِك خيوط اللعبه حاشاك ما بتسَبِّح بس تتضَبِّح أيِّ صوت بيْ الحق نطَق قال للظُلُمْ لا، ولي الضلال هل كنتَ حتقول لو حَرِف مِنْ ها الفُتوح لو لِسَّه في عرشَكْ مِلِكْ تأمر وبَسْ وحاضر تجيك مِن قبلِ ما تكمِّل نِداك أو حتَّى ما يرتدَّ طرفك يا حكيم مش قُتَّ يوم: ذي ما قِبلتوا الإنجليز بيْ النار يحَكْمُوكُمْ سنين الدور علينا نفِلَّكم بيْ ها الحديد ..... مين الجلب لينا المغول وعامِل حريف خشَّ السِّجِنْ شوف عاطله كيف حيَّل الضلال ....؟! ومين النَّصِبْ خيمةً ضِرار ليْ بِتْ مدارِس ماشيه لي درس الصباح وكمين قَمئْ يفْتِيها في لِبس الدروس وين طَرحَتك وين خِمارك وين عِبايتِك وين قفازِك وين ووين .... والليلة جاي تقول: خلاص أصلو الحِجاب بس للـ .... يا جُرأتَك والعين قَويَّه كما الحجر ...!!! مين العَقَد للي ماتو في الحرب الـ .... / هاك أوصِفا ...!!! مين العَقَد ليهم جميع على حُورِ جِنان الله الهناك يا شيخنا خَفِفْ وطأتِك ...!!!! ومين الوَقَع لَمِن الشهيد إتعلا فوق المشنقه أصدق قمَر إتجلا في داك النهار "محمود" أيا فارس الحقيقه الما بتغيب مِن كم سنه نوَّرت أبصار البلَد بي فِكرِ صادق وما هو زيف بي كُل رزانه واحترام قُتَّ الكلام الهسَّه شيخنا بشابي لو يلمس غبار خطواتو، وين .... ما إتْ عبرتْ برزخ حقيقتك وما انطفيتْ ووراكَ كم خبَأتْ مجوس
(4)
قُتْ لينا كيف: حتّى المسيح ما أْظِن يجي ..... فَقْري وبتفهما طايره فوق قُبَّال تَرِكْ ..... يا شيخنا هوي: خلِّي المسيح ليْ يومو داك وصَفِيلنا هسَّه حسابنا حار ....!!! ما البينا حار ما بحتَمِل طُول إنتظار بينَّا الغَرِب والجنجويد بينَّا الشَّرِق نار باقَّه مِن تحت الرَّماد بينَّا الجنوب يمكن يكون ما فيش جنوب يلحق حلايب ديك وعييييك ..... والله يستُر مِن وسطنا ومِن صحارينا الشَّمال فرَّقتنا إنتَ وسواك مليون بدَد ومليون بلَد واحدات بِحرثَنْ في الثلوج واحدين خليج واحدين نشيج واحدات وعوووك هاك يا شتات
(5)
والجَّدْ بيغظ فيك ضَحْكَتك تضحك، تشمِّر جبَّتك تضحك، تقنطِر عِمَّتك تضحك، تمسِّدْ لحيتك البيضا مِن فَقْد الوقار .... تضحك تقول صفحةْ كتابك ناصعه مِنْ قهر العِباد، ظُلم البلاد الكمْ شكَتْ مِن دبَّتك فوق جَنْبتا تضحك وكم بكَّيتْ بيوت مِن حَلْفا ليْ نُمُولي وجَبيت .... لِكنْ كفاك ما تاخدك العِزَّه أْم إثِمْ تضحك على روحك براك تضحك عليك هذي الغُبُش ويوم ضَحْكَتا ياما الدموع تبكيها دَم باللهِ مش أحسن كتير بدل الضِّحِكْ والفَنْجَره تمشي وتقيف في كُلِّ باب تبكي الدموع الما كِضِبْ وتطلب سماح من يوم كسرتَ القُلَّه مرَّقت العفاريت والهوَسْ ليْ يوم قيامتك مُنْطَمِسْ
(6)
زيَّفتو دِين الله النقي دِينَّا البسيط مافيهو بين الرب وبين خلقو البُساط شيخاً دَعِي وَهْمُو الكبير إنُّو الوحيد عارف الله صاح إنو المكلَّف يصلح الكون الخِرِب ويعيد صياغتو وطِينتو، يَسْ: مِنْ أيه تو زيد دِيناً سَمِح يدِّيك سكِينتَك والسلام مُش زِيف شِعار ممسوح بكِلمةْ حق، وهيهْ .... وراها كم باطِل صريح دِين صَحْ مَتِين والسِّكه ليهو رهيفه جَدْ: أوغِل بِرِفق .... مُش بيْ الهوس وإنك تبيح دَمّ البجي بي رأي يخالف فِكرَتك المستحيل دا يكون هو دِين
(7)
القصه واضحه كما الشَّمِس ما غابيه زول يا فيها، يا .... وبينكم هدر بيضيع بلَد أبداً وحاتْ الله الصَّمد ماك إتْ فقيهاً بِجْتَهِد رَهِّفْ مسامعك بَسْ قليل تلقى الشَّجر والنِّيل وطيرو، كما الصِّغار بيغنُّوا ليك أصدقْ غُنا: "مِن بعدِ ما خِربِتْ خلاص الليله جاي بِتِجْتَهِد وتبدِّل الليل بيْ النَّهار كيف وإنتو دَمَّرتوا البلد ....!!!" ومِسْك الختام يا حَبْرنا الأعْظَم سلام ليك احترام قدر اليليق بي فِكرَتك أو ضَحْكتَك وقتين تقَهقِه وتفْقَعا مبسوطْ تمام أضحك كمان وشويه بَسْ يضحك بلدنا على الخِمِج أصلو البيضحك في الأخير بيضحَكْ كتير بيضحَكْ كتير بيضحَكْ كتير
|
|
|
|
|
|
|
العنوان |
الكاتب |
Date |
عصام عيسى رجب سفيراً للسودان في حركة شعراء العالم | Mohamed Abdelgaleel | 07-04-07, 01:48 PM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-04-07, 01:50 PM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-04-07, 02:46 PM |
Re: عصام عيسى رجب سفيراً للسودان في حركة شعراء العالم | عبدالله داش | 07-04-07, 03:15 PM |
Re: عصام عيسى رجب سفيراً للسودان في حركة شعراء العالم | معتصم دفع الله | 07-04-07, 03:23 PM |
Re: عصام عيسى رجب سفيراً للسودان في حركة شعراء العالم | Siddig A. Omer | 07-04-07, 08:05 PM |
Re: عصام عيسى رجب سفيراً للسودان في حركة شعراء العالم | صديق الموج | 07-05-07, 03:34 AM |
Re: عصام عيسى رجب سفيراً للسودان في حركة شعراء العالم | bayan | 07-05-07, 05:31 AM |
Re: عصام عيسى رجب سفيراً للسودان في حركة شعراء العالم | خالد عويس | 07-05-07, 06:02 AM |
Re: عصام عيسى رجب سفيراً للسودان في حركة شعراء العالم | الصادق خليفة | 07-05-07, 06:25 AM |
Re: عصام عيسى رجب سفيراً للسودان في حركة شعراء العالم | Mannan | 07-05-07, 06:43 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-05-07, 09:46 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-05-07, 10:55 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-05-07, 12:34 PM |
Re: عصام عيسى رجب سفيراً للسودان في حركة شعراء العالم | musadim | 07-05-07, 12:46 PM |
Re: عصام عيسى رجب سفيراً للسودان في حركة شعراء العالم | عصام عيسى رجب | 07-05-07, 12:42 PM |
Re: عصام عيسى رجب سفيراً للسودان في حركة شعراء العالم | Mahmoud Mustafa Mahmoud | 07-06-07, 07:51 AM |
Re: عصام عيسى رجب سفيراً للسودان في حركة شعراء العالم | فضيلي جماع | 07-06-07, 09:54 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-07-07, 06:49 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-07-07, 11:05 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-07-07, 11:13 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-07-07, 12:35 PM |
Re: عصام عيسى رجب سفيراً للسودان في حركة شعراء العالم | خالدة البدوي | 07-07-07, 01:15 PM |
Re: عصام عيسى رجب سفيراً للسودان في حركة شعراء العالم | عصام عيسى رجب | 07-07-07, 09:40 PM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-08-07, 06:21 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-08-07, 01:24 PM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-08-07, 02:12 PM |
Re: عصام عيسى رجب سفيراً للسودان في حركة شعراء العالم | حسين حسن حسين | 07-09-07, 07:35 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-09-07, 10:29 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-09-07, 02:17 PM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-10-07, 06:45 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-10-07, 01:14 PM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-11-07, 01:18 PM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-12-07, 01:30 PM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-15-07, 07:34 AM |
Re: عصام عيسى رجب سفيراً للسودان في حركة شعراء العالم | Mohamed Abdelgaleel | 07-16-07, 10:28 AM |
|
|
|