|
|
|
 Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
محمد البشرى
Quote: مبروك يا عمك
و ربنا يهنيكم و يرزقكم الذرية الصالحة و العيشة الهانئة
|
الله يبارك فيك وعقبال طهور حتوت 
Quote: للأسف مواعيدك جلت مننا بشوية
لكن قلوبنا معاك
|
لا لا حرم ما تتعب روحك ..
أنا جاييك لحدي عندك إنت بس جهز البتاعات
Quote: بتاعة....
يا معلم إنت بقيت مسؤول و كدا
حركة جيب اللنكات من الأرشيف دي بطلها بعد دا |
يا محمد البشرى هاك القصة دي ...
زمان في واحد من البورداب هنا أنا جقيقة معجب بي كتاباتو ومتكيف منها وبقرا ليو طوالي ، بس لسبب أو لتاني ما في زول بيتداخل معاو .. حتى أنا كنت بكتفي بقراليهو بس لحدي ما لم فيهو كدة واحد مسلط وقال ليهو إنت لي متين حا تكون زي أبو ذر الغفاري تكتب بوستاتك لوحدك وترد عليها لوحدك و (تفوقها) و (تأببها) لوحدك ؟!
زولي داك رد ليهو بي كل هدوء وقال ليهو : أنا ما بكتب لي ناس المنبر .. أنا بكتب للأجيال القادمة ..
أها يا ود البشرى ..
بي نفس الفهم دا أنا بجب لمن أكتب بوست تكون فيهو كل الحيثيات والملابسات عشان يكون في تسلسل موضوعي والناس تعرف أنا عانيت كيف في موضوع الزواج دا ..
عشان كدة انا برضو بكتب وأوثق للأجيال القادمة
| |
 
|
|
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
الله يبارك فيك يا دينق وعقبالك ..
Quote: حمكمة من حكم العبابير.
الاغنية المصرية دي شنوا؟
ده مش ياهو الاستلاب الثقافي زاتوا يا نازر؟
|
غايتو (الإستلاب الثقافي) دا إنت عذبتو عذاب ذكرتني بالمصري الشابك الناس I DOES I DOES قالو ليهو يا إبن الناس هي I DO ما I DOES ! قال ليهم : أنا عارف بس هي عاجباني كدة
بالمناسبة يا دينق داير أقول ليك حاجة ..
أنا منعت ناس الديكور منعا باتا ما يدخلو لي أي أغنية مصرية في الزفة او بين الفواصل (ما عشان إستلابك الثقافي لكن عشان قناعات تانية أنا مقتنع بيها) مش كدة وبس .. حتى الأغاني يتاعت الزفة والبين الفواصل أنا جبتها ليهم من عندي من السوداني والتراث وكدة ، ووريتم يشغلوها متين وفي يا تو حتة ..
شفت كيف ؟!!
| |
|
|
|
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
يا سلام عليك يا الملا عمر ...
Quote: يا ناذر بالجد كده ده خبر جميل جداً وربنا يتم ليك بالخير ويا ريت الواحد لو كان قريب من مكان الحفلة عشان كان يحضر ويشارك إن شاء الله لو يكتب في الكشف فوق وبي الإنجليزي UP على طريقة رفع البوستات في منتداكم هذا.
إن شاء الله تغلبها بالمال وتغلبك 3 صفر يا ناذر ، وده والله من الأيام الجميله بس ما تبقي كسلان بعد العرس وتكون عضو غير فاعل في المنتدي وكمان ما تندلق زي ناس هناي وتكتب لينا في اليوم الواحد طاشر بوست فإن لزوجك عليك حق فأعطي كل ذي حق حقه يرحمكم الله.
مبروك يا عريس |
الله يبارك فيك وبالجد مداخلتك جميلة ورايعة ..
| Quote: وكمان ما تندلق زي ناس هناي وتكتب لينا في اليوم الواحد طاشر بوست |
أساسي دا أصلو كدة وأظن طاير ليهو ... أنساهو بس
| |
|
|
|
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
غباشي ....
كدي أول حاجة هش العنكبوت الفي طاقيتك دا عشان أنا بخاف من العناكب
Quote: ألف مبروك يا مان .....
لازم في الزفة تركب الحنطور .. بس ما تتحنطر
و يغنو ليك
العنب ..... العنب ..... العنب
ياريت لو كنت في السودان كان الواحد قام معاك بالواجب
ربنا يتمم ليك على خير |
الحنطور ما حا نركبو خلاص كفاية خلينا نشوف الأهم من كدة ..
تراكا حافظ أغاني سعد الصغير كلها .. حريف والله
تسلم كتير وجيتك في القيدومة دي زي الجيت العرس واحد ..
| |
|
|
|
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
غايتو ألذ حاجة في البوست دا الشكلة المدورة بين دينق و ود محجوب قي الصفحة الاولى بي سبب صورة بوش وبن لادن ..
والله يا شباب ذكرتوني بالشرامة الكانو بيجونا من قشلاق البوليس للخرطوم تلاتة في الاعراس ويقعدو يكشفو للجكسايات ودايرين أقرب سبب عشان يدورو شكلة يفرجو الجكس والمعازيم والعريس والعروس ما جايبين خبر إلا بعد ما تتطاير الكراسي والناس تفر وتقول الحاصل شنو
روقو المنقة يا شباب وصحانة العشا حا تجيكم لحدي عندكم بدون مشاكل
| |
|
|
|
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
السلام عليكم
الفدائي أبو النيز
والله ليك وحشة
ياخي شفقتنا عديل كدة
مع حال السودان المشقلب ده
قلنا يمكن بقوا يحبسوا العريس في البيت بدل العروس
ويأكلوه الطحنية والكسرة المرشوشة بالسكر ...الخ
ياخي حمد الله الف على السلامة..
طبعاً زي ما عارف سألنا منك كتير
والسبب الإجازة المقسومة ما بين الخرطوم والمدن ( الهامشية)
والموضوع محتاج لتنسيق دقيق
عشان نقدر ندّخل يوم عرسك في الأيام العاصمية
سأزيد مساحة التواصل عند وصولي للخرطوم
تخريمة 1:
شايفك نسيت ترد على مداخلة الزول الفنان هيثم عبدالعزيز
معقولة بس...
ترد على ( الملا عمر ) وتنسى ( هيثم)
تخريمة 2:
عرفنا مواعيد العرس ، وطبعاً بالنسبة للمكان أكيد ح يكون صالة ، لأن آكلي حلل الهند لا يمكن أن يخاطروا بصيوان
أها ..لقيتني كيف في الإستنتاحات 
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
الأخ الزوول كيفك ...
Quote: السلام عليكم
الفدائي أبو النيز
والله ليك وحشة
ياخي شفقتنا عديل كدة
مع حال السودان المشقلب ده
قلنا يمكن بقوا يحبسوا العريس في البيت بدل العروس
ويأكلوه الطحنية والكسرة المرشوشة بالسكر ...الخ
ياخي حمد الله الف على السلامة..
طبعاً زي ما عارف سألنا منك كتير
|
يا خي والله متشكر كتير علي السؤال وعلى البوست البتسأل فيهو عني ..
مجرد كتابتك للبوست إتصل بي الصديق محمد عكاشة وأنا والله كنت في قمة الزحمة والجوطة وما قدرت أجي النيت والله ..
أنا رديت علي ود القوز بس تحت شوية وحتى بالإمارة رفعت ليك البوست بتاعك الهو أداني الرابط بتاعو ..
تسلم كتير ..
Quote: عرفنا مواعيد العرس ، وطبعاً بالنسبة للمكان أكيد ح يكون صالة ، لأن آكلي حلل الهند لا يمكن أن يخاطروا بصيوان
أها ..لقيتني كيف في الإستنتاحات |
والله لقيتك خطيررررررررررررر
فعلا نحنا شباب الهند ما بنقدر نخاطر من شدة أكل الحلل صباح ومساء بي أي حفل زواج في الهواء الطلق حتى لو كان في شهر أربعة او خمسة .. الكتاحة محمدانا محمدانا
تصل الخرطوم بإذن الله وتعرف باقي التفاصيل ..
تشكرات ..
| |
|
|
|
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
| Quote: سيكون زواجي بإذن الله مساء يوم الخميس الموافق الخامس من يوليو القادم بالخرطوم .. |
ناذر
طبعاً دا يوم تاريخي في حياتك.
والأيام التاريخية ما بتتكرر.
بدل يوم 5 يوليو، كان تخليهو يكون يوم السبت 7/7/2007 (سبعة، شهر سبعة، سنة ألفين وسبعة) وكدا تكون ضربت 4 سبعات بحجر واحد – السبعة الرابعة معروفة طبعاً  .
وبعدين انت صابر ليك سبعين سنة ، غالبك تصبر يومين بس وتدخل في سبعة، شهر سبعة، سنة ألفين وسبعة؟
غايتو أنا بجي أهنيك يوم 7/7
تحياتي
| |
|
|
|
|
|
|
|
|
|
Re: دعوة مفتوحة لمشاركتنا فرحنا لكل بورداب وقراء سودانيز أون لاين .. (Re: ناذر محمد الخليفة)
|
يا برقو ..
| Quote: فعلا حاجة عجيبة . ولما كان ناذر يحب المناكفة حبينا نمازحو بالصورة دى |
والله العريس دا مش بيحب المناكفة .. دي جارية في دمو عديييييل كدة ..
بس بعدين ومن هنا ولي قدام أنا بقيف معاك في أي حاجة ..
محامين بعينم ليك .. غرامة بدفعا ليك .. جلد بنجلد معاك لكن من هسي داير أقول ليك حاجة ..
شيتا بيودي غوانتنامو تمشيهو برررراااااااااك والله من حتتي دي ما أباريك ولا أقيف معاك
قصرت معاك
| |
|
|
|
|
|
|
| |
Adam Omer
doma
الزاكى عبد الحميد
محمد الكاب
طلال اسماعيل حسب الرسول
على محمد على بشير
ناذر محمد الخليفة
معتصم دفع الله
Alfarwq
عادل فضل المولى
ibrahim fadlalla
محمدين محمد اسحق
أيمن الطيب
ود محجوب
عزيز عيسى
الزوول
يحيي مصطفي
Mahjob Abdalla
طارق جبريل
omer abdelsalam
حمد فتح الرحمن
خالد علي محجوب المنسي
A.Razek Althalib
حسام يوسف
Ashraf el-Halabi
Deng
Wathig Makki
Amir Omer
عصام عبد الحفيظ
نيازي مصطفى
elsharief
الفاتح ميرغني
Imad Khalifa
حيدر حسن ميرغني
بدرالدين شنا
عواطف ادريس اسماعيل
إسماعيل التاج
نهال الطيب
Dr.Saeed Zakarya Saeed
Dr.Ahmed Boasch
فيس بوك
تويتر
انستقرام
يوتيوب
بنتيريست