يادكتور حامد
سلامات
هذه مداخلتى الاولى معك ,,
ولما شفتك ناوى الرحيل ,
قلت اردد ليك هديل ,
وامسح ليك دمعة بالمنديل ,
عسى عن رايك تميل, ياشبه مياه النيل
انت يا زول دا ذاتك جيت متين...
البورد دا سرو عجيب ,,,انا قديم خلاص ومشلتى عضو فى 25 موقع ومنتدى واقول اتركه والف واجى تانى,لان فى منديات اخرى لو كتبت مشاركة , تقعد ستة اشهر ما تلقى زول يجدع برد كان عديل كان اعوج,, عشان كدا متكيف من حركة البورد السريعة دى وناسو البمثلو سودان الجميع,,عشان كدا انا بحرسو زى لما المزراع يكون فاتح موية قمح,,,وبعدين هو بمثل عندى مدينة سودانية ,,او اى مدينة فى الغربة,,هنالك اماكن نرتادها ونمكث فيها واخرى نيصرها باعيننا على البعد ,,ولنا راى فى من يرتادوها وربما ننبذهم ونسمعهم بعض الكلمات القادحة,,,كذلك البوستات يادكتور,,,فانا الان وصلت لمرحلة اعرف راى صاحب البوست فى موضوع ما, قبل ان افتح بوسته ومشاركته,,,
فرجاء ابقى معنا لا تذهب فانت من حقبة الزمن الجميل وسودان الاستقلال,,
شكرا جزيلا واسف لعدم الدخول عليك من قبل
ابقوتة فى اخر الدوام
|
|
abuguta
فيس بوك
تويتر
انستقرام
يوتيوب
بنتيريست