|
هل للمرأة حق في تفتيش أغراض زوجها
|
الموضوع كلو واحد فردة قال لي طوالي مرتو بتفتش في جوالو ده شمار ولا غيرة ولا شنو؟ ففي بعض الأحيان تساور بعض الزوجات الشكوك أو حتى الفضول للاطلاع على هاتف زوجها والسؤال هنا هل لها الحق مراقبة أرقام ومكالمات هاتف زوجها؟ وأيضاً هل للزوج الحق في ذلك؟ لأنو صراحة البيت مولع
|
|
|
|
|
|
|
|
Re: هل للمرأة حق في تفتيش أغراض زوجها (Re: كبسيبة)
|
كبسيبة سلام اعتقد انه ليس لكلاهما الحق في تفتيش الاخر لو شمار او غيرة ممكن جدا تسأله مباشرة عن هوية المتصل وسيتضح اذا كان يتجنب الاجابة او يتردد او تلمح في كلامه الكذب وده في حد ذاته كافي للحكم من جانبها
رأيي الشخصي انه مافي دخان من غير نار وكلما زادت محاولات الزوج في اخفاء هوية المتصلين به زاد ذالك في شكوك الزوجة ده منو, ده فلان او فلانة لو جات مسج ممكن جدا يقراها علنيا عشان ترتاح ومرة او اتنين حتزهج براها وتخليه الا اذا كان في الموضوع ان فعلا
تحياتي زولة123
| |
|
|
|
|
|
|
Re: هل للمرأة حق في تفتيش أغراض زوجها (Re: كبسيبة)
|
تعرف يا كبسيبه انا مرة شفت حريقه زى دى بسبب تفتيش الزوجة موبايل زوجها والسبب انها وجدت عدة اسماء لبنات متصلات ، وبدأت المشاجرة بينهما بسبب غيرة الزوجة الفظيعة ، وبعد شوية شفنا الحاجات بقت تتطاير فى الهواء قبل ما تولع النيران وصارت مشكلة فظيعة كادت ان تؤدى بينهما للطلاق
وهنا اقول رأيى بصراحة ان الزوجة غلطانه اكبر غلط بسبب هذه الحملة التفتيشية السخيفة والغير مجدية وغير مبرره لأن الثقة عماد الحياة الزوجية واذا انعدمت الثقة فلا داعى اصلا لهذا الزواج القائم على الشكوك
ليه اتزوجوا من الأساس؟؟؟؟
| |
|
|
|
|
|
|
Re: هل للمرأة حق في تفتيش أغراض زوجها (Re: يازولyazoalيازول)
|
Quote: ليه اتزوجوا من الأساس؟؟؟؟ |
لالا يا هشام ما بارعه دي اصلا قالت بتحبني و اتزوجتني و اظن عشان تفتشني والموضوع ماواقف علي الموبايل بس وانا ماعندي مانع .. انشاء الله هي تقتنع كبسيبه يا اخوي دي قصه طويييييييييييييييييييييييييييله وبالمناسبه الغيره هي الاسم الحركي لعدم الثقه
| |
|
|
|
|
|
|
Re: هل للمرأة حق في تفتيش أغراض زوجها (Re: كبسيبة)
|
سلام
لا لا طبعا ما ليها حق
Quote: تعرف يا كبسيبه انا مرة شفت حريقه زى دى بسبب تفتيش الزوجة موبايل زوجها والسبب انها وجدت عدة اسماء لبنات متصلات ، وبدأت المشاجرة بينهما بسبب غيرة الزوجة الفظيعة ، وبعد شوية شفنا الحاجات بقت تتطاير فى الهواء قبل ما تولع النيران وصارت مشكلة فظيعة كادت ان تؤدى بينهما للطلاق
|
هو كمان ما يعملها واضحة كده، ما بيعرف يغير الاسامى، يعنى
عبير = عبدالله سحر = سعيد هبه = هشام خوله = خدر و الخ الخ الخ
| |
|
|
|
|
|
|
Re: هل للمرأة حق في تفتيش أغراض زوجها (Re: كبسيبة)
|
خــدر و الله قلت الحـــــق
Quote: الغيره هي الاسم الحركي لعدم الثقه |
لو أديت المرأة الحـق إبقى برضو حا تدي الرجل نفس الحـق
و ما في داعي للمشاكل الإثنين ما ليهم أي حـق في تفتيش أغراض الآخـر
و زي ما قال ليك قرجة فيروز و نهاد طلعوا رجال يعني كان ممكن يحصل طلاق و ضرب تحت الحزام
بدون سبب
و كـل عام و أنتم بخير
| |
|
|
|
|
|
|
Re: هل للمرأة حق في تفتيش أغراض زوجها (Re: ABUHUSSEIN)
|
الاعزاء زوار البوست
سلام وكل سنة وانتو بالف خير ولكبسيبة الف تحية
لا يحق لاى شخص تفتيش الآخر.. لانه دائما هناك شئ اذا الشخص بحث حتما سيجد ما يثير الشكوك..لآن العلاقات الانسانية متشابكة فى بعض الاحيان تكون غير مفهومة او مبررة..مثل علاقات الاصدقاء والاقارب..و الجيران. قد تكون العلاقة حميمة فلا يعجب ذلك احد اطراف الزواج.. وتبدأ الغيرة والتفتيش ...
بما اننى متزوجة أستاذ جامعى لا اسأل ابدا اى امرأة تتصل به من هى فقط اسألها هل هناك وصية وفى بعض الطالبات يعرفن انفسهن متبعات الاتيكيت.. وأخريات لا.. ولا ابحث فى تلفونه و ايميله.. لدى صديقة تفعل ذلك بأنتظام ودائما تحقق مع زوجها عن لماذا كتبت له تلك المرأة ذلك فأى كلام حمال أوجه ولذلك يستحسن عدم التجسس والتحسس.. وهو حرام لان بعض الظن أثم.. ايضا لا يأتى منه الى الحزن و المشاكل.. نوصى اى راجل اى عايز يعمل حبيبة يعمل تلفونين
| |
|
|
|
|
|
|
Re: هل للمرأة حق في تفتيش أغراض زوجها (Re: bayan)
|
الحبيب كبسيبة كل سنة وانت طيب وعقبال السنة الجاية كدة مترقي لرتبة عليا. ليس هنالك مانع من حيث المبدأ من أن تشاهد الزوجة ما يحتويته موبايل الزوج من رسائل أو أتصالات وهو كذلك ليس هنالك مانع من أن يرى من يرد في موبايلها وهي لا تدخل من وجهة نظري الخاصة في تفتيش الأغراض .
بيان سلام وكل سنة وانت طيبة قلتي موبايلين ولو قاموا قبضوا الموبايل الخفي يكون الرد شنو؟؟؟؟
| |
|
|
|
|
|
|
Re: هل للمرأة حق في تفتيش أغراض زوجها (Re: كبسيبة)
|
عزيزي كبيسة المفروض انو مافي اسرار ما بين الزوج وزوجتو وعادي يعني ممكن اي واحد يطلع علي موبايل التاني والنار المولعة دي مافي ليها داعي الا ...!!....وشفت الا دي هي المشكلة!!! التحية لكل الازواج والزوجات المخلصين ودي
غادة
| |
|
|
|
|
|
|
Re: هل للمرأة حق في تفتيش أغراض زوجها (Re: غادة نصر)
|
اكتر حاجة عجبتنى فى البوست ده "كلاهما" دى
لانو عندنا مرة طوالى بتحلف وتقول "يقدد كلاى" ..ومرات اقول بتقصد محمد على كلاى لكن بلاحظ انها بتخت يدينا فى حته فى جنباتها قبل ما ترجعهم تانى وتقول "يقدد نظرى" وتختهم تحت عيونها وتجر "نظرها" لى تحت لمن الشفع الواقفين يرمشوا..زى لمن بتفرجو فى الحفلة على بتاع البنقز يا عملات الوافر قال مع مل ضربة يرمشو..
المهم كلاى دى تانى مالاقتنى الا هنا قالتها زولا123 الدكتورة قلت يا بتكون طبيبة كلى يا بتبقى للمرة ديك ..فى حاجة بتلمهما والا ما قالت كلاهما
ملحوظة: ما تفتشو بعض يا ازواج خليكم متزوجين ساى.
| |
|
|
|
|
|
|
Re: هل للمرأة حق في تفتيش أغراض زوجها (Re: Tumadir)
|
Quote: ملحوظة: ما تفتشو بعض يا ازواج خليكم متزوجين ساى |
. ده الكلام ولا بلاش ياتماضر والله انا حليمه2 لابتسالني ولاحتى بتعاين لما امشي البلكونة عشان اتكلم في التلفون لووول,(انا بمشي عشان التلفزيون صوتو بيكون عالي) ولا شنو يا ياصباح عمري? ولي قدام
| |
|
|
|
|
|
|
Re: هل للمرأة حق في تفتيش أغراض زوجها (Re: كبسيبة)
|
سارة حمزة
Quote: اى علاقة بين اثنين مفروض يكون اساسها الثقة بعد ذلك الاحترام المتبادل ثم ياتي الحب وهكذا تصبح الحياة جميلة |
قلتي لي علاقة بين اثنين (حددي) المشكلة في الزمن ده يا سارة الحب دائماً بجي في الأول أتمنى للجميع حياة جمييييييييلة
ونصيحة تمسحوا الرسائل الورادة والمرسلة قبل ما تخشوا البيت
| |
|
|
|
|
|
|
Re: هل للمرأة حق في تفتيش أغراض زوجها (Re: كبسيبة)
|
كبسيبة انا بقصد علاقة بين زوجين
ونصيحة تمسحوا الرسائل الورادة والمرسلة قبل ما تخشوا البيت
اذا وصلت لدرجة دى مافى داعي لحياة مع بعض الثقة مطلوبة ف اي نوع من العلاقات
This is my own opinion though When you love someone and share with him or her your life then no need to to look after her or him and everything should be really clear between the two .Life is sharing loving and caring respect and confident in each other
| |
|
|
|
|
|
|
Re: هل للمرأة حق في تفتيش أغراض زوجها (Re: عبدالناصر معتصم)
|
الأخ / كبسيبة تحية حب واحترام أهنيك على التوقيت ومحتاجين حاجة نستمتع بقراءتها(ونشارك بجهد المقل ) فيها..... وسط هذا الحريق . والحكاية شايكة حبتين وتختلف بإختلاف بيئة وفهم المتزوجين ولا أود الإطالة والتنظير مخافة أن تسبب الملل لخفيفي الظل هنا وتحياتي لأم محمد وهي تبحث في رسائل جوالي ( خاصةً آخر الشهر عندما يحصل الفلس وتريد أن تدعم موقفها !!!!!
لا والله يا أم محمد تسلميلي.....أمزح فقط !!!!!!!! ما تجيبوا لينا الهواء
| |
|
|
|
|
|
|
Re: هل للمرأة حق في تفتيش أغراض زوجها (Re: كبسيبة)
|
كبسيبه
والله ياخوى اكان وقفت على تفتيش الموبايل بس كويس مافى عوجة تب وسليمة ....
مش الموبايل ده خليه فى السهلة وما تزعل ام العيال ياخى ... بس امسح كل رسالة فور قراءتها وكل اسم متصل فور انتهاء المحادثة ...
الخواف ربى عياله ياخوى
| |
|
|
|
|
|
|
|