|
لي كميـــن زمن ... راجيــــك!!؟
|
لي كمين زمن
راجيك بالشوق
الممدد في العمر
وفي خلايا الدم
غرّز جذورو واندفن
اقالد اليوم الجديد
بي لهفة الطفل الوليد
واهدي للايام عقاب
عمري الحرق بي وراك
واتهربد رقد
زي فرناغة راشيها الخريف
بقيت رهيف
اشاشي للقبل صعيد
للجاي من تالا القبلي
والـ يا دوبك نزل
حاري للمرسال يجيب
منك خبر..
او بشرة فال سعيد
لا طيفك كحل منام
عيني العنيد
ولا..
مكتوب كمان منك وصل
وفضلت كايس في الاماني
لي حبة امان
زي ايام زمان
ولا للعهد القديم
شان يصفا لي يوم
واحكي ليك
كل الحصل
وكل الكان قبيل
مدسوس في القليب
في حجر مكين
ما حاسيبو زول
وبرضو بتقول
نسيت...؟
نسيت.. الكان وكان
وكيف انسى الولف
والضل الحرن
ومن بعدك وقف
وما طالب حلف
من غيرك..
بقيف كل الزمن
مشرور في الفراغ
ونبض الفرحة زاتو
في عروقي بيجف
ؤبث
|
|
|
|
|
|
|
|
Re: لي كميـــن زمن ... راجيــــك!!؟ (Re: طيفور)
|
العزيز طيفور.. اسرار بابكر .. لقد اجمع اهل الفن ان اسرار لازالت تحمل كثير من الاسرار بين نبرات صوتها الذى يفيض تطريب.. فنـــــــــــــــــــــــانة@
لكن كده ما خرمت بى شديد
انا فى انتظارك يا حالم.. وافرد جناحك يا طاير.. وما تخلى زول فى الحلة الا سلم عليهو..وبوس ايديه..
شكراًودمت
الوليد،،
| |
|
|
|
|
|
|
Re: لي كميـــن زمن ... راجيــــك!!؟ (Re: طيفور)
|
طيفور
مساك الله بالخير والجمال
قلت ووفيت وكفيت ،،، نص جميل وابداع متناهي ،، وشوق حامي خلاص
قاربت في كثير من المعاني والمضمون قصيدة الرائع حميد التي تغني بها ثنائي العامراب
زعلان منك ايي لانك لاهببت قوافل شوقك ولا اكرمت رسايلو الجنك لا عوافي ولا كيفنك
تشكر على هذا الابداع ، لكن كلمة بس الفي النهاية دي مافي داعي ليها لاننا نطمع ان تزيد وتبدع وشكراااااااااااااااااااااااااان جزيلاااااااااااااااااااان
شروووووووم
| |
|
|
|
|
|
|
Re: لي كميـــن زمن ... راجيــــك!!؟ (Re: تولوس)
|
يا داااااااااا الكسوووووووف يا عثفير ما جنب الناس كدا هوت تحرجنى كدا اوعدك تانى ما اغيب عشان ما تنتظرنىولا اوقليك حأغيب فد مرة عشان تكتب فينى تانى الكلام الحلو دا شكرا ليك يا فردة
| |
|
|
|
|
|
|
Re: لي كميـــن زمن ... راجيــــك!!؟ (Re: bayan)
|
وووووووب يا بنبونة لكين... D:
وانا من زمان اشيل واغتغت فيها واضاريها من عيون الناس تقومي تفتيها كدي؟؟؟
Quote: اوعدك تانى ما اغيب عشان ما تنتظرنى ولا اقوليك حأغيب فد مرة عشان تكتب فينى تانى الكلام الحلو دا |
انت لو غاب شخصك.. طيفك دايما معاي
اخير خلينا في الاولى.. مث اثحن؟؟؟
وتسلمي يا ست البنات
| |
|
|
|
|
|
|
Re: لي كميـــن زمن ... راجيــــك!!؟ (Re: Alia awadelkareem)
|
الغالية ام فاطمة..
اسالي الشوق الفي عيوني قدر ايه جواي مساحتك (والعهده على طيب الذكر الموصلي)
نعمل ايه في بعد المسافة ولؤم الزمن وكلو كوم والكتاحة الفي البور كوم تاني
غايتو من اجمل الاحداث المرقت من كوم الرماد دا طلة حبيبنا مصطفي عجب
تحيات مكثفة لفاطمة الدهب الاحمر وسؤال حائر مشفق.. أين بنت فاطنة الأخرى.. عساها بخير..؟؟؟ بلغيها عني وافر السلام
| |
|
|
|
|
|
|
|