دعواتكم لزميلنا المفكر د.الباقر العفيف بالشفاء العاجل
|
|
 يا ...... دناقلة المنبر ........ اتحدوا !!!!!!!
|
قبل مازول يجى يهاجمنى !!
وياعنصرية
ويامتعنصرة (دى يعنى شنو زاتها هى )؟!!
وياقبلية !!
وياهناى !!
كل القصة انو من امى الله يرحمها ماتت زول رطن معاى مافى لمن نسيت الرطانة !!
وهسة نفسى الناس الدناقلة البعرفوا يرطنوا يجو يتونسوا معاى بالرطانة هنا وياحبذا لو كمان جبتو لى كم اغنية بالرطانة تكونوا ماقصرتو !!
بالمناسبة رطانتنا تشبه كلام الدينكا وفيها تشابه مفردات كتيرة بينا وناس جبال النوبة !!
اها مافى زول يجى يرطن لينا شوية هنا ياناس ؟!!
الرطانة دى ثروة قومية لانها لغة النوبة والمفروض نحافظ عليها من الانقراض !!
وياكبسيبة ان هال مندى ؟!!
كمبو شديد ان شاء الله !
|
|
 
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
Quote: Abu Gaafar
»Ahmed Khalil
»bayan
»ensana
»kamalabas
»omar ali
»Sobajo
»wail tagelsir abdalla
»waleed500
»Yassir Tayfour
»إسماعيل التاج
»سيد أحمد خليفة
»عصام أحمد
»عمر ادريس محمد
»محمد بهنس
»منذر نقدالله
»نادية عثمان
»نزار اسحاق عشر
»هشام هباني |
ولا واحد فى ديل بعرف يرطن ياكافى البلا ؟!!!!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: عصام أحمد)
|
العزيزة ست اللهيج السكري
نحنا بالانتساب..
في زول سال بتنا الفي النص
قاليها انت ابوك كوز ؟
قاليه لالا ابوي "ضاناغلاوي"
اسع الكيزان بين اصحابنا اسمهم
"ضًَانَاغلاوي"
عندنا صاحبتنا دنقلاوية معرسة جعلي
جو امريكا
في مدينتنا مافي زول بيرطن
اها مشت نيويورك قعدت كم يوم
جات قالت : وووب على لساني ما اتلوى ونسيت الرطانة.
من مشيت نيويورك اللغة الرسمية هي الدنقلاوية...
النبكي تارى السقتي...لقيتني كيف؟
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: bayan)
|
بيان
المؤرخة التى اباهى بها وافاخر واراهن واعتز واحب حنانها زاتو !!
| Quote: النبكي تارى السقتي...لقيتني كيف؟ |
لقيتك زى كل مرة .. كده !! (شايفة صباعى الكبير ) ؟!!
اها الرسول فيك دى اتعلمتيها وين ؟!!
انا عارفة انك ظلامية لكن رطانة دى جديدة لنننننننننننننج !!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmuez)
|
المعز
اى سريرى الهمد لله ان هال مندى .. عافية ان شاء الله
Quote: كما اكتفي محمد عبد الله القائد الميداني في حركة العدل والمساواة في اتصال هاتفي مع «الصحافة » بنفي ان تكون حركته تخطط لاي نوع من الهجوم علي الشمالية ، قائلا : «لا قادة الحركة الميدانيين ولا السياسيين قرروا القيام باي هجوم في الولاية الشمالية » .
وفي السياق ذاته ، يستبعد العميد أمن متقاعد حسن بيومي ان تجازف حركة العدل والمساواة باي نوع من الهجوم علي الولاية الشمالية ، ويضيف قائلا « من الناحية العملية المسألة صعبة ومعقدة لذلك لا اعتقد ان هجمات العدل والمساواة تستطيع ان تصل الي هناك » .
ويواصل بيومي بقوله « اذا كانت هنالك جهة ما تنوي شن هجوم علي جهة اخري فلا بد ان تدرس المنطقة التي تريد مهاجمتها هذا امر بديهي» ، ويقول« لونظرنا الي المسافة ما بين الشمالية ودارفور فان الطريق مكشوف مما يجعل القوة الغازية غير مؤمنة من الخلف وبالتالي تبقي عرضة للخطر والمجازفة بالدخول في معركة خاسرة» ، ويتابع « هذا من ابجديات التكتيكات العسكرية الا اذا كانت الحركة تنوي القيام بهجوم عشوائي مباغت ، وهذا ايضا سيكلفها الكثير لان القوات الحكومية تستطيع ملا حقتها والقضاء عليها باية وسيلة في طريق العودة عن طريق التغطية الجوية » .
ويقول بيومي « عندما تريد ان تهاجم منطقة بغرض اثارة الزوبعة فيها او حتي احتلالها فلا بد من ان تؤمن ظهرك اولا من ناحية عسكرية »، ويري ان التأمين في هذه النقطة بالنسبة للقوة المهاجمة يصبح امرا مستحيلا باعتبار ان خط الرجعة غير مؤمن ، كما ان المهاجمين لايجدون تأييدا في المنطقة ولا قوتهم اللوجستية تسمح لهم بمواجهة القوات المسلحة »، ويضيف « اذن المعركة خاسرة بكل المقاييس والقوة المعتدية يمكن ان تواجه بضربة قاضية » . |
طبعا عايشة فى رعب من ساعة سماع الخبر ده بس نفى حركة العدل طمنى وكلام العميد متقاعد حسن بيومى !
ياخ دنقلا ويييييين ودارفور وين ؟!!
ديل بعاد جغرافيا خالص والطريق مكشوف زى ماقال العميد !!
يازول اتمنى الله يكضب الشينة اقايتو !!
ويادناقلة العالم اتحدوووووووووووووا !!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
نادية
إرسي
و الله يا نادية أنا دنقلاوي
لكن دنقلاوي خرطوم ساكت!!!
رطانة ما بعرف
و ما ندمت على حاجة في حياتي قدر ما أنا ندمان إني ما بعرف برطن
و دة طبعا لأنو الدناقلة عموما ما بحبو الرطانة
يعني ما زي المحس و الحلفاوين
بالله شافع المحس قبل ما يتكلم عربي تلقي يرطن زي الترتيب!! لووول
مرة عملنا أستفتاء في الجامعة لقينا كل المحس و الحلفاويين البنعرفهم في الجامعة يا إما برطنوا أو على الأقل بفهموا رطانة أما نحن كانت النسبة لا تزيدعن 5 أو 6 في المية للناس البرطنوا أو البفهموا الرطانة !
و الغريب أنو حتى قرايبي الشباب البعرفوا يرطنوا نادر جدا ما يستعملوا الرطانة يعني الا يكونوا مضطرين أو بتكلموا مع زول كبير .
الرطانة في خطر و في طريقها للأنقراض...
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: خالد عبد الله محمود)
|
خالد عبد الله محمود
| Quote: مرة عملنا أستفتاء في الجامعة لقينا كل المحس و الحلفاويين البنعرفهم في الجامعة يا إما برطنوا أو على الأقل بفهموا رطانة أما نحن كانت النسبة لا تزيدعن 5 أو 6 في المية للناس البرطنوا أو البفهموا الرطانة ! |
والله شئ مؤسف جدا للغاية طبعا !!
وبرضو عندنا فى المدرسة الثانوية كان نفس الشئ !!
لكن ايه رأيك من هذا المنبر ندعو للحفاظ على لغتنا النوبية من الانقراض بشتى السبل .. تقترح شنو ؟!!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
البنبه الفنجريه ناديه
التي نفاخر بها عين الشمس
ار سري ناقمندو
تعرفي يا ناديه موضوع لغه الدناقله ده عايز بحوث
فهي في تقديري ايله للانقراض ان لم يكن هناك تصدي من
الحادبيين عليها اليوم قبل الغد.
انا ولدت ونشات في مدينة دنقلا
ومع دلك كل جيلي ومن هم دوني لا يستطيعون الكلام بطلاقه
بالدنقلاوي
ولي عوده للاسباب والمسببات
والي دلك الحين ده الرابط لصفحه رابطه دنقلا بقطر
والتي ما زالت تحت التشييد
رابطه دنقلا بقطر
مودتي
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Omar Bob)
|
..
بختكم يا ناديه ..وكل الرطّانه..
شئ قيّم وجميل ان يكون هناك ارث لغوي وثقافي ينهل منه الواحد ... محرومين منه غير الرطانه امثالي.. لطالما وددت ان اكون من المحظوظين زيكم  ...
كان معي زميلة دراسه محسيه ولدت و تربت في الخرطوم..لكنها كانت دائما تقول انها تنافس ابوها ذاتو في الرطانه ..وتتفوّق عليه..
موضوعك ده بيذكرني ايام الاعياد في الخرطوم لما أُسر كتيره تسافر خارج للخرطوم لقضاء العيد مع اهلها...كان ابن خالتي وهو صغير -واصحابه سافروا- يقول لامه الخرطوميه "انتي ما عندك حته تمشيها؟"...
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نجوان)
|
نادية
Isayir
أولا أهديك أغنية
Elarai ..Safare Tari Erejjaire Woa Beneyya
و أهديها إلى حبيب بلدو و حمزازوي و دكين و وليد طه و كل الأهل بدنقلا العجوز و دنقلا العرضي و دنقلا السوق و مراغة و كابتود و حوض السليم و أرقو الساب و أرقو الحضور و السرارية و كودي دبلة و أرقو السير و البرقيق و كل الأهل بالكلاكلات و الحاج يوسف شرق.
هاكي النكتة دي :
حبوبة واحد زميلنا هنا .. في شهر رمضان .. صايمة و خاتة ليها سفة قدر البونية ..
أها و اليوم داك حر شديد من أول الصباح ..
سألوها : كيف رمضان معاك يا حبوبة ؟
قالت و السفة تدوزن مزاجها :
Ramadan Ten Konj Allegell Waiki Soomaibooro
 
و سنأتيك بالمزيد
الترجمة عند دكين و حمد فتح الرحمن و وليد طه بعد ساعات الدوام.
أرقدي عافية
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: ابو جهينة)
|
الأخ شاذلي جعفر
تحياتي
Quote: دُنقى + لا
دُنقى معناها : القروش
ليصبح المعنى: no money
ما هو مدى صحة هذا الكلام ؟ |
طبعاً غير صحيح ..
لأنو كلمة ( لا ) موجودة باللغة النوبية و هي ( وارا ) ..
كان بإمكانهم أن يقولوا ( دنقي وارا )..
إلى الآن هناك خلاف بين مختلف الباحثين ( النوبيين منهم و علماء الآثار و المهتمين )..
لو أسعفني الوقت سأبعث لك بتفصيل كامل عن الدراسة.
لك ودي
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
الأخ الحبيب
ابو جهينة
تحياتى وحبى
شكراً على المعلومة ونتمنى أن يسعفك الوقت لعرض آراء الباحثين
الاخت نادية
تحياتى
Quote: اهى دى بلدنا معلوماتك عنها شنو ؟!
|
يا ربى ده موجَّه لى انا ؟
اذا كان ذلك كذلك ، فقد كنت أسأل مجرَّد سؤال !
نفسى أعرف معنى الكلمة دى ؛ اذا ليها علاقة بمداخلتى ..
واذا كانت تحمل أكثر من معنى ..!!!
شكرى واحترامى مقدَّماً
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نجوان)
|
نجوان الغالية يازولة دنقلتنا دنقلتكم اتفضلى معانا طوالى والله
| Quote: موضوعك ده بيذكرني ايام الاعياد في الخرطوم لما أُسر كتيره تسافر خارج للخرطوم لقضاء العيد مع اهلها...كان ابن خالتي وهو صغير -واصحابه سافروا- يقول لامه الخرطوميه "انتي ما عندك حته تمشيها؟ |
اها خليك من الولد الصغير انا الكبيرة دى لى هسى بستغرب لمن زول يقول لى انا من الخرطوم ساى وماعندو بلد فى الاقاليم !!
كيف يعنى !!!!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Omar Bob)
|
ود دمى الدنقلاوى السودانى
عمر بوب
اى دسن سريررى اللهى ايكى همديرى
اين وى بونا ان هال مندى ؟
Quote: ولي عوده للاسباب والمسببات
والي دلك الحين ده الرابط لصفحه رابطه دنقلا بقطر
والتي ما زالت تحت التشييد
رابطه دنقلا بقطر |
اها يلا عد بالاسباب والمسببات ووضع الحلول الناجعة سمح
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
نادية ....
سرناقمندو ...
الهي اكي سلميكو....
اي من دنقلا كثير جلي
امبابقن انينقن ... حفير مشو انرن؟؟؟؟
حفير مشو ان بلد تن ....
اكني بكن اي حفير نلكم ...
بس لكين ان اهلي دايما انرن تارن ...
الهي اكي حفظيرو انبتانن وفقيرو ...
*******************
واهديكي الاغنية التالية التي ترددها والدتي دائما ( وقد قامت مشكورة بترجمتها لي لانني لا اجيد الرطانة بنسبة 100% بل استطيع الفهم والكلام بصعوبة ) ...
وايقي انا ادمي ا ويسن
ادتن اصلو قسمقسن
وير بنن تا وير ورسن
ويكن تن نصيبكي ادن ...
وايقي انا ادمي ا ويسن
ادتنا اصلو قسمقسن
الترجمة ( حسب معجم الوالدة الحفير مشوي )
زمان ياما اهلنا وكبارنا قالو
الزواج قسمة ونصيب
واحد يتكلم وواحد يخطب
والثالث يجي ياخذ نصيبه
( ملحوظة الترجمة غير دقيقة لان بالرطانة كلمات لا توجد مرادفات مباشرة لها بالعربية او الدارجية )
******
العزيزة نادية شكرا لكي ولهذا البوست
انا دنقلاوي بس تصدقي ما شفت الشمالية
لانه انا مولود خارج السودان وحتى الان لم اتشرف برؤية اهلنا الغبش بالشمالية
بس الغريبة انو اللهجة الرسمية عندنا في البيت هي الرطانة بين ( الوالد والوالدة ) واحنا
دايما ( مسطحين ) ...
بس دا ما منع انو اكون افهم كل الكلام بس بتكلم بتلعثم شوية ....
اكيد حرجع ليكي تاني لانه في حاجات كثيرة حشارك فيها...
ومرحب بكل الاخوة من كل بقاع السودان للمشاركة ...
لانه كلنا سودانيين ويا ريت لو نعرف ثقافات ولغات بعض
مع العلم انو يوجد تشابه كبير بين الرطانة الدنقلاوية والمحسية والحلفاوية
لانه مثلا اغاني محمد وردي بالرطانه فيها كلمات كثيرة مشتركة
وسوف اعود لاحقا ...
شكرا انبانا برو ( نادية ) .....
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: alsngaq)
|
| Quote: ليصبح المعنى: no money |
دي ابصم عليها بالتواتر...
خليك من كلام ابو جهينة..
كمعلمة لغة عربية للناطقين بغيرها
كان عندي راي انه الطالب لازم يتعلم كل المفردات
حتى ديك المسكوت عنها..
عشان لو حبو يتشاكلو بالعربي.
لانه مرة حضرت شكلة غير ناطقين
كلها
الويل لك ساقتص منك ايها اللعين..
والويل لك دي بتتردد بكميات بينهم.
اسقي معنها سمحة موش؟
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmuez)
|
المعز
Quote: يا سلام يا أبا جهينة !
ياريت يفاجئنا أحدهم/هن بالأغنية دي,
و أغنيات أخري , إدريس إبراهيم , زكي , إلخ..
و ليت الأستاذ الموصلي يدي الأغنية دي حقها, مع الكورال !
Degreegir Salemehreh |
انت عارف قبل فترة طلب منى الموصلى شريط اغنيات دناقلة عشان يعمل سى ديهات عالمية وياريت يلقى الكان بفتش فيهو هنا بمساعدة الاخوة الدنقلاب ديل !!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
العزيزة ندو
لك التحية
حقيقة الرطانة بخرموا شديد للرطانه وهذا ما أكده لى أحدهم فى اوائل الثمانينات ونحن فى مكة المكرمة جاءنا احد السودانيين ( ايامها كانوا قليلين ) فرحبنا به ترحابا شديدا ولكنه كان فى عجالة من امره وقال لنا : مافيش هد هنا بيرتن ؟؟؟ طبعا عاوز زول يرطن معاه ... فورا اكتشفنا انه حلفاوى ... وأكد انه ليه شهرين بفتش لى زول يرطن معاه ما لاقيه ...
الحكاية خرمة شديدة يا ستى ....
ما بتعدمى ... وبالعدم شوفى ليك نوباوى ارطنى معاه وانتى قلتى رطاناتكم متشابهة ....
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
nadia asman
saran bayhomando
abu johina ambes
aer say menybo
enar dawam badkey mwlay dolken betaro
| Quote: كل القصة انو من امى الله يرحمها ماتت زول رطن معاى مافى لمن نسيت الرطانة !! |
arte tado arhmarosr
| Quote: Ramadan Ten Konj Allegell Waiki Soomaibooro |
الترجمة حسب الراوي : صايمة ليو زي وشو
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: حمد فتح الرحمن)
|
نادية
حدثت معى حكاية طريفة ، فقد جمعتنى الصدف بزوجة (صديق عبدالرحيم) ، ذلك الذى كان فى المقرر فى القولد إلتقيت بالصديق ، وأنا فى جدة إلتقيت بزوجة الصديق أنعم بها من زوجة الصديق ،
فدار بينى وبينها الحوار التالى:
يا حاجة أنا زاتى دنقلاوى
فقالت لى : إنت دنقلاوى؟؟؟
فأجبت: نعم انا دنقلاوى
فقالت: بتعرف ترطن؟؟؟
فأجبت بالنفى
فردت بقوة: إنت ما دنقلاوى
أى أن كل من لا يعرف الرطانة ، لا يحق له أن يدعى أنه دنقلاوى (حسب حساباتها)
ومن هذا المنطلق أنا اقول لك:
بطلى السلبطة يا نادية أنتى لا دنقلاوية ولا حاجة
أما إذا أردتى الإنتماء مرة أخرى لهذه الفئة (اللذيذة) ، فارجعى للرطانة تنالى الإنتماء وزيادة
تحياتى
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
ندويه السكرة
سرن اقمندو إر
ويييي بونا
إن حالمندي
أول حاجة نقطة نظام يا ندويه
رطانة شنو لغتنا إسمها اللغة النوبية
فاللغة النوبية أقدم من العربي فالحضارة النوبية موجودة من قبل سبعة آلاف سنة وريني عربي عنده حضارة قبل سبعة آلاف سنة
عشان كدا عليك الله ما تقولي تاني رطانة قولي اللغة النوبية
والتحية موصولة لك من حفير ومشو وارقو والسير وكلتوس وبركية وبني وكمنية وكي والعفاض والزورات وكلمسيد والترعة وحموك واقجه مقاصر كابتوود دنقلا ارتدي والتيتي وشيخ شريف ولبب وسرتوود واروبي والخندق والقولد وشبعانه وسالي ومقاودة والغدار .
اختي العزيزة بيان
مسكاقمي
قرأتي الآية الكريمة وعلم أدم الأسماء . . أها دنقلا كانت من ضمن الاسماء الذي تم تعليمه لأبونا آدم وأن شاء الله حنسأل ابونا ادم يوم القيامة عن معني كلمة دنقلا خليك جنبنا .
اختي ندويه
طبعاً أنا محسي
ولكن كلنا نوبه
محس ويرا دنقلا ويرا سكوت ويرا حلفا ويرا
وانا بعرف اتكلم اللغتين المحسية والدنقلاوية يعني خط 220 و110
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: حمزاوي)
|
يا نادية أوصمان ..
إير مسودانآقنا ؟
أنا دنقلاوي ولكن للأسف (بالإنتساب ) دناقلة (هرتوم) ..
عشان ما أطلع (داقس) وما أعرف اتواصل مع أهلي (خاصة لأبي) كان لا بد من معرفة الرطانة ..
كان أخي الأكبر يمتلك (نيسان سفري ) في خط دنقلا ،، واستغليت الفرصة ، وكنت لا أفوت فرصة اجازة اسبوع ، الا وأنط البلد ،، وأحمل معي دفتري ، أسجل الرطانة بالعربي .. والآن ما في كلمة بتفوت علي ،، لكن لمن أرد بالرطانة بيضحكوا علي .. وبرضو برد ..
أنا الوحيد في أسرتي (بما فيهم الوالدة الله يطول عمرها ) البتفلسف عليهم بالرطانة ..
فعليك بطريقتي ، وح تكتشفي أنه الرطانة دي أحسن جاجة ممكن الواحد يتعلمها ..
الأخ : أيوب عبدالرحيم .. قلت لي من الحفير ؟؟ والله مفروض أعرفك ياخ ، أنا من الحفير برضو ( كانيمار)..
تحياتي
صلاح عبدالله
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Salah Abdulla)
|
النبيل صلاح عبد الله .. كان عندى احساس انو انت وعماد من اندينا والله
| Quote: فعليك بطريقتي ، وح تكتشفي أنه الرطانة دي أحسن جاجة ممكن الواحد يتعلمها .. |
عارف ؟
الرطانة دى زى ماقلت زى اللغة الانجليزية اهم شئ فيها الممارسة بالنطق والكتابة حتى لو بالعربى عشان ماتتنسى !!
وانا من يوم الليلة ولى غادى بكتب الكلمات بس انتو انضموا معاى عشان ارد عليكم ولا يعنى انضم رطانة مع محمد المصرى الماحافظ لى غير كلمة (اير سريرى من دو)!؟!!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
الأخت نادية عثمان
لك ألف تحية
والله أنا هسه جيت جاري جري قلت لازم نشارك مع أهلنا... مع إني من دناقلة لندن (زي ما بقولوا)
أما الرطانة دي (اللغة النوبية) فما كان لي الشرف بتعلم القليل منها
ويا حمزاوي
قلت
تعرف أنا عندي علاقة بالإثنين... بس كيف؟؟؟ ما عارف مع إنو ناس العفاض ديل معظمهم بديرية... وهل صحصيح إنو البديرية هم أصلا دناقلة... لأنو نحن أصلا دناقلة بس الجابنامن الزورات للعفاض شنو؟؟؟
معليش يا نادية إستغلينا البوست... والله دا بس لأني حسيت إنو حمزاوي دا شكلو كدا مرجع
ولك ولحمزاي تحياتي
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: سامي عبد الوهاب إدريس)
|
سامى عبد الوهاب
ولدنا من دناقلة لندن
Quote: معليش يا نادية إستغلينا البوست... والله دا بس لأني حسيت إنو حمزاوي دا شكلو كدا مرجع
ولك ولحمزاي تحياتي |
يازول انا زاتى بى ادريس دى عندى احساس انك تطلع قريبى !!
انا فاتحة البوست ده عشان نتعرف فلازم تكون هنا وصدقنى حاتلاقى ليك كم ود عمة وخال وحبوبة ضمن الدنقلاب ديل !
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
| Quote: أما إذا أردتى الإنتماء مرة أخرى لهذه الفئة (اللذيذة) ، فارجعى للرطانة تنالى الإنتماء وزيادة |
كنا بمطار الخرطوم في آواخر السبعينات في استقبال وفود مشاركة في إحدى المؤتمرات ، وجاء الدكتور محي الدين صابر (يرحمه الله) واستقبلناه بترحاب وجلس في غرفة كبار الزوار وجاء زميلنا ابوزيد الحلفاوي والقى السلام على الدكتور بالرطانه فكان أن قام الدكتور من كرسيه معانقاً ابوزيد بود بالغ وجاء التعليق من احد الزملاء ا قائلا يا ابو زيد القومة دي ما ليك انت ولكن للكلمتين القلتهم بالرطانه
ويا استاذه نادية عليكي بنصيحة الزول .
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Al Sunda)
|
الكريم السندة
| Quote: كنا بمطار الخرطوم في آواخر السبعينات في استقبال وفود مشاركة في إحدى المؤتمرات ، وجاء الدكتور محي الدين صابر (يرحمه الله) واستقبلناه بترحاب وجلس في غرفة كبار الزوار وجاء زميلنا ابوزيد الحلفاوي والقى السلام على الدكتور بالرطانه فكان أن قام الدكتور من كرسيه معانقاً ابوزيد بود بالغ وجاء التعليق من احد الزملاء ا قائلا يا ابو زيد القومة دي ما ليك انت ولكن للكلمتين القلتهم بالرطانه |
ياسلاااااااااااام !!
ده كلام عظيم والله
وانا حااعمل بنصيحتك وبى نصيحة الزول واتعلم اللغة النوبية قراية وكتابة ونطق ان شاء الله !
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Omar Bob)
|
الأخت العزيزة نادية
والأخوة الكرام
تحية ود واحترام،،
أكن مودة ومحبة خاصة لأهلنا الدناقلة
فهم قوم كرام وناس خير ومروءة
ومتصالحون مع أنفسهم ومع غيرهم
وأود أن أنتهز هذه الفرصة لأبعث تحية خاصة
لاثنين من أصدقائي الدناقلة
الأخ أحمد ساتي المقيم بأمريكا
والأخ عاطف شريف محمد شريف المقيم بهولندا
وعاش الصادق أمل الأمة
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Nasruddin Al Basheer)
|
الاخ نصر الدين البشير
Quote: أكن مودة ومحبة خاصة لأهلنا الدناقلة
فهم قوم كرام وناس خير ومروءة
ومتصالحون مع أنفسهم ومع غيرهم
وأود أن أنتهز هذه الفرصة لأبعث تحية خاصة
لاثنين من أصدقائي الدناقلة
الأخ أحمد ساتي المقيم بأمريكا
والأخ عاطف شريف محمد شريف المقيم بهولندا
وعاش الصادق أمل الأمة |
شكرا لكلماتك الطيبات فى حق اهلى الدنقلاب وهم فعلا زى ماقلت
والتحايا موصولة لكل دنقلاوى زائر لهذا البوست ولكل السودانيين
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Omar Bob)
|
عمر بوب
اول حاجة سجلنى معاك فى الرابطة عليك الله وسجل بيان برضو بى جنسية راجلها الدنقلاوى بتشفع ليها سمح .
Quote: وانا الوحيد المولود ومتربي في دنقلا فقد عينت نفسي عمده لهدا البوست
وما لم اجد معارضه منطقيه لهدا القرار فسيكون ساري المفعول في خلال اربعه وعشرين ساعه |
خلاص يابوب انت فزت بالاغلبية السكوتية !!
اغلبية سكوتية دى يعنى كيف يعنى ؟!!
ايوووووووووة يعنى ناس السمكوت والمحس زاتهم موافقين !!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
الاخ سامي عبدالوهاب ادريس
سرن اقمندو
الزورات والعفاض وكلمسيد تعتبر قرية واحدة او منطقة واحدة والقري شمال مدينة دنقلا تعتبر اسرة واحدة ذات جذور مشتركة يعني تلقى حبوبتك من كابتوود وجدك من الترعة وانت مقيم في كلتوس هي منطقة واحدة ومتصلة مع بعض وطبعاً كل مواطني العفاض هم اقرباء للزورات أسرة واحدة حتى جمعياتهم في الخليج واحدة .
أما بخصوص البديرية الدهمشية مع احترامي لهم فلا وجود لهم في العفاض والزورات فهذه المنطقة تعتبر قلب الدناقلة يعني المركز ولكن يوجد في منطقة التماس وهي منطقة مقاودة والغدار وكنكلاب وبغداد بعض الاسر التي تنتمي للبديرية لان منطقة البديرية تبدأ من الباجة وحمور وانت متجه جنوباً ، ولكن هناك بعض الاسر تدعي ان لها اصل عربي وهذا مجرد ادعاء وتفريغ للهوية النوبية
الاخ عمر البوب
سرن اقمندو Quote:
وانا الوحيد المولود ومتربي في دنقلا فقد عينت نفسي عمده لهدا البوست |
أوعك من دي يعني شايفني مولود في موسكو
صدقني انا جيت الخرطوم ببص طه على طه (الله يرحمه) وطوالي لبيت العزابة والصباح قمت مشيت الشغل بعدما سرحت القجة بالخلال
ولكن موافق انك تكون العمدة اذا ندويه وافقت
لك مودتي
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: حمزاوي)
|
| Quote: أوعك من دي يعني شايفني مولود في موسكو |
الاخ الفاضل حمزاوي
بمناسبه مولود في موسكو دي
واحد صاحبنا كان ماشي بعثه دراسيه لموسكو بعد الثانوي
وطبعا غير دنقلا ما مشاف اي مكان تاني في حايتو
القولد دي كان يسمع بيها سمع بس
ودنقلا الزمن داك كان كل الناس بتعرف بعض
عشان كده كل الناس كان عنوانم دنقلا -لسوق وبعدين تكتب
اسم المرسل اليه طوالي زول البوسته بيكون عارفك في ياتو مكان في السوق
ويجيبك ليك الجواب
اها زولنا المسافر ده لمن اهلو سالو يا ولدي عنوانك حيكون شنو عشان نرسل ليك جوابات
قال ليهم ما عليكم بس اكتبو موسكو- السوق واسمي الجواب حيصلني
مودتي
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: منى أحمد)
|
منى احمد
والله انا فرحتى مضاعفة بدنقلاويتك دى ياخ !!
فخورة انو اولاد الرطانة كلهم مبدعين جدا زى كده مع انو عندى صديق للعائلة جعلى كان دائما بيكاوينى انو الدناقلة مافيهم مبدعين كلو كلو !!
اها يازولة ماقلتى حاتمددى اقامتك هنا ماجيتى تانى ليه يعنى يابت خالتى ؟!!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
Quote: منى احمد
والله انا فرحتى مضاعفة بدنقلاويتك دى ياخ !!
فخورة انو اولاد الرطانة كلهم مبدعين جدا زى كده مع انو عندى صديق للعائلة جعلى كان دائما
بيكاوينى انو الدناقلة مافيهم مبدعين كلو كلو !!
اها يازولة ماقلتى حاتمددى اقامتك هنا ماجيتى تانى ليه يعنى يابت خالتى ؟!! |
نادية العزيزة ..
أنا فعلا ممدة إقامتى و كل ما أجي البورد بدخل أقراهنا
و مستمتعة جدا جدا لكن خجلانة انو ما عندى جديد أضيفو
زمان حبوبة الله يرحمها كانت بتحكي لينا
وحدة من قصص ( توم و جيري ) لكن بالرطانة !!
مختصر القصة انو الكديس لاقى الفار في المركب
و عاوز يتحرش بيهو باى طريقة عشان ياكلو
قام قال ليهو إنت ما عزيتنى في أمي !!
الفار المسكين أجاب - وفرائصة ترتعد فرقا -
البركة فيكم !!
طبعا ما قبل منو وقال ليهو بعد شنو ؟!
أجمل حاجة إنو القصة في شكل أغنية
و هى بتغنيها بصوت رخيم و جميل
لا زال صداه باقيا رغم رحيلها
رحمها الله رحمة واسعة
يا سلام لو في زول عارف كلمات الأغنية دى ؟!
يكتبها لينا هنا مع الترجمة !!
مستمتعة و متابعة ..
مودتى الكبيرة لك
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
Quote: وانا الوحيد المولود ومتربي في دنقلا فقد عينت نفسي عمده لهدا البوست
وما لم اجد معارضه منطقيه لهدا القرار فسيكون ساري المفعول في خلال اربعه وعشرين ساعه |
عمر بوب تحياتي
انا و الله من البلد للجامعة للسعودية و ياداب قضيت فيها العشرة سنوات الاولي ، دي المحطات الرئيسية في عمر بني دنقل ، اخوك زي عمنا حمزاوي دا جيت من القولد لي داخلية الجامعة للسعودية ، ما شفت الساقية لكن خشيت الكوديق .
اسمع قصة بني ضنقل دا يا عمر
قالو مرة في معاينات في وزارة المالية و الناس العايزة تشتغل كلها جات للمعاينة
اها المعاينة اجلوها لي اليوم التاني و الزول الجا و اعلن للناس التاجيل كان دنقلاوي
قال ليهم : يا جماعة المعاينات دي اجلوها لي بعد بكرة ، و استطرد بالدنقلاوي ( andejegon asalge tawana )
اي زول ما بفهم نوبي جا بعد المعاينات ما انتهت .
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: حمد فتح الرحمن)
|
دقيقة بالله يا نادية ..
أنشوف كدي حكاية الريسيزم بتاعت أهلنا دي ..
ما صدقتو لقيتو ضل نخلة طوالي تكلتو فيها ..
( زحوا شويه خلونا نتكل جنبكم .. و ما تقطعوا فيني بالرطانة .. )
بوب .. أمبنن تود
سري ناقمن ..
( إكون انتقاري سووووووووووووووووووووووووتن كوتي أقنا .. كرتي ناقنن بيلكون , إمشي كده بس .. يعني تويكن من ؟؟ أيقون تويتنا استبالن سجانه يوووووكن دقريري . أهن .. كتو تيققن إندو يعني صحافن .. إمتدادن .. اللهم صلي ع النبي سجانه ويككون تاقري .. أر برو سوتا .. دونقي دامون .. إلهي ما كسبك .. يعني مصطفى أون ميلي تاقنا عبد الكريم قون .. سيد قون .. يعني نفيسه قون .. و جاره .. شريف صالح قون .. عبدالله تود قون .. إر مندي يا خي ؟؟؟ .. الله , إيه الكلام الفاضي دي !!!)
ترد علي طوالي فاطنه أختي : هييي إمشي كده انت كمان .. درويش مني ..
أبوك أبو سيادك يا ظربون .
.............
الكلام البين قوسين ده ما عندو أي علاقة بالأنداندي , و لأنه أنا مجلي في الشغلة و ما بعرف فيها أي شي , فعشان كده صلاح عبدالله دايما بيستعرض عضلاتو الرطانية في لمة الأهل و يعمل فيها شكسبير دنقلا العرضي .. و يسكتني ( مع إنه رطانتو أخير منها عربي الهنود .. على حسب كلام فاطنه أختي ).
ويا بوب نقف خلفكم و نشد من أزركم رئيسا للهكايه الإسم ايه ده الإنتي بتقول .
ناديه .. هي برو
إلهي اكي سلميري .
أهن .. هيررو
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Emad Abdulla)
|
عماد عبد الله اى انباب تود .. ترجمة فورية (عماد ود ابوى )
والله ياشقيق الدم اى دسن قورى بورى (فرحانة شديد ) انك طلعت من اندينا !!
تكون قريبى شديد بالمناسبة قول كيف ؟!!
| Quote: يعني مصطفى أون ميلي تاقنا عبد الكريم قون .. سيد قون .. يعني نفيسه قون .. و جاره .. شريف صالح قون .. عبدالله تود قون .. إر مندي يا خي ؟؟؟ .. الله , إيه الكلام الفاضي دي !!!) |
لانو ناس عبد الكريم قون ونفيسة قون امهم ديل واولاد عمو قون ديل كانوا جيرانا فى دنقلا (الهيطة بالهيطة )!!
اوووو ايماد ياههى ار دسن تونجل !!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: نادية عثمان)
|
Quote: كمبو شديد
يعنى كيف حالك
وهكذا !! |
Quote: وياكبسيبة ان هال مندى ؟!!
كمبو شديد ان شاء الله ! |
ندي العسل
انتي خطر على اللغة الدنقلاوية بصراحة..
الله يرحمها الوالدة اظنها كانت بتجاملك ساي ..
ومع ذاك نقبل كل شي من السمحين الزيك ديل ..
ولولا انشغالي التام هذه الايام ببعض الامور ..
endu be gushe tobe kori
ده بيت شعر بدل الغنية خلي حمد او قرجة واحد فيهم يترجمو ليكي :
Ertigon roman keri
Ten gdae teeb obbori
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: DKEEN)
|
ندويه اطالب الان بانقاذ اللغة الدنقلاوية من الانقراض وأطالب بتعليم كل الجهلة من شاكلتي لغتهم الاصليه وأنا متلوم مع أهلي لوما شديد وحالف أعمل ليهم شريط غنائي باحدث المواصفات الغنائيه وكده!!!أها شن قولك
ويادكين مادام انت ولدنا وكده تاني تسمع الكلام ولا علي كيفك ولمن نقول ليك أمسح تشيل المساحه وتمسح السبوره أظنك فهمتني وأمانه ماوقعت معاي
سامي عبد الوهاب ود الخال العزيزياخوي انت دنقلاوي أصيل ومركزك الاصلي من الزورات وارقو السير
محل عمتك فاطمه محمد سليمان (دارن توم برو) أها وأنا زايد منك حيه بي جزيرة مروارتي
وانتي ياناديه عشان شاطره (كنلكي جكي)
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmosley)
|
تسجيل حضور ومتابعة..
والتحية لكل أهل السودان والدناقلة من الحفير شمالا مرورا بــ
* مشو
* جزيرة بلنارتي
* بركية
* جزيرةأرقو
* أبو حجار
* السرارية
* دمبو
* حوض السير
* كويا
* حوض السليم
* كوربا
* أرس
* جزيرة موسي نارتي
* بنا
* الزورات
* جرادة
* كابتود
* مراغة
* أقجة
* البان جديد
*** مدينة دنقــــــــــلا
* إرتدي
* الخناق
* شيخ شريف
* سورتود
* ودنميري
* لبب شرق وغرب
* الصحابة
* التيتي
* سالي
* سوري
* أوربي
* دمبو
* سلقي
* شبتوت
* شبعانة
* القولد
* كدكول
* كومي
* القدار
* رومي
* البكري
* الغابة
* الدبة
وصولا لديار الشايقية.....
والتحية الاخت نادية..وكل الأخوة الاعضاء
تونجل ..تونجلي داندي..
أيكول دولسي وأناندي تونجيلا..
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: hatim)
|
النبيل حاتم
والتحية لكل أهل السودان والدناقلة من الحفير شمالا مرورا بــ
* Quote: مشو
* جزيرة بلنارتي
* بركية
* جزيرةأرقو
* أبو حجار
* السرارية
* دمبو
* حوض السير
* كويا
* حوض السليم
* كوربا
* أرس
* جزيرة موسي نارتي
* بنا
* الزورات
* جرادة
* كابتود
* مراغة
* أقجة
* البان جديد
*** مدينة دنقــــــــــلا
* إرتدي
* الخناق
* شيخ شريف
* سورتود
* ودنميري
* لبب شرق وغرب
* الصحابة
* التيتي
* سالي
* سوري
* أوربي
* دمبو
* سلقي
* شبتوت
* شبعانة
* القولد
* كدكول
* كومي
* القدار
* رومي
* البكري
* الغابة
* الدبة |
بالله كل ديل دنقلا وانا مابعرف غير كابتود وجرادة وتنقاسى ؟!!
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmosley)
|
| Quote: وحالف أعمل ليهم شريط غنائي باحدث المواصفات الغنائيه وكده!!!أها شن قولك |
ايوا بلاي عليك الله يا استاذ ، و اكان عايز القصايد دكين دا عندو شريط مليان شعر دنقلاوي ، ممكن نرسل ليك كوبي منو ، ادينا عنوانك بس .
بالله عليك الشريط يكون مكرب عشان اغيظ بيو الود بدري المحسي شابكني انتو بني دنقل ما عندكم غنا و ما بتعرفو للفن ، و نحنا المحس بس العندنا غنا نوبي .
| |
|
|
|
|
|
|
|
|
|
Re: يا ...... دناقلة المنبر ........ اتحدوا !!!!!!! (Re: Elmosley)
|
استاذ موصلي تحياتي
بالنسبة للنص المنطوق حاحاول انزلو هنا ، و اذا ما قدرت ممكن ادي لي تنقو ولا أي واحد من الشباب يكون جاهز لي تنزيلو ، لانو الشباب الهنا ممكن يستمتعو جدا بي قراية النص و متابعتو منطوق من صاحب القصيدة .
اما للترجمة الحرفية للنص تفقده معني كثير لانه في كلمات في النص الانسان بحس بي معاني تانية كتيرة مقصودة من الكلمة و كلمة عربية واحدة ما بتادي المعاني المطلوبة او ما حيكون معناها نفس مقصد الشاعر ، لكن خد دا شرح لقصيدة بالعربي :
من حبه لها يري ان جميله كيف ما كانت حالتها يناديها و يصفها بالحلوة العطرة التي دائما ما تكون في ابهي حالاتها ، و لا تحتاج إلي الحناء و ما الي ذلك من ادوات التجميل حيث ان اصلها عطر و نظيف و لن يزيدها ذلك شيئا . ثم يسالها لماذا هي تلبس الحرير و الذهب ، فهي مكملة للجمال و تقف في اقصي حدوده ، ماذا تريد منه ماذا تريد ان تفعل به ، فكلما نُطق الجمال كانت هي المعني المقصود بالجمال ، الي ماذا تريد ان تصل في عرش الجمال ، و يصف حاله بانه لا يفرزها ما اذا كانت قد اضافت لنفسها شيئا جديدا ام هي كما هي علي طبيعتها تماما ، كل ما يعرفه انه يحمل حبها بين جنابته و يحوم به في الحي ، و يسالها ما جدوي تجميل نفسها اهو فقط امعاننا في التعذيب و لخبطة الكيان ، و جلب السقم الي جسده ؟ . الجزء الاخير يصف فيه حاله في ليلة من الليالي جاء الي بيتها ليراها ، في اثناء وقوفه بالباب طلع القمر فاخذ يسال القمر لما جئت الي هنا متسللا ايها القبيح ؟ اخجل انت من ليلي ؟ ام تخاف ان تقارن بها ؟ ام انك معذب بحب ليلي مثلي ، و جئت تختلس النظر كما افعل ، فيطلب منه ان يقف جانبا و ياخذ منها نظرة حتي لا يلام ، ثم يمضي الي حال سبيله و يتركه ، فهو في اشد ما يكون لان يخلو بنفسه في الظلام الذي سيخلفه .
| |
|
|
|
|
|
|
| |
bayan
عبدالكريم الامين احمد
خالد عبد الله محمود
abas
shazaly gafar
Omar Bob
نجوان
ابو جهينة
ايوب عبدالرحيم
أحمد الشايقي
alsngaq
garjah
قرشـــو
حمد فتح الرحمن
يازولyazoalيازول
سامي عبد الوهاب إدريس
Nasruddin Al Basheer
showgi idriss
BAKASH
Emad Abdulla
PLAYER
Elmosley
hatim
banadieha
فيس بوك
تويتر
انستقرام
يوتيوب
بنتيريست