|
|
 بقجة عداء الشيوعي اللاعقلاني، لامريكا، الي متي؟
|
اولا الخبر:
| Quote: وشنّ الناطق الرسمي باسم الحزب الشيوعي السوداني، يوسف حسين هجوماً شديداً على بعثة الأمم المتحدة والقوات الدولية في السودان، مطالباً بتحديد مواقعها تحديداً دقيقاً، والسعي لاختزال فترة بقائها، محذراً من جعل السودان مركزاً إقليمياً للمخابرات الأميركية وقوات التحرك السريع الأميركية. |
يوسف حسين او حزبو، لازالو عايشين في اجواء الحرب الباردة مابين قطبي السيادة الغربية!
عشان كده المسكين، الي اليوم، شايل بقجة عداء شرق اوربا لي غربها، فوق نافوخو الخاري عرق من وطئ البقجة، او حايم!
فعلا، عداء شيوعيي ذنوجة السودان بالوكالة، لامريكا، شئ مضحك، وشر البلية مايضحك!
الحرب الباردة وقفت، والروس والامريكان، الان سمن علي عسل، لكن افراد جنود لواء ماكدونالد الجديد، مصريين يواصلو الحرب الوقفت من سنين!
ده كلو، والحرابة دي مابين اقطاب السيادة البيضاء، داخل بنية السيادة البيضاء نفسها، لاناقة لنا فيها، كافارقة، ولاجمل، اصلا، يااخوانا!
عشان كده النكتة بتقول، لمان طلبوا من صدام ايقاف حربو علي الكويت، قال ليهم موافق، بس اقنعوا البشير!
كلنا بنتذكر، كيف خاصمنا الدنيا او ذبحنا مصالحنا العليا كبلد قربانا، لي عيون عراق صدام!
قبلها، ناس عبود وهبو حلفا للمصريين، او مضو شيك الموية علي بياض!
السؤال هنا، تصرفاتنا الشاذة والغربية دي، يارب دافعا شنو؟
سنعود للاجابة..
|
|
 
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
| Quote: وشنّ الناطق الرسمي باسم الحزب الشيوعي السوداني، يوسف حسين هجوماً شديداً على بعثة الأمم المتحدة والقوات الدولية في السودان، مطالباً بتحديد مواقعها تحديداً دقيقاً، والسعي لاختزال فترة بقائها، محذراً من جعل السودان مركزاً إقليمياً للمخابرات الأميركية وقوات التحرك السريع الأميركية. |
كيفك بشاشا
دا تصـريح من العصـر الحجــري
لو كان عنده شوية مخ كان حيطالب بعدم مغادرة
هذه القوات وبعثة الامم المتحدة الا بعد تحقيق
السلام وجلب مجرمي الحرب الي محكمة جرائم الحرب في
لاهاي...آل تحديد مواقعها تحديداً دقيقاً آل..
العقـول التي تحجرت لا يمكنها استيعاب قضايا الراهن!
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
ابوعمير،
دليل اخر علي مدي انبتات نخب اليسار الجلابي، عن واقع الحال خارج اطار الفقاعة الجلابية!
فعلا الحقيقة مرات اغرب من الخيال!
عشان كده قبل كده قلنا، رفض الشيوعي للاهاي، ذي صلة وثيقة بي عداؤ التاريخي لامريكا، وهاهو الناطق باسم الحزب يجسد ماذهبنا اليه، علي نحو لم نحلم به.
لاصلة للشيوعي بمحارق التطهير في دارفور، لانو وكماكررنا القول، حزب جهوي، كاقبح ماتكون الجهوية!
ساعود لي غباء العداء الدوغمائي لامريكا، بلا مسوغ او غبينة من اي نوع، ذات صلة بمصالحنا كشعب، او حتي اقلية جلابة!
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
بننا العزيز بشاشا تحياتى
كم هائل من التصريحات ودى مساحة متروكه لهم للدعاية فقط لا تعنى اى شى ولا تغير ولا الحزب الشيوعي ولا المؤتمر الوطني نفسه لاتعنى اكثر من الحبرعلى الورق.والايام القادمة سوف تقراء الكثير من عينه هذا التصريح.
الغريب ان يصدر من الاستاذ يوسف حسين وهى العارف ببوطن الامور
| Quote: محذراً من جعل السودان مركزاً إقليمياً للمخابرات الأميركية وقوات التحرك السريع الأميركية. |
ومن قبل المخابرات الامريكية بسنيين عددا كانت اجهزة الاستخبارات ترتع فى الخرطوم وبورسودان والقضارف.
قبل فترة ليس ببعيد ورد تصريح لدكتور جون قرنق بخصوص محكمة مجرمي الحرب قال فيه يمكن محاكمتهم فى السودان.
الان جميع يحاول الصيد ودارفور الضحية.
ما تستغرب ولا تتعجب الايام القادمة حيكون فيها العجب!!!!!!!!
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
هشام مدني تحياتي.
عارف، عداء الشيوعي بالوكالة وحتي اليوم، لامريكا، شئ فعلا مضحك!
بالضبط ذي عداء الكيزان والاسلام السياسي، بالوكالة، لليهود واسرائيل!
فعلا ذي ماقال عننا السعودي، امخاخ اخوال، بحق وحقيقة!
في الاخبار من ايام، في اليابان، لقو يابانيين مدسين في الاحراش لظنهم الحرب العالمية لسة مدورة!
يوسف حسين ده قطع شك كان مع اليابانيين ديل!
كسودانيين ماهو مسوغ كراهية وعداء الشيوعي لامريكا؟
ده شئ عجيب، لوفي الماضي، ولا حاليا!
مافاهم كيف، بعد كل عمالة الرفاق للروس وعلي مدي نصف قرن، وبلا مقابل، جاييين يزايدو في الوطنية بالعداء لامريكا؟
عجبي!
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
إنت عارف يا بشاشة في أئمة جوامع لحدي يوم الليلة ما عندهم فكرة إنو التركية السابقة موش طلعوا من السودان و بس بل كمان في تركيا ذاتا مافي، بعدين إنت اصل الكلمة بتاعت تركية سابقة من وين، نرجع لأئمة الجوامع ديل إنت عارف لحدي هسة بيدعو للسلطان عبد الحميد بالنصرة و المفازة، تخيل و ديل في السودان الكبير الشاسع ده، بجيك راجع أصلو الونسة معاك زي ما بيقولو بتساوي سنين عارف واو الجماعة دي بترجع لي منو.
مودتي
مرتضى جعفر
ملاحظة
عمر علي مشتاقين أوجزت و أبنت
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Murtada Gafar)
|
الزميل دا كان مع نقد ولا شنو ؟؟؟
والغريبة قالو نقد في واشنطن مع ناس سلوى صيام وكوستاوي
والاغرب شايف تحالفات المنبر بدت تعيد ترتيباتا وكل طيارة رجعت لقواعده وحليمة رجعت لقديمة
الفي الشيوعي اتعرفت كدي يا بشاشا ويا عمر علي شوفو مع الكومندارات بتاعين الجبهة اقصد الحركة الشعبية موضوع امدرمان الاهلية وجامعة الجزيرة والمعتقلين يا مرتضى جعفر ما تنسى تشيل معاك اللستة ام 339 معتقل , وكمان عاوزين الراي النهائي بتاع الجنرال قرنق حول تسليم المجرمين لمحكمة لاهاي والقرار 1593 لانو في لست سابقة على وزن تركية سابقة في بقية اتجاهات السودان الاربعة . برضو ح تقدم . واخوك كان زينو بل راسك كان زنوجي وكان جلابي .
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
يامرتضي، كيف حالك؟
لوملاحظ، جماعتنا في المنبر ابتدوا يتعقدوا او يخجلو من تصريحات رموزهم، من نزلاء الكهوف!
ده قطع شك دليل عافية!
نفسي اعرف ومن خبرتك السابقة، مسوغ الكراهية والعداء بالوكالة لامريكا، في السابق.
هل الامبريالية؟
طيب، ومن كان منا، كبشرية، بلا اطماع وتطلعات امبريالية؟
لااحد علي الاطلاق!
حتي دولة الخلافة الراشدة ذاتها مارست الامبريالية، وكنا كسودانيين من ضحاياها، حيث استرقتنا دولة الخلافة الراشدة وغير الراشدة ايضا!
اول امبريالي في التاريخ كان من رحم ام سودانية!
بل الاتحاد السوفيتي نفسو، برز للوجود كنتاج لاردأ نماذج الامبريالية في التاريخ المعاصر!
ده مامعناهو احنا بنقول الامبريالية حاجة تمام او مبررة.
لاابدا.
فقط بنقول، الامبريالية مامبرر لمعاداة دولة بعينها دون سائر الدول من دون غبينة، ومن دون مايكون هناك صراع مباشر مابين دولتنا، وتلك الدولة الامبريالية!
فلوالاتحاد السوفيتي، وامريكا مثلا كدولتين امبرياليتين اختلفوا وتصارعو، فهل يعني ذلك ان نعادي طرف لمصلحة طرف بلامقابل وللابد، وبلا مسوغ تمليه علينا، مصلحتنا العليا، كشعب؟
ده كلو، والاتحاد السوفيتي خسر المعركة، او اتوسد الطوب من زمن!
حاجة فعلا، تموخل!
فالدلالات والدروس والعبر المضمنة سلفا، في مواقف رموز الشيوعي، الشاذة والغريبة، تمثل منجم معلوماتي لايقدر، لمن اراد دراسة سنوات تيهنا، في الخمسين سنة الماضية!
مرة واحدة، نفسي القي شيوعي علي استعداد يشرح مواقف حزبو البحارب في طواحين الهواء ده!
ذي ماقال slicing the air with a sharp sword
استغفرتك يامالك روحي، علي قول حبوبتي الجندرية، امنة كني، لها الرحمة.
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
يا عزيزنا بشاشة
أول حاجة فيك الخير يا مان أنا تجربتي ما سابقة، تجربتي ماشية و لسة لكن في مسار مختلف تماما و طبعا لا أتميز عن كتيرين بالمناسبة حتى كمان أنا ممكن أكون بأدي معاهم صلاة مسبوق، لكن نقول في ما أنت بصدده، إنو العداء لأمريكا تمام جذورو تكمن في العداء للإمبريالية ذاتها و أنا بالمناسبة يا بشاشة النزوع الإمبريالية دي أنا ضدها بالحيل، لكن أدري إنو الإمبريالية ذاتها طرأ عليها تغيير كبير جدا بالتالي مفروض يطرأ على العداء ليها برضو تغيير، عدائي للإمبريالية جوهرو رفض الإستغلال للآخرين، و إذا لم يتوفر هذا الجوهر لا مبرر لعدائي إذا.
تعرف الحزب الشيوعي السوداني يسمي في مستويات معينة النقد ليو بلوثة العداء للشيوعية، و لا يدري إنو حربو العقدية ضد الإمبريالية عرضت عدد كبير من منسوبيه للوثة العداء لأمريكا و بالمناسبة لوثة دي عندها كلمة إنجليزية ممكن تعبر عنها أنا عاجباني جدا ممكن أقولا ليك كأخ (Frenzy).
بلا شك الحرب الباردة و ما آلت إليو لا بد و وضعت حدا فاصلا بين زمنين الكتير من الناس ما مدركين ده و ده سبب تخلفهم عن الباقين المدركين ده، رغم ما يدور في العالم من هيمنة أمريكية مقززة جدا لكن تخيل كثيرين لا يدركون أن هذه الغطرسة أسهل ليك جدا التعايش معاها لا مقاومتها و بالمناسبة نتيجة المقاومة دي صعبة بالحيل لو الناس بيعرفو العواقب و الدروس باينة و ما دايرا ليها درس عصر، إنت عاف عندي صديقي و ما بفضلو عليد صاحبي لزم ربنا يمسيو بالخير إنتخابات آل غور بوش دي كان حاضرها معاي في البيت و كنا متابعنها مباشر عبر القنوات قال رأي مهم جدا إنت عارف أنحنا ذاتنا مفروض نصوت في الإنتخابات دي، لإنو برنامج بوش أو his run mate بتمسنا بصورة أكبر من برنامج الصادق المهدي لإنو مافي و أكتر من برنامج محمد عثمان الميرغني لإنو هو ذاتو ما بتذكروا و كده قيس الباقي
بجيك تاني
مرتضى جعفر
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: هشام مدنى)
|
الأخ بشاشا
لك التحية
| Quote: الحرب الباردة وقفت، والروس والامريكان، الان سمن علي عسل، لكن افراد جنود لواء ماكدونالد الجديد، مصريين يواصلو الحرب الوقفت من سنين! |
أكثر ألبلاد نموا أقتصاديا اليوم هي : الصين و الهند . ديل ضاقوا حلاوة الرأسمالية علي الطريقة الأمريكية .
أما نحن ما زلنا نقتات شعارات تخطاها الزمن .
و لي سؤال: لم يختار أغلب شيوعيو السودان الأغتراب في الدول الغربية قلاع الرأسمالية؟
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
العزيز مرتضي،
كلامك بقرب لي الصورة كتير.
لومسآلة امبريالية، ماذا عن امبريالية الروس ممثلة في اتحاد الجمهوريات السوفيتية؟
الاستغلال هنا، ولمصلحة البيض الروس، لايقل عن بشاعة امبريالية امريكا باي حال، بالنسبة للمراقب المستقل.
خليك من ده، هسي امبريالية امريكا، ولاامبريالية المصريين، واحتلالهم لارضنا، واستعبادم لشعبنا، رغم نطقنا، بالشهادة؟
اين عداء نقد ولا التيجاني المتوهط في حجر الخديوي، لي مصر وامبرياليتها؟
طبعا كلامي موجه لي اعضاء الشيوعي المعادين لامريكا، نيابة عن القومية الروسية.
ليه الشيوعي يعادي امريكا اللتي لم تحتل وتستعمر ارضنا، بالوكالة- ويعشق مصر بالاصالة؟
السبب، مصر هي الاتبرعت بالحيوانات المنوية، الضرورية لانجاب طفل الانابيب الجلابي!!!!
طفل انابيب الاحتلال المصري، طبعا عربي بحكم هوية الاب، وفق الثقافة العربية اللتي تنسب الابن لابيه، وليس لامه، كماهو حال الثقافة الافريقية!
ده يوضح بعد اخر في كراهية جلابة الشيوعي لامريكا، المساندة لاسرائيل!
فواضح تماما، ان طليعتنا المستنيرة خاصمت وصالحت انطلاقا من اعتبارات مصالح اجنبية، لاصلة لها بالسودان او مصالحو!
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
بشاشة فى واحدة من اعلى درجات ديماقوقيته و لا عقلانيته
احترام لمرتضى جعفر (غم اختلال الرؤية حسب البوستات العاطفية الاخيرة)
مندهش من موقف عمر على "الحقانى"
و يا محمد سليمان ما كل من ساند دارفور بالضرورة جيد، تلعب سياسة ،اى نعم ....انما تشكر الراكوبة فى الخريف ؟ دى كتيرة
عودة حين يتوفر الوقت
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Hatim Elhassan)
|
Quote: تعرف الحزب الشيوعي السوداني يسمي في مستويات معينة النقد ليو بلوثة العداء للشيوعية، و لا يدري إنو حربو العقدية ضد الإمبريالية عرضت عدد كبير من منسوبيه للوثة العداء لأمريكا و بالمناسبة لوثة دي عندها كلمة إنجليزية ممكن تعبر عنها أنا عاجباني جدا ممكن أقولا ليك كأخ (Frenzy).
|
عارف يا مرتضى الكلمة دي اتهموني بيها كثر الاتاري هي من العباراة المعلبة وجاهزة ؟؟؟
كتبت الزميلة هنادي فضل يوسف ( للجلابي ) - عشان بشاشا ؤبث - ثروت ذات يوم
Quote: حاول ان تكون موضوعي في خطابك وشفاق في نقل المعلومة
معروف ان واقع الحركة الطلابية واقع متحرك ومليئ بالاحداث وان الطلاب اصلا جاين من بيوت سودانية ان كان شيوعيا او كان حزب امة او غيره .
واضح من مداخلة خصر ان الطلب الصافع كان ينتمي لحق وقبلها كان ينتمي للجبهة الديمقراطية وجاء على لسانك ان الجبهة الديمقراطية فصلته من عضويتها بسسب احداث الاتحادي وتاتي وتصر على ان الطالب جبهة ديمقراطية وتقغز مباشرا للحزب ويجب ويجب مايجب
هذه تسمى في القواميس لوثة العداء للشيوعية
|
Re: طالب شيوعي يعتدي بالضرب على السكرتير الاكاديمي لاتحاد جامعة الخرطوم.
عارف يا بشاشا سيدنا دا الحاجة الكويسة بسهل للزول نط الحلوق وما عندك مشكلة نط زي ا انت عايز وح نتلقى كلامك بكل رحابة صدر ومال نحنا جايين المنبر ليه ؟؟
ما عشان نسمع صوتك ونسمعك صوتنا والا كان نعمل لينا منبر ونلعب فيهو ونغني برانا
بس الما قادر افهما ليه ما بتدين انتهاكات الحركة الشعبية لانسان الجنوب كان الشمال نقول بتتسدا حقها لكن نسوان الجنوب ديل زنبهم شنو ؟؟؟؟؟
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
| Quote: فالحزب الشيوعي لا يعادي أمريكا |
لاحولا!!
عبدالله حسين ليك وحشة! فيامراحب.
مرة تانية، منم في تاريخ البشرية دي، الماهيمنو او سعو للهيمنة، عشان ماتروحو لاصقين الهيمنة في امريكا، كخاصية او ميزة خاصة بي امريكا؟
بالله هيمنة امريكا، ولاهيمنة الستار الحديدي!
اذا نزعة الهيمنة ناموس كوني او مافيهو استثناء، فمافاهم كيف الشيوعي ينفرد علي طريقة رامبو بي مهمة التوعية النبيلة؟
طيب منو الحيوعي الشيوعي السوداني بي حقيقة انو كان اداة من ادوات هيمنة معسكر شرق اوربا، ضد غربها؟
اماوصفك لي راينا في منظمات اقلية الجلابة كهجوم، فهذا يعبر عن ضيق وضجر بالراي الاخر، كعادة "الديمقراطيين" مجازا!
هجومنا ده من طرف اوما قاصر علي الشيوعي، حتي تتبرم وتتظلم علي هذا النحو.
فالشيوعي و قياسا بحجم الرقعة الغطاها تاثيرو او نفوذ، مسؤول سياسا، فكريا، واخلاقيا، من كارثة نصف القرن الماضي في بلدنا.
عليكم كشيوعيين تحمل تبعات نصيبكم من المسؤلية عن ماحدث، بدل التبرم والضجر شاهرين لي سلاح الارهاب الفكري، كتجسيد لي عجزكم عن منازلتنا، فكريا.
اماتصويرك لي راينا في عداوتكم وكراهيتكم لي امريكا، نيابة عن المرحوم الاتحاد السوفيتي، كدفاع عن امريكا ، فهذه محاولة رخيصة لاغتيال الشخصية، تفضح طريقة تفكيركيم كجنود في لواء مكدونالد الجديد، اكتر منو شرح لي منطلقاتنا، كافارقة وسودانيين تحديدا.
فدفاعنا هنا، عن مصلحتنا العليا، كشعب ودولة سودانية، مش امريكا، كما صور لك عقلك المسكون بالدفاع عن المعسكر الاشتراكي، حتي بعد مامات او بقي بترول!
شفت الاسقاط هنا، كيف؟
امااسترقاق البيض وليس الامريكان لينا، كافارقة، فلاالومهم او احملهم المسؤلية علي الاطلاق!
نحن كافارقة، المسؤلين عن ماحدث، حادث، او سيحدث، لينا في المستقبل.
بصفة عامة ده فهمنالي معاني المسؤلية، او دي فلسفتنا في الحياة بصفة عامة.
متي ماورد ذكر الاخرين كالاوربيين، والعرب او اليهود في حديثنا عن مالات استرقاقنا كجنس اسود، فاعلم ان ذلك يرد فقط تبعا لمقتضيات السرد التاريخي، لماحدث.
فيمابينا كافارقة وسودانيين تحديدا، فمسؤلية استرقاقنا، في جانب منه تقع علي عاتق من امتهنو النخاسة، كسبيل كسب للعيش، وهم المعروفين اليوم بالجلابة، من احفاد الدنقلاوي كركساوي، او الجعلي الزبير!
لهذا فنحن لانحمل امريكا كدولة، ولاحتي البيض كجنس مسؤولية ماحدث، ولذات السبب لانكره البيض اوالعرب مثلا، او نحملهم المسؤولية وان رصدنا، وسردنا دورهم في العملية، من باب العلم بالشئ.
بنفس القدر، نحتقر ونبصق في وجه المتمسحين مننا، بالبيض اوالعرب، كتعبير عن كراهيتهم لانفسهم!
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
حاتم الحسن، اولا يامراحب.
قلت لي قولنا علي الجلابة، كطفل انبوب الاحتلال المصري، تسطيح وابتزال؟
ليه؟
عشان ذكرنا، مدخلات انتاج اطفال الانابيب سريريا؟
ليه ياوهابي الشيوعي؟
البعد الواحد ده في حالتنا في السودان، هو اساس الابعاد الاخري.
فخليك في الفروع، واحنا سنظل ماسكين في الاصل.
بعدين كلامك كده قولو لي زعيمك نقد البقول السودان عربي عديل او حاف كده، وهو الاممي، تقول لي اختزال او بعد واحد؟
دايما ماركسية الجلابة كده!
يشيحون بوجوههم عن واقع الفصل الابارثيدي المعاش كواقع، بفضل استعلائهم الاجوف، ثم ينظروا لينا، او يسفسطو عن وجود ابعاد اخري!
السؤال ليه التافف والتعالي المصطنع ده، متي ماجا الكلام عن واقع استعلاء الجلابة المستمد من وهم عروبتم، وهم الزنوج؟
الاجابة، دي الية دفاع سلبي عن النفس، وعن مكتسبات امتيازم بالميلاد، كعرب اشراف اسياد بلد، بينما غيرم، فروخ، او عبيد، او فيران!
دي ماياها ذاتا، الشجرة المحرمة، الهبطت بي ابو البشرية، من الجنة لي نار الدنيا!
عشان كده ماعايزنك تهوي بي ناحية شجرة العرق المحرمة دي!
التكتيك ده دائما تلجأ ليهو المجموعات المهينة، كماهو حال ليبراية البيض او يساريهم، العلي هيئتم، تم صياغة بساريينا، من باشبوذق معسكر شرق اوربا!
اومال غسيل المخ بغرض التجنيد بتم كيف، لو ماكده؟
المساكين الي هذا التاريخ ماوقع ليهم، حقيقة وطبيعة الصراع داخل بنية السيادة الغربية ومابين قوي هذه البنية!
هم فعلا فاكرين ده صراع اشتراكية، ضد راسمالية!
مرة اخري، امخاخ اخوال، ذي ماقال السعودي!
اجدادم في قوة دفاع السودان، ضحكو عليهم واستغلوهم بي نفس الطريقة، في الحرب الاهلية السميت حرب عالمية، فيما بين مراكز قوي السيادة البيضاء، وتحديدا مابين الاقلية السامية ممثلة في اليهود، والاغلبية المسيحية!
ابدا ماصدفة كيف القوي الفازت في النزال الاخير، هي الدول المهيمنة عليها الاقلية السامية ممثلة في اليهود!
بنفس الطريقة مايسمي بالمعسكر الاشتراكي، في حقيقتو ثغرة دفرسوار اخري، من ابتداع، ذات الثعلب اليهودي، الممطتي في نفس الوقت "البفلو" الامريكي!
شنو؟
قال بعد واحد، ذي الناقش حاجة!!
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
العزيز جدا بشاشة
تحياتي و كتير إحترامي
ياخ داير أحكي ليك نكتة، تعرف نقد و في حملة تصريحاتو الصحفية الأخيرة كان بيتكلم في لقاء ليو مع جريدة الأيام قام أوردو أحد الأعضاء في بوست هنا نقد قال في إطار الحديث عن وصفة إقتصادية قال ما معنها "عشان ما نتبوأ مقعدنا من النار" فمتن الحديث غير متوفر لكن بنجيبو، قال بعد النظر إلى تجربة مايو مع التأميم لا بد من أن ينحصر التأميم في قطاعات المصارف و خدمات التأمين و الشركات الأجنبية، النكتة إنتهت.
طيب يا عزيزي بشاشة آلا ترى إنو الزميل نقد و الزميل يوسف حسين ينتميان لنفس الحقبة الحجرية من تأريخ البشرية و هي العصر الطباشيري من "تبشير"، فيا بشاشا ما عندي مانع و الله أنا ممكن أتواضع و أناقش تأميم قطاع المصارف و التأمين لكن تخيل لن استطيع مناقشة تأميم الشركات الأجنبية حينها سينتصب حاجز متين من اللغة و سيكون الحوار أشبه بحوار الطرشان أو من يتحدثون بلسانين لا يعرف أحد لسان الآخر. فيا عزيزي الزميل نقد متعه الله بالصحة و العافية ينطلق من نفس منطلقات يوسف حسن حين تم تصوير الإستثمارات الأجنبية في حقبة الحرب الباردة "البقت تأريخ هسة" تم تصويرها على إنها مخلب قط إمبريالي ـاتي من خلفه الهيمنة السياسية و هو ما كان كده ذاتو تماما لكن كانت الفكرة بتاعت تأدية فروض الولاء و الطاعة للروس أحد طقوسها أنك توصد الباب أمام أي منتجات و شركات غربية من ضمن طقوس كتيرة، لكن طرح الكلام ده في 2005 أي بعد 16 سنة من إنتهاء الحرب الباردة بالنسبة لي زي مريض الزايمر، الآن ما لا يعيهو الزميل نقد إن الإستثمار الأجنبي لا يحتاج لتأشيرة دخول من نقد أو حزبو و حتى لو فرضت شروط زي دي بيبقى المصير زي جق صدام واحد ده طبعا معطوف على إنو ليس الإستثمار الأجنبي مخلب قط لأمريكان فتخيل لمن نتكلم عن إنو الشباب الزي ناس نقد ديل بعدها يجب أن يضعوا القبعات على الطاولة يا زول تعال شوف جيوش الوهابية المنتظرين نقد لسة
الأخ حاتم الحسن
تشكر يا سيدي على الكلام و الإحترام، بس بوستات عاطفية دي أوع تكون من مصدات النقد بوضع ناقدك في قالب يعزلك من نقدو، عموما بينا و بينك المودة و ما نطرحو و جاهزين للزود عن حياضو أو أقلاو كده نتناقش فيو.
سلام
مرتضى جعفر
| |
|
|
|
|
|
|
|
|
|
Re: بقجة عداء الشيوعي اللاعقلاني، لامريكا، الي متي؟ (Re: Bashasha)
|
العزيز مرتضي،
صراحة لمان الواحد يتأمل موضوع فروض الولاء والطاعة للروس، وعلي حساب مصالحنا، كشعب ودولة سودانية، بالله راس الواحد بلف طارة عديل كده!
لكن نمشي اونجي اونقول، احزاب السودان القديم، من اقصي يمينا والي اقصي يسارا، تشترك في صفة تقديم فروض الولاء والطاعة للاجنبي، كالاتي:
A) من جهة اليسار،
A-1) نجد الشيوعي يؤدي هذه الفروض للروس، المابتجمعنا بيهم، اي صفة او صلة، اي كانت، بخلاف ادم او حوا!
A-2)البعث التكريتي، ولاءو للعرب عامة والعراق خاصة، وصدام تحديدا!
A-3) البعث العلوي حيث الولاء لسوريا، وال الاسد تحديدا!
A-4)الناصري، حيث فروض الولاء لعبدالناصر شخصيا، ولمصر اللتي استعمرتنا تحديدا، من باب العرفان!
A-4) اللجان الثورية، حيث فروض الولاء هنا، موجهة للمكشكش القذافي!
B)اما يمين، الاسلام السياسي، فكالاتي:
B-1) الوهابية، فالولاء لمحمد بن عبدالوهاب، ومن ثم السعودية رغم انقلاب السعوديين علي ارث بن عبد وهابهم!
B-2) الاخوان، حيث الولاء للبنا، والمحروسة مصر، مستعبدتنا، وفاء، وعرفانا!
C) اما الوسط، الطائفي:
C-1) فالاتحادي، حزب انشآؤوه المصريين، والي هذا التاريخ، يحمل هذا التنظيم المسخ اسمه الدال علي الشعار المعبر عن سر انشائه، الا وهو، الاتحاد مع مصر تحت تاج فاروق!!!!!!
C-2) اما حزب الغمة، فقد انشأووه الانجليز!
فواضح من السرد اعلاه، ان السودان ككيان وقومية، لايزال في طور الميلاد، من احشاء السودان المصري اي العروبي، الحالي بعد خمسين سنة، من رحيل المصريين، والانجليز عن ديارنا، افتراضا!
طبعا دي بديهة، ولانها بديهة، لانكاد نتوقف متأملين لواقع هذه البداهة.
فيوسف حسين، ومحمد ابراهيم نقد، وللاسف الشديد، يجسدان واقع ذهنية هذا السودان، الذي لايزال، ولم ينفك، مصريا، كماكان من خمسين سنة مضت!
| |
|
|
|
|
|
|
| |
Bashasha
omar ali
Murtada Gafar
Mohamed Suleiman
Tragie Mustafa
Outcast
فيس بوك
تويتر
انستقرام
يوتيوب
بنتيريست