|
Re: وكشـفت وجهها سلـيمى وانـهتك السـتر والنـقاب (Re: منصوري)
|
نعم يا أخ الحليلة، أطفال الزمن دا زكيين وذكيين ولماحيين.. شوف هسه محمد ولدك عمرو اربع سنوات حفظ المقطع دا ويردد فيهو( يا الله المعطي والقاسم) وهذا المقطع أنا ظللت اردد فيهو قريب نصف ساعة يا ربي انا قلتو في ياتو قصيدة.. في النهاية اتضح لى أني قلتو في مرثية أخينا المرحوم طه ابو قرجة.. لمان ترتفع القيم ويردد الناس الكلمات السامية يؤجر المرء من حيث لا يدري ولما لسانه يلوك الكلمات ذات القيمة يترطب اللسان والفم بذكر الله.فتحصل البركة وتنعكس على الجسد في قيم مختلفة يحسها كل حسب ذوقه... وبالعكس لما تردد الكلمات الهابطة في الأغاني أو في الموسيقى تنعكس بالظلام حسيا على الجسد ..هسه محمد خرج من كل مضمون القصيدة سالفة الذكر وردد( يا الله المعطي والقاسم) فصارت في حقه دعاء ردده مراراً وتكراراً ..حركت دواخله وماجت الموسقى والنغم فيها واكيد ربه قابل عاءه هذا..( يا الله المعطي والقاسم) سوف يعطيه من خزائنه التي لا تنضب.. ويكبرو ويقويهو.. والقاسم..يقسم له قسمة الخير في الرزق والصحة والعافية....تعرف يا أخ الحليلة.كثير من اشبال الأسر التي نعرفها أو نزورهم اجدهم يرددون امامي مقاطع وابيات حافظنها من الإنشاد والقصايد التي قلتها في مناسبات سابقة.. ويخبرني بذلك آباؤهم او امهاتهم وكثير من بنات الأخوان والأخوات يحفظون قصايد عن ظهر قلب..فشي ملفت ومفرح ومبهج أن يتلقي الأطفال كلمات سامية ذات مدلول روحي....شكراً الأخ الحليلة مرة تانية... وصاحبك إبراهيم بخير في صحة وعافية.. وكل عام وأنتم بخير وسلامي لإبنك محمد وأخوانه وأخواته..أخوك صديق منصوري
| |
|
|
|
|
|
|
Re: وكشـفت وجهها سلـيمى وانـهتك السـتر والنـقاب (Re: منصوري)
|
شكراً يا أخ عماد بطران..ظاهر عليك زول ذواقه.. وزادك الله إنتا كمان .............................. أصلو الموقع دا زي السوق..تلقى الفارش ليهو تفاح وتلقي الفارش ليهو ليمون وتلقي الفارش ليهو بصل وتلقي الفارش ليهو خمور وتلقي الفارش ليهو عطور... وبعدين يجينا حديث نبينا محمد صلي الله عليه وسلم( وقل اعملوا فكل ميسر لما خلق له)..
| |
|
|
|
|
|
|
|