|
Re: أغنية ضيعت صبري...إهداء لكل الأحبة.. (Re: خالد الحاج)
|
سلام يا خالد, كل سنه وانت طيب , تعودنا منك نكت الدرر , بعدين مبروك تحويل الاسم , ويا حليل ايام ابا, بالمناسبه دي عملتها كيف ..اخوك الكمبيوتر بتاعوا عامل اضراب اليومين دي , لكن من ما لقيت الاغنيه دي قلت لازم اكتب شكر من الجيران ... تسلم يا حبيب
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: سجيمان)
|
سجيمان.. يعلم الله القلوب عند بعضيها.. يا دوب إنتهيت من طباعة البوست بتاعك(الفريق القومي النسائي) ولك تحيات مجموعة طيبة من الشايقية أضحكتهم كثيرا بخفة دمك الطيبة فوفرت علي أخوك كمية من الشاي.. كل سنة وإنت طيب يا دكتور..
أسعد أبراهيم.. هون عليك يا أخي..حا تحلو وتبتسم بعد عبوس..
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: خالد الحاج)
|
يا سلاااااااااام يا خالد تعرف طابت دي كلها جمال وعمك أحمد الطيب وكت يغني الغنوة دي الله قادر والعجب ولده لكن كمان جماعتك ديل برضهم ما قصروا ما هم هينين والله كل سنة وانت طيب وامانيك محققه
يا ملكة سبأ يادوب صبرك حيضيع غايتو من بوست قلب للبيع داك وانا كنت قايلك قاعدة في السهلة لا قلب لا كبد لا فشاش لا مرارة ولا شي
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: الجندرية)
|
سنة حلوة للجمبع و لحن رااااائع يا خالد للجندرية تحية خاصة لذكر الراحل أحمد الطيب عليه من الله شآبيب الرحمات و زي ما قلت ضاع صبري عندو مدهشة و ما عاوز أقلل من جماعة خالد ديل إطلاقأ لكن ورود إسم الفنان أحمد الطيب إستوقفني مرة تاني للجندرية تحية من طابت
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: الجندرية)
|
مازلت أذكر الحلقة التلفزيونية التي قدم فيها الفنان أحمد الطيب ولده عماد ومازلت اذكر تلك الروعة لما قاما بأداء هذه الأغنية معاً وتبادلا فيها كانت لحظات حنينة وحنية حقيقية وابداع موصول عرقاً بعرق وجسد من جسد هذه المعاني لا تنبت إلا من جذور راسخة وتاريخ مستمر وكم ضاع الصبر
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: sheba)
|
العزيز الطيب بشير.. كل سنة وإنت طيب..ورحم الله المبدع أحمد الطيب وهو من الأصوات التي لن تتكرر..
شيبا..إزيك يا إبن عمتي.. كل سنة وإنت طيب..وتحياتي للأسرة وربنا يجمع الشتات..ويحقق الأمنية الكبيرة..وطن خير ديموقراطي
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: sheba)
|
Quote: تعرف طابت دي كلها جمال .. |
....شكرا ليك يا جندرية..ذوقك يزيد ألق المنبر دائما..كلامك كلام شوف..جيتينا متين؟ أخي خالد الحاج..أبا سابقا.. كل سنة وانت والأولاد طيبين و سعيدين..أشكرك كتير لتحقيقك رغبتي بانزال أغنية المرحوم ابراهيم عبدالجليل ..تغني بها المرحوم أحمدالطيب فابدع..و الآن ..يشدو بها الشباب فيزيدونها جمالا علي جمال.. خالد
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: sign)
|
Quote: بانزال أغنية المرحوم ابراهيم عبدالجليل ..تغني بها المرحوم أحمدالطيب فابدع. |
حدثنا قدماء الإذاعيين أن رائعة الشاعر عبيد عبد الرحمن ضاع صبري أعجبت المرحوم ابراهيم عبدالجليل حين غناها المرحوم أحمدالطيب فتنازل له عنها و هذا سر تسجيلها في الإذاعة بصوت المرحوم أحمدالطيب
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: خالد الحاج)
|
الاخ خالد الاخوان الاعزاء المشاركين الاخ عبدالمنعم
تحياتى
احتفظ بتسجيل لاثنانهم ولى قريب لى سألنى قبل اسبوع فقط بأن كنت امتلكها ولمحاسن الصدف رحت ابحث عن شرائط الفيديو حتى وجدتها وبدأت المذاكرة فى بوستاتك القديمة يا خالد حول كيفية نقل الاغنية للموقع حتى يستفيد الكل . واليوم تفاجئت بوجودها هنا ، واصدقكم القول اصبحت لدى ك ( الحلومر ) ... وتحياتى لكم مرة اخرى
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: خالد الحاج)
|
ملكة سبأ الداك بالكوريك يدينا بالمعلقة النبي عليك كما عملت لينا بوست تعليمي زي حق ناس ابا وتمبس نتعلم فيهو الصبر
الطيب بشير حباب طابت ونسايمها ونفحاتها الكلها خير وبركة أحمد الطيب فنان ابوي وفناني كمان ، ربنا يتولاه برحمته ولطفه
sign شوف ساي ؟
اهلي قعدو عندكم بالسنين ولدوني عندكم بعد ما امي وقعت سمانية طابت عشان تجيب البنات كانت ولادتها اولاد بس مرقت منكم عمري 4 سنين لكن بمش ازور ابواتي اخر مرة مشيت سنة 91م سلام ليها بنية بنية وطريح طريح وشارع شارع وبيت بيت من بيت ناس شيخ بابكر لحدي بيت ناس الحنينية مروراً ببيت (الحجر) حيث ولدت
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: الجندرية)
|
أختي الجندرية.. والله سماحة نضمك..سقتيني معاك في سلامك..لا خلينا بنية ولا طريح..الشوارع والبيوت طفناها واحد واحد..و من بيتكم (بيت الحجر) بدينا لفتنا و كملناها.. الجندرية ست البلد..لك ألف تحية..ما أجمل المنبر..
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: Ibrahim Algrefwi)
|
Salamt Guys... Sign Tarig Elsharief Luai
Sorry it is been a long a go since I wrote in English and it seems I forgot it..wish you all the Best..Hope the next Year will be a good one..and all your dreams comes ture
Dear, Dreams, Thank you for your nice words happy new Year
Love you all
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: منصوري)
|
اولا بالتبادى يا خالد من جيت بأسمك الاصلع بقيت جادى شديد شايل هم اسمك واسم ابوك اخير كان ابا تفلق حيث شئت دون خوف او وجل
اما هذه الاغنية فذكرتنى ايام جميلة يعنى يا وليدى مسافة اربعين سنة كدى زمن الزمان كان زين والشعر مغطى الاضنين وزمن السودان بخيرو الف الطوب فيهو تلاتة تالاف وزمن يا يابا رقيص الرقبة والرجال البهزو ويلزو آحليلك يا داك الزمن السمح عللى كان جبتها بالغناء الزمان قبل عولمتها كان عاد البكاء ما وقف
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: zumrawi)
|
Democracy Mansuri Karim Zumrawi Salamat Guys, thank you all for your kindness and happy new Year
Abdelrahi abayazid, I am here Man in London three Dyas ago and waiting for a Tel. call from Haneena.any way you can call me in this Number: 02073888437 and thank you..
Dr, Bayan, welcome back again..and I need to go back to my oun PC. to make Araki's Song you ask for but concider it done I will do it the first thing when I am back to the Netherlands
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: خالد الحاج)
|
الاغنيه فيها تحويل سلم..
عملوه ناس شويه فى الغنا السودانى..
لكن اول زول اتعرف بيه هو الكاشف..فى اغنية فتنت بيه...
وببساطه هو انه الفنان بغنى الغنيه فى اكتر من سلم واحد على غير التقليد فى غنانا السودانى الغنيه من تبدا لغاية ما تنتهى بتكون "طالعه" فى سلم واحد..
واسالوا الموصلى حمزه انور عمر بانقا...او اى واحدمن اهل الذكر.. لو ما قال ليكم كلامى صاح... هههههه...
بسمعها كل مره يا خالد...تووووووووشكر...والشكر اغلبو، طبعا حيمشى للمغنيين نقسهم..وعطاءهم الجميل..بدون زعل
سؤال: عندى اغنيه فى الكمبيوتر ممكن تساعدنى انزلها..غنيه من احمد شاش...سال منها واحد هنا ودايره اساعده يسمعها...
بديك باقى الشكر لو ساعدتنى...ياخالد
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: بلدى يا حبوب)
|
الأعزاء تماضر...نعم الغنية يختلف التناول الموسيقي فيها وإن كان روح أداء القدير أحمد الطيب موجودا سوف أعمل حالرجوعي علي مساعدتك في إنزال وشرح الأغنية المطلوبة ان شاء الله..أجد سيرتك العطرة هنا أينما توجهت.. لك والأسرة أطيب تمنياتي بعام سعيد...
ملاسي... صديقي اللدود...ما تذود لي الجرعة شوية.. مرات ردودك القصيرة رغم تميزها بتديني إحساس برشتات الأطباء...زود الجرعة لي أخوك حبتين وفيك الخير
حنينة... البلد منورة حقيقي بي أصحابها..وقد غمرني كرم ضيافتكم ربنا يديم المحبة..
بلدي يا حبوب.. أبدا والله الغنية من بيتي..وعموما ما لاقي وكت حتي للردود حوامة جد...وبتشوفوا الصور وبتعرفوا كم هم رائعون هؤلاء البورداب أينما كانوا...كل سنة وإنت بألف خير يا بلد يا حبوب
لكم مودتي
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: ابو جهينة)
|
أذكر ذلك التسجيل..كانت سهرة تلفزيونية قدمها المتفرد..الطيب قسم السيد في منتصف الثمانينات..كان دويتو رائع..أذكر جيدا أن الراحل أحمد الطيب كان يرفع (الرق) حين أدائه و المتألق عماد ل(ضاع صبري) ..كأنه يسر له بشئ لا يريد لنا ملاحظته..طيب الله ثراه ..
طارق..التسجيل دة لو عندك ألحقنا بيهو..أنا ذاتي عندي أغاني نادرة ما عرفت أنزلها..البركة في أخوناخالد الحاج..
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: خالد الحاج)
|
ود الحاج ..
وكل الطالين في هذا البوست المعطّر .
كل عام وأنتم بخير ..
* بالله يا أبا ممكن تفتح الصورة بتاعتك شوية عشان لو الواحد يقدر يعرفك لو جعمتنا يوماً المجامع.
* العم تنقو .. سجيمان ما شرح لي ::المشوق:: لي يوم الليلة
تحياتي،،
جاد
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: خالد الحاج)
|
Quote: انشاء الله يمهلها عليك محل ماتقبل ياخالد ياود حوا وادم واي مكان تنزل فيهو يبقى وسيــــــــــــــــــــــــــــــــع وماهل بقدر ما انت بتسعدنا |
بتذكر قلت ليك الكلام دا وانت فى لندن وقاطع راسي وانا حسه راسي مقطوع برضو ودايره شورتك فى حاجه ضروري شديد اتصلت بيكم يومداك جعفر ما قال ليك ما لاقيتكم لا انت لاامانى
| |
|
|
|
|
|
|
Re: أغنية ضيعت صبري...إهداء لكل الأحبة.. (Re: خالد الحاج)
|
خالص التحايا الخال العزيز خالد قبل الترحيب بيك انا زعلان منك شديد ياخال شنو يعنى السمايه تاكلوه براكم وماتعزمونى عموما بالهنا والشفا وبرضو زعلان.. كيفينك ياخال والوليدات وحبابك عشره ورسلته ليك رساله هل وصلتك ام لا.. وداير اسالك سؤال عن الاغنيه الشغاله دى البغنى ده عماد احمد الطيب ولا وليد وخالص تحياتى لك ...
| |
|
|
|
|
|
|
|