حسين تكريتي دي عرفناها ، بس إنت لسة حردان ؟ مش اتصالحنا أنا والاخت بيان ؟ تاني موضوعك شنو ؟ اتصلت على تلفونك ولقيتو بيرد : مجموعة شركات ..... وما عرفت أسوي شنو ,إنت ما اتصلت ،، وبعدين عرفت إنك مشيت السودان ،، أنا ذاتي قربت أمشي ،، ونتلاقى هناك ، وكل سنة وإنت طيب ،،
11-11-2004, 03:24 AM
bayan
bayan
تاريخ التسجيل: 06-13-2003
مجموع المشاركات: 15417
يا ملاسى و العزيز ودقاسم، تحياتى وكل سنه وأنتو طيبيين. أهنئكم على هذا (الأنجاز) لكن برضو ما احسن من أنجازالهلال !!!!! والمقدرة العاليه على النسيان والسكون للمرافئ، والروح المسالمه المنحازه للتصافى.
تخريمه:- (الشكل) (الهظار) بتاع ناس الجامعة الأهليه ده ما بنفع معانا؟؟ نحنا ناس (دواس) كان شاكلنا لن نشبع حتى فى رمضان. ما تزعلوا بالمناسبه ام الحسين، من ناس الجامعه الأهليه (مش محطة التلفزيون الأهليه)!!!
11-11-2004, 05:08 AM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
تعرف يا ملاسى أنا ناس (دريدا) ديل من زمان عند راى فيهم وفى أساميهم العجيبه دى، ديل دواسهم ما دواس وكلامهم ما بشبه كلام الناس (هسه أختفها أوسلى ذى - قلق - ) ، نحن من قوم لو غضب الواحد منا قال لى اخوهو (طالعنى الخلا)... هسه دريدا ده تطالعو الخلا ولا تعزمو دسكو ؟؟؟ طبعا أنا اقصد انه رائى فيهم بمثلو (الثقافة الأرستقراطيه) التى تناقش قضايا راقيه ، لكنها لا تحل مشاكل رجل الشارع اليوميه ، ذى (بترول السودان) الما بظهر على مظهر (قفة الملاح)!!! أنا بقصد (على مظهر ) مش (على مظهر). أقصد (الهيت) (مش الهيت)!!!
11-11-2004, 04:02 PM
ودقاسم
ودقاسم
تاريخ التسجيل: 07-07-2003
مجموع المشاركات: 11146
حسين عليك الله نزّل كل المقتطفات التي يقع عليها اختيارك من كتاب الأستاذ شوقي ملاسي ، وانا لو تذكر سبق وسألتك عنه ،، وشايف بيان عملت كوت من خبر المصالحة التاريخية ،، يعني عايزة تقول أن لا رابط بين حرد حسين وما حدث بيني وبينها من مشادات ،، ويا بيان والله كل ما حدث سببه كلمة واحدة كتبتيها لي مرتين ،، وهي كلمة ignored
وأنا إن شاء الله عازم على السير في خط التصالح مع الآخرين مهما كانت التبعات ،، بس طبعا الناس الما بريدهم أنا ما مجبور عليهم وكل سنة وحسين وبيان وتاج السر بخير وعافية ،،
اوكى يا ود قاسم اخوى معليش ومتـاسفة جدا على الاقنوردات انا كتبتها ليك عشان انت هاجمتنى بدون مبررات وكتبت لى قصة انثى الضفدع.. انا بعد زعلت عجبنى تعليق روضا عليها.. وعرفت جد انه انثى الضفدع زولة متفردة شديد..اها القصص كترت لما جات لحدى العندو لكن اسع خلاص انا عافية ليك كل حاجة وانا زولة مبدئية جدا اذا قلت ليك متاسفة ابقى جد قاصداها واذا قلت ليك نسيت كل الماضى جد بنساه.. واتمنى اقابلك فى السودان عشان تعرفنى معرفة حقيقية من اسع عازماك عشاء فى حتة اسمها البيت النوبى فى شارع الحلفايا انت والاخت فوزية فى مارس القادم ان شاء الله ( لكن توصلونى اهلى بعد العشاء).. وحاعرفك بالوالد الذى هو صديق عمر عزيز للمرحوم ملاسى الاب رحمه الله رحمة واسعة منذ الستينات الاولى حيث جمعتهم مهنة التدريس.. وصرنا نلتقى ونتفرق مع هذه الاسرة طيلة طفولتنا..وحسين كابر عن كابر اسرة مستنيرة ومتعلمة ولها فضل فى التعليم فى السودان اذ كان جده لامه عميد معهد التربية شندى خرج الاف المعلمين ولوالده اسهام كبير فى الثقافة السودانية اذ انه اول من اخرج فيلم روائى فى السودان الا وهو فلم آمال واحلام.. المهم الان نقلب صفحة جديدة..
حسين يا ريت ينزل مذكرات شوقى.. عشان يصحح التأريخ الامدرمانى والناس تعرف فضل االاسر الناضلت و دفعت ثمن فى تحرير السودان.. من غير ناس ام درمان.. وياريت برضو ينزل اى حاجة عن ثورة اللواء الابيض واسماء الناس الشاركت فيها..
وشكرا لكم جميعا ومحبتى التى لا املك غيرها لكم وكل سنة وانتم بالف خير
11-12-2004, 01:30 PM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
زمتن كان في أوضة نوم العروس في كرسى واحد مع بقية الأثاث وكان الناس بيطلقوا عليه من باب السخرية كرسى الحرد يعنى الزول الحردان بيقعد فيهو ولا يعود إلى قواعده سالما غلا بعد ترضيته عشان كده البوست حقك دا اي واحد حردان يجى يقعد فيه حتى ... جني
11-12-2004, 01:53 PM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
Quote: بالمناسبة انا نسيت اقول ليك انو بكري الشايقي و سمية كانوا
زملائي في الجامعة - في الاسكندرية زمان - شفت اخوك عجوز كيف.
لا لا لا...............ترا را را....فى بكري الشايقي معناها عجوزاً ليك شيب أصلي ولا التقليد... وطبعاُ فى حالة سمية فهي صغيرة .
لا كان كدا يا حسين بقينا أسرة واحدة... على فكرة ناظر المدرسة فى الأهلية المتوسطة- بورتسودان كان أستاذ ملاسي عليه رحمة الله. وولدو حسين ملاسي صديق لي فى بورتسودان رغم فارق السن بينا..ناس نادي سواكن... الناس ديل دحين ما أهلكم؟
أنور
11-12-2004, 02:23 PM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
أها شفت بيت ناس راجاخان الملاصق لي نادي سواكن بى ورا دا؟ تعرف عمك أحمد حسين معتوق؟ أكيد بتعرفوا... خالي عبد الرحمن متزوج بتو الكبيرة نجلاء... اها طلعنا أهل ولا لا؟
طبعا من المرحوم ملاسي عمك لزم...معناها أحنا أكتر من أهل...لازل صدى كلماته فى أذني والله ( ليس هذا من عاداتنا وتقاليدنا)...
والله يا حسين لما الزول يشوف أحنا عايشين فى بورتسودان كيف...ما يصدق انو فى حرب فى السودان قايمة وقاعدة بسبب العنصرية! أنور
11-13-2004, 03:21 AM
bayan
bayan
تاريخ التسجيل: 06-13-2003
مجموع المشاركات: 15417
حسين بيان وبقية الحرادى ( جمع تكسير يمكن أن يجمع على عدة صور ) كل عام وأنتم بخير ، وعساكم من عواده ،، سألبي كل الدعوات وسألتقيكم في السودان إن كان لينا عمر ،، وبيني وبينكم لم تعد لدي المقدرة على الشكل ، والحرد ،، خلونا نصفيها ( مش مريسة حبوبتي أم العندو ) أقصدالحالة بتاعة الشكل والحرد ،، ونرجع اخوان ، فالدنيا تسعنا كلنا بلا شك .. والتحية للأخ أحمد الريح ، وأساسي ، وابنتي بنت الأحفاد،، وكل الناس الحلوين الذين صمدوا في هذا المنبر رغم كل المناكفات ،، وحقيقة هؤلاء كانوا ملح المنبر ،، والثابت عندي أننا كلنا أبناء الوطن مهما تعددت أصولنا ، ودائما أقول أن الشعب السوداني بكل فئاته له اسهاماته في صناعة الوطن وفي نضالاته المختلفة عبر السنين ولا أستثني أحدا من ذلك وكثير من المساهمين أسقطت إسهاماتهم عن تاريخنا المكتوب لكن ذاكرة الأجيال تتناقل أخبارهم ، وتثبتها ،، ولابد أن يأتينا يوم نكتب فيه تاريخ السودان بكل تفاصيله ،،
11-12-2004, 02:25 PM
اساسي
اساسي
تاريخ التسجيل: 07-20-2002
مجموع المشاركات: 16468
أي تصالح خارج إطار الشرعية ( الجهينية ) سنعتبره تصالحا منقوصا و لن نكون ملزمين بإدراجه ضمن أضابير الإتفاقات الرسمية .. لذا يا إبن ( أستاذي الديناصور ملاسي ) .. قدم أوراق إعتمادك ..
التحية لكم جميعا و كل عام و أنتم حرادى و متحابين أخوكم جلال إبن عطبرة المدينة النائمة في عباءة الحزن
11-12-2004, 06:10 PM
bayan
bayan
تاريخ التسجيل: 06-13-2003
مجموع المشاركات: 15417
الاستاذ جلال سمبويا - او سمبويو ان كان سمبويا خطأ -
تحياتي و كل سنة و انت طيب
لا تصالح خارج مظلتكم؛ و هذا التصالح ما كان له ان يكون لولا مبادرتكم التي اصلحت ما بين ود قاسم و بيان ...
خشيت ان فاتني قطار المبادرة ان يصيبني ما اصاب التجمع الوطني الديمقراطي؛ و او على اسوأ الفروض؛ ما اصاب قوات التحالف...
و اكثر ما كان يفزعني ان يأتي احدهم - بعد ان يفوتني القطار و اتشرزم - و يقول لي بأنني لا اقوى على قيادة ثلاثة من الاغنام - او الماعز ان كانت الاغنام خطأ -
فأبدأ حينها في اكل نفسي؛ حتى اصبح معدة كبيرة؛ دون رأس او اطراف.
لذا كان لزاماً عليً ان الحق بركب مبادرتكم الكريمة؛ فموطئ القدم؛ مقدم على ما سواه.
11-12-2004, 06:08 PM
bayan
bayan
تاريخ التسجيل: 06-13-2003
مجموع المشاركات: 15417
صرخه00 جميعنا نقف على حنين وذكرى00 و عندما نقف على الاطلال يشتعل فينا الحنين بلهب الذكرى 00 *المشوار والاختيار كثيرا مايبدو صدفه وحقيقه عندما يتسع الافق تضيق العبارة فالموقف اكبر من ان تحصره كلمات00 كل عام وانتم بخير والسنه دى قبل الجايه تتحق امانيكم00 Hussein Mallasi
اخبار الكوبى بسيت مع الحردان والعيد والتكنولجيا مافى جديد00 عارف دلوق بضحك كيف بسمع فى اغنية يلاك ياعصفور 00 لقيتها كلها بتكلم عنك 00
بديك منها جزء وبجيب ليك الباقى وكت تانى00 اسمع... يلاك ياعصفورى انا لى (حسين ) مغرم وبغير عليهو00 .....الخ قول حكم الاوصاف وانا من عيونو بخاف00 لووووووووووووووول 00 شفت كيف ياحسو 00 ارجع اسمعها بتلاقاها كلها ملاسى وحسين مع القافية تك00 يلا فتك بعافية00
11-17-2004, 00:55 AM
Tarig Sidahmed
Tarig Sidahmed
تاريخ التسجيل: 08-22-2004
مجموع المشاركات: 587
اها نرجع لموضوع رواية امير تاج السر " مرايا ساحلية - سيرة مبكرة" الصادر عن الشركة العالمية للطباعة و النشر في ياناير 2003
فقد وردت في الصفحة الاخيرة للكتاب الغلاف ؛ بعض التقديمات و التعليقات من بعض الكتاب كجمال الغيطاني "المصري"؛ مجلة الاهرام العربي؛ فاروق يوسف "العراقي" و هاشم كرار " السوداني".
و الذي لفت نظري؛ هو ما كتبه هاشم كرار؛ فقد كتب الاتي:
أمير تاج السر .. أعظم الروائيين السودانيين على الاطلاق.
11-20-2004, 01:25 AM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
كتب طارق الشريف؛ في جريدة الصحافة الصادرة صباح اليوم السبت 20 نوفمبر 2004 الاتي نصه:
الفنان معتز صباحي ظهر في قناة النيل الازرق " شاقي شعره" فأكد أنه لا يحترم نفسه و لا يحترم المشاهد و لا يحترم العادات السودانية و اكدت القناة التي استضافته انها قناة فوضوية الفنان يا سادة نموذج للاجيال الناشئة.
انتهى _______
11-20-2004, 03:12 AM
AnwarKing
AnwarKing
تاريخ التسجيل: 02-05-2003
مجموع المشاركات: 11481
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة