لقياء لحنها وغناها الزول السمح مصطفى السنى حاولت انزلا ليكم بى صوتو راااااااائعه جدا ولحنو حنين لكن بصراحه غلبتنى ..اصلى غبشه وما بخبر التكنلوجيا المشاتره دى بحاول استعين بالمختصين .. وبتمنى دائما نلتقى كلنا فى الساحه دى وفى اى ساحة على المحنه والموده وقبل كل شىء الاحترام لكم كل الود ولمصطفى السنى الشوق والمحنه من على البعد اسماء الجنيد مسقط
02-10-2006, 05:26 AM
عوض الله الفولانى عوض الله الفولانى
تاريخ التسجيل: 09-04-2003
مجموع المشاركات: 850
والله يا سوما وبعد التحيه والسلام وحلو الكلام لقيا ما لقيا جميله وبسيطه ومعبره وحنينه وكميه من الانكشاح والتدفق العاطفى المحروم منو انا ويا اريت تتواصل تلك اللقيات على وزن العابرات وعابره يا بت المدائن والمدن ما فيها عشره يا حليل ايام وراحت خلفت جواى حسره وعيييييييييييييييييك ومسدار مسدارين من اهلنا الحنان اهل الطيبه والموده وتحيا وتعيش اللقيا وانشاء الله نبعد عن الفرقه
سحر الرقيقة سلام يا بنية من وسط الاهل يا زهرة نايره فى كل محل اسعدتنى طلتك يا حبيبه يا المن القلب قريبه شكرا سحر شكر عطر **** اخوى عبد الغفار نورت الدار يا كريم المقدار ان شاء الله يابا ما تشوف حسرة ولا فرقه ولا نار ربى يسعدك ويهنيك زى ما اسعدتنى الطله تسلم يا ود الرفيق والحلة شكرا عبد الغفار عبد الله شكرا لمة اهل
شاعرنا الحنين ود الجروف والطين يااااااااااااااااا ود الاهل وينك يابا ما اجملها لقياء الجابت لى السمحين تحياي ليك قدر الاحساس الجواك يا نبيل وسلام خاص عبرك لست الصون والعفاف و الاهل الطيبين شكرا اخى عبد المعنعم شكرا بعمق احساسك ***
خليل المرهف يا سلام عليك لامست وتر الغنا الشايل الحنين اللقياء ما اجملا بعد شوق السنين كلماتك معبره فيها كم هائل من المعانى لوحة جميله مجسده فى صدق الاحاسيس الاخ خليل لون سماوات فضانا والله وعطرت الدواخل بشذى الياسمين شكرا خليل ..شكرا نيلين
02-14-2006, 11:55 PM
abookyassarra abookyassarra
تاريخ التسجيل: 02-11-2002
مجموع المشاركات: 789
الأخت / سوما أنضر شاعرات الوطن وأصلبهن عوداً وأكرمهن حنيناً لأنك تحيكين الخواطر كما تحيك أمٌ ( قميص طفلهاالبكر المرتقب ) تخرج قصائدك خروج الحمائم من بيوت الصفيح تحت أسقف القطاطى لتوقظ سكون القرى فى صباحاتها الباكرة تخرج أنيقة .. رقيقة ..منضومة ( غير مصنوعة ) لذلك من بين كل شاعرات الوطن تجديننى أحتفظ بقصاصات منها موزعة على أسطح مكتب حواسيبى ( فى العمل-البيت -النادى ) لذا .. ولان دخول أسوار قصائدك .. يسوقنى تلقائياً ( مغيباً على حمار نومها )أقطع مسافات النهار أو الليل غير آبه .. ولأننى فى العمل .. دعينى (اصحصح) ..وأنزل هنا.. لأعود بعد حين .. أبوذر
02-15-2006, 04:27 AM
فضيلي جماع فضيلي جماع
تاريخ التسجيل: 01-02-2004
مجموع المشاركات: 6315
قلت لك في تعقيب - لو تذكرين- أنك تملكين موهبة كبيرة في كتابة القصيدة بالعامية. قلت ذلك بعد أن أتيح لي قراءة بعض تلك النصوص في أرشيف مكتبتك في هذا الموقع. واليوم أجدني أكثر اصرارا على هذا الزعم. كلماتك منتقاة وجملتك الشعرية أنيقة ومحكمة. أعجبتني القصييدة بحق.
ياااااااااااا ابوكى يا ساره انا خيتك يا ود القبائل المى خمج كلامك هز الدواخل رقص مشاعرى بدون وعى تمايلت كل الاحاسيس .. وعانقت بعضها البعض زغرتت الحنايا ، وتب الفرح جوانى ، قالد الروح شبال معطر بى اريج نضميك المن الجوف ورحلت مع غيم الفرح لى الطيبين فى ديارهم العامره حنية اخى ابو ساره عز الله قدرك ..كلامك كان كبير كبير عميق المعانى حقيقى اسعدنى .. دعواتى ليك ربى يخليك ويديك الفى مرادك شاحده الله السعاده تبقالك رفيق طول الطريق والعافيه تبقالك هدم يا ود العم شكرا محنة ..
شاعرنا الكبير فضيلى جماع .. جامع كل الصفات السمحة شاعر الجمال كريم الخصال دائما مدمدمنى بروعة كلامك ومخجلنى بى تواضعك يا نبيل .. تواضعك باين فى ملامحك .. حلمى من زمن ان التقيك وتحقق الحلم .. وعرفتك اكتر واكتر عن قرب .. كما توقعت واكثر .. كنت نعم الاخ ونعم الصديق ونعم الاستاذ المعلم نصائحك هى اولى خطواتى للنجاح.. وهل انسى مثل كلامك هذا !! انه وشاح طوقنى وزاد من قدرى فى نفسى ..وتاج علا جبينى سوف التقط كل درر تعابيرك النفيسة فى حق كتاباتى المتواضعه وازين بها صدر موقعى سومات لك الشكر مصطفا بطول النيل وصافيا صفا دواخل اهلنا الحنان ومخضرا بخضرة جروفه اخى فضيلى شكرا دعوات قبيلة
يااااااااااااا ملامح ؟؟ يا ربى انا فى حلم ولا علم ؟؟ ويــــــــــــــنك يا ملامحنا الشوق نيلين يا ود اهلى الطيبين بسأل منك النجم الفوق السماء وبسأل منك الندى الراوى الحقول عارفاك يا هنا يا هنا .. وبرضو جيت لقيتك بى هنا حمد الله على السلامه وكفى لما الاقيك .. الاهل بى هنا حفت اقدامهم من الكواسة عليك الوصية امانه بغروك السلام معتق بى ريحة القبيل ليك ولى السمحين المعاك اخى ملامح بعمق الشوق بهديك سلامنا وشكرا على المرور ولو كان توقف بدون حكى لكن برضو ليه نكهه خاصة من اخ كريم زيك
***** aosman
ادروووووووووب لوووووووووووول قلت لى لسه انت خرمان للقهوة والطبلية ؟ عارف المخلايه دى فيها شنو ؟ فيها كل المحنة بى بنها مقلية ومعتقة فيها حنين البلد ولقاء العشاق وفيها لمتكم انتو فى الديار السمحة وفرحة الكبار بيكم لك المحنة كلها والشكر ليك جبنة متكية وفناجين فى صينية
02-16-2006, 01:24 PM
KOSTA KOSTA
تاريخ التسجيل: 02-04-2002
مجموع المشاركات: 3138
KOSTA حباااااابك يا ود الاهل جيت وفى ملامحك طيبتهم رجعتنى لى زمنا مغروس فى الحشا بحنية الكلام الجاى منك ما بجى الا منك ومن نفس الدروب الشايلة فى الذكرى الغنا شكرااااااا كوستا على الاحساس الجميل شكرا فرحتنا بى طلتك يا قريب الخال
02-19-2006, 00:13 AM
samwal ebrahiem samwal ebrahiem
تاريخ التسجيل: 09-01-2004
مجموع المشاركات: 679
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عوض الله الفولانى
bayan
Sahar Abdelrahman
khaleel
احمد العربي
hatim
عبد المنعم سيد احمد
abookyassarra
فضيلي جماع
aosman
KOSTA
samwal ebrahiem
ابو جهينة
فيس بوك
تويتر
انستقرام
يوتيوب
بنتيريست