|
دعواتكم لزميلنا المفكر د.الباقر العفيف بالشفاء العاجل
|
|
 Re: يا جماعـــة انا عنــدي مشكـــلة.. اضانكم طرشا (Re: mamkouna)
|
سجي ازيك ...
اول شي ... حمد لله على سلامة الضل الاتوزن ...
لكن موضوع الاضنين ديل ...
امشي لي اي محل بتاع (وزنة دركسون ) ... و يا حبذ لو بقى فيه ميزان كمبيوطر ...
بجيهوك تب ... بس ما تخليهم يفكو الرفارف ... عشان عندنا قريبنا فكولو الرفار ووزنو الاضنين بقى عندم مهام اخرى مفيدة غير الاستماع ...
و تحياتي وودي ...
بيلو ...
| |
 
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: Sobajo)
|
سوباجو
يا ظريف
ازيك
| Quote: بس ما تخليهم يفكو الرفارف |
dيا زول يفكو.. شنو؟؟؟.... انا رفارفي اصلية... يقومو يبدلوها بتيواني واللا صيني...اكون ماشي في امان الله تقوم الاضان تتملص تقع.... والغريبة ان وقعت في السوق العربي... والله ناس الدفاع المدني ما يلقوها لي!
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: عمر الفاروق)
|
سجيمــــــــــان
كفارة للوضـــان
بعد التحية .. والذي منه ...
أسمع كلامي أنا زول تفتيحة وعارف الحاجات دي كويس ..
الشغله دي ماشغلة بتاعت دكتور .. الشغله دي بتاعت فني ساون ...
لو علاقتك بي ناس قناة النيل كويسه وعندك واسطه قوية أنصحك تمشي ليهم بظبطوا ليك الصوت تمام .. بس كلمه من بدري إنوا مايعمل ليك أيكـــــوووو ...
وكان ماعندك واسطة .. أه أمشي لي بتاعين الساون الفارشين بس أعمل حسابك مايغشوك لازم الفني يكون تفتيحه .. وعلى الأقل مدرب على ساون ديناكورد 2000 .
وأنصحك خلال فترة العلاج .. تبعد عن محلات العصير والكافتيرات لأنه طوالي مشغله ليها حاجات بتعمل جنون الأضنين ..
لك التحية ،
خالد الأرباب
خبير بالطب البلدي للأضنين
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: Khalid Saeed)
|
د. عادل
ركِّب Equalizer في الأضان ال بتتأخر دي.
بس دة فيهو شوية مخاطر .. مرات الجهاز دة بيقوم عليهو جنو يشتغل بسرعة عالية .. تقوم تسمع حاجات ما إتقالت .. و ال أكعب من كدة .. ممكن تسمع الجيران في أوضهم بيقولوا في شنو . و ال قاعدين يتوسوسوا .. غايتو لو بتقدر على الحاجات ال حتسمعا .. توكل على الله.
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: ابو جهينة)
|
الحبيب
ابو جهينة
| Quote: ال قاعدين يتوسوسوا |
دي حاجة في السلك..... باقي الايامات دي قدر ما ادخل مكتب القى المدير معاهو بنية قاعدين يتوسوسو....وانا قاعد برضو يستمر في وسوستهم..... والغايظني بعد مرات البنية تندقر وبعد مرات تضحك.....والله تاني امانة ما ورطو
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان) (Re: سجيمان)
|
لو هارد وير كانت ما مشكلة كبيرة, كنت حأقول ليك دى مشكلة رامات, يعنى تزود الرامات بتاعة الأضان البطيئة, لكن لو إنت عارف إنها مشكلة سوفت وير فمصيبتك كبيرة بالحيل لأنه لازم تشيل الشمار السمعتو كلّوا و تختو فى درايف تانى و بعد داك تفرمت الأضان من أول و جديد, حتى بعد داك تنزل ليها برنامج جديد, لكن المهم اسطوانات التعريف (تعريفك) لازم تكون موجودة, ممكن تسأل عنها الحجاج و الناس الكبار و لو ما لقيتها تكون خلاص ياااحليلك لأنه العيون برضو حتحصل الأضنين بعد كم يوم, و بعدهم النخرين و و و و . لكن الخوف من حاجه وااااحدة. إنت زعلت يا دكتور و لا شنو؟؟
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
إنــت يا سي جي من هســع عايز تعمــل فيها ما سـامــع عشـــان العيــد قرًب و عاوز تعمل أضــان الحـامـل طرشـــة عشـــان ما
يقولوا ليــك قوووم جيييب خروووووف العيــــد ... بــااااااع أهــا أرجا الراجيـــك ... يعني إلا تتصـل بصديق و في هذه الحالة
ما إلاك إلا المُـــــر
هيثـــم،،،،
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: Haytham Abdulaziz)
|
د. سي جي
تحياتي ،
أضان الدكتور طرشا :
يعني سمعك ما تِقِل إلا مع عرسنا ..؟!
على كده أخاف تجيني يوم الخميس عشان تحضر زواج
بنتي (هيام) واللي هو يوم الأربعاء ، وتقوم
تعمل لي مشكلة : وين الفنانين وين العشاء ،
وين باقي المعازيم ، وين الخال حمزاوي (أضان الحامل طرشا)
وين هيثم بتاع خروف العيد ؟
أعمل حسابك واسمع كويس : العرس يوم الأربعاء
يا تجي يا سي جي واللا عويناتك ذاتن بلحقن ليك أمات إضنيك !؟
مودتي ،
( ليمو )
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
عزيزي سجيمان
والله فاتتك (جنس ربَّـه) ، طبعا كانت في الرياض
رياض السعودية ، مش رياض الخرتوم ، وكنت فاكرة
حدانا في الرياض أو القصيم ، وما كنت مفتكرك
في الخرتوم عموم . وعلى العموم مشكور يا سيدي
وعارفك ما كنت بتقصر تب في تشريفنا . طبعاً
العرس كان بالاربعاء الماضي (15/11) .
والجايات أكتر من الرايحات ، العروسة أختا في
اللفه ، وشايف من هسع العريس الجديد (بتاوق)
وبمجرد (ما نكلبشو) ، نديك خبر ، وتسعدنا
بحضورك وتشرفنا بمشاركتك .
وسلمت لأخيك ود التلب ، عبدالحليم .
مودتي ،
( ليمو )
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
إتجاه الدش قصدي الوش(يكون خمس دقائق زمانية شرقا)في إتجاه اليد اليمني
في حالة وصل الصوت لي الأذن اليسري وهو الوقت زيرو,يكون عليه قطع مسافة خمس درجات زمانية للوصول للأذن اليمني,وبذلك تتحقق المعادلة لعادل.
(الحل قد تكون له أعراض جانبية دنميكية)
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: Abureesh)
|
شفت يا دكتور ،
ما براك ، ناس كتار مجليه لسا الشيالين بتاعنهم ما وصلوا حلمة الاضان الاولى عشان يردو عليك
اطمئن .
كلنا فى الهواء سواء
لكن ما تتقل الدقدقة فى السماعة وانت خاتى النضاره فوق الاضان لانو الحركة الرأسية مع الحركة الافقية بتعمل ليك بعد الشفتو ده مشكلة فى الشبكية .
وكل سنة وانت طيب ،
دى عشان تصل ليك مع عيد الضحية .
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
سجيمان ازيك
كتبت ليك المرة الفاتت عن الاضان وسألت عنها ،
الباثولجى :-
اغلاق شبة تام للاذن {الوسطى} بسبب كتاحة او غبار لستك ركشة، لا اسبعد انو تكون مسدودة بي طينة او عجينة
اما الدياقنوزيز فهو:-
1. انشا اللة يتربى في عزكم ، بما ان اضان الحامل طرشة .
التريتمنت
1. اسمع البنسلين يا تمرجى مرة كل 6 ساعات مع مراعاة حساب العمر والوزن.
تخريمة:
تحدثت عن الاصبع الوسطى فى بوست الاصبعجية
لى قدام
محمد مكى
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
.. ســجيمان في مناسبة لقي ليه شافع من أولادهم الرباطاب. الشافع علي مســـاختو الرباطابية إتضح أنه قرأ البوســت دا و عرف مشـــكلة أضان ســجيمان الشمال البتسمع متأخرة. أها و هو قاعد يغسل لي ســجيمان بالإبريق قام ســـجيمان ســألو:
- أنت من وين يا ولد؟
- بـر
- و بتكوضم في شـــنو ؟
- مش
- قلت لي أســـمك منو ؟
- كو
وبعد الولد ما خت الإبريق ومشي بي دقايق قام سجيمان ذي المجنون يكلم نفسه:
والله شافع كضاب كضب . متين ناس بـربـر قاعدين يســموا كوكو؟ و كمان قال بياكل مشمش
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: خالد الأيوبي)
|
خالد الايوبي
Quote: - أنت من وين يا ولد؟
- بـر
- و بتكوضم في شـــنو ؟
- مش
- قلت لي أســـمك منو ؟
- كو
وبعد الولد ما خت الإبريق ومشي بي دقايق قام سجيمان ذي المجنون يكلم نفسه:
والله شافع كضاب كضب . متين ناس بـربـر قاعدين يســموا كوكو؟ و كمان قال بياكل مشمش |
بااااااالغت ....دي بقت كلمات متقاطعة
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
الحبيب والمداخلون الرائعون..
لكم الود
أخوي بركة البقت في الإضنين أنا عندي قريبي جاتو في يدينو بقن بياخدن الاشارات من المخ سوا يعني لما تمد ليهو يدك عاوز تسلم بمد ليك يديهو الاتنين وان قعد يكتب الاتنين بشتغلن.. ولما يركب المواصلات بيحاسب مرتين والكماسرة عديمين الضمير بشيلوا الحساب مرتين .. وكذلك الخدرجية وبتاعين البقالات زوجتو بقت تخت القروش في جيب واحد والمصيبة بقى يعتذر للراجل ويقول ليهو أمشي البيت أجيب قروش وأجي وهو يكون حاسب الدور الأول
ده كلو ما كان مشكلة المشكلة أنو الحاجات المفروض تعملا الايدين في وكت واحد زي شيل الصينية وشيل الشافع بتشتغل يد واحدة بس!!! والتانية بتكون قاعدة دلقون...الشافع الفي موقعو والصينية مدفقا ...لكن الحمد لله عملوا ليهو ري فورماتنج في الاردن ظبطو ليهو السوفت وير
عقبالكم
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
تعرف يا حبيبنا سي جي
لو انقدت طبقة الأوزون ما مشكلة
لو انقدت الأضان الشمال برضو ما مشكلة
لكن لو انقدت الأضان اليمين دي المشكلة
أما بالنسبه لل Subwoofer ما بركبوا في الاضنين يا زول ممكن تشوف ليك أي حته تانيه تركبوا فيها وهو بقوم بوزن ليك الاضنين وبشغلهم ليك تمام , أنا غايتو جربتو في العربات لكن في البني آدمين أضاني طرشا الا كان تجرب وبعدين برضو بحتاج كهرباء يعني يكون عندك بطاريه كويسه , وسعروا تقريبا من 200-400 دولار يعني ممكن تضيفو للابتوب والنعلات.
| |
|
|
|
|
|
|
|
|
 Re: يا جماعـــة انا عنــدي مشكـــلة.. اضانكم طرشا (Re: سجيمان)
|
والله ياسسسسسسسسسيجي من ما مشيت السودان مشاكلك بقت بلحليل كتيرة غايتو دي جرسة ساكت وكان سمعت
نصحيتي أخير ليك ما تسمع تب عشان البتسمعه كله بغم النفس وفي ناس كتار أسحن ليك يتخيلوك أطرش
عشان الطرش مرات بطلع من مواقف قلت شنو في النصيحة دي ؟
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: عواطف ادريس اسماعيل)
|
يا سيجيمان يا خوى أنا عندى واحد صاحبى جاتو نفس الاعراض بتاعتك دى بس لكن فى (عيونو) يعنى يشوف الحاجه هسع يفضل تانى شايف فيها يجى ساعة زمن صاحبنا ده (مرتو) من نسوان زمان (الهميمات) ديلك ..مما تصحى من الصباح تشيل ليك (المقشاشة) وتقبل ليك على (الحوش) تقشو ليك تخليهو يلمع وصاحبنا عشان عندو (أزمه) بعيد عنك منبه عليها ما تبدأ حكاية (قش الحوش) دى إلا بعد ما يطلع الشغل . اليوم داك إفتكرتو طلع الشغل وشالت ليك المقشاشة وهاك يا (كنس) والعجاجة قامت .. أها صاحبنا أتخارج ولبس بى سرعة ومشى المكتب قام أول ما دخل قالوا ليهو المدير عايزك قام دخل للمدير .. وبعد شوية الموظفين يسمعوا ليك الكوراك والصريخ .. لمن فتحو الباب ودخلو يلقو ليك صاحبنا ماسك ليك فى يدالمدير ومكنكش ليك فى القلم ويصرخ فيهو :
- أجدعى (المقشاشة) دى .. ما قلت ليك مية مرة ما تقشى إلا بعد ما أطلع !!!!
كسرة : أنا من زمان أسمع ليك .. الشراكة الذكية .. الشراكة الذكية .. أتارى هن ديل إضيناتك ديل .. واحده تسمع (الفنان) وواحده تسمع (الكورس) .. واحده تسمع (الموجز) وواحده تسمع (التفاصسل) !!!
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
| Quote: يا سيجيمان يا خوى أنا عندى واحد صاحبى جاتو نفس الاعراض بتاعتك دى بس لكن فى (عيونو |
يا جبرا اخوي وسجيمان زاتووو ما جاتو في عيونو ..
والله تفابلو نص النهار الا يقول ليك ازييك يا عروه ..
خليها علي الله ..
الراجل كرعي اتكعوجن وفقد 3 سن وشنبو اتحتا وجاي هنا
يقول اضاني .. اضانك بالتطرشا ليك انشاء الله يا سجيمان
تحياتي
منعم
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: سجيمان)
|
أخي الدكتور عادل دخلت هنا لا لكي أحل المشكلة أو أساهم في حلها فأنا لا أحل ولا أربط وبالكاد أحل عنزتي ذات الشامة وأربطها عند الغروب وأنا ما عندي تجربة في الحل ولا عندي سلبه.
الدخلني في هذا البوست يا أخي سجيمان هو أنني أهوى الدخول في الشبكات ، ومشكلتك أخي تتلخص في أن أضانك مش طرشة لكين تقيله شويه وفي حاجة إلى ترصيص شأنها شأن لساتك العربات وهو ما يعرف في قواميسنا ونواميسنا بأن أضانك كرشت بدلاً عن بطنك فعليك بسماع الأصوات في إتجاه الريح ويبدو والله أعلم أن طبلة أذنك قد قدت من دبر أو إترخت فإذا كان الحال هو الأول أى أنها قدت من دبر فسوف تكون في حاجة شديدة إلى أذن وسطى وغضروف وسنكيت لزم التزييت وهذه الأشياء كلها متوفرة في الجزارة علىأأن تقوم من الصباح بدري وتمشي الجزارة قبال الضبان والحر يعني تأخذ قطع غيار أصلية وفي رواية أخرى فريش.
أما إذا كان المسألة مسألة أضان مرخية فهذا دليل قاطع على أنك تسترق السمع ودايما راخي أضانك لي البعنيك والما بعنيك وهذا نوع من أنواع التجسس وهي صفة ربما تؤهلك للعمل في السي آي إيه ، وعلاج الحالة الثانية أخي عادل يتلخص في أن تولع لمبة 100 وات من اللمبات العادية مش الفلورسنت البيكون ضوها أصفر زي قبورة وحرارتها زي مكنة التيمس أها تقف تحت اللمبة دي ما بين 10 – 15 دقيقة دون أن تتوحوح أو تتزحزح وهي عملية مأخوذة أصلاً من التراث حيث أن الدلوكة لمن تترخي وكذلك الشتم shatam (ولاعلاقة له بالسب أو اللعن إنما هو لمن لا يعرف ويريد أن يعرف عبارة عن ميني دلوكه وفي حجم فردة البنقز) أها بيوقدو تحتها نار وبكبو فيها واحدين تراب من فوق لزوم سرعة التسخين وواحدين ما بكبو تراب لكين نصيحتي ليك إياك إياك وأن تمشي تكب ليك تراب في أضانك والله تاني هوفر ما يطلعو منها يا أخي دي فيها زوايا ودروب ملولوة جنس لولوة والشبكنا يخلصنا.
أها أضانا طرشا ليه ، أنا زمان بسمع جارتنا حلميه لمن يقولو ليها كلام كعب تقول أضاني طرشا أو ما بتحدث في بتحدث في الخلا وإنت بتكون بتتكلم معاها وده قالو في اللغة هو أكان المجاز وكان الطباق المهم حاجة من المحسنات البديعية الأدونا ليها زمان في المدرسة ، وقبال ده داقني فيها وطاردني من حصة العربي لي نهاية السنة كلو عشان الأستاذ قال بإعتبار ما سيكون ، قمت لي شقاوتي قلت ليهو العرفهم بي ما سيكون شنو هي حاجة بالمنطق كده لسه ما حصلت تقول لينا بإعتبار ما سيكون ، ووحات قطاعتك يا دكتور عادل تاني ما شفت لي كتاب بلاغة ولا نحو ولا صرف ولا دخلت حصة عربي لي نهاية السنة ونجحت في الإمتحان بخرات وشف من الجيران ، وبصراحة نفعتني بقيت ألعب الكورة وكنت فيها تمام ومشيت تمام أها يوم في ميدان الرابطة والكورة مولعة وأنا عامل فيها ولا شفشنكو يقوم أبوي الله يرحمو ويغفرلو يجيني توش جوه ميدان رابطة ديوم بحري القاعد لي هسع ده وما بنو فيهو جامع ولا روضه وبي عصاتو الما بتغباني قطع في واحده لامن وقعت في الأرض والمدافع الجاري معاي زاتو رأس السوط لحقو ووقع وقال لي تعلب كمان يا قليل الأدب أنا ما قلت ليك جيب القش للغنم ومن يومها ولغاية هسي بجيب القش للغنم وبطلت الكورة.
| |
|
|
|
|
|
|
|
|
|
Re: يا جماعـــة انا عنــدي مشكـــلة.. اضانكم طرشا (Re: حبيب نورة)
|
حبيب نورة
Quote: حليلك يا الما كملت بوستاتك
وحليلك يا الما جرتقت بنياتك
حليلك يا القطر فاتك
حليلك يا القطعت نعلاتك[/QUOTE
يا اخوي المناحة دي كلها عشان اضنيا اتلخبتن..... يا زول والله انا شديد ولضيض...علا بس الاضينات ديل علا تاني ماعندي ايك يا عوجة.....
| |
|
|
|
|
|
|
|
| |
سجيمان
عبد المنعم سليمان
Ahmed Abdallah
mamkouna
؟؟!!!
Sobajo
عمر الفاروق
Khalid Saeed
ابو جهينة
عبد الحميد البرنس
Abureesh
عبدالله شمس الدين مصطفى
Haytham Abdulaziz
abdulhalim altilib
Adel Sameer Tawfiq
طارق جبريل
خالد ماسا
عزيز عيسى
ajaj
Moawia Mohammed
khaleel
صباح احمد
فيصل محمد خليل
محمد مكى محمد
خالد الأيوبي
معتصم دفع الله
محمد أبوعاقلة الطريفي
Samer Osman
انعام حيمورة
Elsamani A.Malik
عواطف ادريس اسماعيل
الفاتح يوسف جبرا
showgi idriss
almulaomar
حبيب نورة
فيس بوك
تويتر
انستقرام
يوتيوب
بنتيريست