|
بعض الحليب انت.....و الكديسة انا
|
امبارح شاهدت سهرة علي الفضائية السودانية...مع ترباس... الراجل ماقصر.. غنا لمن فتر.... لكن صوتو كان تعبان ..... ورايح كلو كلو..... يظهر الزول كبر.... والحس راح في حق الله..... عجبتني الاغاني بالرغم من انو ما كنت بسمعها كويس.....وذكرتنني ايام الصبا.... وشرت عمود النور....وانتظار حبيبي البمبي اللابس البمبي..... ايام كنت عامل فيها شاعر ورقيق وحساس... وقصائد الكشا مشى الكانت مالية السوق.........
حبيبي سافر......... لمازا
خلاني راقد...... جنازه
حبيبي سافر...... لكنو
خلاني متل...... التكنو
بديت اول قصيدة كانت بالعربي الفصيح.... ومجارة لسوق الشعر الايام ديك...وهي بعض الحليب...... انتي
والكديسة.......... انا
لكن غلبني كلو كلو.... اتمها... وقفت عند الكديسة دي اسبوع....وانا متحير...بعدين قلت يا ولد يا سجيمان... انت لاشبة عربي فصيح ولا حاجة..... اكتب بالنضم البتعرفو.....وصادف ان كانت...حبيبتي ..... ضربتها مولاريا.....وبعد داك جاءها غريقان.... خلاها متل القصبة....مسيكينة...ولقد حزنت جدا .... لهذه المولاريا... التي ما شافت لها شغلة غير الزولة دي...لانها دي المرة التالتة تجيها في سنة واحدة....وكتبت قصيدة.....
المولاريا...مالك؟..... حبيبي .. شن سوى
مرضو ألمني... قطع فشافيشي...... من جوا
والغيرقان خلى عينو..... زي البيض بالطوة
القصدة كان طويلة... وعاجباني بالحيل... وسمعتها لاصحابي.....صفقو لي كتير... وقالو لي انت شاعر مفوه....وموهبة مدفونة...في شوارع الثورة...وحرام... تكون هنا.... حقيقة انا اتنفخت...واتبسطت غاية الانبساط..... وشلت قصيدتي وختيتها في ظرف... ومشيت بيت زولتي... بالراحة ختيت الظرف تحت المخدة الراقدة عليها.... ومرقت....... بعد كم يوم والحمد لله ... زولتي خيّرت وبقت طيبة..... ومرقت السهلة..... لكن الغريبة..... من ما قامت من المرض ولي حسي مخاصماني ما بتنضم معاي..... ماني عارف السبب شنو؟
|
|
|
|
|
|
|
|
Re: بعض الحليب انت.....و الكديسة انا (Re: سجيمان)
|
يا سي جي مان
عندنا واحد في ريفي مروي ؛ شاعر مفوه ؛ بيكتب شعر جميل زي حضرتك ؛ وشهرته في المنطقة ضربت الافاق
عندو حبيبخ ؛ كتبليها التالي
عينك ..النخامة في الجر وشعرك ..الحنقوق الضكر انت زي عود المنجل ..في اباطي وانت زي حبل التور ..في ضهري
وزيك ما قدر يكمل القصيدة؛ لكن من الانفعال ؛ لا من العجز ؛ وتنهد قائلا
آحي ؛ امانا الغي دا ما حار
لكنه لم يلبث الا قليلا ؛ حتي اختلف معها ؛ بسبب امها ؛ تلك الحماة التي لم تكون ؛ والتي منعته شيئا ؛ ووجدت محبوبته تتسكع تحت ضل بيتهم ؛ فقال
الفسالي ؛ يا ها الفسالي بيتنا في الواطي ؛ وبيتكم في العالي قومي من ضلنا امك ما احمتني النار ؟؟
| |
|
|
|
|
|
|
Re: بعض الحليب انت.....و الكديسة انا (Re: سجيمان)
|
سيجيمان لك السلام اسي عليك الله بعد الكلام الكتبو دا ما عرفا مخاصماك ليه والحمدلله البقت علي الخصام وما فلقتك بي مصيبة وبعدين يا سيجيمان شنو حكاية البمبي دي وهل اللون البمبي دا عندو علاقة بالحب وليه اوضة النوم دايما بمبية
يديك العافية ايها الجميل بي كلامك دا عبدالله جعفر
| |
|
|
|
|
|
|
Re: بعض الحليب انت.....و الكديسة انا (Re: سجيمان)
|
يا سجيماااان لبنك دا لاقريباً بنحرس ولا بعيداً بنفات
وقبح الله الآمراض تفتك بكل شئ حتي الحب
وجوابك فقد المنطق فافقدك الحب
اهداء اخاصمك اه ...اسيبك لا والباقي كملو ليها انت ممكن يحدث الله أمرا
ولك حبي
جمال عبدالرحمن -------------- وارموا لقداااام
| |
|
|
|
|
|
|
Re: بعض الحليب انت.....و الكديسة انا (Re: سجيمان)
|
بسم الله الرحمن الرحيم
يا سجيمان ياخوي
إذا كان دا شعرك أنا بضمن ليك حاجتين
الأولى خطيبتك ما بتجييك مش لو قدمت ليها حليب لو قدمت ليها فيزا ما بتجييك
الثانية لا يتبعك الغاوون لأنهم مشغولين جداً
عاطر تحاياي
| |
|
|
|
|
|
|
Re: بعض الحليب انت.....و الكديسة انا (Re: سجيمان)
|
يا مافي امل........ احبك اه...... اسيبك لا
سلامتك انتي وكر يا يمة وكافي البلا
الناس جنبك دوم اتبرا..... وانتي منقة كسلا
ما يشوفها الموصلي يسرقها ويقوم يلحنها ويغنيها وانا اطلع بقدالقفة
يا شنا................... الغاوون مشغولين بشنو؟
| |
|
|
|
|
|
|
Re: بعض الحليب انت.....و الكديسة انا (Re: سجيمان)
|
دي بقــولو عليــها جيــت تكحلـــها عميـــتها
والكديســتة بكحلوهـــا عشــان المطــرة ما تصـــب وإنت حقـــتك عشـــان تكمـــل الفضل في الحـــــب
والكدســـة بقوا عمــلة صعـــبة (الله يعوضك) صـــلحة
| |
|
|
|
|
|
|
Re: بعض الحليب انت.....و الكديسة انا (Re: سجيمان)
|
سجيمان أيها الفنان أنت شاعرن و أديبن أريب و عجيب تفوح من شعرك بوشعات الألق و تدخل إلى لبوخات الإبداع من شغافيف البنفسج السائله لله درك يا فتى
و إن كانت محبوبتك الكديسيه قاسية القلب قد سدرت في غيها و أبت أن ترعوي لحبك الصادق و إبداعك الغالي بالدورار.. فقل لها كما قال صنوك رميدان الحردان لمن تمنعت و ازدرت قصائده البنفسجيه
و حردت ليك نبقة هواك أديها للفقرا المهوين ديك
| |
|
|
|
|
|
|
Re: بعض الحليب انت.....و الكديسة انا (Re: سجيمان)
|
يا سجيمااااااااان
يديك العافيه ويطول عمرك ويخلي ليك و ليداتك
يعليك ما يدليك حباك نبيك
السكر طعامك و الجنه مقامك قول اميييين جمعا
ودي اختياريه لو عايزه قول امين يديك طاحونه و مره مجنونه
تسلم يا غالي ضحكتني من جووووووووووه قلبي
ويا سيدي انت شاعر و شاعر و شاعر
و كان الجماعه زنقوك انا بكلم ليك واحد صاحبي يكتب ليك قصيده
تحياتي ... ناصر البطل
| |
|
|
|
|
|
|
Re: بعض الحليب انت.....و الكديسة انا (Re: bayan)
|
الزول سجيمان ... سيد الكلم الفنان
اشعارك ... تورم الاضان
وتفرتق حفلة الحبان
وحبيبتك يا خوى ماكحلتها بالبنبان
وهى اكان بتشرب الالبان
كان جاها الغيرقان
تكون دى كديسة الجيران
لوووول ولولااااان
يدكو
| |
|
|
|
|
|
|
|