|
|
 احتفالات الجالية السودانية بسيدني بالعيد ( صور )
|
كان يجب أن اقول احتفلات الجمعية السودانية الاسترالية بليفربول استراليا ولكن لان الاحتفال الذي تعودت الجمعية بلفربول أن تقيمه كل عبد صار يعبر عن كل سدني فياتي الناس من جميع اصقاع الولاية الى ليفر بول ويجمع الجميع برغم وجود جالية سودانية ضخمة ببلاك تاون الا أنهم حنى الان لايملكون كمينوتي يجمع شملهم وهم عارفين السبب وتمنى العيد القادم تكون جالية بلاك تاون عملت جمعتها وبقى ليها كيان او اتوحدت كل المناطق في كمينوتي واحد يشمل كل ولاية نيوساوزولز
المهم خليكم مع الصور ولينا كلام كتير
( جانب من الحضور والتياب اشكال والوان ذي ماتدور )
|
|
 
|
|
|
|
|
|
|
|
Re: احتفالات الجالية السودانية بسيدني بالعيد ( صور ) (Re: Muna Khugali)
|
الاخوة القائمين علي هذا الجمع كل عام وانتم بخير فقد اثبتم فعلا يا
ناس استراليا بانكم سودانيين صحي صحي بالرغم من علمي بزوغان
وعدم الكثير من السودانيين المقيميين بسدني عندي كثار رايحين
هناك واحدين زايغين كاسرين كرونا هناك وما في داعي لزكر الاسماء
جمع رائع لان السودانيين دائما في الغربة اما شلاليات او عصابات بضم
الصاد لو سمحت اي جمع عصب او في واحدين كمان عاملين فيها
ما شغالين بالناس اي انما ياكل الذئب من الغنم القاصية
يعني المطلوب من السودانيين في اي خط علي الكرة الارضية
ان يلتقوا وبيتحدوا ويتناقشوا ويتفاكروا ويتراحموا ويتحابوا فنحن
اما مسلمين يجمعنا الاسلام وهو دين معروف او سودانيين يجمعنا وطن
واحد هو السودان وبرضوا معروفين بتجمعاتنا وصداقتنا مع اولاد
وبنات الجنوب
وبهذا تكون الجالية السودانية بسيدني من انشط الجاليات السودانية علي
خطوط الطول والعرض ثانيا فقد سبقت كل الجاليات الاخري بالاحتفال
بقدوم العيد بالرغم من استراليا متقدمة في الاحتفال بالعيد عن كثير
من دول مثل اليابان والصين وكوريا والهند وماليزيا وسنغافورة وبروناي
ولكن برضو ناس استراليا يصلو صلاة العيد باكثر من اربعة ساعات قبل
السودان والشرق الاوسط
ثالثا هي رابطة قوية بحق وحقيقة ويلا نشوف باقي جاليات الشتات
والجفاف عقبال ما يحتفلوا ويتلموا
تخريمة مرة لقيت واحد سوداني نظرت اليه ونظر الي عرفت انه سوداني
حاولت التقرب بنظري اليه هرب بنظره عني بل حاول ان يخفي جسده
الفرعوني الفارع عني تقربت بجسدي اليه ولكنه فجاة تلاشي من امامي
قلت في نفسي واحد من التلاتة
اما السوداني دا عامل عملة وهربان منها
او السوداني دا
مفتكرني حاشحذه فلوس او حاجة كده
او السوداني دا
من المتنكرين اياهم يهربون عن ارضهم واهلهم ويبتعدون عن الاحتكاك
براوبطهم وتجمعاتهم فانما ياكل الذئب من الغنم الغاصية كما قال
رحمه الله محمد طه محمد احمد
| |
|
|
|
|
|
|
|
|
|
Re: احتفالات الجالية السودانية بسيدني بالعيد ( صور ) (Re: Amin Mahmoud Zorba)
|
.....
.............الأخوان و الأخوات ............و كل الصغار الحلوين بالجمعية ليفربول السودانيه ..
......بقيادة المربّي و شيخ الحله ............. الأخ ياسر الطيب ... و بقية العقد الفريد من الأصدقاء باللجنه......
......كل عيد......اعياد.... وانتم بالف الف الف خير... و ايامكم كلها ممتلئه حتي التخمه.... افراح .... و اعياد....
..........الأخ امين.....
... ياخي ما لقيت ليك صوره حتي لو بتاعت الباسبورت عشان تنزّلا مع الصور دي ... طالم حسن النور ما فاضي و مع الكنغارو..... و كمال قسم الله من استراق النظر ..... و بشري مع النقه .... و الشيوخ الكبار ( شيخ الحله ياسر و شيخ
...الطريقه مولانا علي العوض) مرّه رد علي موبايلات و مرّه نقّه و عبد الوهاب مع ال JET-SKI ENGINE كان تجري علي الجكيس يصورك و مره واحده سيبك من تصّور معاه.....
.... لك الورد يا جميل....
... بالمناسبه .... يبدوا انك دقست و انت في بتنزل الصور بسرعه ..... لآ حظ تحت صورة عمنا محجوب ابو النجا انت كاتب الأسم منو ؟؟؟؟؟ عدّلو سريع قبل ما ........................
....
| |
|
|
|
|
|
|
|
|
|
Re: احتفالات الجالية السودانية بسيدني بالعيد ( صور ) (Re: Amin Mahmoud Zorba)
|
تحياتي لسوداني استراليا او الاستراليين من اصل سوداني
اخص اهالي سدني وتذطرني بمدينتي مدني وسبحان الله الذي اسري بعباده
ناس بشري وعصمت من مدني الي سدني
اخص الفاكهة التي لا فصل لها الاخ كمال قسم الله وهو عطر القاهرة باريج لا زال يسكن في كفرها
نسبة لكفر الطهرمس وروكسي والان هو تاج يزين سماء سدني والله لينا من ناس سدني
الاديب الاريب امين زوربا بحاله وهو مهموم بالثقافة ونهضة الوطن
يا الله علي العوض والريس ياسر سويا اجتمع جيل البطولات بجيل التضحيات
نحن هنا كرعينا حفت من كظاهرات الدعم المالي والمعنوي لدارفور والسودان
بعودة الديمقراطية وسلامة الوطن من العصابة الحاكمة
احمد حلولي الرجل الطيف وظريف والذي اشتغل بالهندسة وسط اولاد بمبا
له التحية ولعطبرة الوطن السلام
نساء سدني الراقيات جميعهن لهن الوقفة والاجلال تحملن شقاء خدمتنا والسهر علي راختنا اينما كنا
حان الوقت ان نرد لهن الجمايل اضعاف
سلام لايمن الحبوب ودكتورة ايمان وسلام لسلوي والطاهر برغم الغياب
صديقي الجميل الحقوقي انساني حسن النور واه من المنظمة السودانية لحقوق الانسان
عاصم الطيب لم اري صورتهواظنه ماسك سر الرحلة والبارب بكيو
تحياتي لكم /ن جميعا
| |
|
|
|
|
|
|
|
|
|
Re: احتفالات الجالية السودانية بسيدني بالعيد ( صور ) (Re: ابراهيم برسي)
|
أمين والله دى أجمل عيدية
توثيق رشيق وبوست خفيف الدم
إنشاءالله ربنا يجمعنل دائما فى ملمات السعادة
فى حلنا وترحالنا ويوحد قلوبنا ويشتلها محنة.
حرضنى بوستك لدخول سودانيز رغم إنى لى مدة عايقانى
المشغولية البلا مشغولية, لذلك أنتهز فرصة دخولى بإنتهازية
مشروعة وأهنىء جميع اهلى السودانيين والإخوة بالبورد
وأخص بالتهنئة الاخ الفنان محمود ريحان بتهنئة مزدوجة بقدوم
إبنه رغم التقادم والاخ عبد المنعم إبراهيم الحاج وأولاده
قاسم اسماعيل وصبرى الشريف, شلة أوسلو وأمستردام, أنتويرب وكاردف.
لكم اهدى فرحة أطفال يوم العيد.
شكرا مكررا أمين وشكرا للجمعية السودانية بليفربول دورة 2006-2006
بقيادة ياسر الطيب والدورات السابقة بيتر ينى و معتصم أبو عيسى.
| |
|
|
|
|
|
|
|
|
 Re: احتفالات الجالية السودانية بسيدني بالعيد ( صور ) (Re: Amin Mahmoud Zorba)
|
(الاستاذ عبد الوهاب احمد سعيد الذي افتقدناهو في هذا اليوم ضبط وهو في رحلة اسرية خاصة يتجول في شواطي سيدني مع حرمه المصون )
زوربا
قلت شواطئ سيدني ؟!
عبدالوهاب ونادية كانوا في شواطئ ماليزيا
وكمان معاهو عم صبحي وحرمه السيدة ريتا !
شفتا الاخبار بجيبوها كيف يا داقس ؟
على اي حال
نتمنى ليهم رحلة سعيدة وعودة بالسلامة
بس كانوا يكلمونا بدل ما نتمقلب ونمشي نعيد عليهم
نلقى الديار خالية حتى اشعار آخر
والسنة الجاية انت والبلومة سامية ومدى في شواطئ الباهاما
| |
|
|
|
|
|
|
|
|
|
Re: احتفالات الجالية السودانية بسيدني بالعيد ( صور ) (Re: خالد العبيد)
|
الاصدقاء في كل مكان لكم الود نأسف كثيراً لهذه الانقطاعة الطويلة ونعود وسوف ارد على الجميع فرداً فرد ولسة الصور أكثر من 75% في جراب الحاوي بس حاوريكم عينة من نهاية الحفلة ورغم اني كنت ماشي بالترتيب طبعاً في النهاية ربت ربت الذين احبهم كدي شوفو ده وبعدها نواصل الترتيب
والبلاقي هشام هباني يقول ليه نحن منتظرنك هنا في البوست ده
لو ماجيت مابننزل ليك باقي الصور
(طبعاً ذي ما قلت ليكم ده الجانب الخفيف التقيل في السكة)
| |
|
|
|
|
|
|
|
|
|
Re: احتفالات الجالية السودانية بسيدني بالعيد ( صور ) (Re: Amin Mahmoud Zorba)
|
( وفي وسط الحفلة كانت امل ام العريس تعد العدة لفاكهة الاحتفال وهي حنة العريس ( يوسف الكوة ) او ( يوسف العبيد ) وهو شقيق الاستاذ ( ياسر العبيد ) الموجود حالياً بالسودان في اجازة لتجهيز زواج يوسف في الاسبوع الثاني بعيد العيد وسوف يغادر الاستاذ يوسف سيدني في بحر الايام القادمة الى السودان وهناك سوف تكتمل الافراح وحين يعود الى هنا سوف تبتج ليفربول ابتهاج خاص التحية للاستاذة امل التي جعلت كل هذا الفرح ممكناً وبجانب يوسف يجلس السيد مهدي والذي وصلت زوجته قبل قليل الى سيدني قادمة من القاهرة الف مبروك لمهدي وبركة الانحليت )
| |
|
|
|
|
|
|
|
|
|
Re: احتفالات الجالية السودانية بسيدني بالعيد ( صور ) (Re: Amin Mahmoud Zorba)
|
اول شى يا زوربا مشتاقين
تانى شى هاك المدى دا, ايه الجمال دا
تالت شى انت متاكد انهو دى سدنى.
المهم يا سيدى انا فقدت تلفوناتك ارجو ارسالها تانى و آخر شى انا الايام دى بالامارات و التقيت صديقنا ابايزيد هنا و كل الاشواق .
ملحوظة انا لازلت فى رحلة البحث عن عمل و ياخى كنا عايزين نشزف صورتك يا سدنى انت
| |
|
|
|
|
|
|
|
|
|
Re: احتفالات الجالية السودانية بسيدني بالعيد ( صور ) (Re: Amin Mahmoud Zorba)
|
حسن النور
يا راجل يا كلس
سبحان الذي يحي العظام وهي رميم
لا بأس عليك يا زول يا رايع
والناس بتقول
البلد الما فيا التمساح
بقدل فيها الورل
أها ورونا عمدتكم منو ?
إنت ?
ولا كمال قسم الله ?
يا حليلك يا حسن ويا حليل
أيام رابعة العدوية
ورحم الله صديقنا عبدالعظيم إدريس
أخونا ياسر الطيب
وينك يا زول
شايفك متجدع
وبعدين
وين أحبابك ناس خضر محمد عبدالله
ومنى محمد عبدالله وإبننا نبيل عبدالله الماحي
سلام يا منى وعبرك التحايا
لأخونا بكري جابر
كل عام وأنتم بخير
ودمتم
عمر
| |
|
|
|
|
|
|
| |
Amin Mahmoud Zorba
Muna Khugali
قاسم المهداوى
Dr.Saeed Zakarya Saeed
elham ahmed
Tragie Mustafa
بكرى ابوبكر
شهاب الفاتح عثمان
خالد العبيد
Hololy
ابراهيم برسي
lana mahdi
Hussein Mallasi
اسامة الخاتم
هشام هباني
عمر دفع الله
فيس بوك
تويتر
انستقرام
يوتيوب
بنتيريست