|
|
 امس جانى حرامى واليوم رزقت ببنت ...يلا عايزين اسم نرجو المساعده (هناك جائزه)
|
اولا رمضان كريم وكل سنه وانتو طيبين
رجعت امس من المكتب ولقيت البيت كلو مكسر والسيد الحرامى كسر خمس بابات ودولاب غرفة النوم وسرق كل ما هو موجود الريسيفر وستيريو وكاميرا ديجيتال ويبدو انه لم يجد مبتغاه من الذهب والمال الغير موجود اصلا
واليوم رزقت ببنت حوالى العاشره صباحا بالجناح بمستشفى الدايات بامدرمان . وعندكم فرصه لحدى الخميس عايزين اسم غير مكرر توجد جائزه كبرى
خالد
|
|
 
|
|
|
|
|
|
|
|
 Re: امس جانى حرامى واليوم رزقت ببنت ...يلا عايزين اسم نرجو المساعده (هناك جائزه) (Re: ود العجمى)
|
الأخ العزيز ود العجمي
ألف مبارك تشريف الأميرة
وألف حمداً لله على سلامة والدتها
جعلها الله قرة أعين لكما
ربنا يعوضك بأفضل مما أخذ السيد اللص ( هو بيسرق في رمضان ما صايم ولا شنو ؟؟ )
اقتراحات الإخوة والأخوات جد رائعة . لكنني توقفت عند إقتراح الأخ الحبيب د. حيدر
ومعه ندعو ربنا الكريم أن يجعلها ( وافرة ) ديناً ودنيا .
طرفة
في عام 1996 وضعت زوجتي بنتاً وكنا قبلها قد رزقنا بثلاث بنات ولم يكن إبني ( محمد الأمين ) قد شرفنا بعد . أثناء فترة الحمل كان لدى إحساس قوي أن المولود بنتاً لذلك تناقشنا في الإسم المقترح مع زوجتي وكريماتي ووقع إختيارنا على إسم ( فرحة ) .
بعد الولادة إتصلت تلفونياُ بوالدتي أبشرها وأبارك لها البنت . أخذت السماعة شقيقتي الصغرى وكانت مشهورة بيننا بصراحة رأيها وعدم تزويقها للكلمات . بعد المباركة سألتني عن الإسم المقترح للمولودة فأجبتها بأننا إتفقنا على إسم ( فرحة ) ففاجأتني بقنبلتها :
" ياخي إنت ومرتك ما تخلوا الكضب بتاعكم دا . يعني هسع في زمتكم خلاص ( فرحانين ) وماكنتو متمنين المولود دا يطلع ولد يكون أخو أخواتو ديل ؟؟؟ عليكم الله بلاش تعقدوا البت ساى . شوفوا ليكم أى إسم تاني . "
أعدنا مشاوراتنا وأسميناها ( أريج ) وهي بالفعل ريحانة الأسرة .
| |
|
|
|
|
|
|
|
|
|
Re: امس جانى حرامى واليوم رزقت ببنت ...يلا عايزين اسم نرجو المساعده (هناك جائزه) (Re: عمر الفاروق)
|
العزيز ود العجمى
رمضان كريم و بنيتك مبروكة و تربى فى عزكم يا رب .
زمااااااااااااان كان غنية طنبور اظنها فيها مقطع بقول:
قول ليا يا قوليهم لو سالونى اسمك مين ,اقول (نوار) (عبير) (ازهار) و الا اقول (شذى) ال (ياسمين )
اما فى امر الحرامى نسأل الله ال (رحمة) و ال (يسر) بضم الياء.
و ان شاء تكون شالية اسمها و ان تكون قرة عين لك و لامها منى ال (سلام) و ال (ود).
ملحوظة:كل ما ذكر بين الاقواس مقترح لاسم بنت .
نادية السر
| |
|
|
|
|
|
|
|
|
|
Re: امس جانى حرامى واليوم رزقت ببنت ...يلا عايزين اسم نرجو المساعده (هناك جائزه) (Re: Nadia Elsir)
|
أولا : الف حمد لله على السلامتين وكفارة السرقة وفتلة المصروفات والسماية والذي منه وألف مبروك المولودة وتتربى في عزك يا خالد عبد العاطي
ثانيا : تستاهل !! كل ماورد في أولا أعلاه . لأنك خليت (أي حاجة ) وختيت البنات في بالك !!
ثالثا : اتبرع بالجائزة ، ليس للأمورة ولا لأمها ولا لأحد . لك شخصيا لأني عارف الحال في مثل هذه الأحوال [... أو على رأي الممتحن على أيامنا والذي لم يضرب معه الاسبوتنق : شايف الزول الجنب الشباك داك ... أدي معاك موية !!]
.... في أسماء البنات العربية
...وزن فعول : سجود ، وجود ، نجود ، بدور ، عهود ، شموخ ، وضوح ، صبوح
وزن فعيل : هديل ، حنين ، يقين ، أريج ،
وزن فعال : نضال ، إباء ، جمال ، بهاء ، دعاء ، سحاب ، سماح ، سلام نهال ، ثبات ، حياة ، نجاة ، منال ، روان ، رواء ، مرام ، ملاذ ، رذاذ
... وزن فعل(بضم الفاء وفتح العين) : زحل سهى نهى مقل (بضم الميم يا شوايقة يا مطرطشين!!) سرا ذرا علا مهج غنا منى رؤى سور حلل
وزن فعل (بضمهما معا): مدن شهب سحب
وزن فعل (بفتح الفاء والعين) : أمل سما سنا سمر قمر حلا شذى ندى
وزن فعلا- فعلة- فعلاء : رندا ، نهلة ، ميساء ، شيماء ، سلوى سلمى ...
وزن فعالة: براءة
الأسماء الواردة جميعها وعددها 60 تقريباهي أسماء لبناتي (الافتراضيات) الموسمات بالاحمر ديل already جن !!
محبتي يا خالد
وتحياتي إلى الجميع بطرفك ، لا سيما بكري
| |
|
|
|
|
|
|
|
| |
ود العجمى
Tragie Mustafa
Haydar Badawi Sadig
صباح احمد
شهاب الفاتح عثمان
Ishraga Haimoura
عمر ادريس محمد
Abureesh
عبدالله شمس الدين مصطفى
محمد الامين محمد
yasiko
garjah
tmbis
عاطف عمر
ابو يسرا
يازولyazoalيازول
تولوس
ابو عثمان
عمر الفاروق
ابو جهينة
فتحي البحيري
Haytham Abdulaziz
بلدى يا حبوب
bashir adam abdalla
ghariba
Sobajo
امير عوض الجمري
JAD
Gaafar Ismail
Tumadir
خدر
عزيز عيسى
رشا سالم
bayan
معتصم دفع الله
فيس بوك
تويتر
انستقرام
يوتيوب
بنتيريست