|
|
|
 Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
بناءا عليه عندما نتحدث عن الجلابة كشريحة وذهنية من نماذجا حاتم الياس، فالمقصود تحديدا هذه الصياغة الحالية لذهنية امثال حاتم.
عناصر اومكونات الصياغة الاستعمارية للعقلية الجلابية:
1) ان الجلابي من حيث الهوية عربي، ومن حيث الدين مسلم.
2) كمقابل موضوعي للجلابي نجد "الجنوبي" كافريقي اوزنجي، من حيث الديانة مسيحي.
ماذا عن الغرب والشرق؟
الصياغة هنا، اقتضت الصمت لاسباب عملية او تكتيكية، ساعدت في فصل الغرب عن الجنوب او ده كان ضروري جدا، والا لاستحال الهيمنة لاقلية الجلابة علي كل السودان لوجنحت موازنة الصياغة الي استعداء الغرب، معقل القومية السودانية اللتي انجبت الثورة المهدية، باضافته للجنوب، وان عملت الصياغة علي الانفراد بجبال النوبة في اتباع ذات السياسة الاتبعت تجاه الجنوب.
وهكذا مرحليا تم تحييد الغرب، مع الايحاء انو يتبع للشمال الجغرافي، بحكم الاسلام.
... نواصل..
| |
 
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
| Quote: تاريخيا شريحة الجلابة اي سكان اقصي الشمال من طرف، مابين حوش بانقا او حلفا، عرفو بعلاقتم الوطيدة بالغزاة، وقد اشتغلو بالاتجار في بني جلدتم كنخاسة وسماسرة استرقاق، عندما تحول السودان لمزرعة رق ضخمة عقب انهيار اخر معاقل الحضارة الكوشية في دنقلا العجوز في القرن الرابع عشر الميلادي. |
فكر بائس كبؤس صاحبه,
وتصنيف إثني وجغرافي,
أول سقطة لهذا المشروع هي جيوش جاويش والمك نمر التي قاومت التركية فانقرضت عن آخرها
وثاني سقطة لهذا التصنيف هي مئات الألاف من الأرواح الشمالية التي حصدتها حملات الدفتردار الإنتقاميـة,
وثالث سقطة لهذا التصنيف هي مئات الألاف من الرايات الشمالية بقيادة أب قرجة والشيخ محمد الخير وإبراهيم ود سعد والتي حاصرت غردون وردت حملة أبو طليح لإنقاذ غردون بعد تكبيدها الخسائر
ورابع سقطة لهذا التصنيف هي جيش ود النجومي, الذي غزا مصــر وانقرض عن اخره فيما بين دنقلا وتوشكي,
أما مؤتمر الخريجين وتمرد الجيش في 1924 والحركة الوطنية فكلها شواهد بارزة وقريبة لا تتجاوزها ذاكرة..
بشاشا رسوب تاريخي مشين وكراهية إثنية لا سبيل لنفيها,
أحمـد الشايقي
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: أحمد الشايقي)
|
احمد الشايقي مرحب،
اولا خت بتيخة صيفية في بطنك:
طبيعية اشياء مواقفنا او طريقة تفكيرنا، انا او انت تحتم، واقع طرفي النقيض هذا، فهدئي من روعك، مع اعترافنا، كيف تعريتنا ليكم دايما مروع، باعتبارنا كجلابة زيكم، عارفين البير او غطاه، اوعشان كده انت اوجوغتك الفوق دي، اعصابكم بايظة!
غايتو حقكم راح يالجلابة، مع شاهد الملك بشاشا، الشايف كلو حاجة!
عيييييييك!!!!!!!
نجي لي كلامك:
حسب منطقك يااحمد الشايقي، الجلابة بعدما انهزمو بواسطة جيوش الغزو، بعد الاستسلام تحولو لي اداة الغزاة الاساسية في تركيع السودان او استرقاقو، وابلغ دليل هو احمد الشايقي الباشبوذقي، ده زاتو! بعد اكثر من نصف قرن من رحيل جيوش الخديوية، احمد الشايقي يظل الي اليوم، باشبوذقي من الطراز الاول، حامل لي جرثومة الخديوية، بل عضو كبير في تنظيم الملك فاروق، المعروف بالحزب الفاروقي، اقصد الاتحادي!
احمد الشايقي الباشبوذقي، حوار عميل فاروق، الميرغني "باشا" يكره الزنوج وبالذات "الغرابة"، اوتحديدا التعايشي، يبجل سلاطين "باشا"، يحترم الزبير "باشا"!
الدليل علي كلامنا حول دور الجلابة كاداة استعمار، هو بالضبط اوعلي التعتر ليك يالباشبوذقي، هو احمد الشايقي الباشبوذقي زاتو!
شفت المقسة؟
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
تقسيم السودان الي شمال عربي مسلم في مقابل جنوب زنجي مسيحي، هو اساس تركيبة قنبلة حربنا الاهلية، الاقتلعت بذرة القومية السودانية كوعاء تصهير لمختلف تشكيلاتنا الجهوية، الاثنية، الدينية، والقبلية، كماحدث في فترة المهدية.
لذلك نفس هذه الفكرة الجهنمية، طبقت في كل ارجاء الوطن، علي نحو مصغر داخليا في كل الاقاليم، وكمثال نجد تقسيم زرقة في مقابل عربة في الغرب، او نوبة في مقابل عرب في اقصي الشمال نفسو، مما يجعل توحيد السودان علي اساس قومي واحد مستحيل تماما.
كنتيجة هذه الاستراتيجية العبقرية ادت المطلوب بالضبط.
والان وبعد انتهاء العمر الافتراضي للتصميم، وتشقق صرح العقلية الجلابية تحت ضربات المد الثوري القديم في هامش اليوم، هاهم غزاتنا يعودون من الغرب هذه المرة، لايقاف مسيرة المد الثوري القديم، اوعلي لاقل التحكم في خط مساره، ولكن جماهير المد الثوري المهدوي القديم، وعت الدرس تماما، ولن تلدغ من ذات الجحر مرة ثانية.
سنعود لنفصل استراتيجة وهم العروبة، كمكون اساسي للذهنية الجلابية.
احمد الشايقي مرحب، جاييك بي مزاج.
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
نرجع لي طلب حاتم الياس الباحث عن مخرج من قبضة الذهنية الجلابية
ونقول:
السودان ليسو بعربان ياحاتم، بدليل تسمية العرب لنا بالسودان كتمييز لنا عن العربان.
علي كده، كخطوة اولي وعاجلة علي حاتم التخلص من احابيل وهم انو عربي، وبالتالي متميز عن بقية السودان اي السودانين.
واضح ياحاتم كما شرحنا، انو دي لعبة قذرة جدا بواسطة محتلينا، هي المسؤولة عن كل الانت شايفو ده.
علي كده،
لوانت عربي، فانت ماسوداني!
لوانت عربي، فانت مستعلواتي!
لوانت عربي، انت ابارثيدي!
لوانت عربي، انت جهوي!
لوانت عربي، انت جلابي!
قاصد ماقاصد، واعي ماواعي، عايز ماعايز، خارج نطاق الشمال، لوانت عروبي، انت مع النظام، مع المركز، اوضد الهامش، بغض النظر عن نواياك!
داخل نطاقك الجهوي الجلابي، كيساري ممكن تقول علي روحك معارض او مناضل، اوثوري، اوما ادراك.
باعتبار دي كلها معايير اوقيم اوقاموس خاص بي ادبيات الصراع علي السلطة مابين الجلابة.
ده السبب انك حتي لوماقاصد، متي ماتعلق الامر بي سياسة اقليتك علي مستوي الدولة تجاه الاغلبية او الهامش، وانا مابهضم المفردة دي، ولكني مجبر، فحتلقي روحك في سرج واحد مع نظامك، كمافي موقفك من دارفور او لاجئي حديقة مصطفي محمود!
عشان كده ماصدفة كيف اصبحت وطني اوشريف في عيون رموز النظام ذي بيان او ودعقيد!
المصيبة في امثال ود ابكر، يحاكو فيكم، اويبارو فيكم، لمان فجاة بلقو روحم في خشم باب ناس بيان!
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: حاتم الياس)
|
| Quote: تاريخيا شريحة الجلابة اي سكان اقصي الشمال من طرف، مابين حوش بانقا او حلفا، عرفو بعلاقتم الوطيدة بالغزاة، وقد اشتغلو بالاتجار في بني جلدتم كنخاسة وسماسرة استرقاق، عندما تحول السودان لمزرعة رق ضخمة عقب انهيار اخر معاقل الحضارة الكوشية في دنقلا العجوز في القرن الرابع عشر الميلادي. |
المرجوالانتباه لما باللون الاحمر والذي يوضح جليا مرامي الامير الكوشي
كيف كان انهيار اخر معاقل حضارة كوش
وعلى يد من
؟
بعدين دي ياها حضارة كوش مبع ثقافة الخفاض ولا كوش واحده تانية
جاييك براااااااااحة
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bakhaf)
|
بشاشا
تحياتي
وفقا لرائك الجعليين جلابة وفقا للتاريخ الجعليين بقيادة ملكهم نمر حرقو إسماعيل باشا في سابقة تاريخية في محاربة المحتل.
علي الحاج وفقا لرائي جلابي سرق مال الشعب السوداني المرصود لطريق من اهم الطرق لتنمية الهامش في دارفور.
هجو من دارفور كان مدير جهاز الامن في مدني عذب وقتل ومتهم بقتل عبدالمنعم رحمة.
برقاوي اطل علينا في قناة الجزيرة ونكر أي موت في دارفور وقال عني عميلة لانني قلت في قناة الجزيرة ان بدار فور موت وسخل وقتل واغتصاب.
عمر البشير الجلابي عذبنا جميعا انا وصديقي حاتم الياس مرة واحدة ونحن محسوبين على قبائل تدعي العروبة" رضينا ام ابينا.
لكن الفرق بينا وبينك نحن صراعنا مع مؤسسات سياسية وليس مؤسسات عرقية.
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
الاحتلال الثنائي، قطعا لم يخترع من عندو، احابيل وهم عروبة اقلية الشمال، بقدرما تولي بالرعاية والسقاية لبذرة سلفا كانت موجودة وبقوة.
ليس هنا مكان الخوض في تفاصيل عشعشة هذا الوهم في عقول الشماليين، ثم بقية المسلمين في السودان، والغرب والشرق الافريقي، من المحيط لخليج القرن الافريقي.
لهذا نجد تنصيب الاحتلال لمجموعة عميلها ود سعد، كسادة للقبائل العربية، ثم تضمين كسوة الشرف هذه في المقررات الدراسية، اللتي صاغها الاحتلال، صياغة محكمة.
طبعا مافي عاقل بصدق انو الغربي، اوالعربي الشامي بالذات، ذي نعوم شقير، ممكن بالفعل يعتبر امثال ودعقيد مثلا، عرب!
في لبنان امثال الجعلي ودعقيد، حتي الاطفال منهم، تم حرقهم احياء، امعانا في كراهية العرب بالذات، للزنوج.
وقد حكي الجعلي اسامة الخواض تجربة مماثلة لهذه، حدثت له في لبنان!
خليكم من ده كلو، جيش كتشنر الزاحف نحو امدرمان، جنودو كانو ينشدون حينها:
Where the Nigers Go, We Can Go!0
نعم، بالضبط دي نظرة الاحتلال والعالم كله، لامثال حاتم الياس، ودعقيد، الطيب مصطفي، والبشير!
معروف حتي الجعليين انفسم ينظرون للبشير ك" فيهو عرق" زي ماقال الشايقي لي سارة عيسي!
الشاهد، عروبة اقلية الشمال، وبالصيغة المتداولة اليوم علي مستوي المؤسسات الرسمية، الاكاديمية، التربوية، في اساسا، لعبة امبريالية قذرة جدا جدا، وهي اساس مدخلات انتاج قنبلة حربنا الاهلية اللتي حصدت ملايين الارواح في ديارنا!
هذا الوهم، هو فيروس مرض فقدان المناعة الاحنا كسودانين، مصابين بيهو اليوم، اوعشان كده قلنا وهم العروبة هو AIDS السودان، والسودانيين!
لاامل علي الاطلاق في استقرار، او سودان واحد، مع هذا الAIDS!
....سنواصل....
نرحب بالضيوف الكرام والضيفات، فردا فردا.
سعيد جدا بي وجودكم.
جاييكم بعد مانقدم الموضوع شوية.
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: ماجد حسون)
|
Quote: دى واحد من اكثر النماذج سطوعا على ما يمكن ان ياخذ الكلام الخارم بارم شكلا فريدا
والله يا بشاشا فى حياتى ما قريت فذلكة تاريخية مليانة كلام فارغ وما مؤسس على اى حقائق ذى ده
شفتو كيف لمن بشاشا يحاول يطلع من الغوغائية والهتافية بتاعتو لى اى كلام علمى بيتفضح كيغ |
يا ماجد
لووووووووول
تفرد خارم بارم
غايتو يا ناس الهامش تبارو بشاشا ده، الهامش زاتو يهمشكم
______
يا بشاشا، قدر ما (أخت) فيك سوء الظن، برضك تخيب ظنى، وتكون (أزرط)
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
| Quote: والله يا بشاشا فى حياتى ما قريت فذلكة تاريخية مليانة كلام فارغ وما مؤسس على اى حقائق ذى ده |
ماجد حسون
بشاشا
هو بلا منازع صاحب اكبر مخزون للخبل الفكري..
لايمكن باي حال من الاحوال نعت المحمول الذهني لبشاشا بانه شي من قبيل الفكر..
لذا اعتذر عن وصفه بالخبل الفكري..
يعني حتى الكلام الدراب والكبير والاجتهاد في اخراج عبارات ثقافية تعلقيا على مواضيع بشاشا هي مسالة الواحد يتحسر عليها..
بشاشا
رمضان كريم ..
طرحك ركيك دوما ومن شدة ما تكالب الضعف عليه هجم الناس عليك جميعا.. العندو راي والماعندو..
فصورت لك نفسك انك تطرح شيئا جديرا بالنظر..
رفقا بنفسك..
النظر في امر هذه الهتاويل التي يقدمها مضيعة لزمن العباد ..
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
بناءا علي ماسبق، ياحاتم الياس، لوعايز تتحرر من عقابيل الذهنية الجلابية، فعليك اولا، التحرر من وهم انك عربي، عشان ماتكون سوداني بمعني الكلمة، مش بالمعني الدارج للمفردة.
مفردة سودان اوسوداني ذي ماقلنا، حاليا، بتستخدم وقد تم افراغها تماما من مدلولا اللفظي الحقيقي المباشر، اي انسان اسود، اي زنجي، لتعني بقدرة قادر، عربي!
هذا القادر المشار اليه، هو الاحتلال الثنائي، اوده مهم جدا، ولكن ليس هذا مقام تفصيل هذه الاستراتيجة الماكرة والجهنمية بحق وحقيقة!
شوف ياحاتم، الناس ديل سادو العالم بل ارتادو الكواكب الاخري فاتحين، بعد ان دانت لهم الكرة الارضية، ما بالساهل!
ابدا ياحبيب!
الغرب تبوأ مكانتو دي بي عرق الجبين، اولانو فعلا مؤهل اوبستاهل!
ده ما اعجاب وانبهار طفولي، بقدرما، فهم نقدي، من انسان يعي تماما، غرار الهوة العميقة جدا الاحنا كقوم سود، نتمدد الان في قاعا، مستلقين علي ظهورنا،
لاندري اين نحن؟،
من نحن؟
من اين اتينا؟
والي اين نذهب، من هنا؟
عشان مانساعدك في الاجابة علي الاسئلة دي، حتي تقوم من وهدة استلقاءك علي الظهر في جوف الجب هذا، فتحنا البوست ده!
انا برضي زيك، لقيت ناس اواخر الثمانينات هنا في امريكا، عملو فيني المعروف ده، اوساعدونا في ايجاد الاجابة علي الاسئلة دي!
المرة الجاية حاجاوب بي صورة مقتضبة، ثم نرد علي ضيوف البوست فردا فردا!
مرة اخري سعيد بالطلة اومرحب بيكم، فقط تقبلو كلامنا المر اللازع بذات اريحيتنا!
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
Quote: فكر قذر ينم عن خواء وعقدة لا فكاك منه
ماذنب أهل الشمال الآن ؟ هل تحاكمهم بجريرة من ذكرت في القدم؟ |
الشايقي ياسيكو، يامراحب،
قت لي فكر قذر؟
وهي الشهادة، ياصاح!
نبيذ كلامنا المعتق ده، بالنسبة لي اقحاح الجلابة، لابد، اوبالضرورة يكون قذر، علي وزن "ابن كلب" لمان الزول داير يشكر لي شئ!
اخوكم جلابي، اوعشان كده، كلامو من بيت الكلاوي، مابشبه كلام اي زول تاني، الا يكون insider زينا!
امانة ماحقكم راح مع بشاشا، يالجلابة!
نجي للجريرة:
لا ابد ماحاكمناكم بي جريرة اجداد كم الربو عيالم، بي اموال النخاسة، والاتجار في البشر، اقصد العاعيت بتاعين النيام نيام، السواهم بني ادمين، جدكم الزبير، عن طريق بيعم بالاقة، والكيلو!
لا، احنا بنحاسبكم، بجريرة الدم الفي رقابكم لي يوم الوقاف، للملايين، الاتوسدو الطوب، في بحر الغزال، في الجبال، والان دارفور!
شفت كيف ياسيكو؟
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
الأخ بشاشا تحياتي
البوست ده مهم جدا عشان يصحي الغافلين من الجلابة الماعارفين روحهم لسة والبيمثلوا فيها بريئين وما عندهم أي ذنب فيما حصل؟!!!
هنادي
| Quote: لكن الفرق بينا وبينك نحن صراعنا مع مؤسسات سياسية وليس مؤسسات عرقية |
سقوط آخر لواحدة يسارية!!
حلوة أنك جئت من النهاية وإتكلمت بطريقة العقل الجلابي الجمعي ووريتينا الفرق بينا وبينكم!
جاييكي أتمني بس الوقت يساعدني
| |
|
|
|
|
|
|
|
|
|
Re: خاص بحاتم الياس:من هم الجلابة..وكيف تتخارج منهم فكريا (Re: Bashasha)
|
| Quote: racism, hate, blood, death, and etc) are built on |
درق سيدو، ياسر طيفور، نورت.
قت لي، عنصرية، كراهية، اوما ادراك؟
انت نسيت اننا جلابة زيك علي قدم المساواة؟
السديري ده مابلفق مع جلابي، لانو مفصل علي مقاس امثال اخونا، ودابكر رغم خدماتو الجليلة!
فمافاهم مغزي عنصرية، من جلابي لي جلابة؟
واضح، انو اعيتكم الحيلة تماما، مع بشاشا، شاهد الملك الشاف كلو حاجة!
| |
|
|
|
|
|
|
| |
Bashasha
أحمد الشايقي
yasiko
Yassir Tayfour
Mohamed Suleiman
حاتم الياس
Bakhaf
hanadi yousif
فيس بوك
تويتر
انستقرام
يوتيوب
بنتيريست